பைக்

ஒலா எலெக்ட்ரிக் நிறுவனம் புதிதாக எண்ட்ரி லெவல் எலெக்ட்ரிக் ஸ்கூட்டர்களை இந்திய சந்தையில் அறிமுகம் செய்து இருக்கிறது. கடந்த ஆண்டு அக்டோபர் மாத வாக்கில் முதல் S1 ஏர் மாடல் அறிமுகம் செய்யப்பட்டதை அடுத்து தற்போது புதிய ஒலா S1 ஏர் மாடல்கள் அறிமுகம் செய்யப்பட்டு இருக்கின்றன. தற்போதைய அறிவிப்பின் படி 2.5 கிலோவாட் ஹவர் பேட்டரி மாடல் நீக்கப்பட்டு, 3 கிலோவாட் ஹவர் பேட்டரி மாடல் அதே விலையில் அறிமுகம் செய்யப்பட்டு இருக்கிறது.

இதோடு சற்றே குறைந்த விலையில் 2 கிலோவாட் ஹவர் பேட்டரி கொண்ட மாடல் மற்றும் 4 கிலோவாட் ஹவர் பேட்டரி கொண்ட மாடல்கள் அறிமுகம் செய்யப்பட்டுள்ளன. இதில் எண்ட்ரி லெவல் மாடல் 85 கிமீ ரேன்ஜ், புதிய 3 கிலோவாட் ஹவர் பேட்டரி மாடல் 125 கிமீ ரேன்ஜ் மற்றும் டாப் எண்ட் மாடல் 165 கிமீ ரேன்ஜ் வழங்கும் திறன் கொண்டுள்ளன. இவை அனைத்திலும் 4.5 கிவோவாட் பீக் பவர் வெளிப்படுத்தும் மோட்டார் உள்ளது.

இத்துடன் இந்த மாடல்களின் எடை 99 கிலோ, 103 கிலோ மற்றும் 107 கிலோ என ஒவ்வொரு மாடலும் வேறுப்படுகிறது. இவை ஒலா S1 ப்ரோ மாடலை விட 25 கிலோ வரை குறைந்த எடை கொண்டிருக்கின்றன. இவற்றில் 34 லிட்டர் அண்டர் சீட் ஸ்டோரேஜ், 7.0 இன்ச் டிஎப்டி டச் ஸ்கிரீன் டிஸ்ப்ளே, ஆக்டா கோர் பிராசஸர், 3 ஜிபி ரேம் வழங்கப்பட்டு இருக்கிறது.

இத்துடன் 4ஜி, வைபை, ப்ளூடூத் சப்போர்ட், மூவ் ஒஎஸ் 3 மூலம் ஏராளமான அம்சங்கள் உள்ளன. இத்துடன் முன்புறம் டெலிஸ்கோபிக் ஃபோர்க், பின்புறம் டுவின் சஸ்பென்ஷன் வழங்கப்பட்டு இருக்கிறது. எனினும், இவற்றில் டிஸ்க் பிரேக்கிற்கு மாற்றாக டிரம் பிரேக்குகளே வழங்கப்பட்டுள்ளன.

விலை மற்றும் விற்பனை விவரம்:

ஒலா S1 ஏர் மாடல் நியோ மிண்ட், ஜெட் பிளாக், கோலர் கிலாம், போர்சிலெயின் வைட் மற்றும் லிக்விட் சில்வர் நிறங்களில் கிடைக்கிறது. புதிய ஒலா S1 ஏர் 2 கிலோவாட் ஹவர் மாடலின் விலை ரூ. 84 ஆயிரத்து 999 என்றும் 3 கிலோவாட் ஹவர் மாடலின் விலை ரூ. 99 ஆயிரத்து 999 என்றும் 4 கிலோவாட் ஹவர் மாடல் ரூ. 1 லட்சத்து 09 ஆயிரத்து 999 என்றும் நிர்ணயம் செய்யப்பட்டு உள்ளது.

புதிய மாடல்களுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 999 ஆகும். இவற்றின் விற்பனை விரைவில் துவங்க உள்ளன. வினியோகம் இந்த ஆண்டு ஜூலை மாத வாக்கில் துவங்க இருக்கிறது. மாடல்களில் மாற்றங்கள் மேற்கொள்ளப்பட்டு இருப்பதால் வினியோகத்தில் மூன்று மாதங்கள் தாமதம் ஏற்பட்டு இருக்கிறது.

இந்தியா யமஹா மோட்டார் (IYM) பிரைவேட் லிமிடெட் நிறுவனம் தமிழ்நாட்டில் இரண்டு புதிய "ப்ளூ ஸ்கொயர்" விற்பனை மையங்களைத் திறந்து இருப்பதாக அறிவித்து இருக்கிறது. அறந்தாங்கி, புதுக்கோட்டை மற்றும் காரைக்குடி, சிவகங்கையில் இந்த இரண்டு ப்ளூ ஸ்கொயர் ஷோரூம்களும் திறக்கப்பட்டுள்ளன.

இந்த ப்ளூ ஸ்கொயர் ஷோரூம்களில் விற்பனை, சேவை மற்றும் உதிரிபாகங்கள் கிடைக்கும். ப்ளூ ஸ்கொயர் ஷோரூம்கள் வாடிக்கையாளர்களுக்கு யமஹா ரேசிங் உலகிற்கு ஒரு அறிமுகத்தை வழங்குவதை நோக்கமாகக் கொண்டுள்ளது. மேலும் பிரீமியம் அவுட்லெட்டில் உள்ள ஒவ்வொரு பகுதியும் சர்வதேச மோட்டார் ஸ்போர்ட்ஸில் வலுவான வேர்களைக் கொண்ட உலகளாவிய பிராண்டுடன் தொடர்புடைய பெருமையின் உணர்வைத் தூண்டும் வகையில் வடிவமைக்கப்பட்டுள்ளது.

'ப்ளூ' என்பது யமஹாவின் பெருமைமிக்க பந்தயப் பாரம்பரியத்தின் பிரதிநிதித்துவம் மற்றும் 'ஸ்கொயர்' என்பது வாடிக்கையாளர்களுக்கு உற்சாகமான, விளையாட்டு மற்றும் ஸ்டைலான தயாரிப்புகளின் வரம்பு மற்றும் ப்ளூ ஸ்ட்ரீக்ஸ் ரைடர் சமூகத்திற்கான ஒரு தளமாகவும் செயல்படுகிறது.

இது வாடிக்கையாளர்கள் மற்ற யமஹா ரைடர்களுடன் சவாரி செய்ய அனுமதிக்கிறது. ப்ளூ ஸ்கொயர் ஷோரூம்களில் ஏரோக்ஸ் 155 மேக்ஸி ஸ்போர்ட் ஸ்கூட்டர் பிரத்தியேகமாக விற்பனை செய்யப்படுகிறது. இவை தவிர YZF-R15 4.0 ABS, YZF-R15S 3.0 ABS, ஏபிஎஸ் வசதி கொண்ட MT-15 2.0, FZ 25, ABS உடன் FZ-S FI, ABS உடன் FZ-FI, FZ-X போன்ற மாடல்கள் காட்சிப்படுத்தப்படுகின்றன.

இத்துடன் ஃபசினோ 125 FI ஹைப்ரிட், RayZR 125 FI ஹைப்ரிட், ஸ்ட்ரீட் ரேலி 125 FI ஹைப்ரிட் போன்ற ABS மற்றும் UBS ஸ்கூட்டர்களும் இங்கு காட்சிப்படுத்தப்படுகின்றன. பிரீமியம் விற்பனை நிலையமான ப்ளூ ஸ்கொயரில் ஒரிஜினல் யமஹா உதிரிபாகங்கள், ஆடைகள் மற்றும் உதிரி பாகங்களின் கவர்ச்சிகரமான காட்சியையும் காட்சிப்படுத்துகின்றன.

புதிதாக தொடங்கப்பட்ட இந்த விற்பனை நிலையங்களுடன், யமஹா இப்போது இந்தியா முழுவதும் 165 ப்ளூ ஸ்கொயர் ஷோரூம்களைக் கொண்டுள்ளது, தமிழ்நாடு, பாண்டிச்சேரி, கர்நாடகா, தெலுங்கானா, ஆந்திரப் பிரதேசம், கேரளா, ஜார்க்கண்ட், மேற்கு வங்காளம், ஒரிசா, அசாம், சத்தீஸ்கர், பீகார், மத்தியப் பிரதேசம், மகாராஷ்டிரா, குஜராத் , ஜம்மு மற்றும் காஷ்மீர், டெல்லி, ராஜஸ்தான் மற்றும் பிற வடகிழக்கு மாநிலங்களில் யமஹாவின் ப்ளூ ஸ்கொயர் விற்பனை மையங்கள் செயல்பட்டு வருகின்றன.

யமஹா நிறுவனம் பிரீமியம் இருசக்கர வாகனங்கள் மீது அதிக ஈர்ப்பு கொண்டுள்ளது. மற்ற நிறுவனங்களுடன் ஒப்பிடும் போது பட்ஜெட் ரக கம்யுட்டர் மற்றும் ஸ்கூட்டர்களை வழங்காமல் இருக்கும் ஒரே நிறுவனமாக யமஹா இருக்கிறது. இந்திய சந்தையில் யமஹாவின் பிரீமியம் மாடல்களில் R15, FZX மற்றும் MT15 உள்ளிட்டவை இடம்பெற்றுள்ளன. இவைதவிர யமஹா நிறுவனம் தனது பாரம்பரியம் மிக்க RX போன்ற பிராண்டுகளை இந்தியாவில் மீண்டும் அறிமுகம் செய்யும் பணிகளில் ஈடுபட்டு வருகிறது.

இத்துடன் 125 முதல் 155சிசி பிரிவில் அட்வென்ச்சர் மோட்டார்சைக்கிளை அறிமுகம் செய்யும் பணிகளிலும் யமஹா ஈடுபட்டு வருகிறது. இதனிடையே யமஹா தனது பிரீமியம் மோட்டார்சைக்கிள் மாடல்களை 2023 ஆண்டிற்கு அப்டேட் செய்யும் பணிகளை தீவிரப்படுத்தி இருக்கிறது. இதன் காரணமாக 2023 யமஹா R15, FZX மற்றும் MT15 மாடல்கள் விரைவில் அறிமுகம் செய்யப்பட உள்ளன.

இந்த நிலையில், புதிய 2023 மாடல்களின் ஸ்பை படங்கள் இணையத்தில் வெளியாகி உள்ளன. அதன்படி 2023 யமஹா R15 மாடலில் கிரே நிற பெயிண்டிங், ஆங்காங்கே எல்லோ நிறம் மற்றும் கோல்டன் நிற யுஎஸ்டி ஃபோர்க்குகள் வழங்கப்பட்டுள்ளன. இது யமஹா R15M வொர்ல்டு ஜிபி 60th எடிஷன் மாடலில் உள்ளதை போன்றே காட்சியளிக்கிறது.

புதிய 2023 MT15 மாடல் கிளாஸ் பிளாக் நிறம் கொண்டிருக்கிறது. இது யமஹா ஏற்கனவே வழங்கி வரும் மெட்டாலிக் பிளாக் நிறம் போன்றே காட்சியளிக்கிறது. எனினும், புதிய எடிஷனில் ரெட் அலாய் வழங்கப்பட்டு இருக்கிறது. மெட்டாலிக் பிளாக் மற்றும் ஃபுளுரோசெண்ட் ரெட் வீல்களை கொண்ட நிறத்தை யமஹா இதுவரை வழங்கியது இல்லை. 2023 FZX மாடலும் விற்பனையகம் வரத்துவங்கி இருக்கிறது.

2023 FZX மாடலில் முற்றிலும் புதிய புளூ நிறம் வழங்கப்பட்டு இருக்கிறது. இது யமஹா தனது FZX மெட்டாலிக் புளூ ஆப்ஷனில் வழங்கியதை போன்று காட்சியளிக்கவில்லை. மாறாக இது MT15 மற்றும் R15 மாடல்களில் வழங்கப்படும் ரேசிங் புளூ நிறம் போன்று காட்சியளிக்கிறது. புதிய நிறம் தவிர 2023 FZX மாடல் டூயல் சேனல் ஏபிஎஸ் வசதியை பெற இருக்கிறது.

Photo Courtesy: Rushlane

பெங்களூரை சேர்ந்த எலெக்ட்ரிக் வாகன உற்பத்தியாளரான, ஏத்தர் எனர்ஜி தனது ஃபிளாக்ஷிப் ஏத்தர் 350 சீரிஸ் எலெக்ட்ரிக் ஸ்கூட்டர் மாடல்களுக்கு அசத்தல் சலுகைகளை அறிவித்து இருக்கிறது. இவை கார்ப்பரேட் வாடிக்கையாளர்களுக்கு மட்டும் பிரத்யேகமாக அறிவிக்கப்பட்டு உள்ளது. இந்த சலுகைகள் பிப்ரவரி 28 ஆம் தேதி வரை அமலில் இருக்கும்.

இந்தியா முழுக்க சுமார் 2 ஆயிரத்து 500-க்கும் மேற்பட்ட நிறுவனங்களில் பணியாற்றஇ வரும் ஊழியர்களுக்கு இந்த சலுகை பிரத்யேகமாக அறிவிக்கப்பட்டு இருக்கிறது. இந்த சலுகையின் கீழ் ரூ. 4 ஆயிரம் கார்ப்பரேட் தள்ளுபடி, ரூ. 4 ஆயிரம் எக்சேன்ஜ் போனஸ் மற்றும் நிதி திட்டத்தின் கீழ் ஸ்கூட்டரை வாங்குவோருக்கு வரி சேமிப்பு உள்ளிட்ட பலன்கள் வழங்கப்படுகிறது.

இவை தவிர ஏத்தர் 450X மாடலை வாங்கும் கார்ப்பரேட் வாடிக்கையாளர்களுக்கு ரூ. 8 ஆயிரத்து 259 மதிப்புள்ள இரண்டு ஆண்டுகள் நீட்டிக்கப்பட்ட வாரண்டி வழங்கப்படுகிறது. இது ஏத்தர் எனர்ஜி நிறுவனம் ஏற்கனவே அறிவித்து வழங்கி வரும் இரண்டு ஆண்டுகள் பேட்டரி வாரண்டி நிறைவு பெற்றதும், அமலுக்கு வரும்.

இத்துடன் வாடிக்கையாளர்கள் பணியாற்றும் பகுதிகளில் இலவசமாக சார்ஜிங் உள்கட்டமைப்புகளை நிறுவும் வசதியை ஏத்தர் எனர்ஜி வழங்கி வருகிறது. இங்கு குறிப்பிடப்பட்டு இருக்கும் சலுகைகளை முன்னணி இந்திய நிறுவனங்களில் பணியாற்றி வருவோர் பயன்படுத்திக் கொள்ளலாம்.

ராயல் என்பீல்டு நிறுவனம் தனக்கென சொந்த எலெக்ட்ரிக் வாகன பிரிவை உருவாக்கும் பணிகளில் ஈடுபட்டு வருகிறது. அடுத்த 18 முதல் 24 மாதங்களில் எலெக்ட்ரிக் வாகன சந்தையில் களமிறங்க ராயல் என்பீல்டு நிறுவனம் திட்டமிட்டுள்ளது. இதற்காக ராயல் என்பீல்டு நிறுவனம் ஒலா எலெக்ட்ரிக் நிறுவனத்தின் முன்னாள் மூத்த தொழில்நுட்ப அதிகாரி உமேஷ் கிரிஷ்னப்பாவை நியமித்து இருக்கிறது.

எலெக்ட்ரிக் வாகனங்களை உருவாக்குவதற்கென பிரத்யேக குழு இந்தியா மற்றும் லண்டனில் செயல்பட்டு வருகிறது என்றும் இந்த குழு எலெக்ட்ரிக் வாகன துறையில் களமிறங்குவது குறித்த திட்டங்களை வகுத்து வருவதாக கூறப்படுகிறது. எலெக்ட்ரிக் வாகனங்கள் துறையில் ராயல் என்பீல்டு நிறுவனம் 100 முதல் 150 மில்லியன் டாலர்களை முதலீடு செய்ய இருக்கிறது.

இந்த முதலீட்டின் மூலம் பிரத்யேக பிளாட்பார்ம் உருவாக்கப்பட்டு வருவதாக கூறப்படுகிறது. இந்த பிளாட்ஃபார்ம் தற்போதைக்கு L என நிறுவனத்திற்குள் அழைக்கப்படுகிறது. சர்வதேச வாடிக்கையாளர்களின் பலதரப்பட்ட தேவைகளை பூர்த்தி செய்யும் ஏராளமான வாகனங்களை உருவாக்க ராயல் என்பீல்டு திட்டமிட்டுள்ளது.

2024 ஆம் ஆண்டின் இரண்டாவது அரையாண்டு வாக்கில் சந்தையில் களமிறங்குவதில் இருந்து ஆண்டுக்கு 1.2 லட்சத்தில் இருந்து அதிகபட்சம் 1.8 லட்சம் வாகனங்களை உள்ளடக்கிய வியாபாரம் செய்ய ராயல் என்பீல்டு இலக்கு நிர்ணயித்துள்ளது. சர்வதேச வாடிக்கையாளர்களை கருத்தில் கொண்டு புது பிளாட்பார்ம் உருவாக்கப்பட்டு வருகிறது.

அடுத்த 12 மாதங்களில் இந்த பிளாட்பார்மிற்கான ப்ரோடோடைப் தயாராகி விடும் என எதிர்பார்க்கப்படுகிறது. இந்த ஆண்டு இறுதிக்குள் வாகனத்தை தயார்படுத்தி, அடுத்த ஆண்டு சந்தையில் அறிமுகம் செய்ய ராயல் என்பீல்டு திட்டமிட்டுள்ளது.

ஹோண்டா நிறுவனம் இந்திய சந்தையில் 4 பெரிய பைக் மாடல்களை விற்பனை செய்து வருகிறது. இவற்றில் CB500X மாடல் சமீபத்தில் வலைதளத்தில் இருந்து நீக்கப்பட்டு, மீண்டும் பட்டியலிடப்பட்டு தற்போது மற்றொரு முறை ஆஃப்லைனில் வைக்கப்பட்டு இருக்கிறது. இதே போன்று CBR-1000RR-R ஃபயர்பிலேடு மாடல் தற்போது மீண்டும் சேர்க்கப்பட்டு விட்டது. இவை தவிர CBR650-R, ஃபயர்பிலேடு, ஆப்ரிக்கா டுவின் மற்றும் கோல்டு விங் போன்ற மாடல்களை ஹோண்டா விற்பனை செய்து வருகிறது.

விற்பனையை பொருத்தவரை கடந்த ஆண்டு டிசம்பர் மாதத்தில் ஹோண்டா பிங்விங் ஒற்றை பெரிய பைக் மாடலையும் விற்பனை செய்யவில்லை. பெரிய பைக் மாடல்கள் பிரிவில் போட்டி நிறுவனமான கவாசகி, தனது விலை காரணமாக மற்ற நிறுவனங்களை விட அதிக விற்பனையை பதிவு செய்து வருகிறது. இதுதவிர சுசுகி நிறுவனம் ஹயபுசா மற்றும் கட்டனா சீரிசில் தன்பங்கிற்கு முயற்சி செய்து வருகிறது.

இந்த நிலையில், ஹோண்டா நிறுவனம் புதிய பெரிய பைக் மாடலை இந்தியாவில் காப்புரிமை பெற்று இருக்கிறது. புது பெரிய பைக் ஆப்ரிக்கா டுவின் போன்றே 1082சிசி பேரலல் டுவின் பிளாட்பார்ம் கொண்ட ஹாக் 11 ஆகும். ஹாக் 11 நியோ ரெட்ரோ-தீம் கொண்ட கஃபே-ரேசர் மோட்டார்சைக்கிள் ஆகும். முன்னதாக 2022 ஒசாகா மோட்டார்சைக்கிள் விழாவில் இந்த கஃபே ரேசர் மோட்டார்சைக்கிள் முதல் முறையாக காட்சிப்படுத்தப்பட்டது.

இந்திய சந்தையில் புதிய ஹாக் 11 மாடலுக்கான காப்புரிமையை கடந்த ஆண்டு ஆகஸ்ட் 2 ஆம் தேதி விண்ணப்பிக்கப்பட்டு இருக்கிறது. சர்வதேச வெளியீட்டை தொடர்ந்து சரியாக நான்காவது மாதத்தில் இந்த காப்புரிமை விண்ணப்பிக்கப்பட்டு இருக்கிறது. அந்த வகையில், புது ஹோண்டா மோட்டார்சைக்கிள் விரைவில் இந்தியாவில் அறிமுகம் செய்யப்படுமா அல்லது இந்தியாவுக்காக தயாராகி வருகிறதா என்பது கேள்விக்குறியாகவே உள்ளது.

ஏற்கனவே ஹோண்டா நிறுவனம் இந்தியாவில் காப்புரிமை பெற்ற பல மாடல்கள் அறிமுகம் செய்யப்படாமலேயே உள்ளது. அந்த வரிசையில், இந்த மாடலும் இணைந்து கொள்ளலாம் அல்லது சந்தையில் தேவை ஏற்படும் பட்சத்தில் அறிமுகம் செய்யப்படும் வாய்ப்புகளும் உண்டு. ஹாக் 11 கஃபே ரேசர் மாடலில் வட்ட வடிவ ஹெட்லைட், ORVMகள், க்ளிப்-ஆன் ஹேண்டில் பார்கள், முன்புறம் யுஎஸ்டி ஃபோர்க்குகள், முன்புறம் டூயல் டிஸ்க், அலாய் வீல்கள், டியூப்லெஸ் டயர்கள் வழங்கப்படுகின்றன.

ஹோண்டா ஹாக் 11 கஃபே ரேசர் மாடலில் 1082சிசி பேரலல் டுவின் என்ஜின் வழங்கப்பட்டு இருக்கிறது. இந்த என்ஜின் 100 ஹெச்பி பவர், 104 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. 

Photo Courtesy: Rushlane

ஹீரோ மோட்டோகார்ப் நிறுவனம் சமீபத்தில் அறிமுகம் செய்த 110சிசி ஸ்கூட்டர் Xoom முன்பதிவை துவங்கி இருக்கிறது. கடந்த மாதம் இந்தியாவில் அறிமுகம் செய்யப்பட்ட ஹீரோ Xoom வினியோகம் விரைவில் துவங்கும் என எதிர்பார்க்கலாம். புதிய ஹீரோ Xoom மாடல்- LX, VX மற்றும் ZX என மூன்று விதமான வேரியண்ட்களில் கிடைக்கிறது. இதன் பேஸ் வேரியண்ட் LX விலை ரூ. 68 ஆயிரத்து 499 என நிர்ணயம் செய்யப்பட்டு உள்ளது.

விலை விவரங்கள்:

ஹீரோ Xoom LX ரூ. 68 ஆயிரத்து 999 என்றும் Xoom VX ரூ. 71 ஆயிரத்து 799 என்றும் ஹீரோ Xoom ZX ரூ. 76 ஆயிரத்து 699 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. இந்திய சந்தையில் ஹீரோ Xoom 110 மாடல் ஹோண்டா டியோ மற்றும் டிவிஎஸ் ஜூப்பிட்டர் SmartXonnect வேரியண்டிற்கு போட்டியாக அமைகிறது.

முற்றிலும் புது டிசைன் கொண்டிருக்கும் ஹீரோ Xoom 110 மாடலில் முன்புறம் எல்இடி ப்ரோஜெக்டர் ஹெட்லைட், H வடிவம் கொண்ட எல்இடி டிஆர்எல், H வடிவ எல்இடி டெயில் லைட் உள்ளிட்டவை இடம்பெற்று இருக்கிறது. இவைதவிர புது ஹீரோ Xoom 110 ஸ்கூட்டர் ஐந்து விதமான நிறங்களில் விற்பனைக்கு கிடைக்கிறது.

இந்த ஸ்கூட்டரில் டெலிஸ்கோபிக் ஃபோர்க்குகள், ஒற்றை ரியர் ஷாக், 12 இன்ச் அலாய் வீல்கள் வழங்கப்பட்டுள்ளன. இதில் உள்ள அலாய் வீல் டிசைன் விடா V1 மாடலில் உள்ளதை போன்றே காட்சியளிக்கிறது. இதன் LX வேரியண்ட் டிரம் பிரேக்குகளையும், VX மற்றும் ZX வேரியண்ட்களில் முன்புறம் டிஸ்க் பிரேக், பின்புறம் பைபிர் கேலிப்பர் வழங்கப்பட்டு இருக்கிறது.

புதிய ஹீரோ Xoom 110 மாடலிலும் 110.9சிசி என்ஜின் வழங்கப்பட்டு இருக்கிறது. இந்த என்ஜின் 8.15 பிஎஸ் பவர், 8.7 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் ஹீரோ i3S தொழில்நுட்பம், ஸ்டார்ட்-ஸ்டாப் சிஸ்டம் உள்ளது.

பெங்களூரை சேர்ந்த எலெக்ட்ரிக் வாகன உற்பத்தியாளரான ஏத்தர் எனர்ஜி, தனது உற்பத்தி ஆலையில் இருந்து ஒரு லட்சமாவது எலெக்ட்ரிக் ஸ்கூட்டரை வெளியிட்டு உள்ளது. உற்பத்தியில் ஏத்தர் எனர்ஜி நிறுவனத்தின் ஒரு லட்சமாவது யூனிட்டாக ஜென் 3 450X மாடல் ட்ரூ ரெட் நிற வேரியண்ட் அமைந்தது. உற்பத்தி மைல்கல் மட்டுமின்றி ஏத்தர் எனர்ஜி நிறுவனம் இந்த ஆண்டின் முதல் மாத விற்பனையில் அசத்தி இருக்கிறது.

ஜனவரி மாதம் 7 ஆம் தேதி நடைபெற்ற ஏத்தர் கம்யுனிட்டி டே நிகழ்வில் ஜென் 3 ரக ஸ்கூட்டர்களை ஏத்தர் எனர்ஜி அறிமுகம் செய்தது. மேலும் ஜனவரி மாதத்தில் ஏத்தர் எனர்ஜி இந்திய சந்தையில் விற்பனை செய்த மொத்த வாகனங்கள் எண்ணிக்கையை வெளியிட்டு உள்ளது. அதன்படி வருடாந்திர அடிப்படையில் ஏத்தர் எனர்ஜி வாகன விற்பனை 330 சதவீதம் அதிகரித்து இருக்கிறது. கடந்த ஆண்டு ஜனவரி மாதம் ஏத்தர் எனர்ஜி நிறுவனம் 2 ஆயிரத்து 825 யூனிட்களையே விற்பனை செய்து இருந்தது.

இந்த நிலையில், கடந்த மாதத்தில் மட்டும் ஏத்தர் எனர்ஜி நிறுவனம் 12 ஆயிரத்து 149 ஸ்கூட்டர்களை விற்பனை செய்து அசத்தி இருக்கிறது. இது கடந்த ஆண்டு ஜனவரி மாதத்துடன் ஒப்பிடும் போது 9 ஆயிரத்து 324 யூனிட்கள் அதிகம் ஆகும். கடந்த ஆண்டு டிசம்பர் மாதத்துடன் ஒப்பிடும் போது ஏத்தர் வாகனங்கள் விற்பனை 32.24 சதவீதம் அதிகரித்து இருக்கிறது. முன்னதாக ஆகஸ்ட் 2022 வாக்கில் ஏத்தர் எனர்ஜி உற்பத்தியில் 50 ஆயிரமாவது யூனிட்டை வெளியிட்டது.

ஏத்தர் எலெக்ட்ரிக் வாகனங்களுக்கு தொடர்ந்து நல்ல வரவேற்பு கிடைப்பதை அடுத்து ஏத்தர் எனர்ஜி நிறுவனம் தனது இரண்டாவது உற்பத்தி ஆலையை திறக்கும் நிலைக்கு தள்ளப்பட்டது. அடுத்த நிதியாண்டின் இறுதியில் இந்த ஆலை முழுமையாக பயன்பாட்டுக்கு வர இருக்கிறது. ஓசூரில் புதிதாக திறக்கப்பட இருக்கும் உற்பத்தி ஆலை மூலம் ஏத்தர் எனர்ஜி வாகனங்கள் உற்பத்தி இருமடங்கு அதிகரிக்கும்.

கவாசகி இந்தியா நிறுவனம் தேர்வு செய்யப்பட்ட சில மாடல்களுக்கு பிப்ரவரி மாதத்திற்கான சலுகைகளை அறிவித்து இருக்கிறது. இதில் குட் டைம்ஸ் வவுச்சர் சலுகையின் கீழ் கவாசகி இந்தியா தனது குறைந்த விலை நின்ஜா 300 மோட்டார்சைக்கிளுக்கு ரூ. 15 ஆயிரம் வரையிலான பலன்களை வழங்குகிறது.

இத்துடன் ரூ. 50 ஆயிரம் மற்றும் ரூ. 2 லட்சம் வரையிலான சலுகைகள் முறையே Z650 மற்றும் W800 மாடல்களுக்கு வழங்கப்படுகிறது. வாடிக்கையாளர்கள் குட் டைம்ஸ் வவுச்சரை மோட்டார்சைக்கிளின் எக்ஸ்-ஷோரூம் விலையில் இருந்து பயன்படுத்திக் கொள்ளலாம்.

இந்த சலுகை இன்று (பிப்ரவரி 1) துவங்கி பிப்ரவரி 28 ஆம் தேதி வரை வழங்கப்பட இருக்கிறது. இதோடு மேலே குறிப்பிடப்பட்டு இருக்கும் மாடல்களின் ஸ்டாக் இருப்புக்கு ஏற்றவாரு சலுகைகள் வழங்கப்படும். கவாசகி நின்ஜா 300 எக்ஸ்-ஷோரூம் மாடலின் விலை ரூ. 3 லட்சத்து 40 ஆயிரம் என துவங்குகிறது.

கவாசகி Z650 மற்றும் W800 மாடல்களின் விலை முறையே ரூ. 6 லட்சத்து 43 ஆயிரம் மற்றும் ரூ. 7 லட்சத்து 33 ஆயிரம் என நிர்ணயம் செய்யப்பட்டு உள்ளன. கடந்த மாதம் கவாசகி இந்தியா நிறுவனம் நின்ஜா 400, நின்ஜா 1000 SX மற்றும் நின்ஜா ZX-10R மாடல்களின் விலையை மாற்றியமைத்தது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் புது 100சிசி மோட்டார்சைக்கிளை உருவாக்கும் பணிகளில் ஈடுபட்டு வருகிறது. புது ஹோண்டா பைக் ஹீரோ ஸ்பிலெண்டர் மாடலுக்கு போட்டியாக உருவாகி வருவதாக கூறப்படுகிறது.

புது பைக் உருவாகி வருவதை ஹோண்டா மோட்டார்சைக்கிள் மற்றும் ஸ்கூட்டர் இந்தியா சிஇஒ மற்றும் நிர்வாக இயக்குனர் அடுஷி ஒகாடா உறுதிப்படுத்தி இருந்தார். தற்போது ஹோண்டாவின் புது பைக் ஃபர்ஸ்ட் லுக் வெளியாகி இருக்கிறது. ஹோண்டா நிறுவனத்தின் டிசைன் காப்புரிமை விண்ணப்பத்தில் இருந்து புது ஹோண்டா பைக் ஃபர்ஸ்ட் லுக் வெளியாகி இருக்கிறது.

விண்ணப்பத்தின் படி ஹோண்டா இதனை 2020 வாக்கில் விண்ணப்பித்து இருந்தது தெரியவந்துள்ளது. எனினும், இது கடந்த ஆண்டு நவம்பர் மாதத்தில் தான் வெளியிடப்பட்டு இருக்கிறது. இதுவரை இந்த காப்புரிமை ஹோண்டா நிறுவனத்திற்கு வழங்கப்படவில்லை. புது பைக் டிசைன் ஹோண்டா உருவாக்கி வரும் 100சிசி பைக் போன்று இருக்கும் என்றே தெரிகிறது.

இந்த பைக் ஸ்லோபர் என்ஜின் கொண்டிருக்கிறது. இது ஹோண்டா டிரேட்மார்க் செய்த யூனிட் ஆகும். இந்த என்ஜின் ஹோண்டா சூப்பர்கப் C100EX மாடலில் வழங்கப்பட்டு இருக்கிறது. ஸ்லோபர் என்ஜின் குறைந்த செலவில் உற்பத்தியை செய்து விட முடியும். புது 100சிசி மாடலில் ஸ்லோபர் என்ஜினை வழங்குவதன் மூலம் ஹோண்டா பைக் சந்தையில் நல்ல வரவேற்பை பெறும் என கூறப்படுகிறது.

Photo Courtesy: ZigWheels

ஹீரோ மோட்டோகார்ப் நிறுவனம் இந்திய சந்தையில் அதிகம் எதிர்பார்க்கப்பட்ட Xoom 110 ஸ்கூட்டரை அறிமுகம் செய்தது. இது ஏற்கனவே இந்தியாவில் விற்பனை செய்யப்பட்டு வரும் ஹீரோ மேஸ்ட்ரோ எட்ஜ் 110 மாடலின் ஸ்போர்ட் வேரியண்ட் ஆகும். இந்திய சந்தையில் ஹீரோ Xoom 110 மாடல் LX, VX மற்றும் ZX என மூன்று வேரியண்ட்களில் கிடைக்கிறது.

ஹீரோ Xoom 110 விலை விவரங்கள்:

ஹீரோ Xoom LX ரூ. 68 ஆயிரத்து 999

ஹீரோ Xoom VX ரூ. 71 ஆயிரத்து 799

ஹீரோ Xoom ZX ரூ. 76 ஆயிரத்து 699

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

இந்திய சந்தையில் ஹீரோ Xoom 110 மாடல் ஹோண்டா டியோ மற்றும் டிவிஎஸ் ஜூப்பிட்டர் SmartXonnect வேரியண்டிற்கு போட்டியாக அமைகிறது. இவற்றின் விலை முறையே ரூ. 68 ஆயிரத்து 625 மற்றும் ரூ. 69 ஆயிரத்து 990 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

முற்றிலும் புது டிசைன் கொண்டிருக்கும் ஹீரோ Xoom 110 மாடலில் முன்புறம் எல்இடி ப்ரோஜெக்டர் ஹெட்லைட், H வடிவம் கொண்ட எல்இடி டிஆர்எல், H வடிவ எல்இடி டெயில் லைட் உள்ளிட்டவை இடம்பெற்று இருக்கிறது. இவைதவிர புது ஹீரோ Xoom 110 ஸ்கூட்டர் ஐந்து விதமான நிறங்களில் விற்பனைக்கு கிடைக்கிறது.

இந்த ஸ்கூட்டரில் டெலிஸ்கோபிக் ஃபோர்க்குகள், ஒற்றை ரியர் ஷாக், 12 இன்ச் அலாய் வீல்கள் வழங்கப்பட்டுள்ளன. இதில் உள்ள அலாய் வீல் டிசைன் விடா V1 மாடலில் உள்ளதை போன்றே காட்சியளிக்கிறது. இதன் LX வேரியண்ட் டிரம் பிரேக்குகளையும், VX மற்றும் ZX வேரியண்ட்களில் முன்புறம் டிஸ்க் பிரேக், பின்புறம் பைபிர் கேலிப்பர் வழங்கப்பட்டு இருக்கிறது.

பாதுகாப்பிற்கு இந்த ஸ்கூட்டரில் இண்டகிரேட் செய்யப்பட்ட பிரேக்கிங் சிஸ்டம், ஹீரோ லிங்கோ கம்பைன்டு பிரேக்கிங் சிஸ்டம் வழங்கப்பட்டு இருக்கிறது. இந்த ஸ்கூட்டரில் கார்னர் பெண்ட் லேம்ப்கள், டிஜிட்டல் கன்சோல், ஸ்மார்ட்போன் கனெக்டிவிட்டி, ரியல்-டைம் மைலேஜ் இண்டிகேட்டர், போன் பேட்டரி ஸ்டேட்டஸ், கால்/எஸ்எம்எஸ் அலெர்ட்கள் வழங்கப்பட்டுள்ளன.

ஹீரோ Xoom 110 அண்டர்சீட் ஸ்டோரேஜில் எல்இடி லைட், ஓபன் குளோவ் பாக்ஸ், யுஎஸ்பி சார்ஜிங் போர்ட் உள்ளிட்டவை வழங்கப்பட்டு இருக்கிறது. இந்த ஸ்கூட்டரில் வெளிப்புற ஃபியூவல் ஃபில்லர் கேப் வழங்கப்படவில்லை. மேஸ்ட்ரோ எட்ஜ் மாடலில் உள்ளதை போன்றே இந்த மாடலிலும் 110.9சிசி என்ஜின் வழங்கப்பட்டு இருக்கிறது.

இந்த என்ஜின் 8.15 பிஎஸ் பவர், 8.7 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் ஹீரோ i3S தொழில்நுட்பம், ஸ்டார்ட்-ஸ்டாப் சிஸ்டம் உள்ளது. 

பிஎம்டபிள்யூ மோட்டாராட் நிறுவனம் R 1250 GS, R 1250 GS அட்வென்ச்சர் மற்றும் R 1250 RT மாடல்களின் தேர்வு செய்யப்பட்ட யூனிட்களை ரிகால் செய்கிறது. ரிகால் நடவடிக்கை வட அமெரிக்க சந்தையில் மட்டும் அறிவிக்கப்பட்டு இருக்கிறது. கியர்பாக்ஸ் இன்புட் ஷாஃப்ட் உடையும் அபாயம் ஏற்பட்டு இருப்பதால், மோட்டார்சைக்கிள்கள் ரிகால் செய்யப்படுகின்றன.

பாதிக்கப்பட்ட யூனிட்களில் உள்ள கியர்பாக்ஸ் இன்புட் ஷாஃப்ட் ஓவர்லோட் ஆகி உடையும் நிலை ஏற்பட்டுள்ளது. இது பின்பற சக்கரத்தை நிறுத்தி விடும். இதன் காரணமாக விபத்து மற்றும் காயம் ஏற்படும் அபாயம் அதிகம் ஆகும். இம்முறை 18 ஆயிரத்து 489 யூனிட்கள் ரிகால் செய்யப்படுகின்றன.

பிஎம்டபிள்யூ R 1250 GS 6 ஆயித்து 812 யூனிட்கள்

பிஎம்டபிள்யூ R 1250 GS அட்வென்ச்சர் 9 ஆயிரத்து 401 யூனிட்கள்

பிஎம்டபிள்யூ R 1250 RT 2 ஆயிரத்து 276 யூனிட்கள்

குறிப்பு: பாதிக்கப்பட்ட யூனிட்கள் 2019 முதல் 2023-க்குள் உற்பத்தி செய்யப்பட்டவை ஆகும்.

பிஎம்டபிள்யூ மோட்டராட் நிறுவனம் பாதிக்கப்பட்ட யூனிட்களை பயன்படுத்தும் வாடிக்கையாளர்கள், அவற்றை பயன்படுத்த வேண்டாம் என வலியுறுத்தி வருகிறது. மேலும் ரிகால் சர்வீஸ் செய்ய அருகாமையில் உள்ள பிஎம்டபிள்யூ விற்பனையாளரை தொடர்பு கொள்ளும் பிஎம்டபிள்யூ கேட்டுக் கொண்டுள்ளது.

பாதிக்கப்பட்ட யூனிட்களில் பிஎம்டபிள்யூ விற்பனையாளர்கள் என்ஜின் கண்ட்ரோல் யூனிட் மென்பொருளை அப்டேட் செய்து வழங்க இருக்கிறது. இதுதவிர பிஎம்டபிள்யூ நிறுவனம் 2019 முதல் 2023 வரை உற்பத்தி செய்யப்பட்ட R 1250 GS, R 1250 GS அட்வென்ச்சர் மற்றும் R 1250 RTP மாடல்களின் விற்பனையை நிறுத்த உத்தரவிட்டுள்ளது.