இது புதுசு

எம்ஜி மோட்டார் நிறுவனம் 2021 ஹெக்டார் பிளஸ் 7 சீட்டர் வேரியண்ட் இந்திய சந்தையில் அறிமுகம் செய்யப்பட்டு இருக்கிறது. புதிய ஹெக்டார் பிளஸ் துவக்க விலை ரூ. 1334800, எக்ஸ்-ஷோரூம் என துவங்கி டாப் எண்ட் மாடல் விலை ரூ. 1832800 என நிர்ணயம் செய்யப்பட்டு உள்ளது.

புதிய 7 சீட்டர் வேரியண்ட் 18 இன்ச் டூயல் டோன் அலாய் வீல்களை கொண்டிருக்கிறது. மேலும் இந்த கார் 1.5 லிட்டர் டர்போ பெட்ரோல், 2.0 லிட்டர் டீசல் யூனிட் ஆப்ஷன்களில் கிடைக்கிறது. இதன் 1.5 லிட்டர் டர்போ பெட்ரோல் யூனிட் 115 பிஹெச்பி பவர், 250 என்எம் டார்க் செயல்திறன் வழங்குகிறது.

2.0 லிட்டர் டீசல் யூனிட் 173 பிஹெச்பி பவர், 350 என்எம் டார்க் செயல்திறன் வழங்குகிறது. இரு என்ஜின்களுடன் 6 ஸ்பீடு மேனுவல் கியர்பாக்ஸ், ஆப்ஷனல் 7 ஸ்பீடு டிசிடி டிரான்ஸ்மிஷன் வழங்கப்படுகிறது. இத்துடன் பெட்ரோல் என்ஜின் 48 வோல்ட் மைல்டு ஹைப்ரிட் சிஸ்டம் வசதியுடன் கிடைக்கிறது.

எம்ஜி ஹெக்டார் பிளஸ் 6 சீட்டர் துவக்க விலை ரூ. 15,99,800 என துவங்கி டாப் எண்ட் மாடல் விலை ரூ. 19,12,800 என மாறி இருக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. 6 சீட்டர் வேரியண்ட் 18 இன்ச் டூயல் டோன் அலாய் வீல்கள், வயர்லெஸ் சார்ஜிங், ஆட்டோ டிம்மிங் போன்ற அம்சங்கள் வழங்கப்படுகிறது.

மெர்சிடிஸ் பென்ஸ் நிறுவனம் புதிய எஸ் கிளாஸ் மேஸ்ட்ரோ எடிஷன் மாடலை இந்திய சந்தையில் அறிமுகம் செய்தது. இந்தியாவில் இதன் விலை ரூ. 1.51 கோடி, எக்ஸ்-ஷோரூம் என நிர்ணயம் செய்யப்பட்டு உள்ளது. 

எஸ் கிளாஸ் மேஸ்ட்ரோ எடிஷன் புதிய வெளிப்புற நிறம், மேம்பட்ட இன்டீரியர், புது கனெக்டெட் கார் தொழில்நுட்பம் உள்ளிட்ட அம்சங்களை கொண்டிருக்கிறது. மேலும் மெர்சிடிஸ் மி கனெக்ட் தொழில்நுட்பம் கொண்டு முதல் மெர்சிடிஸ் கார் இது ஆகும்.

மெர்சிடிஸ் பென்ஸ் எஸ் கிளாஸ் மேஸ்ட்ரோ எடிஷன் எஸ்350டி வேரியண்ட்டை தழுவி உருவாகி இருக்கிறது. இதில் 3.0 லிட்டர் இன்-லைன், 6 சிலிண்டர் டீசல் என்ஜின் வழங்கப்பட்டு இருக்கிறது. இந்த என்ஜின் 286 பிஹெச்பி பவர், 600 என்எம் டார்க் செயல்திறன் வழங்குகிறது. இத்துடன் ஆட்டோமேடிக் டிரான்ஸ்மிஷன் வழங்கப்படுகிறது.

இந்த கார் மணிக்கு 0 முதல் 100 கிலோமீட்டர் வேகத்தை வெறும் 6.0 நொடிகளில் எட்டிவிடும் திறன் கொண்டுள்ளது. மேலும் இது மணிக்கு அதிகபட்சமாக 250 கிலோமீட்டர் வேகத்தில் செல்லும் திறன் கொண்டிருக்கிறது.

எம்ஜி மோட்டார் நிறுவனம் ஹெக்டார் பேஸ்லிப்ட் மாடலை இந்திய சந்தையில் அறிமுகம் செய்தது. புதிய பேஸ்லிப்ட் மாடல் துவக்க விலை ரூ. 12.90 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. 

புதிய கார் வெளிப்புறம் புது வடிவமைப்பு கொண்ட பம்ப்பர், புதிய கிரில், அலாய் வீல்கள் மற்றும் பின்புறமும் மேம்பட்ட அம்சங்களை கொண்டிருக்கிறது. உள்புறம் வென்டிலேட் செய்யப்பட்ட முன் இருக்கைகள், வயர்லெஸ் சார்ஜிங், டூயல்டோன் பெய்க் மற்றும் பிளாக் இருக்கைகள், லெதர் சீட்கள் வழங்கப்பட்டு இருக்கிறது.

2021 எம்ஜி ஹெக்டார் பேஸ்லிப்ட் மாடலில் 1.5 லிட்டர் பெட்ரோல் மோட்டார், 1.5 லிட்டர் பெட்ரோல் ஹைப்ரிட் மோட்டார் மற்றும் 2.0 லிட்டர் டீசல் மோட்டார் வழங்கப்பட்டு உள்ளது. இத்துடன் 6 ஸ்பீடு மேனுவல் டிரான்ஸ்மிஷன், பெட்ரோல் என்ஜினுக்கு டிசிடி யூனிட் ஆப்ஷனாக வழங்கப்படுகிறது.

இந்திய சந்தையில் புதிய ஹெக்டார் பேஸ்லிப்ட் மாடல் டாடா ஹேரியர், ஹூண்டாய் கிரெட்டா மற்றும் கியா செல்டோஸ் போன்ற மாடல்களுக்கு போட்டியாக அமைகிறது. ஹெக்டார் பேஸ்லிப்ட் டாப் எண்ட் மாடல் விலை ரூ. 18.33 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

டொயோட்டா நிறுவனம் ஏற்கனவே அறிவித்தப்படி இந்திய சந்தையில் பார்ச்சூனர் பேஸ்லிப்ட் மற்றும் பார்ச்சூனர் லெஜண்டர் மாடல்களை அறிமுகம் செய்தது. இதில் லெஜண்டர் வேரியண்ட் விசேஷ ஸ்டைலிங் கொண்டிருக்கிறது.

இந்திய சந்தையில் புதிய பார்ச்சூனர் மாடல் துவக்க விலை 29.98 லட்சம், எக்ஸ்-ஷோரூம் என துவங்கி டாப் எண்ட் மாடல் விலை ரூ. 31.57 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. பார்ச்சூனர் லெஜண்டர் மாடல் விலை ரூ. 37.58 லட்சம் என நிர்ணயம் செய்யப்பட்டு உள்ளது.

டொயோட்டா பார்ச்சூனர் பேஸ்லிப்ட் மாடலின் முன்புறம் தற்போதைய மாடலில் உள்ளதை போன்றே காட்சியளிக்கும் என தெரிகிறது. லெஜண்டர் வெர்ஷனில் பிரம்மாண்ட முன்புறம், மெல்லிய கிரில், பெரிய ஏர் டேம், எல்இடி பாக் லேம்ப்கள் வழங்கப்படுகிறது.

பார்ச்சூனர் பேஸ்லிப்ட் மாடலில் 2.7 லிட்டர் பெட்ரோல் மற்றும் 2.8 லிட்டர் டீசல் என்ஜின் வழங்கப்பட்டு உள்ளது. இது 177 பிஹெச்பி பவர், 420 என்எம் டார்க் செயல்திறன் வழங்குகிறது. இத்துடன் 6 ஸ்பீடு மேனுவல் டிரான்ஸ்மிஷன் வழங்கப்படுகிறது. 

கவாசகி இந்தியா நிறுவனம் இந்திய சந்தையில் Z H2 மற்றும் Z H2 SE என இரு மோட்டார்சைக்கிள் மாடல்களை அறிமுகம் செய்துள்ளது. இவற்றின் விலை முறையே ரூ. 21.90 லட்சம் மற்றும் ரூ. 25.90 லட்சம் என நிர்ணயம் செய்யப்பட்டு உள்ளன.

சூப்பர்சார்ஜ் செய்யப்பட்ட ரோட்ஸ்டர் மோட்டார்சைக்கிள் புல் எல்இடி லைட்டிங், ப்ளூடூத் சார்ந்து இயங்கும் 4.3-இன்ச் கலர் இன்ஸ்ட்ரூமென்ட் கிளஸ்டர் உள்ளிட்ட அம்சங்களை கொண்டுள்ளது. 

புது மோட்டார்சைக்கிள் 998சிசி, இன்-லைன் 4 சிலிண்டர், லிக்விட் கூல்டு, DOHC, 16-வால்வ், சூப்பர்சார்ஜ் செய்யப்பட்ட என்ஜின் வழங்கப்பட்டு இருக்கிறது. இந்த என்ஜின் 197.2 பிஹெச்பி பவர் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

கவாசகி Z H2 மாடல் டிரெலிஸ் பிரேம் கொண்டு உருவாக்கப்பட்டு இருக்கிறது. மேலும் இந்த மாடலில் டிராக்ஷன் கண்ட்ரோல், மூன்றுவித ரைடிங் மோட்கள், குவிக்-ஷிப்டர் மற்றும் குரூயிஸ் கண்ட்ரோல் சிஸ்டம் வழங்கப்படுகிறது.

மாருதி சுசுகி மற்றும் டொயோட்டா நிறுவனங்கள் ஒன்றிணைந்து சில புதிய கார்களை இந்திய சந்தையில் அறிமுகம் செய்ய இருப்பதாக தகவல் வெளியாகி உள்ளன. இரு நிறுவனங்களும் தங்களின் பிராண்டிங்கில் சிறிய கார் மற்றும் எம்பிவி மாடல்களை அறிமுகம் செய்யலாம் என தெரிகிறது.

அந்த வகையில் டொயோட்டா நிறுவனத்தின் சிறிய கார் 560B எனும் குறியீட்டு பெயரில் உருவாகி வருவதாக கூறப்படுகிறது. இந்த மாடல் 2021 ஆண்டு இறுதியிலோ அல்லது 2022 துவக்கத்திலோ விற்பனைக்கு வரலாம் என எதிர்பார்க்கப்படுகிறது. 

இது பெட்ரோல் என்ஜின் கொண்ட மாடலாக இருக்கும் என தெரிகிறது. எனினும், இது பல்வேறு என்ஜின் ஆப்ஷன்களில் கிடைக்கும் என கூறப்படுகிறது. இதில் காம்பேக்ட் பேட்டரி எலெக்ட்ரிக் வெஹிகில் பிளாட்பார்ம் கொண்டிருக்கும் என தெரிகிறது. இத்துடன் பெட்ரோல்-சிஎன்ஜி ஆப்ஷன்களும் வழங்கப்படலாம்.

எம்பிவி-யை பொருத்தவரை இந்த கார் முற்றிலும் புதிய மாடலாக இருக்கும் என்றும் இது எர்டிகா மற்றும் இன்னோவா க்ரிஸ்டா இடையே உள்ள இடைவெளியை போக்கும் வகையில் இருக்கும் என கூறப்படுகிறது. இது ரீபேட்ஜ் வெர்ஷனாக இல்லாமல் முற்றிலும் புதிய மாடலாக இருக்கும் என்றே கூறப்படுகிறது.

பிஎம்டபிள்யூ நிறுவனத்தின் செடான் மாடல்களில் பலரக்கும் விருப்பமான ஒன்றாக எம்5 சீரிஸ் இருக்கிறது. தற்சமயம் விற்பனை செய்யப்படும் பிஎம்டபிள்யூ எம்5 சந்தையில் வெளியாகி சில ஆண்டுகள் கழிந்துவிட்டது. தற்சமயம் புதிய எம்5 காம்படீஷன் மாடல் அறிமுகம் செய்யப்பட இருக்கிறது.

புதிய எம்5 மாடல் சக்திவாய்ந்த அம்சங்களுடன் உருவாகி வருகிறது. இந்நிலையில், புதிய எம்5 மாடலின் வெளியீட்டை உணர்த்தும் வகையில் டீசர் வீடியோவை பிஎம்டபிள்யூ வெளியிட்டு உள்ளது.

டீசரின் படி பிஎம்டபிள்யூ எம்5 சிஎஸ் மாடல் 4.4 லிட்டர் ட்வின் டர்போ வி8 பெட்ரோல் என்ஜின் கொண்டிருக்கும் என்றும் இது 635 ஹெச்பி பவர் கொண்டிருக்கும் என தெரியவந்துள்ளது. மேலும் இந்த கார் எடை முந்தைய மாடலை விட 70 கிலோ வரை குறைக்கப்பட்டு இருக்கிறது.

இந்த என்ஜினுடன் 8 ஸ்பீடு எம் ஸ்டெப்-டிரானிக் ஆட்டோமேடிக் டிரான்ஸ்மிஷன் மற்றும் எக்ஸ்-டிரைவ் ஆல்-வீல் டிரைவ் சிஸ்டம் என இருவித ஆப்ஷன்கள் வழங்கப்பட இருக்கிறது. இத்துடன் 4WD, 4WD ஸ்போர்ட் மற்றும் 2WD டிரைவ் மோட்களை கொண்டிருக்கும் என தெரிகிறது.

இத்துடன் புதிய பிஎம்டபிள்யூ எம்5 சிஎஸ் மாடல் தங்க நிறத்தால் ஆன அலுமினியம் வீல்கள், கார்பன் செராமிக் பிரேக் மற்றும் சிவப்பு நிற கேலிப்பர்களை கொண்டிருக்கிறது. இதன் கிரில் பகுதியை சுற்றி தங்கம் மற்றும் வெங்கல நிற அக்சென்ட்கள் செய்யப்பட்டு உள்ளன. மேலும் இதில் மஞ்சள் நிற முகப்பு விளக்குகள் வழங்கப்படுகின்றன.

தற்போதைய பிஎம்டபிள்யூ எம்5 மாடலில் 4.4 லிட்டர் ட்வின் டர்போ வி8 பெட்ரோல் என்ஜின் வழங்கப்பட்டு இருக்கிறது. இந்த என்ஜின் 625 ஹெச்பி பவர், 750 என்எம் டார்க் வெளிப்படுத்தும் திறன் கொண்டுள்ளது. 

இந்த கார் மணிக்கு 0 முதல் 100 கிலோமீட்டர் வேகத்தை வெறும் 3.3 நொடிகளில் எட்டிவிடும். மேலும் இந்த கார் மணிக்க 305 கிலோமீட்டர் வேகத்தில் சீறிப்பாயும் திறன் கொண்டிருக்கிறது.

கியா மோட்டார்ஸ் நிறுவனம் எம்பிவி மாடல் ஒன்றை உருவாக்கும் பணிகளில் ஈடுபட்டு வருவதாக தகவல் வெளியாகி உள்ளது. இது கியா செல்டோஸ் மாடல் உருவான பிளாட்பார்மை பயன்படுத்தும் என கூறப்படுகிறது. 

முன்னதாக புதிய கியா எம்பிவி கார் இந்த மாதம் அறிமுகம் செய்ய திட்டமிடப்பட்டு இருந்தது. எனினும், தற்போதைய தகவல்களில் புதிய எம்பிவி மாடல் வெளியீடு தாமதமாகி இருப்பதாக கூறப்படுகிறது. கியா எம்பிவி மாடல் ஜனவரி 2022 ஆண்டு அறிமுகம் செய்யப்படலாம் என தெரிகிறது.

புதிய ஏழு பேர் பயணிக்கக்கூடிய எம்பிவி மாடல் மாரது எர்டிகா மற்றும் டொயோட்டா இன்னோவா க்ரிஸ்டா மாடல்களின் மேல் நிலை நிறுத்தப்படலாம் என தெரிகிறது. புதிய எம்பிவி மாடல் கேவை எனும் குறியீட்டு பெயர் கொண்டிருக்கும் என கூறப்படுகிறது.

முதற்கட்டமாக இந்த எம்பிவி மாடல் உள்நாட்டில் மட்டும் 50 ஆயிரம் யூனிட்கள் விற்பனை செய்யப்பட்டு, 26 ஆயிரம் யூனிட்கள் ஏற்றுமதி செய்ய கியா மோட்டார்ஸ் திட்டமிட்டு இருக்கிறது. இந்த கார் உற்பத்தி பணிகள் ஆந்திர பிரதேச மாநிலத்தில் உள்ள ஆலையில் நடைபெற இருக்கிறது.

டாடா மோட்டார்ஸ் நிறுவனம் புதிய கிராவிடாஸ் மாடல் காரை ஜனவரி 26 ஆம் தேதி அறிமுகம் செய்ய இருப்பதாக தகவல் வெளியாகி உள்ளது. முன்னதாக இந்த மாடல் ஸ்பை படங்கள் இணையத்தில் வெளியாகி இருந்தது குறிப்பிடத்தக்கது.

இதே கார் 2020 ஆட்டோ எக்ஸ்போ விழாவில் காட்சிக்கு வைக்கப்பட்டது. இந்த மாடல் எம்ஜி ஹெக்டார் பிளஸ் மற்றும் மஹிந்திரா எக்ஸ்யுவி500 போன்ற மாடல்களுக்கு போட்டியாக அமைகிறது. 

புதிய டாடா கிராவிடாஸ் மாடலில் 2.0 லிட்டர் க்ரியோடெக் டீசல் என்ஜின் வழங்கப்பட இருக்கிறது. இந்த என்ஜின் 170 பிஹெச்பி பவர், 350 என்எம் டார்க் செயல்திறன் வழங்குகிறது. இத்துடன் 6 ஸ்பீடு மேனுவல் மற்றும் 6 ஸ்பீடு ஆட்டோமேடிக் யூனிட் வழங்கப்படுகிறது.

டாடா கிராவிடாஸ் புதிய வேரியண்ட்டில் எலெக்டிரானிக் பார்க்கிங் பிரேக், புது வடிவமைப்பு, எல்இடி டெயில் லைட்கள், ஸ்டெப்டு ரூப், ரேக்டு ரியர் விண்ட்ஷீல்டு, புதிய அலாய் வீல், சன்ரூப் என பல்வேறு அம்சங்களை கொண்டிருக்கும் என தெரிகிறது.

மாருதி சுசுகி பலேனோ மாடல் ஸ்பை படங்கள் இணையத்தில் லீக் ஆகி இருக்கிறது. ஸ்பை படங்களின் படி புதிய பலேனோ சக்கரங்களில் பரிசோதனை உபகரணம் இணைக்கப்பட்டு இருப்பது தெளிவாக தெரிகிறது. 

இந்த உபகரணத்துடன் வையர்கள் காரின் உள்புற கேபின் வரை நீள்கிறது. அதன்படி மாருதி சுசுகி நிறுவனம் தனது பிரீமியம் ஹேட்ச்பேக் மாடலை ஹைப்ரிட் என்ஜினுடன் சோதனை செய்து வருவதாக கூறப்படுகிறது.

புதிய என்ஜின் 48V ஹைப்ரிட் சிஸ்டம் கொண்டிருக்கும் என்றும் இது அதிக மைலேஜ் வழங்க உதவும் என்றும் கூறப்படுகிறது. இந்த சிஸ்டம் ஸ்டிராங் ஹைப்ரிட் எலெக்ட்ரிக் வெஹிகில் என அழைக்கப்படுகிறது. இது அதிக திறன் கொண்ட பேட்டரி பேக் கொண்டிருக்கும் என தெரிகிறது. 

முன்னதாக 2020 ஆட்டோ எக்ஸ்போ விழாவில் மாருதி சுசுகி நிறுவனம் ஸ்விப்ட் ஹேட்ச்பேக் கார் மாடலை ஸ்டிராங் ஹைப்ரிட் சிஸ்டத்துடன் காட்சிப்படுத்தியது. 1.2 லிட்டர் பெட்ரோல் என்ஜின் மற்றும் 10kW எலெக்ட்ரிக் மோட்டார் வழங்கப்படுகிறது. இந்த ஹைப்ரிட் என்ஜின் 92 பிஹெச்பி பவர், 118 என்எம் டார்க் செயல்திறன் வழங்குகிறது.

ஜீப் இந்தியா நிறுவனம் புதிய காம்பஸ் பேஸ்லிப்ட் எஸ்யுவி மாடலை வரும் வாரங்களில் அறிமுகம் செய்ய இருக்கிறது. சமீபத்தில் இந்த மாடல் ஜனவரி 7 ஆம் தேதி அறிமுகமாகும் என அறிவித்து இருக்கிறது.

தற்சமயம் வெளியீட்டுக்கு முன் 2021 ஜீப் காம்பஸ் பேஸ்லிப்ட் எஸ்யுவி மாடலுக்கான முதல் டீசரை வெளியிட்டு உள்ளது. டீசரின் படி பேஸ்லிப்ட் செய்யப்பட்ட காம்பஸ் எஸ்யுவி மாடல் புதிதாக பச்சை நிறம் கொண்டிருக்கும் என தெரியவந்துள்ளது.

புதிய நிறம் தவிர பேஸ்லிப்ட் செய்யப்பட்ட கார் மாடலின் வெளிப்புறம் மற்றும் உள்புறங்களில் அதிகளவு மாற்றங்கள் செய்யப்பட்டு இருக்கலாம் என எதிர்பார்க்கப்படுகிறது. ஜீப் காம்பஸ் பேஸ்லிப்ட் மாடலில் மேம்பட்ட ஏழு ஸ்லாட் கிரில், மெல்லிய எல்இடி ஹெட்லேம்ப்கள், எல்இடி டிஆர்எல்கள் வழங்கப்படலாம் என தெரிகிறது.

உள்புறம் பெரிய 10.1 இன்ச் தொடுதிரை வசதி கொண்ட இன்போடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி மற்றும் ஜீப் நிறுவனத்தின் யுகனெக்ட்5 தொழில்நுட்பம் வழங்கப்படும் என கூறப்படுகிறது. 2021 ஜீப் காம்பஸ் பேஸ்லிப்ட் மாடல் 1.4 லிட்டர் டர்போ பெட்ரோல், 2.0 லிட்டர் டீசல் என்ஜின் வழங்கப்படுகிறது.

இந்த என்ஜின்கள் முறையே 163 பிஹெச்பி பவர், 250 என்எம் டார்க் செயல்திறன், 6 ஸ்பீடு மேனுவல், 7 ஸ்பீடு டிசிடி ஆட்டோமேடிக் கியர்பாக்ஸ் மற்றும் 172 பிஹெச்பி பவர், 350 என்எம் டார்க் செயல்திறன், 6 ஸ்பீடு மேனுவல் மற்றும் 9 ஸ்பீடு ஆட்டோமேடிக் கியர்பாக்ஸ் வழங்கப்படலாம் என தெரிகிறது.

மஹிந்திரா நிறுவனம் நான்காம் தலைமுறை ஸ்கார்பியோ மாடலுக்கான காப்புரிமை கோரி விண்ணப்பித்து இருக்கிறது. அதன்படி  ‘SCORPION’ மற்றும் ‘SCORPIOn’ என இரு பெயர்களை பதிவு செய்து இருக்கிறது. விண்ணப்பத்திற்கு இதுவரை அனுமதி வழங்கப்படவில்லை.

முன்னதாக மஹிந்திரா நிறுவனம் ‘Scorpio Sting’ எனும் பெயருக்கு காப்புரிமை பெற்றது. புதிய ஸ்கார்பியோ மாடலுக்கென மஹிந்திரா புதிய லோகோவை வடிவமைத்து வருவதாக கூறப்படுகிறது. புதிய ஸ்கார்பியோ மேம்பட்ட எல்இடி ஹெட்லேம்ப், மல்டி-ஸ்லாட் கிரில், மேம்பட்ட பம்ப்பர்கள் வழங்கப்படுகிறது.

சமீபத்திய ஸ்பை படங்களில் மஹிந்திரா ஸ்கார்பியோ லோயர் வேரியண்ட் ஸ்டீல் வீல்களுடன் சோதனை செய்யப்படுவது தெரியவந்துள்ளது. மேலும் இந்த மாடலில் 6 ஸ்பீடு மேனுவல் டிரான்ஸ்மிஷன் வழங்கப்படுகிறது. 

புதிய மஹிந்திரா ஸ்கார்பியோ கார் 2.0 லிட்டர் டீசல் என்ஜின் வழங்கப்படலாம். இந்த என்ஜின் 158 பிஹெச்பி பவர், 400 என்எம் டார்க் செயல்திறன் வழங்கும் என கூறப்படுகிறது. இத்துடன் 6 ஸ்பீடு மேனுவல் அல்லது ஆட்டோமேடிக் கியர்பாக்ஸ் வழங்கப்படலாம்.