தொழில்நுட்பம்

நத்திங் நிறுவனத்தின் முதல் ஃபிளாக்ஷிப் ஸ்மார்ட்போன் மாடல் நந்திங் போன் 2 கடந்த ஜூலை மாதம் அறிமுகம் செய்யப்பட்டது. குவால்காம் ஸ்னாப்டிராகன் 8 பிளஸ் ஜென் 1 பிராசஸர் கொண்டிருக்கும் நத்திங் போன் 2 ரூ. 44 ஆயிரத்து 999 துவக்க விலையில் அறிமுகமானது.

அறிமுகமாகி சில மாதங்களே ஆகியுள்ள நிலையில் நத்திங் போன் 2 மாடலுக்கு ப்ளிப்கார்ட் வலைதளத்தில் சிறப்பு தள்ளுபடி அறிவிக்கப்பட்டு இருக்கிறது. தள்ளுபடி மட்டுமின்றி வங்கி சார்ந்த சிறப்பு சலுகைகள் மற்றும் வட்டியில்லா மாத தவணை முறை சலுகைகள் வழங்கப்படுகிறது.

சலுகை விவரங்கள்:

ப்ளிப்கார்ட் வலைதளத்தில் நத்திங் போன் 2 மாடலுக்கு 20 சதவீதம் தள்ளுபடி அறிவிக்கப்பட்டு இருக்கிறது. இதன் காரணமாக நத்திங் போன் 2 விலை ரூ. 39 ஆயிரத்து 999 என்று மாறி இருக்கிறது. இதுதவிர பி.என்.பி., பேங்க் ஆஃப் பரோடா கிரெடிட் கார்டு பயன்படுத்தும் போது ரூ. 1000-மும் பேங்க் ஆஃப் பரோடா கிரெடிட் கார்டில் மாத தவணை முறையை பயன்படுத்தும் போது ரூ. 2000 வரை உடனடி தள்ளுபடி வழங்கப்படுகிறது.

அந்த வகையில் வங்கி சலுகைகளை சேர்க்கும் போது நத்திங் போன் 2 விலை ரூ. 35 ஆயிரத்து 999 விலையில் வாங்கிட முடியும். இத்துடன் வட்டியில்லா மாத தவணை முறை சலுகையும் வழங்கப்படுகிறது.

நத்திங் போன் 2 அம்சங்கள்:

6.7 இன்ச் 2412x1080 பிக்சல் FHD+ OLED 1-120 Hz LTPO ஸ்கிரீன்

அதிகபட்சம் 1600 நிட்ஸ் பீக் பிரைட்னஸ்

குவால்காம் ஸ்னாப்டிராகன் 8 பிளஸ் ஜென் 1 பிராசஸர்

அதிகபட்சம் 12 ஜிபி ரேம்

அதிகபட்சம் 512 ஜிபி மெமரி

ஆண்ட்ராய்டு 13 மற்றும் நத்திங் ஒஎஸ் 2.0

டூயல் சிம் ஸ்லாட்

50MP பிரைமரி கேமரா, OIS

50MP 114 டிகிரி அல்ட்ரா வைடு கேமரா, 4cm மேக்ரோ ஆப்ஷன்

32MP செல்ஃபி கேமரா

இன் டிஸ்ப்ளே ஆப்டிக்கல் கைரேகை சென்சார்

யுஎஸ்பி டைப் சி ஆடியோ

ஸ்டீரியோ ஸ்பீக்கர்கள்

ஸ்பிலாஷ் ரெசிஸ்டன்ட்

5ஜி, டூயல் 4ஜி வோல்ட்இ, வைபை, ப்ளூடூத், யுஎஸ்பி டைப் சி

4700 எம்ஏஹெச் பேட்டரி

45 வாட் ஃபாஸ்ட் சார்ஜிங்

ஒன்பிளஸ் நிறுவனம் தனது ஒன்பிளஸ் 12 ஸ்மார்ட்போனினை இந்தியா மற்றும் சர்வதேச சந்தையில் அறிமுகம் செய்யும் பணிகளில் ஈடுபட்டு வருகிறது. இந்த நிலையில், ஒன்பிளஸ் நிறுவனம் தனது இந்திய பயனர்களுக்காக சிறப்பு கம்யூனிட்டி சேல் அறிவித்து இருக்கிறது.

இந்த சிறப்பு விற்பனையில் ஒன்பிளஸ் பேட், ஒன்பிளஸ் 10 ப்ரோ, ஒன்பிளஸ் ஆடியோ சாதனங்கள் உள்ளிட்டவைகளுக்கு அசத்தல் சலுகைகள் வழங்கப்படுகின்றன. ஒன்பிளஸ் வலைதளத்தில் நடைபெற்று வரும் சிறப்பு கம்யுனிட்டி சேல், டிசம்பர் 17-ம் தேதி வரை நடைபெறுகிறது. இந்த சிறப்பு விற்பனையில் ஐ.சி.ஐ.சி.ஐ. வங்கி மற்றும் ஒன் கார்டு பயனர்கள் கூடுதல் பலன்களை பெற முடியும்.

சலுகை விவரங்கள்:

ஒன்பிளஸ் பேட் 8 ஜி.பி. ரேம், 128 ஜி.பி. மெமரி மாடலின் விலை ரூ. 2 ஆயிரம் குறைக்கப்பட்டு ரூ. 35 ஆயிரத்து 999-க்கு விற்பனை செய்யப்படுகிறது. ஐ.சி.ஐ.சி.ஐ. வங்கி கார்டு அல்லது ஒன் கார்டு பயனர்களுக்கு ரூ. 5 ஆயிரம் வரை கூடுதல் தள்ளுபடி வழங்கப்படுகிறது. இதன் மூலம் இந்த மாடலின் விலை ரூ. 30 ஆயிரத்து 499 என மாறிவிடும்.

ஒன்பிளஸ் 10 ப்ரோ 5ஜி மாடலுக்கும் குறிப்பிடத்தக்க சலுகைகள் வழங்கப்படுகின்றன. இந்த ஸ்மார்ட்போனுடன் ரூ. 17 ஆயிரம் மதிப்புள்ள கூப்பன் மற்றும் ஐ.சி.ஐ.சி.ஐ. வங்கி கார்டு மற்றும் ஒன் கார்டு பயனர்களுக்கு ரூ. 5 ஆயிரம் வரை கூடுதல் தள்ளுபடி வழங்கப்படுகிறது. ரூ. 66 ஆயிரத்து 999 விலை கொண்ட ஒன்பிளஸ் 10 ப்ரோ தற்போது ரூ. 44 ஆயிரத்து 999 விலையில் வாங்கிட முடியும்.

ஐ.சி.ஐ.சி.ஐ. வங்கி கார்டு அல்லது ஒன் கார்டு பயனர்கள் ஒன்பிளஸ் பட்ஸ் ப்ரோ 2 மாடலை ரூ. 3 ஆயிரம் குறைந்த விலையில் வாங்கிட முடியும். அதன்படி இந்த இயர்பட்ஸ் ரூ. 8 ஆயிரத்து 999-க்கு கிடைக்கிறது. ஒன்பிளஸ் நார்ட் பட்ஸ் 2 சீரிஸ் மற்றும் புல்லட் வயர்லெஸ் சீரிஸ் மாடல்களுக்கும் இதே போன்ற சலுகைகள் வழங்கப்படுகின்றன. இவற்றின் விலை முறையே ரூ. 2 ஆயிரத்து 499 மற்றும் ரூ. 1,499 என மாறி இருக்கிறது.

இந்தியாவிலேயே மிகப்பெரிய ஐபோன் உற்பத்தி ஆலையை தமிழ்நாட்டில் கட்டமைக்க டாடா குழுமம் திட்டமிட்டு வருவதாக தகவல் வெளியாகி உள்ளது. இந்தியாவில் ஐபோன் உற்பத்தியை அதிகப்படுத்த வேண்டும் என்று ஆப்பிள் நிறுவனம் முடிவு செய்திருக்கும் நிலையில், டாடா குழுமம் அதற்கான பணிகளை துரிதப்படுத்தும் என தெரிகிறது.

இதற்காக தமிழ்நாட்டில் டாடா குழுமம் அமைக்கும் உற்பத்தி ஆலையில் கிட்டத்தட்ட 20 அசெம்ப்லி லைன்கள் இருக்கும் என்றும், இதில் கிட்டத்தட்ட 50 ஆயிரம் பணியாளர்கள் பணியாற்ற முடியும் என்றும் கூறப்படுகிறது. இது நாட்டிலேயே மிகப் பெரிய ஐபோன் உற்பத்தி ஆலையாக இருக்கும் வகையில் உருவாக்கப்பட்டு வருகிறது. அடுத்த 12 முதல் 18 மாதங்களில் இந்த ஆலையில் பணிகள் துவங்கும் என்று எதிர்பார்க்கலாம்.

டாடா குழுமத்துடன் இணைந்து உள்நாட்டில் உற்பத்தியை அதிகப்படுத்த வேண்டும் என்ற ஆப்பிள் முயற்சிகளை வலுப்படுத்தும் வகையில், புதிய ஆலை உருவாக்கப்பட்டு வருகிறது. சீனாவை தவிர்த்து இந்தியாவில் ஐபோன் உற்பத்தியை அதிகப்படுத்த நினைக்கும் ஆப்பிள் திட்டத்தை பிரதிபலிக்கும் வகையில், டாடா குழுமம் கர்நாடகா மாநிலத்தில் உள்ள விஸ்ட்ரன் ஆலையை கைப்பற்றி இருக்கிறது.

அடுத்த இரண்டில் இருந்து மூன்று ஆண்டுகளுக்குள் இந்தியாவில் மட்டும் 50 மில்லியன் ஐபோன்களை உற்பத்தி செய்ய வேண்டும் என ஆப்பிள் திட்டமிட்டுள்ளது. இதன் காரணமாகவே டாடா குழுமம் ஐபோன் உற்பத்தி பணிகளை விரிவுப்படுத்தும் வகையில், புதிய ஆலையை கட்டமைத்து வருகிறது. 

சியோமி நிறுவனத்தின் ரெட்மி பேட் டேப்லெட் இந்திய விலை அதிரடியாக குறைக்கப்பட்டு இருக்கிறது. கடந்த ஆண்டு ரெட்மி பிராண்டின் முதல் டேப்லெட் என்ற பெருமையுடன் ரெட்மி பேட் அறிமுகம் செய்யப்பட்டது.

பட்ஜெட் விலையில் அறிமுகம் செய்யப்பட்ட ரெட்மி பேட் மாடலில் 90Hz ரிப்ரெஷ் ரேட் கொண்ட டிஸ்ப்ளே, 8000 எம்.ஏ.ஹெச். பேட்டரி மற்றும் டால்பி அட்மோஸ் வசதி வழங்கப்பட்டு இருக்கிறது. அறிமுகமாகி ஓராண்டு ஆகிவிட்ட நிலையில், ரெட்மி பேட் இந்திய விலை குறைக்கப்பட்டு இருக்கிறது.

புதிய விலை விவரங்கள்:

ரெட்மி பேட் (3 ஜி.பி. ரேம், 64 ஜி.பி. மெமரி) ரூ. 13 ஆயிரத்து 999

ரெட்மி பேட் (4 ஜி.பி. ரேம், 128 ஜி.பி. மெமரி) ரூ. 14 ஆயிரத்து 999

ரெட்மி பேட் (6 ஜி.பி. ரேம், 128 ஜி.பி. மெமரி) ரூ. 16 ஆயிரத்து 999

இதன் மூலம் ரெட்மி பேட் விலை அதிகபட்சம் ரூ. 2 ஆயிரம் குறைக்கப்பட்டு இருக்கிறது. முன்னதாக ரெட்மி பேட் விலை ரூ. 14 ஆயிரத்து 999 என துவங்கியது. இதன் 4 ஜி.பி. ரேம் மற்றும் 6 ஜி.பி. ரேம் மாடல்களின் விலை ரூ. 17 ஆயிரத்து 999 மற்றும் ரூ. 19 ஆயிரத்து 999 என நிர்ணயம் செய்யப்பட்டு இருந்தது.

விலை குறைப்பு மட்டுமின்றி ரெட்மி பேட் வாங்குவோர் ஹெச்.டி.எஃப்.சி. வங்கி கிரெடிட் கார்டு பயன்படுத்தும் போதோ அல்லது மாத தவணை முறைகளை பயன்படுத்தும் போதோ அல்லது ஐ.சி.ஐ.சி.ஐ. நெட் பேங்கிங் பயன்படுத்தும் போது ரூ. 1500 வரையிலான தள்ளுபடி வழங்கப்படுகிறது. இதன் பேஸ் வேரியண்டிற்கு மட்டும் ரூ. 1000 தள்ளுபடி வழங்கப்படுகிறது. இந்த சலுகை டிசம்பர் 31-ம் தேதி வரை வழங்கப்படுகிறது. 

இன்ஃபினிக்ஸ் நிறுவனத்தின் ஸ்மார்ட் 8 ஹெச்.டி. ஸ்மார்ட்போன் இந்திய சந்தையில் அறிமுகம் செய்யப்பட்டது. ஸ்மார்ட் சீரிசில் அறிமுகமாகி இருக்கும் புதிய ஸ்மார்ட்போன் பட்ஜெட் விலையில் நிர்ணயம் செய்யப்பட்டு உள்ளது. இந்த ஸ்மார்ட்போனில் 6.6 இன்ச் ஹெச்.டி. பிளஸ் டிஸ்ப்ளே, பன்ச் ஹோல் ஸ்கிரீன், 90Hz ரிப்ரெஷ் ரேட் வழங்கப்படுகிறது.

இத்துடன் பக்கவாட்டில் கைரேகை சென்சார் வழங்கப்படுகிறது. இதன் பின்புறம் டிம்பர் டெக்ஸ்ச்சர் ஃபினிஷ், மேஜிக் ரிங் வழங்கப்படுகிறது. 5000 எம்.ஏ.ஹெச். பேட்டரி மூலம் சக்தியூட்டப்படும் ஸ்மார்ட் 8 ஹெச்.டி. யு.எஸ்.பி. டைப் சி சார்ஜிங் வசதி கொண்டிருக்கிறது.

இன்ஃபினிக்ஸ் ஸ்மார்ட் 8 ஹெச்.டி. அம்சங்கள்:

6.6 இன்ச் 1612x720 பிக்சல் ஹெச்.டி. பிளஸ் ஸ்கிரீன்

ஆக்டாகோர் யுனிசாக் டி606 பிராசஸர்

மாலி G57 MP1 GPU

3 ஜி.பி. ரேம் (3 ஜி.பி. விர்ச்சுவல் ரேம்)

64 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 கோ எடிஷன் சார்ந்த எக்ஸ்.ஒஎஸ். 13

டூயல் சிம் ஸ்லாட்

13MP பிரைமரி கேமரா, ஏ.ஐ. லென்ஸ்

8MP செல்ஃபி கேமரா

பக்கவாட்டில் கைரேகை சென்சார்

டூயல் 4ஜி வோல்ட்இ, வைபை, ப்ளூடூத்

யு.எஸ்.பி. டைப் சி

5000 எம்.ஏ.ஹெச். பேட்டரி

புதிய இன்ஃபினிக்ஸ் ஸ்மார்ட் 8 ஹெச்.டி. ஸ்மார்ட்போன் டிம்பர் பிளாக், ஷைனி கோல்டு, கேலக்ஸி வைட் மற்றும் க்ரிஸ்டல் கிரீன் போன்ற நிறங்களில் கிடைக்கிறது. இதன் விலை அறிமுக சலுகையாக ரூ. 6 ஆயிரத்து 299 என்று நிர்ணயம் செய்யப்பட்டு உள்ளது. விற்பனை ப்ளிப்கார்ட் வலைதளத்தில் டிசம்பர் 13-ம் தேதி துவங்குகிறது.

இத்துடன் ஆக்சிஸ் வங்கி கார்டு பயன்படுத்தும் போது பத்து சதவீதம் வரையிலான தள்ளுபடி வழங்கப்படுகிறது. இதன் மூலம் இந்த ஸ்மார்ட்போனின் விலை ரூ. 5 ஆயிரத்து 669 என்று மாறிவிடும். 

ஆப்பிள் நிறுவனத்தின் ஐபோன் SE 4 மாடல் கடந்த 2022 ஆண்டு அறிமுகமான ஐபோன் SE மாடலின் மேம்பட்ட வெர்ஷனாக அறிமுகம் செய்யப்பட இருக்கிறது. இது ஆப்பிள் நிறுவனத்தின் குறைந்தவிலை ஐபோன் மாடல் எனும் பெருமையை பெறும் என்று தெரிகிறது. முந்தைய ஐபோன் SE மாடல்கள் ஐபோன் 8 போன்ற சேசிஸ் கொண்டிருக்கிறது.

எனினும், புதிய நான்காம் தலைமுறை ஐபோன் SE மாடலில் முற்றிலும் புதிய டிசைன் வழங்கப்படும் என்று தெரிகிறது. இத்துடன் ஐபோன் SE 4 மாடலின் பேட்டரி அதன் முந்தைய வெர்ஷன்களில் வழங்கப்பட்டு இருப்பதை விட அளவில் பெரிதாக இருக்கும் என்று தகவல் வெளியாகி உள்ளது. அதன்படி இந்த மாடல் ஆப்பிள் நிறுவனத்தின் ஸ்டான்டர்டு ஐபோன் மாடல்களுக்கு இணையான பேட்டரி பேக்கப்-ஐ புதிய ஐபோன் SE 4 வழங்கும் என்று தெரிகிறது.

இது குறித்து வெளியாகி இருக்கும் தகவல்களில் ஐபோன் SE 4 மாடலில் ஐபோன் 14-இல் வழங்கப்பட்ட பேட்டரி வழங்கப்படும் என்று கூறப்படுகிறது. ஆப்பிள் நிறுவனம் கடந்த ஆண்டு ஐபோன் SE (2022) மாடலுடன் ஐபோன் 14, ஐபோன் 14 பிளஸ், ஐபோன் 14 ப்ரோ மற்றும் ஐபோன் 14 ப்ரோ மேக்ஸ் என மொத்தம் ஐந்து மாடல்கள் அறிமுகம் செய்யப்பட்டன.

இதுவரை வெளியாகி இருக்கும் ப்ரோடோடைப் தகவல்களின் படி ஐபோன் SE 4 மாடலில் ஆப்பிள் நிறுவனத்தின் A2863 பேட்டரி வழங்கப்படும் என்று குறிப்பிடப்பட்டு இருக்கிறது. ஐபோன் 14 மாடலிலும் இதே பேட்டரி வழங்கப்பட்டு இருப்பது குறிப்பிடத்தக்கது. இது 3279 எம்.ஏ.ஹெச். திறன் கொண்டிருக்கிறது. ஆப்பிள் தனது ஐபோன்களின் பேட்டரி திறன் குறித்து இதுவரை எந்த தகவலும் வழங்கியதில்லை.

வாட்ஸ்அப் செயலியில் குறுந்தகவல்களை ஒரு முறை மட்டுமே பார்க்க செய்யும் "வியூ ஒன்ஸ்" எனும் அம்சம் கடந்த 2021 வாக்கில் அறிமுகம் செய்யப்பட்டது. தற்போது இந்த அம்சம் செயலியின் வாய்ஸ் மெசேஜஸ் ஆப்ஷனிலும் சேர்க்கப்பட்டு இருக்கிறது. இந்த வசதியை செயல்படுத்தினால், பயனர்கள் வாய்ஸ் மெசேஜ்களை ஒருமுறை மட்டுமே கேட்க முடியும். அதன் பிறகு, வாய்ஸ் மெசேஜ் சாட்-இல் இருந்து காணாமல் போகிடும்.

வியூ ஒன்ஸ் வாய்ஸ் மெசேஜ் அனுப்புவது எப்படி?

சாட் அல்லது க்ரூப் சாட் ஆப்ஷனை க்ளிக் செய்ய வேண்டும்

மைக்ரோபோன் ஐகானை க்ளிக் செய்ய வேண்டும்

இனி மேல்புறமாக ஸ்வைப் செய்து ரெக்கார்டிங்-ஐ க்ளிக் செய்ய வேண்டும்

ரெக்கார்டு ஆப்ஷனை அழுத்திப்பிடித்து ரெக்கார்டு செய்ய வேண்டும்

இனி 1 ஐகானை க்ளிக் செய்ய வேண்டும்

1 ஐகான் பச்சை நிறத்திற்கு மாறியதும் அது வியூ ஒன்ஸ் மோடில் இருப்பதாக அர்த்தம்

இனி குறுந்தகவலை அனுப்ப செய்யும் ஐகானை க்ளிக் செய்ய வேண்டும்

வியூ ஒன்ஸ் ஆப்ஷனில் அனுப்பப்பட்ட குறுந்தகவல், மீடியா அல்லது வாய்ஸ் மெசேஜ்களில் நீங்கள் அவற்றை பார்த்துவிட்டதை குறிக்கும் ரிசீப்ட் காணப்படும். இவ்வாறு காண்பிக்கப்பட்டதும், அந்த தகவல்களை மீண்டும் பார்க்க முடியாது.

இந்த மெசேஜ்கள் எதுவும் சேமிக்கப்படாது. வாட்ஸ்அப் செயலியில் மற்ற மெசேஜ்களை போன்றே வியூ ஒன்ஸ் வாய்ஸ் மெசேஜ்களும் எண்ட்-டு-எண்ட் முறையில் என்க்ரிப்ட் செய்யப்படும் என வாட்ஸ்அப் சார்பில் தெரிவிக்கப்பட்டு இருக்கிறது.

வாட்ஸ்அப் செயலியில் வியூ ஒன்ஸ் வாய்ஸ் மெசேஜ் அம்சம் சர்வதேச அளவில் வெளியிடப்பட்டு வருகிறது. அந்த வகையில், வரும் நாட்களில் இந்த அம்சம் அனைவருக்குமான ஸ்டேபில் அப்டேட்டில் வழங்கப்படும் என்று எதிர்பார்க்கலாம். 

ரிலையன்ஸ் ஜியோ நிறுவனம் தனது பிரீபெயிட் பயனர்களுக்காக முற்றிலும் புதிய ரிசார்ஜ் சலுகையை அறிவித்து இருக்கிறது. 84 நாட்கள் வேலிடிட்டி கொண்ட புதிய ரிசார்ஜ் சலுகையில் அன்லிமிடெட் 5ஜி டேட்டா மற்றும் வாய்ஸ் காலிங் போன்ற சேவைகள் வழங்கப்படுகின்றன. ரூ. 909 விலையில் கிடைக்கும் புதிய ஜியோ சலுகையில் பயனர்களுக்கு தினமும் 2 ஜி.பி. வரையிலான அதிவேக டேட்டா, 100 எஸ்.எம்.எஸ். போன்ற பலன்களும் வழங்கப்படுகின்றன.

அழைப்புகள் மற்றும் எஸ்.எம்.எஸ். தவிர இந்த சலுகையில் சோனி லிவ் மற்றும் ஜீ5 என பல்வேறு ஒ.டி.டி. தளங்களுக்கான சந்தாவும் வழங்கப்படுகிறது. ஜியோ வலைதள விவரங்களின் படி ரூ. 909 சலுகையில் அன்லிமிடெட் வாய்ஸ் கால், தினமும் 100 எஸ்.எம்.எஸ்., மொத்தத்தில் 168 ஜி.பி. வரையிலான டேட்டா வழங்கப்படுகிறது.

இந்த சலுகையின் வேலிடிட்டி 84 நாட்கள் ஆகும். இதில் பயனர்களுக்கு தினமும் 2 ஜி.பி. வரையிலான டேட்டா வழங்கப்படுகிறது. தினசரி அதிவேக டேட்டா தீர்ந்து போகும் பட்சத்தில் பயனர்கள் நொடிக்கு 40Kb வேகத்தில் இணைய சேவையை பயன்படுத்தும் வசதி வழங்கப்படுகிறது. இவைதவிர இந்த சலுகையில் சோனிலிவ் மற்றும் ஜீ5 சந்தா இலவசமாக வழங்கப்படுகிறது.

இத்துடன் ஜியோசினிமா, ஜியோடிவி மற்றும் ஜியோ கிளவுட் சேவைக்களுக்கான இலவச சந்தாவும் வழங்கப்படுகிறது. மேலும் இந்த சலுகையில் ரிசார்ஜ் செய்வோருக்கு இலவச 5ஜி டேட்டா வசதியும் வழங்கப்படுகிறது.

முன்னதாக ஐ.சி.சி. உலகக் கோப்பை 2023 கிரிக்கெட் தொடர் துவங்கும் முன் ரிலையன்ஸ் ஜியோ நிறுவனம் ரூ. 808 விலையில் பிரீபெயிட் சலுகையை அறிவித்தது. இதில் தினமும் 2 ஜி.பி. டேட்டா, அன்லிமிடெட் வாய்ஸ் கால், மூன்று மாதங்களுக்கு டிஸ்னி பிளஸ் ஹாட்ஸ்டார் சந்தா உள்ளிட்ட பலன்கள் வழங்கப்பட்டன.

ஆப்பிள் நிறுவனம் தனது ஐபோன் மாடல்களில் அன்டர் டிஸ்ப்ளே கேமரா வழங்கும் பணிகளில் ஈடுபட்டு வருவதாக தகவல் வெளியாகி உள்ளது. அடுத்த சில ஆண்டுகளில் வெளியாகும் ஐபோன்களில் இந்த தொழில்நுட்பத்தை எதிர்பார்க்கலாம் என்று கூறப்படுகிறது. தென்கொரிய தொழில்நுட்ப நிறுவனமான எல்.ஜி. அன்டர் பேனல் கேமரா ஒன்றை உருவாக்கி வருவதாக தகவல் வெளியாகி உள்ளது.

இந்த புதிய வகை கேமரா ஸ்மார்ட்போன் டிஸ்ப்ளேவின் கீழ் மறைந்து கொண்டிருக்கும். இதன் மூலம் கேமிங் மற்றும் வீடியோக்களை பார்க்கும் போது அசத்தலான ஃபுல் ஸ்கிரீன் அனுபவம் கிடைக்கும். தற்போதைய ஐபோன் மாடல்களில் வழங்கப்பட்டு இருக்கும் டைனமிக் ஐலேண்ட்-க்கு மாற்றாக புதிய அண்டர் பேனல் கேமரா வழங்கப்படும் என்று கூறப்படுகிறது.

கோப்புப்படம்

எல்.ஜி. குழுமத்தின் எலெக்ட்ரிக் உபகரணங்கள் உற்பத்தி பிரிவு புதிய வகை அண்டர் பேனல் கேமரா சென்சார்களை உருவாக்கும் பணிகளில் மேம்பட்ட நிலையை அடைந்திருப்பதாக கொரியாவில் இருந்து வெளியாகி இருக்கும் தகவல்களில் குறிப்பிடப்பட்டு இருக்கிறது. தற்போதைய செல்ஃபி கேமராக்களில், அண்டர் டிஸ்ப்ளே கேமராக்கள் டிஸ்ப்ளேவினுள் குறைந்தளவு வெளிச்சத்தையே அனுமதிக்கின்றன.

இதன் காரணமாக கேமரா லென்ஸ் மற்றும் சென்சார்களுக்கு மிக குறைந்த தகவல்களே கிடைக்கும். இதனாலேயே தற்போதைய கேமராக்கள் புகைப்படங்களை குறைந்த தரத்தில் வழங்குகின்றன. இந்த அண்டர் டிஸ்ப்ளே கேமராக்கள் சந்திக்கும் சவால்களை எல்.ஜி. உருவாக்கும் அண்டர் பேனல் கேமரா சிறப்பாக எதிர்கொண்டு தரமுள்ள புகைப்படங்களை வெளிப்படுத்தும் என்று தெரிகிறது.

கோப்புப்படம்

2026 வரை ஆப்பிள் நிறுவனம் தனது ஐபோன்களில் புதிய அண்டர் பேனல் கேமரா சென்சார்களை வழங்க வாய்ப்புகள் மிகவும் குறைவுதான் என கூறப்படுகிறது. அண்டர் ஸ்கிரீன் கேமராவை வழங்கும் முன்பு ஆப்பிள் நிறுவனம் ஃபேஸ் ஐ.டி. அம்சத்திற்காக அண்டர் டிஸ்ப்ளே சென்சாரை வழங்க முடிவு செய்திருப்பதாக தெரிகிறது.

முன்னதாக 2021 ஆண்டு அறிமுகம் செய்யப்பட்ட இசட்.டி.இ. ஆக்சன் 30 5ஜி மற்றும் சியோமி மி மிக்ஸ் 4 போன்ற மாடல்கள் மற்றும் அதன் பிறகு அறிமுகமான சாம்சங் கேலக்ஸி Z ஃபோல்டு 4 மற்றும் கேலக்ஸி Z ஃபோல்டு 5 போன்ற மாடல்களில் செல்ஃபி கேமரா சென்சார்கள் டிஸ்ப்ளேவின் கீழ் வழங்கப்பட்டு இருப்பது குறிப்பிடத்தக்கது.

ரியல்மி நிறுவனத்தின் அதிகம் எதிர்பார்க்கப்பட்ட ரியல்மி GT5 ப்ரோ ஸ்மார்ட்போன் ஒருவழியாக அறிமுகம் செய்யப்பட்டது. இது ரியல்மி நிறுவனத்தின் முற்றிலும் புதிய ஃபிளாக்ஷிப் ஸ்மார்ட்போன் ஆகும். முதற்கட்டமாக சீன சந்தையில் அறிமுகம் செய்யப்பட்டு இருக்கும் ரியல்மி GT5 ப்ரோ மாடலில் 6.78 இன்ச் 1.5K BOE X1 AMOLED ஸ்கிரீன், 4500 நிட்ஸ் பிரைட்னஸ் வழங்கப்பட்டு இருக்கிறது.

இத்துடன் ப்ரோ XDR ஹை டைனமிக் டிஸ்ப்ளே, டால்பி விஷன், 2160 ஹெர்ட்ஸ் PWM டிம்மிங், டிசி டிம்மிங், 144 ஹெர்ட்ஸ் ரிப்ரெஷ் ரேட், 20000 லெவல் டிம்மிங் வசதி வழங்கப்படுகிறது. இந்த ஸ்மார்ட்போனில் மிக மெல்லிய பெசல்கள், குவால்காம் ஸ்னாப்டிராகன் 8 ஜென் 3 பிராசஸர், அதிகபட்சம் 16 ஜி.பி. ரேம், 1 டி.பி. வரையிலான மெமரி வழங்கப்படுகிறது.

ரியல்மி GT5 ப்ரோ அம்சங்கள்:

6.78 இன்ச் 2780x1264 பிக்சல் 1.5K AMOLED டிஸ்ப்ளே, 144 ஹெர்ட்ஸ் ரிப்ரெஷ் ரேட்

ஆக்டா கோர் ஸ்னாப்டிராகன் 8 ஜென் 3 பிராசஸர்

அட்ரினோ 750 GPU

12 ஜி.பி., 16 ஜி.பி. ரேம்

256 ஜி.பி., 512 ஜி.பி. மற்றும் 1 டி.பி. மெமரி

ஆண்ட்ராய்டு 14 சார்ந்த ரியல்மி யு.ஐ. 5.0

டூயல் சிம் ஸ்லாட்

50MP பிரைமரி கேமரா, OIS

8MP அல்ட்ரா வைடு கேமரா

50MP பெரிஸ்கோப் டெலிபோட்டோ கேமரா, OIS

32MP செல்ஃபி கேமரா

இன் டிஸ்ப்ளே கைரேகை சென்சார்

யு.எஸ்.பி. டைப் சி போர்ட், ஸ்டீரியோ ஸ்பீக்கர்கள், டால்பி அட்மோஸ்

5ஜி, டூயல் 4ஜி வோல்ட்இ, வைபை, ப்ளூடூத் 5.4

யு.எஸ்.பி. டைப் சி 3.2

5400 எம்.ஏ.ஹெச். பேட்டரி

100 வாட் ஃபாஸ்ட் சார்ஜிங், 50 வாட் வயர்லெஸ் சார்ஜிங்

சீன சந்தையில் புதிய ரியல்மி GT5 ப்ரோ ஸ்மார்ட்போனின் பேஸ் மாடல் விலை இந்திய மதிப்பில் ரூ. 39 ஆயிரத்து 860 என நிர்ணயம் செய்யப்பட்டு உள்ளது. இதன் டாப் எண்ட் மாடல் விலை இந்திய மதிப்பில் ரூ. 50 ஆயிரத்து 430 ஆகும்.

சியோமி நிறுவனத்தின் முற்றிலும் புதிய ரெட்மி 13C 4ஜி மற்றும் ரெட்மி 13C 5ஜி மாடல்கள் இந்திய சந்தையில் அறிமுகம் செய்யப்பட்டன. இதன் 4ஜி வெர்ஷன் கடந்த மாதம் சர்வதேச சந்தையில் அறிமுகம் செய்யப்பட்ட நிலையில், 5ஜி வெர்ஷன் இந்தியாவில் வைத்து முதல்முறையாக சர்வதேச சந்தையில் அறிமுகம் செய்யப்பட்டு இருக்கிறது.

தோற்றத்தில் இரு மாடல்களும் ஒரே மாதரியான டிசைன், வாட்டர் டிராப் நாட்ச், செல்ஃபி கேமரா, டூயல் பிரைமரி கேமரா சென்சார்கள், வட்ட வடிவ ரிங்குகள், பக்கவாட்டில் கைரேகை சென்சார் வழங்கப்படுகிறது. ரெட்மி 13C மாடலில் 90Hz ரிப்ரெஷ் ரேட் கொண்ட டிஸ்ப்ளே, 5000 எம்.ஏ.ஹெச். பேட்டரி, 50MP பிரைமரி கேமரா சென்சார் வழங்கப்படுகிறது.

ரெட்மி 13C 4ஜி மற்றும் 5ஜி அம்சங்கள்:

6.74 இன்ச் HD+ 90Hz டிஸ்ப்ளே

கார்னிங் கொரில்லா கிளாஸ் 3 பாதுகாப்பு

4ஜி மாடலில் மீடியாடெக் ஹீலியோ ஜி85 பிராசஸர், மாலி G52 GPU

5ஜி மாடலில் மீடியாடெக் டிமென்சிட்டி 6100+ பிராசஸர், மாலி G57 GPU

அதிகபட்சம் 8 ஜி.பி. ரேம்

256 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 சார்ந்த MIUI 14

5ஜி, 4ஜி, டூயல் சிம் ஸ்லாட்

வைபை, ப்ளூடூத் 5.3

3.5mm ஆடியோ ஜாக்

ஸ்பிலாஷ் மற்றும் டஸ்ட் ரெசிஸ்டண்ட்

பக்கவாட்டில் கைரேகை சென்சார்

4ஜி மாடலில் 50MP பிரைமரி கேரமா, 2MP மேக்ரோ லென்ஸ், ஆக்சிலரி லென்ஸ்

4ஜி மாலில் 8MP செல்ஃபி கேமரா

5ஜி மாடலில் 50MP டூயல் கேமரா சென்சார், 5MP செல்ஃபி கேமரா

5000 எம்.ஏ.ஹெச். பேட்டரி

18 வாட் ஃபாஸ்ட் சார்ஜிங் வசதி

விலை விவரங்கள்:

ரெட்மி 13C 4ஜி (4 ஜி.பி. ரேம், 128 ஜி.பி. மெமரி) விலை ரூ. 8 ஆயிரத்து 999

ரெட்மி 13C 4ஜி (6 ஜி.பி. ரேம், 128 ஜி.பி. மெமரி) விலை ரூ. 9 ஆயிரத்து 999

ரெட்மி 13C 4ஜி (8 ஜி.பி. ரேம், 256 ஜி.பி. மெமரி) விலை ரூ. 11 ஆயிரத்து 499

ரெட்மி 13C 5ஜி (4 ஜி.பி. ரேம், 128 ஜி.பி. மெமரி) விலை ரூ. 10 ஆயிரத்து 999

ரெட்மி 13C 5ஜி (6 ஜி.பி. ரேம், 128 ஜி.பி. மெமரி) விலை ரூ. 12 ஆயிரத்து 499

ரெட்மி 13C 5ஜி (8 ஜி.பி. ரேம், 256 ஜி.பி. மெமரி) விலை ரூ. 14 ஆயிரத்து 999

புதிய ரெட்மி ரெட்மி 13C 5ஜி மாடல் இந்தியாவில் கிடைக்கும் குறைந்த விலை 5ஜி ஸ்மார்ட்போன் என்ற பெருமையை பெற்று இருக்கிறது. 

வாட்ஸ்அப் செயலியில் உள்ள லாக்டு சாட் (Locked Chat) அம்சத்திற்கு புதிதாக சீக்ரெட் கோட் (Secret Code) எனும் வசதி வழங்கப்படுகிறது. முன்னதாக அறிவிக்கப்பட்ட சாட் லாக் அம்சம் தற்போது நீட்டிக்கப்பட்டு இருக்கிறது. இந்த அம்சம் கொண்டு பயனர்கள் தங்களின் சாட்களை சீக்ரெட் கோட் மூலம் மறைத்து வைத்துக் கொள்ளலாம்.

இவ்வாறு செய்யும் போது, நீங்கள் உங்களது போனினை மற்றவர்களிடம் கொடுக்கும் போது, அவர்கள் உங்களது மிகமுக்கிய உரையாடல்களை பார்த்து விடுவார்களா என்ன அஞ்சி நிற்க வேண்டிய அவசியம் இருக்காது. மேலும் நீங்கள் உங்களது சாட்களுக்கென தனி பாஸ்வேர்டு உருவாக்கிக் கொள்ளலாம். பாஸ்வேர்டுக்கு மாற்றாக கைரேகை அல்லது ஃபேஸ் ஐடி உள்ளிட்டவைகளையும் பயன்படுத்தலாம்.

அந்த வரிசையில், மெட்டா நிறுவனத்தின் தலைமை செயல் அதிகாரி மார்க் ஜூக்கர்பர்க் வாட்ஸ்அப் செயலியில் புதிய சாட் லாக் அம்சத்தில் சீக்ரெட் கோட் வசதி வழங்கப்படுவதாக அறிவித்து இருக்கிறார். இதை கொண்டு சாட்களை பிரத்யேக பாஸ்வேர்டு மூலம் பாதுகாப்பாக வைத்துக் கொள்ள முடியும். சீக்ரெட் கோட் மூலம் மறைத்து வைக்கப்படும் சாட்கள் அனைத்தும் மெயின் சாட் லிஸ்ட்-இல் காண்பிக்கப்படாது.

மேலும் செயலியில் பயனர் செட் செய்த சீக்ரெட் கோட்-ஐ பதிவிட்டால் மட்டுமே இயக்க முடியும். இந்த அம்சத்தினை இயக்க செயலியின் சாட் -- லாக் செட்டிங்ஸ் -- ஹைடு லாக்டு சாட்ஸ் ஆப்ஷன்களை க்ளிக் செய்ய வேண்டும். இனி சீக்ரெட் கோட்-ஐ செட் செய்ய வேண்டும். இவ்வாறு செய்த பிறகு, நீங்கள் தேர்வு செய்த சாட் மெயின் சாட் லிஸ்ட்-இல் இடம்பெறாது.

தற்போது லாக்டு சாட் அம்சத்தை இயக்குவதற்கான ஷாட்கட்- சாட் ஸ்கிரீனில் இருந்து கீழ்புறம் நோக்கி ஸ்வைப் செய்ய வேண்டும். இவ்வாறு செய்த பிறகு, கைரேகை சென்சார் அல்லது ஃபேஸ் ஐடி மூலம் சாட்களை இயக்கலாம். சாட்களில் சீக்ரெட் கோட் செட் செய்த பிறகு, செயலியில் உள்ள லாக்டு சாட்ஸ்-ஐ இயக்க வாட்ஸ்அப் சர்ச் பாரில் சீக்ரெட் கோட்-ஐ பதிவிட வேண்டியது அவசியம் ஆகும்.