நீங்கள் தேடியது "jail warden"

சேலம்:

சென்னை பள்ளிகரணையை சேர்ந்தவர் ஹரிகிருஷ்ணன் (வயது52). கொலை வழக்கில் ஆயுள் தண்டனை பெற்ற இவர், பல்வேறு சிறைகளில் மாறி மாறி 12 ஆண்டுகளாக அடைக்கப்பட்டிருந்தார்.

இதில், அவர் 3 ஆண்டுகளுக்கு முன்பு சேலம் மத்திய சிறைக்கு மாற்றப்பட்டார். உடல் நலம் பாதிக்கப்பட்டு, மருத்துவமனையில் அனுமதிக்கப்பட்டிருந்த அவரது மனைவியை சந்திக்க, ஹரிகிருஷ்ணன், 2022 ஜூன் 22-ந் தேதி முதல் 24-ந் தேதி வரை பரோலில் சென்றார்.

பின்னர், அவர் சேலம் திரும்பியபோது, சேலம் மத்திய சிறை வாசல் வரை சென்றதும் உள்ளே போகாமல் தப்பி ஓடிவிட்டார். இதற்கு, சிறை வார்டன் ராமகிருஷ்ணன் உடந்தையாக இருப்பதாக குற்றச்சாட்டு எழுந்தது. இது தொடர்பாக, அஸ்தம்பட்டி போலீசில் புகார் அளிக்கப்பட்டது.

அப்போதைய சிறை எஸ்.பி. கிருஷ்ணகுமார், துறை நடவடிக்கை மேற்கொண்டு வார்டனை, சஸ்பெண்டு செய்து உத்தரவிட்டார்.

பின் கோவை கூடுதல் சிறை எஸ்.பி. சதீஷ்குமார், விசாரணை அதிகாரியாக நியமிக்கப்பட்டார். அவர் நடத்திய விசாரணையில், வார்டன் மோட்டார் சைக்கிளில் ஆயுள் தண்டனை கைதியை அழைத்துச் சென்று அஸ்தம்பட்டி சந்திப்பில் இறக்கி விட்டு, அவரை தப்பிக்கவிட்டார் என்பது உறுதியானது.

அதன்படி எஸ்.பி. தமிழ்செல்வன், வார்டனை டிஸ்மிஸ் செய்து உத்தரவிட்டார்.

நெல்லை:

நெல்லை தச்சநல்லூர் வடக்கு பைபாஸ் பகுதியை சேர்ந்தவர் ராஜகோபால் (வயது 49). இவர் அப்பகுதியில் நிதி நிறுவனம் நடத்தி வருகிறார்.

பத்தமடை பகுதியை சேர்ந்தவர் லட்சுமண பெருமாள். அம்பை கிளை சிறையில் வார்ட னாக பணிபுரிந்து வரும் இவர் கடந்த மாதம் ராஜகோபாலின் நிதி நிறு வனத்திற்கு சென்றுள்ளார்.

அப்போது அவர் அதிக அளவில் பணம் கடனாக கேட்டதால் இவ்வளவு பெரிய தொகை என்னிடம் இல்லை என்று ராஜகோபால் தெரிவித்துள்ளார். இதனால் அங்கிருந்து லட்சுமண பெருமாள் சென்று விட்டார்.

இந்நிலையில் கடந்த 6-ந் தேதி ராஜகோபால் தனது நண்பர்களுடன் காரில் அம்பை தாமிரபரணி ஆற்றுக்கு குளிக்க சென்றுள்ளார்.

அதன் பின்னர் கல்லி டைக்குறிச்சி ஆற்றுப்பாலம் பகுதியில் வந்த போது அங்கு வந்த லட்சுமண பெருமாள் அவரது காரை வழி மறித்துள்ளார். பின்னர் பணம் கேட்டால் கொடுத்தாக வேண்டும் என்று கூறி காரில் இருந்த ராஜகோபாலை தாக்கி கொலை மிரட்டல் விடுத்ததாக கூறப்படுகிறது.

இதுகுறித்து ராஜகோபால் கல்லிடைக்குறிச்சி போலீசில் புகார் செய்தார். புகாரின் பேரில் லெட்சுமண பெருமாள் மீது சப்-இன்ஸ்பெக்டர் ஆபிரகாம் ஜோசப் வழக்குப்பதிவு செய்து விசாரணை நடத்தி வருகிறார்.

நெல்லை:

நெல்லை தாழையூத்து அருகே உள்ள தென்கலம் பகுதியை சேர்ந்தவர் பாலகுரு (வயது27). இவர் பாளை ஜெயிலில் வார்டனாக வேலை பார்த்து வந்தார். இவருக்கும் அதே பகுதியை சேர்ந்த முருகன் என்பவரது மகள் வேலம்மாள் (21) என்பவருக்கும் காதல் மலர்ந்தது. வேலம்மாள் நர்சிங் படித்து விட்டு வேலை தேடி வந்தார்.

இவர்கள் காதலுக்கு பாலகுரு வீட்டில் கடும் எதிர்ப்பு கிளம்பியுள்ளது. ஆனாலும் இரு வீட்டாரும் பேசி முடித்து கடந்த 31-ந்தேதி குறுக்குத்துறை முருகன் கோவிலில் வைத்து பாலகுருவுக்கும், வேலம்மாளுக்கும் திருமணம் நடந்தது.

திருமணம் முடிந்த சில நாட்களிலேயே பாலகுருவுக்கும், வேலம்மாளுக்கும் கருத்து வேறுபாடு காரணமாக தகராறு ஏற்பட்டது. இதுகுறித்து பெரியவர்கள் சமரசம் பேசி அவர்களை ஒன்று சேர்த்து வைத்தனர். ஆனாலும் அவ்வப்போது கணவன்-மனைவிக்கு இடையில் வாக்குவாதம் ஏற்பட்டு வந்தது.

இந்த நிலையில் நேற்று இரவு பாலகுரு தனது மனைவி வேலம்மாளை திருச்செந்தூர் கோவிலுக்கு செல்ல வேண்டும் என்று கூறி, தனது மோட்டார் சைக்கிளில் அழைத்து சென்றார். தாழையூத்து 4 வழிச்சாலை வழியாக பாளை கே.டி.சி.நகருக்கு வரும் வழியில் கணவன்- மனைவிக்கு இடையில் மீண்டும் வாக்குவாதம் ஏற்பட்டுள்ளது. அப்போது வேலம்மாள் தனது காதல் கணவர், தன்னை கொலை செய்ய திட்டம் தீட்டி அழைத்து செல்கிறார் என்று தெரிந்து மோட்டார் சைக்கிளில் இருந்து இறங்கினார்.

அப்போது பாலகுரு மோட்டார் சைக்கிளில் தயாராக வைத்திருந்த அரிவாளை எடுத்து மனைவியை வெட்ட முயன்றுள்ளார். வேலம்மாள் உயிர் பிழைக்க நான்கு வழிச்சாலையில் இருந்து கீழே புதர் பகுதியில் இறங்கி ஓடினார். ஆனால் பாலகுரு விரட்டி சென்று வேலம்மாளை சரமாரியாக வெட்டினார். அவரது தலையையும் துண்டித்து படுகொலை செய்தார்.

பின்னர் தலையை தனியாக எடுத்து ரோட்டின் மறுபுறம் வீசினார். பின்னர் ரத்தம் சொட்ட சொட்ட அங்கிருந்து மோட்டார் சைக்கிளில் ஏறி பாளை போலீஸ் நிலையத்திற்கு வந்து சரணடைந்தார்.

நள்ளிரவு நடந்த சம்பவத்தை கேட்ட போலீசார் அதிர்ச்சியடைந்தனர். உடனடியாக சம்பவ இடத்திற்கு சென்று வேலம்மாள் உடலை தேடினார்கள். ஆனால் இரவு நேரம் என்பதால் அவரது உடல் கிடந்த இடம் தெரியவில்லை. இதைத்தொடர்ந்து இன்று காலை பாலகுருவை சம்பவ இடத்திற்கு அழைத்து சென்று போலீசார் தேடினார்கள். அப்போது 4 வழிச்சாலை பொட்டல் பகுதியில் வேலம்மாளின் உடல் ஒரு பக்கமும், தலை மற்றொரு பக்கமும் கிடந்தது தெரியவந்தது. சம்பவ இடத்திற்கு நெல்லை மாநகர போலீஸ் துணை கமி‌ஷனர் சுகுணாசிங், உதவி கமி‌ஷனர் விஜயகுமார், இன்ஸ்பெக்டர் ராமையா மற்றும் போலீசார் விரைந்து சென்று வேலம்மாள் உடலை மீட்டு பிரேத பரிசோதனைக்கு அனுப்பினார்கள்.

இதுகுறித்து பாளை போலீசார் வழக்குப்பதிந்து ஜெயில் வார்டன் பாலகுருவை கைது செய்தனர். கொலைக்கான காரணம் குறித்து அவரிடம் தீவிர விசாரணை நடந்து வருகிறது.

காதல் திருமணம் செய்த 25 நாளில் புதுப்பெண்ணை அவர் வெட்டி கொலை செய்துள்ளதால் அவர்களுக்குள் என்ன காரணத்தால் தகராறு ஏற்பட்டது என்று விசாரணை நடத்தி வருகிறார்கள். இது தொடர்பாக அவர்களது செல்போன்களையும் ஆய்வு செய்து போலீசார் விசாரணை நடத்தி வருகிறார்கள்.

இந்த சம்பவம் இன்று காலை அப்பகுதியில் பெரும் பரபரப்பை ஏற்படுத்தியுள்ளது.