நீங்கள் தேடியது "warden"

சேலம்:

சேலம் சூரமங்கலம் பகுதியை சேர்ந்தவர் செல்வம். இவருடைய சொகுசு காரை கடந்த ஜூன் மாதம் அய்யம்பெருமாம்பட்டி பகுதியை சேர்ந்த சிறை வார்டன் மாதேஸ் (வயது 28), அவருடைய நண்பர் விக்னேஷ் ஆகியோர் சேர்ந்து முன்விரோதம் காரணமாக எரித்துள்ளனர். மேலும் கடந்த ஆகஸ்டு மாதம் நரசோதிப்பட்டியை சேர்ந்த சங்கர் கணேஷ் என்பவருடைய சொகுசு காரையும் மாதேஸ், விக்னேஷ் ஆகியோர் எரித்ததாக கூறப்படுகிறது.

இந்த சம்பவங்கள் தொடர்பாக சூரமங்கலம் போலீஸ் நிலையத்தில் புகார் கொடுக்கப்பட்டது. அதன் பேரில் போலீசார் வழக்குப்பதிவு செய்து மாதேசை கைது செய்து, கோர்ட்டில் ஆஜர்படுத்தி, சேலம் மத்திய சிறையில் அடைத்தனர். இதனிடையே மாதேஸ் சிறை வார்டனாக பணி புரிந்துக்கொண்டு குற்றங்களில் ஈடுபட்டதற்காக பணி இடைநீக்கம் செய்யப்பட்டார்.

இந்தநிலையில் ஜாமீனில் இருந்து வெளியே வந்த மாதேஸ் கடந்த டிசம்பர் மாதம் தனது கூட்டாளிகளுடன் இரும்பாலை பிரிவு ரோடு அருகே நின்று கொண்டிருந்தார். அப்போது இவர்கள் அந்த வழியாக வந்த நாமக்கல் மாவட்டம் களங்காணியை சேர்ந்த ரங்கசாமி என்பவரை வழிமறித்தனர். பின்னர் அவர்கள் கத்தியை காட்டி மிரட்டி அவரிடம் இருந்த ஒரு பவுன் நகை, ரூ.1,200 மற்றும் கைகெடிகாரத்தை பறித்துக்கொண்டதாக கூறப்படுகிறது. இந்த வழக்கில் சூரமங்கலம் போலீசார் மாதேஸ், கார்த்திக், சத்தியநாராயணா ஆகியோரை கைது செய்தனர்.

இதைத்தொடர்ந்து பொதுமக்களுக்கு இடையூறு ஏற்படுத்தும் வகையில் செயல்பட்டு வந்த முன்னாள் சிறை வார்டன் மாதேசை குண்டர் சட்டத்தில் கைது செய்ய சூரமங்கலம் போலீசார் மாநகர போலீஸ் கமிஷனர் சங்கருக்கு பரிந்துரை செய்தனர். இதை ஏற்று மாதேசை குண்டர் சட்டத்தில் கைது செய்ய நேற்று கமிஷனர் உத்தரவிட்டார். இந்த உத்தரவு நகல் சிறையில் உள்ள மாதேசிடம் போலீசார் வழங்கினார்.

சென்னை:


இந்நிலையில், சென்னை புழல் சிறையில் அடைக்கப்பட்டு இருந்த பாஸ்கர் முரளிக்கும், சக கைதிகளுக்கும் இடையே 2 நாட்களுக்கு முன்பு நடைபெற்ற மோதலில் பாஸ்கர் முரளி கடுமையாக தாக்கப்பட்டுள்ளார். இதையடுத்து, மருத்துவமனையில் அனுமதிக்கப்பட்ட பாஸ்கர் முரளி சிகிச்சை பலனின்றி உயிரிழந்தார்.

புழல் சிறையில் நடந்த இந்த கொலை சம்பவம் பெரும் பரபரப்பை ஏற்படுத்தியது. இந்நிலையில், இந்த சம்பவம் தொடர்பாக புழல் சிறை தலைமை வாடர்ன் நாகராஜ் மற்றும் சிறை உதவியாளர் பழனிவேல் ஆகியோரை பணியிடை நீக்கம் செய்து சிறைத்துறை இன்று உத்தரவிட்டுள்ளது.