கார்

டாடா மோட்டார்ஸ் நிறுவனத்தின் ஆடம்பர கார் உற்பத்தி பிரிவாக ஜாகுவார் லேண்ட் ரோவர் செயல்பட்டு வருகிறது. இந்த நிறுவனம் தனது விலை உயர்ந்த ஆடம்பர கார் மாடல்களை இந்தியாவிலேயே அசெம்பில் செய்ய முடிவெடுத்துள்ளது. இந்தியாவில் ரேஞ்ச் ரோவர் கார்களை அசெம்பில் செய்யும் போது, இவற்றின் விலை பெருமளவு குறையும்.

மேலும், பிரிட்டனின் சொலிஹல் ஆலையை தவிர்த்து வேறொரு பகுதியில் ரேஞ்ச் ரோவர் கார்கள் அசெம்பில் செய்யப்படுவது இதுவே முதல்முறையாக இருக்கும். புதிய முன்னெடுப்பின் மூலம், ரேஞ்ச் ரோவர் கார்களின் விலை கிட்டத்தட்ட ரூ. 56 லட்சம் வரை குறையும் வாய்ப்புகள் உருவாகி இருக்கிறது. மேலும், இவற்றை டெலிவரி எடுக்க காத்திருக்கும் காலமும் பெருமளவு சரிந்துவிடும்.

உள்நாட்டில் அசெம்பில் செய்யப்படும் ரேஞ்ச் ரோவர் ஆட்டோபயோகிராஃபி வேரியண்டில் 3.0 லிட்டர் பெட்ரோல் எஞ்சின், HSE வேரியண்டில் 3.0 லிட்டர் டீசல் எஞ்சின் வழங்கப்படுகிறது. இதில் பெட்ரோல் எஞ்சின் 394 ஹெச்.பி. பவர், 550 நியூட்டன் மீட்டர் டார்க் வெளிப்படுத்துகிறது. டீசல் எஞ்சின் 346 ஹெச்.பி. பவர், 700 நியூட்டன் மீட்டர் டார்க் இழுவிசையை வெளிப்படுத்துகிறது.

ரேஞ்ச் ரோவர் ஸ்போர்ட் மாடல் டைனமிக் SE வேரியண்டில் கிடைக்கிறது. இந்த வேரியண்ட் பெட்ரோல் மற்றும் டீசல் பவர்டிரெயின் ஆப்ஷன்களில் கிடைக்கிறது. இந்த காருக்கான வினியோகம் ஏற்கனவே துவங்கிவிட்டன.

விலை விவரங்கள்:

ரேஞ்ச் ரோவர் ரூ. 2 கோடியே 36 லட்சம்

ரேஞ்ச் ரோவர் ஸ்போர்ட் ரூ. 1 கோடியே 40 லட்சம்

ரேஞ்ச் ரோவர் வெலர் ரூ. 87 லட்சத்து 90 ஆயிரம்

ரேஞ்ச் ரோவர் இவோக் ரூ. 67 லட்சத்து 90 ஆயிரம்

அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது. 

கியா நிறுவனத்தின் என்ட்ரி லெவல் எலெக்ட்ரிக் எஸ்.யு.வி. கியா EV3 மாடல் சர்வதேச சந்தையில் அறிமுகம் செய்யப்பட்டது. புதிய கியா EV3 மாடல்- ஸ்டான்டர்டு மற்றும் GT லைன் என இரண்டு வேரியண்ட்களிலும், ஒன்பது விதமான நிறங்களிலும் கிடைக்கிறது.

தோற்றத்தில் கியா EV3 மாடல் EV9 போன்றே காட்சியளிக்கிறது. அந்த வகையில், இந்த காரில் போதுமான இடவசதி இருக்கும் என்று எதிர்பார்க்கலாம். கியா EV3 வெளிப்புறத்தில் பிளான்க்டு-ஆஃப் கிரில், L வடிவம் கொண்ட எல்.இ.டி. டி.ஆர்.எல்.-கள், எல்.இ.டி. ஹெட்லேம்ப்கள், அகலமான ஏர் இன்லெட்கள் வழங்கப்படுகிறது.

பின்புறத்தில் L வடிவம் கொண்ட எல்.இ.டி. டெயில் லேம்ப்கள், அளவில் பெரிய பம்ப்பர், பிளாக் கிளாடிங், ரூஃப் ஸ்பாயிலர், ஷார்க் ஃபின் ஆன்டெனா, ரிவர்ஸ் பார்கிங் கேமரா சென்சார்கள், பானரோமிக் சன்ரூஃப் வழங்கப்படுகிறது. உள்புறத்தில் 3 ஸ்போக் ஸ்டீரிங் வீல், ஆஃப் செட் கியா லோகோ, இரட்டை 12.3 இன்ச் டிஸ்ப்ளே வழங்கப்படுகிறது.

இந்த காரில் 360 டிகிரி சரவுண்ட் கேமரா, டூயல் ஜோன் கிளைமேட் கண்ட்ரோல், ஆம்பியன்ட் லைட்டிங், வயர்லெஸ் சார்ஜர், ஆட்டோ டிம்மிங் IRVM, ADAS சூட் வழங்கப்படுகிறது. இந்த காரில் 460 லிட்டர் பூட் ஸ்பேஸ் உள்ளது. இந்த கார் 58.3 கிலோவாட் ஹவர் மற்றும் 81.4 கிலோவாட் ஹவர் என இருவித பேட்டரி ஆப்ஷன்களில் கிடைக்கிறது.

இவை முழுமையாக சார்ஜ் செய்தால் 600 கிலோமீட்டர்கள் வரை செல்லும் திறன் கொண்டுள்ளது. இதில் உள்ள எலெக்ட்ரிக் மோட்டார் 283 டார்க் இழுவிசையை வெளிப்படுத்தும் திறன் கொண்டுள்ளது. இந்த கார் மணிக்கு 100 கிலோமீட்டர்கள் வேகத்தை 7.5 நொடிகளில் எட்டிவிடும். 

மஹிந்திரா நிறுவனத்தின் அதிகம் எதிர்பார்க்கப்படும் தார் 5-டோர் வேரியண்ட் ஆகஸ்ட் 15 ஆம் தேதி இந்திய சந்தையில் அறிமுகம் செய்யப்பட இருக்கிறது. இந்த நிலையில், புதிய தார் 5-டோர் மாடல் உற்பத்திக்கு தயாரான நிலையில், டெஸ்டிங் செய்யப்படும் புகைப்படங்கள் இணையத்தில் லீக் ஆகி உள்ளது.

புகைப்படங்களின் படி புதிய தார் ஐந்து கதவுகள் கொண்ட மாடலில் முற்றிலும் புதிய டூயல் டோன் அலாய் வீல்கள், ரியர் வைப்பர் மற்றும் வாஷர், உள்புறத்தில் 10.25 இன்ச் டச் ஸ்கிரீன் இன்ஃபோடெயின்மென்ட் சிஸ்டம் வழங்கப்படுவது தெரியவந்துள்ளது. முந்தைய ஸ்பை படங்களின் படி புதிய தார் மாடல் ஹார்டு-டாப் பாடி ஸ்டைல் கொண்டிருக்கும் என்று தெரியவந்தது.

2024 மஹிந்திரா தார் 5-டோர் மாடலில் முற்றிலும் புதிய கிரில், நீண்ட வீல்பேஸ், டுவீக் செய்யப்பட்ட பம்ப்பர்கள், எல்.இ.டி. டெயில் லைட்கள் வழங்கப்படுகிறது. இந்த காரில் சன்ரூஃப், ரியர் ஏ.சி. வெண்ட்கள், டிஜிட்டல் இன்ஸ்ட்ரூமெண்ட் கிளஸ்டர், எஞ்சின் ஸ்டார்ட்-ஸ்டாப் பட்டன், குரூயிஸ் கண்ட்ரோல் மற்றும் ஆட்டோமேடிக் கிளைமேட் கண்ட்ரோல் போன்ற வசதிகள் வழங்கப்படும் என தெரிகிறது.

புதிய தார் மாடலிலும் 2.0 லிட்டர் எம்-ஸ்டேலியன் டர்போ பெட்ரோல் எஞ்சின் மற்றும் 2.2 லிட்டர் எம்ஹாக் டீசல் எஞ்சின் வழங்கப்படுகிறது. இவற்றுடன் 6 ஸ்பீடு மேனுவல், டார்க் கன்வெர்ட்டர் ஆட்டோமேடிக் யூனிட்கள் வழங்கப்படுகின்றன.

மெர்சிடிஸ் பென்ஸ் நிறுவனம் இந்திய சந்தையில் தனது இரண்டு புதிய ஆடம்பர கார் மாடல்களை அறிமுகம் செய்தது. இவை மெபேக் GLS 600 மற்றும் S53 AMG E பெர்பார்மன்ஸ் ஆகும். 2024 மெர்சிடிஸ் மெபேக் GLS 600 மாடலின் விலை ரூ. 3 கோடியே 35 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

புதிய மெபேக் கார் ஃபேஸ்லிஃப்ட் செய்யப்பட்ட வெர்ஷன் ஆகும். இந்த காரின் முன்புறத்தில் க்ரோம் ஃபினிஷ் செய்யப்பட்ட சிக்னேச்சர் கிரில், சிறு மாற்றங்கள் செய்யப்பட்ட பம்ப்பர்கள், மேம்பட்ட எல்.இ.டி. ஹெட்லேம்ப்கள், டெயில் லைட்கள், 22 இன்ச் மல்டி-ஸ்போக் அலாய் வீல்கள் வழங்கப்பட்டு இருக்கின்றன.

உள்புறத்தில் பர்மெஸ்டர் சரவுண்ட் சவுண்ட் மியூசிக் சிஸ்டம், 360 டிகிரி கேமரா, அகௌஸ்டிக் கம்ஃபர்ட் பேக்கேஜ், புதிய ஸ்டீரிங் வீல் டிசைன், குளிர்சாதன பெட்டி, ஷேம்பெயின் வைத்துக் கொள்ளும் வசதி, லெவல் 2 ADAS சூட், ரியர் இன்ஃபோடெயின்மென்ட் ஸ்கிரீன்கள், பார்கிங் அசிஸ்ட், அதிநவீன MBUX சிஸ்டம் வழங்கப்படுகிறது.

2024 மெர்சிடிஸ் மெபேக் GLS 600 மாடலில் 4.0 லிட்டர், டுவின் டர்போ V8 பெட்ரோல் எஞ்சின் மற்றும் 48 வோல்ட் மைல்ட் ஹைப்ரிட் மோட்டார் வழங்கப்பட்டு இருக்கிறது. இதில் பெட்ரோல் எஞ்சின் 557 ஹெச்.பி. பவர், 730 நியூட்டன் மீட்டர் டார்க் வெளிப்படுத்துகிறது.

இதில் உள்ள ஹைப்ரிட் சிஸ்டம் 22 ஹெச்.பி. பவர், 250 நியூட்டன் மீட்டர் டார்க் வெளிப்படுத்தும் திறன் கொண்டுள்ளது. இத்துடன் 9 ஸ்பீடு ஆட்டோமேடிக் கியர்பாக்ஸ் வழங்கப்படுகிறது. 

கியா இந்தியா நிறுவனம் புதிதாக கார் லீஸ் எடுக்கும் திட்டத்தை இந்தியாவில் அறிமுகம் செய்துள்ளது. புதிய லீஸ் திட்டத்தின் கீழ் பயனர்கள் ஏராளமான பலன்களை பெற முடியும். இந்த திட்டத்தில் இணையும் பயனர்கள் புதிய கார் வாங்கும் போது மேற்கொள்ள வேண்டிய பதிவு முறை, பராமரிப்பு மற்றும் இன்சூரன்ஸ் உள்ளிட்டவைகளில் தலையிட வேண்டிய அவசியம் இருக்காது.

மாறாக, இவை அனைத்தையும் கியா பார்த்துக் கொள்ளும். பயனர்கள் மிகப் பெரிய தொகையை முன்பணமாக செலுத்த வேண்டிய அவசியம் இல்லை. லீஸ் எடுக்கும் போது அனைத்து கட்டணங்களும் சேர்க்கப்பட்டு விடும். லீஸ் எடுக்கும் திட்டத்தில் பயனர்கள் குறைந்தபட்சம் 24 மாதங்களில் துவங்கி அதிகபட்சம் 60 மாதங்கள் வரை கார் லீஸ் எடுக்கலாம்.

பயனர்கள் லீஸ் எடுக்கும் காலம் நிறைவுபெற்றதும் கியா கார்களில் வேறொரு மாடலை வாங்கிக் கொள்ள முடியும். இதனால் கார் வாங்கும் போது ஏற்படும் மறுவிற்பனை மதிப்பு இழப்பு பற்றி கவலை கொள்ள வேண்டிய அவசியம் இருக்காது.

லீஸ் திட்டத்தின் கீழ் கியா நிறுவனத்தின் சொனெட், செல்டோஸ் எஸ்.யு.வி. மாடல்களையும் கரென்ஸ் எம்.பி.வி. மாடலையும் வழங்குகிறது. லீஸ் திட்டத்தில் கார்களின் வாடகை மாதம் ரூ. 21 ஆயிரத்து 900 என துவங்கி அதிகபட்சம் ரூ. 28 ஆயிரத்து 800 வரை வசூலிக்கப்படுகிறது.

முதற்கட்டமாக கார்களை லீஸ் எடுக்கும் திட்டம் சென்னை, பெங்களூரு, ஐதராபாத், பூனே, மும்பை மற்றும் டெல்லி என்.சி.ஆர். போன்ற நகரங்களில் அறிமுகம் செய்யப்பட்டு உள்ளது.

ஹூண்டாய் நிறுவனம் இந்தியாவில் கேஸ்பர் பெயரை பயன்படுத்துவதற்காக காப்புரிமை பெற்று இருக்கிறது. கடந்த 2021 ஆம் ஆண்டு ஹூண்டாய் நிறுவனம் தனது கேஸ்பர் என்ட்ரி லெவல் எஸ்.யு.வி. மாடலை தென் கொரிய சந்தையில் அறிமுகம் செய்தது. தற்போது இந்த காரை இந்தியாவில் அறிமுகம் செய்வதற்கான பணிகளில் ஹூண்டாய் நிறுவனம் ஈடுபட்டு வருவதாக தெரிகிறது.

புதிய ஹூண்டாய் கேஸ்பர் மாடல் அந்நிறுவனம் சமீபத்தில் அறிமுகம் செய்த எக்ஸ்டர் மாடலின் கீழ் நிலை நிறுத்தப்படும். வாகனங்களின் பெயர்களை காப்புரிமை பெற்று கொள்வதை ஆட்டோமொபைல் உற்பத்தி செய்யும் நிறுவனங்கள் வாடிக்கையாக கொண்டுள்ளன. இவ்வாறு காப்புரிமை பெறுவதால், அந்த கார் குறிப்பிட்ட சந்தையில் கட்டாயம் அறிமகமாகி விடும் என்றும் கூறிவிட முடியாது.

தற்போது இந்திய சந்தையில் விற்பனை செய்யப்படும் மாருதி சுசுகி இக்னிஸ் மாடலின் அளவிலேயே ஹூண்டாய் கேஸ்பர் மாடல் உருவாக்கப்பட்டு இருக்கிறது. இந்த கார் அளவில் 3595mm நீளம், 1595mm அகலம், 1575mm உயரம் மர்றும் 2400mm வீல்பேஸ் கொண்டுள்ளது. இந்த கார் எக்ஸ்டர் மாடலை விட 220mm வரை நீளம் குறைவாக உருவாக்கப்பட்டு இருக்கிறது.

ஹூண்டாய் நிறுவனத்தின் சான்ட்ரோ மற்றும் கிராண்ட் i10 நியோஸ் மாடலை போன்ற பிளாட்பார்மிலேயே புதிய கேஸ்பர் மாடலும் உருவாக்கப்பட்டு இருக்கிறது. இந்த காரில் 1.0 லிட்டர் NA பெட்ரோல் என்ஜின் வழங்கப்பட்டு இருக்கிறது. இந்த என்ஜின் 85 ஹெச்.பி. பவர் வெளிப்படுத்துகிறது. இத்துடன் மேனுவல் மற்றும் ஆட்டோமேடிக் டிரான்ஸ்மிஷன் ஆப்ஷன்கள் வழங்கப்படுகின்றன.

டாடா மோட்டார்ஸ் நிறுவனம் தனது நெக்சான் காரின் புதிய என்ட்ரி லெவல் வேரியண்ட்களை இந்திய சந்தையில் அறிமுகம் செய்தது. அதன்படி இந்திய சந்தையில் டாடா நெக்சான் மாடலின் விலை ரூ. 7 லட்சத்து 99 ஆயிரம், எக்ஸ்-ஷோரூம் என துவங்குகிறது. இதன் டீசல் வெர்ஷன்களின் விலை ரூ. 9 லட்சத்து 99 ஆயிரம் என துவங்குகிறது.

டாடா நெக்சான் மாடலின் பெட்ரோல் வெர்ஷன் முற்றிலும் புதிய ஸ்மார்ட் (O) வேரியண்டிலும், டீசல் வெர்ஷன் ஸ்மார்ட் பிளஸ் வேரியண்டிலும் கிடைக்கின்றன. முன்னதாக டாடா நெக்சான் மாடலின் என்ட்ரி வேரியண்ட் ஸ்மார்ட் என்றே அழைக்கப்பட்டது. டீசல் என்ஜின் மிட் ரேஞ்ச் மாடல்களில் மட்டுமே வழங்கப்பட்டு இருந்தது.

புதிய ஸ்மார்ட் (O) வேரியண்ட் விலை ஸ்மார்ட் வேரியண்டை விட ரூ. 16 ஆயிரம் வரை விலை குறைவு ஆகும். டீசல் வெர்ஷனில் ஸ்மார்ட் பிளஸ் மாடலின் விலை ரூ. 1.2 லட்சம் குறைக்கப்பட்டு தற்போது ரூ. 9 லட்சத்து 99 ஆயிரத்தில் இருந்தே கிடைக்கிறது. நெக்சான் பியூர் டீசல் மாடலின் விலை ரூ. 11 லட்சத்து 10 ஆயிரம் என நிர்ணயம் செய்யப்பட்டு உள்ளது.

டாடா நெக்சான் டீசல் என்ட்ரி லெவல் வேரியண்டில் 7 இன்ச் டச் ஸ்கிரீன் இன்போடெயின்மென்ட் சிஸ்டம், ஆண்ட்ராய்டு ஆட்டோ மற்றும் ஆப்பிள் கார்பிளே, நான்கு ஸ்பீக்கர்கள், ரிவர்ஸ் கேமரா, ஷார்க் ஃபின் ஆன்டெனா, பல்வேறு வசதிகளை கொண்ட ஸ்டீரிங் வீல், பவர் விண்டோ, எலெக்ட்ரிக் அட்ஜஸ்ட் வசதி கொண்ட ORVMகள் வழங்கப்பட்டுள்ளன.

ஸ்மார்ட் பிளஸ் வேரியண்ட்களில் ஆட்டோ ஹெட்லேம்ப்கள், எலெக்ட்ரிக் சன்ரூஃப் மற்றும் வாய்ஸ் ஆக்டிவேஷன், ரெயின் சென்சிங் வைப்பர்கள் மற்றும் ஏராளமான வசதிகள் வழங்கப்பட்டு இருக்கின்றன. நெக்சான் ஸ்மார்ட் பிளஸ் வேரியண்ட் மேனுவல் வெர்ஷன் விலை ரூ. 31 ஆயிரம் குறைக்கப்பட்டு இருக்கிறது.

முன்னதாக இந்த வேரியண்ட் விலை ரூ. 9.2 லட்சம் என நிர்ணயிக்கப்பட்டு இருந்தது. தற்போது இதன் விலை ரூ. 8.89 லட்சம் என மாறி இருக்கிறது. இதில் ரிவர்ஸ் கேமரா வசதியும் வழங்கப்பட்டுள்ளது. நெக்சான் ஸ்மார்ட் பிளஸ் S வேரியண்டின் விலை ரூ. 41 ஆயிரம் குறைக்கப்பட்டு தற்போது ரூ. 9.39 லட்சம் என மாறியுள்ளது.

ரோல்ஸ் ராய்ஸ் கார், விற்பனை சந்தையில் மிகவும் விலை உயர்ந்ததாக கருதப்படுகிறது. ரோல்ஸ் ராய்ஸ் நிறுவனம் தற்போது பிரமன் மோட்டார்ஸ் உடன் இணைந்து போலீஸ் வாகனம் ஒன்றை அறிமுகப்படுத்தியுள்ளது.

இது ஒரு வகையான போலீஸ் க்ரூஸர் வகை கார். மியாமி பீச் போலீஸ், விளக்குகள் மற்றும் சைரன்களுடன் கூடிய ரோல்ஸ் ராய்ஸ் கோஸ்ட்டை வெளியிட்டது.

"பிரமன் மோட்டார்ஸ் உடனான எங்கள் ஒத்துழைப்பின் மூலம் சாத்தியமான புதிய விளம்பர வாகனத்தை வெளியிடுவதில் நாங்கள் மகிழ்ச்சியடைகிறோம்" என்று உயர் காவல் அதிகாரி வெய்ன் ஜோன்ஸ் கூறினார். "இந்த வாகனம் புதுமைக்கான எங்கள் அர்ப்பணிப்பு மற்றும் எங்கள் சமூகத்திற்கு சேவை செய்ய சிறந்த மற்றும் பிரகாசமான நபர்களை பணியமர்த்துவதற்கான எங்கள் அர்ப்பணிப்பை பிரதிபலிக்கிறது."

"இந்த வாகனம் உண்மையில் பிரமன் மோட்டார்ஸின் கப்பற்படையின் ஒரு பகுதியாகும், மேலும் இந்த திட்டத்துடன் தொடர்புடைய அனைத்து செலவுகளையும் அவர்கள் சிட்டி ஆஃப் மியாமி பீச் கொள்கையின்படி நிதியுதவி செய்தனர்."

2023 ரோல்ஸ் ராய்ஸ் கோஸ்ட் இந்திய மதிப்பில் 2 கோடியே 98 லட்சம் முதல்3 கோடியே 40 லட்சம் ரூபாய் வரை விற்கப்படுகிறது.

இது பற்றி மியாமி பீச் தனது எக்ஸ் தளத்தில் பதிவிட்டுள்ளது. அதில்

MBPD மற்றும் தொழில்முறை ஊழியர்கள், நாங்கள் சேவை செய்யும் குடியிருப்பாளர்கள் மற்றும் பார்வையாளர்களுக்கான எங்கள் ஈடு இணையற்ற அர்ப்பணிப்பு மற்றும் தரமான காவல் பணியின் மிக உயர்ந்த தரத்தை எடுத்துக்காட்டுகின்றனர். MBPD ஆட்சேர்ப்புக் குழுவிற்கு இந்த அற்புதமான சேர்க்கையை அறிமுகப்படுத்துவதில் நாங்கள் மகிழ்ச்சியடைகிறோம். இவ்வாறு அதில் குறிப்பிடப்பட்டுள்ளது.

MBPD and professional staff exemplify the highest standards of dedication and quality policing in our unparalleled commitment to the residents and visitors we serve. We are thrilled to introduce this stunning addition to the MBPD recruitment team—courtesy of @bramanmotors ! pic.twitter.com/I27NUAgsge

— Miami Beach Police (@MiamiBeachPD) May 9, 2024

வோக்ஸ்வேகன் விற்பனை மையங்கள் சார்பில் விர்டுஸ், டைகுன் மற்றும் டிகுவான் மாடல்களுக்கு சிறப்பு சலுககள் வழங்கப்படுகின்றன. மே மாத சலுகைகளின் கீழ் வழங்கப்படும் சிறப்பு சலுகை மற்றும் பலன்கள் ஒவ்வொரு பகுதி மற்றும் ஸ்டாக் இருப்புக்கு ஏற்ப வேறுப்படும்.

அந்த வகையில், வோக்ஸ்வேகன் விர்டுஸ் மிட்சைஸ் செடான் மாடலுக்கு அதிகபட்சமாக ரூ. 1 லட்சத்து 40 ஆயிரம் வரையிலான பலன்கள் வழங்கப்படுகின்றன. வேரியண்டிற்கு ஏற்ப ரூ. 90 ஆயிரம் வரை தள்ளுபடி, ரூ. 30 ஆயிரம் எக்சேஞ்ச் போனஸ் மற்றும் ரூ. 20 ஆயிரம் கார்ப்பரேட் பலன்கள் வழங்கப்படுகிறது. இவை 2023 மாடல்களுக்கானது ஆகும். 2024 மாடல்களுக்கு அதிகபட்சம் ரூ. 30 ஆயிரம் வரையிலான பலன்கள் வழங்கப்படுகின்றன.

வோக்ஸ்வேகன் டைகுன் மாடலை வாங்குவோருக்கு ரூ. 1 லட்சத்து 15 ஆயிரம் வரையிலான பலன்கள் வழங்கப்படுகின்றன. வேரியண்டிற்கு ஏற்ப டைகுன் மாடலை வாங்கும் போது ரூ. 65 ஆயிரம் தள்ளுபடி, ரூ. 30 ஆயிரம் வரை எக்சேஞ்ச் போனஸ் மற்றும் ரூ. 20 ஆயிரம் கார்ப்பரேட் பலன்கள் வழங்கப்படுகின்றன.

2023 டிகுவான் எஸ்.யு.வி. மாடலுக்கு ரூ. 1 லட்சத்து 50 ஆயிரம் வரையிலான பலன்கள் வழங்கப்படுகின்றன. இதில் ரூ. 75 ஆயிரம் தள்ளுபடி, ரூ. 75 ஆயிரம் எக்சேஞ்ச் போனஸ் அடங்கும். இத்துடன் நான்கு ஆண்டுகளுக்கு சர்வீஸ் பேக்கேஜ் வழங்கப்படுகிறது. 2024 மாடலுக்கு ரூ. 50 ஆயிரம் எக்சேஞ்ச் போனஸ் வழங்கப்படுகிறது.

மாருதி சுசுகி நிறுவனத்தின் அதிகம் எதிர்பார்க்கப்பட்ட 2024 ஸ்விப்ட் மாடல் இந்தியா சந்தையில் அறிமுகம் செய்யப்பட்டது. முற்றிலும் புதிய ஸ்விப்ட் மாடலின் விலை ரூ. 6 லட்சத்து 49 ஆயிரம், எக்ஸ்-ஷோரூம் என துவங்குகிறது. புதிய பெட்ரோல் என்ஜினுடன் இந்த காரில் ஏராளமான அம்சங்கள் வழங்கப்பட்டு உள்ளன.

டிசைனை பொருத்தவரை 2024 ஸ்விப்ட் மாடலில் முற்றிலும் புதிய பம்ப்பர்கள், எல்.இ.டி. டி.ஆர்.எல்.-கள், எல்.இ.டி. ப்ரோஜெக்டர் ஹெட்லேம்ப்கள், கிளாஸ் பிளாக் முன்புற கிரில், எல்.இ.டி. ஃபாக் லைட்கள், 15 இன்ச் டைமன்ட் கட் அலாய் வீல்கள், புதிய எல்.இ.டி. டெயில் லைட்கள் வழங்கப்படுகின்றன. 2024 ஸ்விப்ட் மாடல் லஸ்டர் புளூ மற்றும் நோவல் ஆரஞ்சு என இரண்டு புதிய நிறங்களில் கிடைக்கிறது.

இதுதவிர, சிஸ்லிங் ரெட், பியல் ஆர்க்டிக் வைட், மேக்மா கிரே மற்றும் ஸ்பிலென்டிட் சில்வர் போன்ற நிறங்களிலும் கிடைக்கிறது. இத்துடன் லஸ்டர் புளு - மிட்நைட் பிளாக் ரூஃப், சிஸ்லிங் ரெட் - மிட்நைட் பிளாக் ரூஃப் மற்றும் பியல் ஆர்க்டிக் வைட் - மிட்நைட் பிளாக் ரூஃப் போன்ற டூயல் டோன் ஆப்ஷன்களிலும் கிடைக்கிறது.

நான்காம் தலைமுறை ஸ்விப்ட் மாடலில் முற்றிலும் புதிய டேஷ்போர்டு- பியானோ பிளாக் ஃபினிஷ் செய்யப்பட்டு சேடின் மேட் சில்வர் இன்சர்ட்கள் மற்றும் அசிமெட்ரிக் டயல்களை கொண்டிருக்கிறது. இத்துடன் 9 இன்ச் அளவில் ஸ்மார்ட்பிளே ப்ரோ பிளஸ் டச் ஸ்கீரன் சிஸ்டம் மற்றும் குரூயிஸ் கண்ட்ரோல் வசதி வழங்கப்படுகிறது.

இத்துடன் வயர்லெஸ் சார்ஜர், வயர்லெஸ் போன் மிரரிங், சுசுகி கனெக்ட், ரியர் ஏ.சி. வெண்ட்கள், கீலெஸ் எண்ட்ரி, ஆறு ஏர்பேக், இ.எஸ்.பி., பிரேக் அசிஸ்ட், 3 பாயிண்ட் சீட்பெல்ட்கள், ரிவர்ஸ் பார்க்கிங் கேமரா போன்ற வசதிகள் வழங்கப்படுகிறது.

2024 ஸ்விப்ட் மாடலில் முற்றிலும் புதிய 1.2 லிட்டர், மூன்று சிலிண்டர்கள் கொண்ட Z சீரிஸ் பெட்ரோல் என்ஜின் வழங்கப்படுகிறது. இது 80 ஹெச்.பி. பவர், 112 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல் மற்றும் AMT யூனிட் வழங்கப்படுகிறது. இந்த கார் LXi, VXi, VXi(O), ZXi, மற்றும் ZXi+ என ஐந்து வேரியண்ட்களில் கிடைக்கிறது. 

ஹூண்டாய் நிறுவனம் இந்திய சந்தையில் தனது கார் மாடல்களுக்கு அசத்தல் சலுகைகள் மற்றும் தள்ளுபடி அறிவித்து இருக்கிறது. இவை ஹூண்டாய் i20, கிராண்ட் i10 நியோஸ் மற்றும் வென்யூ மாடல்கள் மட்டுமின்றி சமீபத்தில் அறிமுகம் செய்யப்பட்ட எக்ஸ்டர் மாடலுக்கும் வழங்கப்படுகின்றன. அந்த வகையில், ஹூண்டாய் நிறுவனம் தனது எக்ஸ்டர் மாடலுக்கு முதல் முறை சலுகைகளை வழங்குகிறது.

வெர்னா, கிரெட்டா, அல்கசார் மற்றும் டக்சன் மாடல்களுக்கு எவ்வித சலுகைகளும் வழங்கப்படவில்லை. மேலும் இந்த சலுகைகள் ஒவ்வொரு மாநிலம், ஸ்டாக் இருப்பு மற்றும் பகுதிக்கு ஏற்ப வேறுப்படும்.

ஹூண்டாய் எக்ஸ்டர் மாடலுக்கு ரூ. 10 ஆயிரம் எக்சேஞ்ச் போனஸ் வழங்கப்படுகிறது. ஒவ்வொரு மாதமும் எக்ஸ்டர் மாடல் 8 ஆயிரம் யூனிட்கள் வரை விற்பனையாகி வருகிறது. இந்த கார் மொத்தத்தில் 17 வேரியண்ட்களில் கிடைக்கிறது. இதன் விலை ரூ. 6 லட்சத்து 13 ஆயிரம் என துவங்கி அதிகபட்சம் ரூ. 10 லட்சத்து 28 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

இந்த கார் 83 ஹெச்.பி. பவர் வெளிப்படுத்தும் திறன் கொண்ட 1.2 லிட்டர் பெட்ரோல் என்ஜின், மேனுவல் மற்றும் AMT கியர்பாக்ஸ் ஆப்ஷன்களில் கிடைக்கிறது. இத்துடன் 69 ஹெச்.பி. பவர் வெளிப்படுத்தும் சி.என்.ஜி. ஆப்ஷனும் வழங்கப்படுகிறது. எனினும், இது மேனுவல் ஆப்ஷனில் மட்டுமே கிடைக்கிறது.

ஹூண்டாய் வென்யூ காம்பேக்ட் எஸ்.யு.வி. மாடலுக்கு அதிகபட்சம் ரூ. 35 ஆயிரம் வரையிலான பலன்கள் வழங்கப்படுகிறது. இதில் ரூ. 25 ஆயிரம் வரை தள்ளுபடி, ரூ. 10 ஆயிரம் வரை எக்சேஞ்ச் போனஸ் அடங்கும். கிராண்ட் i10 நியோஸ் மாடலுக்கு ரூ. 48 ஆயிரம் வரையிலான பலன்கள் வழங்கப்படுகின்றன.

ஹூண்டாய் i20 மாடலுக்கு ரூ. 35 ஆயிரம் வரையிலான பலன்கள் வழங்கப்படுகின்றன. ஹூண்டாய் நிறுவனத்தின் பிரீமியம் ஹேச்பேக் மாடலான i20 மொத்தத்தில் 21 வேரியண்ட்களில் கிடைக்கிறது. இதன் விலை ரூ. 7.04 லட்சத்தில் துவங்கி அதிகபட்சம் ரூ. 12.52 லட்சம் வரை நிர்ணயம் செய்யப்பட்டு உள்ளது.

ஹோண்டா கார்ஸ் இந்தியா நிறுவனம் கோடை காலத்தை ஒட்டி தனது கார் மாடல்களுக்கு சிறப்பு சலுகைகளை அறிவித்து இறுக்கிறது. இதில் ஹோண்டா எலிவேட், சிட்டி மற்றும் அமேஸ் மாடல் கார்களுக்கு ரூ. 1 லட்சத்து 15 ஆயிரம் வரையிலான பலன்கள் வழங்கப்படுகின்றன.

இதில் ஹோண்டா சிட்டி மாடலுக்கு அதிகபட்சமாக ரூ. 1 லட்சத்து 15 ஆயிரம் வரையிலான தள்ளுபடி வழங்கப்படுகிறது. ஹோண்டா அமேஸ் மாடலை வாங்குவோருக்கு ரூ. 56 ஆயிரம் வரையிலான பலன்கள் வழங்கப்படுகிறது. அமேஸ் எலைட் எடிஷன் மாடலுக்கு ரூ. 96 ஆயிரம் வரை தள்ளுபடி வழங்கப்படுகிறது.

ஹோண்டா நிறுவனத்தின் முற்றிலும் புதிய எலிவேட் மாடலின் பேஸ் வேரியண்ட்களுக்கு ரூ. 45 ஆயிரம் வரையிலான தள்ளுபடி வழங்கப்படுகிறது. இதன் V வேரியண்டிற்கு ரூ. 55 ஆயிரம் வரையிலான பலன்களும், எலிவேட் ZX மாடலுக்கு ரூ. 25 ஆயிரம் வரையிலான பலன்கள் வழங்கப்படுகின்றன.

புதிய கார் வாங்குவோர் மட்டுமின்றி ஏற்கனவே கார் வைத்திருப்போர் ஏ.சி. சர்வீஸ் செய்யும் போது 15 சதவீதம் வரை தள்ளுபடியும், ஏ.சி. சார்ந்த சேவைகளில் லேபர் கட்டணத்தில் 10 சதவீதம் வரை தள்ளுபடி வழங்கப்படுகிறது.