என் மலர்
இது புதுசு
ஹீரோ மோட்டோகார்ப் நிறுவனத்தின் புதிய எக்ஸ்டிரீம் 160ஆர் ஸ்டெல்த் எடிஷன் மாடல் புதிய நிறத்தில் கிடைக்கிறது.
ஹீரோ மோட்டோகார்ப் நிறுவனம் புதிய எக்ஸ்டிரீம் 160ஆர் ஸ்டெல்த் எடிஷன் மோட்டார்சைக்கிளை இந்திய சந்தையில் அறிமுகம் செய்தது. புதிய எக்ஸ்டிரீம் 160ஆர் ஸ்டெல்த் எடிஷன் விலை ரூ. 1,16,660 (எக்ஸ்-ஷோரூம்) ஆகும்.
ஸ்டெல்த் எடிஷன் மாடல் ஸ்டான்டர்டு மாடலை விட வித்தியாசமாக காட்சியளிக்கிறது. இந்த மாடலில் மேட் பிளாக் நிற பெயிண்டிங் செய்யப்பட்டு உள்ளது. மேலும் 3டி சின்னம் மற்றும் ஸ்டெல்த் பேட்ஜ் இடம்பெற்று இருக்கிறது.
புதிய நிறம் தவிர இந்த மாடலில் வேறு எந்த மாற்றங்களும் மேற்கொள்ளப்படவில்லை. அந்த வகையில் இந்த மாடலில் 160சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 15 பி.ஹெச்.பி. திறன், 14 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு கியர்பாக்ஸ் உள்ளது.
டிரைடன் இ.வி. நிறுவனம் இந்திய சந்தையில் தனது முதல் எலெக்ட்ரிக் காரை அறிமுகம் செய்தது.
அமெரிக்காவை சேர்ந்த எலெக்ட்ரிக் வாகன உற்பத்தியாளரான டிரைடன் இ.வி. இந்தியாவில் உற்பத்தி ஆலையை கட்டமைக்க இருப்பதாக சமீபத்தில் அறிவித்தது. இதைத் தொடர்ந்து மாடல் ஹெச் எலெக்ட்ரிக் எஸ்.யு.வி. மாடலை ஐதராபாத் நகரில் அறிமுகம் செய்து இருக்கிறது. டிரைடன் நிறுவனம் இந்தியாவில் அறிமுகம் செய்யும் முதல் எலெக்ட்ரிக் கார் இது ஆகும்.
இந்த எலெக்ட்ரிக் கார் 5690 எம்.எம். நீளமும், 2057 எம்.எம். உயரமும், 1880 எம்.எம். அகலமும் கொண்டிருக்கிறது. இதன் வீல்பேஸ் 3302 எம்.எம். ஆகும். டிரைடன் இ.வி. மாடல் ஹெச் எட்டு பேர் பயணிக்கும் வகையில் உருவாக்கப்பட்டு இருக்கிறது. இது ஏழு டன் எடையை சுமந்து செல்லும் திறன் கொண்டுள்ளது.
டிரைடன் மாடல் ஹெச் எஸ்.யு.வி. காரில் 200 கிலோவாட் ஹவர் பேட்டரி வழங்கப்பட்டு இருக்கிறது. இந்த பேட்டரியை ஹைப்பர்சார்ஜர் கொண்டு இரண்டு மணி நேரங்களில் முழுமையாக சார்ஜ் செய்ய முடியும்.
இந்த எலெக்ட்ரிக் கார் முழு சார்ஜ் செய்தால் 1200 கிலோமீட்டர் வரை செல்லும் திறன் கொண்டிருக்கிறது. இது உண்மையாகும் பட்சத்தில், இந்தியாவில் ஆயிரம் கி.மீ. ரேன்ஜ் கொண்ட முதல் எலெக்ட்ரிக் காராக மாடல் ஹெச் இருக்கும்.
பஜாஜ் நிறுவனம் 2022 கே.டி.எம். ஆர்சி200 மோட்டார்சைக்கிள் இந்திய விலையை அறிவித்து இருக்கிறது.
பஜாஜ் ஆட்டோ நிறுவனம் புதிய ஆர்.சி.200 மோட்டார்சைக்கிள் இந்திய விலையை அறிவித்தது. அதன்படி புதிய ஆர்.சி.200 விலை ரூ. 2,08,717, எக்ஸ்-ஷோரூம் என நிர்ணயம் செய்யப்பட்டு உள்ளது. இது வெறும் அறிமுக விலை தான். விரைவில் இந்த விலை மாற்றப்படும்.
2022 கே.டி.எம். ஆர்சி200 மாடலில் முற்றிலும் புதிய சேசிஸ், மேம்பட்ட எர்கோனமிக், எலெக்டிரானிக்ஸ் வழங்கப்பட்டு இருக்கிறது. இதன் ஒட்டுமொத்த ஸ்டைலிங் கிராண்ட் ப்ரிக்ஸ்-ஐ தழுவி உருவாக்கப்பட்டு இருக்கிறது.
புதிய ஆர்சி200 மாடலுக்கான முன்பதிவுகள் ஏற்கனவே துவங்கி நடைபெற்று வருகிறது. முன்பதிவு கே.டி.எம். விற்பனை மையங்களில் நடைபெறுகிறது. இந்த மாடலுக்கான முன்பதிவுகளும் ஏற்கனவே துவங்கி நடைபெற்று வருகிறது. விரைவில் இந்த மோட்டார்சைக்கிள் விற்பனை மையங்களை வந்தடையும் என தெரிகிறது.
பி.எம்.டபிள்யூ. நிறுவனம் இந்திய சந்தையில் விலை உயர்ந்த ஸ்கூட்டர் மாடலை அறிமுகம் செய்து இருக்கிறது. இதன் அம்சங்களை பார்ப்போம்.
பி.எம்.டபிள்யூ. மோட்டராட் நிறுவனம் இந்திய சந்தையில் சி400 ஜிடி ஸ்கூட்டரை அறிமுகம் செய்தது. புதிய பி.எம்.டபிள்யூ. சி400 ஜிடி விலை ரூ. 9.95 லட்சம் (எக்ஸ்-ஷோரூம்) என நிர்ணயம் செய்யப்பட்டு உள்ளது. இந்த விலை உயர்ந்த ஸ்கூட்டர் மாடலுக்கு போட்டியாக இந்திய சந்தையில் வேறு எந்த மாடலும் இல்லை.
இந்தியாவில் புதிய பி.எம்.டபிள்யூ. சி400 ஜிடி மாடல் சி.பி.யு. முறையில் கொண்டுவரப்படுகிறது. இந்த ஸ்கூட்டரில் 350சிசி, வாட்டர் கூல்டு சிங்கில் சிலிண்டர் 4 ஸ்டிரோக் என்ஜின் வழங்கப்பட்டு இருக்கிறது. இந்த என்ஜின் 34 ஹெச்.பி. திறன், 35 நியூட்டன் மீட்டர் டார்க் இழுவிசையை வழங்குகிறது.
புதிய பி.எம்.டபிள்யூ. சி400 ஜிடி மாடல் மணிக்கு 100 கிலோமீட்டர் வேகத்தை 9.5 நொடிகளில் எட்டிவிடும். மேலும் இது மணிக்கு 139 கிலோமீட்டர் வேகத்தில் செல்லும். பி.எம்.டபிள்யூ. சி400 ஜிடி மாடலில் இன்ஸ்ட்ரூமென்ட் கிளஸ்டர், 6.5 இன்ச் புல் கலர் டி.எப்.டி. ஸ்கிரீன் உள்ளது.
எம்ஜி மோட்டார் நிறுவனத்தின் ஆஸ்டர் மாடல் செயற்கை நுண்ணறிவு தொழில்நுட்பம் கொண்டுள்ளது.
எம்ஜி ஆஸ்டர் மாடல் இந்தியாவில் வெளியிடப்பட்டது. புதிய ஆஸ்டர் மாடல் துவக்க விலை ரூ. 9.78 லட்சம், எக்ஸ்-ஷோரூம் என துவங்குகிறது. ஆஸ்டர் மாடல் இந்திய சந்தையில் எம்ஜி நிறுவனத்தின் ஐந்தாவது கார் மாடல் ஆகும். மேலும் செயற்கை நுண்ணறிவு தொழில்நுட்பம் கொண்ட முதல் எம்ஜி கார் இது ஆகும்.
விலை விவரம்
எம்ஜி ஆஸ்டர் வி.டி.ஐ. டெக் (மேனுவல்) ஸ்டைல் - ரூ. 9.78 லட்சம்
எம்ஜி ஆஸ்டர் வி.டி.ஐ. டெக் (மேனுவல்) சூப்பர் - ரூ. 11.28 லட்சம்
எம்ஜி ஆஸ்டர் வி.டி.ஐ. டெக் (மேனுவல்) ஸ்மார்ட் - ரூ. 12.98 லட்சம்
எம்ஜி ஆஸ்டர் வி.டி.ஐ. டெக் (மேனுவல்) ஷார்ப் - ரூ. 13.98 லட்சம்
எம்ஜி ஆஸ்டர் வி.டி.ஐ. டெக் (சி.வி.டி.) சூப்பர் - ரூ. 12.68 லட்சம்
எம்ஜி ஆஸ்டர் வி.டி.ஐ. டெக் (சி.வி.டி.) ஸ்மார்ட் - ரூ. 14.18 லட்சம்
எம்ஜி ஆஸ்டர் வி.டி.ஐ. டெக் (சி.வி.டி.) ஷார்ப் - ரூ. 14.99 லட்சம்
எம்ஜி ஆஸ்டர் 220 டர்போ (ஏ.டி.) ஸ்மார்ட் - ரூ. 15.88 லட்சம்
எம்ஜி ஆஸ்டர் 220 டர்போ (ஏ.டி.) ஷார்ப் - ரூ. 16.78 லட்சம்
அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
புதிய ஆஸ்டர் மாடலில் 1.5 லிட்டர் பெட்ரோல், 1.3 லிட்டர் டர்போ பெட்ரோல் என்ஜின் வழங்கப்பட்டு இருக்கிறது. இவை முறையே 110 பி.எஸ். திறன், 144 நியூட்டன் மீட்டர் டார்க் இழுவிசை மற்றும் 140 பி.எஸ். திறன், 220 நியூட்டன் மீட்டர் டார்க் இழுவிசையை வழங்குகின்றன.
எம்ஜி ஆஸ்டர் மாடலின் அனைத்து வேரியண்ட்களிலும் 27 பாதுகாப்பு அம்சங்கள் வழங்கப்பட்டுள்ளன. இதன் டாப் எண்ட் மாடல்களில் 49 பாதுகாப்பு அம்சங்கள் உள்ளன.
ஸ்கோடா நிறுவனத்தின் ஸ்லேவியா மாடல் காருக்கான டீசர் வெளியிடப்பட்டு இருக்கிறது.
ஸ்கோடா நிறுவனம் விரைவில் ஸ்லேவியா மாடலை இந்திய சந்தையில் அறிமுகம் செய்கிறது. தற்போது இந்த காருக்கான டீசர் வெளியிடப்பட்டு இருக்கிறது. டீசரில் புதிய ஸ்லேவியா செடான் மாடல் என தெரியவந்துள்ளது. புதிய ஸ்லேவியா மாடல் எம்.கியூ.பி. ஏ.ஒ. ஐ.என். பிளாட்பார்மில் உருவாகி இருக்கிறது.
இந்த காரின் பவர் டிரெயின் ஸ்கோடா குஷக் மாடலில் உள்ளதை போன்றே வழங்கப்படும் என தெரிகிறது. அந்த வகையில் ஸ்கோடா ஸ்லேவியா மாடலில் 113 பி.ஹெச்.பி. திறன் வழங்கும் 1 லிட்டர் டி.எஸ்.ஐ. என்ஜின் அல்லது 150 பி.ஹெச்.பி. திறன் வழங்கும் 1.5 லிட்டர் டி.எஸ்.ஐ. பெட்ரோல் என்ஜின் வழங்கப்படலாம்.
இத்துடன் 6 ஸ்பீடு மேனுவல் டிரான்ஸ்மிஷன், 6 ஸ்பீடு டார்க் கன்வெர்ட்டர் ஆட்டோமேடிக் கியர்பாக்ஸ், 1.5 லிட்டர் என்ஜினுடன் 7 ஸ்பீடு டி.எஸ்.ஜி. டிரான்ஸ்மிஷன் வழங்கப்படலாம்.
எம்ஜி மோட்டார் நிறுவனத்தின் இசட்.எஸ். இவி பேஸ்லிப்ட் மாடல் மெல்லிய ஹெட்லேம்ப், டெயில் லைட்களை கொண்டுள்ளது.
எம்ஜி மோட்டார் நிறுவனம் இசட்.எஸ். இவி பேஸ்லிப்ட் மாடலை சர்வதேச சந்தையில் அறிமுகம் செய்தது. புதிய எலெக்ட்ரிக் கார் முழு சார்ஜ் செய்தால் 439 கிலோமீட்டர் வரை செல்லும் திறன் கொண்டிருக்கிறது. இந்தியாவில் ஏற்கனவே இசட்.எஸ். இவி மாடல் விற்பனை செய்யப்படும் நிலையில், பேஸ்லிப்ட் மாடல் அறிமுகம் செய்யப்படுமா என்பது கேள்விக்குறியாகவே உள்ளது.
சர்வதேச சந்தையில் விற்பனை செய்யப்படும் எம்ஜி இசட்.எஸ். இவி மாடலில் புதிய இன்போடெயின்மென்ட் சிஸ்டம், பெரிய பேட்டரி வழங்கப்பட்டு இருக்கிறது. இது நீண்ட தூரம் பயணிக்கும் திறன் மற்றும் சிறந்த செயல்திறன் வழங்குகிறது.
புதிய பேஸ்லிப்ட் மாடலின் முன்புறம் கூர்மையான எல்.இ.டி. ஹெட்லேம்ப்கள், டெயில் லைட்கள் வழங்கப்பட்டு இருக்கின்றன. இந்த காரில் கிரில் நீக்கப்பட்டு பிளேட் வழங்கப்பட்டு இருக்கிறது. முன்புற பம்ப்பர் மேம்படுத்தப்பட்டு இருக்கிறது.
மெர்சிடிஸ் பென்ஸ் இந்தியாவிலேயே உற்பத்தி செய்யப்பட்ட எஸ் கிலாஸ் மாடலை அறிமுகம் செய்தது.
மெர்சிடிஸ் பென்ஸ் நிறுவனத்தின் எஸ் கிளாஸ் மாடல் இந்தியாவிலேயே உற்பத்தி செய்யப்படுகிறது. மேட் இன் இந்தியா எஸ் கிளாஸ் மாடல் விலை ரூ. 1.57 கோடி என நிர்ணயம் செய்யப்பட்டுள்ளது. முன்னதாக எஸ் கிளாஸ் லான்ச் எடிஷன் இந்தியாவில் ரூ. 2.17 கோடி விலையில் அறிமுகம் செய்யப்பட்டது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
இந்த ஆண்டு மட்டும் மெர்சிடிஸ் பென்ஸ் நிறுவனம் 11 புதிய வாகனங்களை இந்தியாவில் அறிமுகம் செய்தது. 2021 எஸ் கிளாஸ் மாடல் உலகளவில் அதிக புகழ்பெற்று இருக்கிறது. 2021 மாடலின் வெளிப்புறம் அப்டேட் செய்யப்பட்டு, கேபின் அம்சங்கள் மற்றும் டிரைவ் திறன் மேம்படுத்தப்பட்டு இருக்கிறது.
மெர்சிடிஸ் பென்ஸ் எஸ்350டி மாடலில் 286 பி.ஹெச்.பி. திறன், 600 நியூட்டன் மீட்டர் டார்க் வழங்கும் 2925சிசி என்ஜின் வழங்கப்பட்டு இருக்கிறது. இத்துடன் 9ஜி டிரானிக் டிரான்ஸ்மிஷன் உள்ளது. இந்த கார் மணிக்கு 100 கிலோமீட்டர் வேகத்தை 6.4 நொடிகளில் எட்டிவிடும்.
மெர்சிடிஸ் பென்ஸ் எஸ்450 4 மேடிக் மாடலில் 2999சிசி என்ஜின் வழங்கப்பட்டு இருக்கிறது. இந்த என்ஜின் 367 பி.ஹெச்.பி. மற்றும் 22 ஹெச்.பி. திறன் வழங்குகிறது. இத்துடன் 500 + 250 நியூட்டன் மீட்டர் டார்க் இழுவிசையை வழங்குகிறது. இந்த கார் மணிக்கு 100 கிலோமீட்டர் வேகத்தை 5.1 நொடிகளில் எட்டிவிடும். இத்துடன் 9ஜி டிரானிக் டிரான்ஸ்மிஷன் வழங்கப்படுகிறது.
வோக்ஸ்வேகன் நிறுவனம் தனது போலோ மற்றும் வென்டோ கார்களின் லிமிடெட் எடிஷன் மாடலை அறிமுகம் செய்தது.
வோக்ஸ்வேகன் நிறுவனம் லிமிடெட் மேட் எடிஷன் போலோ மற்றும் வென்டோ மாடல்களை இந்திய சந்தையில் அறிமுகம் செய்தது. மேட் எடிஷன் வோக்ஸ்வேகன் போலோ துவக்க விலை ரூ. 9.99 லட்சம் ஆகும். வோக்ஸ்வேகன் வென்டோ மேட் எடிஷன் துவக்க விலை ரூ. 11.94 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
மேட் எடிஷன் மாடல்களில் கார்பன் ஸ்டீல் கிரே மேட் பினிஷ் செய்யப்பட்டு இருக்கிறது. இந்த கார்களின் ஓ.ஆர்.வி.எம். மற்றும் கதவுகளின் கைப்பிடிகள் பிளாக் கிளாஸி பினிஷ் செய்யப்பட்டுள்ளது. இவை காருக்கு பிரீமியம் தோற்றை வழங்குகின்றன.
புதிய மேட் எடிஷன் மாடல்கள் வோக்ஸ்வேகன் விற்பனை மையங்களில் விற்பனைக்கு கிடைக்கிறது. இவற்றின் வினியோகமும் உடனடியாக துவங்குகிறது.
வால்வோ நிறுவனம் இந்திய சந்தையில் புதிய பேஸ்லிப்ட் மாடல் காரை அறிமுகம் செய்வதற்கான பணிகளில் ஈடுபட்டு வருகிறது.
வால்வோ கார்ஸ் நிறுவனம் மேம்பட்ட எக்ஸ்.சி.60 எஸ்.யு.வி. மாடலை இந்த ஆண்டு மார்ச் மாத வாக்கில் இந்திய சந்தையில் அறிமுகம் செய்தது. தற்போது இதே காரின் பேஸ்லிப்ட் மாடல் இந்தியாவில் அறிமுகமாக இருக்கிறது. இதனை உறுதிப்படுத்தும் வகையில் வால்வோ டீசரை வெளியிட்டு இருக்கிறது.
2021 வால்வோ எக்ஸ்.சி.60 மாடல் புதிய கிரில், மேம்பட்ட முன்புற பம்ப்பர், புதிய அலாய் வீல்கள், புதிய நிறங்களில் கிடைக்கிறது. பாதுகாப்பிற்கு இந்த காரில் அதிநவீன ஏ.டி.ஏ.எஸ். சிஸ்டம், ஆட்டோமேடிக் பிரேக்கிங், கொலிஷன் அவாய்டன்ஸ், பைலட் அசிஸ்ட் மற்றும் பல்வேறு அம்சங்கள் வழங்கப்படுகின்றன.
புதிய வால்வோ காரில் 2 லிட்டர், 4 சிலிண்டர் பெட்ரோல் என்ஜின் வழங்கப்படும் என தெரிகிறது. எனினும், இதுபற்றி இதுவரை எந்த தகவலும் இல்லை. இந்த காரின் சரியான வெளியீட்டு தேதியும் இதுவரை அறிவிக்கப்படவில்லை.
டாடா நிறுவனத்தின் புதிய மைக்ரோ எஸ்.யு.வி. மாடல் பண்டிகை காலக்கட்டத்தில் விற்பனைக்கு வருகிறது.
டாடா மோட்டார்ஸ் நிறுவனத்தின் பன்ச் மைக்ரோ எஸ்.யு.வி. மாடல் இந்தியாவில் அறிமுகம் செய்யப்பட்டது. புதிய பன்ச் மாடலுக்கான முன்பதிவு ஏற்கனவே துவங்கி நடைபெற்று வருகிறது. டாடா பன்ச் முன்பதிவு கட்டணம் ரூ. 21 ஆயிரம் ஆகும். புதிய பன்ச் மாடல் விலை இதுவரை அறிவிக்கப்படவில்லை.
இதன் விலை விவரங்கள் பண்டிகை காலக்கட்டத்தில் அறிவிக்கப்படலாம் என எதிர்பார்க்கப்படுகிறது. இந்திய சந்தையில் புதிய டாடா பன்ச் மாடல் நெக்சான் மாடலின் கீழ் நிலைநிறுத்தப்படலாம் என தெரிகிறது.
புதிய டாடா பன்ச் மாடலில் 1.2 லிட்டர் ரெவோடிரான் பெட்ரோல் என்ஜின் வழங்கப்பட்டு இருக்கிறது. இதே என்ஜின் அல்ட்ரோஸ் பிரீமியம் ஹேட்ச்பேக் மாடலிலும் வழங்கப்பட்டு உள்ளது. இத்துடன் 5 ஸ்பீடு மேனுவல் கியர்பாக்ஸ், 5 ஸ்பீடு ஏ.எம்.டி. யூனிட் விரும்புவோர் தேர்வு செய்து கொள்ளும் வகையில் வழங்கப்படுகிறது.
மாருதி சுசுகி நிறுவனத்தின் புதிய தலைமுறை செலரியோ மாடல் விரைவில் இந்தியாவில் அறிமுகமாகிறது.
மாருது சுசுகியின் 2021 செலரியோ மாடல் சோதனை செய்யப்படும் புகைப்படங்கள் மற்றும் வீடியோக்கள் பலமுறை இணையத்தில் வெளியாகி இருக்கின்றன. அந்த வரிசையில், தற்போது வெளியாகி இருக்கும் தகவல்களில் புதிய செலரியோ மாடல் நவம்பர் 10 ஆம் தேதி இந்தியாவில் அறிமுகமாகும் என கூறப்படுகிறது.
புதிய தலைமுறை செலரியோ மாடல் முற்றிலும் புது டிசைன் கொண்டிருக்கும் என தெரியவந்துள்ளது. மேலும் இந்த கார் மாருதி சுசுகி நிறுவனத்தின் ஹார்டெக்ட் பிளாட்பார்மில் உருவாகி வருகிறது.
புதிய செலரியோ மாடலின் வெளிப்புறம் ஸ்வெப்ட்-பேக் ஹெட்லேம்ப்கள், முன்புற பம்ப்பரில் பிளாக் இன்சர்ட்கள், பாக் லைட்கள், ஆன்டெனா, பிளாக்டு-அவுட் பி பில்லர், அலாய் வீல்கள், ராப்-அரவுண்ட் டெயில் லைட்கள், பின்புற வைப்பர், வாஷர், புதிய பம்ப்பர் வழங்கப்படுகிறது.
உள்புறம் ஸ்மார்ட் பிளே இன்போடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ, மல்டி பன்ஷன் ஸ்டீரிங் வீல், அட்ஜஸ்ட் செய்யக்கூடிய ஓ.ஆர்.வி.எம்.கள், வழங்கப்படுகின்றன. இந்த கார் 1 லிட்டர், 3 சிலிண்டர் பெட்ரோல் என்ஜின் கொண்டிருக்கும் என தெரிகிறது.
இந்த என்ஜின் 67 பி.ஹெச்.பி. திறன், 90 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு மேனுவல் மற்றும் ஏ.எம்.டி. யூனிட் ஆப்ஷன்கள் வழங்கப்படலாம்.
×