நீங்கள் தேடியது "private factory"

ஸ்ரீபெரும்புதூர்:

ஸ்ரீபெரும்புதூரை அடுத்த வல்லம் பகுதியில் தனியார் மோட்டார் சைக்கிள் தயாரிக்கும் கம்பெனி உள்ளது. இங்கு ஆயிரத்துக்கும் மேற்பட்ட தொழிலாளர்கள் வேலை பார்த்து வருகிறார்கள்.

கடந்த சில நாட்களுக்கு முன்பு ஊழியர்கள் சிலர் தொழிற்சங்கம் ஆரம்பித்ததாக தெரிகிறது. இதையடுத்து 2 ஊழியர்கள் பணி நீக்கம் செய்யப்பட்டதாக கூறப்படுகிறது. இதனால் ஆத்திரம் அடைந்த தொழிலாளர்கள் கடந்த 21-ந் தேதி முதல் உள்ளிருப்பு போராட்டத்தில் ஈடுபட்டு வருகிறார்கள். இன்று 4-வது நாளாக போராட்டம் நீடிக்கிறது. இதில் 250-க்கும் மேற்பட்ட தொழிலாளர்கள் ஈடுபட்டுள்ளனர். #tamilnews

புதுச்சேரி:

சட்டவிரோதமாக ஏற்படுத்தப்பட்ட 4-வது காலகட்ட நீண்டகால புதிய உயர்வு ஒப்பந்தத்தை ரத்து செய்ய வேண்டும்.

2002-ல் ஏற்படுத்தப்பட்ட நிலையான சட்டத்தை தொழிலாளர்களுக்கு எதிரான விதிகளை நீக்கி புதிய நிலையான சட்டத்தை ஏற்படுத்த வேண்டும்.ஒப்பந்த தொழிலாளர்களின் மாத ஊதியத்தை குறைந்தபட்சம் ரூ 18 ஆயிரம் என்று உயர்த்தி வழங்க வேண்டும்.

3 ஆண்டுகள் பணி முடித்திருக்கும் ஒப்பந்த தொழிலாளர்களை பணிநிரந்தரம் செய்ய வேண்டும் என்ற கோரிக்கைகளை வலியுறுத்தி புதுவை சுதேசி மில் அருகில் ஏரிப்பாக்கம் தனியார் தொழிற்சாலை தொழிலாளர், ஊழியர்கள் 100-க்கும் மேற்பட்டோர் உண்ணாவிரத போராட்டம் நடத்தினர்.

தங்களது கோரிக்கைகளை புதுவை அரசும் தொழிலாளர் துறையும் நிறைவேற்ற வேண்டும் என்றும் வலியுறுத்தினர். #tamilnews

குடியாத்தம்:

குடியாத்தத்தில் தீப்பெட்டி தொழிற்சாலைகள் ஏராளமாக உள்ளது. இந்த தொழிற்சாலைகளில் உற்பத்தி செய்யப்படும் மருந்து தோய்த்த தீக்குச்சிகள் மற்றும் காலி தீப்பெட்டிகளை தனித்தனியாக வெளியில் கொடுத்து, தீப்பெட்டிகளுக்குள் குச்சிகளை நிரப்பும் ஜாப்ஒர்க் செய்யும் பணி பல இடங்களில் நடைபெற்று வருகிறது.

குடியாத்தம் நெல்லூர்பேட்டை பகுதியில் உள்ள ஒரு தீப்பெட்டி தொழிற்சாலையில் இருந்து குடியாத்தம் காளியம்மன்பட்டி பகுதியில் உள்ள ஜாப்ஒர்க் செய்யும் தீப்பெட்டி தொழிற்சாலைக்கு தீக்குச்சி மற்றும் பெட்டிகள் அனுப்பி வைக்கப்பட்டு, வேலை நடைபெற்று வந்தது. இந்த பணியில் ஆண்கள், பெண்கள் என 25 தொழிலாளர்கள் ஈடுபட்டிருந்தனர்.

நேற்று மாலையில் மருந்து தோய்த்த தீக்குச்சிகள் இருந்த மூட்டையை தொழிலாளர்கள் எடுத்து வைத்து கொண்டிருந்தபோது, உராய்வு ஏற்பட்டு திடீரென தீப்பற்றி உள்ளது. இந்த தீ மளமளவென அருகில் இருந்த மற்ற மூட்டைகளுக்கும், தீப்பெட்டிகளுக்கும் பரவியது. உடனடியாக அங்கிருந்த பணியாளர்கள் வெளியே வந்து விட்டனர். தீ வேகமாக பரவியதால் அப்பகுதி புகை மண்டலமாக மாறியது.

இதுகுறித்து தகவல் அறிந்ததும் குடியாத்தம் தீயணைப்பு நிலைய அலுவலர் பழனி தலைமையிலான தீயணைப்பு வீரர்கள் விரைந்து சென்று தீயை அணைத்தனர்.

இந்த விபத்தில் பல ஆயிரம் ரூபாய் மதிப்பிலான தீப்பெட்டி பொருட்கள் எரிந்து நாசமாயின. மேலும் இதுதொடர்பாக குடியாத்தம் துணை போலீஸ் சூப்பிரண்டு பிரகாஷ்பாபு, இன்ஸ்பெக்டர் இருதயராஜ், கிராம நிர்வாக அலுவலர் வெங்கடாச்சலம் ஆகியோர் நேரில் சென்று விசாரணை நடத்தினர்.

இந்த தீ விபத்தின்போது பணியாளர்கள் உடனடியாக வெளியேறியதால் அதிர்ஷ்டவசமாக காயமின்றி அனைவரும் தப்பினர். 

திருப்போரூர்:

மேற்கு வங்காள மாநிலத்தைச் சேர்ந்தவர் சந்தோஷ்(வயது 19). இவர், காஞ்சீபுரம் மாவட்டம் திருப்போரூரை அடுத்த காலவாக்கத்தில் உள்ள ஒரு தனியார் தொழிற்சாலையில் கடந்த 6 மாதங்களாக எந்திரம் ஆபரேட்டராக பணிபுரிந்து வந்தார்.

நேற்று முன்தினம் சந்தோஷ், தொழிற்சாலையில் வழக்கம் போல் பணியில் ஈடுபட்டு இருந்தார். அப்போது எந்திரம் பழுதாகி நின்றதால், அதை சரிசெய்யும் பணியில் ஈடுபட்டார்.

அப்போது எதிர்பாராதவிதமாக எந்திரம் இயங்கியதால், அதை பழுதுபார்த்து கொண்டிருந்த தொழிாளி சந்தோஷ், எந்திரத்தில் சிக்கிக்கொண்டார். இதில் படுகாயம் அடைந்த அவர், சம்பவ இடத்திலேயே பரிதாபமாக இறந்தார்.

இதுபற்றி திருப்போரூர் போலீசாருக்கு தகவல் தெரிவிக்கப்பட்டது. சம்பவ இடத்துக்கு விரைந்து சென்ற போலீசார், எந்திரத்தில் சிக்கி பலியான தொழிலாளியின் உடலை மீட்டு பிரேத பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்தனர்.

மேலும் இது தொடர்பாக திருப்போரூர் போலீஸ் இன்ஸ்பெக்டர் ரமேஷ் தலைமையில் போலீசார் வழக்குப்பதிவு செய்து விசாரணை நடத்தி வருகின்றனர். 

புதுச்சேரி:

வில்லியனூர் அருகே ஆரியபாளையத்தில் நூலுக்கு பாவு தோய்க்கும் தனியார் தொழிற்சாலை உள்ளது. இந்த தொழிற்சாலையில் நேற்று நள்ளிரவு திடீரென தீ விபத்து ஏற்பட்டது. சிறிது நேரத்தில் தீ மளமளவென தொழிற்சாலை முழுவதும் பரவியது.

இதுபற்றி தகவல் அறிந்ததும் வில்லியனூர் தீயணைப்பு படையினர் விரைந்து வந்து தீயை அணைக்கும் பணியில் ஈடுபட்டனர். ஆனால், தீயை கட்டுப்படுத்த முடியவில்லை.

இதையடுத்து திருபுவனை, திருக்கனூர், கோரிமேடு உள்ளிட்ட பகுதிகளில் இருந்து தீயணைப்பு வண்டிகள் வரவழைக்கப்பட்டன. தீயணைப்பு வீரர்கள் தொடர்ந்து இன்று காலை வரை போராடி தீயை அணைத்தனர். எனினும் தொழிற்சாலை முழுவதும் எரிந்து போனது.

இந்த தீ விபத்தில் பல லட்சம் பொருட்கள் எரிந்து சேதமானது. தீ விபத்து நடந்த தொழிற்சாலையை கலெக்டர் அபிஜித் விஜய்சவுத்ரி, சீனியர் போலீஸ் சூப்பிரண்டு அபூர்வா குப்தா ஆகியோர் பார்வையிட்டு விசாரணை மேற்கொண்டனர்.

தீ விபத்துக்கான காரணம் குறித்து வில்லியனூர் போலீசார் விசாரணை நடத்தி வருகிறார்கள்.