பைக்

கியூ.ஜெ. மோட்டார் நிறுவனம் தனது மோட்டார்சைக்கிள் மாடல்கள் விலையை இந்தியாவில் குறைத்து இருக்கிறது. அதன்படி கியூ.ஜெ. மாடல்கள் விலை ரூ. 40 ஆயிரம் வரை குறைந்திருக்கிறது.

விலை குறைப்பை தொடர்ந்து கியூ.ஜெ. SRC 500 மற்றும் SRV 300 மாடல்களின் விலை முறையே ரூ. 2 லட்சத்து 39 ஆயிரம் மற்றும் ரூ. 3 லட்சத்து 19 ஆயிரம் என நிர்ணயம் செய்யப்பட்டு உள்ளது. இது முந்தைய விலையை விட ரூ. 40 ஆயிரம் குறைவு ஆகும்.

கியூ.ஜெ. SRC 250 விலை ரூ. 1 லட்சத்து 39 ஆயிரம் என மாறி இருக்கிறது. இது முந்தைய விலையை விட ரூ. 31 ஆயிரம் குறைவு ஆகும். இந்த விலை குறைப்பு ஜனவரி 8-ம் தேதி முதல் அமலுக்கு வந்தது. விலை குறைப்பின் மூலம் கியூ.ஜெ. மாடல்களின் விற்பனை அதிகரிக்கும் என அந்நிறுவனம் நம்பிக்கை தெரிவித்துள்ளது.

கியூ.ஜெ. SRC 250 மாடலில் ரெட்ரோ டிசைன் அடிப்படையில் உருவாக்கப்பட்ட வட்ட வடிவ லைட்கள் மற்றும் கண்ணாடிகள் உள்ளன. இத்துடன் டியர் டிராப் ஃபியூவல் டேன்க், வயர் ஸ்போக் வீல் வழங்கப்படுகிறது. இந்த மாடலில் 249சிசி, இன் லைன் டுவின் சிலிண்டர் லிக்விட் கூல்டு என்ஜின் வழங்கப்பட்டு இருக்கிறது.

இந்த என்ஜின் 17.1 ஹெச்.பி. பவர், 17 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு கியர்பாக்ஸ் வழங்கப்படுகிறது. பிரேக்கிங்கிற்கு டிஸ்க் பிரேக் வழங்கப்படுகிறது. கியூ.ஜெ. SRC 500 மாடலில் டூயல் சேனல் ஏ.பி.எஸ். வழங்கப்படுகிறது. 

ஏத்தர் எனர்ஜி நிறுவனம் தனது விலை உயர்ந்த எலெக்ட்ரிக் ஸ்கூட்டர் மாடலை இந்திய சந்தையில் அறிமுகம் செய்தது. ஏத்தர் 450 அபெக்ஸ் என பெயரிடப்பட்டு இருக்கும் புதிய எலெக்ட்ரிக் ஸ்கூட்டர் விலை ரூ. 1 லட்சத்து 89 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. தோற்றத்தில் இந்த வேரியண்ட் ஸ்டான்டர்டு மாடலை போன்றே காட்சியளிக்கிறது.

எனினும், பக்கவாட்டில் கண்ணாடி போன்ற பாடி பேனல்கள் இடம்பெற்றுள்ளன. இதன் வழியே ஆரஞ்சு நிற ஃபிரேம் காணப்படுகிறது. இதன் இடதுபுறம் பெல்ட் டிரைவ் வழங்கப்பட்டு இருக்கிறது. புதிய 450 அபெக்ஸ் மாடலில் 7 கிலோவாட் மோட்டார் மற்றும் 3.7 கிலோவாட் ஹவர் பேட்டரி வழங்கப்பட்டுள்ளது. இந்த ஸ்கூட்டர் மணிக்கு அதிகபட்சம் 100 கிலோமீட்டர் வேகத்தில் செல்லும் திறன் கொண்டுள்ளது.

ஸ்டான்டர்டு மாடலுடன் ஒப்பிடும் போது 450 அபெக்ஸ் மாடல் 10 கிலோமீட்டர் வரை வேகமாக செல்கிறது. மேலும் மணிக்கு 40 கிலோமீட்டர் வேகத்தையும் இந்த ஸ்கூட்டர் 2.9 நொடிகளில் எட்டிவிடுகிறது. ஏத்தர் 450X மாடல் இதற்கு 3.3 நொடிகளை எடுத்துக் கொள்கிறது.

புதிய ஏத்தர் 450 அபெக்ஸ் மாடல்- ஸ்மார்ட் இகோ, இகோ, ரைடு, ஸ்போர்ட், வார்ப் மற்றும் வார்ப் பிளஸ் என ஆறுவித ரைடு மோட்களை கொண்டிருக்கிறது. இந்த ஸ்கூட்டரில் ஃபுல் எல்.இ.டி. லைட்டிங், 7 இன்ச் அளவில் டச் ஸ்கிரீன் டி.எஃப்.டி. ஸ்கிரீன், ஸ்மார்ட்போன் கனெக்டிவிட்டி, டேஷ்போர்டு ஆட்டோ பிரைட்னஸ் வசதி, பார்க் அசிஸ்ட் போன்ற அம்சங்கள் உள்ளன.

இதுதவிர ஹில் ஹோல்டு, ஆட்டோ இன்டிகேட்டர் கட் ஆஃப், கோஸ்டிங் ரீஜெனரேடிவ் பிரேக்கிங் மற்றும் மேஜிக் டுவிஸ்ட் உள்ளிட்டவை வழங்கப்பட்டு இருக்கிறது. ரீஜெனவேரடிவ் பிரேக்கிங் சிஸ்டத்தின் அதிநவீன வெர்ஷன் தான் மேஜிக் டுவிஸ்ட் என ஏத்தர் நிறுவனம் தெரிவித்துள்ளது. இந்த ஸ்கூட்டரில் முன்புறம் டெலிஸ்கோபிக் ஃபோர்க்குகள், பின்புறம் மோனோஷாக் யூனிட் வழங்கப்பட்டு இருக்கிறது.

பிரேக்கிங்கிற்கு முன்புறம் 200 மில்லிமீட்டர் டிஸ்க், பின்புறம் 190 மில்லிமீட்டர் டிஸ்க் பிரேக் வழங்கப்பட்டு உள்ளது. இவற்றுடன் 12 இன்ச் வீல்கள் உள்ளன. ஏத்தர் 450 அபெக்ஸ் மாடலில் 22 லிட்டர் அன்டர் சீட் ஸ்டோரேஜ் உள்ளது. இந்த ஸ்கூட்டரின் மொத்த எடை 111.6 கிலோ ஆகும். இந்த ஸ்கூட்டர் ஐந்து ஆண்டுகள் அல்லது 60 ஆயிரம் கிலோமீட்டர்கள் பேட்டரி வாரண்டியுடன் விற்பனை செய்யப்படுகிறது.

பஜாஜ் ஆட்டோ நிறுவனம் தனது எலெக்ட்ரிக் இருசக்கர வாகனங்கள் எண்ணிக்கையை அதிகப்படுத்தும் வகையில் 2024 செட்டாக் பிரீமியம் மற்றும் அர்பேன் வேரியண்ட்களை அறிமுகம் செய்திருக்கிறது. இவற்றின் விலை முறையே ரூ. 1 லட்சத்து 15 ஆயிரத்து 001 மற்றும் ரூ. 1 லட்சத்து 35 ஆயிரத்து 463 என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

இரண்டு புதிய ஸ்கூட்டர்களிலும் டெக்பேக் பெயரில் அதிக அம்சங்கள் வழங்கப்படுகின்றன. எனினும், இதனை வாடிக்கையாளர்கள் விரும்பும் பட்சத்தில் தேர்வு செய்து கொள்ளும் வகையில் வழங்கப்படுகின்றன. புதிய ஸ்கூட்டர்களில் பிரீமியம் வேரியண்ட் 5-இன்ச் அளவில் டி.எஃப்.டி. ஸ்கிரீன் வழங்கப்பட்டு இருக்கிறது.

இத்துடன் இந்த ஸ்கூட்டர் மணிக்கு அதிகபட்சம் 73 கிலோமீட்டர் வேகத்தில் செல்லும் திறன் கொண்டிருக்கிறது. இதில் உள்ள 3.2 கிலோவாட் ஹவர் பேட்டரியை முழுமையாக சார்ஜ் செய்தால் அதிகபட்சம் 127 கிலோமீட்டர்கள் வரையிலான ரேன்ஜ் வழங்குகிறது. இது செட்டாக் ஸ்கூட்டரின் முந்தைய வேரியண்ட் வழங்கியதை விட அதிகம் ஆகும்.

அதிக ரேன்ஜ் மட்டுமின்றி புதிய ஸ்கூட்டருடன் 800 வாட் சார்ஜர் வழங்கப்படுகிறது. இதை கொண்டு பிரீமியம் வேரியண்டை 30 நிமிடங்கள் சார்ஜ் செய்தால் 15.6 கிலோமீட்டர்கள் வரை செல்ல முடியும். இதுதவிர செட்டாக் மாடலின் பூட் ஸ்பேஸ் அதிகரிக்கப்பட்டு இருக்கிறது.

ராயல் என்பீல்டு நிறுவனம் தனது ஹன்டர் 350 மோட்டார்சைக்கிளை இரண்டு புதிய நிறங்களில் அறிமுகம் செய்துள்ளது. இவை டேப்பர் ஒ மற்றும் டேப்பர் ஜி என அழைக்கப்படுகின்றன. இவற்றின் விலை ரூ. 1 லட்சத்து 69 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. முன்னதாக இந்த மாடல் டேப்பர் வைட் மற்றும் டேப்பர் கிரே என இரண்டு நிறங்களில் விற்பனை செய்யப்பட்டு வந்தது குறிப்பிடத்தக்கது.

புதிய டேப்பர் ஒ நிற வேரியண்டின் ஃபியூவல் டேன்க் மீது டீப் ஆரஞ்சு பேஸ் நிறமாகவும், RE லோகோ மற்றும் ஸ்டிரைப்கள் அதன் மீதும் இடம்பெற்று இருக்கிறது. இத்துடன் ஆங்காங்கே வைட் நிற கோடுகள் இடம்பெற்றுள்ளன. டேப்பர் ஜி வேரியண்டில் பேஸ் நிறமாக பிரிடிஷ் கிரீன் பயன்படுத்தப்பட்டு இருக்கிறது.

நிறங்கள் தவிர ஹன்டர் 350 மாடலில் வேறு எந்த மாற்றமும் மேற்கொள்ளப்படவில்லை. அந்த வகையில், ராயல் என்பீல்டு ஹன்டர் 350 மாடலில் 349சிசி, ஏர் கூல்டு என்ஜின் வழங்கப்பட்டு இருக்கிறது. இது 20.2 ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இந்த பைக் லிட்டருக்கு 36 கிலோமீட்டர்கள் வரை செல்லும். இந்திய சந்தையில் ராயல் என்பீல்டு ஹன்டர் 350 பைக் டி.வி.எஸ். ரோனின் மாடலுக்கு போட்டியாக அமைகிறது. 

ஏத்தர் எனர்ஜி நிறுவனம் உருவாக்கி இருக்கும் புதிய எலெக்ட்ரிக் ஸ்கூட்டர் மாடல் ஏத்தர் 450 அபெக்ஸ் என்ற பெயரில் அறிமுகம் செய்யப்பட இருக்கிறது. இது ஏத்தர் உருவாக்கியதிலேயே அதிவேகமான எலெக்ட்ரிக் ஸ்கூட்டராக இருக்கும் என்று தெரிகிறது. இந்த மாடலில் முற்றிலும் புதிய வார்ப் பிளஸ் மோட் உள்ளது. ஏத்தர் 450X மாடலில் இருக்கும் ரேபிட் வார்ப் மோட்-ஐ விட வேகமானது ஆகும்.

புதிய ஏத்தர் 450 அபெக்ஸ் மாடலுக்கான முன்பதிவுகள் ஏற்கனவே துவங்கி நடைபெற்று வருகின்றன. மேலும் இந்த மாடல் ஜனவரி 6-ம் தேதி அறிமுகம் செய்யப்படும் என்று தெரிகிறது. ஏத்தர் எனர்ஜி நிறுவனம் பத்து ஆண்டுகள் நிறைவு செய்ததை கொண்டாடும் வகையில், ஏத்தர் 450 அபெக்ஸ் மாடல் உருவாக்கப்பட்டு இருக்கிறது.

இந்த மாடல் தோற்றத்தில் ஏத்தர் 450S மற்றும் ஏத்தர் 450X மாடல்களை போன்றே காட்சியளிக்கிறது. இதன் பின்புறம் இருக்கும் ஒரே மாற்றம் பின்புற பாடிவொர்க்கில் மேற்கொள்ளப்பட்டு இருக்கிறது. முன்னதாக 2020 ஆண்டு சீரிஸ் 1 கலெக்டர்ஸ் எடிஷன் மாடலில் இருந்ததை போன்ற டிரான்ஸ்பேரன்ட் பாடி பேனல்கள் புதிய மாடலிலும் வழங்கப்படுகின்றன.

ஏத்தர் 450 அபெக்ஸ் மாடலின் விலை ஏத்தர் 450X மாடலை விட அதிகமாகவே நிர்ணயம் செய்யப்படும் என்று தெரிகிறது. இதன் வினியோகம் மார்ச் மாத வாக்கில் துவங்கும் என்று எதிர்பார்க்கலாம். இதன் பேட்டரி பேக் மற்றும் ரேன்ஜ் பற்றிய விவரங்கள் மர்மமாகவே உள்ளது.

கவாசகி நிறுவனம் தனது எலிமினேட்டர் மோட்டார்சைக்கிளை இந்திய சந்தையில் அறிமுகம் செய்தது. புதிய கவாசகி எலிமினேட்டர் விலை ரூ. 5 லட்சத்து 62 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. குரூயிசர் மோட்டார்சைக்கிள் என்ற வகையில், இந்த மாடல் ராயல் என்பீல்டு சூப்பர் மீடியோர் 650-க்கு போட்டியாக அமைகிறது.

புதிய எலிமினேட்டர் மாடலுக்கான முன்பதிவு ஏற்கனவே துவங்கிவிட்ட நிலையில், விரைவில் வினியோகம் செய்யப்படும் என்று தகவல் வெளியாகி உள்ளது. இந்திய சந்தையில் ஏற்கனவே விற்பனை செய்யப்படும் நின்ஜா 400 மாடலில் உள்ள பாகங்கள் புதிய எலிமினேட்டரிலும் பயன்படுத்தப்பட்டு இருக்கிறது.

கவாசகி எலிமினேட்டர் மாடலில் 451சிசி, பேரலல் டுவின் என்ஜின் வழங்கப்பட்டு இருக்கிறது. இது 49 ஹெச்.பி. பவர், 38 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த மோட்டார்சைக்கிள் ஸ்டீல் டிரெலிஸ் ஃபிரேம் கொண்டிருக்கிறது. இத்துடன் 18/16 இன்ச் அலாய் வீல், டெலிஸ்கோபிக் ஃபோர்க்குகள், பின்புறம் ஷாக் அப்சார்பர் வழங்கப்பட்டுள்ளது.

பிரேக்கிங்கிற்கு இருபுறமும் ஒற்றை டிஸ்க் பிரேக், டூயல் சேனல் ஏ.பி.எஸ். வழங்கப்பட்டு இருக்கிறது. இந்த மோட்டார்சைக்கிள் ஒட்டுமொத்த எடை 176 கிலோ ஆகும். இதன் கிரவுன்ட் கிளியரன்ஸ் 150 மில்லிமீட்டர் அளவில் இருக்கிறது. இந்த மாடலில் எல்.இ.டி. லைட்டிங், வட்ட வடிவம் கொண்ட எல்.சி.டி. ஸ்கிரீன், டூயல் சேனல் ஏ.பி.எஸ். உள்ளிட்டவை ஸ்டான்டர்டு அம்சமாக வழங்கப்படுகிறது.

கவாசகி இந்தியா நிறுவனம் தனது 2024 நின்ஜா ZX-6R மோட்டார்சைக்கிளை இந்திய சந்தையில் அறிமுகம் செய்தது. புதிய நின்ஜா ZX-6R விலை ரூ. 11 லட்சத்து 09 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இது முந்தைய மாடலை விட ரூ. 60 ஆயிரம் வரை அதிகம் ஆகும்.

அப்டேட்களை பொருத்தவரை நின்ஜா ZX-6R மாடலில் மேம்பட்ட ஸ்டைலிங், தோற்றத்தில் முன்பை விட அதிக ஆக்ரோஷமாக காட்சியளிக்கிறது. இந்த மோட்டார்சைக்கிள் மெட்டாலிக் கிராஃபைட் கிரே மற்றும் லைம் கிரீன் என இரண்டு நிறங்களில் கிடைக்கிறது. 2024 ZX-6R மாடல் யூரோ 5 / பி.எஸ். 6 புகை விதிகளுக்கு பொருந்தும் வகையில் அப்டேட் செய்யப்பட்டுள்ளது.

அந்த வகையில், புதிய கவாசகி நின்ஜா ZX-6R மாடலில் 636 சிசி, இன்லைன் 4 சிலிண்டர்கள் கொண்ட என்ஜின் வழங்கப்பட்டு இருக்கிறது. இந்த என்ஜின் 128 ஹெச்.பி. பவர், 69 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் மற்றும் குயிக்ஷிஃப்டர் வழங்கப்பட்டு இருக்கிறது.

புதிய மாடலில் பழைய எல்.சி.டி. யூனிட்-க்கு மாற்றாக அதிநவீன டி.எஃப்.டி. யூனிட் மற்றும் ப்ளூடூத் கனெக்டிவிட்டி வழங்கப்படுகிறது. இத்துடன் ரைடு மோட்கள் வழங்கப்படுகின்றன. இத்துடன் அட்ஜஸ்ட் செய்யக்கூடிய ஷோவா SFF-BP ஃபோர்க்குகள், லின்க் டைப் மோனோஷாக் வழங்கப்பட்டு இருக்கிறது. பிரேக்கிங்கிற்கு முன்புறம் 310mm டிஸ்க், பின்புறம் 220mm டிஸ்க் வழங்கப்படுகிறது.

பூனேவை சேர்ந்த எலெக்ட்ரிக் இருசக்கர வாகன உற்பத்தியாளர் டார்க் மோட்டார்ஸ். எலெக்ட்ரிக் பைக் மாடல்களை விற்பனை செய்து வரும் டார்க் மோட்டார்ஸ் தனது கிராடோஸ் R எலெக்ட்ரிக் பைக்கிற்கு ரூ. 22 ஆயிரம் வரையிலான சலுகைகளை அறிவித்து இருக்கிறது. குறுகிய காலத்திற்கு அறிவிக்கப்பட்டு இருக்கும் சலுகையின் கீழ் கிராடோஸ் R மாடலை பயனர்கள் ரூ. 22 ஆயிரம் தள்ளுபடியில் வாங்கிட முடியும்.

இத்துடன் ரூ. 10 ஆயிரத்து 500 மதிப்புள்ள இலவச சர்வீஸ் வழங்கப்படுகிறது. இதில் நீட்டிக்கப்பட்ட வாரண்டி, டேட்டா கட்டணம், சர்வீஸ் கட்டணம், சார்ஜ் பேக் உள்ளிட்டவை அடங்கும். இந்த சலுகை டிசம்பர் 31-ம் தேதி வரை மட்டுமே வழங்கப்படும்.

இந்திய சந்தையில் டார்க் கிராடோஸ் R மோட்டார்சைக்கிள்- ஸ்டாண்டர்டு மற்றும் அர்பன் என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 1 லட்சத்து 87 ஆயிரத்து 499 மற்றும் ரூ. 1 லட்சத்து 67 ஆயிரத்து 499 என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

கிராடோஸ் R மாடலில் 7.5 கிலோவாட் மோட்டார் வழங்கப்பட்டு இருக்கிறது. இது அதிகபட்சம் 28 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இதில் 4 கிலோவாட் ஹவர் லித்தியம் அயன் பேட்டரி பேக் வழங்கப்பட்டு இருக்கிறது. இதனை முழுமையாக சார்ஜ் செய்தால் 120 கிலோமீட்டர்கள் வரையிலான ரேன்ஜ் வழங்குகிறது.

இந்த எலெக்ட்ரிக் பைக் மணிக்கு 40 கிலோமீட்டர்கள் வேகத்தை 3.5 நொடிகளில் எட்டிவிடும். இத்துடன் 17 இன்ச் வீல்கள், டெலிஸ்கோபிக் ஃபோர்க்குகள், மோனோஷாக் யூனிட் வழங்கப்பட்டு இருக்கிறது. பிரேக்கிங்கிற்கு இரண்டு புறமும் ஒற்றை டிஸ்க் வழங்கப்பட்டுள்ளது.

இத்துடன் எல்.இ.டி. லைட்டிங், டிஜிட்டல் இன்ஸ்ட்ரூமென்ட் கிளஸ்டர், பல்வேறு ரைடிங் மோட்கள், ரி-ஜெனரேடிவ் பிரேகிங், ரிவர்ஸ் மோட், மொபைல் கனெக்டிவிட்டி, யு.எஸ்.பி. சார்ஜிங், முன்புறம் ஸ்டோரேஜ் பெட்டி, ஜியோஃபென்சிங், ஃபைன்ட் மை வெஹிகில், மோட்டார் வாக் அசிஸ்ட், கிராஷ் அலெர்ட், டிராக் மோட் மற்றும் ஸ்மார்ட் சார்ஜ் அனாலசிஸ் போன்ற வசதிகள் உள்ளன.

பெங்களூருவை சேர்ந்த ஸ்டார்ட் அப் நிறுவனம் சிம்பில் எனர்ஜி இந்திய சந்தையில் சிம்பில் ஒன் மாடலை கடந்த மே மாத வாக்கில் அறிமுகம் செய்தது. தற்போது சிம்பில் எனர்ஜி நிறுவனத்தின் புதிய எலெக்ட்ரிக் ஸ்கூட்டர் சிம்பில் டாட் ஒன் என்ற பெயரில் அறிமுகம் செய்யப்பட்டு இருக்கிறது. இந்த ஸ்கூட்டர் முழு சார்ஜ் செய்தால் 151 கிலோமீட்டர்கள் வரையிலான ரேன்ஜ் வழங்குகிறது.

இதில் 8.5 கிலோவாட் பீக் / 4.5 கிலோவாட் பவர் மற்றும் 72 நியூட்டன் மீட்டர் டார்க் வெளிப்படுத்தும் திறன் கொண்ட பி.எம்.எஸ்.எம். மோட்டார் உள்ளது. இந்த ஸ்கூட்டர் மணிக்கு அதிகபட்சம் 40 கிலமீட்டர்கள் வேத்தை 2.77 நொடிகளில் எட்டிவிடும். இந்த ஸ்கூட்டர் மணிக்கு அதிகபட்சம் 105 கிலோமீட்டர் வேகத்தில் செல்லும் திறன் கொண்டுள்ளது.

புதிய சிம்பில் டாட் ஒன் மாடலில் 5 கிலோவாட் ஹவர் பேட்டரி வழங்கப்பட்டுள்ளது. இதனை முழுமையாக சார்ஜ் செய்தால் 151 கிலோமீட்டர்கள் வரையிலான ரேன்ஜ் வழங்கும் என சான்று பெற்றிருக்கிறது. இந்த ஸ்கூட்டரில் 7 இன்ச் 1024x600 பிக்சல் டச் ஸ்கிரீன், கஸ்டமைஸ் செய்யக்கூடிய இன்டர்ஃபேஸ், 4ஜி, ப்ளூடூத் 5.2 வசதிகள் உள்ளன.

இதன் மூலம் ஸ்கூட்டரில் பயணிக்கும் போதே அழைப்புகளை பேசவும், இசையை கேட்கவும் முடியும். இதில் சி.பி.எஸ்., டிஸ்க் பிரேக்குகள், 35 லிட்டர் அன்டர் சீட் ஸ்டோரேஜ், IP67 சான்று பெற்றிருக்கிறது. சிம்பில் டாட் ஒன் எலெக்ட்ரிக் ஸ்கூட்டர் நம்ம ரெட், பிரேசென் பிளாக், கிரேஸ் வைட் மற்றும் அஸ்யூர் புளூ நிறங்களில் கிடைக்கிறது.

இந்திய சந்தையில் புதிய சிம்பில் டாட் ஒன் எலெக்ட்ரிக் ஸ்கூட்டர் விலை ரூ. 1 லட்சத்து 39 ஆயிரத்து 999, எக்ஸ்-ஷோரூம் என்று நிர்ணயம் செய்யப்பட்டு உள்ளது. சிம்பில் ஒன் மாடலில் இருந்து சிம்பில் டாட் ஒன் மாடலுக்கு மாற விரும்பும் வாடிக்கையாளர்களுக்கு முன்னுரிமை வழங்கப்படும் என சிம்பில் எனர்ஜி அறிவித்துள்ளது. 

இந்தியாவில் எலெக்ட்ரிக் வாகனங்கள் பிரபலமடைந்து வருகின்றன. முன்னணி நிறுவனங்கள் மற்றும் சர்வதேச பிரான்டுகள் வரை தொடர்ச்சியாக எலெக்ட்ரிக் வாகனங்களை இந்திய சந்தையில் களமிறக்கி வருகின்றன. இதில் எலெக்ட்ரிக் வாகனங்கள் பிரிவில் இருசக்கர வாகனங்களில் மோட்டார்சைக்கிள்களை விட ஸ்கூட்டர் மாடல்கள் அதிக பிரபலம் அடைந்து வருகின்றன.

அந்த வகையில், எலெக்ட்ரிக் மோட்டார்சைக்கிள் பிரிவில் முன்னணியில் உள்ள டார்க் மோட்டார்ஸ் நிறுவனம் தற்போது எலெக்ட்ரிக் ஸ்கூட்டர்-ஐ உருவாக்கி வருவது அம்பலமாகி இருக்கிறது. இந்த ஸ்கூட்டர் குறைந்த விலையில் கிடைக்கும் என்றும் வழக்கமான ஸ்கூட்டர் மாடல்களை போன்ற தோற்றம் கொண்டிருக்கும் என்றும் தெரியவந்துள்ளது.

இந்த ஸ்கூட்டரில் அகலமான டெயில் லைட், ஸ்விங்-ஆர்ம்-இல் மவுண்ட் செய்யப்பட்ட எலெக்ட்ரிக் மோட்டார், இடதுபுறம் ஷாக் அப்சார்பர் வழங்கப்படுகிறது. ஸ்கூட்டர் மட்டுமின்றி டார்க் மோட்டார்ஸ் நிறுவனம் புதிய எலெக்டிரிக் மோட்டார்சைக்கிளையும் டெஸ்டிங் செய்து வருகிறது.

ஏற்கனவே சிம்பில் எனர்ஜி, டி.வி.எஸ்., பஜாஜ், ஒலா உள்ளிட்ட நிறுவனங்கள் தங்களது எலெக்ட்ரிக் ஸ்கூட்டரை டெஸ்டிங் செய்து வருகின்றன. இவைதவிர ஹோண்டா நிறுவனமும் இந்த பிரிவில் களமிறங்குவதற்கான பணிகளில் ஈடுபட்டு வருகிறது. இந்த நிலையில், டார்க் மோட்டார்ஸ் எலெக்ட்ரிக் ஸ்கூட்டரை அறிமுகம் செய்ய இருக்கிறது.

2023 ஆண்டு இந்திய சந்தையில் இருசக்கர வாகன பிரியர்களுக்கு சிறப்பான ஒன்றாக அமைந்தது. பழைய பிராண்டுகளில் துவங்கி பிரீமியம் பிராண்டுகள் வரை சிங்கில் சிலிண்டர் மற்றும் டுவின் சிலிண்டர் என்ஜின் கொண்ட வாகனங்கள் பிரிவில் களமிறங்கின.

வாகன உற்பத்தியாளர்கள் தங்களின் வழக்கமான பாணியை தவிர்த்து, வாடிக்கையாளர்களை கருத்தில் கொண்டு அதிரடி நடவடிக்கைகளை மேற்கொண்டன. குறைந்த விலை மாடல்கள் மட்டுமின்றி பிரீமியம் மற்றும் ஃபிளாக்ஷிப் பிரிவில் இருசக்கர வாகன சந்தை, முந்தைய ஆண்டுகளுடன் ஒப்பிடும் போது கணிசமான வளர்ச்சியை பதிவு செய்தன.

அந்த வகையில், இந்த ஆண்டு இந்திய சந்தையில் அறிமுகம் செய்யப்பட்ட இருசக்கர வாகனங்களில் டாப் மோட்டார்சைக்கிள் மாடல்கள் பட்டியலை தொடர்ந்து பார்ப்போம்..

ராயல் என்பீல்டு ஹிமாலயன்:

புதிய தலைமுறை ஹிமாலயன் மோட்டார்சைக்கிளை ராயல் என்பீல்டு நிறுவனம் சமீபத்தில் அறிமுகம் செய்கிறது. இந்த மாடல் முற்றிலும் புதிய ஷெர்பா 450 என்ஜின் கொண்டிருக்கிறது. ராயல் என்பீல்டு உருவாக்கியதிலேயே அதிநவீன தொழில்நுட்பம் கொண்ட மாடலாக புதிய ஹிமாலயன் அமைந்தது. இந்திய சந்தையில் இந்த மாடலின் விலை ரூ. 2 லட்சத்து 69 ஆயிரம், எக்ஸ்-ஷோரூம் என்று துவங்குகிறது.

டிரையம்ப் 400 சீரிஸ்:

டிரையம்ப் நிறுவனத்தின் 400 டுவின்ஸ் மாடல்களை பஜாஜ் ஆட்டோ உற்பத்தி செய்தது. இந்த மாடல்களில் 400சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்திய சந்தையில் இந்த மாடலின் விலை ரூ. 2 லட்சத்து 23 ஆயிரம் என்று துவங்குகிறது.

கே.டி.எம். 390 டியூக்:

புதிய தலைமுறை கே.டி.எம். 390 டியூக் மாடல் அதிகளவு மாற்றங்களுடன் அறிமுகம் செய்யப்பட்டது. இதில் மேம்பட்ட என்ஜின், ரைடர் எலெக்டிரானிக்ஸ், முழுமையாக அட்ஜஸ்ட் செய்யக்கூடிய சஸ்பென்ஷன் உள்ளிட்டவை குறிப்பிடத்தக்க அம்சங்களாக இருக்கின்றன. இதன் விலை ரூ. 3 லட்சத்து 11 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

ஹார்லி டேவிட்சன் X440:

ஹார்லி டேவிட்சன் இதுவரை உருவாக்கியதிலேயே சிறிய மாடல் இது ஆகும். பட்ஜெட் அடிப்படையிலும் இந்த மாடல் ஹார்லியின் குறைந்த விலை மோட்டார்சைக்கிள் ஆகும். இதில் 440 சிசி சிங்கில் சிலிண்டர் ஏர்/ஆயில் கூல்டு என்ஜின் வழங்கப்பட்டு இருக்கிறது. இந்திய சந்தையில் இந்த மாடலின் விலை ரூ. 2 லட்சத்து 39 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

டி.வி.எஸ். அபாச்சி RTR 310:

டி.வி.எஸ். நிறுவனத்தின் அதிகம் எதிர்பார்க்கப்பட்ட மோட்டார்சைக்கிளாக அபாச்சி RTR 310 அறிமுகம் செய்யப்பட்டது. நேக்கட் ஸ்டிரீட்ஃபைட்டர் மாடலாக உருவாக்கப்பட்டு இருக்கும் அபாச்சி RTR 310 மாடலில் 312 சிசி சிங்கில் சிலிண்டர் லிக்விட் கூல்டு என்ஜின் வழங்கப்பட்டு இருக்கிறது. இந்திய சந்தையில் இந்த மாடலின் விலை ரூ. 2 லட்சத்து 43 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. 

ஓலா எலெக்ட்ரிக் நிறுவனம் இந்திய விற்பனையில் புதிய மைல்கல்லை எட்டியுள்ளது. இந்த ஆண்டு ஜனவரி 1-ம் தேதியில் இருந்து டிசம்பர் 21-ம் தேதி வரையிலான காலக்கட்டத்தில் மட்டும் ஓலா எலெக்ட்ரிக் நிறுவனம் 2 லட்சத்து 52 ஆயிரத்து 647 யூனிட்களை விற்பனை செய்துள்ளது. அந்த வகையில் ஒரே ஆண்டிற்குள் 2.5 லட்சம் யூனிட்களை விற்பனை செய்த முதல் எலெக்ட்ரிக் இருசக்கர நிறுவனமாக உருவெடுத்தது.

இதன் மூலம் ஓலா எலெக்ட்ரிக் நிறுவனம் தனது வருடாந்திர விற்பனையில் 131 சதவீதம் வளர்ச்சியை பதிவு செய்துள்ளது. கடந்த ஆண்டு ஓலா நிறுவனம் 1 லட்சத்து 09 ஆயிரத்து 395 யூனிட்களை மட்டுமே விற்பனை செய்திருந்தது குறிப்பிடத்தக்கது. ஓலா நிறுவனம் ஒவ்வொரு மாதமும் சுமார் 20 ஆயிரம் யூனிட்களை விற்பனை செய்து வருகிறது.

இந்த ஆண்டு ஜனவரியில் 18 ஆயிரத்து 353 யூனிட்களை விற்பனை செய்த நிலையில், மார்ச் மாதத்தில் 21 ஆயிரத்து 434 யூனிட்களை ஓலா எலெக்ட்ரிக் விற்பனை செய்தது. கடந்த நவம்பர் மாதத்தில் மட்டும் அதிகபட்சம் 29 ஆயிரத்து 898 யூனிட்களை விற்பனை செய்திருந்தது குறிப்பிடத்தக்கது. இந்த ஆண்டின் 12 மாதங்கள் வரையிலான காலக்கட்டத்தில் ஓலா எலெக்ட்ரிக் சந்தை மதிப்பு 30.50 சதவீதமாக இருக்கிறது.

ஓலா தவிர்த்து டி.வி.எஸ். மோட்டார் கம்பெனி நிறுவனம் 1 லட்சத்து 62 ஆயிரத்து 399 யூனிட்களையும், ஏத்தர் எனர்ஜி நிறுவனம் 1 லட்சத்து 01 ஆயிரத்து 490 யூனிட்களையும் விற்பனை செய்துள்ளன. இவற்றின் சந்தை மதிப்பு முறையே 19.60 மற்றும் 12.30 ஆக உள்ளது.