என் மலர்
பைக்
டி.வி.எஸ். மோட்டார் நிறுவனத்தின் அதிகம் எதிர்பார்க்கப்பட்ட அபாச்சி ஆர்.ஆர்.310 பல்வேறு கஸ்டமைசேஷன் ஆப்ஷன்களை கொண்டிருக்கிறது.
டி.வி.எஸ். மோட்டார் கம்பெணி நிறுவனத்தின் 2021 அபாச்சி ஆர்.ஆர்.310 இந்தியாவில் அறிமுகம் செய்யப்பட்டது. புதிய அபாச்சி ஆர்.ஆர்.310 துவக்க விலை ரூ. 2.59 லட்சம், எக்ஸ்-ஷோரூம் ஆகும். புதிய மோட்டார்சைக்கிளில் சில மாற்றங்கள் செய்யப்பட்டு, தனிப்பட்ட முறையில் அம்சங்களை பெறும் வசதி வழங்கப்படுகிறது.
இந்த மோட்டார்சைக்கிள் செப்டம்பர் மாதத்திற்கு 100 யூனிட்களும், அக்டோபர் மாதத்திற்கு 150 யூனிட்களும் விற்பனை செய்யப்படும் என டி.வி.எஸ். நிறுவனம் அறிவித்துள்ளது. புதிய மாடலிலும் 312சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது.
இந்த என்ஜின் 33.5 பி.ஹெச்.பி. திறன், 27.3 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ் மற்றும் ஸ்லிப் அசிஸ்ட் கிளட்ச் வழங்கப்பட்டு உள்ளது.
பி.எம்.டபிள்யூ. நிறுவனம் விரைவில் இந்தியாவில் அறிமுகம் செய்ய இருக்கும் மோட்டார்சைக்கிள் மாடலுக்கான டீசரை வெளியிட்டு உள்ளது.
பி.எம்.டபிள்யூ. மோட்டராட் நிறுவனம் 2022 ஜி310 ஆர் மோட்டார்சைக்கிள் வெளியீட்டை உணர்த்தும் டீசரை தனது அதிகாரப்பூர்வ சமூக வலைதளங்களில் பதிவிட்டுள்ளது. சமீபத்தில் இந்த மோட்டார்சைக்கிள் சர்வதேச சந்தையில் அறிமுகம் செய்யப்பட்டது. அந்த வரிசையில் இந்த மாடல் தற்போது இந்தியாவில் அறிமுகமாகிறது.
புதிய பி.எம்.டபிள்யூ. ஜி310 ஆர் மாடலில் புல் எல்.இ.டி. லைட்டிங், டிஜிட்டல் இன்ஸ்ட்ரூமெண்ட் கிளஸ்டர், ஸ்டெப்-அப் சேடிள், சைடு ஸ்லங் எக்சாஸ்ட் உள்ளிட்ட அம்சங்கள் வழங்கப்பட்டு இருக்கிறது. இதன் விலை தற்போது விற்பனை செய்யப்படும் மாடலை விட அதிகமாக இருக்கும் என தெரிகிறது.
2022 பி.எம்.டபிள்யூ. ஜி310 ஆர் மாடலில் 313சிசி, சிங்கில் சிலிண்டர், லிக்விட் கூல்டு என்ஜின் வழங்கப்படுகிறது. இந்த என்ஜின் 33.5 பி.ஹெச்.பி. திறன், 28 நியூட்டன் மீட்டர் டார்க் இழுவிசையை வழங்குகிறது. 2021 ஜி310 ஆர் மாடல் விலை ரூ. 2.60 லட்சம், எக்ஸ்-ஷோரூம் ஆகும்.
புதிய பி.எம்.டபிள்யூ. ஜி310 ஆர் மாடலில் புல் எல்.இ.டி. லைட்டிங், டிஜிட்டல் இன்ஸ்ட்ரூமெண்ட் கிளஸ்டர், ஸ்டெப்-அப் சேடிள், சைடு ஸ்லங் எக்சாஸ்ட் உள்ளிட்ட அம்சங்கள் வழங்கப்பட்டு இருக்கிறது. இதன் விலை தற்போது விற்பனை செய்யப்படும் மாடலை விட அதிகமாக இருக்கும் என தெரிகிறது.
2022 பி.எம்.டபிள்யூ. ஜி310 ஆர் மாடலில் 313சிசி, சிங்கில் சிலிண்டர், லிக்விட் கூல்டு என்ஜின் வழங்கப்படுகிறது. இந்த என்ஜின் 33.5 பி.ஹெச்.பி. திறன், 28 நியூட்டன் மீட்டர் டார்க் இழுவிசையை வழங்குகிறது. 2021 ஜி310 ஆர் மாடல் விலை ரூ. 2.60 லட்சம், எக்ஸ்-ஷோரூம் ஆகும்.
கே.டி.எம். நிறுவனத்தின் 2021 ஆர்.சி. சீரிஸ் மோட்டார்சைக்கிள் மாடல்கள் விரைவில் சர்வதேச சந்தையில் அறிமுகமாகின்றன.
புதிய தலைமுறை ஆர்.சி. 390, 200 மற்றும் 125 மாடல்களை உருவாக்கும் பணிகளில் கே.டி.எம். நிறுவனம் ஈடுபட்டு வருகிறது. தற்போது புது மாடல்களுக்கான டீசரை அந்நிறுவனம் வெளியிட்டு உள்ளது. விரைவில் புதிய ஆர்.சி. மாடல்கள் அறிமுகம் செய்யப்பட இருக்கின்றன.
டீசரில் புதிய ஆர்.சி. மாடலின் சில விவரங்கள் மட்டுமே இடம்பெற்று இருக்கிறது. புதிய மாடல்களில் ஒற்றை ஹெட்லேம்ப் யூனிட், எல்.இ.டி. டி.ஆர்.எல்.கள் உள்ளன. முந்தைய மாடல்களில் டூயல் ப்ரோஜெக்டர் ஹெட்லேம்ப்கள் வழங்கப்பட்டு இருந்தது குறிப்பிடத்தக்கது.
2021 ஆர்.சி. மாடல்களின் வெளிப்புற தோற்றம் முற்றிலும் புதிதாக காட்சியளிக்கும் என தெரிகிறது. டியூக் சீரிஸ் போன்றே புதிய ஆர்.சி. மாடல்களிலும் போல்ட்-ஆன் சப்-பிரேம் கொண்டு உருவாக்கப்பட்டு இருக்கிறது. இந்த மாடல்களில் ஸ்ப்லிட்-சீட் செட்டப், க்ளிப் ஆன் ஹேண்டில்பார்கள் உள்ளன.
இந்தியன் மோட்டார்சைக்கிள்ஸ் நிறுவனத்தின் புதிய மோட்டார்சைக்கிள் 1,890சிசி என்ஜின் கொண்டிருக்கிறது.
இந்தியன் மோட்டார்சைக்கிள்ஸ் நிறுவனம் 2022 சீப் (Chief) மாடல்களை இந்திய சந்தையில் அறிமுகம் செய்தது. புதிய சீப் சீரிஸ் - சீப் டார்க் ஹார்ஸ், சீப் பாபர் டார்க் ஹார்ஸ் மற்றும் சூப்பர் சீப் லிமிடெட் என மூன்று மாடல்களில் கிடைக்கிறது. புதிய 2022 சீப் ரேன்ஜ் விலை ரூ. 20.75 லட்சத்தில் துவங்குகிறது.
மூன்று மாடல்களிலும் ஸ்டீல் டியூப் கொண்ட பிரேம், இந்தியன் மோட்டார்சைக்கிள்ஸ் நிறுவனத்தின் தண்டர்ஸ்டிரோக் மோட்டார் வழங்கப்பட்டு இருக்கிறது. இதில் உள்ள 1890 சிசி, ட்வின் சிலிண்டர், ஏர் கூல்டு என்ஜின் அதிகபட்சம் 162 நியூட்டன் மீட்டர் டார்க் இழுவிசையை வழங்குகிறது. இந்த மோட்டார் பின்புற சிலிண்டர் டி-ஆக்டிவேஷன் அம்சம் கொண்டிருக்கிறது.
இத்துடன் புதிய மாடல்களில் 15.1 லிட்டர் பியூவல் டேன்க், பாப்டு ரியர் பெண்டர், 46 எம்.எம். முன்புற போர்க், டூயல் எக்சாஸ்ட், எல்.இ.டி. லைட்டிங், கீலெஸ் இக்னிஷன், பைரெளி நைட் டிராகன் டையர்கள், ஏ.பி.எஸ்., குரூயிஸ் கண்ட்ரோல் சிஸ்டம், ஸ்போர்ட், ஸ்டாண்டர்டு மற்றும் டூர் போன்ற ரைடிங் மோட்கள் உள்ளன.
இபைக் கோ நிறுவனத்தின் புதிய எலெக்ட்ரிக் ஸ்கூட்டர் முழு சார்ஜ் செய்தால் 160 கிலோமீட்டர் வரை செல்லும் திறன் கொண்டிருக்கிறது.
இபைக் கோ நிறுவனம் இந்திய சந்தையில் ரக்கட் பெயரில் புது எலெக்ட்ரிக் ஸ்கூட்டரை அறிமுகம் செய்துள்ளது. புதிய ரக்கட் எலெக்ட்ரிக் மாடல் துவக்க விலை ரூ. 79,999, எக்ஸ்-ஷோரூம் ஆகும். இந்த எலெக்ட்ரிக் ஸ்கூட்டர் இரண்டு வேரியண்ட்களில் கிடைக்கிறது.
இதற்கான முன்பதிவு அந்நிறுவன வலைதளத்தில் துவங்கி நடைபெற்று வருகிறது. முன்பதிவு கட்டணம் ரூ. 499 ஆகும். இபைக் கோ ரக்கட் மாடலின் வினியோகம் நவம்பர் மாத வாக்கில் துவங்க இருக்கிறது. ரக்கட் எலெக்ட்ரிக் மாடலில் 3kW ஹப் மவுண்ட் செய்யப்பட்ட பிரஷ்லெஸ் டிசி மோட்டார் மற்றும் இரட்டை 1.9kWh லித்தியம் அயன் பேட்டரி உள்ளது.
இவற்றை 4 மணி நேரத்திற்குள் முழுமையாக சார்ஜ் செய்திட முடியும். இந்த ஸ்கூட்டர் முழு சார்ஜ் செய்தால் அதிகபட்சம் 160 கிலோமீட்டர் வரை செல்லும். மேலும் மணிக்கு 75 கிலோமீட்டர் வேகத்தில் செல்கிறது.
ராயல் என்பீல்டு நிறுவனம் புதிய தலைமுறை கிளாசிக் 350 மோட்டார்சைக்கிளை விரைவில் இந்தியாவில் அறிமுகம் செய்கிறது.
ராயல் என்பீல்டு நிறுவனத்தின் 2021 கிளாசிக் 350 மோட்டார்சைக்கிள் செப்டம்பர் 1 ஆம் தேதி இந்திய சந்தையில் அறிமுகம் செய்யப்பட இருக்கிறது. முந்தைய தகவல்களில் இந்த மோட்டார்சைக்கிள் ஆகஸ்ட் மாதத்தில் அறிமுகமாகும் என கூறப்பட்டது. எனினும், புதிய கிளாசிக் 350 இந்திய வெளியீட்டை ராயல் என்பீல்டு தற்போது உறுதிப்படுத்தி இருக்கிறது.
ஏற்கனவே புதிய தலைமுறை கிளாசிக் 350 மோட்டார்சைக்கிள் புகைப்படங்கள் மற்றும் வீடியோக்கள் பலமுறை இணையத்தில் வெளியாகி இருக்கின்றன. அந்த வகையில் இந்த மோட்டார்சைக்கிள் பல்வேறு மாற்றங்களை கொண்டிருக்கிறது. மேலும் இந்த மாடல் ராயல் என்பீல்டு நிறுவனத்தின் ஜெ பிளாட்பார்மில் உருவாக்கப்பட்டு இருக்கிறது.
முன்னதாக மீடியோர் 350 மாடலும் இதே பிளாட்பார்மில் உருவாக்கப்பட்டு இருந்தது. புதிய கிளாசிக் 350 மாடலிலும் 349சிசி, சிங்கில் சிலிண்டர், டி.ஓ.ஹெச்.சி. என்ஜின் வழங்கப்படுகிறது. எனினும், இதன் செயல்திறன் பற்றிய விவரங்கள் மர்மமாக இருக்கிறது.
Ride out and #BeReborn
— Royal Enfield (@royalenfield) August 25, 2021
Visit https://t.co/WDEjjsZedj#RoyalEnfield#RidePure#PureMotorcyclingpic.twitter.com/hiSO4QA7bj
புதிய கிளாசிக் 350 என்ட்ரி லெவல் மாடல் விலை ரூ. 1.85 லட்சத்தில் துவங்கி அதிகபட்சம் ரூ. 2.20 லட்சம் வரை நிர்ணயம் செய்யப்படலாம் என கூறப்படுகிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
யமஹா நிறுவனத்தின் எம்டி 15 மான்ஸ்டர் எனர்ஜி மோட்டோ ஜிபி எடிஷன் இந்தியாவில் அறிமுகம் செய்யப்பட்டது.
யமஹா நிறுவனத்தின் 'தி கால் ஆப் தி புளூ' பிராண்டிங் திட்டத்தின் கீழ் எம்டி 15 மான்ஸ்டர் எனர்ஜி மோட்டோ ஜிபி எடிஷன் இந்தியாவில் அறிமுகம் செய்யப்பட்டது. புதிய யமஹா எம்டி 15 மோட்டோ ஜிபி எடிஷன் விலை ரூ. 1,47,900, எக்ஸ்-ஷோரூம் ஆகும்.
புதிய ஸ்பெஷல் எடிஷன் மோட்டார்சைக்கிளின் பெட்ரோல் டேன்க், பக்கவாட்டு பேனல்களில் மோட்டோ ஜிபி பிராண்டிங் செய்யப்பட்டு உள்ளது. இவைதவிர மோட்டோ ஜிபி எடிஷன் மாடலிலும் 155சிசி, பியூவல் இன்ஜெக்ட் செய்யப்பட்ட, லிக்விட் கூல்டு, 4 ஸ்டிரோக், எஸ்.ஓ.ஹெச்.சி. என்ஜினே வழங்கப்பட்டு இருக்கிறது. இத்துடன் 6 ஸ்பீடு டிரான்ஸ்மிஷன் உள்ளது.
இந்த என்ஜின் அதிகபட்சமாக 18.5 பி.எஸ். திறன், 13.9 நியூட்டன் மீட்டர் டார்க் இழுவிசையை வழங்குகிறது. புதிய எம்டி 15 மோட்டோ ஜிபி எடிஷனில் சைடு-ஸ்டான்ட் என்ஜின் கட்-ஆப், ஏ&எஸ் கிளட்ச், சிங்கில் சேனல் ஏ.பி.எஸ்., வேரியபில் வால்வு ஆக்டுவேஷன் சிஸ்டம் என பல்வேறு அம்சங்கள் வழங்கப்பட்டுள்ளன.
புதிய யமஹா எம்டி 15 மோட்டோ ஜிபி எடிஷனில் யுனி-லெவல் சீட் மற்றும் கிராப் பார், மல்டி-பன்ஷன் நெகடிவ் எல்.சி.டி. இன்ஸ்ட்ரூமென்ட் கிளஸ்டர், பை பன்ஷனல் எல்.இ.டி. ஹெட்லைட், எல்.இ.டி. டெயில் லைட் மற்றும் அன்டர் கவுல் வழங்கப்பட்டு இருக்கிறது. யமஹா எம்டி 15 மோட்டோ ஜிபி எடிஷன் மொத்த எடை 138 கிலோ ஆகும்.
இந்திய எலெக்ட்ரிக் வாகனங்கள் சந்தையில் அறிமுகமாகி இருக்கும் இரு எலெக்ட்ரிக் ஸ்கூட்டர் அம்சங்களை தொடர்ந்து பார்ப்போம்.
ஓலா எலெக்ட்ரிக் மற்றும் சிம்பில் எனர்ஜி நிறுவனங்கள் ஒரே தினத்தில் தங்களின் முதல் எலெக்ட்ரிக் ஸ்கூட்டர்களை இந்திய சந்தையில் அறிமுகம் செய்தன. முன்பதிவில் இரு மாடல்களும் அமோக வரவேற்பை பெற்று வருகின்றன. ஓலா சீரிஸ் எஸ் இரண்டு வேரியண்ட்களிலும், சிம்பில் ஒன் மாடல் ஒற்றை வேரியண்டிலும் கிடைக்கின்றன.
இந்த நிலையில், இரு நிறுவன எலெக்ட்ரிக் ஸ்கூட்டர் அம்சங்கள், அவற்றின் ரேன்ஜ், விலை உள்ளிட்ட விவரங்களை தொடர்ந்து பார்ப்போம்.
அம்சங்கள்:
ஓலா எஸ் 1 சீரிஸ் மற்றும் சிம்பில் ஒன் எலெக்ட்ரிக் ஸ்கூட்டர்களில் மற்ற எலெக்ட்ரிக் ஸ்கூட்டர்களில் இதுவரை வழங்கப்படாமல் இருந்த சில புது அம்சங்கள் வழங்கப்பட்டு இருக்கின்றன.
ஓலா எலெக்ட்ரிக் ஸ்கூட்டரில் டி.எப்.டி. எல்.சி.டி. ஸ்கிரீன் உள்ளது. இது ரேன்ஜ், நேவிகேஷன் மற்றும் கனெக்டெட் தொழில்நுட்பம் சார்ந்த விவரங்களை காண்பிக்கிறது. இத்துடன் ஹில் ஹோல்டு அசிஸ்ட், வாய்ஸ் அசிஸ்டண்ட் வசதி, குரூயிஸ் கண்ட்ரோல் மற்றும் பல்வேறு அம்சங்கள் உள்ளன.
சிம்பில் ஒன் மாடலில் 7 அங்குல தொடுதிரை வசதி கொண்ட டிஸ்ப்ளே வழங்கப்பட்டு இருக்கிறது. இது 4ஜி மற்றும் ப்ளூடூத் கனெக்டிவிட்டி ஆப்ஷன்களை கொண்டுள்ளது. இதில் மியூசிக், கால் கண்ட்ரோல், வெஹிகில் டிராக்கிங், நேவிகேஷன் மற்றும் பல்வேறு அம்சங்கள் உள்ளன.
பேட்டரி மற்றும் மோட்டார்:
ஓலா எஸ்1 மாடலில் 2.98 kWh பேட்டரி பேக் உள்ளது. இது மணிக்கு 90 கிலோமீட்டர் வேகம், 121 கிலோமீட்டர் ரேன்ஜ் வழங்குகிறது. இந்த மாடல் நார்மல் மற்றும் ஸ்போர்ட்ஸ் என இரண்டு ரைடிங் மோட்களை கொண்டிருக்கிறது.
எஸ்1 ப்ரோ மாடலில் - நார்மல், ஸ்போர்ட்ஸ் மற்றும் ஹைப்பர் என மூன்று ரைடிங் மோட்கள் உள்ளன. இதில் 3.97 kWh பேட்டரி வழங்கப்பட்டு இருக்கிறது. இந்த ஸ்கூட்டர் முழு சார்ஜ் செய்தால் 181 கிலோமீட்டர் வரை செல்கிறது. மேலும் மணிக்கு அதிகபட்சம் 115 கிலோமீட்டர் வேகத்தில் செல்லும் திறன் கொண்டிருக்கிறது.
சிம்பில் ஒன் மாடலில் 4.5 kW மோட்டார் உள்ளது. இது 72 நியூட்டன் மீட்டர் டார்க் இழுவிசையை வழங்குகிறது. இதில் முன்புறம் 100 செக்ஷன், பின்புறம் 110 செக்ஷன் டையர்கள் உள்ளன. இதன் 100 செக்ஷன் டையர் கொண்ட மாடல் மணிக்கு அதிகபட்சம் 105 கிலோமீட்டர் வேகத்திலும் 110 செக்ஷன் டையர் கொண்ட மாடல் மணிக்கு அதிகபட்சம் 98 கிலோமீட்டர் வேகத்திலும் செல்கிறது.
சிம்பில் ஒன் ஸ்கூட்டர் - இகோ, ரைடு, டேஷ் மற்றும் சோனிக் என நான்கு ரைடிங் மோட்களை கொண்டிருக்கிறது. இந்த ஸ்கூட்டர் முழு சார்ஜ் செய்தால் 203 கிலோமீட்டர் வரை செல்லும்.
விலை விவரம்:
ஓலா சீரிஸ் எஸ் எலெக்ட்ரிக் ஸ்கூட்டர் விலை ரூ. 99,999 என துவங்குகிறது. இதன் எஸ்1 ப்ரோ விலை ரூ. 1.29 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. சிம்பில் ஒன் மாடல் விலை ரூ. 1.10 லட்சம் (எக்ஸ்-ஷோரூம்) ஆகும்.
சிம்பில் எனர்ஜி நிறுவனத்தின் புதிய எலெக்ட்ரிக் ஸ்கூட்டர் உற்பத்தி பணிகள் விரைவில் துவங்க இருக்கிறது.
பெங்களூரை சேர்ந்த எலெக்ட்ரிக் வாகன உற்பத்தியாளரான சிம்பில் எனர்ஜி தனது சிம்பில் ஒன் எலெக்ட்ரிக் ஸ்கூட்டரை கடந்த வாரம் அறிமுகம் செய்தது. அறிமுகமாகும் முன்பே இந்த ஸ்கூட்டருக்கான முன்பதிவுகள் துவங்கி நடைபெற்று வந்தன.
இந்த நிலையில், சிம்பில் ஒன் எலெக்ட்ரிக் ஸ்கூட்டரை வாங்க இதுவரை 30 ஆயிரத்திற்கும் மேற்பட்டோர் முன்பதிவு செய்து இருப்பதாக சி்ம்பில் எனர்ஜி நிறுவனம் அறிவித்து இருக்கிறது. எவ்வித விளம்பர யுக்திகளும் இன்றி இத்தனை யூனிட்கள் முன்பதிவு செய்யப்பட்டு உள்ளதாக அந்நிறுவனம் தெரிவித்துள்ளது.
ஆகஸ்ட் 15 ஆம் தேதி சிம்பில் எனர்ஜி நிறுவனத்தின் சிம்பில் ஒன் மாடல் இந்திய சந்தையில் அறிமுகம் செய்யப்பட்டது. சிம்பில் ஒன் எலெக்ட்ரிக் ஸ்கூட்டர் விலை ரூ. 1.10 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த ஸ்கூட்டருக்கான முன்பதிவு கட்டணம் ரூ. 1947 ஆகும்.
சிம்பில் ஒன் எலெக்ட்ரிக் ஸ்கூட்டர் முழு சார்ஜ் செய்தால் 236 கிலோமீட்டர் வரை செல்லும் திறன் கொண்டுள்ளது. இந்த ஸ்கூட்டர் மணிக்கு அதிகபட்சமாக 105 கிலோமீட்டர் வேகத்தில் செல்கிறது. இதில் உள்ள எலெக்ட்ரிக் மோட்டார் மற்றும் பேட்டரி, 72 நியூட்டன் மீட்டர் டார்க் இழுவிசையை வழங்குகிறது.
பியாஜியோ நிறுவனத்தின் ஸ்பெஷல் எடிஷன் ஸ்கூட்டர் மாடல்கள் விரைவில் இந்தியாவில் வினியோகம் செய்யப்பட இருக்கின்றன.
பியாஜியோ இந்தியா நிறுவனம் வெஸ்பா 75-வது ஆனிவெர்சரி எடிஷன் மாடல்களை இந்திய சந்தையில் அறிமுகம் செய்தது. புதிய வெஸ்பா 75-வது ஆனிவெர்சரி எடிஷன் 125 மாடல் விலை ரூ. 1.25 லட்சம் (எக்ஸ்-ஷோரூம்) ஆகும். இந்த ஸ்கூட்டர் 125சிசி மற்றும் 150சிசி என்ஜின் ஆப்ஷன்களில் கிடைக்கிறது.
புதிய வெஸ்பா மாடல்களின் முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 5 ஆயிரம் ஆகும். புதிய வெஸ்பா ஸ்கூட்டர்களின் வினியோகம் விரைவில் துவங்க இருக்கிறது. வெஸ்பா 75-வது ஆனிவெர்சரி எடிஷன் 150 மாடல் விலை ரூ. 1.39 லட்சம் (எக்ஸ்-ஷோரூம்) ஆகும்.
வெஸ்பாவின் ஸ்பெஷல் எடிஷன் ஸ்கூட்டர் புதிதாக மெட்டாலிக் எல்லோ நிறத்தில் கிடைக்கிறது. இதன் பக்கவாட்டில் 75 எண் இடம்பெற்று இருக்கிறது. இத்துடன் டைமண்ட்-கட் அலாய் வீல்கள், லெதர் இருக்கைகள் உள்ளன. இவற்றுடன் மேலும் சில மாற்றங்கள் மேற்கொள்ளப்பட்டுள்ளன.
வெஸ்பா 75-வது ஆனிவெர்சரி எடிஷன் 150 மாடலில் ஏர்-கூல்டு, பியூவல் இன்ஜெக்ட் செய்யப்பட்ட, சிங்கில் சிலிண்டர் 149சிசி என்ஜின் வழங்கப்பட்டு இருக்கிறது. இது 10.3 பி.ஹெச்.பி. திறன், 10.6 நியூட்டன் மீட்டர் டார்க் செயல்திறன் வழங்குகிறது.
வெஸ்பா 75-வது ஆனிவெர்சரி எடிஷன் 125சிசி மாடலில் பியூவல் இன்ஜெக்ட் செய்யப்பட்ட, சிங்கில் சிலிண்டர் 125சிசி என்ஜின் வழங்கப்பட்டுள்ளது. இது 9.7 பி.ஹெச்.பி. திறன், 9.6 நியூட்டன் மீட்டர் டார்க் செயல்திறன் வழங்குகிறது.
பஜாஜ் ஆட்டோ நிறுவனத்தின் பல்சர் 250 சீரிசில் இரண்டு வேரியண்ட்கள் இந்தியாவில் விற்பனைக்கு வர இருக்கின்றன.
பஜாஜ் ஆட்டோ நிறுவனம் புதிய பல்சர் சீரிஸ் மாடல்களை இந்திய சந்தையில் வெளியிடும் பணிகளில் ஈடுபட்டு வருகிறது. புதிய பல்சர் மாடல்களின் புகைப்படங்கள் பலமுறை இணையத்தில் லீக் ஆகி இருக்கின்றன. 'அடுத்து வெளியாகும் பல்சர் சீரிஸ் மாடல் மிகப்பெரியதாக இருக்கும்,' என பஜாஜ் ஆட்டோ தலைமை செயல் அதிகாரி ராஜீவ் பஜாஜ் சமீபத்திய நேர்காணலில் தெரிவித்தார்.
அந்த வகையில் இதுவரை வெளியாகி இருக்கும் தகவல்களின்படி புதிய பல்சர் சீரிஸ் 250சிசி என்ஜின் கொண்டிருக்கும் என தெரிகிறது. புதிய பல்சர் சீரிஸ் நேக்கட் வேரியண்ட் புகைப்படங்கள் பலமுறை இணையத்தில் வெளியாகி இருக்கின்றன. எனினும், இந்த சீரிசில் ஹல்ஃப்-ஃபேர்டு (half-faired) வேரியண்ட்டும் அறிமுகமாகும் என கூறப்படுகிறது.
புதிய பல்சர் ஹால்ஃப்-ஃபேர்டு வேரியண்ட் நீண்ட காலம் விற்பனை செய்யப்பட்டு வரும் பல்சர் 220எப் மாடலுக்கு மாற்றாக வெளியாகும் என கூறப்படுகிறது. முந்தைய தகவல்களின் படி புதிய பல்சர் மாடல்கள் ஏற்கனவே வெளியாகி இருக்க வேண்டும். எனினும், கொரோனா பெருந்தொற்று காரணமாக இதன் வெளியீடு தாமதமாகி இருக்கிறது.
பஜாஜ் பல்சர் சீரிசின் புது மாடல்கள் இந்த ஆண்டு பண்டிகை காலக்கட்டத்தில் விற்பனைக்கு வரும் என எதிர்பார்க்கப்படுகிறது. இந்திய சந்தையில் புதிய பல்சர் சீரிஸ் விலை ரூ. 1.20 லட்சம் (எக்ஸ்-ஷோரூம்) என துவங்கும் என தெரிகிறது.
ஓலா எஸ்1 சீரிஸ் எலெக்ட்ரிக் ஸ்கூட்டருக்கான டெஸ்ட் ரைடுகள் இந்தியாவில் அக்டோபர் மாத வாக்கில் துவங்குகிறது.
இந்திய எலெக்ட்ரிக் இருசக்கர வாகனங்கள் சந்தையில் ஓலா எலெக்ட்ரிக் களமிறங்கி இருக்கிறது. முதற்கட்டமாக எஸ்1 மற்றும் எஸ்1 ப்ரோ என இரு மாடல்களை ஓலா எலெக்ட்ரிக் இந்தியாவில் அறிமுகம் செய்தது.
ஓலா எஸ்1 சீரிசில் கச்சிதமான ட்வின்-பாட் ஹெட்லைட், எல்.இ.டி. டி.ஆர்.எல்., எல்.இ.டி. இன்டிகேட்டர்கள் வழங்கப்பட்டு உள்ளன. இதன்பின்புறம் மெல்லிய எல்.இ.டி. டெயில் லைட், சார்ஜிங் பாயின்ட், ஸ்ப்லிட் ரக கைப்பிடிகள் உள்ளன. இருக்கையின் கீழ் இரண்டு ஹெல்மெட்களை வைத்துக் கொள்ளும் வகையில் ஓலா எஸ்1 சீரிஸ் வடிவமைக்கப்பட்டுள்ளன.
விலை
ஓலா எஸ்1 சீரிஸ் பேஸ் மாடல் ஐந்துவித நிறங்களிலும் எஸ்1 ப்ரோ மாடல் பத்து வித நிறங்களிலும் கிடைக்கிறது. ஓலா எஸ்1 விலை ரூ. 99,999 (எக்ஸ்-ஷோரூம்) ஆகும். ஓலா எஸ்1 ப்ரோ விலை ரூ. 1,29,999 (எக்ஸ்-ஷோரூம்) ஆகும்.
பேட்டரி மற்றும் திறன்
ஓலா எஸ்1 மற்றும் எஸ்1 ப்ரோ மாடல்கள் 8.5 கிலோவாட் திறன், 58 நியூட்டன் மீட்டர் டார்க் இழுவிசையை வழங்குகிறது. இவற்றில் முறையே 2.98 கிலோவாட் மற்றும் 3.97 கிலோவாட் பேட்டரி வழங்கப்பட்டு இருக்கின்றன.
ஓலா எஸ்1 மாடல் முழு சார்ஜ் செய்தால் 121 கிலோமீட்டர் ரேன்ஜ், மணிக்கு அதிகபட்சம் 90 கிலோமீட்டர் கேகத்தில் செல்லும் திறன் கொண்டுள்ளது. ஓலா எஸ்1 ப்ரோ மாடல் மணிக்கு அதிகபட்சம் 115 கிலோமீட்டர் வேகத்தில் செல்வதோடு, முழு சார்ஜ் செய்தால் 181 கிலோமீட்டர் வரை செல்கிறது.
அம்சங்கள்
ஓலா எஸ்1 - நார்மல் மற்றும் ஸ்போர்ட் என இருவித ரைடிங் மோட்களும், எஸ்1 ப்ரோ - நார்மல், ஸ்போர்ட் மற்றும் ஹைப்பர் என மூன்று ரைடிங் மோட்களும் கொண்டிருக்கின்றன. இரு வேரியண்ட்களிலும் பிராக்சிமிட்டி லாக்/அன்லாக், ரிமோட் பூட் லாக், கால் அலெர்ட், மெசேஜ் அலெர்ட், இன்போடெயின்மென்ட், சைடு ஸ்டான்ட் அலெர்ட் மற்றும் பல்வேறு இதர அம்சங்கள் உள்ளன.
இத்துடன் ரிவர்ஸ் மோட் வசதி வழங்கப்படுகிறது. இதை செயல்படுத்தினால் ஸ்கூட்டர் பின்புறமாக செல்லும். மேலும் கெட் ஹோம் மோட், பைண்ட் மை ஸ்கூட்டர், எலெக்டிரானிக் ஸ்டீரிங் லாக், ஹெச்.எம்.ஐ. பிரைட்னஸ் அட்ஜஸ்டர், வெல்கம் ஸ்கிரீன், ஓ.டி.ஏ. அப்டேட்கள், மேனுவல் எஸ்.ஓ.எஸ். உள்ளிட்ட அம்சங்கள் வழங்கப்பட்டு இருக்கின்றன.
ஓலா எஸ்1 ப்ரோ மாடலில் ஹில்-ஹோல்டு சிஸ்டம், குரூயிஸ் கண்ட்ரோல் மற்றும் வாய்ஸ் அசிஸ்ட் போன்ற அம்சங்கள் கூடுதலாக வழங்கப்பட்டுள்ளன.
டெஸ்ட் ரைடு செய்வது எப்படி?
ஓலா எலெக்ட்ரிக் ஸ்கூட்டர் விற்பனை செப்டம்பர் 8 ஆம் தேதி துவங்குகிறது. இவற்றுக்கான வினியோகம் மற்றும் டெஸ்ட் ரைடுகள் அக்டோபர் மாத வாக்கில் துவங்குகின்றன. புதிய எஸ்1 சீரிசை டெஸ்ட் ரைடு செய்ய விரும்புவோர் ஓலா எலெக்ட்ரிக் மொபைல் செயலி மூலம் முன்பதிவு செய்ய வேண்டும்.
முன்பதிவு செய்ததும், ஸ்கூட்டர் வீட்டு வாசலில் டெலிவரி செய்யப்பட்டு விடும். இதுதவிர வரும் மாதங்களில் ஓலா எக்ஸ்பீரியன்ஸ் மையங்களை திறக்கவும் ஓலா எலெக்ட்ரிக் நிறுவனம் திட்டமிட்டுள்ளது.
×