search icon
என் மலர்tooltip icon

    ஆட்டோமொபைல்

    வெஸ்பா ஸ்கூட்டர்
    X
    வெஸ்பா ஸ்கூட்டர்

    வெஸ்பா ஸ்பெஷல் எடிஷன் ஸ்கூட்டர் இந்தியாவில் அறிமுகம்

    பியாஜியோ நிறுவனத்தின் ஸ்பெஷல் எடிஷன் ஸ்கூட்டர் மாடல்கள் விரைவில் இந்தியாவில் வினியோகம் செய்யப்பட இருக்கின்றன.


    பியாஜியோ இந்தியா நிறுவனம் வெஸ்பா 75-வது ஆனிவெர்சரி எடிஷன் மாடல்களை இந்திய சந்தையில் அறிமுகம் செய்தது. புதிய வெஸ்பா 75-வது ஆனிவெர்சரி எடிஷன் 125 மாடல் விலை ரூ. 1.25 லட்சம் (எக்ஸ்-ஷோரூம்) ஆகும். இந்த ஸ்கூட்டர் 125சிசி மற்றும் 150சிசி என்ஜின் ஆப்ஷன்களில் கிடைக்கிறது. 

    புதிய வெஸ்பா மாடல்களின் முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 5 ஆயிரம் ஆகும். புதிய வெஸ்பா ஸ்கூட்டர்களின் வினியோகம் விரைவில் துவங்க இருக்கிறது. வெஸ்பா 75-வது ஆனிவெர்சரி எடிஷன் 150 மாடல் விலை ரூ. 1.39 லட்சம் (எக்ஸ்-ஷோரூம்) ஆகும்.

    வெஸ்பாவின் ஸ்பெஷல் எடிஷன் ஸ்கூட்டர் புதிதாக மெட்டாலிக் எல்லோ நிறத்தில் கிடைக்கிறது. இதன் பக்கவாட்டில் 75 எண் இடம்பெற்று இருக்கிறது. இத்துடன் டைமண்ட்-கட் அலாய் வீல்கள், லெதர் இருக்கைகள் உள்ளன. இவற்றுடன் மேலும் சில மாற்றங்கள் மேற்கொள்ளப்பட்டுள்ளன.

     வெஸ்பா ஸ்கூட்டர்

    வெஸ்பா 75-வது ஆனிவெர்சரி எடிஷன் 150 மாடலில் ஏர்-கூல்டு, பியூவல் இன்ஜெக்ட் செய்யப்பட்ட, சிங்கில் சிலிண்டர் 149சிசி என்ஜின் வழங்கப்பட்டு இருக்கிறது. இது 10.3 பி.ஹெச்.பி. திறன், 10.6 நியூட்டன் மீட்டர் டார்க் செயல்திறன் வழங்குகிறது. 

    வெஸ்பா 75-வது ஆனிவெர்சரி எடிஷன் 125சிசி மாடலில் பியூவல் இன்ஜெக்ட் செய்யப்பட்ட, சிங்கில் சிலிண்டர் 125சிசி என்ஜின் வழங்கப்பட்டுள்ளது. இது 9.7 பி.ஹெச்.பி. திறன், 9.6 நியூட்டன் மீட்டர் டார்க் செயல்திறன் வழங்குகிறது.

    Next Story
    ×