ரூ. 79,999 விலையில் புது எலெக்ட்ரிக் ஸ்கூட்டர் அறிமுகம்

இபைக் கோ நிறுவனம் இந்திய சந்தையில் ரக்கட் பெயரில் புது எலெக்ட்ரிக் ஸ்கூட்டரை அறிமுகம் செய்துள்ளது. புதிய ரக்கட் எலெக்ட்ரிக் மாடல் துவக்க விலை ரூ. 79,999, எக்ஸ்-ஷோரூம் ஆகும். இந்த எலெக்ட்ரிக் ஸ்கூட்டர் இரண்டு வேரியண்ட்களில் கிடைக்கிறது.

இதற்கான முன்பதிவு அந்நிறுவன வலைதளத்தில் துவங்கி நடைபெற்று வருகிறது. முன்பதிவு கட்டணம் ரூ. 499 ஆகும். இபைக் கோ ரக்கட் மாடலின் வினியோகம் நவம்பர் மாத வாக்கில் துவங்க இருக்கிறது. ரக்கட் எலெக்ட்ரிக் மாடலில் 3kW ஹப் மவுண்ட் செய்யப்பட்ட பிரஷ்லெஸ் டிசி மோட்டார் மற்றும் இரட்டை 1.9kWh லித்தியம் அயன் பேட்டரி உள்ளது. 

இவற்றை 4 மணி நேரத்திற்குள் முழுமையாக சார்ஜ் செய்திட முடியும். இந்த ஸ்கூட்டர் முழு சார்ஜ் செய்தால் அதிகபட்சம் 160 கிலோமீட்டர் வரை செல்லும். மேலும் மணிக்கு 75 கிலோமீட்டர் வேகத்தில் செல்கிறது.