தொழில்நுட்பம்

சியோமி நிறுவனத்தின் ரெட்மி பிராண்டு இந்த ஆண்டு துவக்கத்தில் ரெட்மி 9 பவர் மற்றும் ரெட்மி 9ஏ ஸ்மார்ட்போன்களை குறைந்த விலையில் அறிமுகம் செய்தது. தற்போது இரு மாடல்கள் விலையும் இந்தியா முழுக்க உயர்த்தப்பட்டு இருக்கிறது. விலை உயர்வு ஆன்லைன் மற்றும் ஆப்லைன் தளங்களுக்கும் பொருந்தும்.

விலை உயர்வின் படி ரெட்மி 9 பவர் ரூ. 500 அதிகரிக்கப்பட்டு தற்போது ரூ. 13,499 என்றும், ரெட்மி 9ஏ மாடல் விலை ரூ. 7,499-இல் இருந்து தற்போது ரூ. 7,799 என்றும் மாறி இருக்கிறது. 

அம்சங்களை பொருத்தவரை ரெட்மி 9 பவர் மற்றும் ரெட்மி 9ஏ மாடல்களில் 6.5 இன்ச் டிஸ்ப்ளே வழங்கப்பட்டு உள்ளது. ரெட்மி 9 பவர் மாடலில் புல் ஹெச்டி ரெசல்யூஷன், 9ஏ மாடலில் ஹெச்டி பிளஸ் ரெசல்யூஷன் ஸ்கிரீன் உள்ளது. 

இவற்றில் முறையே ஸ்னாப்டிராகன் 662, மீடியாடெக் ஹீலியோ ஜி25 பிராசஸர் வழங்கப்பட்டு இருக்கிறது. மெமரியை பொருத்தவரை இரு மாடல்களிலும் 3 ஜிபி, 32 ஜிபி வழங்கப்பட்டுள்ளது. 

ரெட்மி 9 பவர் மாடலில் 6000 எம்.ஏ.ஹெச். பேட்டரி, 18 வாட் பாஸ்ட் சார்ஜிங் வசதியும், ரெட்மி 9ஏ மாடலில் 5000 எம்.ஏ.ஹெச். பேட்டரி வழங்கப்பட்டு இருக்கிறது.

போக்கோ எம்3 ஸ்மார்ட்போனின் இந்திய விலை உயர்த்தப்பட்டு இருக்கிறது. விலை உயர்வு மட்டுமின்றி போக்கோ எம்3 புது வேரியண்ட் அறிமுகமாகி இருக்கிறது. அதன்படி போக்கோ எம்3 ஸ்மார்ட்போன் தற்போது 4 ஜிபி + 64 ஜிபி, 6 ஜிபி + 64 ஜிபி மற்றும் 6 ஜிபி + 128 ஜிபி என மூன்று வேரியண்ட்களில் கிடைக்கிறது.

போக்கோ எம்3 ஸ்மார்ட்போன் 4 ஜிபி + 64 ஜிபி விலை ரூ. 10,499

போக்கோ எம்3 ஸ்மார்ட்போன் 6 ஜிபி + 64 ஜிபி விலை ரூ. 11,499

போக்கோ எம்3 ஸ்மார்ட்போன் 6 ஜிபி + 128 ஜிபி விலை ரூ. 12,999

போக்கோ எம்3 ஸ்மார்ட்போனின் 6 ஜிபி + 64 ஜிபி மற்றும் 6 ஜிபி + 128 ஜிபி மாடல்களின் விலை முறையே ரூ. 500 அதிகரிக்கப்பட்டு இருக்கிறது. போக்கோ எம்3 ஸ்மார்ட்போன் அந்நிறுவனத்தின் அதிகம் விற்பனையாகும் மாடல்களில் ஒன்றாக இருக்கிறது. 

அம்சங்களை பொருத்தவரை போக்கோ எம்3 மாடலில் 6.53 இன்ச் 2340×1080 பிக்சல் FHD+ LCD ஸ்கிரீன், கார்னிங் கொரில்லா கிளாஸ் 3, ஆக்டாகோர் ஸ்னாப்டிராகன் 662 பிராசஸர், ஆண்ட்ராய்டு 10 மற்றும் MIUI 12 வழங்கப்பட்டு உள்ளது. புகைப்படங்களை எடுக்க 48 எம்பி பிரைமரி கேமரா, 2 எம்பி டெப்த் கேமரா, 2 எம்பி மேக்ரோ கேமரா, 8 எம்பி செல்பி கேமரா வழங்கப்பட்டு இருக்கிறது.

 

இத்துடன் பக்கவாட்டில் கைரேகை சென்சார், 3.5mm ஆடியோ ஜாக், எப்எம் ரேடியோ, டூயல் 4ஜி வோல்ட்இ, வைபை, ப்ளூடூத் 5, யுஎஸ்பி டைப் சி, 6000 எம்ஏஹெச் பேட்டரி மற்றும் 18 வாட் பாஸ்ட் சார்ஜிங் உள்ளது. 

சாம்சங் எலெக்டிரானிக்ஸ் நிறுவனம் தனது புதிய மடிக்கக்கூடிய ஸ்மார்ட்போன் மாடல்களை அடுத்த மாதம் அறிமுகம் செய்ய இருக்கிறது. இந்த நிலையில், சாம்சங் புது மடிக்கக்கூடிய ஸ்மார்ட்போன்கள் விலை குறைவாக இருக்கும் என தகவல் வெளியாகி உள்ளது. 

கேலக்ஸி இசட் போல்டு 3 விலை முந்தைய மாடலை விட 17 சதவீதம் குறைவாக இருக்கும் என்றும் கேலக்ஸி இசட் ப்ளிப் 3 விலை முந்தைய மாடலை விட 22 சதவீதம் குறைவாக இருக்கும் என்றும் கூறப்படுகிறது. குறைந்த விலையில் வழங்குவதன் மூலம் மடிக்கக்கூடிய ஸ்மார்ட்போன்களின் விற்பனையை அதிகப்படுத்த சாம்சங் திட்டமிட்டு இருக்கிறது.

தற்போதைய தகவல்களின் படி சாம்சங் இரு மடிக்கக்கூடிய ஸ்மார்ட்போன்கள், இதர அக்சஸரீக்களை ஆகஸ்ட் 11 ஆம் தேதி அறிமுகம் செய்யலாம் என கூறப்படுகிறது.  

போக்கோ நிறுவனம் இந்தியாவில் போக்கோ F3 GT ஸ்மார்ட்போன் ஜூலை 23 ஆம் தேதி அறிமுகமாகும் என அறிவித்து இருக்கிறது. புதிய போக்கோ ஸ்மார்ட்போன் மீடியாடெக் டிமென்சிட்டி 1200 பிராசஸர், காந்த சக்தி கொண்ட இரு ட்ரிகர்களை கொண்டிருக்கிறது.

இத்துடன் டால்பி அட்மோஸ் ஆடியோ அம்சம் கொண்டிருக்கும் என புதிய டீசரில் தெரியவந்துள்ளது. முந்தைய டீசரில் போக்கோ F3 GT கிளாஸ் பாடி, ஸ்லிப்-ஸ்டிரீம் டிசைன் கொண்டிருக்கும் என தெரிவிக்கப்பட்டது. 

மேலும் இதன் பின்புறம் கைரேகை பதியாத வகையில் மேட் பினிஷ் செய்யப்படுகிறது. இந்த ஸ்மார்ட்போன் ஏரோஸ்பேஸ்-ரக அலுமினியம் அலாய் பிரேம் கொண்டு உருவாக்கப்பட்டு இருக்கிறது. இத்துடன் போக்கோ F3 GT மாடல் 120 ஹெர்ட்ஸ் ரிப்ரெஷ் ரேட் கொண்ட AMOLED டிஸ்ப்ளே, HDR 10+, டிசி டிம்மிங் போன்ற அம்சங்களை கொண்டிருக்கிறது.

புதிய போக்கோ F3 GT ஸ்மார்ட்போன் கன்மெட்டல் சில்வர், பிரிடேட்டர் பிளாக் என இரு நிறங்களில் கிடைக்கும். இந்த ஸ்மார்ட்போனின் விலை இந்திய சந்தையில் ரூ. 30 ஆயிரம் பட்ஜெட்டில் நிர்ணயம் செய்யப்படலாம் என எதிர்பார்க்கப்படுகிறது.

ஆப்பிள் நிறுவனம் பள்ளி மற்றும் கல்லூரி மாணவர்களுக்காக சிறப்பு சலுகைகளை அறிவித்து இருக்கிறது. இம்முறை தேர்வு செய்யப்பட்ட மேக்புக், ஐமேக் மற்றும் ஐபேட் மாடல்களை வாங்குவோருக்கு இலவசமாக ஏர்பாட்ஸ் வழங்குகிறது.

மேக்புக் ஏர், மேக்புக் ப்ரோ, ஐமேக், மேக் ப்ரோ, மேக் மினி, ஐபேட் ப்ரோ மற்றும் ஐபேட் ஏர் போன்ற மாடல்களை வாங்குவோருக்கு இலவசமாக ஏர்பாட்ஸ் வழங்கப்படுகிறது. இதுதவிர ஏர்பாட்ஸ் வயர்லெஸ் சார்ஜிங் ரூ. 4 ஆயிரத்திற்கும், ஏர்பாட்ஸ் ப்ரோ மாடல் ரூ. 10 ஆயிரத்திற்கும் வழங்கப்படுகிறது.

இலவச ஏர்பாட்ஸ் மட்டுமின்றி ஆப்பிள்கேர் சேவையில் 20 சதவீத தள்ளுபடி, ஆப்பிள் பென்சில், கீபோர்டு சாதனங்களுக்கு சிறப்பு தள்ளுபடி, ஆப்பிள் மியூசிக் ஸ்டூடன்ட் திட்டம் மாதத்திற்கு ரூ. 49 விலையில் வழங்கப்படுகிறது. இத்துடன் ஆப்பிள் ஆர்கேட் சேவை முதல் மூன்று மாதங்களுக்கு இலவசமாகவும், அதன்பின் மாதம் 99 ரூபாய் கட்டணத்திலும் வழங்கப்படுகிறது.

சியோமி நிறுவனம் சர்வதேச ஸ்மார்ட்போன் சந்தையில் இரண்டாவது இடம் பிடித்து இருக்கிறது. 2021 இரண்டாவது காலாண்டில் ஆப்பிள் நிறுவனத்தை பின்னுக்குத் தள்ளி சியோமி நிறுவனம் முதல் முறையாக இரண்டாவது இடம் பிடித்து இருக்கிறது.

இந்த காலக்கட்டத்தில் ஸ்மார்ட்போன் விற்பனையில் சியோமி நிறுவனம் 83 சதவீத வளர்ச்சியை பதிவு செய்துள்ளது. முன்னதாக ஸ்மார்ட்போன் சந்தையில் முதல் இரு இடங்களில் சாம்சங் மற்றும் ஆப்பிள் நிறுவனங்கள் மட்டுமே ஆதிக்கம் செலுத்தி வந்தன. சாம்சங் தொடர்ந்து முதலிடத்தில் உள்ளது.

2021 இரண்டாவது காலாண்டில் சாம்சங் 19 சதவீதம், சியோமி 17 சதவீதம், ஆப்பிள் 14 சதவீத பங்குகளை பெற்று இருக்கின்றன. ஒப்போ மற்றும் விவோ நிறுவனங்கள் நான்கு மற்றும் ஐந்தாவது இடங்களில் உள்ளன. இரு நிறுவனங்களும் முறையே 10 சதவீத பங்குகளை பெற்று இருக்கின்றன. 

சாம்சங் கேலக்ஸி எம்21 2021 எடிஷன் ஜூலை 21 ஆம் தேதி இந்தியாவில் அறிமுகமாகிறது. புதிய சாம்சங் ஸ்மார்ட்போன் பிரைம் டே 2021 விற்பனையை முன்னிட்டு அறிமுகம் செய்யப்படுகிறது.

சாம்சங் கேலக்ஸி எம்21 2021 மாடலில் 6.4 இன்ச் FHD+ இன்பினிட்டி யு சூப்பர் AMOLED டிஸ்ப்ளே, 48 எம்பி பிரைமரி கேமராவுடன் மூன்று சென்சார்கள் மற்றும் 6000 எம்.ஏஹெச். பேட்டரி வழங்கப்படுகிறது.  

இதன் பின்புறம் கைரேகை சென்சார் காணப்படுகிறது. எனினும், பின்புறம் தோற்றம் முந்தைய மாடலில் உள்ளதை விட வித்தியாசமாக இருக்கிறது. புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு ஆங்கில் கேமரா, 5 எம்பி டெப்த் சென்சார் மற்றும் 20 எம்பி செல்பி கேமரா வழங்கப்படுகிறது.

சாம்சங் கேலக்ஸி எம்21 2021 எடிஷன் ஆர்க்டிக் புளூ மற்றும் சார்கோல் பிளாக் நிறங்களில் கிடைக்கிறது. இந்த ஸ்மார்ட்போன் அமேசான் தளத்தில் பிரத்யேகமாக விற்பனை செய்யப்பட இருக்கிறது. இதன் விலை மற்றும் இதர விவரங்கள் அடுத்த வாரம் தெரியவரும்.  

டெக்னோ நிறுவனத்தின் கேமான் 17 மற்றும் கேமான் 17 ப்ரோ ஸ்மார்ட்போன்கள் இந்தியாவில் அறிமுகமாகி இருக்கின்றன. கேமான் 17 மாடலில் 6.6 இன்ச் HD+ 90 ஹெர்ட்ஸ் ஸ்கிரீன், ஹீலியோ ஜி85 பிராசஸர், 6 ஜிபி ரேம் வழங்கப்பட்டு இருக்கிறது. கேமான் 17 ப்ரோ மாடலில் 6.8 இன்ச் FHD+ 90 ஹெர்ட்ஸ் ஸ்கிரீன், மீடியாடெக் ஹீலியோ ஜி95 பிராசஸர், 8 ஜிபி ரேம் வழங்கப்பட்டுள்ளது.

இரு மாடல்களிலும் 5000 எம்.ஏ.ஹெச். பேட்டரி வழங்கப்பட்டு இருக்கிறது. கேமான் 17 மாடலில் 18 வாட் சார்ஜிங், கேமான் 17 ப்ரோ மாடலில் 33 வாட் பாஸ்ட் சார்ஜிங் வசதி வழங்கப்பட்டு உள்ளது. 

டெக்னோ கேமான் 17 மாடலில் புகைப்படங்களை எடுக்க 48 எம்பி பிரைமரி கேமரா, 2 எம்பி டெப்த் கேமரா, குவாட் எல்.இ.டி. பிளாஷ் மற்றும் 16 எம்பி செல்பி கேமரா, டூயல் எல்.இ.டி. பிளாஷ் வழங்கப்பட்டுள்ளது. இதன் பின்புறம் கைரேகை சென்சார் மற்றும் டூயல் 4ஜி வோல்ட்இ, வைபை, ப்ளூடூத் 5, யு.எஸ்.பி. டைப் சி கனெக்டிவிட்டி வழங்கப்பட்டு இருக்கிறது.

டெக்னோ கேமான் 17 ப்ரோ மாடலில் 64 எம்பி பிரைமரி கேமரா, 8 எம்பி அல்ட்ரா வைடு லென்ஸ், 2 எம்பி போக்கே லென்ஸ், 2 எம்பி கேமரா மற்றும் 48 எம்பி செல்பி கேமரா, டூயல் எல்.இ.டி. பிளாஷ் வழங்கப்பட்டு உள்ளது. இத்துடன் பக்கவாட்டில் கைரேகை சென்சார் வழங்கப்பட்டு இருக்கிறது.  

கேமிங் ஸ்மார்ட்போன்களுக்கான வரவேற்பு இந்தியாவில் அதிகரித்து வரும் நிலையில், அதற்கான அக்சஸரீக்கள் விற்பனையும் அதிகரிக்க துவங்கி இருக்கிறது. இதையொட்டி போட் நிறுவனம் இந்திய சந்தையில் புதிய கேமிங் ஹெட்போனினை அறிமுகம் செய்து இருக்கிறது.

போட் இம்மோர்டல் 1000d ஹெட்போன் 50mm டிரைவர் கொண்டிருக்கிறது. இந்த ஹெட்போன் 3D ஸ்பேஷியல் ஆடியோ, டால்பி அட்மோஸ், 7.1 சேனல் சரவுண்ட் சவுண்ட் போன்ற அம்சங்களை கொண்டுள்ளது. இவை ஹெட்போனில் 360 டிகிரி ஆடியோ அனுபவத்தை வழங்குகின்றன.

இந்த ஹெட்போனில் கழற்றக்கூடிய மைக் மற்றும் ENx தொழில்நுட்பம் வழங்கப்பட்டுள்ளது. ஆடியோவை கட்டுப்படுத்த இன்-லைன் ரிமோட் ஒன்றும் வழங்கப்படுகிறது. இதை கொண்டு ஆடியோ, மைக் மற்றும் எல்.இ.டி.க்களை கட்டுப்படுத்தலாம்.

கேமிங் தோற்றத்தை ஏற்படுத்த இந்த ஹெட்போன் RGB லைட்களை கொண்டிருக்கிறது. மிக குறைந்த எடை, மென்மையான இயர்-கப் இருப்பதால் போட் இம்மோர்டல் 1000d நீண்ட நேர பயன்பாட்டிற்கும் ஏற்றதாக இருக்கிறது.

புதிய போட் இம்மோர்டல் 1000d கேமிங் ஹெட்போன் பிளாக் மற்றும் வைட் சேபர் நிறங்களில் கிடைக்கிறது. இதன் விலை ரூ. 2499 ஆகும். இந்த ஹெட்போன் அமேசான் மற்றும் போட் வலைதளத்தில் விற்பனை செய்யப்படுகிறது.

ட்விட்டர் ப்ளீட்ஸ் அம்சம் ஆகஸ்ட் 3, 2021 முதல் பயன்படுத்த முடியாது என ட்விட்டர் தெரிவித்தது. ட்விட்டரில் கடந்த ஆண்டு வழங்கப்பட்ட ப்ளீட்ஸ் ஆப்ஷனை பெரும்பாலான பயனர்கள் பயன்படுத்துவதில்லை.

ப்ளீட்ஸ் அம்சம் மூலம் அதிக பயனர்களை ஈர்க்க ட்விட்டர் திட்டமிட்டு இருந்தது. ப்ளீட்ஸ் என்பது வாட்ஸ்அப் ஸ்டோரி போன்றே செயல்பட்டு வருகிறது. ட்விட்டர் பயனர்கள் தங்களது கருத்துக்களை எளிதில் பதிவு செய்ய வைக்கும் நோக்கில் இந்த அம்சம் அறிமுகம் செய்யப்பட்டது. எனினும், இதனை பயன்படுத்துவோர் எண்ணிக்கை தொடர்ந்து குறைவாகவே இருந்து வந்துள்ளது.

இதன் காரணமாக ப்ளீட்ஸ் ஆப்ஷன் ஆகஸ்ட் 3, 2021 முதல் செயல்படாது என ட்விட்டர் தெரிவித்து இருக்கிறது. தற்போது இந்த ஆப்ஷன் நீக்கப்பட்டாலும், இதில் வழங்கப்பட்டு இருக்கும் அம்சங்கள் ட்விட்டரின் மற்ற ஆப்ஷன்களில் படிப்படியாக வழங்கப்படும் என தெரிகிறது. 

விவோ நிறுவனம் இந்திய சந்தையில் புதிய விவோ Y72 5ஜி ஸ்மார்ட்போனினை அறிமுகம் செய்து இருக்கிறது. இதே ஸ்மார்ட்போன் மே மாத வாக்கில் சீன சந்தையில் விவோ Y52s எனும் பெயரில் அறிமுகம் செய்யப்பட்டது.

அம்சங்களை பொருத்தவரை புதிய விவோ Y72 5ஜி மாடலில் 6.58 இன்ச் FHD+ 90 ஹெர்ட்ஸ் ஸ்கிரீன், ஸ்னாப்டிராகன் 480 பிராசஸர், 8 ஜிபி ரேம், 128 ஜிபி மெமரி, ஆண்ட்ராய்டு 11 சார்ந்த பன்டச் ஒஎஸ் 11 வழங்கப்பட்டு இருக்கிறது.

புகைப்படங்களை எடுக்க 48 எம்பி பிரைமரி கேமரா, 2 எம்பி டெப்த் கேமரா, 8 எம்பி செல்பி கேமரா வழங்கப்பட்டுள்ளது. பக்கவாட்டில் கைரேகை சென்சார் கொண்டிருக்கும் விவோ Y72 5ஜி 3.5 எம்எம் ஆடியோ ஜாக், 5ஜி NSA, டூயல் 4ஜி வோல்ட்இ, வைபை, ப்ளூடூத் 5.1, யு.எஸ்.பி. டைப் சி வழங்கப்பட்டு இருக்கிறது. இந்த ஸ்மார்ட்போன் 5000 எம்.ஏ.ஹெச். பேட்டரி மூலம் சக்தியூட்டப்படுகிறது.

விவோ Y725ஜி மாடல் ப்ரிசம் மேஜிக், ஸ்லேட் கிரே நிறங்களில் கிடைக்கிறது. இதன் விலை ரூ. 20,990 ஆகும். புதிய விவோ 5ஜி ஸ்மார்ட்போன் ஆன்லைன் மற்றும் ஆப்லைன் தளங்களில் விற்பனை செய்யப்படுகிறது.

போக்கோ இந்தியா நிறுவனம் போக்கோ F3 GT ஸ்மார்ட்போனை விரைவில் அறிமுகம் செய்ய இருப்பதாக சமீபத்தில் அறிவித்தது. தற்போது இந்த ஸ்மார்ட்போனிற்கான டீசர் வீடியோ வெளியிடப்பட்டு இருக்கிறது.

சமீபத்திய டீசரின் படி போக்கோ F3 GT கிளாஸ் பாடி, ஸ்லிப்-ஸ்டிரீம் டிசைன் கொண்டிருக்கும் என தெரியவந்துள்ளது. மேலும் இதன் பின்புறம் கைரேகை பதியாத வகையில் மேட் பினிஷ் செய்யப்படுகிறது. இந்த ஸ்மார்ட்போன் ஏரோஸ்பேஸ்-ரக அலுமினியம் அலாய் பிரேம் கொண்டு உருவாக்கப்படுகிறது. 

இத்துடன் போக்கோ F3 GT மாடல் 120 ஹெர்ட்ஸ் ரிப்ரெஷ் ரேட் கொண்ட AMOLED டிஸ்ப்ளே, HDR 10+, டிசி டிம்மிங் போன்ற அம்சங்களை கொண்டிருக்கிறது. முன்னதாக வெளியான டீசர்களில் இந்த ஸ்மார்ட்போன் மீடியாடெக் டிமென்சிட்டி 1200 பிராசஸர் கொண்டிருக்கும் என கூறப்பட்டது. 

புதிய போக்கோ F3 GT ஸ்மார்ட்போன் கன்மெட்டல் சில்வர், பிரிடேட்டர் பிளாக் என இரு நிறங்களில் கிடைக்கும். இந்த ஸ்மார்ட்போன் இம்மாத இறுதியிலோ அல்லது அடுத்த மாத துவக்கத்திலோ அறிமுகம் செய்யப்படலாம்.