நீங்கள் தேடியது "maruti suzuki"

இந்தியாவில் கார் பயன்பாட்டாளர்களின் மத்தியில் மிகவும் பிரபல நிறுவனமாக இருந்து வருகிறது மாருதி சுசுகி. இந்நிறுவனத்தின் எர்டிகா, ஃபிராங்க்ஸ், ஸ்விஃப்ட் மற்றும் பிரெஸ்ஸா, வேகன்ஆர் வரிசையில் சமீப காலத்தில் அதிகம் விற்பனை கார்களின் மைல்கல் சாதனையில் கிராண்ட் விட்டாரா இணைந்துள்ளது.

மாருதி சுசுகியின் கிராண்ட் விட்டாரா, 2022-ம் ஆண்டு செப்டம்பர் 26-ந்தேதி அறிமுகப்படுத்தப்பட்டது. இந்த கார் வெறும் 22 மாதங்களில் 2 லட்சம் யூனிட் விற்பனையைத் தாண்டியுள்ளது. ஜூன் 2024 இறுதிக்குள், இது 199,550 யூனிட்களை விற்றது. 2,00,000 உள்நாட்டு விற்பனையைத் தொடுவதற்குத் தேவையான 450 யூனிட்கள் ஜூலை 2024 தொடக்கத்தில் எட்டியது.

இதன் மூலம் அதிவேகமாக 2 லிட்சம் யூனிட்கள் விற்பனையான எஸ்யூவி என்ற பெருமையை கிராண்ட் விட்டாரா பெற்று இருக்கிறது. 25 மாதங்களில் மைல்கல்லை எட்டிய ஹூண்டாய் க்ரெட்டாவின் சாதனையை இது முறியடித்தது.

செப்டம்பர் 19, 2023 அன்று, மாருதி கிராண்ட் விட்டாரா வெறும் 12 மாதங்களில் 1 லட்சம் யூனிட் விற்பனையானதாக செய்திகள் வெளிவந்த நிலையில், அடுத்த 1,00,000 யூனிட்கள் வெறும் 10 மாதங்களில் விற்கப்பட்டுள்ளன.

ஹூண்டாய் க்ரெட்டா, கியா செல்டோஸ், ஃபோக்ஸ்வேகன் டைகுன், ஸ்கோடா குஷாக், எம்ஜி ஆஸ்டர் மற்றும் டொயோட்டா ஹைரைடர் போன்ற மாடல்களுடன் மிகுந்த போட்டி கொண்ட நடுத்தர எஸ்யூவி சந்தையில் நுழைந்தாலும், மாருதி கிராண்ட் விட்டாரா தனக்கென ஒரு முக்கிய இடத்தைப் பிடித்துள்ளது.

2024 நிதியாண்டில், அதன் விற்பனையானது, இது ஹூண்டாய் க்ரெட்டாவிற்குப் பிறகு (1,62,773 யூனிட்கள், 8.2 சதவீதம் அதிகரித்து) இரண்டாவது அதிகம் விற்பனையான நடுத்தர SUV ஆகும் (1,21,169 யூனிட்கள், 136 சதவீதம் அதிகம்).

இந்தியாவில் கார் பயன்பாட்டாளர்களின் மத்தியில் மிகவும் பிரபலமாக இருந்து வருகிறது மாருதி சுசுகி. இந்நிறுவனத்தின் எர்டிகா, ஃபிராங்க்ஸ், ஸ்விஃப்ட் மற்றும் பிரெஸ்ஸா வரிசையில் சமீப காலத்தில் அதிகம் விற்பனை கார்களின் மைல்கல் சாதனையில் வேகன்ஆர் இணைந்துள்ளது.

மாருதி நிறுவனம் அதன் சமீபத்திய வேகன்ஆர் மாடலை ஜனவரி 23, 2019 அன்று அறிமுகப்படுத்தியது. அப்போது முதல் பிரபல டால்-பாய் ஹேச்பேக் மாடலாக இருக்கும் வேகன்ஆர் விற்பனைில் 10 லட்சத்திற்கும் அதிகமான யூனிட்களை கடந்துள்ளது.

மாருதி சுசுகி வேகன் ஆர் ஹேச்பேக் ரகத்தை சேர்ந்தது. மாருதி சுசுகி வேகன் ஆர் காரின் நடப்பு 2024ம் ஆண்டு ஜூன் மாதத்திற்கான விற்பனை குறித்த அறிக்கை வெளியாகியுள்ளது.

2024 நிதியாண்டில், வேகன் ஆர் மாடல் 2,00,177 யூனிட்கள் விற்பனையானது. இதன் மூலம் தொடர்ந்து மூன்றாவது நிதியாண்டில் இந்தியாவின் அதிகம் விற்பனையான காராக அதன் நிலையைத் தக்கவைத்துக் கொண்டது.

இது மாருதி சுசுகியின் மொத்த பயணிகள் வாகன விற்பனையான 17.5 லட்சம் யூனிட்களில் 11 சதவீதமாக இருந்தது. தற்போதைய மாடலின் ஒட்டுமொத்த விற்பனை 10,06,413 யூனிட்டுகளாகக் கொண்டு, மில்லியன் (10 லட்சம்) எனும் மைல்கல்லைத் தாண்டியுள்ளது. 2019-இல் அறிமுகமான நிலையில், புது வேகன்ஆர் மாடல் 5.5 ஆண்டுகளில் இந்த மைல்கல்லை எட்டியது குறிப்பிடத்தக்கது.

முதன்முதலில் 1999 ஆம் ஆண்டு அறிமுகப்படுத்தப்பட்ட மாடல் வேகன் ஆர். ஒட்டுமொத்தத்தில் இந்த கார் இதுவரை சுமார் 32.1 மில்லியன் யூனிட்களை விற்பனை செய்துள்ளது. ஹேட்ச்பேக் இந்த ஆண்டு தனது 25 வது ஆண்டு நிறைவைக் கொண்டாடுகிறது. முன்னதாக கடந்த ஆண்டு மே 2023 மாதம் வேகன்ஆர் மாடல் 30 லட்சம் விற்பனையைத் தாண்டியது.

நாட்டின் மிகப்பெரிய கார் தயாரிப்பு நிறுவனங்களில் ஒன்று மாருதி சுசுகி. கடந்த 1986-ம் ஆண்டு முதல் வாகனங்களை ஏற்றுமதி செய்து வரும் மாருதி சுசுகி நிறுவனத்தின் கார்கள் 100-க்கும் மேற்பட்ட நாடுகளுக்கு ஏற்றுமதி செய்யப்பட்டுள்ளன.

மாருதி சுசுகி நிறுவனத்தின் மாடல்களின் விலை பெரும்பாலும் குறைவாக இருப்பதாலேயே நடுத்தர மக்களால் அதிகம் விரும்பப்படுகிறது. இதனாலேயே ஜூன் மாதத்தில் மாருதி சுசுகி அதன் விற்பனையை 1.8 லட்சத்தை எட்டியுள்ளது. SUV மாடல்களும் தொடர்ந்து அதிக அளவில் விற்பனை செய்யப்பட்டு வருகிறது.

ஜூன் 2024-ல் மாருதி சுசுகி இந்தியா லிமிடெட் (MSIL ) ஒட்டுமொத்த விற்பனை 228,79 ஆகப் பதிவு செய்துள்ளது. மொத்தத்தில் இந்தியாவில் விற்பனை செய்யப்பட்ட 1,39,918 யூனிட்கள், டொயோட்டாவிற்கு 8,277 யூனிட்கள் வழங்கப்பட்டன. 31,033 யூனிட்கள் ஏற்றுமதி செய்யப்பட்டன.

ஆல்டோ மற்றும் எஸ்-பிரஸ்ஸோவை உள்ளடக்கிய மினி பிரிவில், MSIL 9,395 யூனிட்களை விற்பனை செய்துள்ளது. இது ஜூன் 2023 இல் விற்கப்பட்ட 14,054 யூனிட்களில் இருந்து சரிவை காட்டுகிறது. இது ஆண்டுக்கு ஆண்டு 33.15 சதவீதம் குறைந்ததைக் குறிப்பிட்டுள்ளது.

பலேனோ, செலிரியோ, டிசையர், இக்னிஸ், ஸ்விஃப்ட் மற்றும் வேகன்ஆர் போன்ற மாடல்களை உள்ளடக்கிய மாருதி சுசுகி ஜூன் 2024 இல் 64,049 யூனிட்களை உள்நாட்டில் விற்பனை செய்துள்ளது. இது ஆண்டுக்கு ஆண்டு 0.65 சதவீதம் குறைவு ஆகும்.

சியாஸ் நடுத்தர அளவிலான செடான் ஜூன் 2024 இல் 572 யூனிட்கள் விற்பனையாகி உள்ளது. முந்தைய ஆண்டின் இதே காலத்தில் 1,744 யூனிட்களாக இருந்தது. இதன் காரணமாக ஆண்டுக்கு ஆண்டு 67.20 சதவீதம் சரிவு ஏற்பட்டது.

காம்பாக்ட் மற்றும் மிட்சைஸ் மாடல்களில் எண்ணிக்கை குறைந்தாலும், இந்தியாவின் மிகப்பெரிய கார் உற்பத்தி நிறுவனமான மாருதி சுசுகி, யுடிலிட்டி வாகனப் பிரிவில் வளர்ச்சியைக் கண்டுள்ளது. பிரெஸ்ஸா, எர்டிகா, ஃப்ரான்க்ஸ், கிராண்ட் விட்டாரா, இன்விக்டோ, ஜிம்னி மற்றும் XL6 ஆகியவற்றின் மொத்த விற்பனை ஜூன் 2024 இல் 52,373 யூனிட்டுகளாக இருந்தது.

இதுவே கடந்த ஜூன் 2023 இல் 43,404 யூனிட்களாக இருந்தது. இது ஆண்டுக்கு ஆண்டு 20.66 சதவீத அதிகரிப்பை பிரதிபலிக்கிறது.

மாருதி சுசுகி நிறுவனத்தின் சமீபத்திய மாடல்கள் விற்பனையில் அதிக அளவில் உள்ளதால், இப்போது புதிய தலைமுறை டிசைரை அறிமுகப்படுத்த தயாராகி வருகிறது.

கிராண்ட் விட்டாராவின் ஏழு இருக்கைகள் கொண்ட மாடல் மற்றும் eVX கான்செப்ட் அடிப்படையில் ஒரு புதிய எலெக்ட்ரிக் எஸ்யூவி அறிமுகப்படுத்தப்பட இருக்கிறது. வரவிருக்கும் எலெக்ட்ரிக் எஸ்யூவி, கான்செப்ட் போலவே, ஒருமுறை சார்ஜ் செய்தால் 550 கிமீ தூரம் ஓட்டும் திறன் கொண்டதாக இருக்கும் என்று எதிர்பார்க்கப்படுகிறது.

இந்தியாவின் மிகப்பெரிய கார் நிறுவனமான மாருதி சுசுகிஇந்தியாவில் கடந்த ஜூன் மாதத்தில் 1.79 லட்சம் கார்களை விற்பனை செய்து அசத்தியுள்ளது.

2023 ஜூனில் 1.59 லட்சம் கார்கள் விற்பனையான நிலையில் தற்போது 12.4% விற்பனை அதிகரித்துள்ளது

அதே போல் இந்தியாவில் கடந்த ஜூன் மாதத்தில் 1.37 லட்சம் உள்நாட்டு பயணிகள் கார்களை மாருதி சுசுகி நிறுவனம் விற்பனை செய்துள்ளது.

2023 ஜூனில் 1.33 லட்சம் உள்நாட்டு பயணிகள் கார்கள் விற்பனையான நிலையில் தற்போது 3% விற்பனை அதிகரித்துள்ளது.

ஆனால், ஆல்டோ மற்றும் எஸ்-பிரஸ்ஸோவை உள்ளடக்கிய மினி-செக்மென்ட் கார்களின் விற்பனை 2023 ஜூன் மாதத்தில் 14,054 யூனிட்களில் இருந்து இந்தாண்டு ஜூன் மாதம் 9,395 யூனிட்டுகளாக குறைந்துள்ளது.

பலேனோ, செலிரியோ, டிசையர், இக்னிஸ், ஸ்விஃப்ட், டூர் எஸ் மற்றும் வேகன்ஆர் உள்ளிட்ட சிறிய கார்களின் விற்பனை 2023 ஜூன் மாதத்தில் 64,471 யூனிட்களில் இருந்து இந்தாண்டு ஜூன் மாதம் 64,049 யூனிட்டுகளாக சற்று குறைந்துள்ளது.

மாருதி சுசுகி இந்தியாவில் விற்பனை செய்து கொண்டிருக்கும் மிக சிறந்த கார் மாடல்களில் ஒன்று ஸ்விஃப்ட். இந்த மாடல் மிகவும் பிரபலமானது மற்றும் பெயர் பெற்றதும் கூட.

ஸ்விஃப்ட் இந்தியாவில் அறிமுகப்படுத்தப்பட்டத்தில் இருந்து 30 லட்சம் கார்களை விற்பனை செய்துள்ளதன் மூலம் மாருதி சுசுகி நிறுவனம் மிகப்பெரிய மைல்கல்லை எட்டியுள்ளது.

முதன் முதலில் 2005-ல் அறிமுகப்படுத்தப்பட்ட ஸ்விஃப்ட் ஹேட்ச்பேக் 2013-ம் ஆண்டு 10 லட்சம் கார்கள் விற்பனையானது. பின்னர் இந்த எண்ணிக்கை 2018-ல் இரட்டிப்பாக்கியது. தற்போது 4-வது தலைமுறையில் காலடி எடுத்து வைத்துள்ள ஸ்விஃப்ட் அதன் தொடக்கத்தில் 30 லட்சம் யூனிட்கள் விற்பனையாகி உள்ளது.

இந்த ஆண்டு தொடக்கத்தில் அறிமுகப்படுத்தப்பட்ட ஸ்விஃப்ட் மாடலின் ஆரம்ப விலையாக ரூ.6.49 லட்சம், எக்ஸ் ஷோரூம் என நிர்ணயிக்கப்பட்டு உள்ளது. ஸ்விஃப்ட் சிறந்த எரிபொருள் திறன் மற்றும் அதிக உயரிய வசதி மற்றும் பாதுகாப்பு அம்சங்களுடன் முற்றிலும் புதிய எஞ்சினைப் பெற்றுள்ளது.

ஒவ்வொரு புதிய தலைமுறை வெர்ஷனிலும், ஸ்விஃப்ட் அதிநவீன தொழில்நுட்பத்தை வழங்கி அதன் விற்பனையை உயர்த்திக் கொண்டே இருக்கிறது. 'Swift DNA' தற்கால பாணி மற்றும் வாடிக்கையாளர்களைக் கவரும் என்பதில் சந்தேகம் இல்லை.

"இந்த மகத்தான சாதனைக்காக நாங்கள் கடமைப்பட்டுள்ளோம். நாடு முழுவதும் உள்ள அனைத்து ஸ்விஃப்ட் உரிமையாளர்களுக்கும் நன்றி தெரிவித்துக் கொள்கிறோம்," என்று மாருதி சுசுகி இந்தியாவின் விளம்பரம் மற்றும் விற்பனை பிரிவு மூத்த நிர்வாக அதிகாரி பார்த்தோ பானர்ஜி தெரிவித்தார்.

இந்திய சந்தையில் மாருதி சுஸிகியின் பிரான்க்ஸ் மிகப்பெரிய அளவில் விற்பனையாகி வருகிறது. பலேனோ அடிப்படையிலான சொகுசு (SUV) காரான பிரான்க்ஸ் இந்தியாவில் கடந்த ஆட்டோ எக்ஸ்போவின் போது அறிமுகப்படுத்தப்ப்டது.

தற்போது லிமிடெட் வேரியன்ட் உடன் பிரான்ஸ்க் வெலோசிட்டி எடிசனை அறிமுகம் செய்துள்ளது. இருந்த போதிலும் 14 வேரியன்ட்ஸ் வகையில் கிடைக்கும் வகையில் வெலோசிட்டி எடிசன் விரிவாக்கம் செய்யப்பட்டுள்ளது.

7.29 லட்சம் ரூபாயில் இருந்து இதன் விலை ஆரம்பமாகிறது. தொடக்கத்தில் டுர்போ டிரிம்ஸ்யோடு மட்டும்தான் கிடைத்தது. தற்போது 1.2லி பெட்ரோல் மற்றும் சிஎன்ஜி பவர்டிரைன் உடன் கிடைக்கிறது.

மாருது சுஸிகி பிரான்க்ஸ் வெலோசிட்டி எடிசன் சிக்மா, பிரான்க்ஸ் வெலோசிட்டி எடிசன் டெல்டா, டெல்டா+, டெல்டா+ (ஓ) பெயரில் விற்பனையாகிறது.

360 டிகிரி வீயூ கேமரா, வயர்லெஸ் ஸ்மார்ட்போன் சார்ஜர், வயர்லெஸ் ஆப்பிள் கார்பிளே உடன் 9-இன்ஞ் ஸ்மார்ட் பிரோ+ இன்ஃபோடெய்ன்மென்ட் சிஸ்டம் மற்றும் ஆண்ட்ராய்டு ஆட்டோ கனெக்டிவிட்டி ஆகிய சிறப்பம்சங்களை கொண்டுள்ளது.

பிரான்க்ஸ் விற்பனைக்கு வந்த 10 மாதங்களில் ஒரு லட்சத்திற்கு மேற்பட்ட கார்கள் விற்பனை செய்யப்பட்டுள்ளன.

நாட்டின் மிகப்பெரிய கார் தயாரிப்பு நிறுவனங்களில் ஒன்று மாருதி சுசுகி நிறுவனம். கடந்த 1986-ம் ஆண்டு முதல் வாகனங்களை ஏற்றுமதி செய்து வரும் மாருதி சுசுகி நிறுவனத்தின் கார்கள் 100-க்கும் மேற்பட்ட நாடுகளுக்கு ஏற்றுமதி செய்யப்பட்டுள்ளன.

தற்போது, மாருதி சுசுகி நிறுவனம் தனது குறிப்பிட்ட சில மாடல் கார்களின் விலையை ரூ.5,000 வரை குறைத்து அறிவிப்பு வெளியிட்டுள்ளது.

ஆல்ட்டோ K10, S-Presso, செலிரியோ, வேகன்-ஆர், Swift, டிசையர், Baleno, Fronx மற்றும் Ignis உள்ளிட்ட பல மாடல்களுக்கு இந்த விலைக் குறைப்பு பொருந்தும் என கூறப்பட்டுள்ளது.

ஏஜிஎஸ் ரக கார்களை மலிவு விலையில் கொடுக்க வேண்டும் என்ற நோக்கத்திற்காக விலை குறைக்கப்பட்டதாக நிறுவனம் சார்பில் தெரிவிக்கப்பட்டுள்ளது. விலை குறைப்பு நேற்று முதல் அமலுக்கு வந்துள்ளது.

விலைகளைக் குறைப்பதன் மூலம், மாருதி சுசுகி தனது ஏஜிஎஸ் மாடல்களுக்கு அதிக வாடிக்கையாளர்களை ஈர்ப்பதை நோக்கமாகக் கொண்டுள்ளது.

மாருதி சுசுகி இந்தியா லிமிடெட் நிறுவனம் இந்திய எலெக்ட்ரிக் வாகனங்கள் சந்தையில் eVX மாடலுடன் களமிறங்க உள்ளது. 2023 ஆட்டோ எக்ஸ்போ நிகழ்வில் காட்சிக்கு வைக்கப்பட்ட மாருதி eVX மாடலின் ப்ரோடக்ஷன் வெர்ஷன் அடுத்த ஆண்டு அறிமுகம் செய்யப்பட உள்ளது.

மாருதியின் முதல் எலெக்ட்ரிக் கார் டொயோட்டா பிராண்டிங்கிலும் அறிமுகம் செய்யப்படும் என்று எதிர்பார்க்கலாம். முதற்கட்டமாக இந்தியாவில் விற்பனைக்கு வரும் மாருதி eVX மாடல் அதன்பிறகு சர்வதேச சந்தையிலும் விற்பனை செய்யப்படும் என்று தெரிகிறது. வெளியீட்டுக்கு முன் மாருதி eVX மாடல் இந்திய சாலைகளில் தொடர்ச்சியாக டெஸ்டிங் செய்யப்பட்டு வருகிறது.

சமீபத்தில் இந்த காரின் ஸ்பை படங்கள் வெளியாகின. அதில் இந்த காரின் அளவீடுகள் கிராண்ட் விட்டாராவுக்கு இணையாக இருக்கும் என்று தெரியவந்துள்ளது. எனினும், முற்றிலும் புதிய எலெக்ட்ரிக் பிளாட்ஃபார்மில் உருவாக்கப்படுவதால், இந்த கார் அதிக இடவசதியை வழங்கும் என்று தெரிகிறது.

மாருதி eVX எலெக்ட்ரிக் கார் மாடலில் 60 கிலோவாட் ஹவர் பேட்டரி பேக் வழங்கப்படும் என்று கூறப்படுகிறது. இந்த கார் முழு சார்ஜ் செய்தால் அதிகபட்சம் 550 கிலோமீட்டர்கள் வரையிலான ரேஞ்ச் வழங்கும் என்று எதிர்பார்க்கலாம்.

இதே காரின் குறைந்த திறன் கொண்ட பேட்டரி பேக் ஆப்ஷனும் வழங்கப்படும் என்று தெரிகிறது. அந்த வகையில், குறைந்த பேட்டரி திறன் கொண்ட மாடலின் விலை சற்றே குறைவாக இருக்கும்.

மாருதி சுசுகி நிறுவனத்தின் அதிகம் எதிர்பார்க்கப்பட்ட 2024 ஸ்விப்ட் மாடல் இந்தியா சந்தையில் அறிமுகம் செய்யப்பட்டது. முற்றிலும் புதிய ஸ்விப்ட் மாடலின் விலை ரூ. 6 லட்சத்து 49 ஆயிரம், எக்ஸ்-ஷோரூம் என துவங்குகிறது. புதிய பெட்ரோல் என்ஜினுடன் இந்த காரில் ஏராளமான அம்சங்கள் வழங்கப்பட்டு உள்ளன.

டிசைனை பொருத்தவரை 2024 ஸ்விப்ட் மாடலில் முற்றிலும் புதிய பம்ப்பர்கள், எல்.இ.டி. டி.ஆர்.எல்.-கள், எல்.இ.டி. ப்ரோஜெக்டர் ஹெட்லேம்ப்கள், கிளாஸ் பிளாக் முன்புற கிரில், எல்.இ.டி. ஃபாக் லைட்கள், 15 இன்ச் டைமன்ட் கட் அலாய் வீல்கள், புதிய எல்.இ.டி. டெயில் லைட்கள் வழங்கப்படுகின்றன. 2024 ஸ்விப்ட் மாடல் லஸ்டர் புளூ மற்றும் நோவல் ஆரஞ்சு என இரண்டு புதிய நிறங்களில் கிடைக்கிறது.

இதுதவிர, சிஸ்லிங் ரெட், பியல் ஆர்க்டிக் வைட், மேக்மா கிரே மற்றும் ஸ்பிலென்டிட் சில்வர் போன்ற நிறங்களிலும் கிடைக்கிறது. இத்துடன் லஸ்டர் புளு - மிட்நைட் பிளாக் ரூஃப், சிஸ்லிங் ரெட் - மிட்நைட் பிளாக் ரூஃப் மற்றும் பியல் ஆர்க்டிக் வைட் - மிட்நைட் பிளாக் ரூஃப் போன்ற டூயல் டோன் ஆப்ஷன்களிலும் கிடைக்கிறது.

நான்காம் தலைமுறை ஸ்விப்ட் மாடலில் முற்றிலும் புதிய டேஷ்போர்டு- பியானோ பிளாக் ஃபினிஷ் செய்யப்பட்டு சேடின் மேட் சில்வர் இன்சர்ட்கள் மற்றும் அசிமெட்ரிக் டயல்களை கொண்டிருக்கிறது. இத்துடன் 9 இன்ச் அளவில் ஸ்மார்ட்பிளே ப்ரோ பிளஸ் டச் ஸ்கீரன் சிஸ்டம் மற்றும் குரூயிஸ் கண்ட்ரோல் வசதி வழங்கப்படுகிறது.

இத்துடன் வயர்லெஸ் சார்ஜர், வயர்லெஸ் போன் மிரரிங், சுசுகி கனெக்ட், ரியர் ஏ.சி. வெண்ட்கள், கீலெஸ் எண்ட்ரி, ஆறு ஏர்பேக், இ.எஸ்.பி., பிரேக் அசிஸ்ட், 3 பாயிண்ட் சீட்பெல்ட்கள், ரிவர்ஸ் பார்க்கிங் கேமரா போன்ற வசதிகள் வழங்கப்படுகிறது.

2024 ஸ்விப்ட் மாடலில் முற்றிலும் புதிய 1.2 லிட்டர், மூன்று சிலிண்டர்கள் கொண்ட Z சீரிஸ் பெட்ரோல் என்ஜின் வழங்கப்படுகிறது. இது 80 ஹெச்.பி. பவர், 112 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல் மற்றும் AMT யூனிட் வழங்கப்படுகிறது. இந்த கார் LXi, VXi, VXi(O), ZXi, மற்றும் ZXi+ என ஐந்து வேரியண்ட்களில் கிடைக்கிறது. 

மாருதி சுசுகி நிறுவனத்தின் முற்றிலும் புதிய ஸ்விப்ட் கார் முன்பதிவு துவங்கியுள்ளது. புதிய ஸ்விப்ட் காருக்கான முன்பதிவு கட்டணம் ரூ. 11 ஆயிரம் ஆகும். இந்திய சந்தையில் புதிய மாருதி ஸ்விப்ட் மாடல் மே 9 ஆம் தேதி அறிமுகம் செய்யப்படுகிறது.

இந்தியாவில் மிகவும் பிரபலமான ஸ்விப்ட் காரின் நான்காவது தலைமுறை மாடல் இது ஆகும். புதிய ஸ்விப்ட் மாடல் பெட்ரோல் மற்றும் சி.என்.ஜி. என இருவித பவர்டிரெயின் ஆப்ஷன்களில் கிடைக்கும் என்று தெரிகிறது.

கடந்த ஆண்டு ஜப்பானில் அறிமுகம் செய்யப்பட்ட புதிய ஸ்விப்ட் மாடல் முற்றிலும் புதிய எல்.இ.டி. ஹெட்லேம்ப்கள், வீல்கள், எல்.இ.டி. டெயில் லேம்ப்கள், டோர் ஹேண்டில்களை கொண்டிருக்கிறது. காரின் உள்புறம் ஃபுளோட்டிங் டிஸ்ப்ளே, அளவில் பெரிய MID மற்றும் கிளைமேட் கண்ட்ரோல் இன்டர்ஃபேஸ் உள்ளது.

புதிய மாருதி ஸ்விப்ட் மாடல் LXi, VXi மற்றும் Zxi வேரியண்ட்களில் கிடைக்கும் என்று கூறப்படுகிறது. சர்வதேச சந்தையில் புதிய ஸ்விப்ட் மாடல் 1.2 லிட்டர் பெட்ரோல், மைல்டு ஹைப்ரிட் தொழில்நுட்பம் கொண்டிருக்கும் என்று தேரிகிறது. இந்திய சந்தையில் இந்த மாடல் K12C 1.2 லிட்டர் நான்கு சிலிண்டர்கள் கொண்ட பெட்ரோல் என்ஜினுடன் கிடைக்கலாம்.

விலையை பொருத்தவரை புதிய மாருதி ஸ்விப்ட் மாடல் ரூ. 6.5 லட்சத்தில் துவங்கி அதிகபட்சம் ரூ. 10 லட்சம் வரை நிர்ணயம் செய்யப்படலாம். இந்திய சந்தையில் புதிய ஸ்விப்ட் மாடல் ரெனால்ட் க்விட், மாருதி வேகன் ஆர், மாருதி செலரியோ, டாடா பன்ச் மற்றும் ஹூண்டாய் எக்ஸ்டர் போன்ற மாடல்களுக்கு போட்டியாக அமையும்.

மாருதி சுசுகி நிறுவனம் நான்காம் தலைமுறை மாருதி ஸ்விப்ட் மாடல் காரை மே மாத வாக்கில் இந்திய சந்தையில் அறிமுகம் செய்ய இருக்கிறது. இந்த காரின் விவரங்கள் அதிகாரப்பூர்வமாக அறிவிக்கப்படும் முன்பாகவே 2024 ஸ்விப்ட் மாடலுக்கான முன்பதிவை சில விற்பனையாளர்கள் துவங்கிவிட்டதாக தகவல் வெளியாகி உள்ளது.

முற்றிலும் புதிய ஸ்விப்ட் மாடலை பயனர்கள் ரூ. 11 ஆயிரம் செலுத்தி முன்பதிவு செய்து கொள்ளலாம். இந்த கார் பற்றிய விவரங்கள் ரகசியமாகவே உள்ளது. எனினும், இந்த கார் LXi, VXi, ZXi மற்றும் ZXi+ போன்ற வேரியண்ட்களில் கிடைக்கும் என்று தெரிகிறது. புதிய ஸ்விப்ட் மாடல்- புளூ, ரெட், வைட், சில்வர், பிளாக் மற்றும் ஆரஞ்சு போன்ற நிறங்களில் கிடைக்கலாம்.

2024 மாருதி ஸ்விப்ட் மாடலின் முன்புறம், பின்புறம் புதிய பம்ப்பர்கள், புதிய டிசைன், எல்.இ.டி. ஹெட்லேம்ப்கள், L வடிவ எல்.இ.டி. டி.ஆர்.எல்.-கள், எல்.இ.டி. டெயில் லைட்கள், புதிய அலாய் வீல்கள், பின்புற வைப்பர் மற்றும் வாஷர், ஷார்க் ஃபின் ஆன்டெனா வழங்கப்படுகிறது.

சர்வதேச சந்தையில் இந்த கார் 1.2 லிட்டர் Z12E பெட்ரோல் என்ஜின் ஆப்ஷனில் கிடைக்கிறது. இந்திய சந்தையில் இந்த கார் முற்றிலும் புதிய என்ஜின் கொண்டிருக்குமா அல்லது பழைய 1.2 லிட்டர் K12C என்ஜினுடன் அறிமுகம் செய்யப்படுமா என்பது கேள்விக்குறியாகவே உள்ளது. 

மாருதி சுசுகி நிறுவனம் முற்றிலும் புதிய ஸ்விப்ட் மாடல் காரை இந்திய சந்தையில் அறிமுகம் செய்வதற்கான பணிகளில் ஈடுபட்டு வருகிறது. வரும் மாதங்களில் அறிமுகம் செய்யப்பட இருக்கும் புதிய ஸ்விப்ட் மாடல் YED எனும் குறியீட்டு பெயரில் உருவாக்கப்பட்டு வருகிறது. புதிய மாடலில் அதன் முந்தைய வெர்ஷனில் வழங்கப்பட்டதை விட அதிக அம்சங்கள் வழங்கப்படும் என கூறப்படுகிறது.

புதிய தலைமுறை ஸ்விப்ட் மாடல் கார் ஏற்கனவே ஜப்பான் மற்றும் ஐரோப்பிய சந்தைகளில் அறிமுகம் செய்யப்பட்டு விட்டது. இதன் மூலம் இந்திய சந்தையில் இந்த கார் என்னென்ன அம்சங்களை கொண்டிருக்கும் என்பது பற்றிய தகவல்கள் வெளியாகி வருகின்றன.

அதன்படி இந்திய சந்தையில் சமீபத்தில் அறிமுகம் செய்யப்பட்ட பலேனோ, பிரான்க்ஸ் மற்றும் பிரெஸ்ஸா மாடல்களை போன்ற இன்டீரியர் புதிய தலைமுறை ஸ்விப்ட் மாடலிலும் வழங்கப்படும் என எதிர்பார்க்கலாம்.

சர்வதேச சந்தையில் புதிய தலைமுறை ஸ்விப்ட் மாடலில் எல்.இ.டி. ஹெட்லைட்கள், டெயில் லைட்கள், எல்.இ.டி. டி.ஆர்.எல்.-கள், 16 இன்ச் அலாய் வீல்கள், ஆட்டோமேடிக் கிளைமேட் கண்ட்ரோல், எலெக்ட்ரிக் அட்ஜஸ்ட் மற்றும் மடிக்கும் வசதி கொண்ட விங் மிரர்கள், ஆட்டோ ஹெட்லேம்ப்கள், 9 இன்ச் டச் ஸ்கிரீன் இன்போடெயின்மென்ட் சிஸ்டம், வயர்லெஸ் ஆப்பிள் கார்பிளே, ஆண்ட்ராய்டு ஆட்டோ போன்ற வசதிகள் வழங்கப்பட்டுள்ளன.

பாதுகாப்பிற்கு ஆறு ஏர்பேக், டயர் பிரெஷர் மாணிட்டர், ஏ.பி.எஸ். மற்றும் இ.பி.டி., பிரேக் அசிஸ்ட், எலெக்ட்ரிக் ஸ்டேபிலிட்டி, ஹில் ஹோல்டு கண்ட்ரோல், ADAS போன்ற அம்சங்கள், லேன் கீப்பிங் அசிஸ்ட், பிளைண்ட் ஸ்பாட் மாணிட்டர், அடாப்டிவ் குரூயிஸ் கண்ட்ரோல், லேன் டிபாச்சர் வார்னிங் போன்ற அம்சங்கள் உள்ளன.