என் மலர்
சிவகங்கை
தேவகோட்டை அருகே மாட்டு வண்டி பந்தயம் நடந்தது.
தேவகோட்டை
சிவகங்கை மாவட்டம்- தேவகோட்டை அருகே நல்லாங்குடி கிராமத்திலுள்ள வேம்புடைய அய்யனார் கோவிலில் புரவி எடுப்பு விழா நடைபெற்றது.
விழாவை முன்னிட்டு நேற்று மாலை மற்றும் இன்று காலை 4 பிரிவுகளாக வெளிமுத்தி விளக்கில் இருந்து ராமேசுவரம் தேசிய நெடுஞ்சாலையில் மாட்டுவண்டிபந்தயம் நடைபெற்றது. சிவகங்கை, ராமநாத-புரம், தேனி, மதுரை, புதுக்-கோட்டை மாவட்டங்களை சேர்ந்த சுமார் 50க்கும் மேற்பட்ட மாட்டு வண்டிகள் கலந்து கொண்டன.
நேற்று மாலை நடைபெற்ற நடுமாடு பிரிவில் மதுரை மாவட்டம் நம்பியூர் முத்துக்கருப்பன் முதல் பரிசையும், சிவகங்கை மாவட்டம் சொக்கநாதபுரம் பாலு 2வது பரிசையும், நல்லாங்குடி முத்தையா சேர்வை 2வது பரிசையும், வெளிமுத்தி வாஹினி 4வது பரிசையும், நல்லாங்குடி சசிக்குமார் 5வது பரிசையும் பெற்றனர்.
இன்று காலை நடைபெற்ற பெரியமாட்டு பிரிவில் ராமநாதபுரம் மாவட்டம் மருங்கூர் அப்துல்காதர் முதல் பரிசையும், நல்லாங்குடி முத்தையா சேர்வை 2வது பரிசையும், ராமநாதபுரம் மாவட்டம் மணிகண்டி மகாலிங்கம் 3வது பரிசையும், மதுரை மாவட்டம் நம்பியூர் முத்துக்கருப்பன், தேவகோட்டை வீரசேகர் 5வது பரிசையும் பெற்றனர்.
வெற்றி பெற்ற மாடுகளுக்கு மரியாதை செலுத்தி மாட்டின் உரிமையாளர்-களுக்கு ரொக்க பரிசு வழங்கப்பட்டது. இந்த பந்தயத்தை வழிநெடுகிலும் சாலையில் இருபுறமும் ஏராளமான பொதுமக்கள் கண்டுகளித்தனர்
சிவகங்கை அருகே திருப்பத்தூரில் பாரம்பரிய மஞ்சுவிரட்டு நடந்தது.
நெற்குப்பை
சிவகங்கை மாவட்டம் திருப்பத்தூர் தாலுகா அருகே உள்ள செவ்வூரில் அரண்மனை வம்சத்தை சேர்ந்த பரம்பரையினர் என்று அழைக்கப்படும் செந்தில்பாண்டியன் தலைமையில் பாரம்பரிய மஞ்சுவிரட்டு நடைபெற்றது.
முன்னதாக செவ்வூர் கிராமத்தில் உள்ள மந்தை முனீஸ்வரர், பொன்னம்பல விநாயகர், நாச்சியார் அம்மன், ஆதினமிளகி அய்யனார், பூசதோப்பு முருகன், பிரம்மஅய்யனார் கோவில் போன்ற வழிபாட்டு தலங்களிலும் பூஜைகள் நடத்தப்பட்டது.
செவ்வூர் கிராமத்துக்கு உட்பட்ட சத்திரக்குடி, வலையன்பள்ளம் மற்றும் சுற்றுப்புற கிராமங்களான வேலங்குடி, மலம்பட்டி, திருக்கோளக்குடி போன்ற பகுதிகளில் இருந்தும் ஆயிரக்கணக் கானோர் மஞ்சுவிரட்டு விழாவில் பங்கேற்றனர்.
மாவட்டத்தின் பல்வேறு பகுதிகளில் இருந்து 100க்குும் மேற்பட்ட காளைகள் கொண்டு வரப்பட்டு தொழுவத்தில் இருந்தும், கட்டுமாடுகளாகவும் அவிழ்த்து விடப்பட்ட காளைகளை அடக்கமுயன்ற வீரர்களுக்கு ஏற்பட்ட காயங்களுக்கு உடனடியாக மருத்துவ குழுவினரால் முதலுதவி சிகிச்சை அளிக்கப்பட்டது.
இந்த நிகழ்ச்சியில் செவ்வூர்கிராமத்தை சேர்ந்த நாட்டார் நகரத்தார்கள் மற்றும் அனைத்து சமு தாயத்தைச் சேர்ந்த பொதுமக்கள் பங்கேற்றனர். பாதுகாப்பு பணிக்கான ஏற்பாடுகளில் பூலாங்குறிச்சி காவல்நிலைய காவலர்கள் ஈடுபட்டனர்.
காரைக்குடி அருகே ரேசன் அரிசி கடத்திய வாகனங்களை பொதுமக்கள் மடக்கி பிடித்தனர்.
காரைக்குடி
சிவகங்கை மாவட்டம் காரைக்குடி அருகே உள்ள பள்ளத்தூரில் அடிக்கடி ரேசன்அரிசி கடத்தப்படுவதாக போலீசாருக்கு புகார் வந்தது. இதன் அடிப்படையில் போலீசார் தீவிர கண்காணிப்பு பணியில் ஈடுபட்டுள்ளனர்.
இந்த நிலையில் அந்த வழியே வந்த மினிவேனை பொதுமக்கள் மடக்கி பிடித்தனர். அப்போது டிரைவர் தப்பி ஓடிவிட்டார். பொதுமக்கள் வேனை சோதனை செய்தபோது அதில் ரேசன் அரிசி கடத்தப்படுவது தெரியவந்தது.
இதனைத்தொடர்ந்து அந்த வேன் குடிமைப்பொருள் குற்ற புலனாய்வுதுறை சார்பு ஆய்வாளர் முத்துகிருஷ்ணனிடம் ஒப்படைக்கப்பட்டது. அவர் வழக்குப்பதிவு செய்து விசாரணை நடத்தி வருகிறார்.
வேனில் சுமார் 5 டன் அளவிலான ரேசன் அரிசி இருந்தது. இதற்கிடையே மேலும் 2 இருசக்கர வாகனங் களில் கடத்தி வரப்பட்ட சுமார் 300 கிலோ ரேசன்அரிசியும் பறிமுதல் செய்யப்பட்டது.
கடத்திவர பயன்படுத்திய வாகனங்களின் பதிவெண்களை வைத்து உரிமையாளர்களின்மீது வழக்கு பதியப் படும் என எஸ்.ஐ. முத்துகிருஷ்ணன் தெரிவித்தார்.
சிறுவனுக்கு பாலியல் தொல்லை கொடுத்த ஆட்டோ டிரைவர் கைது செய்யப்பட்டார்.
காரைக்குடி
காரைக்குடி அன்சாரி தெருவை சேர்ந்தவர் ராமு என்ற ராமகிருஷ்ணன். ஆட்டோ டிரைவர். இவர் அதே பகுதியை சேர்ந்த 12 வயது சிறுவனை வீட்டுக்கு அழைத்து சென்று பாலியல் தொல்லை கொடுத்ததாக தெரிகிறது.
இதுகுறித்து அந்த சிறுவன் தனது பெரியம்மாவிடம் தெரிவித்ததை தொடர்ந்து அவர் காரைக்குடி அனைத்து மகளிர் காவல் நிலையத்தில் புகார் செய்தார். போலீசார் வழக்குப்பதிவு செய்து ஆட்டோ டிரைவர் ராமுவை கைது செய்தனர்.
சிவகங்கை மாவட்டத்தில் கணினி பட்டா திருத்த சிறப்பு முகாம் நாளை நடக்கிறது
சிவகங்கை
சிவகங்கை மாவட்ட கலெக்டர் மதுசூதன்ரெட்டி விடுத்துள்ள செய்திக்குறிப்பில் கூறியிருப்பதாவது:
அரசின் சேவைகள் பொதுமக்களின் இருப்பிடங்களுக்கே கொண்டு செல்லும் கொள்கையின் ஒரு அங்கமாக ஒவ்வொரு வருவாய் கிராமத்திலும் விவசாயிகள் மற்றும் வீட்டு உரிமையாளர்களின் பட்டா தொடர்பான பிரச்சினைகளுக்கு தீர்வு காணும் வகையில் கணினி திருத்த சிறப்பு முகாம் ஒவ்வொரு வாரமும் புதன் மற்றும் வெள்ளிக்கிழமை களில் நடைபெற உள்ளது.
அதன் தொடர்ச்சியாக நாளை (6ந்தேதி) தேவகோட்டை வட்டத்தில் கிளாமலை குரூப் தேர்போகி கிராமம், மேலச்செம் பொன்மாரி மற்றும் உஞ்சனை கிராமங்களிலும், திருப்பத்தூர் வட்டத்தில் சுண்ணாம்பிருப்பு மற்றும் இளங்குடி கிராமங்களிலும், சிவகங்கை வட்டத்தில் ஆலங்குளம் மற்றும் கத்தப்பட்டு கிராமங்களிலும், இளையான்குடி வட்டத்தில் முள்ளியாரேந்தல் மற்றும் மேலப்பிடாரிச்சேரி கிராமங் களிலும், காளையார்கோவில் வட்டத்தில் தடியமங்கலம் கிராமத்திலும் கணினி பட்டா திருத்த முகாம்கள் நடைபெற உள்ளன.
பொதுமக்கள் மேற்கண்ட வருவாய் கிராமங்களில் நடைபெறும் சிறப்பு முகாமில் கலந்துகொண்டு கோரிக்கை குறித்த மனுக்களை அளித்து பயனடையலாம். இவ்வாறு அதில் கூறப்பட்டுள்ளது.
தேவகோட்டையில் பெயிண்டர் கொலையில் 6 பேரை போலீசார் கைது செய்து விசாரணை நடத்தி வருகின்றனர்.
தேவகோட்டை:
சிவகங்கை மாவட்டம் தேவகோட்டை புதுத் தெருவைச் சேர்ந்தவர் உமர் பாருக் (வயது 38), பெயிண்டர். இவர் சாத்திக் கோட்டை அருகே தனியார் மருத்துவமனை பின்புறம் ரத்தக்காயங்களுடன் கிடப்பதாக போலீசாருக்கு தகவல் கிடைத்தது. போலீசார் அவரை மீட்டு சிகிச்சைக்காக தேவகோட்டை அரசு ஆஸ்பத்திரியில் சேர்த்தனர்.
அங்கு சிகிச்சை பலனின்றி உமர் பாருக் பரிதாபமாக இறந்தார். அவரது உடலில் வெட்டுக்காயங்கள் காணப்பட்டதால் போலீசார் கொலை வழக்குப்பதிவு செய்து விசாரணை நடத்தி வந்தனர். மாவட்ட போலீஸ் சூப்பிரண்டு செந்தில்குமார் உத்தரவின் பேரில் தேவகோட்டை துணை சூப்பிரண்டு (பொறுப்பு) சிவகுமார், இன்ஸ்பெக்டர் சுப்ரமணியன் சப்-இன்ஸ்பெக்டர் வாசிவம் மற்றும் போலீசார் கொலையாளிகளை தீவிரமாக தேடி வந்தனர்.
இதில் உமர் பாரூக்கை கொலை செய்ததாக சின்னக் கோடகுடியைச் சேர்ந்த விமல் (வயது 24), பிரவீன் (20), கைக்குடியைச் சேர்ந்த பிரபா என்ற பிரபாகரன் (26), நல்லாங்குடி செல்வ குமார் (24), பல்லாகுளம் தர்மர் (24), தேரளப்பு கார்த்திக் (24) ஆகியோர் கைது செய்யப்பட்டுள்ளனர்.
இவர்களிடம் இருந்து 3 மோட்டார் சைக்கிள்கள் மற்றும் ஆயுதங்கள் பறிமுதல் செய்யப்பட்டன. கொலைக்கான காரணம் குறித்து கைதானவர்கள் போலீசாரிடம் கூறியதாவது:-
உமர்பாரூக் மணல் கடத்தல் வழக்கில் கைதாகி சிறையில் இருந்தபோது அங்கு வழிப்பறி வழக்கில் கைதாகி விமல் இருந்தார். அப்போது 2 பேருக்கும் பழக்கம் ஏற்பட்டது. அதன் பிறகு விடுதலையாகி வந்த அவர்கள் பல்வேறு சம்பவங்களில் ஈடுபட்டு உள்ளனர்.
இதில் கிடைத்த பொருட்களை உமர் பாருக்கிடம் மற்றவர்கள் கொடுத்ததாகவும் அது குறித்து கேட்டபோது அவர் சரியான பதில் அளிக்காததால் ஆத்திரத்தில் கொலை செய்ததாகவும் தெரிவித்துள்ளனர். இது தொடர்பாக போலீசார் தீவிர விசாரணை நடத்தி வருகின்றனர்.
எதிர்காலத்தில் நாய்க்கு கோவில் கட்ட திட்டமிட்டுள்ளதாக முதியவர் முத்துவின் மகன் மனோஜ் குமார் தெரிவித்துள்ளார்.
சிவகங்கை மாவட்டம், மானாமதுரையை சேர்ந்த 82 வயது முதியவர் முத்து. இவர் 'டாம்' என்கிற நாய் ஒன்றை வளர்த்து வந்துள்ளார். இது கடந்த 2021-ம் ஆண்டில் உயிரிழந்துள்ளது.
இதனால் வேதனையில் இருந்த முதியவர், டாமின் நினைவாக மானாமதுரையில் சிலை ஒன்றை கட்டியுள்ளார். அதற்கு, மாலை, ஆடை அணிவித்து வழிபாடு செய்த நிகழ்வு பார்ப்பவர்களை நெகிழச் செய்துள்ளது.
இதுகுறித்து முதியவர் முத்து கூறுகையில், " என் பசங்களைவிட என் நாய் மீது அதிகம் பாசம் கொண்டேன். 2010-ம் ஆண்டு முதல் என்னுடன் இருந்தது. 2021-ல் இறந்துவிட்டது. என் தாத்தா, பாட்டி, தந்தை என அனைவரும் நாய் பிரியர்கள்" என்றார்.
மேலும் முத்துவின் மகன் மனோஜ் குமார் கூறியதாவது:-
இறந்த டாம் நாய்க்கு ரூ.80 ஆயிரம் செலவில் இந்த பளிங்கு சிலை செய்யப்பட்டுள்ளது. எதிர்காலத்தில் நாய்க்கு கோவில் கட்ட திட்டமிட்டுள்ளோம். புனித நாட்களிலும் ஒவ்வொரு வெள்ளிக்கிழமையிலும் அன்னதானம் செய்து சிலைக்கு மாலை அணிவிப்போம்.
இவ்வாறு அவர் கூறினார்.
இதையும் படியுங்கள்.. போட்டோ ஷூட் நடத்திய போது ஆற்றில் மூழ்கி புதுமாப்பிள்ளை பலி- திருமணமான 20 நாளில் பரிதாபம்
இதனால் வேதனையில் இருந்த முதியவர், டாமின் நினைவாக மானாமதுரையில் சிலை ஒன்றை கட்டியுள்ளார். அதற்கு, மாலை, ஆடை அணிவித்து வழிபாடு செய்த நிகழ்வு பார்ப்பவர்களை நெகிழச் செய்துள்ளது.
இதுகுறித்து முதியவர் முத்து கூறுகையில், " என் பசங்களைவிட என் நாய் மீது அதிகம் பாசம் கொண்டேன். 2010-ம் ஆண்டு முதல் என்னுடன் இருந்தது. 2021-ல் இறந்துவிட்டது. என் தாத்தா, பாட்டி, தந்தை என அனைவரும் நாய் பிரியர்கள்" என்றார்.
மேலும் முத்துவின் மகன் மனோஜ் குமார் கூறியதாவது:-
இறந்த டாம் நாய்க்கு ரூ.80 ஆயிரம் செலவில் இந்த பளிங்கு சிலை செய்யப்பட்டுள்ளது. எதிர்காலத்தில் நாய்க்கு கோவில் கட்ட திட்டமிட்டுள்ளோம். புனித நாட்களிலும் ஒவ்வொரு வெள்ளிக்கிழமையிலும் அன்னதானம் செய்து சிலைக்கு மாலை அணிவிப்போம்.
இவ்வாறு அவர் கூறினார்.
இதையும் படியுங்கள்.. போட்டோ ஷூட் நடத்திய போது ஆற்றில் மூழ்கி புதுமாப்பிள்ளை பலி- திருமணமான 20 நாளில் பரிதாபம்
போட்டி தேர்வுகளுக்கு தயாராகும் சிவகங்கை மாவட்ட இளைஞர்கள் பயிற்சி வகுப்பில் பங்கேற்கலாம் என கலெக்டர் தெரிவித்துள்ளார்.
சிவகங்கை
சிவகங்கை மாவட்ட கலெக்டர் மதுசூதன்ரெட்டி விடுத்துள்ள செய்திக்குறிப்பில் கூறியிருப்பதாவது:
சிவகங்கை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் செயல்படும் தன்னார்வ பயிலும் வட்டம் வாயிலாக மத்திய, மாநில அரசுகளால் அவ்வப்போது அறிவிக்கப்படும் பல்வேறு போட்டித் தேர்வுகளுக்கு இலவச பயிற்சி வகுப்புகள் நடத்தப்பட்டு வருகிறது.
அரசு வேலைக்கு காத்திருக்கும் இளைஞர்கள் போட்டித் தேர்வுகளை எளிதாக எதிர்கொள்ளும் வகையில் இங்கு நடைபெறும் இலவச பயிற்சி வகுப்புகளில் கலந்து கொண்டு பயன்பெற்று வருகின்றனர். தற்போது தமிழ்நாடு அரசுப் பணியாளர் தேர்வாணையம் நடத்தும் நிலை2, நிலை2 அ(tnpsc GR-II & II A) தேர்வுகளுக்கு நேரடியாக வகுப்புகள் நடைபெற்று வருகிறது. இந்த பயிற்சி வகுப்பில் சுமார் 50 மாணவ, மாணவிகள் கலந்து கொண்டு பயிற்சி பெற்று வருகின்றனர்.
மேலும், தற்போது தமிழ்நாடு சீருடைப் பணியாளர் குழுமத்தால் 444 உதவி ஆய்வாளர் (காவல்) பதவிக்கு காலிப்பணியிடங் கள் அறிவிக்கப்பட்டுள்ளது. எனவே, இந்த தேர்வுக்கு இலவச பயிற்சி வகுப்புகள் சிவகங்கை மாவட்ட வேலைவாய்ப்பு அலுவலக வேலை நாளில் தன்னார்வ பயிலும் வட்டத்தின் மூலம் நாளை (5ந்தேதி) முதல் பயிற்சி வகுப்பு நடத்த திட்டமிடப்பட்டுள்ளது.
இந்த வகுப்புகள் தொடர்பான முழு விபரங்களை வேலை வாய்ப்பு மற்றும் தொழில் நெறி வழிகாட்டும் அலுவ லகத்தை நேரடியாகவோ அல்லது 04575 240435 என்ற தொலைபேசி எண்ணிலோ தொடர்பு கொண்டு தெரிந்து கொள்ளலாம். எனவே, இந்த நேரடி பயிற்சி வகுப்புகளில் மேற்காணும் போட்டித் தேர்விற்கு பயிற்சி பெற விரும்பும் இளைஞர்கள் கலந்து கொண்டு பயன்பெறலாம்.
இவ்வாறு அதில் கூறப்பட்டுள்ளது.
இளையான்குடியில் தொழில் முனையோர் கருத்தரங்கம் நடந்தது.
மானாமதுரை
சிவகங்கை மாவட்டம், இளையான்குடி டாக்டர் சாகிர்உசேன் கல்லூரியில் தமிழக அரசின் தொழில் முனைவோர் மேம்பாடு மற்றும் புத்தாக்க நிறுவனம் சாகிர் உசேன் கல்லூரி தொழில் முனைவோர் மேம்பாட்டு கழகம் இணைந்து தொழில் முனைவோர் வியாபாரம் திறமை மற்றும் வளர்ச்சி குறித்த 5வது கருத்தரங்கை நடத்தியது.
கல்லூரி பொருளியல் துறை, உதவிப்பேராசிரியர் மாரிமுத்து வரவேற்றார். வணிகவியல்துறை இணை பேராசிரியர் பீர் இஸ்மாயில் மற்றும் முஹம்மது இப்ராஹிம் ஆகியோர் பேசினர்.
தொழில் முனைவோர் மேம்பாட்டு கழக ஒருங்கிணைப்பாளர் நாசர் சிறப்பு விருந்தினரை அறிமுகம் செய்தார். சிறப்பு விருந்தினராக கீழக்கரை, செய்யது ஹமீதியா கலை மற்றும் அறிவியல் கல்லூரி, வணிகவியல் துறை தலைவர் பாலகிருஷ்ணன் சிறப்புரையாற்றினார். நிகழ்வில் பேராசிரியர்கள், 70 மாணவ, மாணவிகள் மற்றும் அலுவலர்கள் கலந்து கொண்டனர். கணித்துறை உதவி பேராசிரியர் ஆரிப் ரஹ்மான் நன்றி கூறினார்.
கோவில் திருவிழாவை முன்னிட்டு மஞ்சுவிரட்டு நடந்தது.
நெற்குப்பை
சிவகங்கை மாவட்டம் திருப்புத்தூர் அருகே உள்ள குமாரளபேட்டை, என். வைரவன்பட்டி, ஆத்தங்குடி, சென்னல்குடிபட்டி, திருமுக்கனிபட்டி ஆகிய 5 ஊர் நாட்டார்கள் இணைந்து குமாரபேட்டை பூமலைச்சி அம்மன் கோவில் பங்குனி திருவிழாவை முன்னிட்டு மஞ்சுவிரட்டு நடத்தினர்.
நிகழ்ச்சியில் கோவிலில் இருந்து 5 ஊர் நாட்டார்கள் இணைந்து பட்டு எடுத்து வந்து தொழுவில் பங்கேற்ற 235 மாடுகளுக்கு வேட்டி, துண்டுகள் அணிவித்து மரியாதை செய்தனர்.
மாடுபிடி வீரர்களுக்கும் பங்கேற்ற காளைகளுக்கும் பரிசுகள் வழங்கினர். 40 மாடுபிடி வீரர்கள் பங்கேற்றனர். திருப்பத்தூர் வட்டாட்சியர் வெங்கடேசன், மண்டல துணை வட்டாட்சியர் செல்லமுத்து, கீழச்சிவல் பட்டி காவல்துறையினர், வருவாய் துறையினர், தீயணைப்பு துறையினர், கால்நடை துறையினர், சுகாதார துறையினர் பங்கேற்றனர்.
மஞ்சு விரட்டுக்கான ஏற்பாடுகளை 5 ஊர் நாட்டார்கள் செய்திருந்தனர். மஞ்சு விரட்டில் 10க்கும் மேற்பட்டோர் காயமடைந்தனர்.
தேவகோட்டையில் மதுகுடித்தபோது ஏற்பட்ட தகராறில் வாலிபருக்கு பாட்டில்குத்து விழுந்தது.
தேவகோட்டை
மதுரை ஆனையூரை சேர்ந்தவர் தேவராஜ். இவரது மகன் தர்ஷன்(வயது 30). அதே பகுதியை சேர்ந்த நவநீதகிருஷ்ணன் மகன் ஜீவா(27) மற்றும் சந்துரு ஆகிய 3பேரும் பெயிண்டராக வேலை பார்த்து வரு கிறார்கள்.
இவர்கள் 3பேரும் சிவகங்கை மாவட்டம் தேவ கோட்டையில் பெயிண்டிங் பணிக்காக சென்றனர். அங்கு தங்கி வேலை செய்ய வேண்டிய நிலை ஏற்பட்டதால் தனியாக வீடுஎடுத்து தங்கினர்.
காலையில் வழக்கம்போல் நண்பர்கள் 3பேரும் வேலைக்கு சென்றனர். அதன் பிறகு மாலையில் வீடு திரும்பிய அவர்கள் மது அருந்தினர். அப்போது ஜீவாவுக்கும், தர்ஷனுக்கும் வாக்குவாதம் ஏற்பட்டது.
இதில் ஆத்திரம் அடைந்த ஜீவா மது பாட்டிலால் தர்ஷனை குத்த முயன்றார். அதனை தடுத்தபோது தர்ஷனின் கையில் குத்து விழுந்தது. ரத்தகாயம் அடைந்த அவரை சந்துரு தேவகோட்டை அரசு ஆஸ்பத்திரிக்கு சிகிச்சைக் காக சேர்த்தார். அங்கு அவருக்கு டாக்டர்கள் சிகிச்சை அளித்தனர்.
இந்த சம்பவம் குறித்து தேவகோட்டை நகர் போலீசில் புகார் செய்யப்பட்டது. சப்இன்ஸ்பெக்டர் பால கிருஷ்ணன் வழக்குப்பதிவு செய்து விசாரணை நடத்தினார். தொடர்ந்து ஜீவா கைது செய்யப்பட்டார்.
மானாமதுரையில் ஓய்வுபெற்ற அரசுஅலுவலர்கள் சங்கவிழா நடந்தது.
மானாமதுரை
சிவகங்கை மாவட்டம் மானாமதுரையில் ஓய்வு பெற்ற அரசு அலுவலர்கள் மற்றும் ஆசிரியர்கள் சங்கத்தின் 35வது ஆண்டுவிழா நடந்தது. தலைவர் அமல்ராஜ் தலைமை தாங்கினார். செயலாளர் ரவிச்சந்திரன் வரவேற்றார், பொருளாளர் சோமசுந்தரம் வரவு-செலவு அறிக்கை தாக்கல் செய்தார்.
மானாமதுரை சட்டமன்ற உறுப்பினர் தமிழரசி, நகராட்சித் தலைவர் மாரியப்பன் கென்னடி, துணைத்தலைவர் பாலசுந்தரம், தி.மு.க. நகர செயலாளர் பொன்னுசாமி, வார்டு உறுப்பினர்கள் இந்துமதி, புருஷோத்தமன், மற்றும் சங்க நிர்வாகிகள் கலந்து கொண்டு பேசினர்.
தமிழக அரசு ஓய்வூதியர்கள் குடும்ப ஓய்வூதியர்களுக்கு பழைய ஓய்வூதியத் திட்டத்தை அமல்படுத்த வேண்டும். ஓய்வூதியர் மறைவிற்குப் பின் அவர்களது வாரிசுகளுக்கு வழங்கப்படும் குடும்பப் பாதுகாப்பு நிதியை ரூ.2.50 லட்சமாக உயர்த்தி வழங்க வேண்டும்.
பொங்கல் பண்டிகைக்கு வழங்கப்படும் கருணைத் தொகையை ரூ 500லிருந்து ரூ.1000ஆக உயர்த்த வேண்டும் உள்ளிட்ட பல்வேறு தீர்மானங்கள் நிறைவேற்றப்பட்டன.
×