ராணிப்பேட்டை

ஆற்காடு:

ராணிப்பேட்டை மாவட்டம் ஆற்காடு அடுத்த மேல்விஷாரம் சாதிக்பாட்சா நகர் அருகே தேசிய நெடுஞ்சாலையில் கார் ஒன்று விபத்துக்குள்ளாகி சாலையோரம் நிற்பதாக அப்பகுதி மக்கள் டவுன் போலீசாருக்கு தகவல் தெரிவித்தனர். சம்பவ இடத்திற்கு விரைந்து சென்று பார்த்தபோது பெங்களூருவில் இருந்து சென்னை நோக்கி வந்த கார் நிலைதடுமாறி சாலையின் நடுவே இருந்த தடுப்பு வேலி மீது மோதி விபத்துக்குள்ளானது தெரியவந்தது.

மேலும் காரில் தடை செய்யப்பட்ட 15 மூட்டை குட்கா இருப்பது தெரியவந்தது. அதைத்தொடர்ந்து காரை பறிமுதல் செய்த போலீசார் அதில் இருந்த 15 மூட்டை குட்காவையும் பறிமுதல் செய்தனர். குட்கா கடத்தலில் ஈடுபட்டு விபத்தை ஏற்படுத்தி விட்டு தப்பி சென்றவர்களை போலீசார் தேடி வருகின்றனர்.

ராணிப்பேட்டை:

தமிழகத்தில் திடக்கழிவு மேலாண்மை திட்டம் எவ்வாறு செயல்படுத்தப்படுகிறது என ஆய்வு செய்து வருகிறோம்.

ராணிப்பேட்டை புதிய மாவட்டம் என்றாலும், நகராட்சி வளாகத்துக்குள்ளேயே திடக்கழிவு மேலாண்மை திட்டத்தை செயல்படுத்தியுள்ளது சிறப்பு ஆகும்.


பொதுவாக அந்த 60 சதவீதம் மக்கும் குப்பைகளை வீடுகளிலேயே பிரித்து பொதுமக்கள் பிரித்து கொடுத்துவிட்டால், அவற்றை எங்கும் கொட்டவேண்டிய அவசியம் இருக்காது.

சென்னையைப் பொருத்தவரை 23 சதவீதத்துக்கு மேல் இந்நடைமுறை வரவில்லை. இது தொடர்பாக கடந்த 10 நாள்களுக்கு முன்பு முதல்வரை நேரில் சந்தித்து அறிக்கையை தந்துள்ளேன்.

அப்போது உரிய நடவடிக்கை மேற்கொள்ளவில்லை எனில் சென்னை மற்றும் கோவை நகரங்கள் பிரச்சனைக்குள்ளாகும் எனவும் தெரிவித்துள்ளேன்.

ராணிப்பேட்டை நகராட்சியில் 95 சதவீதம் குப்பைகள் தரம் பிரித்து அளிக்கப்படுவது சிறப்பு வாய்ந்தது. அதை அப்படியே பராமரிக்க வேண்டும் என்றால் மாணவர்களிடையே விழிப்புணர்வு ஏற்படுத்த வேண்டும்.

உலக வெப்பமயமாதலில் உலக அளவில் திடக்கழிவுகள் 16 சதவீதம் பங்களிப்பு உள்ளதால், 1.5 சதவீதம் கடல் வெப்பம், 2 சதவீதமாக உயர்ந்தால் பாதி சென்னை கடலில் மூழ்கும்.

கொல்கத்தா நகரம் முழுவதும் கடலில் மூழ்கும் அபாயம் உள்ளது. வீடுகளிலேயே 100 சதவீதம் குப்பைகளை தரம் பிரித்து வழங்க வேண்டும் என சட்டம் உள்ளது. அதை நகராட்சி, மாநகராட்சிகள் உறுதிப்படுத்த வேண்டும்.

இவ்வாறு அவர் கூறினார்.

ராணிப்பேட்டை:

கொரோனா தொற்று ஏற்பட்டு தாய் தந்தையர்கள் இரண்டு பேரையும் இழந்த குழந்தைகளின் மறுவாழ்விற்காக தமிழக அரசின் மூலமாக ரூ.5 லட்சம் வழங்கப்படும் என்று தமிழக முதலமைச்சர் அவர்கள் அறிவித்து அதற்கான நிவாரண நிதிகளை வழங்கினார்கள். அதேபோல மத்திய அரசும் தலா ரூ.10 லட்சம் நிதி வழங்கிட ஆணையிட்டுள்ளது.

ராணிப்பேட்டை மாவட்டத்தில் கொரோனாவால் தாய் தந்தையை இழந்த 3 குழந்தைகள் மாவட்ட குழந்தைகள் பாதுகாப்பு துறையின் மூலம் கண்டறிப்பட்டனர்.

அவர்களுக்கு மத்திய அரசின் நிவாரணத்தொகை ரூ.10 லட்சம் மற்றும் மாநில அரசின் நிவாரண தொகை ரூ.5 லட்சம் மொத்தம் ரூ. 15 லட்சம் நிதியுதவி தொகை அவர்களின் வங்கி கணக்கில் வைக்கப்பட்டதற்கான ஆணையினை கலெக்டர் பாஸ்கரபாண்டியன் வழங்கினார்.

குழந்தைகளின் உறவினர்களிடம் குழந்தைகளின் படிப்பு மற்றும் எதிர்கால பயன்பாட்டிற்காக பயன்படுத்திக்கொண்டு இவர்களை நன்றாக படிக்க வைக்க வேண்டுமென அறிவுரை கூறினார். பெற்றோர்களை இழந்த குழந்தைகளை பராமரிக்கும் உறவினர்களுக்கு பராமரிப்பு தொகையாக ரூ.3 ஆயிரம் விரைவில் வழங்கப்படவுள்ளது.

ராணிப்பேட்டை மாவட்டத்தில் 208 குழந்தைகள் பெற்றோர்களில் ஒருவரை இழந்துள்ளனர்.

இதில் 137 குழந்தைகளுக்கு தலா ரூ.3 லட்சம் நிவாரண நிதியுதவி ஏற்கெனவே வங்கி கணக்கில் வழங்கப்பட்டுள்ளது. மீதம் உள்ளவர்களுக்கு விரைவில் வழங்கபட உள்ளது.

இந்த நிகழ்ச்சியில் மாவட்ட குழந்தைகள் பாதுகாப்பு அலுவலர் கெஜலட்சுமி, அலுவலக கண்காணிப்பாளர் முருகன், புறத்தொடர்பு அலுவலர் அரவிந்த் மற்றும் உறவினர்கள் கலந்துக்கொண்டனர்.