என் மலர்
தொழில்நுட்பம்
முன்னணி ஆடியோ சாதனங்கள் உற்பத்தியாளரான JBL இந்தியாவில் இரண்டு வயர்லெஸ் இயர்போன்களை அறிமுகம் செய்து இருக்கிறது.
ஹார்மன் இன்டர்நேஷனல் நிறுவனத்தின் ஆடியோ பிரிவு பிராண்டான JBL இந்திய சந்தையில் இரு ஆடியோ சாதனங்களை அறிமுகம் செய்து இருக்கிறது. இவை JBL லைவ் ப்ரோ பிளஸ் மற்றும் JBL லைவ் 660NC என அழைக்கப்படுகின்றன. இவற்றில் JBL சிக்னேச்சர் சவுண்ட், அடாப்டிவ் நாய்ஸ் கேன்சலேஷன் வசதி, ஸ்மார்ட் ஆம்பியன்ட், ஹேன்ட்ஸ்-ப்ரீ கண்ட்ரோல் மற்றும் பல்வேறு அம்சங்கள் உள்ளன.
JBL லைவ் ப்ரோ பிளஸ் ட்ரூ வயர்லெஸ் இயர்போன் இன்-இயர் டிசைன் மற்றும் சிறிய ஸ்டெம் கொண்டிருக்கிறது. இத்துடன் 3 எக்கோ கேன்சலிங் மைக், டூயல் கனெக்ட் போன்ற அம்சங்கள் வழங்கப்பட்டு இருக்கின்றன. இதுமட்டுமின்றி ஆட்டோ பிளே/பாஸ், பாஸ்ட் பேர், IPX4 தர வாட்டர் ரெசிஸ்டண்ட், ஸ்பீடு சார்ஜ், வயர்லெஸ் சார்ஜிங் போன்ற அம்சங்களும் உள்ளன.
இதில் உள்ள பேட்டரி ANC பயன்படுத்தாத போது 7 மணி நேரங்களும், ANC பயன்படுத்தினால் 6 மணி நேரத்திற்கும் பேக்கப் வழங்குகிறது. இதனுடன் வழங்கப்படும் சார்ஜிங் கேஸ் சேர்த்தால் கூடுதலாக 21 மணி நேரத்திற்கு பேக்கப் கிடைக்கும்.
JBL லைவ் 660NC மாடல் ஒவர்-தி-இயர் ரக வயர்லெஸ் ஹெட்போன் ஆகும். இதில் JBL சிக்னேச்சர் சவுண்ட், அடாப்டிவ் நாய்ஸ் கேன்சலிங் தொழில்நுட்பம், ஸ்மார்ட் ஆம்பியன்ட் அம்சங்கள் உள்ளன. இத்துடன் அமேசான் அலெக்சா, கூகுள் அசிஸ்டண்ட் சேவைகளை ஹேண்ட்ஸ்-பிரீ முறையில் இயக்கும் வசதி வழங்கப்படுகிறது.
JBL லைவ் ப்ரோ பிளஸ் இயர்பட்ஸ் பிளாக் மற்றும் வைட் நிறங்களில் கிடைக்கிறது. இதன் விலை ரூ, 16,999 ஆகும். JBL லைவ் 660NC மாடல் பிளாக், வைட் மற்றும் புளூ நிறங்களில் கிடைக்கிறது. இதன் விலை ரூ. 12,999 ஆகும். இரு மாடல்களும் JBL ஆன்லைன் வலைதளம் மற்றும் சில்லறை விற்பனை மையங்களில் விற்பனை செய்யப்படுகின்றன.
போஸ்ட்பெயிட் சலுகையை போன்றே என்ட்ரி லெவல் பிரீபெயிட் சலுகையை ஏர்டெல் நிறுவனம் திடீரென நிறுத்தி இருக்கிறது.
ஏர்டெல் நிறுவனம் பிரீபெயிட் வாடிக்கையாளர்களுக்கு வழங்கிவந்த ரூ. 49 விலை என்ட்ரி லெவல் சலுகையை நீக்கி இருக்கிறது. அதன்படி ஏர்டெல் பிரீபெயிட் சலுகை துவக்க விலை தற்போது ரூ. 79 என மாறி இருக்கிறது. ரூ. 79 ஸ்மார்ட் ரீசார்ஜ் சலுகையில் இருமடங்கு டேட்டா, நான்கு மடங்கு அவுட்கோயிங் நிமிடங்கள் வழங்கப்படுகிறது.
முன்னதாக போஸ்ட்பெயிட் சலுகை விலையை ஏர்டெல் மாற்றியமைத்தது. தலைசிறந்த கனெக்டிவிட்டியை வழங்கும் நோக்கில் புதிய மாற்றங்களை மேற்கொள்வதாக ஏர்டெல் அறிவித்து இருக்கிறது. ஏர்டெல் என்ட்ரி லெவல் ரிசார்ஜ் சலுகைகளில் அக்கவுண்ட் பேலன்ஸ் பற்றிய கவலை இன்றி வாடிக்கையாளர்கள் நீண்ட நேரம் இணைப்பில் இருக்கலாம் என அந்நிறுவனம் மேலும் தெரிவித்து உள்ளது.
ரூ. 79 சலுகையில் வாடிக்கையாளர்களுக்கு ரூ. 64 டாக்டைம், 200 எம்.பி. டேட்டா, 28 நாட்கள் வேலிடிட்டியுடன் வழங்கப்படுகிறது. இதில் உள்ளூர் மற்றும் வெளியூர் அழைப்புகளுக்கு நொடிக்கு ஒரு பைசா கட்டணம் வசூலிக்கப்படுகிறது. முந்தைய ரூ. 49 சலுகையில் ரூ. 38.52 டாக்டைம், 100 எம்.பி. டேட்டா, அழைப்புகளை மேற்கொள்ள நொடிக்கு 2.5 பைசா கட்டணம் வசூலிக்கப்பட்டது.
புதிய மாற்றம் காரணமாக ஏர்டெல் நிறுவனம் வாடிக்கையாளரிடம் இருந்து பெற்றுவந்த சராசரி வருவாய் அதிகரிக்கும். எனினும், குறைந்த விலை சலுகையை பெற்று வந்த வாடிக்கையாளர்களுக்கு இனி ரூ. 30 கூடுதல் செலவாகும். இந்த மாற்றம் ஜூலை 28 ஆம் அமலுக்கு வந்தது.
ஆப்பிள் நிறுவனம் மூன்றாவது காலாண்டிற்கான வருவாய் அறிக்கையை வெளியிட்டு இருக்கிறது.
ஆப்பிள் நிறுவனத்தின் கடந்த காலாண்டு வருவாய் அறிக்கை வெளியிடப்பட்டது. அதன்படி ஆப்பிள் நிறுவனத்தின் லாபம் இந்திய மதிப்பில் ரூ. 1,61,588 கோடிகளாக அதிகரித்து இருக்கிறது. ஐபோன் மற்றும் டிஜிட்டல் சேவைகளின் விற்பனையே இந்த வளர்ச்சிக்கு முக்கிய காரணமாக அமைந்துள்ளது.
ஆப்பிள் நிறுவன வருவாய் வருடாந்திர அடிப்படையில் 36 சதவீதம் அதிகரித்து இருக்கிறது. ஐபோன் வருவாய் 50 சதவீதம் அதிகரித்து இருக்கிறது. இவற்றுடன் மேக் மற்றும் ஐபேட் மாடல்களின் விற்பனையும் வருடாந்திர அடிப்படையில் அதிகரித்து இருக்கிறது.
அதிக பிரபலம் இல்லாத ஆப்பிள் நிறுவனத்தின் 'இதர பொருட்கள்' பரிவு விற்பனையும் வருடாந்திர அடிப்படையில் 40 சதவீதம் வளர்ச்சி பெற்று இருக்கிறது. இந்த பிரிவில் ஏர்பாட்ஸ் மற்றும் ஆப்பிள் வாட்ச் விற்பனையில் கணிசமான பங்குகளை பெற்றுள்ளன.
கொரோனா பெருந்தொற்றில் இருந்து உலகின் பல்வேறு நாடுகள் மெல்ல இயல்பு நிலைக்கு திரும்பி வருவது, ஊரடங்கில் தளர்வுகள் அறிவிக்கப்படுவதே ஆப்பிள் நிறுவனத்தின் விற்பனை வளர்ச்சிக்கு காரணமாக கூறப்படுகிறது. இத்துடன் புது ஸ்மார்ட்போன் வாங்குவோரில் பலர் 5ஜி சாதனங்களை வாங்க திட்டமிட்டதும் ஐபோன் விற்பனை வளர்ச்சிக்கு காரணம் ஆகும்.
நத்திங் நிறுவனத்தின் முதல் வயர்லெஸ் இயர்போனில் ஆக்டிவ் நாய்ஸ் கேன்சலேஷன் வசதி வழங்கப்பட்டு இருக்கிறது.
லண்டனை சேர்ந்த நுகர்வோர் தொழில்நுட்ப நிறுவனமான நத்திங் இந்தியாவில் இயர் 1 ட்ரூ வயர்லெஸ் இயர்பட்ஸ்-ஐ அறிமுகம் செய்தது. இந்த இயர்போன் முற்றிலும் டிரான்ஸ்பேரண்ட் டிசைன் கொண்டிருக்கிறது. இதன் காரணமாக இயர்பட்ஸ் எவ்வாறு செயல்படுகிறது என்பதை தெளிவாக பார்க்க முடிகிறது.
நத்திங் இயர் 1 ட்ரூ வயர்லெஸ் இயர்பட்ஸ் 11.6 எம்எம் டிரைவர், ப்ளூடூத் 5.2 கனெக்டிவிட்டி, ஆக்டிவ் நாய்ஸ் கேன்சலேஷன் போன்ற அம்சங்களை கொண்டிருக்கிறது. இதன் இயர்பட் ஒவ்வொன்றும் 4.7 கிராம் எடை கொண்டிருக்கிறது. இவை காதுகளில் சவுகரியமாக பொருந்திக் கொள்ளும் வகையிலும், நீண்ட நேர பயன்பாட்டிற்கு உகந்ததாகவும் வடிவமைக்கப்பட்டு இருக்கிறது. இத்துடன் மூன்றுவித அளவுகளில் லிக்விட் சிலிகான் டிப்கள் வழங்கப்படுகின்றன.
இயர் 1 மாடலில் உள்ள மூன்று உயர் ரக மைக் கொண்டு ஆக்டிவ் நாய்ஸ் கேன்சலேஷன் அம்சம் செயல்படுத்தப்படுகிறது. இந்த இயர்போனில் லைட் மோட் மற்றும் மேக்சிமம் மோட் உள்ளன. இவை முறையே வெளிப்புற சத்தத்தை குறைவாகவும், முழுமையாகவும் கட்டுப்படுத்தும் திறன் கொண்டிருக்கின்றன. மேலும் இதில் உள்ள க்ளியர் வாய்ஸ் தொழில்நுட்பம் பேக்கிரவுண்டு சத்தத்தை குறைக்கிறது.
இவற்றுடன் பைன்ட் மை இயர்பட், இ.க்யூ., ஆக்டிவ் நாய்ஸ் கேன்சலேஷன், ஜெஸ்ட்யூர் கண்ட்ரோல் கஸ்டமைசேஷன், வாட்டர் மற்றும் ஸ்பிலாஷ் ரெசிஸ்டண்ட் போன்ற அம்சங்களை கொண்டிருக்கிறது. இதில் உள்ள பேட்டரி 5.7 மணி நேர பேக்கப் வழங்குகிறது. இதன் சார்ஜிங் கேஸ் சேர்க்கும் பட்சத்தில் 34 மணி நேரத்திற்கு பேக்கப் கிடைக்கிறது. இதில் உள்ள அல்ட்ரா பாஸ்ட் சார்ஜிங் பத்து நிமிடங்கள் சார்ஜ் செய்தால் 8 மணி நேரத்திற்கு பேக்கப் வழங்குகிறது.
இந்தியாவில் நத்திங் இயர் 1 விலை ரூ. 5,999 ஆகும். இதன் விற்பனை ப்ளிப்கார்ட் தளத்தில் ஆகஸ்ட் 17 ஆம் தேதி துவங்குகிறது. புதிய நத்திங் இயர் 1 இந்தியா மட்டுமின்றி அமெரிக்கா, ஐரோப்பியா மற்றும் பிரிட்டனிலும் அறிமுகமாகி இருக்கிறது.
ZTE நிறுவனத்தின் ஆக்சன் 30 5ஜி ஸ்மார்ட்போனில் இரண்டாம் தலைமுறை அன்டர் டிஸ்ப்ளே கேமரா வழங்கப்பட்டு இருக்கிறது.
ZTE நிறுவனம் ஆக்சன் 30 5ஜி ஸ்மார்ட்போனினை சீன சந்தையில் அறிமுகம் செய்துள்ளது. இது இரண்டாம் தலைமுறை அன்டர் டிஸ்ப்ளே கேமரா கொண்ட முதல் ஸ்மார்ட்போன் ஆகும். தற்போது சீன சந்தையில் அறிமுகமாகி இருக்கும் நிலையில், இதன் சர்வதேச வெளியீட்டையும் ZTE உறுதிப்படுத்தி இருக்கிறது.
அம்சங்களை பொருத்தவரை ஆக்சன் 30 5ஜி மாடலில் 6.92 இன்ச் FHD AMOLED ஸ்கிரீன், 120 ஹெர்ட்ஸ் ரிப்ரெஷ் ரேட் கொண்டிருக்கிறது. இந்த ஸ்மார்ட்போன் 6 ஜிபி ரேம்+128 ஜிபி மெமரி, 8 ஜிபி ரேம்+128 ஜிபி மெமரி, 8 ஜிபி ரேம்+256 ஜிபி மெமரி மற்றும் 12 ஜிபி+256 ஜிபி மெமரி வேரியண்ட்களில் கிடைக்கிறது.
புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் கேமரா, 16 எம்பி செல்பி கேமரா வழங்கப்பட்டு இருக்கிறது. இதில் உள்ள அல்ட்ரா வைடு ஆங்கில் லென்ஸ் 3CM மேக்ரோ புகைப்படங்களை எடுக்கும் திறன் கொண்டிருக்கிறது. இந்த ஸ்மார்ட்போனில் 4200 எம்.ஏ.ஹெச். பேட்டரி, 55 வாட் பாஸ்ட் சார்ஜிங், பவர் டெலிவரி, குவிக் சார்ஜ் 4+ வழங்கப்பட்டு இருக்கிறது.
ZTE ஆக்சன் 30 5ஜி ஸ்மார்ட்போன் குவால்காம் ஸ்னாப்டிராகன் 870ஜி பிராசஸர் கொண்டிருக்கிறது. இந்த ஸ்மார்ட்போனில் மைஒஎஸ் 11 சார்ந்த ஆண்ட்ராய்டு 11 ஒ.எஸ். வழங்கப்பட்டு இருக்கிறது.
ரியல்மி நிறுவனம் தனது புது ஸ்மார்ட்போனிற்கான டீசரை வெளியிட்டு உள்ளது. இதன் விவரங்களை பார்ப்போம்.
ரியல்மி பிளாஷ் ஸ்மார்ட்போன் விரைவில் இந்தியாவில் அறிமுகமாகும் என ரியல்மி இந்தியா தலைமை செயல் அதிகாரி மாதவ் சேத் தெரிவித்து இருக்கிறார். இது மேக்னடிக் வயர்லெஸ் சார்ஜிங் வசதி கொண்ட உலகின் முதல் ஆண்ட்ராய்டு ஸ்மார்ட்போன் ஆகும். முன்னதாக இந்த ஸ்மார்ட்போனின் பெயர் குறிப்பிடாமல் டீசரை மட்டும் ரியல்மி வெளியிட்டு இருந்தது.
புது ஸ்மார்ட்போன் வெளியீட்டை ரியல்மி தனது அதிகாரப்பூர்வ ட்விட்டர் பக்கத்தில் தெரிவித்து இருக்கிறது. இந்த ஸ்மார்ட்போனில் வழங்கப்படும் மேக்னடிக் வயர்லெஸ் சார்ஜிங் அம்சம் மேக்டார்ட் என அவைக்கப்பட இருக்கிறது. மேக்டார்ட் என்பது க்ளிப்-ஆன் அக்சஸரி ஆகும். இது ஏற்கனவே விற்பனை செய்யப்படும் ஆப்பிள் மேக்சேப் சாதனத்தை போன்றே செயல்படுகிறது.
மேக்டார்ட் சாதனத்துடன் கூலிங் பேன் ஒன்றும் வழங்கப்படுகிறது. இந்த பேன் யு.எஸ்.பி. டைப் சி கனெக்டர் கொண்டிருக்கிறது. இது சார்ஜிங்கின் போது ஸ்மார்ட்போன் அதிக சூடாகாமல் பார்த்துக் கொள்ள வழி செய்கிறது. தற்போதைய தகவல்களின்படி ரியல்மி பிளாஷ் ஸ்மார்ட்போன் குவால்காம் ஸ்னாப்டிராகன் 888 பிராசஸர், 12 ஜிபி ரேம், 256 ஜிபி மெமரி கொண்டிருக்கும் என தெரிகிறது.
சியோமியின் ரெட்மிபுக் லேப்டாப் இந்திய வெளியீட்டு தேதி அதிகாரப்பூர்வமாக அறிவிக்கப்பட்டு இருக்கிறது.
சியோமியின் ரெட்மிபுக் ஆகஸ்ட் 3 ஆம் தேதி இந்தியாவில் அறிமுகமாகிறது. சில தினங்களுக்கு முன் ரெட்மிபுக் இந்திய வெளியீட்டை உணர்த்தும் டீசரை சியோமி வெளியிட்டது. தற்போது இந்த மாடலின் வெளியீட்டு தேதி அறிவிக்கப்பட்டு இருக்கிறது. இது இந்தியாவில் வெளியாகும் முதல் ரெட்மி பிராண்டு லேப்டாப் ஆகும்.
எம்.ஐ. நோட்புக் சீரிஸ் மூலம் இந்திய லேப்டாப் சந்தையில் சியோமி நிறுவனம் கடந்த ஆண்டு களமிறங்கியது. தற்போது ரெட்மி பிராண்டு லேப்டாப்களும் இந்தியாவில் அறிமுகமாக இருக்கின்றன. இந்தியாவில் ரெட்மிபுக் மாடல்கள் விலை, சந்தையில் கடும் போட்டியை ஏற்படுத்தும் வகையில் நிர்ணயம் செய்யப்படும் என தெரிகிறது.
ஏற்கனவே பல்வேறு ரெட்மிபுக் மாடல்கள் சீனாவில் அறிமுகமாகி இருப்பதால், இந்தியாவில் எந்த மாடல் அறிமுகமாகும் என்பது கேள்விக்குறியாகவே உள்ளது.
நோக்கியா XR20 ஹெச்.எம்.டி. குளோபல் நிறுவனத்தின் முதல் ரக்கட் ஸ்மார்ட்போனாக அறிமுகமாகி இருக்கிறது.
ஹெச்.எம்.டு. குளோபல் நிறுவனத்தின் நோக்கியா XR20 ரக்கட் ஸ்மார்ட்போன் அறிமுகமாகி இருக்கிறது. வாட்டர் ப்ரூப் வசதி கொண்ட புதிய நோக்கியா ஸ்மார்ட்போன் MIL-STD-810H மிலிட்டரி தர உறுதித்தன்மை கொண்டுள்ளது. அம்சங்களை பொருத்தவரை நோக்கியா XR20 மாடலில் 6.67 இன்ச் FHD+ பன்ச் ஹோல் டிஸ்ப்ளே, கார்னிங் கொரில்லா விக்டஸ் வழங்கப்பட்டு இருக்கிறது.
இத்துடன் ஸ்னாப்டிராகன் 480 5ஜி பிராசஸர், ஆண்ட்ராய்டு 11 ஒஎஸ், 48 எம்பி பிரைமரி கேமரா, 13 எம்பி அல்ட்ரா வைடு கேமரா, 8 எம்பி செல்பி கேமரா வழங்கப்பட்டு உள்ளது. இந்த ஸ்மார்ட்போனிற்கு மூன்று ஆண்டுகளுக்கு மென்பொருள் அப்டேட் மற்றும் மூன்று ஆண்டுகளுக்கு செக்யூரிட்டி அப்டேட்கள் வழங்கப்படுகிறது.
நோக்கியா XR20 அம்சங்கள்
- 6.67 இன்ச் 2400x1080 பிக்சல் FHD+ 20:9 டிஸ்ப்ளே
- கார்னிங் கொரில்லா கிளாஸ் விக்டஸ் பாதுகாப்பு
- ஆக்டாகோர் ஸ்னாப்டிராகன் 480 8nm பிராசஸர்
- அட்ரினோ 619 GPU
- 4 ஜிபி LPDDR4x ரேம், 64 ஜிபி (UFS 2.1) மெமரி
- 6 ஜிபி LPDDR4x ரேம், 128 ஜிபி (UFS 2.1) மெமரி
- மெமரியை கூடுதலாக நீட்டிக்கும் வசதி
- ஹைப்ரிட் டூயல் சிம்
- ஆண்ட்ராய்டு 11
- 48 எம்பி பிரைமரி கேமரா, ƒ/1.79, LED பிலாஷ், ZEISS ஆப்டிக்ஸ்
- 13 எம்பி 123° அல்ட்ரா வைடு கேமரா, f/2.4, OZO ஆடியோ
- 8 எம்பி செல்பி கேமரா, f/2.0
- பக்கவாட்டில் கைரேகை சென்சார்
- கூகுள் அசிஸ்டண்ட் பட்டன்
- 3.5mm ஆடியோ ஜாக், OZO பிளேபேக்
- வாட்டர் ரெசிஸ்டண்ட் (IP68), MIL-STD 810H சான்று
- 5ஜி SA/NSA, டூயல் 4ஜி வோல்ட்இ, வைபை, ப்ளூடூத் 5.1
- யு.எஸ்.பி. டைப் சி
- 4630 எம்.ஏ.ஹெச். பேட்டரி
- 15 வாட் Qi வயர்லெஸ் சார்ஜிங்
நோக்கியா XR20 ஸ்மார்ட்போன் கிரானைட் மற்றும் அல்ட்ரா புளூ நிறங்களில் கிடைக்கிறது. இதன் இந்திய வெளியீடு குறித்து இதுவரை எந்த தகவலும் இல்லை.
மோட்டோரோலா நிறுவனத்தின் எட்ஜ் 20 சீரிஸ் ஸ்மார்ட்போன்களில் 108 எம்பி பிரைமரி கேமரா சென்சார்கள் வழங்கப்படுகின்றன.
மோட்டோரோலா நிறுவனத்தின் எட்ஜ் 20 சீரிஸ் ஸ்மார்ட்போன்கள் ஆகஸ்ட் 5 ஆம் தேதி அறிமுகம் செய்யப்பட இருக்கின்றன. முதற்கட்டமாக புதிய மோட்டோ ஸ்மார்ட்போன்கள் சீன சந்தையில் அறிமுகமாகின்றன. புதிய மோட்டோ எட்ஜ் மாடல்களில் 100 எம்.பி. பிரைமரி கேமரா சென்சார்கள் வழங்கப்பட இருக்கின்றன.
மோட்டோ எட்ஜ் 20 | எட்ஜ் 20 ப்ரோ எதிர்பார்க்கப்படும் அம்சங்கள்
- 6.67 இன்ச் 2400x1080 பிக்சல் FHD+ OLED 120Hz டிஸ்ப்ளே
- ஆக்டாகோர் ஸ்னாப்டிராகன் 778 5ஜி (எட்ஜ் 20) | ஸ்னாப்டிராகன் 870 பிராசஸர் (எட்ஜ் 20 ப்ரோ)
- அட்ரினோ 642L GPU (எட்ஜ் 20) | அட்ரினோ 650 GPU (எட்ஜ் 20 ப்ரோ)
- 6 ஜிபி / 8 ஜிபி / 12 ஜிபி ரேம் (எட்ஜ் 20 ப்ரோ )
- 128 ஜிபி / 256 ஜிபி மெமரி
- ஆண்ட்ராய்டு 11
- டூயல் சிம் ஸ்லாட்
- 108 எம்பி பிரைமரி கேமரா
- 16 எம்பி அல்ட்ரா வைடு கேமரா
- 8 எம்பி டெலிபோட்டோ கேமரா
- 32 எம்பி செல்பி கேமரா
- பக்கவாட்டில் கைரேகை சென்சார் | இன் டிஸ்ப்ளே கைரேகை சென்சார் (எட்ஜ் 20 ப்ரோ)
- 3.5mm ஆடியோ ஜாக்
- 5ஜி SA/NSA, டூயல் 4ஜி வோல்ட்இ, வைபை, ப்ளூடூத் 5.2
- யு.எஸ்.பி. டைப் சி
- 4000 எம்.ஏ.ஹெச். பேட்டரி | 4500 எம்.ஏ.ஹெச். பேட்டரி (எட்ஜ் 20 ப்ரோ)
- 33 வாட் பாஸ்ட் சார்ஜிங்
மோட்டோ எட்ஜ் 20 ஸ்மார்ட்போன் எமரால்டு ஸ்டவுட், வைட் நிறங்களிலும் மோட்டோ எட்ஜ் 20 ப்ரோ மாடல் பிளாக், வைட் மற்றும் புளூ நிறங்களிலும் கிடைக்கிறது. முந்தைய தகவல்களில் மோட்டோ எட்ஜ் 20 ஸ்மார்ட்போன் சர்வதேச சந்தையிலும், எட்ஜ் 20 ப்ரோ ஆசியா, ஐரோப்பியா, ஆஸ்திரேலியா, லத்தீன் அமெரிக்கா மற்றும் இந்தியா போன்ற சந்தைகளிலும் அறிமுகமாக இருப்பதாக கூறப்பட்டது.
மைக்ரோமேக்ஸ் நிறுவனம் இந்திய சந்தையில் புதிய ஸ்மார்ட்போனினை விரைவில் அறிமுகம் செய்ய இருக்கிறது.
மைக்ரோமேக்ஸ் நிறுவனம் இன் பிராண்டு ஸ்மார்ட்போன்களை இந்த ஆண்டு துவக்கத்தில் அறிமுகம் செய்தது. தற்போது மற்றொரு இன் சீரிஸ் ஸ்மார்ட்போனை வெளியிடும் பணிகளில் மைக்ரோமேக்ஸ் ஈடுபட்டு வருகிறது. புதிய மைக்ரோமேக்ஸ் ஸ்மார்ட்போன் விவரங்கள் பென்ச்மார்க் வலைதளங்களில் வெளியாகி உள்ளது. இந்த ஸ்மார்ட்போன் இன் 2 அல்லது இன் நோட் 2 என அழைக்கப்படலாம்.
கீக்பென்ச் தள விவரங்களின்படி புதிய மைக்ரோமேக்ஸ் ஸ்மார்ட்போன் E7446 எனும் மாடல் நம்பர் கொண்டிருக்கும் என தெரியவந்துள்ளது. மேலும் இந்த ஸ்மார்ட்போனில் மீடியாடெக் ஹீலியோ ஜி95 பிராசஸர், 4 ஜிபி ரேம் வழங்கப்படுகிறது. இத்துடன் ஆண்ட்ராய்டு 11 ஒஎஸ், புகைப்படங்களை எடுக்க 64 எம்பி பிரைமரி கேமரா வழங்கப்படுகிறது.
இவைதவிர புது ஸ்மார்ட்போனின் மற்ற அம்சங்கள் வெளியாகவில்லை. மைக்ரோமேக்ஸ் நிறுவனம் புதிய ஸ்மார்ட்போன் ஒன்றை ஜூலை 30 ஆம் தேதி அறிமுகம் செய்ய இருக்கிறது. இந்த ஸ்மார்ட்போன் மைக்ரோமேக்ஸ் இன் 2பி அல்லது இன் 1பி மாடல்களின் மேம்பட்ட வெர்ஷனாக இருக்கும் என கூறப்படுகிறது. வரும் நாட்களில் புது ஸ்மார்ட்போனின் கூடுதல் விவரங்கள் வெளியாகும் என எதிர்பார்க்கலாம்.
அமேசான் பிரைம் டே சேல் 2021 சிறப்பு விற்பனையில் ஸ்மார்ட்போன்களுக்கு சிறப்பு தள்ளுபடி வழங்கப்படுகிறது.
அமேசான் பிரைம் டே சேல் 2021 துவங்கி நடைபெற்று வருகிறது. அமேசானில் பிரைம் சந்தாதாரர்களுக்கு மட்டும் நடைபெறும் இந்த சிறப்பு விற்பனையில் பல்வேறு பொருட்களுக்கும் சிறப்பு சலுகைகள் வழங்கப்படுகின்றன. அந்த வகையில் ஸ்மார்ட்போன் மாடல்களுக்கு அறிவிக்கப்பட்டு இருக்கும் சலுகை விவரங்களை தொடர்ந்து பார்ப்போம்.
சாம்சங் கேலக்ஸி எம்31எஸ் - அமேசானில் கேலக்ஸி எம்31எஸ் வாங்குவோருக்கு ஒன்பது மாதங்கள் வரை வட்டியில்லா மாத தவணை முறை வசதி வழங்கப்படுகிறது. இந்தியாவில் இதன் 6 ஜிபி + 128 ஜிபி மாடல் விலை ரூ. 15,499 ஆகும்.
எம்ஐ 11எக்ஸ் 5ஜி - சியோமி எம்ஐ 11எக்ஸ் 5ஜி 6 ஜிபி + 128 ஜிபி மாடல் 18 மாதங்களுக்கு வட்டியில்லா மாத தவணை முறை வசதி வழங்கப்படுகிறது. மேலும் சிறப்பு சலுகையில் எம்ஐ 11எக்ஸ் 5ஜி விலை ரூ. 27,999 என மாற்றப்பட்டு இருக்கிறது. முன்னதாக இந்த ஸ்மார்ட்போனின் விலை ரூ. 33,999 என நிர்ணயம் செய்யப்பட்டு இருந்தது குறிப்பிடத்தக்கது.
ஒன்பிளஸ் 9 - அமேசான் பிரைம் டே விற்பனையில் ஒன்பிளஸ் 9 ஸ்மார்ட்போன் ரூ. 49,999 விலையிலும், ஸ்மார்ட்போனை எக்சேன்ஜ் செய்யும் போது கூடுதலாக ரூ. 4 ஆயிரம் தள்ளுபடியும் வழங்கப்படுகிறது.
கேலக்ஸி எம்42 5ஜி - சாம்சங் நிறுவனத்தின் கேலக்ஸி எம்42 5ஜி மாடல் விலை ரூ. 21,999 என மாற்றப்பட்டு இருக்கிறது. மேலும் இந்த ஸ்மார்ட்போனிற்கு ஒன்பது மாதங்களுக்கு வட்டியில்லா மாத தவணை முறை வசதி வழங்கப்பட்டு இருக்கிறது.
ஒன்பிளஸ் 9 ஆர் 5ஜி - அமேசான் பிரைம் டே சேல் விற்பனையில் ஒன்பிளஸ் 9 ஆர் 5ஜி மாடல் ரூ. 39,999 சிறப்பு விலையில் விற்பனை செய்யப்படுகிறது. மேலும் புது ஸ்மார்ட்போனை எக்சேன்ஜ் செய்யும் போது ரூ. 5 ஆயிரம் கூடுதல் தள்ளுபடி வழங்கப்படுகிறது.
ஐகூ நிறுவனத்தின் புதிய ஐகூ 7 5ஜி ஸ்மார்ட்போன் இந்திய சந்தையில் புது நிறத்தில் அறிமுகமாகி இருக்கிறது.
ஐகூ நிறுவனம் தனது ஐகூ 7 5ஜி ஸ்மார்ட்போனினை ஏப்ரல் மாத வாக்கில் இந்திய சந்தையில் அறிமுகம் செய்தது. முதலில் இந்த ஸ்மார்ட்போன் சாலிட் ஐஸ் புளூ மற்றும் ஸ்டாம் பிளாக் நிறங்களில் மட்டுமே அறிமுகமானது. தற்போது இந்த ஸ்மார்ட்போனின் மான்ஸ்டர் ஆரஞ்சு நிற வேரியண்ட் இந்தியாவில் அறிமுகமாகி இருக்கிறது.
ஐகூ 7 5ஜி மான்ஸ்டர் ஆரஞ்சு நிற வேரிண்ட் அமேசான் மற்றும் ஐகூ வலைதளங்களில் ஜூலை 26 ஆம் தேதி விற்பனைக்கு வருகிறது. இதன் 8 ஜிபி + 128 ஜிபி மாடல் விலை ரூ. 31,990 என நிர்ணயம் செய்யப்பட்டு உள்ளது. அம்சங்களை பொருத்தவரை ஐகூ 7 5ஜி மாடலில் 6.62 இன்ச் புல் ஹெச்டி பிளஸ் 120 ஹெர்ட்ஸ் டிஸ்ப்ளே, ஸ்னாப்டிராகன் 870 பிராசஸர், 5ஜி SA/NSA, லிக்விட் கூலிங் சிஸ்டம், அதிகபட்சம் 12 ஜிபி ரேம், 256 ஜிபி மெமரி வழங்கப்பட்டுள்ளது.
புகைப்படங்களை எடுக்க 48 எம்பி பிரைமரி கேமரா, 13 எம்பி அல்ட்ரா வைடு கேமரா, 2 எம்பி மோனோ டெப்த் சென்சார், 16 எம்பி பன்ச்-ஹோல் செல்பி கேமரா வழங்கப்பட்டு இருக்கிறது. மேலும் இந்த ஸ்மார்ட்போன் இன் டிஸ்ப்ளே கைரேகை சென்சார், 4400 எம்ஏஹெச் பேட்டரி, 66 வாட் வயர்டு பாஸ்ட் சார்ஜிங் போன்ற அம்சங்களை கொண்டிருக்கிறது.
ஐகூ 7 அம்சங்கள்
- 6.62 இன்ச் 2400x1080 பிக்சல் FHD+ AMOLED 20:9 HDR10+, 120Hz டிஸ்ப்ளே
- ஆக்டாகோர் ஸ்னாப்டிராகன் 870 பிராசஸர்
- அட்ரினோ 650 GPU
- 8 ஜிபி LPDDR5 ரேம், 128 ஜிபி / 256 ஜிபி (UFS 3.1) மெமரி
- 12 ஜிபி LPDDR5 ரேம், 256 ஜிபி (UFS 3.1) மெமரி
- ஆண்ட்ராய்டு 11 மற்றும் பன்டச் ஒஎஸ் 11.1
- டூயல் சிம் ஸ்லாட்
- 48 எம்பி பிரைமரி கேமரா, f/1.79, LED பிளாஷ், OIS
- 13 எம்பி 120° அல்ட்ரா வைடு சென்சார், f/2.2
- 2 எம்பி மோனோ சென்சார், f/2.4
- 16 எம்பி செல்பி கேமரா, f/2.0
- இன் டிஸ்ப்ளே கைரேகை சென்சார்
- யு.எஸ்.பி. டைப் சி ஆடியோ, ஹை-பை, ஆடியோ
- 5ஜி SA/NSA, டூயல் 4ஜி வோல்ட்இ, வைபை, ப்ளூடூத் 5.1
- யு.எஸ்.பி. டைப் சி
- 4,400 எம்.ஏ.ஹெச். பேட்டரி
- 66 வாட் சூப்பர்பாஸ்ட் பிளாஷ் சார்ஜிங்
ஐகூ 7 5ஜி மான்ஸ்டர் ஆரஞ்சு நிற வேரிண்ட் அமேசான் மற்றும் ஐகூ வலைதளங்களில் ஜூலை 26 ஆம் தேதி விற்பனைக்கு வருகிறது. இதன் 8 ஜிபி + 128 ஜிபி மாடல் விலை ரூ. 31,990 என நிர்ணயம் செய்யப்பட்டு உள்ளது. அம்சங்களை பொருத்தவரை ஐகூ 7 5ஜி மாடலில் 6.62 இன்ச் புல் ஹெச்டி பிளஸ் 120 ஹெர்ட்ஸ் டிஸ்ப்ளே, ஸ்னாப்டிராகன் 870 பிராசஸர், 5ஜி SA/NSA, லிக்விட் கூலிங் சிஸ்டம், அதிகபட்சம் 12 ஜிபி ரேம், 256 ஜிபி மெமரி வழங்கப்பட்டுள்ளது.
புகைப்படங்களை எடுக்க 48 எம்பி பிரைமரி கேமரா, 13 எம்பி அல்ட்ரா வைடு கேமரா, 2 எம்பி மோனோ டெப்த் சென்சார், 16 எம்பி பன்ச்-ஹோல் செல்பி கேமரா வழங்கப்பட்டு இருக்கிறது. மேலும் இந்த ஸ்மார்ட்போன் இன் டிஸ்ப்ளே கைரேகை சென்சார், 4400 எம்ஏஹெச் பேட்டரி, 66 வாட் வயர்டு பாஸ்ட் சார்ஜிங் போன்ற அம்சங்களை கொண்டிருக்கிறது.
ஐகூ 7 அம்சங்கள்
- 6.62 இன்ச் 2400x1080 பிக்சல் FHD+ AMOLED 20:9 HDR10+, 120Hz டிஸ்ப்ளே
- ஆக்டாகோர் ஸ்னாப்டிராகன் 870 பிராசஸர்
- அட்ரினோ 650 GPU
- 8 ஜிபி LPDDR5 ரேம், 128 ஜிபி / 256 ஜிபி (UFS 3.1) மெமரி
- 12 ஜிபி LPDDR5 ரேம், 256 ஜிபி (UFS 3.1) மெமரி
- ஆண்ட்ராய்டு 11 மற்றும் பன்டச் ஒஎஸ் 11.1
- டூயல் சிம் ஸ்லாட்
- 48 எம்பி பிரைமரி கேமரா, f/1.79, LED பிளாஷ், OIS
- 13 எம்பி 120° அல்ட்ரா வைடு சென்சார், f/2.2
- 2 எம்பி மோனோ சென்சார், f/2.4
- 16 எம்பி செல்பி கேமரா, f/2.0
- இன் டிஸ்ப்ளே கைரேகை சென்சார்
- யு.எஸ்.பி. டைப் சி ஆடியோ, ஹை-பை, ஆடியோ
- 5ஜி SA/NSA, டூயல் 4ஜி வோல்ட்இ, வைபை, ப்ளூடூத் 5.1
- யு.எஸ்.பி. டைப் சி
- 4,400 எம்.ஏ.ஹெச். பேட்டரி
- 66 வாட் சூப்பர்பாஸ்ட் பிளாஷ் சார்ஜிங்
×