தொழில்நுட்பம்

ஒப்போ நிறுவனம் தனது A58 ஸ்மார்ட்போனினை சத்தமின்றி இந்திய சந்தையில் அறிமுகம் செய்தது. முன்னதாக இந்த ஸ்மார்ட்போன் சீன சந்தையில் அறிமுகம் செய்யப்பட்ட நிலையில், தற்போது இந்தியாவில் அறிமுகம் செய்யப்பட்டுள்ளது. இத்துடன் 6.72 இன்ச் FHD+ ஸ்கிரீன், மீடியாடெக் ஹீலியோ ஜி85 பிராசஸர், அதிகபட்சம் 6 ஜிபி ரேம், 6 ஜிபி வரை விர்ச்சுவல் ரேம், ஆண்ட்ராய்டு 13 சார்ந்த கலர் ஒஎஸ் 13.1 வழங்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, 2MP போர்டிரெயிட் சென்சார், 8MP செல்ஃபி கேமரா வழங்கப்பட்டு உள்ளது. இதன் பின்புறம் குளோயிங் சில்க் டிசைன் உள்ளது. ஒப்போ குளோவின் புதுமைமிக்க டிசைன் மூலம் இது சில்க்-சாடின் ஃபினிஷ் கொண்டிருக்கிறது. இதன் பக்கவாட்டில் கைரேகை சென்சார் உள்ளது. இத்துடன் 5000 எம்ஏஹெச் பேட்டரி, 33 வாட் சூப்பர்வூக் பாஸ்ட் சார்ஜிங் வசதி வழங்கப்படுகிறது.

ஒப்போ A58 அம்சங்கள்:

6.72 இன்ச் 2400x1080 பிக்சல் FHD+ LCD ஸ்கிரீன்

ஆக்டாகோர் மீடியாடெக் ஹீலியோ ஜி85 பிராசஸர்

ARM மாலி-G52 2EEMC2 GPU

6 ஜிபி ரேம்

128 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு சார்ந்த கலர் ஒஎஸ் 13.1

டூயல் சிம் ஸ்லாட்

50MP பிரைமரி கேமரா

2MP போர்டிரெயிட் கேமரா

8MP செல்பி கேமரா

பக்கவாட்டில் கைரேகை சென்சார்

3.5mm ஆடியோ ஜாக், ஸ்டீரியோ ஸ்பீக்கர்கள்

5ஜி, டூயல் 4ஜி வோல்ட்இ, வைபை, ப்ளூடூத் 5.3

யுஎஸ்பி டைப் சி

5000 எம்ஏஹெச் பேட்டரி

33வாட் சூப்பர்வூக் பாஸ்ட் சார்ஜிங்

விலை மற்றும் விற்பனை விவரங்கள்:

ஒப்போ A58 ஸ்மார்ட்போன் குளோயிங் பிளாக் மற்றும் டேஸ்லிங் கிரீன் நிறங்களில் கிடைக்கிறது. இதன் விலை ரூ. 14 ஆயிரத்து 999 என்று நிர்ணயம் செய்யப்பட்டு உள்ளது. விற்பனை ப்ளிப்கார்ட் வலைதளத்தில் ஏற்கனவே துவங்கி நடைபெற்று வருகிறது. இத்துடன் ரூ. 1500 வங்கி தள்ளுபடி வழங்கப்படுகிறது.

சாம்சங் நிறுவனத்தின் இரண்டு புதிய மானிட்டர்கள் அறிமுகம் செய்யப்பட்டு உள்ளன. வியூபினிட்டி S8 மற்றும் S9 சீரிஸ் மாடல்களை சமீபத்தில் அறிமுகம் செய்த சாம்சங் தற்போது, வியூபினிட்டி S65UC மற்றும் வியூபினிட்டி S65VC மாடல்களை அறிமுகம் செய்து இருக்கிறது. இரண்டு மானிட்டர்களும் கிரியேடிவ் துறையில் பணியாற்றுவோரை குறிவைத்து அறிமுகம் செய்யப்பட்டு உள்ளது.

இரண்டு மானிட்டர்களிலும் 34 இன்ச் VC வளைந்த பேனல் மற்றும் 1000r ரேடியஸ் கொண்டிருக்கிறது. இந்த மானிட்டர் 3440x1440 பிக்சல் ரெசல்யூஷன் கொண்டிருக்கிறது. இந்த மானிட்டர் அதிகபட்சம் 100Hz வரையிலான ரிப்ரெஷ் ரேட் கொண்டிருக்கிறது. இத்துடன் 5 வாட் பில்ட்-இன் ஸ்பீக்கர்கள் உள்ளன. இதன் டிஸ்ப்ளேக்களில் 1.07 பில்லியன் நிறங்களை சப்போர்ட் செய்கிறது. 

கேமிங் பிரியர்களுக்காக AMD FreeSync சப்போர்ட் வழங்கப்படுகிறது. இது கேம்பிளேவின் போது ஸ்கிரீன் ஸ்டட்டர் ஆவதை குறைக்கிறது. மற்ற அம்சங்களை பொருத்தவரை ஐ சேவர் மோட், ஃப்ளிக்கர் - ஃபிரீ தொழில்நுட்பம் வழங்கப்படுகிறது. இதன் மூலம் நீண்ட நேர பயன்பாடுகளின் போதும் கண்களில் சோர்வு ஏற்படுவது குறைக்கப்படுகிறது.

இத்துடன் பிக்சர்-இன்-பிக்சர் மற்றும் பிக்சர்-பை-பிக்சர் அம்சங்கள் வழங்கப்படுகிறது. இத்துடன் இமேஜ்சைஸ், ஆஃப் டைமர் பிளஸ், HDR10 பிளஸ், ஆட்டோ சோர்ஸ் ஸ்விட்ச் பிளஸ், அடாப்டிவ் பிக்சர் மற்றும் KYM ஸ்விட்ச் வசதிகள் வழங்கப்படுகின்றன.

கனெக்டிவிட்டிக்கு 1x 1.2EA டிஸ்ப்ளே போர்ட், 1x HMDI மற்றும் ஹெட்போன் போர்ட்கள் உள்ளன. இத்துடன் யுஎஸ்பி போர்ட்கள், யுஎஸ்பி சி போர்ட், மற்றும் LAN நெட்வொர்க் கனெக்ஷன் வசதியும் வழங்கப்படுகிறது. இரண்டு புதிய மானிட்டர்களும் இம்மாத இறுதியில் ஜெர்மனியில் விற்பனைக்கு வருகிறது. இதன் விலை மற்றும் இந்திய வெளியீடு பற்றி இதுவரை எந்த தகவலும் இல்லை.

சாம்சங் நிறுவனம் இந்திய சந்தையில் தனது கேலக்ஸி F34 5ஜி ஸ்மார்ட்போனினை அறிமுகம் செய்தது. புதிய கேலக்ஸி F34 5ஜி மாடலில் 6.46 இன்ச் FHD+ 120Hz சூப்பர் AMOLED ஸ்கிரீன், 13MP செல்ஃபி கேமரா, எக்சைனோஸ் 1280 பிராசஸர், அதிகபட்சம் 8 ஜிபி ரேம் வழங்கப்பட்டு இருக்கிறது.

இத்துடன் ஆண்ட்ராய்டு 13 சார்ந்த ஒன் யுஐ 5.1 வழங்கப்படுகிறது. இந்த ஸ்மார்ட்போனிற்கு நான்கு தலைமுறை ஒ.எஸ். அப்கிரேடுகள், ஐந்து ஆண்டுகளுக்கு செக்யுரிட்டி அப்டேட்கள் வழங்கப்படுகிறது. மேலும் 50MP பிரைமரி கேமரா, OIS, 8MP அல்ட்ரா வைடு கேமரா, 2MP மேக்ரோ லென்ஸ் வழங்கப்பட்டு இருக்கிறது.

சாம்சங் கேலக்ஸி F34 5ஜி அம்சங்கள்:

6.46 இன்ச் FHD+ 1080x2340 பிக்சல் சூப்பர் AMOLED 120Hz டிஸ்ப்ளே

கார்னிங் கொரில்லா கிளாஸ் 5 பாதுகாப்பு

எக்சைனோஸ் 1280 ஆக்டாகோர் பிராசஸர்

மாலி G68 GPU

6 ஜிபி, 8 ஜிபி ரேம்

128 ஜிபி மெமரி

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

50MP பிரைமரி கேமரா, OIS

8MP அல்ட்ரா வைடு ஆங்கில் கேமரா

2MP மேக்ரோ கேமரா, எல்இடி பிலாஷ்

13MP செல்பி கேமரா

பக்கவாட்டில் கைரேகை சென்சார்

யுஎஸ்பி டைப் சி ஆடியோ, டால்பி அட்மோஸ்

5ஜி, டூயல் 4ஜி வோல்ட்இ, வைபை 6, ப்ளூடூத் 5.2

யுஎஸ்பி டைப் சி

6000 எம்ஏஹெச் பேட்டரி

25 வாட் பாஸ்ட் சார்ஜிங்

விலை மற்றும் விற்பனை விவரங்கள்:

சாம்சங் கேலக்ஸி F34 5ஜி ஸ்மார்ட்போன் எலெக்ட்ரிக் பிளாக் மற்றும் மிஸ்டிக் கிரீன் என இரண்டு நிறங்களில் கிடைக்கிறது. இதன் 6 ஜிபி ரேம், 128 ஜிபி மெமரி மாடல் விலை ரூ. 18 ஆயிரத்து 999 என்றும் 8 ஜிபி ரேம், 128 ஜிபி மெமரி மாடல் விலை ரூ. 20 ஆயிரத்து 999 என்று நிர்ணயம் செய்யப்பட்டு உள்ளது. விற்பனை ஆகஸ்ட் 12 ஆம் தேதி துவங்குகிறது. முன்பதிவு ஏற்கனவே துவங்கி நடைபெற்று வருகிறது.

ஆப்பிள் நிறுவனத்தின் பல்வேறு சாதனங்கள் தொழில்நுட்ப துறையை திரும்பி பார்க்க செய்திருக்கின்றன. சமீபத்தில் ஆப்பிள் நிறுவனத்தின் ஒரிஜினல் ஐபாட் மாடல் அதிக விலைக்கு ஏலத்தில் விற்பனை செய்யப்பட்டு உள்ளது. 2001-ம் ஆண்டு அறிமுகம் செய்யப்பட்ட ஐபாட் மாடல் திறக்கப்படாத நிலையில் ஏலத்திற்கு விற்பனைக்கு வந்தது.

இதனை ரேலி என்ற நிறுவனம் விற்பனை செய்திருக்கிறது. ஏலத்தில் பங்கேற்றவர் திறக்கப்படாத நிலையில் இருந்த ஒரிஜினல் ஐபாட் மாடலை 29 ஆயிரம் டாலர்கள், இந்திய மதிப்பில் ரூ. 24 லட்சம் கொடுத்து வாங்கி இருக்கிறார். ரேலி என்ற தளம் பயனர்கள் மதிப்பு மிக்க பொருட்களை வாங்க வழி செய்கிறது. 2021-ம் ஆண்டு இந்த ஐபாட் மாடல் 5 ஆயிரம் பங்குகளாக பிரிக்கப்பட்டு ஒரு பங்கின் விலை 5 டாலர்கள் என்று நிர்ணயம் செய்யப்பட்டது.

தற்போது இந்த ஐபாட்-ஐ விற்பனை செய்ய 61.98 சதவீதம் பங்குதாரர்கள் ஒப்புதல் அளித்தனர். இத்தனை விலை கொடுத்து ஒரிஜினல் ஐபாட் மாடலை யார் ஏலத்தில் வாங்கினார்கள் என்ற விவரங்கள் ரகசியமாக வைக்கப்பட்டுள்ளன. அறிமுகத்தின் போது இந்த ஐபாட் மாடல் போர்டபில் மியூசிக் பிளேயர்கள் பிரிவில் பெரும் புரட்சியை ஏற்படுத்தியது.

ஒரிஜினல் ஐபாட் மாடலை ஸ்டீவ் ஜாப்ஸ் அறிமுகம் செய்தார். மெல்லிய டிசைன், பல்வேறு புதுமை மிக்க அம்சங்கள் (அன்றைய தேதிக்கு) உள்ளிட்டவை இசை பிரியர்களை பெரிதும் கவர்ந்தது. அன்று இதன் விலை 399 டாலர்கள் என்று நிர்ணயம் செய்யப்பட்டது. அறிமுகம் செய்யப்பட்டதும், அதிகம் பேர் வாங்கியதால் பிரபலமான சாதனமாக இது மாறியது.

5ஜி கனெக்டிவிட்டி கொண்ட உலகின் முதல் ரக்கட் டேப்லெட்- ஔகிடெல் RT7 டைட்டன் 5ஜி அறிமுகம் செய்யப்பட்டு இருக்கிறது. ஆன்ட்ராய்டு 13 ஒஎஸ் கொண்டிருக்கும் ஔகிடெல் RT7 டைட்டன் 5ஜி 32000 எம்ஏஹெச் பேட்டரி கொண்டிருக்கிறது. இந்த டேப்லெட் 2 ஆயிரத்து 720 மணி நேரத்திற்கு ஸ்டான்ட்-பை வழங்கும்.

பிரீமியம் ரக்கட்ட டேப்லெட் பிரிவில் நிலை நிறுத்தப்பட்டு இருக்கும் புதிய ஔகிடெல் RT7 டைட்டன் 5ஜி விரைவில் விற்பனைக்கு வர இருக்கிறது. மற்ற அம்சங்களை பொருத்தவரை இந்த மாடலில் அதிகபட்சம் 24 ஜிபி வரையிலான ரேம் (12 ஜிபி ரேம், 12ஜிபி வரை நீட்டிக்கும் வசதி), மீடியாடெக் டிமென்சிட்டி 720 5ஜி பிராசஸர், MIL-STD-810H சான்று பெற்று இருக்கிறது. இத்துடன் IP68 மற்றும் IP69K சான்று பெற்றுள்ளது.

இதில் வழங்கப்படும் 32000 எம்ஏஹெச் பேட்டரியை சார்ஜ் செய்ய 33 வாட் சார்ஜிங் வசதி, யுஎஸ்பி டைப் சி போர்ட் வழங்கப்படுகிறது. இத்துடன் 256 ஜிபி மெமரி, மெமரியை கூடுதலாக நீட்டிக்கும் வசதி, 48MP பிரைமரி கேமரா, 20MP நைட் விஷன் சென்சார் மற்றும் மேக்ரோ லென்ஸ் வழங்கப்படுகிறது.

புதிய ஔகிடெல் RT7 டைட்டன் 5ஜி மாடலின் விலை 999.97 டாலர்கள், இந்திய மதிப்பில் ரூ. 82 ஆயிரத்து 681 என்று நிர்ணயம் செய்யப்பட்டு உள்ளது. இதன் இந்திய வெளியீடு பற்றி இதுவரை எந்த தகவலும் இல்லை.

லேப்டாப், டேப்லெட் மற்றும் கணினிகளை இந்தியாவில் இறக்குமதி செய்வதற்கான கட்டுப்பாடுகள் மூன்று மாதங்களுக்கு ஒத்திவைக்கப்பட்டு இருக்கிறது. உள்நாட்டு உற்பத்தியை ஊக்குவிக்கும் நோக்கில், இந்தியாவில் லேப்டாப் மற்றும் கணினிகளை இறக்குமதி செய்வதற்கு கட்டாயம் உரிமம் பெற வேண்டும் என கடந்த வியாழன் கிழமை அன்று மத்திய அரசு அறிவிப்பு வெளியிட்டு இருந்தது.

இந்த அறிவிப்புக்கு தொழில்நுட்ப நிறுவனங்கள் சார்பில் கடும் அதிருப்தி தெரிவிக்கப்பட்டது. இந்த நிலையில், தற்போதைய அறிவிப்பில் தற்போதுள்ள சாதனங்களை அக்டோபர் 31-ம் தேதி வரை இறக்குமதி செய்து கொள்ள அனுமதி அளிக்கப்பட்டு இருக்கிறது. நவம்பர் 1-ம் தேதியில் இருந்து இதுபோன்ற சாதனங்களை இறக்குமதி செய்ய அரசு அனுமதி பெற வேண்டியது அவசியம் ஆகும்.

கணினி சார்ந்த சாதனங்களின் இறக்குமதிக்கு மத்திய அரசு அவசரகதியில் கட்டுப்பாடுகளை அறிவித்ததை தொடர்ந்து, பாதிக்கப்பட்ட சந்தையை சார்ந்து கட்டுப்பாடுகளை மூன்றில் இருந்து ஆறு மாதங்கள் வரை ஒத்திவைக்க கோரிக்கை விடுக்கப்பட்டதாக மத்திய அரசு அதிகாரி தனியார் செய்தி நிறுவனத்திடம் தெரிவித்து இருக்கிறார்.

சர்வதேச சந்தையில் கணினி துறையில் முன்னணியில் விளங்கி வரும் ஆப்பிள், டெல் மற்றும் சாம்சங் போன்ற நிறுவனங்கள் மத்திய அரசின் திடீர் அறிவிப்பால் பாதிக்கப்படுகின்றன. புதிய கட்டுப்பாடுகள் மூலம் உள்நாட்டு உற்பத்தியை ஊக்குவிக்க அரசு திட்டமிடுவதாக அறிவித்து இருக்கிறது. இதுதவிர உற்பத்தியில் சீனாவுடனான போட்டியை எதிர்கொள்ளவும் இந்த திட்டம் வழிவகுக்கும் என்று தெரிகிறது.

போக்கோ நிறுவனம் இந்திய சந்தையில் தனது புதிய M6 ப்ரோ 5ஜி ஸ்மார்ட்போனினை அறிமுகம் செய்தது. புதிய போக்கோ M6 ப்ரோ 5ஜி மாடலில் 6.79 இன்ச் FHD+ 90Hz LCD ஸ்கிரீன், பன்ச் ஹோல் ரக டிஸ்ப்ளே, ஸ்னாப்டிராகன் 4 ஜென் 2 பிராசஸர், அதிகபட்சம் 6 ஜிபி ரேம், 6 ஜிபி வரை விர்ச்சுவல் ரேம், அதிகபட்சம் 128 ஜிபி மெமரி வழங்கப்பட்டு இருக்கிறது.

ஆன்ட்ராய்டு 13 சார்ந்த MIUI 14 கொண்டிருக்கும் போக்கோ M6 ப்ரோ 5ஜி மாடலில் பக்கவாட்டில் கைரேகை சென்சார், 5000 எம்ஏஹெச் பேட்டரி, 18 வாட் பாஸ்ட் சார்ஜிங் வசதி வழங்கப்படுகிறது. இத்துடன் IP53 சான்று பெற்ற டஸ்ட் மற்றும் ஸ்பிலாஷ் ரெசிஸ்டன்ட் வசதி கொண்டிருக்கிறது.

போக்கோ M6 ப்ரோ 5ஜி அம்சங்கள்:

6.79 இன்ச் FHD+ LCD ஸ்கிரீன் 2460x1080 பிக்சல் ரெசல்யூஷன், அடாப்டிவ் ரிப்ரெஷ் ரேட்

கார்னிங் கொரில்லா கிளாஸ் 3 பாதுகாப்பு

ஆக்டா கோர் ஸ்னாப்டிராகன் 4 ஜென் 2 பிராசஸர்

அட்ரினோ 613 GPU

4 ஜிபி ரேம், 64 ஜிபி மெமரி

6 ஜிபி ரேம், 128 ஜிபி மெமரி

மெமரியை கூடுதலாக நீட்டிக்கும் வசதி

ஆன்ட்ராய்டு 13 சார்ந்த MIUI14

ஹைப்ரிட் டூயல் சிம் ஸ்லாட்

50MP பிரைமரி கேமரா, எல்இடி பிளாஷ்

2MP டெப்த் சென்சார்

8MP செல்பி கேமரா

பக்கவாட்டில் கைரேகை சென்சார்

3.5mm ஆடியோ ஜாக்

5ஜி, டூயல் 4ஜி வோல்ட்இ, வைபை, ப்ளூடூத் 5.1

யுஎஸ்பி டைப் சி

5000 எம்ஏஹெச் பேட்டரி

18 வாட் பாஸ்ட் சார்ஜிங்

விலை மற்றும் விற்பனை விவரங்கள்:

போக்கோ M6 ப்ரோ 5ஜி மாடல் பாரஸ்ட் கிரீன் மற்றும் பவர் பிளாக் என இரண்டு நிறங்களில் கிடைக்கிறது. இதன் 4 ஜிபி ரேம், 64 ஜிபி மெமரி மாடல் விலை ரூ. 10 ஆயிரத்து 999 என்றும் 6 ஜிபி ரேம், 128 ஜிபி மெமரி மாடல் விலை ரூ. 12 ஆயிரத்து 999 என்றும் நிர்ணயம் செய்யப்பட்டு உள்ளது. ஒரே மாதிரியான அம்சங்களை கொண்டிருக்கும் நிலையில், போக்கோ M6 ப்ரோ 5ஜி மாடல் விலை ரெட்மி 12 5ஜி மாடலை விட சற்று குறைவாகவே நிர்ணயம் செய்யப்பட்டு உள்ளது. இதன் விற்பனை ஆகஸ்ட் 9-ம் தேதி மதியம் 12 மணிக்கு ப்ளிப்கார்ட் வலைதளத்தில் துவங்குகிறது.

ஆப்பிள் நிறுவனம் செப்டம்பர் மாதத்தில் புதிய ஐபோன் 15 சீரிஸ் மாடல்களை அறிமுகம் செய்ய இருப்பது அனைவரும் அறிந்ததே. எனினும், அந்நிறுவனம் சார்பில் இதுபற்றி இதுவரை எந்த தகவலும் வழங்கப்படவில்லை. ஐபோன் 15 சீரிஸ் மாடல்கள், அவற்றின் அம்சங்கள் மற்றும் ரெண்டர்கள் என ஏராளமான தகவல்கள் தொடர்ந்து இணையத்தில் வெளியாகி வந்துள்ளன.

அந்த வகையில், தற்போது வெளியாகி இருக்கும் தகவல்களில் ஐபோன் 15 சீரிஸ் மாடல்களின் வெளியீட்டு தேதி பற்றிய தகவல்கள் இணையத்தில் வெளியாகி உள்ளன. அதன்படி அமெரிக்க மொபைல் நெட்வொர்க் நிறுவனங்கள் தங்களின் ஊழியர்களை செப்டம்பர் 13-ம் தேதி விடுமுறை எடுக்க கேட்டுக் கொண்டு வருவதாக கூறப்படுகிறது. மேலும் இதே நாளில் முக்கிய ஸ்மார்ட்போன் பற்றிய அறிவிப்பு வெளியாக இருப்பதாகவும் கூறப்படுகிறது.

கோப்புப் படம்

அந்த தேதியில் எந்த மாடல் அறிமுகம் செய்யப்படும் என்பது பற்றி இதுவரை எந்த தகவலும் இல்லை. எனினும், ஆப்பிள் ஒவ்வொரு ஆண்டும் இதே காலக்கட்டத்தில் தனது புதிய ஐபோன் மாடல்களை அறிமுகம் செய்வதை வழக்கமாக கொண்டிருக்கிறது. அந்த வகையில், இந்த தேதியிலேயே ஐபோன் 15 சிரிஸ் மாடல்கள் அறிமுகம் செய்யப்படலாம் என்று கூறப்படுகிறது.

இந்த ஆண்டு அறிமுகம் செய்யப்பட இருக்கும் ஐபோன் 15 சீரிசில்- ஐபோன் 15, ஐபோன் 15 பிளஸ், ஐபோன் 15 ப்ரோ மற்றும் ஐபோன் 15 ப்ரோ மேக்ஸ் என நான்கு மாடல்கள் இடம்பெற்று இருக்கும் என்று தெரிகிறது. நான்கு மாடல்களும் அதன் முந்தைய வெர்ஷனில் இருந்ததை விட டிசைன் மாற்றங்களை கொண்டிருக்கும் என கூறப்படுகிறது.

சாம்சங் நிறுவனத்தின் க்ரிஸ்டல் விஷன் 4K UHD டிவி மாடல் இந்திய சந்தையில் அறிமுகம் செய்யப்பட்டது. இதில் பிளாக்ஷிப் ஸ்மார்ட் அம்சங்களான மல்டி வாய்ஸ் அசிஸ்டன்ட், ஸ்லிம்பிட் கேம் கொண்ட வீடியோ காலிங், சோலார் ரிமோட் மற்றும் IoT லைட் சென்சார்கள் வழங்கப்பட்டு உள்ளன.

இந்த டிவி தரமான பிக்சர் மற்றும் சவுன்ட் அனுபவத்தை வழங்கும் பர்கலர் மற்றும் க்ரிஸ்டல் பிராசஸர் 4K உள்ளது. பர்கலர் அம்சம் ஒரு பில்லியன் ட்ரூ கலர், க்ரிஸ்டல் பிராசஸர் 4K,குறைந்த ரெசல்யூஷன் கொண்ட தரவுகளை 4K தரத்துக்கு மேம்படுத்தும் திறன் கொண்டிருக்கிறது. இதில் உள்ள HDR கான்டிராஸ்ட்-ஐ மேம்படுத்தி, பயனர்கள் அதிக நிறங்கள் மற்றும் தெளிவான விஷூவலை பார்க்க செய்கிறது.

மூன்று புறமும் பெசல் லெஸ் டிசைன் கொண்டிருக்கும் இந்த ஸ்மார்ட் டிவி சிறப்பான வியூவிங் அனுபவத்தை வழங்குகிறது. இத்துடன் 3D சரவுன்ட் சவுன்ட், இரண்டு விர்ச்சுவல் ஸ்பீக்கர்கள், அடாப்டிவ் சவுன்ட் போன்ற அம்சங்கள் உள்ளன. இந்த டிவியில் பில்ட்-இன் IoT ஹப் கொண்டிருக்கிறது. இந்த அம்சம் டிவியின் பிரைட்னசை தானாக அட்ஜஸ்ட் செய்து கொள்ளும் திறன் கொண்டுள்ளது.

இத்துடன் ஆட்டோ லோ லேடன்சி மோட், மோஷன் எக்செல்லரேட்டர் அம்சங்கள் உள்ளன. மேலும், ஸ்மார்ட் வொர்க், கேமிங் மற்றும் ஸ்மார்ட் வாட்சிங் மோட்கள் உள்ளன. இந்த டிவியுடன் வழங்கப்படும் சோலார் ரிமோட்-ஐ அறையில் உள்ள மின்விளக்கு மற்றும் வைபை ரவுட்டர்களை கொண்டே சார்ஜ் செய்து கொள்ள முடியும்.

விலை மற்றும் விற்பனை விவரங்கள்:

சாம்சங் க்ரிஸ்டல் விஷன் 4K UHD டிவி 43 இன்ச் மாடல் விலை ரூ. 31 ஆயிரத்து 490

சாம்சங் க்ரிஸ்டல் விஷன் 4K UHD டிவி 55 இன்ச் மாடல் விலை ரூ. 46 ஆயிரத்து 990

சாம்சங் க்ரிஸ்டல் விஷன் 4K UHD டிவி 65 இன்ச் மாடல் விலை ரூ. 71 ஆயிரத்து 990

புதிய சாம்சங் க்ரிஸ்டல் விஷன் 4K UHD டிவி ப்ளிப்கார்ட் மற்றும் சாம்சங் வலைதளத்தில் விற்பனைக்கு கிடைக்கிறது. இந்த டிவி-க்களுக்கு இரண்டு ஆண்டுகளுக்கு வாரண்டி வழங்கப்படுகிறது.

ஹெச்பி நிறுவனம் இந்திய சந்தையில் தனது புதிய லேப்டாப் மாடலை- டிராகன்பிளை G4 என்ற பெயரில் அறிமுகம் செய்து இருக்கிறது. புதிய ஹெச்பி லேப்டாப் எடை ஒரு கிலோவுக்கும் கீழ் உள்ளது. இதில் 13th Gen இன்டெல் கோர் பிராசஸர், பெரிய டச்பேட், அட்ஜஸ்ட் செய்யக்கூடிய பேக்லிட் பிரைட்னஸ் மற்றும் பல்வேறு அம்சங்கள் உள்ளன.

புதிய ஹெச்பி டிராகன்பிளை G4 லேப்டாப்பில் 13.5 இன்ச் WUXGA+ டிஸ்ப்ளே, டச் ஸ்கிரன் மற்றும் OLED ஆப்ஷன்கள் வழங்கப்படுகின்றன. வின்டோஸ் 11 ப்ரோ ஒஎஸ் கொண்டிருக்கும் புதிய லேப்டப் அதிகபட்சம் 32 ஜிபி ரேம், 2 டிபி வரையிலான ஸ்டோரேஜ் வழங்கப்படுகிறது. இத்துடன் 5MP கேமரா வழங்கப்படுகிறது.

புதிய ஹெச்பி டிராகன்பிளை G4 லேப்டாப் விலை ரூ. 2 லட்சத்து 20 ஆயிரம் என்று துவங்குகிறது. இதன் விற்பனை ஹெச்பி ஆன்லைன் ஸ்டோர் மற்றும் ஆப்லைன் ஸ்டோர்களில் நடைபெற இருக்கிறது. இந்த லேப்டாப் ஸ்லேட் புளூ மற்றும் நேச்சுரல் சில்வர் என இரண்டு நிறங்களில் கிடைக்கிறது.

இந்திய சந்தையில் ஆப்பிள் நிறுவனத்தின் ஐபோன் 14 மாடல் விலை அதிரடியாக குறைக்கப்பட்டு இருக்கிறது. அமேசான் கிரேட் பிரீடம் பெஸ்டிவல் சேல் விற்பனையின் கீழ் ஐபோன் 14 மாடலுக்கு அசத்தல் விலை குறைப்பு அறிவிக்கப்பட்டு இருக்கிறது. அமேசான் பிரைம் சந்தா வைத்திருப்போர் மட்டுமின்றி அனைவரும் இந்த விற்பனையில் பொருட்களை வாங்கிக் கொள்ள முடியும்.

பல்வேறு பிரிவுகளில் கிடைக்கும் ஏராளமான பொருட்களுக்கு வழங்கப்படும் சலுகை விவரங்களை அமேசான் ஏற்கனவே அறிவித்துவிட்டது. அந்த வகையில் ஐபோன் 14 மாடலுக்கான சலுகை அனைவரையும் கவரும் வகையில் அமைந்து இருக்கிறது. ஐபோன் 14 மாடலுக்கு அமேசான் வலைதளத்தில் ரூ. 13 ஆயிரம் வரையிலான தள்ளுபடி வழங்கப்படுகிறது.

அமேசான் கிரேட் பிரீடம் பெஸ்டிவல் சேல் விற்பனையின் கீழ் ஐபோன் 14 மாடலுக்கு 16 சதவீதம் தள்ளுபடி வழங்கப்படுகிறது. அதன்படி ஐபோன் 14 மாடலின் 128 ஜிபி மெமரி கொண்ட பேஸ் வேரியன்ட் விலை ரூ. 79 ஆயிரத்து 900-இல் இருந்து தற்போது ரூ. 66 ஆயிரத்து 999 என்று குறைந்திருக்கிறது. ஐபோன் 14 மாடலின் 256 ஜிபி மெமரி மாடலுக்கு 13 சதவீதம் தள்ளுபடி அறிவிக்கப்பட்டு இருக்கிறது.

அந்த வகையில், இதன் விலை ரூ. 89 ஆயிரத்து 900-இல் இருந்து ரூ. 77 ஆயிரத்து 999 என்று மாறி இருக்கிறது. ஐபோன் 14 மாடலின் 512 ஜிபி வேரியன்ட் விலை ரூ. 1 லட்சத்து 09 ஆயிரத்து 900-இல் இருந்து ரூ. 94 ஆயிரத்து 999 என்று மாறி இருக்கிறது. இத்துடன் எஸ்பிஐ வங்கி கிரெடிட் கார்டு வைத்திருப்போருக்கு ரூ. 1000 ஆயிரம் தள்ளுபடி மற்றும் வட்டியில்லா மாத தவணை முறை சலுகையும் வழங்கப்படுகிறது.

ஆப்பிள் நிறுவனத்தின் ஐபோன் 14 மாடல்- புளூ, மிட்நைட், பர்பில், பிராடக்ட் ரெட், ஸ்டார்லைட் மற்றும் எல்லோ என ஆறு வித நிறங்களில் கிடைக்கிறது. அம்சங்களை பொருத்தவரை ஐபோன் 14 மாடலில் ஏ15 பயோனிக் சிப்செட், 12MP டூயல் பிரைமரி கேமரா, 12MP செல்பி கேமரா, 6.1 இன்ச் OLED டிஸ்ப்ளே போன்ற அம்சங்கள் வழங்கப்படுகின்றன.

போக்கோ நிறுவனத்தின் புதிய M6 ப்ரோ 5ஜி ஸ்மார்ட்போன் இந்தியாவில் ஆகஸ்ட் 5-ம் தேதி அறிமுகம் செய்யப்படுகிறது. இந்த ஸ்மார்ட்போனின் விற்பனை ப்ளிப்கார்ட் வலைதளத்தில் நடைபெற இருக்கிறது. புதிய போக்கோ M6 ப்ரோ 5ஜி மாடலில் வழங்கப்பட இருக்கும் பிராசஸர் பற்றிய விவரங்களை அந்நிறுவனம் ஏற்கனவே அறிவித்து விட்டது.

இந்த நிலையில், போக்கோ M6 ப்ரோ 5ஜி மாடலின் விலை, டிசைன் ரென்டர்கள், ரேம் மற்றும் ஸ்டோரேஜ் பற்றிய விவரங்கள் வெளியாகி உள்ளது. ப்ளிப்கார்ட் தளத்தில் வெளியாகி இருக்கும் தகவல்களில் போக்கோ M6 ப்ரோ 5ஜி மாடலில் ஸ்னாப்டிராகன் 4 ஜென் 2 பிராசஸர் வழங்கப்படும் என குறிப்பிடப்பட்டு உள்ளது.

மேலும் இந்த ஸ்மார்ட்போன் சியான் நிறத்தில் கிடைக்கும் என்றும் இரட்டை கேமரா சென்சார் மற்றும் எல்இடி பிளாஷ் வழங்கப்படும் என்றும் குறிப்பிடப்பட்டு உள்ளது. இத்துடன் செவ்வக வடிவம் கொண்ட கேமரா பம்ப் மற்றும் போக்கோ பிரான்டிங் இடம்பெற்று இருக்கிறது. இந்த ஸ்மார்ட்போனின் வலதுபுறத்தில் பவர் பட்டன் மற்றும் வால்யூம் பட்டன் வழங்கப்படுகிறது.

லீக் ஆன விலை விவரங்கள்:

போக்கோ M6 ப்ரோ 5ஜி மாடல் மொத்தத்தில் 4 ஜிபி ரேம், 64 ஜிபி மெமரி, 4 ஜிபி ரேம், 128 ஜிபி மெமரி மற்றும் 6 ஜிபி ரேம், 128 ஜிபி மெமரி என மூன்று வேரியன்ட்களில் கிடைக்கும் என்று கூறப்படுகிறது. இவற்றின் விலை முறையே ரூ. 14 ஆயிரத்து 999, ரூ. 15 ஆயிரத்து 999 மற்றும் ரூ. 16 ஆயிரத்து 999 என்று நிர்ணயம் செய்யப்படும் என்று கூறப்படுகிறது.