என் மலர்

    நீங்கள் தேடியது "Omicron"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கொரோனா வைரஸ் ஒவ்வொன்றும் ஒவ்வொரு வகையான பாதிப்பை ஏற்படுத்துவது ஆய்வுகளில் உறுதிப்படுத்தப்பட்டுள்ளது.
    • கொரோனா முதல் அலை உருவான போது பீட்டா வகை கொரோனாக்கள் மன அழுத்தம், படபடப்பு, தூக்கமின்மை போன்ற பின் விளைவுகளை ஏற்படுத்தின.

    கடந்த 2019-ம் ஆண்டு இறுதியில் சீனாவில் உருவான கொரோனா வைரஸ் உலகம் முழுவதும் பரவி தற்போது வரை பாதிப்பை ஏற்படுத்தி கொண்டிருக்கிறது.

    பல நாடுகளில் கொரோனா வைரஸ் பீட்டா, டெல்டா, டெல்டா பிளஸ் என்றெல்லாம் மரபணு மாற்றம் அடைந்து உருமாறியது. இதில் கடந்த நவம்பர் மாதம் தென்ஆப்பிரிக்காவில் புதிய உருமாறிய கொரோனாவான ஒமைக்ரான் வைரஸ் கண்டறியப்பட்டது. ஒமைக்ரானில் பிஏ1, பிஏ2, பிஏ3, பிஏ4, பிஏ5 என்று 5 ஒமைக்ரான் உட்பிரிவு வைரஸ்கள் கண்டுபிடிக்கப்பட்டன.

    இந்த 5 பிரிவுகளும் ஒன்றுடன் ஒன்று கலந்து வேறு புதிய குட்டி ஒமைக்ரான்களும் உருவாகி உள்ளன. இந்த ஒமைக்ரான் வைரஸ்கள் தான் தற்போது உலகின் பல்வேறு நாடுகளில் பரவி பாதிப்பை அதிகரிக்கச் செய்துள்ளது.

    கொரோனா வைரஸ் ஒவ்வொன்றும் ஒவ்வொரு வகையான பாதிப்பை ஏற்படுத்துவது ஆய்வுகளில் உறுதிப்படுத்தப்பட்டுள்ளது. கொரோனா முதல் அலை உருவான போது பீட்டா வகை கொரோனாக்கள் மன அழுத்தம், படபடப்பு, தூக்கமின்மை போன்ற பின் விளைவுகளை ஏற்படுத்தின.

    கொரோனா 2-வது அலை டெல்டா வடிவத்தில் தாக்கிய பிறகு காலில் ரத்த ஓட்டம் அடைப்பு என்ற பிரச்சினை மிகப்பெரிய பின் விளைவாக உலகம் முழுக்க உள்ளது. இந்த வைரஸ் டெல்டா பிளசாக மாறி 3-வது அலையை உருவாக்கியபோது நுரையீரல் பாதிப்பு மிகப்பெரிய பிந்தைய பாதிப்பை கொடுத்தது.

    அந்த வகையில் ஒமைக்ரான் வைரசின் புதிய வடிவமான பிஏ2.75 வகை வைரஸ் இந்தியாவில் அதிகளவில் பரவி இருப்பதால் அது எத்தகைய பிந்தைய தாக்கத்தை ஏற்படுத்தும் என்று ஆய்வு செய்யப்பட்டது.

    இதுகுறித்து உலக சுகாதார அமைப்பு கூறும் போது, "ஒமைக்ரானின் புதிய மாறுபாடான 'பி.ஏ.2.75' வைரஸ் பற்றி முழுமையாக இன்னும் ஆய்வு செய்யவில்லை. ஆனால் இந்த மாறுபாடு ஸ்பெக்புரத்தில் சில பிறழ்வுகள் உள்ளன" என்று தெரிவித்தது.

    பி.ஏ.2.75 வைரஸ் இந்தியாவிலும் சுமார் 10 மாநிலங்களில் கண்டறியப்பட்டுள்ளது. இந்த வைரசால்தான் தற்போது கொரோனா பாதிப்பு அதிகரித்து வருவதாக தெரிவிக்கப்பட்டுள்ளது.

    உலக சுகாதார அமைப்பின் தலைமை விஞ்ஞானி சவுமியா சுவாமிநாதன் கூறும்போது, "பி.ஏ.2.75 மாறுபாடு முந்தைய மாறுபாடுகளில் இருந்து வித்தியாசமாக தெரிகிறது. ஆனால் கடுமையான நோய் தொற்றுக்களை ஏற்படுத்துமா? என்பதை இவ்வளவு சீக்கிரத்தில் சொல்ல முடியாது என்றார்.

    இந்த நிலையில் ஒமைக்ரான் புதிய வகை மாறுபாடு கடுமையான பாதிப்பை ஏற்படுத்தாது என்று நிபுணர்கள் தெரிவித்துள்ளனர்.

    இதுகுறித்து நோய் தடுப்புக்கான தேசிய தொழில்நுட்ப ஆலோசனை குழுவின் கொரோனா பணிக்குழு தலைவர் டாக்டர் என்.கே.அரோரா கூறியதாவது:-

    புதிய துணை மாறுபாடு வைரசுக்கு பரவல், தன்மை செயல் திறன் இருந்த போதிலும் பெரிய அளவில் குறிப்பிட்ட பகுதிகளில் பரவவில்லை. புதிய துணை மாறுபாடு பாதிப்பில் பெரிய அதிகரிப்பு அல்லது தீவிர நோய் அபாயத்துக்கு வழிவகுக்கவில்லை.

    இந்த பாதிப்புகள் ஆங்காங்கே உள்ளன. ஓரிரு மாவட்டங்களில் பாதிப்பு அதிகமாக இருந்தால் கவலைப்படுவேன். இதன் மூலம் இந்த வைரஸ் மிக வேகமாக பரவும் அல்லது பல கடுமையான பாதிப்பை ஏற்படுத்தக்கூடியதல்ல என்பது தெரிகிறது.

    ஒமைக்ரான் புதிய மாறுபாட்டால் இந்தியாவில் 4-வது கொரோனா அலை வராது. தொற்று நோயின் 4-வது கட்டத்தில் இந்தியா நுழையவில்லை. ஒமைக்ரானின் 3-வது அலையின் ஒரு பகுதியாக நாம் இருக்கிறோம். தற்போதைய வைரஸ்கள் ஒமைக்ரானின் துணை வகைகள். அதை பற்றி எந்த கவலையும் கொண்டிருக்கவில்லை. இந்த துணை வகைகள் கடுமையான அல்லது தீவிரமான நோய்களை ஏற்படுத்துமா? என்பதுதான் முக்கியமானது. அதைதான் நாம் பார்க்க வேண்டும் என்றார்.

    ஏற்கனவே ஒமைக்ரான் வைரஸ் மிகவும் வேகமாக பரவும் என்றும் ஆனால் அதனால் அதிக பாதிப்பு ஏற்படாது என்று நிபுணர்கள் தெரிவித்து இருந்தனர் என்பது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்த வைரஸ், அதிவேகமாக பரவக்கூடியதாகும்.
    • இந்த வைரஸ், பிஏ.2. வைரசின் இரண்டாம் தலைமுறை வைரஸ் ஆகும்.

    ஒமைக்ரான் வைரசின் துணை வைரசான பிஏ.2.75 வைரஸ், அமெரிக்கா, கனடா, ஜப்பான் உள்ளிட்ட நாடுகளில் பரவி வருகிறது. இந்த வைரஸ், அதிவேகமாக பரவக்கூடியதாகும். இந்த புதிய வகை வைரஸ், இந்தியாவில் மராட்டியம், கர்நாடகம், காஷ்மீர், டெல்லி உள்ளிட்ட 10 மாநிலங்களில் காணப்படுவதாக தெரிய வந்துள்ளது.

    இந்த வைரஸ், பிஏ.2. வைரசின் இரண்டாம் தலைமுறை வைரஸ் ஆகும். இது நமது நாட்டில் தொற்று பெருக்கத்துக்கு காரணம் என சொல்லப்படுகிறது. இந்த வைரஸ் ஆபத்தானதா, இது வேகமாக பரவுகிற ஆபத்தைக் கொண்டுள்ளதா என்பது உள்ளிட்ட கேள்விகள் எழுந்துள்ளன.

    இதற்கு பதில் அளிக்கிற வகையில் நம்பிக்கையூட்டும் தகவல்களை மத்திய சுகாதார அமைச்சக வட்டாரங்கள் தெரிவித்துள்ளன. அவை வருமாறு:-

    * தற்போது உலகமெங்கும் ஒமைக்ரான் வகை வைரஸ்கள் உலகளவில் பரவி வருகின்றன. பிஏ.2. வைரஸ், பிஏ.1 வகை வைரசை மாற்றி உள்ளதாக பார்க்கப்படுகிறது.

    * இந்தியாவில் பிஏ.2.75 வைரஸ், குறைந்த அளவில்தான் பரவலில் உள்ளது. இதுவரை அது நோய் தீவிரத்தை ஏற்படுத்த வில்லை. பரவலையும் அதிகரிக்கவில்லை.

    * பிஏ.2 பரம்பரை வளர்ச்சி அடைந்து வருவதால், அதன் துணைப் பரம்பரைகள் இப்போது தனித்துவமான மாறுபாடுகளின் தொகுப்புடன் உருவாகி வருகின்றன. பிஏ.2.75 என்பது பிஏ.2-ன் ஒத்த துணை பரம்பரை ஆகும்.

    * இந்த துணை பரம்பரை வைரஸ் பரவல்களையும், பிற ஒமைக்ரான் துணை பரம்பரை வைரஸ்களையும் தொடர்ந்து தீவிரமாக கண்காணித்து வர வேண்டியது முக்கியம் ஆகும். மாதிரிகள் மரபணு வரிசைப்படுத்தல் சோதனைகளை விரிவுபடுத்தவும் வேண்டும். இந்த வைரஸ்களை முன்கூட்டியே கண்டுபிடித்து விட வேண்டும்.

    இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஒமைக்ரான் வைரசான பி.ஏ-2 பாதிப்பு அதிகம் இருக்கிறது.
    • புதிய வைரசின் மாறுபாடுகள் கர்நாடகத்தில் இருக்கிறது.

    பெங்களூரு:

    சுகாதாரத்துறை மந்திரி சுதாகர் வெளியிட்டுள்ள டுவிட்டர் பதிவில் கூறி இருப்பதாவது:- கர்நாடகத்தில் கடந்த சில நாட்களாக கொரோனா பாதிப்பு அதிகரித்து வருகிறது. கொரோனா பாதித்த நபர்களிடம் பெறப்பட்ட மாதிரியை ஆய்வு நடத்தியதால் ஒமைக்ரான் வைரஸ் பாதிப்பு இருப்பது கண்டறியப்பட்டுள்ளது.

    ஒமைக்ரான் வைரசான பி.ஏ-2 பாதிப்பு அதிகம் இருக்கிறது. கர்நாடகத்தை பொருத்த வரையில் கடந்த 2021-ம் ஆண்டு மார்ச் முதல் டிசம்பர் வரை டெல்டா வைரஸ் பாதிப்பும், இந்த ஆண்டு ஜனவரி முதல் ஏப்ரல் மாதம் வரை ஒமைக்ரான் வைரஸ் பாதிப்பும் ஏற்பட்டு இருந்தது.

    கடந்த மாதம் (மே) முதல் இந்த மாதம் (ஜூன்) வரை ஒமைக்ரான் பி.ஏ.-2 வைரஸ் பாதிப்பு இருப்பது தெரியவந்துள்ளது. இந்த புதிய வைரசின் மாறுபாடுகள் கர்நாடகத்தில் இருக்கிறது.

    இவ்வாறு அவர் கூறியுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஒமைக்ரான் அதிகம் பரவும் தன்மையை கொண்டிருப்பது உறுதி செய்யப்பட்டுள்ளது.
    • ஒமைக்ரான் தோலில் 21 மணி நேரமும், பிளாஸ்டிக் மேற்பரப்பில் 8 நாட்களுக்கு மேலும் உயிர் வாழ்கிறது.

    கொரோனா வைரஸ் ஒவ்வொரு காலகட்டத்திலும் மாறுபட்ட திரிபுகளுடன் பரவி உலக நாடுகளை அச்சுறுத்திக்கொண்டிருக்கிறது. தற்போது கொரோனா மூன்றாவது அலை ஒமைக்ரான் ரூபத்தில் ஆதிக்கம் செலுத்திக்கொண்டிருக்கிறது.

    இது பெரிய அளவில் பாதிப்பை ஏற்படுத்தாது, லேசான அறிகுறிகளை கொண்டிருக்கும் என்று கூறப்பட்டாலும், பல இடங்களில் வேகமாக பரவுகிறது. இதற்கான காரணத்தை கண்டறிய உலகம் முழுவதும் விஞ்ஞானிகள் ஆய்வு செய்து வருகிறார்கள். ஜப்பானில் நடத்தப்பட்ட ஒரு ஆய்வில் ஒமைக்ரான் அதிகம் பரவும் தன்மையை கொண்டிருப்பது உறுதி செய்யப்பட்டுள்ளது. அது சருமத்தில் 21 மணி நேரமும், பிளாஸ்டிக் பொருட்களின் மேற்பரப்பில் 8 நாட்களுக்கு மேலும் தங்கி இருக்கும் என்பதும் கண்டறியப்பட்டுள்ளது. கொரோனா வைரசின் மற்ற திரிபுகளை விட இது நீண்ட காலம் தங்கி இருப்பது குறிப்பிடத்தக்கது.

    ஜப்பானில் உள்ள கியோட்டோ பிரிபெக்சுரல் யூனிவர்சிட்டி ஆப் மெடிசின் நிறுவன விஞ்ஞானிகள் இந்த ஆய்வை மேற்கொண்டிருக்கிறார்கள். சீனாவின் ஊஹானில் தோன்றிய அசல் கொரோனா வைரசின் சுற்றுச்சூழல் நிலைத்தன்மை மற்றும் அதன் பிறகு கண்டுபிடிக்கப்பட்ட வைரசின் பிற வகைகளுக்கு இடையே உள்ள வேறுபாட்டை பகுப்பாய்வு செய்வதை இந்த ஆய்வு நோக்கமாக கொண்டுள்ளது.

    கொரோனா வைரசின் திரிபுகளான ஆல்பா, பீட்டா, காமா, டெல்டா மற்றும் ஒமைக்ரான் வகைகளை வுஹானில் கண்டறியப்பட்ட கொரோனா வைரசுடன் ஒப்பிட்டு பார்த்து ஆய்வை மேற்கொண்டிருக்கிறார்கள். இந்த வைரஸ் திரிபுகளை வுஹானில் கண்டறியப்பட்ட கொரோனா மாறுபாட்டுடன் ஒப்பிடும்போது அவை தோல் உள்ளிட்ட சருமம் மற்றும் பிளாஸ்டிக்கில் இரண்டு மடங்கு அதிக காலம் உயிர்வாழ்கின்றன. குறிப்பாக ஒமைக்ரான் தோலில் 21 மணி நேரமும், பிளாஸ்டிக் மேற்பரப்பில் 8 நாட்களுக்கு மேலும் உயிர் வாழ்கிறது.

    அதனுடன் ஒப்பிடும்போது, வுஹானின்​ அசல் திரிபு தோலில் 8.6 மணிநேரமும், பிளாஸ்டிக் பொருட்களில் 56 மணிநேரமும் மட்டுமே தங்கி இருக்கும் தன்மை கொண்டது.

    இங்கிலாந்தில் முதன் முதலில் கண்டுபிடிக்கப்பட்ட ஆல்பா மாறுபாடு, தோலின் மேற்பரப்பில் 19.6 மணி நேரமும், பிளாஸ்டிக்கில் 191.3 மணி நேரமும் நிலைத் திருக்கும். இதேபோல், தென் ஆப்பிரிக்காவில் முதன் முதலில் கண்டுபிடிக்கப்பட்ட பீட்டா மாறுபாடு, தோலில் 11 மணி நேரமும், பிளாஸ்டிக் பொருட்களில் 156.6 மணி நேரமும் தங்கி இருக்கும்.

    பிரேசிலில் கண்டுபிடிக்கப்பட்ட காமா மாறுபாடு, தோலில் 11 மணி நேரமும், பிளாஸ்டிக்கில் 59.3 மணி நேரமும் உயிர்வாழும்.

    இந்தியாவில் முதன் முதலில் கண்டுபிடிக்கப்பட்டு, நாட்டையே உலுக்கி, அதிக உயிரிழப்புகளை ஏற்படுத்தி, இரண்டாவது அலையை இயக்கிய டெல்டா வைரஸ் தோலில் 16.8 மணி நேரமும், பிளாஸ்டிக் பொருட்களின் மேற்பரப்பில் 114 மணிநேரமும் உயிர் வாழும் என்பதையும் ஆய்வாளர்கள் கண்டறிந்துள்ளனர்.

    இந்த வைரஸ் திரிபுகளில் ஒமைக்ரான் சுற்றுச்சூழல் ஸ்திரத்தன்மையை கொண்டுள்ளது. அதன் வேகமான பரவல் பிற திரிபுகளின் தன்மையை மாற்றும் திறனை கொண்டுள்ளது. ஆல்பா மற்றும் பீட்டா வகைகள் உயிர் வாழும் நேரங்களில் பெரிய அளவில் மாறுபாடு இல்லை என்பதும் கண்டறியப்பட்டுள்ளது. இதில் ஆறுதல் அளிக்கும் விஷயம் என்னவென்றால், அனைத்து வைரஸ் திரிபுகளும் 35 சதவீதம் ஆல்ஹகால் உள்ளடக்கிய பொருட்களில் 15 வினாடிகளுக்குள் செயலிழந்து போய்விடும். இது கைகளை சுத்தமாக பராமரிக்க வேண்டியதன் அவசியத்தையும், சானிடைசர் பயன்பாட்டின் முக்கியத்துவத்தையும் உணர்த்துவதாக அமைந்துள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பிஏ.2.38 வகை தொற்றால் பாதிக்கப்படுபவர்களில் 73 சதவீதம் பேருக்கு காய்ச்சல் ஏற்படுவது தெரியவந்துள்ளது.
    • மேலும் 23 சதவீதம் பேருக்கு சளி, 17 சதவீதம் பேருக்கு உடல்வலி, 15 சதவீதம் பேருக்கு தொண்டை வலி, 13 சதவீதம் பேருக்கு தலைவலி ஏற்படுவது தெரியவந்துள்ளது.

    புதுடெல்லி:

    இந்தியாவில் கொரோனா பாதிப்பு மீண்டும் அதிகரிப்பதற்கு ஒமைக்ரானின் புதிய வகை திரிபான பிஏ.2 வகை தொற்று பரவுவதே காரணம் என சுகாதாரத்துறையினர் கூறுகின்றனர்.

    அதிலும் பிஏ.2 வகையில் துணை திரிபான பிஏ.2.38 வகை தொற்றுகள் மெல்ல, மெல்ல தனது ஆதிக்கத்தை செலுத்தி வருவதாக மகாராஷ்டிரா சுகாதாரத்துறை அதிகாரிகள் தெரிவித்துள்ளனர்.

    இந்த வகை பிரிவுகள் வேகமாக பரவும் வாய்ப்பு உள்ளதாக எச்சரித்துள்ளனர். அதே நேரம் இந்த வகை தொற்றால் தீவிர பாதிப்பு ஏற்படுவது இல்லை என்பது சற்று ஆறுதலான விஷயமாக பார்க்கப்படுகிறது.

    இந்த வகை தொற்று பாதிப்புக்குள்ளானவர்களுக்கு காய்ச்சல், சளி, உடல் வலி, தொண்டை வலி, தலைவலி ஏற்படும் எனவும் கூறுகின்றனர்.

    பிஏ.2.38 வகை தொற்றால் பாதிக்கப்படுபவர்களில் 73 சதவீதம் பேருக்கு காய்ச்சல் ஏற்படுவது தெரியவந்துள்ளது. மேலும் 23 சதவீதம் பேருக்கு சளி, 17 சதவீதம் பேருக்கு உடல்வலி, 15 சதவீதம் பேருக்கு தொண்டை வலி, 13 சதவீதம் பேருக்கு தலைவலி ஏற்படுவது தெரியவந்துள்ளது.

    தற்போது மகாராஷ்டிரா மாநிலத்தில் மட்டுமல்லாது குஜராத், டெல்லி, கர்நாடகா, அரியானா, உத்தரபிரதேசம், தெலுங்கானா, மேற்கு வங்கம், தமிழ்நாடு, கேரளா உள்பட நாட்டில் பல்வேறு பகுதிகளிலும் தொற்று பாதிப்பு உயர்வதற்கு இந்த வகை தொற்றுகளே காரணமாக அமைந்துள்ளது எனவும் சுகாதரத்துறையினர் கூறுகின்றனர்.

    புதிய தொற்றால் பெரிய அளவில் பாதிப்புகள் இல்லை என்றாலும் எந்த அளவிற்கு வேகமாக பரவுகிறது என்பதை அரிய மாதிரிகள் பரிசோதனை செய்யப்பட்டு வருவதாக இந்திய மருத்துவ ஆராய்ச்சி கவுன்சில் தெரிவித்துள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    புதிய வகை ஒமிக்ரான் தொற்று 10 மடங்கு வீரியம் கொண்டது என்பதால், உலக நாடுகள் முன்னெச்சரிக்கை நடவடிக்கைகளை எடுத்து வருகின்றன.
    வங்காளதேசம்:

    தென் ஆப்பிரிக்காவில் வேகமாக பரவும் தன்மை வாய்ந்த ஒமிக்ரான் என்ற உருமாறிய புதிய வகை கொரோனா தொற்று கண்டறியப்பட்டுள்ளது. 

    இந்தப் புதிய வகை தொற்று 10 மடங்கு வீரியம் கொண்டது என்பதால், உலக நாடுகள் முன்னெச்சரிக்கை நடவடிக்கைகளை எடுத்து வருகின்றன.

    இதன் எதிரொலியால், இந்தியாவில் அனைத்து விமான நிலையங்களிலும் கண்காணிப்பை தீவிரப்படுத்த அறிவுறுத்தப்பட்டுள்ளது.

    இந்நிலையில், கொரோனாவின் புதிய மாறுபாட்டு தொற்று பரவலின் எதிரொலியால் தென் ஆப்பிரிகாவில் இருந்து வரும் பயணிகள் நுழைவதற்கு வங்காள தேசத்தில் அனுமதி மறுக்கப்பட்டுள்ளது.

    இதுகுறித்து வங்காச தேசத்தின் சுகாதார மற்றும் குடும்ப நலத்துறை அமைச்சர் ஜாகித் மாலே கூறியதாவது:-

    ஒமிக்ரான் என்று பெயரிடப்பட்டுள்ள இந்த புதிய மாறுபாடு கொண்ட கொரோனா தொற்று மிகவும்ஆக்ரோஷமானது. அதனால், தொற்று பரவாமல் தடுக்கும் வகையில், முன்னெச்சரிக்கை நடவடிக்கையாக தென் ஆப்பிரிக்காவில் இருந்து வங்காள தேசத்திற்கு வரும் பயணிகளுக்கு அனுமதி மறுக்கப்படுகிறது. 

    மேலும், அனைத்து துறைமுகங்களிலும் தீவிர சோதனை நடைமுறைகளையும் அரசு வலுப்படுத்தி வருகிறது.
    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஜெர்மனி நாட்டிலும் முதல் முறையாக ஒமிக்ரான் கொரோனா வைரஸ் தொற்று பாதிப்பு அடைந்த 2 பேர் கண்டறியப்பட்டு உள்ளனர்.
    லண்டன்:

    உலக அளவில் கடும் பாதிப்புகளை ஏற்படுத்திய கொரோனா வைரசானது பல்வேறு உருமாற்றங்களை அடைந்துள்ளது.  டெல்டா, டெல்டா பிளஸ் என பல்வேறு வடிவங்களுடன் பாதிப்புகளை ஏற்படுத்தி வருகிறது.

    இதற்கிடையே, தென் ஆப்பிரிக்காவில் உருமாற்றம் அடைந்துள்ள புதிய வைரசுக்கு ஒமிக்ரான் என உலக சுகாதார அமைப்பு பெயரிட்டுள்ளது. 

    இந்நிலையில், இங்கிலாந்து நாட்டில் ஒமிக்ரான் என்ற உருமாற்றமடைந்த கொரோனா வைரசானது பரவத் தொடங்கியுள்ளது.  தென்ஆப்பிரிக்காவில் இருந்து திரும்பி வந்த இருவருக்கு பாதிப்புகள் ஏற்பட்டு உள்ளன. 

    இதேபோல், ஜெர்மனியிலும் முதல் முறையாக 2 பேருக்கு பாதிப்பு ஏற்படத் தொடங்கியுள்ளன. அந்நாட்டின் முனிச் நகரில் 2 பேருக்கு கொரோனா பாதிப்புகள் உறுதி செய்யப்பட்டு உள்ளன என அந்நாட்டு சுகாதாரத் துறை தெரிவித்துள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    நவம்பர் 1 முதல் 26-ம் தேதி வரை தென் ஆப்பிரிக்காவில் இருந்து 94 பேர் வருகை தந்துள்ளனர் என பெங்களூரு ஊரக துணை ஆணையர் தெரிவித்துள்ளார்.
    பெங்களூரு:

    தென் ஆப்பிரிக்காவில் வேகமாக பரவும் தன்மை வாய்ந்த ஒமிக்ரான் என்ற உருமாறிய புதிய வகை கொரோனா தொற்று கண்டறியப்பட்டுள்ளது. இந்தப் புதிய வகை வைரஸ் 10 மடங்கு வீரியம் கொண்டது. ஒமிக்ரான் கொரோனா வைரஸ் பரவலைத் தடுக்க பல்வேறு உலக நாடுகள் முன்னெச்சரிக்கை நடவடிக்கைகளை எடுத்துள்ளன.

    இதற்கிடையே, இந்தியாவிலும் அனைத்து விமான நிலையங்களிலும் கண்காணிப்பை தீவிரப்படுத்த அறிவுறுத்தப்பட்டுள்ளது.

    இந்நிலையில், பெங்களூரு சர்வதேச விமான நிலையத்தில் பயணிகள் கண்காணிப்பு சோதனை நடத்தப்பட்டது. அப்போது தென் ஆப்பிரிக்காவைச் சேர்ந்த இருவருக்கு கொரோனா நோய்த் தொற்று இருப்பது உறுதி செய்யப்பட்டு உள்ளது. 

    அவர்களது மாதிரிகள் பரிசோதனைக்கு அனுப்பப்பட்டு உள்ளன. பரிசோதனைகளின் முடிவிலேயே அது புதிய வகை கொரோனாவா, இல்லையா என்பது தெரியவரும். இதனால் அவர்கள் இருவரும் தனிமைப்படுத்தப்பட்டு உள்ளனர் என அதிகாரிகள் தெரிவித்தனர். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    வெளிநாடுகளில் இருந்து வரும் சர்வதேச பயணிகளை தீவிரமாக கண்காணிக்க வேண்டும் என இந்திய அரசு அறிவுறுத்தியுள்ளது.
    புதுடெல்லி:

    தென் ஆப்பிரிக்காவில் கண்டறியப்பட்டுள்ள உருமாற்றம் அடைந்த புதிய வைரசுக்கு ஒமிக்ரான் என பெயரிடப்பட்டுள்ளது. தென் ஆப்பிரிக்காவைத் தொடர்ந்து ஹாங்காங், போட்ஸ்வானா, இஸ்ரேல் நாடுகளிலும் இந்த வைரஸ் கால் பதித்துள்ளது. 

    ஒமிக்ரான் கொரோனா வைரஸ் அச்சுறுத்தலை தொடர்ந்து, அரசின் முக்கிய அதிகாரிகளுடன் இன்று காலை 11 மணிக்கு பிரதமர் நரேந்திர மோடி அவசர ஆலோசனையில் ஈடுபட்டார். ஆப்பிரிக்க நாடுகளில் பரவிய வீரியமிக்க கொரோனா இந்தியாவுக்குள் பரவாமல் தடுப்பது பற்றி இந்தக் கூட்டத்தில் விவாதிக்கப்பட்டது

    அடுத்த மாதம் சர்வதேச விமான போக்குவரத்து தொடங்க மத்திய விமானப் போக்குவரத்து அமைச்சகம் அனுமதி அளித்துள்ள சூழலில், புதிய வகை கொரோனா மிரட்டுவதால் சர்வதேச விமான போக்குவரத்துக்கு சேவையில் விதிக்கப்பட்ட கட்டுப்பாடுகளை தளர்த்தியதை ஆய்வுசெய்ய வேண்டும் என பிரதமர் மோடி கேட்டுக்கொண்டார்.

    இந்நிலையில், தடுப்பூசி செலுத்துவதில் இந்திய அரசு கூடுதல் விழிப்புடன் செயல்பட வேண்டும் என காங்கிரஸ் கட்சியின் முன்னாள் தலைவரும், வயநாடு தொகுதி எம்.பியுமான ராகுல் காந்தி வலியுறுத்தியுள்ளார்.

    இதுதொடர்பாக, ராகுல் காந்தி வெளியிட்டுள்ள டுவிட்டர் செய்தியில், புதிய வகை கொரோனா மிகவும் அச்சுறுத்தலானது. நாட்டு மக்களுக்கு தடுப்பூசி பாதுகாப்பை அளிப்பதில் இந்திய அரசாங்கம் தீவிரமாக இருக்கவேண்டும். குறைந்தளவில் தடுப்பூசி செலுத்தியவர்கள் எண்ணிக்கையை வெளியிடுவதில் எவ்வித ஒளிவுமறைவும் இருக்கக்கூடாது என பதிவிட்டுள்ளார். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தென் ஆப்பிரிக்காவில் 6 பேர், போட்ஸ்வானாவில் 3 பேர், ஹாங்காங், இஸ்ரேலில் தலா ஒருவர் ஒமிக்ரான் வைரசால் பாதிப்பு அடைந்துள்ளனர்.
    ஜெனீவா:

    சீனாவின் வுகான் நகரில் உருவான கொரோனா வைரஸ் ஆயிரம் தடவைக்கு மேல் உருமாறி புதிய வகை வைரஸ்களாக உருவாகி உள்ளது. இவற்றில் சில அதிக வீரியம் கொண்டவையாகவும் சில வீரியம் இல்லாதவையாகவும் உள்ளன.

    புதிதாக உருவான டெல்டா, பீட்டா வகை வைரஸ்கள் உலகம் முழுவதும் அதிக வீரியத்துடன் தொடர்ந்து பரவி வருகின்றன.

    தற்போது தென் ஆப்பிரிக்காவில் அதிக வீரியம் கொண்ட புதிய வகை கொரோனா வைரஸ் பரவி வருவதை கண்டுபிடித்துள்ளனர்.
    இந்த வைரசுக்கு இன்னும் பெயர் சூட்டப்படவில்லை. பி.1.1.529 என்ற அடையாள குறியீட்டை வழங்கி இருக்கிறார்கள். புதிய வைரசுக்கு கிரேக்க பெயர் சூட்டப்படும் என உலக சுகாதார நிறுவனம் அறிவித்துள்ளது.

    உலக சுகாதார அமைப்பு இந்த புதிய வகை கொரோனா வைரஸ் ஒரு கவலையான மாறுபாடு எனக் கூறியுள்ளது. மேலும், வைரசின் இந்த புதிய மாறுபாடு கொரோனா பரவலைத் தடுக்கும் முயற்சியில் உள்ள உலக நாடுகளுக்கு அச்சுறுத்தலை உருவாக்கியுள்ளதாகவும் கூறியுள்ளது.

    இந்நிலையில், தென் ஆப்பிரிக்காவில் அதிக வீரியம் கொண்ட புதிய வகை கொரோனா வைரசுக்கு கிரேக்க எழுத்தான ஒமிக்ரான் என விஞ்ஞானிகள் பெயர் சூட்டியுள்ளனர்.

    இந்தப் புதிய வகை கொரோனா வைரஸ் கட்டுக்கடங்காமல் வேகமாக பரவக்கூடியது என எச்சரித்துள்ள விஞ்ஞானிகள், இந்த வைரசை 'கவலைக்குரிய வைரஸ் வகை என்ற பிரிவில் சேர்த்துள்ளனர்.

    ×