என் மலர்
தொழில்நுட்பச் செய்திகள்
சாம்சங் நிறுவனம் ஏற்கனவே அறிவித்தப்படி இந்திய சந்தையில் புதிய கேலக்ஸி எஸ்21 எப்.இ. 5ஜி ஸ்மார்ட்போனினை அறிமுகம் செய்தது.
சாம்சங் நிறுவனம் இந்தியாவில் கேலக்ஸி எஸ்21 எப்.இ. 5ஜி ஸ்மார்ட்போனினை அறிமுகம் செய்தது. இதில் 6.4 இன்ச் எப்.ஹெச்.டி. பிளஸ் சூப்பர் அமோலெட் இன்பினிட்டி ஒ டிஸ்ப்ளே, அதிகபட்சம் 256 ஜி.பி. மெமரி வழங்கப்பட்டு இருக்கிறது. புகைப்படங்களை எடுக்க 12 எம்.பி. பிரைமரி கேமரா, 12 எம்.பி. வைடு ஆங்கில் கேமரா, 8 எம்.பி. டெலிபோட்டோ லென்ஸ், 32 எம்.பி. செல்பி கேமரா வழங்கப்பட்டு இருக்கிறது.
கனெக்டிவிட்டிக்கு 5ஜி, 4ஜி, வைபை, யு.எஸ்.பி. டைப் சி போர்ட், இன்-டிஸ்ப்ளே கைரேகை சென்சார், 4500 எம்.ஏ.ஹெச். பேட்டரி, 25 வாட் வயர்டு பாஸ்ட் சார்ஜிங், 15 வாட் வயர்லெஸ் சார்ஜிங் வசதி வழங்கப்பட்டு உள்ளது.
இந்தியாவில் புதிய சாம்சங் கேலக்ஸி எஸ்21 எப்.இ. 5ஜி ஸ்மார்ட்போன் வைட், லாவெண்டர், கிராபைட் மற்றும் ஆலிவ் நிறங்களில் கிடைக்கிறது. இதன் 8 ஜி.பி. + 128 ஜி.பி. விலை ரூ. 54,999 என்றும் 8 ஜி.பி. + 256 ஜி.பி. விலை ரூ. 58,999 என்றும் நிர்ணயம் செய்யப்பட்டு உள்ளது. இந்த ஸ்மார்ட்போன் அமேசான், சாம்சங் வலைதளங்கள் மற்றும் முன்னணி சில்லறை விற்பனை மையங்களில் கிடைக்கிறது.
போட் நிறுவனம் இந்திய சந்தையில் அசத்தல் அம்சங்கள் நிறைந்த புதிய ட்ரூ வயர்லெஸ் இயர்பட்ஸ் மாடலை அறிமுகம் செய்தது.
போட் நிறுவனம் இந்தியாவில் ஏர்டோப்ஸ் 601 ஏ.என்.சி. மாடலை அறிமுகம் செய்தது. இது அந்நிறுவனத்தின் புதிய டாப் எண்ட் ட்ரூ வயர்லெஸ் இயர்பட்ஸ் ஆகும். இந்த இயர்பட்ஸ் ஹைப்ரிட் ஆக்டிவ் நாய்ஸ் கேன்சலேஷன், மேம்பட்ட திறன், கிளாரிட்டி, அதிவேக கனெக்டிவிட்டி, நீண்ட பேட்டரி பேக்கப் வழங்குகிறது.
போட் ஏர்டோப்ஸ் 601 ஏ.என்.சி. அம்சங்கள்
- ஹைப்ரிட் ஏ.என்.சி. வசதி
- 10 எம்.எம். டிரைவர்கள்
- ப்ளூடூத் 5
- பாடல்களை மாற்றுவது, வால்யூம் மாற்றுவது உள்ளிட்டவைகளை ஸ்வைப் ஜெஸ்ட்யூர் மூலம் இயக்கலாம்
- இன்-இயர் டிடெக்ஷன்
- போட் இன்ஸ்டா வேக்-அண்ட்-பேர் தொழில்நுட்பம்
- ஐ.பி.எக்ஸ்.4 தர வாட்டர் மற்றும் ஸ்வெட் ரெசிஸ்டண்ட்
- 5 நிமிட சார்ஜ் செய்தால் 60 நிமிடங்களுக்கு பேக்கப்
போட் ஏர்டோப்ஸ் 601 ஏ.என்.சி. மாடல் பிளாக் மற்றும் பியூரிட்டி வைட் நிறங்களில் கிடைக்கிறது. இந்த இயர்பட்ஸ் அறிமுக சலுகையாக ரூ. 3,999 என விலை நிர்ணயம் செய்யப்பட்டுள்ளது. இந்த இயர்பட்ஸ் ப்ளிப்கார்ட் மற்றும் போட் வலைதளங்களில் விற்பனைக்கு கிடைக்கிறது.
ஆப்பிள் நிறுவனம் சத்தமின்றி உருவாக்கி வரும் புதிய ஐபோன் எஸ்.இ. மாடலின் வெளியீட்டு விவரங்களை பார்ப்போம்.
ஆப்பிள் நிறுவனத்தின் ஐபோன் எஸ்.இ. 3 மாடல் வெளியீடு பற்றி பல்வேறு தகவல்கள் இணையத்தில் வெளியாகி வருகின்றன. அந்த வரிசையில் தற்போது வெளியாகி இருக்கும் தகவல்களில் ஆப்பிள், புதிய ஐபோன் எஸ்.இ. 3 மாடலை இந்த ஆண்டு மார்ச் அல்லது ஏப்ரல் மாத வாக்கில் அறிமுகம் செய்யலாம் என கூறப்படுகிறது.
இத்துடன் புதிய 27 இன்ச் ஐமேக், எம்1 ப்ரோ மற்றும் எம்1 மேக்ஸ் சிப்செட்கள் கொண்ட டாப் எண்ட் மேக் மினி மாடல்களையும் ஆப்பிள் அறிமுகம் செய்யலாம் என தெரிகிறது. இதுவரை வெளியாகி இருக்கும் தகவல்களின் படி ஐபோன் எஸ்.இ. 3 மாடலில் ஏ14 அல்லது ஏ15 பயோனிக் சிப்செட் மற்றும் 5ஜி கனெக்டிவிட்டி வழங்கப்படும் என கூறப்படுகிறது.
ஒட்டுமொத்த தோற்றம் முந்தைய ஐபோன் எஸ்.இ. 2 போன்றே காட்சியளிக்கும். மேலும் டச் ஐ.டி. சென்சார் ஹோம் பட்டனுடன் பொருத்தப்பட்டு இருக்கும் என எதிர்பார்க்கப்படுகிறது. மேலும் 2022 ஐபோன் எஸ்.இ. குறைந்த விலை 5ஜி ஐபோனாக இருக்கும். இதன் விலை 399 டாலர்களில் துவங்கும் என தெரிகிறது. இதுமட்டுமின்றி ஐபோன் எஸ்.இ. பிளஸ் பெயர் கொண்ட மாடலும் இந்த ஆண்டு அறிமுகம் செய்யப்படும் என கூறப்படுகிறது.
கடந்த வாரம் வெளியான தகவல்களில் ஐபோன் எஸ்.இ. 4 மாடல் 6 இன்ச் எல்.சி.டி. டிஸ்ப்ளே, பேஸ் ஐ.டி. வசதி, பன்ச் ஹோல் செல்பி கேமரா, 5ஜி கனெக்டிவிட்டி போன்ற அம்சங்களை கொண்டிருக்கும் என கூறப்பட்டது. மேலும் இந்த மாடல் 2024 வாக்கில் அறிமுகம் செய்யப்படும் என்றும் கூறப்பட்டது.
பி.எஸ்.என்.எல். நிறுவனம் மற்ற நிறுவன வாடிக்கையாளர்களை கவரும் வகையில் புதிய திட்டத்தை அறிவித்து இருக்கிறது.
கடந்த ஆண்டு இந்தியாவின் முன்னணி டெலிகாம் நிறுவனங்களான ஏர்டெல், வி மற்றும் ஜியோ தங்களின் பிரீபெயிட் சலுகை கட்டணங்களை உயர்த்தின. அனைத்து சலுகை கட்டணங்களும் அதிகபட்சமாக 25 சதவீதம் வரை உயர்த்தப்பட்டன.
இதன்காரணமாக பலர் பி.எஸ்.என்.எல். சேவைக்கு மாற துவங்கினர். இதை பயன்படுத்திக் கொள்ளும் வகையில் பி.எஸ்.என்.எல். நிறுவனம் புதிய சலுகையை விளம்பர நோக்கில் அறிவித்து இருக்கிறது. அதன்படி ஏர்டெல், ஜியோ மற்றும் வி நிறுவன வாடிக்கையாளர்கள் பி.எஸ்.என்.எல். சேவைக்கு மாறும் போது 5 ஜி.பி. டேட்டா இலவசமாக வழங்கப்படுகிறது.
இந்த சலுகை 30 நாட்கள் அல்லது சலுகை தற்போதைய சலுகையின் வேலிடிட்டி இருக்கும் வரை வழங்கப்படுகிறது. இது குறுகிய காலத்திற்கு அறிவிக்கப்பட்டு இருக்கிறது. எனினும், மற்ற நிறுவன வாடிக்கையாளர்கள் பி.எஸ்.என்.எல். சேவைக்கு ஜனவரி 15, 2022 முன் போர்ட் செய்ய வேண்டும்.
பின் இலவச 5 ஜி.பி. டேட்டாவை பெற வாடிக்கையாளர்கள் பி.எஸ்.என்.எல். சேவைக்கு மாறியதற்கான காரணத்தை சமூக வலைதளங்களில் பதிவிட்டு, உடன் #SwitchToBSNL ஹேஷ்டேக் சேர்த்து பின் பி.எஸ்.என்.எல். அக்கவுண்டை டேக் செய்ய வேண்டும். இத்துடன் பி.எஸ்.என்.எல். சமூக வலைதள பக்கங்களை பின்தொடர்ந்து, இதற்கான ஆதாரத்தை பி.எஸ்.என்.எல். வாட்ஸ்அப் எண் - 9457086024 அனுப்ப வேண்டும்.
ஆப்பிள் நிறுவனத்தின் ஐபோன் 12 சீரிஸ் மாடல்களுக்கு ப்ளிப்கார்ட் தளத்தில் சிறப்பு விலை குறைப்பு வழங்கப்படுகிறது.
அமேசான் மற்றும் ப்ளிப்கார்ட் வலைதளங்களில் ஐபோன் 12 சீரிஸ் மாடல்களுக்கு விலை குறைப்பு அறிவிக்கப்பட்டு இருக்கிறது. விலை குறைப்பின் படி ஐபோன் 12 மற்றும் ஐபோன் 12 மினி ஸ்மார்ட்போன்களின் விலை ரூ. 10 ஆயிரம் வரை குறைக்கப்பட்டு உள்ளது.
ஐபோன் 12 மற்றும் ஐபோன் 12 மினி மாடல்களில் ஆப்பிள் ஏ12 பயோனிக் பிராசஸர் வழங்கப்பட்டு இருக்கிறது. இந்த பிராசஸர் 5ஜி மற்றும் 4ஜி எல்.டி.இ. கனெக்டிவிட்டி வழங்குகிறது.
ப்ளிப்கார்ட் மற்றும் அமேசான் விலை குறைப்பு
ப்ளிப்கார்ட் தளத்தில் ஐபோன் 12 மாடல் 64 ஜி.பி. விலை ரூ. 53,999 என மாறி இருக்கிறது. அமேசானில் இதன் விலை ரூ. 63,900 என மாறி இருக்கிறது. சில்லறை விற்பனை மையங்களில் இந்த ஸ்மார்ட்போன் ரூ. 65,900 விலையில் விற்பனை செய்யப்படுகிறது.
ப்ளிப்கார்ட், அமேசான் தளங்களில் ஐபோன் 12 128 ஜி.பி. விலை ரூ. 64,999 என்றும் சில்லறை விற்பனை மையங்களில் ரூ. 70,900 என்றும் நிர்ணயம் செய்யப்பட்டு உள்ளது. ப்ளிப்கார்ட் தளத்தில் ஐபோன் 12 மினி 64 ஜி.பி. விலை ரூ. 40,999 என்றும் அமேசானில் ரூ. 53,900 என்றும் நிர்ணயிக்கப்பட்டு உள்ளது.
ப்ளிப்கார்ட் தளத்தில் ஐபோன் 12 மினி வாங்குவோருக்கு இதர தள்ளுபடிகளும் வழங்கப்படுகிறது. ப்ளிப்கார்டில் ஐபோன் 12 மினி 128 ஜி.பி. விலை ரூ. 54,999 ஆகும். அமேசான் மற்றும் சில்லறை விற்பனை மையங்களில் இந்த மாடல் ரூ. 64,900 விலையில் விற்பனை செய்யப்படுகிறது.
மோட்டோரோலா நிறுவனத்தின் மோட்டோ எட்ஜ் எக்ஸ்30 ஸ்மார்ட்போனின் இந்திய வெளியீடு கிட்டத்தட்ட உறுதியாகிவிட்டது.
ஸ்னாப்டிராகன் 8 ஜென் 1 பிராசஸர் கொண்ட முதல் ஸ்மார்ட்போன் எனும் பெருமையை மோட்டோரோலா நிறுவனத்தின் மோட்டோ எட்ஜ் எக்ஸ்30 பெற்றது. ஏற்கனவே இந்த ஸ்மார்ட்போன் சீன சந்தையில் அறிமுகம் செய்யப்பட்டுவிட்டது.
இந்த நிலையில், மோட்டோ எட்ஜ் எக்ஸ்30 ஸ்மார்ட்போன் விரைவில் இந்தியாவில் அறிமுகமாகும் என தெரியவந்துள்ளது. புதிய மோட்டோ ஸ்மார்ட்போன் பற்றிய விவரங்கள் பி.ஐ.எஸ். வலைதளத்தில் இடம்பெற்று இருக்கிறது. இந்த ஸ்மார்ட்போன் இம்மாத இறுதியிலோ அல்லது பிப்ரவரி மாத துவக்கத்திலோ இந்தியாவில் அறிமுகம் செய்யப்படலாம்.
பி.ஐ.எஸ். தளத்தில் இந்த ஸ்மார்ட்போன் எக்ஸ்.டி.2201-01 எனும் மாடல் நம்பர் கொண்டிருக்கிறது. இதுதவிர ஸ்மார்ட்போனின் மற்ற விவரங்கள் இதுவரை வெளியாகவில்லை. பி.ஐ.எஸ். தளத்தில் இடம்பெறும் ஸ்மார்ட்போன்கள் விரைவில் இந்தியாவில் அறிமுகம் செய்யப்படுகின்றன. இதே நிலை புதிய மோட்டோ ஸ்மார்ட்போனிற்கும் நடைபெறும் என தெரிகிறது.
ட்ரூக் நிறுவனம் இந்திய சந்தையில் இரண்டு ட்ரூ வயர்லெஸ் கேமிங் இயர்பட்ஸ் மாடல்களை விற்பனைக்கு அறிமுகம் செய்து இருக்கிறது.
ட்ரூக் நிறுவனம் பி.டி.ஜி. 3 மற்றும் ஏர் பட்ஸ் லைட் என இரண்டு புதிய கேமிங் இயர்பட்ஸ் மாடல்களை இந்தியாவில் அறிமுகம் செய்தது. இரு மாடல்களிலும் கிட்டத்தட்ட ஒரே மாதிரியான அம்சங்கள் வழங்கப்பட்டுள்ள நிலையில், ஏர் பட்ஸ் லைட் மட்டும் சற்றே வித்தியாசமான தோற்றம் கொண்டிருக்கிறது.
இரண்டு புதிய இயர்பட்களிலும் 55 எம்.எஸ். லோ லேடென்சி, இன்-இயர் டிடெக்ஷன் போன்ற அம்சங்கள் வழங்கப்பட்டுள்ளன. இதில் இன்-இயர் டிடெக்ஷன் வழங்குவதற்காக பிரத்யேக சென்சார் உள்ளது. ட்ரூக் ஏர் பட்ஸ் லைட் மாடலில் ப்ளூடூத் 5.1 கனெக்டிவிட்டி, ஏ.ஐ. சார்ந்து இயங்கும் நாய்ஸ் கேன்சலேஷன் வசதி, ஏ.ஏ.சி. கோடெக், 10 எம்.எம்., டைட்டானியம் டிரைவர்கள் உள்ளன.
ட்ரூக் பி.டி.ஜி. 3 மற்றும் ஏர் பட்ஸ் லைட் மாடல்கள் குறைந்த எடையில் உருவாக்கப்பட்டுள்ளன. இவை முழு சார்ஜ் செய்தால் பத்து மணி நேரத்திற்கான பேக்கப் வழங்குகின்றன. மேலும் சார்ஜிங் கேஸ் பயன்படுத்தினால் 48 மணி நேரத்திற்கு பயன்படுத்தலாம்.
ட்ரூக் பி.டி.ஜி. 3 பிளாக் மற்றும் ரெட் நிறங்களிலும், ஏர் பட்ஸ் லைட் மாடல் பிளாக் மற்றும் புளூ நிறங்களிலும் கிடைக்கின்றன. இவற்றின் விலை ரூ. 1399 என நிர்ணயம் செய்யப்பட்டுள்ளன. இரு மாடல்களும் ப்ளிப்கார்ட் மற்றும் அமேசான் வலைதளங்களில் விற்பனைக்கு கிடைக்கின்றன.
சாம்சங் நிறுவனத்தின் கேலக்ஸி எஸ்21 எப்.இ. ஸ்மார்ட்போன் இந்திய முன்பதிவு துவங்கி நடைபெற்று வருகிறது.
சாம்சங் நிறுவனம் இந்தியாவில் தனது கேலக்ஸி எஸ்21 எப்.இ. ஸ்மார்ட்போனினை ஜனவரி 10 ஆம் சேசி அறிமுகம் செய்ய இருக்கிறது. இந்தியாவில் இந்த ஸ்மார்ட்போனின் முன்பதிவு சில தினங்களுக்கு முன் துவங்கியது. ஏற்கனவே இந்த ஸ்மார்ட்போன் அமெரிக்கா, பிரிட்டன் மற்றும் ஐரோப்பிய சந்தைகளில் அறிமுகம் செய்யப்பட்டது.
அம்சங்களை பொருத்தவரை புதிய கேலக்ஸி எஸ்21 எப்.இ. மாடலில் 120 ஹெர்ட்ஸ் ரிப்ரெஷ் ரேட் கொண்ட அமோலெட் டிஸ்ப்ளே, அதிகபட்சம் 256 ஜி.பி. மெமரி வழங்கப்பட்டு இருக்கிறது. புகைப்படங்களை எடுக்க 12 எம்.பி. பிரைமரி கேமரா, 12 எம்.பி. வைடு ஆங்கில் கேமரா, 8 எம்.பி. டெலிபோட்டோ லென்ஸ், 32 எம்.பி. செல்பி கேமரா வழங்கப்பட்டு இருக்கிறது.
கனெக்டிவிட்டிக்கு 5ஜி, 4ஜி, வைபை, யு.எஸ்.பி. டைப் சி போர்ட், இன்-டிஸ்ப்ளே கைரேகை சென்சார், 4500 எம்.ஏ.ஹெச். பேட்டரி, 25 வாட் வயர்டு பாஸ்ட் சார்ஜிங், 15 வாட் வயர்லெஸ் சார்ஜிங் வசதி வழங்கப்பட்டு உள்ளது.
இந்திய சந்தையில் புதிய சாம்சங் கேலக்ஸி எஸ்21 எப்.இ. மாடலின் விலை ரூ. 52 ஆயிரத்தில் துவங்கும் என எதிர்பார்க்கப்படுகிறது. பிரிட்டனில் இந்த ஸ்மார்ட்போனின் பேஸ் வேரியண்ட் விலை இந்திய மதிப்பில் ரூ. 70,400 என நிர்ணயம் செய்யப்பட்டுள்ளது.
ஐகூ நிறுவனத்தின் புதிய 9 சீரிஸ் ஸ்மார்ட்போன்களின் இந்திய வெளியீடு உறுதி செய்யப்பட்டது.
ஐகூ நிறுவனம் ஐகூ 9 சீரிஸ் ஸ்மார்ட்போன்களை சமீபத்தில் சீன சந்தையில் அறிமுகம் செய்தது. தற்போது இந்த மாடலின் இந்திய வெளியீடு உறுதி செய்யப்பட்டு இருக்கிறது. பேட்டில்கிரவுண்ட்ஸ் மொபைல் இந்தியா இறுதி போட்டிக்கான அதிகாரப்பூர்வ ஸ்மார்ட்போனாக ஐகூ 7 லெஜண்ட் மாடல் அறிவிக்கப்பட்டது.
இதே அறிவிப்பின் போது ஐகூ 9 சீரிஸ் இந்தியாவில் அறிமுகம் செய்வதை ஐகூ உறுதிப்படுத்தியது. கடந்த ஆண்டு ஐகூ அறிமுகம் செய்த ஐகூ 7 சீரிஸ் ஸ்மார்ட்போன்கள் இந்திய ஸ்மார்ட்போன் சந்தையின் 30 ஆயிரம் முதல் 50 ஆயிரம் பிரிவில் பிரபல மாடலாக இருந்தது.
எனினும், ஐகூ 8 சீரிஸ் மாடல்களை ஐகூ நிறுவனம் இந்தியாவில் அறிமுகம் செய்யவில்லை. இந்தியாவில் ஐகூ 9 சீரிஸ் சரியான வெளியீட்டு தேதி இதுவரை அறிவிக்கப்படவில்லை. எனினும், அடுத்த வாரம் நடைபெற இருக்கும் பி.ஜி.எம்.ஐ. சீரிஸ் இறுதி போட்டியில் அறிவிக்கப்படும் என எதிர்பார்க்கப்படுகிறது.
ரிலையன்ஸ் ஜியோ நிறுவனம் சமீபத்திய விலை உயர்வின் போது நீக்கிய சலுகையை மீண்டும் அறிவித்து இருக்கிறது.
ரிலையன்ஸ் ஜியோ நிறுவனம் ரூ. 499 பிரீபெயிட் சலுகையை மீண்டும் அறிவித்து இருக்கிறது. முந்தைய விலை உயர்வின் போது ரூ. 499 சலுகை நீக்கப்பட்டு இருந்தது. தற்போது சந்தாதாரர்களை தக்கவைத்துக் கொள்ளும் நோக்கில் ஜியோ ரூ. 499 சலுகை கிட்டத்தட்ட முந்தைய பலன்களுடனேயே மீண்டும் வழங்கப்படுகிறது.
ஜியோ ரூ. 499 சலுகையில் தற்போது 2 ஜி.பி. டேட்டா வழங்கப்படுகிறது. இத்துடன் டிஸ்னி பிளஸ் ஹாட்ஸ்டார் மொபைல் சேவைக்கான ஒரு வருட சந்தா வழங்கப்படுகிறது. இவைதவிர தினமும் 100 எஸ்.எம்.எஸ்., 56 நாட்களுக்கு தினமும் 2 ஜி.பி. டேட்டா வழங்கப்படுகிறது.
இந்த பலன்களுடன் ஜியோ செயலிகளுக்கான சந்தாவும் இணைக்கப்பட்டு இருக்கிறது. இந்த சலுகை ஜியோ செயலி, வலைதளம் மற்றும் மூன்றாம் தரப்பு செயலிகளிலும் பட்டியலிடப்பட்டுள்ளது.
ரியல்மி நிறுவனம் இந்திய சந்தையில் புதிய வயர்லெஸ் மவுஸ் மாடலை விற்பனைக்கு அறிமுகம் செய்தது. இதன் விவரங்களை பார்ப்போம்.
ரியல்மி நிறுவனம் சத்தமின்றி புதிய வயர்லெஸ் மவுஸ் மாடலை இந்தியாவில் அறிமுகம் செய்தது. இது 'வயர்லெஸ் மவுஸ் - சைலண்ட்' என அழைக்கப்படுகிறது. கிளிக் செய்யாத நேரங்களில்பெயருக்கு ஏற்றார்போல் இந்த மவுஸ் சத்தமின்றி செயல்படுகிறது. இதன் வடிவமைப்பு அனைவரின் உள்ளங்கைகளிலும் கச்சிதமாக பொருந்தும் வகையில் உருவாக்கப்பட்டு இருக்கிறது.
வெறும் 62 கிராம் எடையில் உருவாகி இருக்கும் இந்த வயர்லெஸ் மவுஸ் 800, 1200 அல்லது 1600 டி.பி.ஐ. அடஜஸ்மெண்ட் வசதி கொண்டுள்ளது. லேப்டாப் மற்றும் கம்ப்யூட்டர்களில் வயர்லெஸ் கனெக்டிவிட்டி வழங்க 2.4 ஜிகாஹெர்ட்ஸ் டாங்கில் வழங்கப்பட்டு இருக்கிறது. இந்த வயர்லெஸ் மவுஸ்-ஐ ஒற்றை ஏ.ஏ. பேட்டரி மூலம் சக்தியூட்டிக் கொள்ளலாம்.
இந்த மவுஸ் அதிகபட்சம் 8 மாதங்களுக்கு பேட்டரி பேக்கப் வழங்கும். ரியல்மி வயர்லெஸ் மவுஸ் சைலண்ட் பிளாக் மற்றும் எல்லோ என இரண்டு நிறங்களில் கிடைக்கிறது. இதன் விலை ரூ. 799 ஆகும். இது ரியல்மி வலைதளத்தில் விற்பனைக்கு கிடைக்கிறது.
சியோமி நிறுவனம் இந்திய சந்தையில் 11ஐ மற்றும் 11ஐ ஹைப்பர்சார்ஜ் 5ஜி ஸ்மார்ட்போன் மாடல்களை விற்பனைக்கு அறிமுகம் செய்தது.
சியோமி நிறுவனம் இந்தியாவில் சியோமி 11ஐ மற்றும் சியோமி 11ஐ ஹைப்பர்சார்ஜ் 5ஜி ஸ்மார்ட்போன் மாடல்களை அறிமுகம் செய்தது. இதில் 6.67 இன்ச் எப்.ஹெச்.டி. பிளஸ் அமோலெட் டிஸ்ப்ளே, 16 எம்.பி. செல்பி கேமரா, மீடியாடெக் டிமென்சிட்டி 920 பிராசஸர், 8 ஜி.பி. ரேம், வி.சி. லிக்விட் கூலிங் தொழில்நுட்பம் வழங்கப்பட்டு உள்ளது.
இரு மாடல்களிலும் 108 எம்.பி. பிரைமரி கேமரா, 8 எம்.பி. அல்ட்ரா வைடு கேமரா, 2 எம்.பி. மேக்ரோ கேமரா வழங்கப்பட்டு இருக்கிறது. சியோமி 11ஐ மாடலில் 5160 எம்.ஏ.ஹெச். பேட்டரி, 67 வாட் பாஸ்ட் சார்ஜிங், சியோமி 11ஐ ஹைப்பர்சார்ஜ் மாடலில் டூயல்-செல் 4500 எம்.ஏ.ஹெச். பேட்டரி, 120 வாட் பாஸ்ட் சார்ஜிங் உள்ளது.
சியோமி 11ஐ மற்றும் சியோமி 11ஐ ஹைப்பர்சார்ஜ் மாடல்கள் பர்பில் மிஸ்ட், கேமோ கிரீன், பசிபிக் பியல் மற்றும் ஸ்டெல்த் பிளாக் நிறங்களில் கிடைக்கிறது. சியோமி 11ஐ 6 ஜி.பி.+128 ஜி.பி. விலை ரூ. 24,999 என்றும் 8 ஜி.பி. + 128 ஜி.பி. விலை ரூ. 26,999 என்றும் நிர்ணயம் செய்யப்பட்டுள்ளது.
சியோமி 11ஐ ஹைப்பர்சார்ஜ் 6 ஜி.பி.+128 ஜி.பி. ரூ. 26,999 என்றும் 8 ஜி.பி.+128 ஜி.பி. விலை ரூ. 28,999 என்றும் நிர்ணயிக்கப்பட்டுள்ளது. இரு மாடல்களும் ப்ளிப்கார்ட், எம்.ஐ. வலைதளம் மற்றும் எம்.ஐ. ஹோம் ஸ்டோர்களில் ஜனவரி 12 ஆம் தேதி விற்பனைக்கு கிடைக்கும்.
×