தொழில்நுட்பம்

ஒன் நெட்புக் நிறுவனம் தனது விண்டோஸ் சார்ந்த கையடக்க கேமிங் கன்சோல் ஒன்எக்ஸ்பிளேயர் 2 சாதனத்தை சமீபத்தில் அறிவித்தது. வழக்கம் போல் இந்த கன்சோல் முதற்கட்டமாக இண்டிகோகோ வலைதளத்தில் முன்பதிவுக்கு வைக்கப்பட்டது. கிரவுட்ஃபண்டிங் வலைதளத்தில் இந்த கையடக்க கன்சோல் முன்பதிவு நடைபெறுகிறது.

முன்பதிவில் 1 மில்லியன் டாலர்களை வசூலித்ததை அடுத்து ஒன்எக்ஸ்பிளேயர் 2 தற்போது ஆர்டர் செய்ய கிடைக்கிறது. இந்த கன்சோல் டிசைன் அதன் முந்தைய வெர்ஷனை போன்றே காட்சியளிக்கிறது. எனினும், இதில் கழற்றக்கூடிய கண்ட்ரோலர் பேட்கள், ஸ்டைலஸ் மற்றும் கீபோர்டு சப்போர்ட் உடன் டேப்லெட் மற்றும் மின் லேப்டாப் போன்று பயன்படுத்தும் வசதி வழங்கப்பட்டு இருக்கிறது.

ஒன்எக்ஸ்பிளேயர் 2 மாடலில் ரைசன் 7 6800U APU, 8.4 இன்ச் டிஸ்ப்ளே, 2.5K ரெசல்யூஷன், 65.5 வாட் ஹவர் பேட்டரி, இண்டர்சேன்ஜ் செய்யக்கூடிய கண்ட்லோர்கள், பில்ட்-இன் கிக்-ஸ்டாண்டு, பென் இன்புட், 4096 லெவல் பிரெஷர் சென்சிடிவிட்டி வழங்கப்பட்டு இருக்கிறது. இத்துடன் ஹார்மன் டியூனிங் செய்யப்பட்ட டூயல் ஸ்பீக்கர் சிஸ்டம், ஸ்மார்ட் கூலிங் சிஸ்டம் வழங்கப்பட்டு இருக்கிறது.

ஒன் நெட்புக் நிறுவனம் புதிய ஒன்எக்ஸ்பிளேயர் 2 மாடலின் வினியோகம் மார்ச் மாத வாக்கில் துவங்க இருக்கிறது. இத்துடன் மேக்னடிக் கீபோர்டு, போர்டபில் கனெக்டர் மற்றும் ஸ்டைலஸ் உள்ளிட்டவை தனித்தனியே விற்பனை செய்யப்படுகின்றன. இவற்றின் விலை முறையே 39, 29 மற்றும் 39 டாலர்கள் என நிர்ணயம் செய்யப்பட்டு உள்ளது.

ஒன்எக்ஸ்பிளேயர் 2 ஆர்டர்கள் ஒன்எக்ஸ்பிளேயர் ஸ்டோர் மற்றும் இண்டிகோகோ வலைதளத்தில் இம்மாத இறுதியில் துவங்க இருக்கிறது. இத்துடன் பல்வேறு ஆன்லைன் வலைதளங்களிலும் ஒன்எக்ஸ்பிளேயர் 2 விற்பனை செய்யப்பட இருக்கிறது.

விலை விவரங்கள்:

16 ஜிபி ரேம், 512 ஜிபி மெமரி மாடல் 1,099 டாலர்கள், இந்திய மதிப்பில் ரூ. 90 ஆயிரத்து 668

16 ஜிபி ரேம், 1 டிபி மெமரி மாடல் 1,199 டாலர்கள், இந்திய மதிப்பில் ரூ. 98 ஆயிரத்து 918

16 ஜிபி ரேம், 2 டிபி மெமரி மாடல் 1,299 டாலர்கள், இந்திய மதிப்பில் ரூ. 1 லட்சத்து 07 ஆயிரத்து 168

32 ஜிபி ரேம், 1 டிபி மெமரி மாடல் 1,299 டாலர்கள், இந்திய மதிப்பில் ரூ. 1 லட்சத்து 07 ஆயிரத்து 168

32 ஜிபி ரேம், 2 டிபி மெமரி மாடல் 1,499 டாலர்கள், இந்திய மதிப்பில் ரூ. 1 லட்சத்து 23 ஆயிரத்து 668

மோட்டோரோலா நிறுவனத்தின் புதிய மோட்டோ e13 ஸ்மார்ட்போன் 6.5 இன்ச் HD+ ஸ்கிரீன், யுனிசாக் T606 பிராசஸர், அதிகபட்சம் 4 ஜிபி ரேம், ஆண்ட்ராய்டு 13 கோ எடிஷன் ஒஎஸ், ஃபேஸ் அன்லாக் வசதி கொண்டிருக்கிறது. புகைப்படங்களை எடுக்க 13MP பிரைமரி கேமரா, 5MP செல்ஃபி கேமரா கொண்டிருக்கும் மோட்டோ e13 மாடலில் 5000 எம்ஏஹெச் பேட்டரி மற்றும் 10 வாட் சார்ஜிங், யுஎஸ்பி டைப் சி போர்ட் வழங்கப்பட்டு இருக்கிறது.

மோட்டோ e13 அம்சங்கள்:

6.5 இன்ச் 720x1600 பிக்சல் HD+ LCD ஸ்கிரீன்

ஆக்டா கோர் யுனிசாக் T606 பிராசஸர்

மாலி G57 MC2 GPU

2 ஜிபி, 4 ஜிபி ரேம்

64 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 (கோ எடிஷன்)

டூயல் சிம் ஸ்லாட்

13MP பிரைமரி கேமரா, எல்இடி ஃபிளாஷ்

5MP செல்ஃபி கேமரா

3.5mm ஆடியோ ஜாக், டால்பி அட்மோஸ்

ஸ்பிலாஷ் ரெசிஸ்டண்ட் (IP52)

டூயல் 4ஜி வோல்ட்இ, வைபை, ப்ளூடூத் 5

யுஎஸ்பி டைப் சி

5000 எம்ஏஹெச் பேடடரி

10 வாட் சார்ஜிங்

விலை மற்றும் விற்பனை விவரங்கள்:

மோட்டோ e13 ஸ்மார்ட்போன் காஸ்மிக் பிளாக், அரோரா கிரீன் மற்றும் கிரீமி வைட் நிறங்களில் கிடைக்கிறது. இதன் 2 ஜிபி ரேம், 64 ஜிபி மெமரி மாடல் விலை ரூ. 6 ஆயிரத்து 999 என்றும் 4 ஜிபி ரேம், 64 ஜிபி மெமரி மாடல் விலை ரூ. 7 ஆயிரத்து 999 என நிர்ணயம் செய்யப்பட்டு உள்ளது. புதிய மோட்டோ e13 ஸ்மார்ட்போன் ப்ளிப்கார்ட் மற்றும் ஆஃப்லைன் தளங்களில் பிப்ரவரி 15 ஆம் தேதி துவங்குகிறது.

சியோமி நிறுவனம் தனது சியோமி 13 ப்ரோ இந்திய வெளியீட்டை உறுதிப்படுத்தி இருக்கிறது. அதன்படி இந்திய சந்தையில் சியோமி 13 ப்ரோ ஸ்மார்ட்போன் பிப்ரவரி 26 ஆம் தேதி அறிமுகம் செய்யப்பட இருக்கிறது. சியோமி 12S சீரிசை தொடர்ந்து சியோமி மற்றும் லெய்கா கூட்டணியில் உருவாகி இருக்கும் ஸ்மார்ட்போன் இது ஆகும். கடந்த ஆண்டு டிசம்பர் மாத வாக்கில் சியோமி 13 ப்ரோ ஸ்மார்ட்போன் சீன சந்தையில் அறிமுகம் செய்யப்பட்டது.

இந்திய வெளியீட்டின் போதே சியோமி 13 ப்ரோ மாடல் சர்வதேச சந்தையிலும் அறிமுகம் செய்யப்பட இருக்கிறது. சியோமி 13 இந்திய வெளியீடு பற்றி சியோமி நிறுவனம் இதுவரை எந்த தகவலும் வழங்கவில்லை. எனினும், இந்த மாடல் அறிமுகம் செய்யப்படாது என்றே தெரிகிறது. கடந்த ஆண்டு சியோமி நிறுவனம் சியோமி 12 ப்ரோ மாடலை மட்டுமே இந்தியாவில் அறிமுகம் செய்து இருந்தது.

சியோமி 13 சீரிஸ் சர்வதேச வெளியீடு இந்திய வெளியீட்டின் போதே நடைபெறும். இந்தியாவில் சியோமி 13 ப்ரோ மாடலின் அறிமுக நிகழ்வு பிப்ரவரி 26 ஆம் தேதி இரவு 9.30 மணிக்கு துவங்குகிறது. சியோமி 13 ப்ரோ அறிமுக நிகழ்வு சியோமி அதிகாரப்பூர்வ வலைதளம், ஃபேஸ்புக், யூடியூப் மற்றும் டுவிட்டர் அக்கவுண்ட்களில் நேரலை செய்யப்படும்.

அம்சங்களை பொருத்தவரை சியோமி 13 ப்ரோ மாடலில் 6.78 இன்ச் 2K Flexible E6 சாம்சங் AMOLED LTPO ஸ்கிரீன், 120Hz ரிப்ரெஷ் ரேட், டால்பி விஷன், ஸ்னாப்டிராகன் 8 ஜென் 2 பிராசஸர், அதிகபட்சம் 12 ஜிபி ரேம், விசி லிக்விட் கூலிங், 50MP பிரைமரி கேமரா, 50MP அல்ட்ரா வைடு லென்ஸ், 50MP டெலிபோட்டோ கேமரா, IP68 வாட்டர் ரெசிஸ்டண்ட் வசதி, 4820 எம்ஏஹெச் பேட்டரி, 120 வாட் வயர்டு சார்ஜிங், 50 வாட் வயர்லெஸ் சார்ஜிங் மற்றும் 10 வாட் ரிவர்ஸ் வயர்லெஸ் சார்ஜிங் போன்ற அம்சங்கள் வழங்கப்பட்டுள்ளன.

வாட்ஸ்அப் நிறுவனம் உருவாக்கி வரும் புதிய அம்சம் கொண்டு ஒரே சமயத்தில் 100 மீடியா ஃபைல்களை மற்றவர்களுக்கு அனுப்ப முடியும். தற்போது வாட்ஸ்அப் செயலியில் 30 மீடியா ஃபைல்களை மட்டுமே ஒரே சமயத்தில் அனுப்ப முடியும். வாட்ஸ்அப் ஆண்ட்ராய்டு பீட்டா 2.24.4.3 வெர்ஷனில் புதிய அம்சம் வழங்கப்பட்டு இருக்கிறது. முதற்கட்டமாக தேர்வு செய்யப்பட்ட சில பீட்டா டெஸ்டர்களுக்கு மட்டும் புதிய அம்சம் தற்போது வழங்கப்பட்டு உள்ளது.

புதிய அம்சம் வழங்கப்பட்டு இருக்கிறதா என்பதை அறிய செயலியினுள் ஒரே சமயத்தில் 30-க்கும் மேற்பட்ட மீடியா ஃபைல்களை தேர்வு செய்து முயற்சிக்கலாம். 30-க்கும் மேற்பட்ட ஃபைல்களை தேர்வு செய்ய முடியும் பட்சத்தில் உங்களுக்கு இந்த அம்சம் வழங்கப்பட்டு இருப்பதை உறுதிப்படுத்திக் கொள்ளலாம். ஒருவேளை இந்த அம்சம் வழங்கப்படவில்லை எனில், உங்களால் 30-க்கும் அதிக ஃபைல்களை தேர்வு செய்ய இயலாது. அந்த வகையில், கிடைக்காதவர்கள் இந்த வசதியை பெற சிறிது காலம் காத்திருக்க வேண்டும்.

தற்போது 100 மீடியா ஃபைல்களை அனுப்பும் வசதி வழங்கப்பட்டு இருப்பதை கொண்டு, ஒரே புகைப்படம் அல்லது வீடியோவை பலமுறை தேர்வு செய்ய முடியாது. தற்போது டெஸ்டிங்கில் இருப்பதால், இந்த அம்சம் விரைவில் அனுவருக்குமான ஸ்டேபில் வெர்ஷனில் வெளியிடப்படலாம். எனினும், சரியான வெளியீட்டு காலம் பற்றி இதுவரை எந்த தகவலும் இல்லை.

பீட்டா டெஸ்டிங் ஒருபுறம் இருக்க, வாட்ஸ்அப் தனது ஸ்டேட்டஸ் அப்டேட்ஸ் பகுதியில் சில புதிய அம்சங்களை அறிவித்து இருக்கிறது. இந்த அம்சங்களை கொண்டு வாட்ஸ்அப் காண்டாக்ட்களுக்கு புதிய வழிகளில் தகவல் பரிமாற்றம் செய்ய முடியும்.

பிரைவேட் ஆடியன்ஸ்:

பெயருக்கு ஏற்றார்போல் இந்த அம்சம் ஸ்டேட்டஸ் அப்டேட்களை யார் பார்க்க வேண்டும் என்பதை குறிக்கும். இது முழுக்க முழுக்க புதிய அம்சம் இல்லை என்ற போதிலும், இது பிரத்யேக அனுபவத்தை வழங்கும் வகையில் இருக்கும். சமீபத்தில் தேர்வு செய்தபடி யார்யாருக்கு ஸ்டேட்டஸ் காண்பிக்கப்பட வேண்டும் என்ற காண்டாக்ட்களின் பட்டியல் சேமிக்கப்பட்டு, அடுத்த அப்டேட்டிற்கு தானாக பயன்படுத்தப்படும்.

வாய்ஸ் ஸ்டேட்டஸ்:

இந்த அம்சம் கொண்டு பயனர்கள் அதிகபட்சமாக 30 நொடிகளுக்கு வாய்ஸ் நோட்களை தங்களின் ஸ்டேட்டஸ்-ஆக வைத்துக் கொள்ளலாம். மிகமுக்கிய தனிப்பட்ட வகையில் அப்டேட்களை தெரிவிக்கும் மற்றொரு வழிமுறை இது என வாட்ஸ்அப் தெரிவித்து இருக்கிறது.

ஸ்டேட்டஸ் ரியாக்ஷன்ஸ்:

இந்த அம்சம் கொண்டு ஸ்டேட்டஸ் அப்டேட்களை ஸ்வைப் அப் செய்து அதிகபட்சம் எட்டு எமோஜிக்களை பயன்படுத்தி தங்களின் கருத்தை தெரிவிக்க முடியும். இது இன்ஸ்டாகிராமில் உள்ளதை போன்றே செயல்படுகிறது.

ஸ்டேட்டஸ் ப்ரோஃபைல் ரிங்ஸ்:

சாட் லிஸ்ட், க்ரூப் பட்டியல் மற்றும் காண்டாக்ட்களில் ஸ்டேட்டஸ் அப்டேட்களை பார்க்கும் வழிமுறையை இது எளிமையாக்கி விடும். குறிப்பிட்ட காண்டாக்ட் ஸ்டேட்டஸ் வைத்திருப்பின், அந்த பயனரின் ப்ரோஃபைல் படத்தை சுற்றி ரிங் ஒன்று காணப்படும். இதை கொண்டு அவர் ஸ்டேட்டஸ் வைத்திருப்பதை அறிந்து கொள்ளலாம்.

லின்க் பிரீவியூஸ்:

ஸ்டேட்டஸ்களில் ஒருவழியாக லின்க் பிரீவியூ வசதி வழங்கப்பட்டு இருக்கிறது. இந்த அம்சம் கொண்டு பயனர்கள் எப்போது லின்க்-களை ஸ்டேட்டஸ் ஆக வைத்தாலும், அந்த லின்க்-இன் பிரீவியூ காண்பிக்கப்படும். இதை கொண்டு ஸ்டேட்டஸ் பார்ப்பவர்கள் குறிப்பிட்ட லின்க்-ஐ திறந்து பார்க்காமலேயே அந்த லின்க்-இல் எதுபோன்ற தரவு உள்ளது என்பதை சற்று தெளிவாக புரிந்து கொள்ள முடியும்.

மேலே குறிப்பிடப்பட்டு இருக்கும் ஸ்டேட்டஸ் அப்டேட்கள் சர்வதேச அளவில் வெளியிடப்பட்டு வருகின்றன. அடுத்த சில வாரங்களில் இந்த அம்சம் அனைவருக்கும் கிடைத்து விடும் என வாட்ஸ்அப் அறிவித்து இருக்கிறது.

Photo Courtesy: WABetaInfo

ஒன்பிளஸ் 11 சீரிஸ் ஸ்மார்ட்போன்களுடன் ஒன்பிளஸ் நிறுவனம் தனது புதிய ஒன்பிளஸ் டிவி 65 Q2 ப்ரோ மாடலை இந்திய சந்தையில் அறிமுகம் செய்தது. புதிய ஒன்பிளஸ் Q சீரிஸ் டிவி மூலம் அந்நிறுவனம் தனது Q சீரிஸ் மாடலை மூன்று ஆண்டுகள் கழித்து அப்டேட் செய்து இருக்கிறது. இந்த மாடலில் 65 இன்ச் QLED 4K பேனல், 120Hz ரிப்ரெஷ் ரேட், குவாண்டம் டாட் லேயர் தொழில்நுட்பம் உள்ளது.

மேலும் இதில் உள்ள காமா என்ஜின் டிஸ்ப்ளே தரத்தை ஆப்டிமைஸ் செய்கிறது. புதிய Q2 ப்ரோ மாடலில் 70 வாட் ஸ்பீக்கர்கள் மற்றும் 2.1 சேனல் சப்போர்ட் உள்ளது. டைனாடியோ டியூன் செய்த ஹாரிசான் சவுண்ட்பாரினுள் மொத்தம் ஏழு ஸ்பீக்கர்கள் வழங்கப்பட்டுள்ளன. இத்துடன் ஒட்டுமொத்த ஸ்பீக்கர் அவுட்புட்-இல் 30 வாட் சப்-வூஃபர் இடம்பெற்று இருக்கிறது.

இந்த டிவி ஆண்ட்ராய்டு டிவி 11 சார்ந்த ஆக்சிஜன்பிளே 2.0 ஒஎஸ், கூகுள் வாய்ஸ் அசிஸ்டண்ட் வசதி கொண்டிருக்கிறது. மேலும் ஒன்பிளஸ் கனெக்ட் 2.0 மற்றும் NFC கேஸ்ட் அம்சங்கள் உள்ளன. இதை கொண்டு ஒன்பிளஸ் ஸ்மார்ட்வாட்ச், ஒன்பிளஸ் பேட் உள்ளிட்டவைகளை எளிதில் ஒன்பிளஸ் டிவியுடன் இணைத்துக் கொள்ளலாம்.

ஒன்பிளஸ் டிவி 65 Q2 ப்ரோ அம்சங்கள்:

65 இன்ச் 4K 3840x2160 பிக்சல் QLED ஸ்கிரீன், 120Hz ரிப்ரெஷ் ரேட், 1200 நிட்ஸ் பீக் பிரைட்னஸ்

டால்பி விஷன், HDR10+, HLG

பிக்சர் என்ஹான்சர்: காமா என்ஜின் அல்ட்ரா

70 வாட் 2.1 சேனல் சவுண்ட் அவுட்புட் (40 வாட் சவுண்ட்+30வாட் சப்வூஃபர்)

டால்பி அட்மோஸ்

3 ஜிபி ரேம்

32 ஜிபி மெமரி

NFC கேஸ்ட், மல்டிகேஸ்ட் 2.0, க்ரோம்காஸ்ட் பில்ட்-இன், DLNA, மிராகேஸ்ட்

ஆக்சிஜன் பிளே 2.0 சார்ந்த கூகுள் டிவி

கூகுள் அசிஸ்டண்ட் பில்ட்-இன்

ஆக்சிஜன்பிளே, பிரைம்வீடியோ, நெட்ஃப்ளிக்ஸ், யூடியூப், ஹாட்ஸ்டார், கூகுள் பிளே ஸ்டோர்

ப்ளூடூத் 5.0, 1x RF போர்ட், 1x RJ45 ஈத்தர்நெட் போர்ட்

3x HDMI 2.1 (HDMI 1 eARC), வைபை, 2x USB2.0

விலை மற்றும் விற்பனை விவரங்கள்:

ஒன்பிளஸ் டிவி 65 Q2 ப்ரோ மாடலின் விலை ரூ. 99 ஆயிரத்து 999 ஆகும். இதன் விற்பனை ஒன்பிளஸ் வலைதளம், அமேசான், ப்ளிப்கார்ட் போன்ற வலைதளங்கள் மற்றும் ஒன்பிளஸ் எக்ஸ்பீரியன்ஸ் ஸ்டோர் மற்றும் முன்னணி ஆஃப்லைன் ஸ்டோர்களில் நடைபெற இருக்கிறது. முன்பதிவு மார்ச் 6 ஆம் தேதியும், விற்பனை மார்ச் 10 ஆம் தேதியும் துவங்க இருக்கிறது.

ஒன்பிளஸ் 11 ஸ்மார்ட்போனுடன் ஒன்பிளஸ் நிறுவனம் ஒன்பிளஸ் 11R 5ஜி ஸ்மார்ட்போனையும் அறிமுகம் செய்து இருக்கிறது. இது சற்றே விலை குறைந்த ஒன்பிளஸ் 11 சீரிஸ் மாடல் ஆகும். புதிய ஒன்பிளஸ் 11R 5ஜி மாடலில் 6.74 இன்ச் 1.5K 120Hz AMOLED ஸ்கிரீன், ஸ்னாப்டிராகன் 8 பிளஸ் ஜென் 1 பிராசஸர், அதிகபட்சம் 16 ஜிபி ரேம் போன்ற அம்சங்கள் வழங்கப்பட்டு இருக்கிறது.

கிளாஸ் பேக் கொண்டிருக்கும் ஒன்பிளஸ் 11R 5ஜி மாடலில் புகைப்படங்களை எடுக்க 50MP பிரைமரி கேமரா, OIS, 8MP அல்ட்ரா வைடு கேமரா, 2MP மேக்ரோ கேமரா மற்றும் 16MP செல்ஃபி கேமரா வழங்கப்பட்டு இருக்கிறது. 5000 எம்ஏஹெச் பேட்டரி மூலம் சக்தியூட்டப்படும் ஒன்பிளஸ் 11R 5ஜி மாடலில் 100 வாட் சூப்பர்வூக் சார்ஜிங் வழங்கப்பட்டுள்ளது. இது ஸ்மார்ட்போனை 25 நிமிடங்களில் முழுமையாக சார்ஜ் செய்துவிடும்.

ஒன்பிளஸ் 11R 5ஜி அம்சங்கள்:

6.74 இன்ச் 2772x1240 பிக்சல் AMOLED ஸ்கிரீன், 120Hz அடாப்டிவ் ரிப்ரெஷ் ரேட்

ஆக்டா கோர் ஸ்னாப்டிராகன் 8 பிளஸ் ஜென் 2 பிராசஸர்

அட்ரினோ 730 GPU

8 ஜிபி LPDDR5 ரேம், 128 ஜிபி UFS 3.1 மெமரி

12 ஜிபி LPDDR5X ரேம், 256 ஜிபி UFS 3.1 மெமரி

ஆண்ட்ராய்டு 13 மற்றும் கலர்ஒஎஸ் 13

டூயல் சிம் ஸ்லாட்

50MP பிரைமரி கேமரா, OIS

8MP அல்ட்ரா வைடு கேமரா

2MP மேக்ரோ கேமரா

16MP செல்ஃபி கேமரா

இன் டிஸ்ப்ளே கைரேகை சென்சார்

யுஎஸ்பி டைப் சி ஆடியோ, ஸ்டீரியோ ஸ்பீக்கர்கள், டால்பி அட்மோஸ்

5ஜி, டூயல் 4ஜி வோல்ட்இ, வைபை 6, ப்ளூடூத் 5.2

யுஎஸ்பி டைப் சி

5000 எம்ஏஹெச் பேட்டரி

100 வாட் சூப்பர்வூக் ஃபாஸ்ட் சார்ஜிங்

விலை மற்றும் விற்பனை விவரங்கள்:

ஒன்பிளஸ் 11R 5ஜி ஸ்மார்ட்போன் சோனிக் பிளாக் மற்றும் கேலக்டிக் சில்வர் என இரண்டு விதமான நிறங்களில் கிடைக்கிறது. இதன் 8 ஜிபி ரேம், 128 ஜிபி மெமரி மாடல் விலை ரூ. 39 ஆயிரத்து 999 என்றும் 16 ஜிபி ரேம், 256 ஜிபி மெமரி மாடல் விலை ரூ. 44 ஆயிரத்து 999 என்றும் நிர்ணயம் செய்யப்பட்டு உள்ளது. புதிய ஒன்பிளஸ் 11R 5ஜி ஸ்மார்ட்போனிற்கான முன்பதிவு பிப்ரவரி 21 ஆம் தேதி துவங்குகிறது. விற்பனை பிப்ரவரி 28 ஆம் தேதி துவங்குகிறது. 

ஒன்பிளஸ் 11 ஃபிளாக்ஷிப் ஸ்மார்ட்போனுடன் ஒன்பிளஸ் நிறுவனம் ஒன்பிளஸ் பட்ஸ் ப்ரோ 2 சீரிஸ் இயர்பட்ஸ்-ஐ இந்திய சந்தையில் அறிமுகம் செய்து இருக்கிறது. இது ஒன்பிளஸ் நிறுவனத்தின் இரண்டாம் தலைமுறை பிரீமியம் இயர்பட்ஸ் மாடல் ஆகும். ஒன்பிளஸ் பட்ஸ் ப்ரோ 2 டாப் எண்ட் மாடலாகவும், பட்ஸ் ப்ரோ 2R சற்றே குறைந்த விலையிலும் அறிமுகம் செய்யப்பட்டுள்ளன.

அம்சங்களை பொருத்தவரை புதிய ஒன்பிளஸ் பட்ஸ் ப்ரோ 2 மாடலில் 48db டெப்த் மற்றும் 4000Hz விட்த் ஆக்டிவ் நாய்ஸ் கேன்சலேஷன் போன்ற அம்சங்கள் வழங்கப்பட்டு இருக்கின்றன. இத்துடன் 54ms லோ லேடன்சி, மெலோடிபூஸ்ட் டூயல் டிரைவர்கள் 11mm வூஃபர், 6mm டுவீட்டர், டைனாடியோ, டால்பி அட்மோஸ் மற்றும் ஸ்பேஷியல் ஆடியோ என ஏராளமான அம்சங்கள் வழங்கப்பட்டுள்ளன.

இதில் உள்ள வூஃபரின் டோம் பகுதியில் க்ரிஸ்டல் பாலிமர் டைஃப்ரம் மற்றும் டோம், எட்ஜ் டிசைன் உள்ளிட்டவை வழங்கப்பட்டு இருக்கிறது. இவை வெவ்வேறு ஃபிரீக்வன்சிக்களில் இணைப்பை மேம்படுத்தும் திறன் கொண்டுள்ளது.

ஒன்பிளஸ் பட்ஸ் ப்ரோ 2 மற்றும் பட்ஸ் ப்ரோ 2R அம்சங்கள்:

ப்ளூடூத் 5.3 (LHDC 5.0/AAC/SBC/LC3)

டால்பி அட்மோஸ் ஸ்பேஷியல் ஆடியோ (ஒன்பிளஸ் 11 மற்றும் ஒன்பிளஸ் 11R)

ஒன்பிளஸ் ஆடியோ ID 2.0 தனித்துவம் மிக்க ஆடியோ

11mm டைனமிக் டிரைவர் + 6mm டைஃப்ரம் டிரைவர்

பிரெஷர் சென்சிடிவ் கண்ட்ரோல்

டூயல் மைக்ரோபோன்

54ms லோ-லேடன்சி கேமிங்

இயர்போனுக்கு வாட்டர் ரெசிஸ்டண்ட் (IP55), கேஸ்-க்கு IPX4 ரெசிஸ்டண்ட்

டூயல் கனெக்ஷன்

இயர்பட்களில் 60 எம்ஏஹெச் பேட்டரி

கேசில் 520 எம்ஏஹெச் பேட்டரி

ஃபாஸ்ட் சார்ஜிங் வசதி

Qi வயர்லெஸ் சார்ஜிங் (ப்ரோ 2 மாடலில் மட்டும்)

விலை மற்றும் விற்பனை விவரங்கள்:

ஒன்பிளஸ் பட்ஸ் ப்ரோ 2 அப்சிடியன் பிளாக் மற்றும் ஆர்பர் கிரீன் என இரண்டு விதமான நிறங்களில் கிடைக்கிறது. இதன் விலை ரூ. 11 ஆயிரத்து 999 என் நிர்ணயம் செய்யப்பட்டு உள்ளது. ஒன்பிளஸ் பட்ஸ் ப்ரோ 2R அப்சிடியன் பிளாக் மற்றும் மிஸ்டி வைட் நிறங்களில் கிடைக்கிறது. இதன் விலை ரூ. 9 ஆயிரத்து 999 ஆகும்.

இந்தியாவில் ஒன்பிளஸ் பட்ஸ் ப்ரோ 2 முன்பதிவு பிப்ரவரி 07 ஆம் தேதி துவங்குகிறது. விற்பனை பிப்ரவரி 14 ஆம் தேதி துவங்குகிறது. ஒன்பிளஸ் ப்ரோ ப்ரோ 2R விற்பனை மார்ச் மாத வாக்கில் துவங்க இருக்கிறது. புதிய ஒன்பிளஸ் பட்ஸ் ப்ரோ 2 வாங்குவோர் ஐசிஐசிஐ வங்கி கிரெடிட் கார்டு மற்றும் மாத தவணை முறையை பயன்படுத்தும் போது ரூ. 500 உடனடி தள்ளுபடி பெறலாம். 

ஒன்பிளஸ் நிறுவனம் கிளவுட் 11 நிகழ்வில் தனது புதிய ஃபிளாக்ஷிப் ஒன்பிளஸ் 11 ஸ்மார்ட்போனுடன் ஒன்பிளஸ் பேட் டேப்லெட்-ஐ அறிமுகம் செய்தது. புதிய ஒன்பிளஸ் பேட் மாடலில் 11.6 இன்ச் டிஸ்ப்ளே, 144Hz ரிப்ரெஷ் ரேட், மீடியாடெக் 9000 பிராசஸர், அதிகபட்சம் 12 ஜிபி ரேம், 9510 எம்ஏஹெச் பேட்டரி, 67 வாட் சூப்பர்வூக் ஃபாஸ்ட் சார்ஜிங் வசதி வழங்கப்பட்டு இருக்கிறது.

இத்துடன் ஒன்பிளஸ் ஸ்டைலோ மற்றும் மேக்னடிக் கீபோர்டு சப்போர்ட் வழங்கப்பட்டு இருக்கிறது. 5ஜி கனெக்டிவிட்டி வசதி கொண்டிருக்கும் ஒன்பிளஸ் பேட் மாடலில் குவாட் ஸ்பீக்கர்கள், டால்பி விஷன் மற்றும் டால்பி அட்மோஸ் வசதிகளும் வழங்கப்பட்டு உள்ளது.

ஒன்பிளஸ் பேட் அம்சங்கள்:

11.6 இன்ச் 2800x2000 பிக்சல் டிஸ்ப்ளே, 144Hz ரிப்ரெஷ் ரேட்

மீடியாடெக் 9000 பிராசஸர்

அதிகபட்சம் 12 ஜிபி ரேம்

5ஜி கனெக்டிவிட்டி

குவாட் ஸ்பீக்கர்கள்

டால்பி விஷன் மற்றும் டால்பி அட்மோஸ்

9510 எம்ஏஹெச் பேட்டரி

67 வாட் சூப்பர்வூக் ஃபாஸ்ட் சார்ஜிங் வசதி

விலை மற்றும் விற்பனை விவரங்கள்:

இந்தியாவில் புதிய ஒன்பிளஸ் பேட் மாடல் ஹலோ கிரீன் நிறத்தில் கிடைக்கிறது. ஒன்பிளஸ் பேட் விலை விவரங்கள் இன்றைய நிகழ்வில் அறிவிக்கப்படவில்லை. ஒன்பிளஸ் பேட் மாடலின் முன்பதிவு ஏப்ரல் மாத வாக்கில் துவங்க இருக்கின்றன.

ஒன்பிளஸ் நிறுவனம் ஏற்கனவே அறிவித்தப்படி இந்திய சந்தையில் தனது புதிய ஃபிளாக்ஷிப் ஒன்பிளஸ் 11 ஸ்மார்ட்போனினை அறிமுகம் செய்தது. புதிய ஒன்பிளஸ் 11 மாடலில் 2.75D flexible curved AMOLED LTPO டிஸ்ப்ளே, 120Hz ரிப்ரெஷ் ரேட், ஸ்னாப்டிராகன் 8 ஜென் 2 பிராசஸர், அதிகபட்சம் 16 ஜிபி ரேம் வழங்கப்பட்டு இருக்கிறது.

புகைப்படங்களை எடுக்க ஹேசில்பிலாட் கேமரா சிஸ்டம் வழங்கப்பட்டு இருக்கிறது. இதில் 50MP பிரைமரி கேமரா, 48MP அல்ட்ரா வைடு கேமரா, 32MP போர்டிரெயிட் டெலி கேமரா மற்றும் 16MP செல்ஃபி கேமரா வழங்கப்பட்டுள்ளது. இத்துடன் யுஎஸ்பி டைப் சி போர்ட், 5000 எம்ஏஹெச் பேட்டரி மற்றும் 100 வாட் ஃபாஸ்ட் சார்ஜிங் வசதி உள்ளது.

புதிய ஒன்பிளஸ் 11 ஸ்மார்ட்போனிற்கு நான்கு ஆண்டுகளுக்கு, நான்கு தலைமுறை ஆக்சிஜன் ஒஎஸ் மற்றும் ஐந்து ஆண்டுகளுக்கு செக்யுரிட்டி அப்டேட்களை வழங்குவதாக ஒன்பிளஸ் அறிவித்து இருக்கிறது.

ஒன்பிளஸ் 11 அம்சங்கள்:

6.7 இன்ச் 3216x1440 பிக்சல் QHD+ 2.75D flexible curved AMOLED LTPO டிஸ்ப்ளே

120Hz ரிப்ரெஷ் ரேட், HDR10+, டால்பி விஷன்

கார்னிங் கொரில்லா கிலாஸ் விக்டஸ் பாதுகாப்பு

ஆக்டா கோர் ஸ்னாப்டிராகன் 8 ஜென் 2 பிராசஸர்

அட்ரினோ 740 GPU

8 ஜிபி LPDDR5X ரேம், 128 ஜிபி UFS 4.0 மெமரி

16 ஜிபி LPDDR5X ரேம், 256 ஜிபி, 512 ஜிபி UFS 4.0 மெமரி

ஆண்ட்ராய்டு 13 மற்றும் ஆக்சிஜன் ஒஎஸ் 13

டூயல் சிம் ஸ்லாட்

50MP பிரைமரி கேமரா, OIS

48MP அல்ட்ரா வைடு கேமரா

32MP டெலிபோட்டோ கேமரா

16MP செல்ஃபி கேமரா

இன் டிஸ்ப்ளே கைரேகை சென்சார்

யுஎஸ்பி டைப் சி போர்ட், ஸ்டீரியோ ஸ்பீக்கர் டால்பி அட்மோஸ்

5ஜி, டூயல் 4ஜி வோல்ட்இ, வைபை, ப்ளூடூத் 5.3

யுஎஸ்பி டைப் சி

5000 எம்ஏஹெச் பேட்டரி

100 வாட் சூப்பர்வூக் ஃபாஸ்ட் சார்ஜிங்

விலை மற்றும் விற்பனை விவரங்கள்:

புதிய ஒன்பிளஸ் 11 ஸ்மார்ட்போனின் 8 ஜிபி ரேம், 128 ஜிபி மெமரி மாடல் விலை ரூ. 56 ஆயிரத்து 999 என்றும், 16 ஜிபி ரேம், 256 ஜிபி மெமரி மாடல் விலை ரூ. 61 ஆயிரத்து 999 என்றும் நிர்ணயம் செய்யப்பட்டு உள்ளது. புதிய ஒன்பிளஸ் 11 முன்பதிவு இன்று (பிப்ரவரி 7) துவங்குகிறது. விற்பனை பிப்ரவரி 14 ஆம் தேதி துவங்குகிறது. 

சாம்சங் நிறுவனம் தனது அடுத்த தலைமுறை கேலக்ஸி S23 சீரிஸ் ஸ்மார்ட்போன்களை சமீபத்தில் அறிமுகம் செய்தது. கேலக்ஸி S23, கேலக்ஸி S23 பிளஸ் மற்றும் கேலக்ஸி S23 அல்ட்ரா என மூன்று மாடல்கள் புதிய கேலக்ஸி S23 சீரிசில் இடம்பெற்றுள்ளன. புதிய ஃபிளாக்ஷிப் ஸ்மார்ட்போன்களின் முன்பதிவு சமீபத்தில் துவங்கியது.

இந்த நிலையில், முன்பதிவு துவங்கிய 24 மணி நேரத்தில் புதிய ஸ்மார்ட்போன்களை வாங்க 1 லட்சத்து 40 ஆயிரத்திற்கும் மேற்பட்டோர் முன்பதிவு செய்துள்ளனர் என சாம்சங் அறிவித்து இருக்கிறது. இது கடந்த ஆண்டு அறிமுகம் செய்யப்பட்ட கேலக்ஸி S22 சீரிஸ் மாடல்களுக்கு கிடைத்த முன்பதிவை விட இருமடங்கு அதிகம் ஆகும்.

புதிய கேலக்ஸி S23 சீரிஸ் மாடல்களுக்கு இருமடங்கு அதிக முன்பதிவுகள் கிடைத்திருப்பது, இவற்றுக்கான வரவேற்பு அதிகமாக இருப்பதை உணர்த்தும் வகையில் அமைந்துள்ளது. சாம்சங் கேலக்ஸி S23 சீரிஸ் சராசரி விற்பனை விலை ரூ. 1 லட்சம் ஆகும். அந்த வகையில், இதன் மூலம் சாம்சங் நிறுவனம் ரூ. 1400 கோடி மதிப்பிலான வருவாயை எட்டி இருக்கும்.

சாம்சங் சொந்த நிதி திட்டம் கடந்த வாரம் 12 ஆயிரத்தில் இருந்து இந்த ஆண்டு 18 ஆயிரம் அஞ்சல் குறியீடுகளுக்கு நீட்டிக்கப்பட்டு இருக்கிறது. இதன் மூலம் 40 ஆயிரத்தில் இருந்து 60 ஆயிரம் ஸ்டோர்களாக அதிகரித்து இருக்கிறது. முன்பதிவில் அமோக வரவேற்பு கிடைத்த நிலையில், சாம்சங் சந்தையில் இருமடங்கு வளர்ச்சியை பதிவு செய்யும் என எதிர்பார்க்கலாம்.

இந்தியாவில் விற்பனை செய்யப்படும் அனைத்து கேலக்ஸி S23 சீரிஸ் யூனிட்களும் இந்தியாவில் உள்ள நொய்டா உற்பத்தி ஆலையிலேயே உற்பத்தி செய்யப்படும் என சாம்சங் அறிவித்து இருக்கிறது. உள்நாட்டிலேயே உற்பத்தி செய்வதன் மூலம் விற்பனை துவங்கிய முதல் நாளிலேயே நாட்டின் அனைத்து பகுதிகளிலும் யூனிட்களை கிடைக்க செய்ய முடியும்.

ஆண்ட்ராய்டு ஸ்மார்ட்போன் மாடல்களில் ரிவர்ஸ் வயர்லெஸ் சார்ஜிங் அம்சம் நீண்ட காலமாகவே வழங்கப்பட்டு வருகிறது. எனினும், ஆப்பிள் நிறுவனம் இந்த தொழில்நுட்பத்தை உருவாக்கும் பணிகளிலேயே தொடர்ந்து ஈடுபட்டு வருகிறது. மேலும் தற்போது வெளியாகி இருக்கும் புதிய தகவல்களில் ஆப்பிள் நிறுவனம் தனது அடுத்த தலைமுறை ஐபோன் மாடல்களில் இந்த தொழில்நுட்பத்தை வழங்கலாம் என கூறப்படுகிறது.

முழுமையான ரிவர்ஸ் வயர்லெஸ் சார்ஜிங் தொழில்நுட்பத்தை ஐபோன்களில் வழங்குவதற்கான பணிகளை ஆப்பிள் இதுவரை நிறைவு செய்யவில்லை என்றே கூறப்படுகிறது. ரிவர்ஸ் வயர்லெஸ் சார்ஜிங் அம்சம் ஸ்மார்ட்போனினை வயர்லெஸ் சார்ஜிங் பேட் ஆக மாற்றி விடும். இதை கொண்டு வயர்லெஸ் சார்ஜிங் வசதி கொண்ட இதர சாதனங்களை சார்ஜ் செய்யலாம்.

அதாவது உங்களின் மொபைல் போன் கொண்டு ட்ரூ வயர்லெஸ் இயர்பட்ஸ் அல்லது வயர்லெஸ் சார்ஜிங் வசதி கொண்ட சிறிய மின்சாதனங்களை சார்ஜ் ஏற்றிக் கொள்ள முடியும். முன்னதாக இணையத்தில் வெளியான தகவல்களில் ஆப்பிள் நிறுவனம் ரிவர்ஸ் வயர்லெஸ் சார்ஜிங் வசதியை ஐபோன் 14 ப்ரோ மற்றும் ஐபோன் 14 ப்ரோ மேக்ஸ் மாடல்களில் வழங்கும் என கூறப்பட்டது.

எனினும், இந்த தொழில்நுட்பத்தை வழங்க ஆப்பிள் தவறிவிட்டதாக தெரிகிறது. இந்த முறை ஆப்பிள் பொறியாளர்கள், வயர்லெஸ் சார்ஜிங் தொழில்நுட்பத்தை வழங்கி முடிக்கும் பணிகளில் தீவிரமாக ஈடுபட்டு வருகின்றனர் என்றும் கூறப்படுகிறது. இந்த தொழில்நுட்பத்திற்கான மென்பொருள் ஆப்டிமைசேஷன்கள் உருவாக்கப்படுகிறது. ரிவர்ஸ் வயர்லெஸ் சார்ஜிங் தொழில்நுட்பம் பைலேடரல் வயர்லெஸ் சார்ஜிங் என்றும் அழைக்கப்படுகிறது.

ஐபோன் 12 சீரிசில் இருந்தே ஆப்பிள் நிறுவனம் ரிவர்ஸ் வயர்லெஸ் சார்ஜிங் வழங்குவதற்கான உபகரணங்களை பயன்படுத்த துவங்கிவிட்டது. எனினும், இந்த அம்சம் பல்வேறு காரணங்களால் செயலிழக்கப்பட்ட நிலையிலேயே இருந்து வருகிறது. ரிவர்ஸ் வயர்லெஸ் சார்ஜிங் தொழில்நுட்பத்தை முழுமையாக வழங்கியதும், ஐபோன்களில் இந்த அம்சம் வழங்கப்படலாம். புதிய தொழில்நுட்பம் வழங்கப்படும் பட்சத்தில் இதை கொண்டு ஐபோன் மூலம் ஏர்பாட்ஸ்-ஐ சார்ஜ் செய்து கொள்ள முடியும் என்பதும் குறிப்பிடத்தக்கது. 

Blaupunkt நிறுவனத்தின் புதிய 24 இன்ச் ஸ்மார்ட் டிவி இந்தியாவில் அறிமுகமாகி இருக்கிறது. இந்த ஸ்மார்ட் டிவி மாணிட்டர், டிவி மற்றும் ஸ்மார்ட் டிவைஸ் போன்று பயன்படுத்திக் கொள்ளலாம். கடந்த ஆண்டு QLED டிவிக்களை அறிமுகம் செய்த Blaupunkt இந்த முறை Blaupunkt புதிதாக HD ஸ்மார்ட் டிவியை அறிமுகம் செய்துள்ளது.

Blaupunkt பிரீமியம் ஸ்மார்ட் டிவி சீரிஸ் தலைசிறந்த வியூவிங் அனுபவம், பிரத்யேக பரிந்துரை, அதிக தரமுள்ள சவுண்ட் மற்றும் ஆப்டிமைஸ்டு கண்டென்ட் வழங்குகிறது. இதில் HD டிஸ்ப்ளே, 20 வாட் சவுண்ட் அவுட்புட், டிவியின் கீழ்புறத்தில் ஸ்பீக்கர்கள் மற்றும் சரவுண்ட் சவுண்ட் தொழில்நுட்பம் வழங்கப்பட்டு இருக்கிறது.

ஏர்ஸ்லிம் டிசைன் கொண்டிருக்கும் Blaupunkt ஸ்மார்ட் டிவி மெல்லிய தோற்றம், A35 x 4 சிப்செட் மற்றும் 2.4 GHz வைபை போன்ற அம்சங்களை கொண்டிருக்கிறது. இதன் 24 இன்ச் மாடலில் 300 நிட்ஸ் பிரைட்னஸ், 512MB ரேம், 4 ஜிபி ரோம், டிஜிட்டல் நாய்ஸ் ஃபில்ட்டர், A+ பேனல் உள்ளது.

இந்த ஸ்மார்ட் டிவி- கணினி, மொபைல் மற்றும் லேப்டாப்களுக்கான சப்போர்ட் கொண்டிருக்கிறது. இத்துடன் வரும் ரிமோட்டில் யூடியூப், பிரைம் வீடியோ, ஜீ5, வூட் மற்றும் சோனிலிவ் போன்ற சேவைகளுக்கான ஹாட்கீ கொண்டிருக்கிறது.

விலை மற்றும் விற்பனை விவரங்கள்:

Blaupunkt சிக்மா 24 இன்ச் 3-இன்-1 ஸ்மார்ட் டிவி-யின் விலை தற்போது ரூ. 6 ஆயிரத்து 999 என நிர்ணயம் செய்யப்பட்டு உள்ளது. இந்த விலை பிப்ரவரி 7 முதல் பிப்ரவரி 12 ஆம் தேதி வரை மட்டுமே அமலில் இருக்கும். இதன் உண்மை விலை ரூ. 10 ஆயிரத்து 999 ஆகும்.