நீங்கள் தேடியது "collector innocent divya"

ஊட்டி:

கேரள மாநிலத்தில் பெய்த கனமழையின் காரணமாக மழை வெள்ளத்தால் பாதிக்கப்பட்டுள்ள வயநாடு, மலப்புரம், பாலக்காடு ஆகிய மாவட்ட மக்களுக்கு உதவிடும் பொருட்டு மாவட்ட சமூக நலத்துறை சார்பில் புடவைகள், சேனிட்டரி நாப்கின்ஸ், குழந்தைகளுக்கான ஆடைகள், சோப்பு, சேம்பு, மற்றும் ஆண்களுக்கான பேண்டுகள், டிசர்ட்டுகள் ஆகியவைகளும், உதகை நகராட்சி சார்பில் பிஸ்கட், சோப்பு, அரிசி போன்ற பொருட்களும், தோட்டக் கலைத்துறை சார்பில் கடநாடு, உல்லத்தி, இத் தலார், மீக்கேரி, சோலாடா, கேத்தி, கூக்கல்தொரை ஆகிய பகுதிகளில் உள்ள கூட்டுப்பண்ணை மற்றும் உழவர் உற்பத்தி நல குழு சார்பில் 3 டன் காய்கறிகள் மற்றும் 800 கிலோ அரிசி, பருப்பு, சர்க்கரை, சோப்பு, பிஸ்கட் போன்ற பொருட்கள் தோட்டக்கலைத்துறை அலுவலர்கள் சார்பில் ரூ.25 ஆயிரம் நிதியுதவியும், 1 டன் பால் பவுடர், மலப்புரம் மாவட்டத்திற்கு 6 டன் அரிசி மற்றும் 1 டன் பால் பவுடர் 500 சமையல் பாத்திர பண்டங்கள் மொத்தம் ரூ.47 லட்சம் 20 ஆயிரம் மதிப்பிலும், தோட்டக்கலைத்துறை பணியாளர்கள் சார்பில் ரூ.25,150, (கேந்திரிய வித்யாலயா பள்ளி மாணவி, பிரிதெளஸ் பாத்திமா ரூ.1,122, பைக்காராவை சேர்ந்த ஜெயராமன் ரூ.1000, சண்முகம் ரூ.2000, கேப்டன் கே.ஆர்.மணி ரூ.10,000, ஓட்டல் ஜெம்பார்க் பணியாளர்கள் சார்பில் ரூ.61,605, மாவட்ட ஹோட்டல் பார் அசோஷியேசன் சார்பில் ரூ.1,00,000, ஓட்டல் மோனார்க் சார்பில் ரூ.60,000, வருவாய்துறை அலுவலர்கள் சார்பில் ரூ.80,000, ஊரக வளர்ச்சித்துறை அலுவலர்கள் சார்பில் ரூ.1,05,000, கக்குச்சி ஊர் பொதுமக்கள் சார்பில் ரூ.20,000, பேலிதளா ஊர் பொதுமக்கள் சார்பில் ரூ.13,000, அதிகரட்டி ஊர் பொதுமக்கள் சார்பில் ரூ.50,000, ஆர்.கே.பி லைன் ஊர் பொதுமக்கள் சார்பில் ரூ.37,500 ,கோத்தகிரி ஓட்டல் அண்டு ரிசார்ட் சங்கம் உதகை சார்பில் ரூ.50,000, குந்தசப்பை ஊர் பொதுமக்கள் சார்பில் ரூ.13,000, உழவர்சந்தை டாக்ஸி ஓட்டுநர்கள் சங்கம் உதகை சார்பில் ரூ.25,000, எல்லநள்ளி வியாபாரிகள் சங்கம் மற்றும் பொதுமக்கள் சார்பில் ரூ.1,06,300 ஆக மொத்தம் ரூ.4,54,317 மதிப்பில் கேரள முதல்-மந்திரி பொது நிவாரண நிதிக்கு காசோலையாக அனுப்பி வைக்கப்பட்டுள்ளது.

மேலும் மருந்து கட்டுப் பாட்டு துறை அலுவலர்கள், மருந்து வணிகர்கள் சங்கம் சார்பில் ரூ.1,00,000 மதிப்பில் அத்தியாவசிய மருந்து பொருட்கள் மற்றும் ரூ.1,45,000 நிதியுதவியும் ஆக மொத்தம் ரூ.57,25,677மதிப்பில் இதுவரையில் மாவட்ட நிர்வாகத்தின் சார்பிலும் மற்றும் பல்வேறு அமைப்புகள், தனியர்கள், மற்றும் தொண்டு நிறுவனங்கள் சார்பில் நிவாரண பொருட்கள் மற்றும் நிதியுதவி அனுப்பி வைக்கப்பட்டுள்ளது. 

மேலும், நீலகிரி மாவட்டத்திலிருந்து மூன்று குழுக்கள் போதிய மருந்துகளுடன் மருத்துவர்கள் சென்று பொதுமக்களுடன் முகாமில் தங்கி அவர்களுக்கு உரிய சிகிச்சைகள் அளித்தார்கள். அதற்காக பொது மக்களும், அங்குள்ள மருத்து வர்களும் தக்க சமயத்தில் உதவி செய்ததற்காக மருத்துவர்களுக்கும், மாவட்ட நிர்வாகத்திற்கும் பாராட்டுகளையும், நன்றிகளையும் தெரிவித்தனர் என்று கலெக்டர் தெரிவித்தார்.

ஊட்டி:

ஊட்டி அரசு கலைக்கல்லூரியில் தொழில் முனைவோர் விழிப்புணர்வு முகாம் நடைபெற்றது. கலெக்டர் இன்னசென்ட் திவ்யா தொடங்கி வைத்தார். மாணவர்கள் தங்களின் திறமைகளை காலத்திற்கேற்ப ஆர்வத்துடன் வளர்த்து கொள்ள வேண்டும். தமிழக அரசு உங்களுக்காக புதிய தொழில் தொடங்க பல்வேறு திட்டங்களை செயல்படுத்தி வருகிறது. எனவே ஒவ்வொருவரும் திட்டங்கள் என்ன என்பதை தெரிந்து கொண்டு அதற்கேற்ப செயல்பட வேண்டும். அவ்வாறு செய்தால் நீங்களே ஒரு தொழில் தொடங்கி அதன் மூலம் மற்றவர்களுக்கு வேலை கொடுக்கலாம்.

படித்து விட்டு அரசாங்க தொழிலையே நம்பாமல் தாங்களாகவே தொழில் தொடங்கி கடுமையாக உழைத்தால் கண்டிப்பாக வெற்றி கிடைக்கும். அதன் மூலம் வாழ்வில் முன்னேறி நல்ல நிலைக்கு வர முடியும் எனவும் இப்பயிற்சியில் கலந்து கொண்டு பயன்பெறுமாறும், இப்பயிற்சி கூட்டம் தமிழ்நாட்டில் உள்ள அனைத்து அரசு கலைக் கல்லூரிகளில் நடத்தப்படவுள்ளது.

இவ்வாறு அவர் கூறினார்.

நிகழ்ச்சியில் தொழில்முனைவோர் மேம்பாடு மற்றும் புத்தாக்க நிறுவன உதவி இயக்குநர் டேனியல் பிரேம்நாத், கல்லூரி முதல்வர் ஈஸ்வரமூர்த்தி, அரசுத்துறை அலுவலர்கள், மாணவ, மாணவிகள் உட்பட பலர் கலந்து கொண்டனர்.

ஊட்டி:

நீலகிரி மாவட்ட கலெக்டர் அலுவலகத்தில் மக்கள் குறைதீர்க்கும் கூட்டம் நடைபெற்றது. கூட்டத்தில் சமூக நலத்துறையின் சார்பில் முதல்-அமைச்சரின் பெண் குழந்தைகள் பாதுகாப்புத் திட்டத்தின் 8 கல்லூரி மாணவிகளுக்கு வைப்புத் தொகை பத்திர முதிர்வு தொகை ரூ.3,27,296-க்கான காசோலையை கலெக்டர் இன்னசென்ட் திவ்யா வழங்கினார். அப்போது அவர் பேசியதாவது-:

இரண்டு பெண் குழந்தைகள் பெற்றவர்கள் முதல்-அமைச்சரின்பெண் குழந்தை பாதுகாப்புத் திட்டத்தின் கீழ் முதல் குழந்தைக்கு ரூ.50ஆயிரமும், இரண்டாம் குழந்தைக்கு ரூ.25 ஆயிரமும் பெறுவதற்கு தேவையான சான்றிதழ்கள் தாயின் பெயரில் பெறப்பட்ட குடும்ப ஆண்டு வருமானம் ரூ.72 ஆயிரம் இருக்க வேண்டும். ஆண்டு வருமான சான்றிதழ் தாசில்தாரிடம் இருந்து பெறப்பட்ட சான்றிதழாக இருக்க வேண்டும்.

இருப்பிட சான்று பத்து வருடங்களுக்கும், ஆண்வாரிசு இல்லை என்ற சான்றிதழும், தாய் மற்றும் தந்தையின் வயதுச் சான்று (மதிப்பெண் சான்று அல்லது மாற்றுச் சான்றிதழ் அல்லது அரசு மருத்துவரிடமிருந்து வயதுச் சான்று), குழந்தைகளின் பெயருடன் பிறப்பு சான்று, தாய் மற்றும் தந்தையின் சாதி சான்று, குடும்பக்கட்டுப்பாட்டு அறுவை சிகிச்சைச் சான்று, அறுவை சிகிச்சையின் போது 35 வயதுக்குள் இருக்க வேண்டும். குடும்ப புகைப்படம், பெற்றோர்களின் திருமண பத்திரிக்கை, முதல் குழந்தை மட்டும் இருந்தால் முதல் குழந்தை பிறந்து 3 வருடத்திற்குள்ளும், இரண்டாவது குழந்தை இருந்தால் இரண்டாவது குழந்தை பிறந்து 3 வருடத்திற்குள்ளும் இருக்க வேண்டும்.

அனைத்து சான்றிதழ் களுடன் விண்ணப்பித்து பயன் பெறலாம் எனவும், தாய் இல்லை எனில் தாயின் இறப்புச் சான்றுடன் அனைத்து சான்றிழ்களும் தந்தையின் பெயரில் சமர்பிக்கப்பட வேண்டும். 

இவ்வாறு அவர் கூறினார்.

இந்நிகழ்ச்சியில் சமூக நலத்துறை அலுவலர் தேவகுமாரி மற்றும் அரசுத்துறை அலுவலர்கள் உட்பட பலர் கலந்து கொண்டனர்.