இது புதுசு

மெர்சிடிஸ் பென்ஸ் இந்தியா நிறுவனம் புதிய ஜிஎல்எஸ் எஸ்யுவி மாடலின் டீசரை தனது அதிகாரப்பூர்வ வலைதளத்தில் வெளியிட்டுள்ளது. புதிய ஜிஎல்எஸ் எஸ்யுவி அடுத்த இரண்டு மாதங்களில் அறிமுகம் செய்யப்படலாம் என எதிர்பார்க்கப்படுகிறது.

டீசரின் படி புதிய பென்ஸ் ஜிஎல்எஸ் மாடலின் வெளிப்புறத்தில் சிறு மாற்றங்கள் செய்யப்பட்டு இருப்பது தெரியவந்துள்ளது. டீசரில் புதிய கார் ஹெட்லேம்ப் மற்றும் டெயில் லேம்ப்கள் மட்டும் காட்சிப்படுத்தப்பட்டு இருக்கிறது. இத்துடன் காரின் பக்கவாட்டு பகுதியும் காட்டப்பட்டுள்ளது.

புதிய மெர்சிடிஸ் பென்ஸ் ஜிஎல்எஸ் மாடல் முந்தைய மாடலை விட 77 எம்எம் நீளமும், 22 எம்எம் அகலமாகவும் உருவாக்கப்பட்டு இருக்கிறது. மேலும் இது முந்தைய மாடலை விட நீண்ட வீல்பேஸ் கொண்டிருக்கிறது. புதிய காரில் 22 அங்குல அலாய் வீல் டிசைன் வழங்கப்படுகிறது. 

புதிய தலைமுறை மெர்சிடிஸ் பென்ஸ் மாடலில் 3.0 லிட்டர் ஆறு சிலிண்டர்கள் கொண்ட டீசல் என்ஜின் வழங்கப்படுகிறது. இது 326 பிஹெச்பி பவர், 700 என்எம் டார்க் செயல்திறன் வழங்குகிறது. இத்துடன் 9 ஸ்பீடு ஜி டிரானிக் ஆட்டோமேடிக் கியர்பாக்ஸ் வழங்கப்படுகிறது.

பஜாஜ் ஆட்டோ நிறுவனம் தனது ஃபிளாக்ஷிப் டாமினர் 400 மோட்டார்சைக்கிளின் பிஎஸ்6 வெர்ஷனை அறிமுகம் செய்துள்ளது. புதிய பிஎஸ்6 டாமினர் 400 மாடலின் விலை ரூ. 1.91 லட்சம், எக்ஸ் ஷோரூம் என நிர்ணயம் செய்யப்பட்டுள்ளது. இது முந்தைய பிஎஸ்4 மாடலின் விலையை விட ரூ. 1749 அதிகம் ஆகும்.

பிஎஸ்4 டாமினர் மாடல் ரூ. 1.90 லட்சம் விலையில் விற்பனை செய்யப்படுகிறது. புதிய டாமினர் 400 மாடல் வைன் பிளாக் மற்றும் அரோரா கிரீன் என இரண்டு வித நிறங்களில் கிடைக்கிறது. 

பிஎஸ்6 மோட்டார்சைக்கிள் மாடலில் 373சிசி சிங்கிள் சிலிண்டர் லிக்விட் கூல்டு, ஃபியூயல் இன்ஜெக்ட்டெட் என்ஜின் வழங்கப்பட்டுள்ளது. இது 39.4 பிஹெச்பி மற்றும் 35 என்எம் டார்க் செயல்திறன் வழங்குகிறது. டாமினர் 400 பிஎஸ்4 மாடலிலும் இந்த என்ஜின் இதே செயல்திறன் வழங்குகிறது.  இத்துடன் 6 ஸ்பீடு கியர்பாக்ஸ் மற்றும் ஸ்லிப்பர் கிளட்ச் வழங்கப்பட்டுள்ளது.

புதிய பிஎஸ்6 டாமினர் மாடலிலும் ஃபுல் எல்இடி லைட்டிங், ஃபுல்லி டிஜிட்டல் பிரைமரி மற்றும் செக்கன்டரி இன்ஸ்ட்ரூமென்ட் கிளஸ்டர், 13 லிட்டர் ஃபியூயல் டேன்க், ட்வின் பேரெல் எக்சாஸ்ட், டைமண்ட் கட் அலாய் வீல், 3டி லோகோ உள்ளிட்டவை வழங்கப்பட்டுள்ளன. 

இந்திய சந்தையில் பஜாஜ் டாமினர் 400 மாடல் 2016 ஆம் ஆண்டு அறிமுகம் செய்யப்பட்டது. அப்போது இதன் விலை ரூ. 1.60 லட்சம் என நிர்ணயம் செய்யப்பட்டது. பின் பலமுறை இதன் விலை படிப்படியாக உயர்த்தப்பட்டன.

டாடா மோட்டார்ஸ் நிறுவனம் சத்தமில்லாமல் நெக்சான் XZ+ (S) வேரியண்ட்டை அறிமுகம் செய்துள்ளது. இந்த கார் பெட்ரோல் மற்றும் டீசல் என இரண்டு வெர்ஷன்களில் கிடைக்கிறது. புதிய நெக்சான் வேரியண்ட் விலை ரூ. 10.10 லட்சம், எக்ஸ் ஷோரூம் என நிர்ணயம் செய்யப்பட்டுள்ளது. இதன் டீசல் வேரியண்ட் விலை ரூ. 11.60 லட்சம், எக்ஸ் ஷோரூம் என நிர்ணயம் செய்யப்பட்டுள்ளது.

இதுவரை டாடா நெக்சான் மாடல் XE, XM, XZ, XZ+, XZ+ (O), XMA, XZA+ மற்றும் XZA+ (O) என மொத்தம் எட்டு வேரியண்ட்களில் விற்பனை செய்யப்பட்டு வந்தது. இந்நிலையில், புதிய XZ+ (S) வேரியண்ட் XZA+ மற்றும் XZA+ (O) மாடல்களுக்கு மத்தியில் நிலைநிறுத்தப்பட்டது.

புதிய வேரியண்ட் டாப் எண்ட் மாடலில் உள்ள பல்வேறு அம்சங்களை கொண்டிருக்கிறது. அந்த வகையில் இந்த கார் ஐஆர்ஏ கனெக்ட்டெட் ஆப், ரிமோட் வெஹிகில் கண்ட்ரோல், லைவ் வெஹிகில் டையக்னாஸ்டிக்ஸ், வெஹிகில் லைவ் லொகேஷன், ஜியோ ஃபென்ஸ், வாலெட் மோட் மற்றும் பல்வேறு அம்சங்கள் வழங்கப்பட்டுள்ளன.

மேலும் இந்த வேரியண்ட்டில் எலெக்ட்ரிக் சன்ரூஃப், டில்ட் ஃபங்ஷன், ஆட்டோ ஹெட்லேம்ப்கள், ரெயின் சென்சிங் வைப்பர்கள், குரூயிஸ் கண்ட்ரோல், மல்டி டிரைவ் மோட்கள், பின்புற ஏசி வென்ட்கள், ஆட்டோமேடிக் கிளைமேட் கண்ட்ரோல், ஸ்மார்ட் கீ புஷ் பட்டன் ஸ்டார்ட் உள்ளிட்ட வசதிகள் வழங்கப்பட்டுள்ளன.

பாதுகாப்பிற்கு நெக்சான் XZ+ (S) மாடலின் முன்புறம் டூயல் ஏர்பேக், ஏபிஎஸ், இபிடி, டிராக்ஷன் கண்ட்ரோல், பிரேக் அசிஸ்ட், ஹில்ஹோல்டு அசிஸ்ட், ரிவர்ஸ் பார்க்கிங் கேமரா, முன்புற ஃபாக் லேம்ப்கள், ஐசோஃபிக்ஸ், டிரைவர் சீட் பெல்ட் உள்ளிட்டவை வழங்கப்பட்டுள்ளன.  

காற்று மாசுபாடு மற்றும் எரிபொருள் பயன்பாட்டை குறைக்கும் நோக்கில் ஆட்டோமொபைல் நிறுவனங்கள் தங்களது வாகனங்களை மெல்ல எலெக்ட்ரிக் மூலம் இயங்கும் வகையில் உருவாக்கி வருகின்றன. அந்த வரிசையில் பி.எம்.டபிள்யூ. நிறுவனம் ஏற்கனவே பிளக்-இன் ஹைப்ரிட் மாடல்களை அறிமுகம் செய்ய துவங்கிவிட்டது. 

பி.எம்.டபிள்யூ. 7 சீரிஸ் மாடல்களில் ஏற்கனவே இந்த தொழில்நுட்பம் வழங்கப்பட்டுவிட்ட நிலையில், பி.எம்.டபிள்யூ. தனது 3 சீரிஸ் மாடல்களில் மைல்டு ஹைப்ரிட் சிஸ்டம் தொழில்நுட்பத்தை வழங்க திட்டமிட்டு வருவதாக தகவல் வெளியாகியுள்ளது. அதன்படி முதற்கட்ட மாடல்கள் ஐரோப்பாவில் இந்த ஆண்டு இறுதிக்குள் விற்பனைக்கு வரும் என தெரிகிறது.

மைல்டு ஹைப்ரிட் பவர்டிரெயின் 3 சீரிஸ் மாடல்கள் தவிர எக்ஸ்3 மற்றும் எக்ஸ்4 மாடல்களிலும் வழங்கப்படலாம் என எதிர்பார்க்கப்படுகிறது. ஏற்கனவே பி.எம்.டபிள்யூ. 5 சீரிஸ் மாடல்களில் வழங்கப்பட்ட மைல்டு ஹைப்ரிட் சிஸ்டம் தான் தற்சமயம் 3 சீரிஸ் மாடல்களிலும் வழங்கப்பட இருப்பதாக கூறப்படுகிறது. 

பிளக் இன் ஹைப்ரிட், எலெக்ட்ரிக் மற்றும் மைல்டு ஹைப்ரிட் சிஸ்டம்களால் பி.எம்.டபிள்யூ. நிறுவனம் இந்த ஆண்டு 20 சதவீதம் வரை மாசு அளவை குறையும் என தெரிவித்துள்ளது. கடந்த 13 ஆண்டுகளில் பி.எம்.டபிள்யூ. நிறுவனம் சுமார் 40 சதவீதம் வரையிலான மாசை குறைத்து இருப்பதாக தெரிவித்துள்ளது.

ஹோண்டா நிறுவனத்தின் பி.எஸ்.6 ஜாஸ் ஹேட்ச்பேக் மாடல் கார் டீசர் அதிகாரப்பூர்வமாக வெளியிடப்பட்டுள்ளது. புதிய காரில் சில மாற்றங்களை செய்து வெளியிட ஹோண்டா திட்டமிட்டுள்ளதாக தகவல் வெளியாகியுள்ளது.

ஹோண்டா அதிகாரப்பூர்வ வலைதளத்தில் புதிய ஜாஸ் பி.எஸ்.6 மாடலின் டீசர் வெளியிடப்பட்டுள்ளது. புதிய கார் உள்புறத்தில் சில மாற்றங்களை எதிர்கொள்ளும் என எதிர்பார்க்கப்படுகிறது. அந்த வகையில் தற்போதைய மாடல்களில் உள்ள டச்பேட் ஏர்-கான் கண்ட்ரோல் நீக்கப்பட்டு புதிய பட்டன் கண்ட்ரோல் வழங்கப்படலாம்.

இத்துடன் டேஷ்போர்டு மற்றும் இருக்கைகளில் சில மாற்றங்கள் எதிர்பார்க்கப்படுகிறது. புதிய பி.எஸ்.6 ஹோண்டா ஜாஸ் மாடலில் 1.2 லிட்டர் பெட்ரோல் மற்றும் 1.5 லிட்டர் டீசல் என்ஜின் ஆப்ஷன்கள் வழங்கப்படும் என கூறப்படுகிறது. இவற்றின் பி.எஸ்.4 யூனிட் 89 பி.ஹெச்.பி., 110 என்.எம். டார்க் செயல்திறன் வழங்குகிறது.

பி.எஸ்.6 ஹேட்ச்பேக் மாடலில் ஏழு அங்குல தொடுதிரை வசதி கொண்ட இன்ஃபோடெயின்மென்ட் சிஸ்டம், ஆண்ட்ராய்டு ஆட்டோ, ஆப்பிள் கார்பிளே வசதி வழங்கப்படும் என கூறப்படுகிறது. இத்துடன் ப்ளூடூத் கனெக்டிவிட்டி, குரூயிஸ் கண்ட்ரோல், செமி டிஜிட்டல் இன்ஸ்ட்ரூமென்ட் கிளஸ்டர், கிளைமேட் கண்ட்ரோல், ஸ்டார்ட் / ஸ்டாப் புஷ் பட்டன் உள்ளிட்டவை வழங்கப்படலாம்.

தென்கொரிய ஆட்டோமொபைல் நிறுவனமான ஹூண்டாய், இந்திய சந்தையில் வெர்னா ஃபேஸ்லிஃப்ட் மாடல்களை அறிமுகம் செய்துள்ளது. இந்தியாவில் இவற்றின் துவக்க விலை ரூ. 9.30 லட்சம், எக்ஸ் ஷோரூம் என நிர்ணயம் செய்யப்பட்டுள்ளது. இந்த காருக்கான முன்பதிவுகள் ஏற்கனவே துவங்கிவிட்ட நிலையில், இது இம்மாதம் முழுக்க ஹூண்டாய் வலைதளத்தில் நடைபெறும் என தெரிவிக்கப்பட்டு இருக்கிறது.

புதிய காரின் வெளிப்புறம் மற்றும் உள்புறங்களில் சில மாற்றங்கள் செய்யப்பட்டுள்ளன. அந்த வகையில் புதிய வெர்னா மாடலில் கேஸ்கேடிங் கிரில், எல்.இ.டி. ஹெட்லேம்ப், டெயில் லேம்ப், டி.ஆர்.எல். உள்ளிட்டவையும் மேம்பட்ட பம்ப்பர்கள், புதிய ORVMகள், டைமண்ட் கட் அலாய் வீல்கள், மேம்பட்ட பூட் லிப் உள்ளிட்டவை வழங்கப்பட்டுள்ளன.

காரின் உள்புறம் டிஜிட்டல் இன்ஸ்ட்ரூமென்ட் கிளஸ்டர், மல்டி ஃபங்ஷன் ஸ்டீரிங் வீல், எமர்ஜன்சி ஸ்டாப் சிக்னல், வயர்லெஸ் ஸ்மார்ட்போன் சார்ஜிங், யுஎஸ்பி சார்ஜிங் போர்ட், சென்ட்டர் கன்சோல் ஆம் ரெஸ்ட், எலெக்ட்ரிக் சன்ரூஃப், ஆம்கிஸ் ஆடியோ சிஸ்டம் உள்ளிட்டவை வழங்கப்பட்டுள்ளது.

புதிய ஹூண்டாய் செடான் மாடல்- 1.0 லிட்டர் பெட்ரோல் என்ஜின், 1.5 லிட்டர் பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது. இவை முறையே 118 பிஹெச்பி மற்றும் 172 என்எம் டார்க் மற்ற இரு என்ஜின்களும் 113 பிஹெச்பி மற்றும் 250 என்எம் டார்க் செயல்திறன் வழங்குகின்றன.

இத்துடன் 7 ஸ்பீடு டிசிடி டிரான்ஸ்மிஷன், 6 ஸ்பீடு மேனுவல் மற்றும் ஐவிடி 6 ஸ்பீடு ஆட்டோமேடிக் டிரான்ஸ்மிஷன் யூனிட்கள் வழங்கப்படுகின்றன.

ஃபியாட் க்ரிஸ்லர் ஆட்டோமொபைல்ஸ் நிறுவனம் என்ட்ரி லெவல் ஜீப் காம்பேக்ட் எஸ்.யு.வி. மாடல் ஒன்றை உருவாக்கி வருவதாக தகவல் வெளியாகியுள்ளது. புதிய ஜீப் காம்பேக்ட் எஸ்.யு.வி. இந்திய சந்தையிலும் அறிமுகம் செய்யப்படும் என கூறப்படுகிறது.

சர்வதேச சந்தையில் என்ட்ரி லெவல் எஸ்.யு.வி. மாடல் ரெனகேடு ஆஃப்-ரோடு எஸ்.யு.வி. மாடலின் கீழ் நிலைநிறுத்தப்படும் என எதிர்பார்க்கப்படுகிறது. மேலும் இந்த எஸ்.யு.வி. மாடலில் அதிநவீன தொழில்நுட்பம் மற்றும் அம்சங்கள் வழங்கப்படும் என கூறப்படுகிறது.

ஆஃப்-ரோடு வசதியை வழங்கும் நோக்கில், புதிய ஜீப் மாடலில் டிரையல் ரேட்டெட் பேட்ஜ் வழங்கப்படும் என எதிர்பார்க்கப்படுகிறது. மேலும் இதில் ஃபியாட் நிறுவனத்தின் 4-வீல் டிரைவ் சிஸ்டம், லோ-ரேஷியோ கியர்பாக்ஸ் உள்ளிட்ட அம்சங்கள் வழங்கப்படலாம் என தெரிகிறது.

புதிய காம்பேக்ட் எஸ்.யு.வி. மாடலில் ஜீப் பிராண்டின் ஆஃப்-ரோடிங் டி.என்.ஏ. வழங்கப்படுவதோடு, அன்றாட பயன்பாடுகளுக்கு ஏற்ற வகையிலான அம்சங்களும் வழங்கப்படும் என ஐரோப்பாவிற்கான ஜீப் நிறுவன விளம்பர பிரிவு தலைவர் மார்கோ பிஜோஸி முன்னதாக தெரிவித்து இருந்தார்.

மேலும் பெட்ரோல் மற்றும் டீசல் பவர்டிரெயின் ஆப்ஷன்களில் புதிய ஜீப் காம்பேக்ட் எஸ்.யு.வி. மாடல் அறிமுகமாகும் என கூறப்படுகிறது. இதுதவிர பிளக்-இன் ஹைப்ரிட் எலெக்ட்ரிக் வாகனமாகவும் இந்த எஸ்.யு.வி. அறிமுகம் செய்யப்படும் என தெரிகிறது.

மாருதி சுசுகி நிறுவனம் பி.எஸ்.6 ரக செலரியோ எக்ஸ் ஹேட்ச்பேக் மாடல் காரை இந்திய சந்தையில் அறிமுகம் செய்தது. புதிய மாருதி சுசுகி செலரியோ எக்ஸ் பி.எஸ்.6 காரின் துவக்க விலை ரூ. 4.9 லட்சம், எக்ஸ் ஷோரூம் என நிர்ணயம் செய்யப்பட்டுள்ளது. 

புதிய செலரியோ எக்ஸ் பி.எஸ்.6 மாடல் - VXi, VXi (O), ZXi மற்றும் ZXi (O) என நான்கு வித வேரியண்ட்களில் கிடைக்கிறது. அனைத்து வேரியண்ட்களின் விலையிலும் ரூ. 15 ஆயிரம் வரை அதிகரிக்கப்பட்டுள்ளது. இதன் டாப் எண்ட் மாடல் விலை ரூ. 5.67 லட்சம், எக்ஸ் ஷோரூம் என நிர்ணயிக்கப்பட்டுள்ளது.

தோற்றத்தில் புதிய 2020 மாருதி செலரியோ எக்ஸ் பி.எஸ்.6 மாடல் எவ்வித மாற்றமும் செய்யப்படவில்லை. எனினும், இது இளைஞர்களை கவரும் வகையில் வடிவமைக்கப்பட்டுள்ளது. புதிய மாடல் பல்வேறு பிரகாசமான நிறங்களில் கிடைக்கிறது.

புதிய செலரியோ எக்ஸ் மாடலிலும் 1.0 லிட்டர் கே சீரிஸ் என்ஜின் வழங்கப்படுகிறது. இதே என்ஜின் எஸ் பிரெஸ்ஸோ மற்றும் ஆல்டோ கே10 மாடல்களிலும் வழங்கப்பட்டுள்ளது. இந்த மூன்று சிலிண்டர் என்ஜின் 68 பி.ஹெச்.பி. பவர், 90 என்.எம். டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.

மேலே குறிப்பிடப்பட்டு இருக்கும் மாற்றங்கள் தவிர புதிய மாடலில் எவ்வித மாற்றமும் மேற்கொள்ளப்படவில்லை. புதிய மாடலில் பிளாக்டு-அவுட் கேபின், ஸ்டீரிங் மவுண்ட் செய்யப்பட்ட கண்ட்ரோல்கள், இன்ஸ்ட்ரூமென்ட் கிளஸ்டரில் எம்.ஐ.டி. வழங்கப்பட்டுள்ளது. பாதுகாப்பிற்கு ஏ.பி.எஸ். இ.பி.டி., ஹை ஸ்பீடு வார்னிங் மற்றும் பெடஸ்ட்ரியன் ப்ரோடெக்ஷன் உள்ளிட்டவை வழங்கப்பட்டுள்ளது.

ஹூண்டாய் நிறுவனம் இந்திய சந்தையில் பி.எஸ்.6 ரக ஐ20 எலைட் பிரீமியம் ஹேட்ச்பேக் காரினை அறிமுகம் செய்துள்ளது. புதிய ஹூண்டாய் ஐ20 எலைட் மாடல் துவக்க விலை ரூ. 6.50 லட்சம், எக்ஸ் ஷோரூம் என நிர்ணயம் செய்யப்பட்டுள்ளது.

புதிய பி.எஸ்.6 ஹூண்டாய் ஐ20 எலைட் மாடல்: மேக்னா பிளஸ், ஸ்போர்ட் பிளஸ் மற்றும் ஆஸ்டா ஒ என மூன்று வேரியண்ட்களில் கிடைக்கிறது. முன்னதாக மற்ற வேரியண்ட்களின் விற்பனையை ஹூண்டாய் நிறுத்திவிட்டது. டாப் எண்ட் ஆஸ்டா ஒ வேரியண்ட் விலை ரூ. 8.31 லட்சம், எக்ஸ் ஷோரூம் என நிர்ணயம் செய்யப்பட்டுள்ளது.

தோற்றத்தில் ஹூண்டாய் ஐ20 எலைட் பி.எஸ்.6 மாடல் முந்தைய மாடலுடன் ஒப்பிடும் போது எவ்வித மாற்றமும் மேற்கொள்ளப்படவில்லை. புதிய காரிலும் முந்தைய மாடலில் உள்ள அம்சங்கள் மற்றும் உபகரணங்கள் வழங்கப்பட்டுள்ளன. எனினும், பி.எஸ்.6 மாடலில் ப்ரோஜெக்டர் ஹெட்லேம்ப்கள், கார்னெரிங் லேம்ப்கள், புதிய 16 இன்ச் டைமண்ட் கட் அலாய் வீல்கள் வழங்கப்பட்டுள்ளன.

உள்புறம், 7 இன்ச் தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார் பிளே, ஆண்ட்ராய்டு ஆட்டோ வசதி, மல்டி பங்ஷன் ஸ்டீரிங் வீல், ஆட்டோமேடிக் கிளைமேட் கண்ட்ரோல், பின்புறம் ஏ.சி. வென்ட்கள் உள்ளிட்டவை முந்தைய மாடல்களில் உள்ளதை போன்றே வழங்கப்பட்டுள்ளன. 

புதிய ஹூண்டாய் ஐ20 எலைட் பி.எஸ்.6 மாடலில் 1.2 லிட்டர் பெட்ரோல் என்ஜின் வழங்கப்படுகிறது. இந்த என்ஜின் 82 பி.ஹெச்.பி. @6000 ஆர்.பி.எம். மற்றும் 114 என்.எம். @4000 ஆர்.பி.எம். செயல்திறன் வழங்குகிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்படுகிறது.

பி.எம்.டபிள்யூ. நிறுவனத்தின் 8 சீரிஸ் கிரான் கூப் மாடல் அந்நிறுவனத்தின் அதிகாரப்பூர்வ வலைதளத்தில் பட்டியலிடப்பட்டு இருக்கிறது. அந்த வகையில் புதிய ஆடம்பர கார் விரைவில் இந்திய சந்தையில் அறிமுகமாகும் என எதிர்பார்க்கலாம். முன்னதாக பி.எம்.டபிள்யூ. 8 சீரிஸ் கிரான் கூப் மாடல் சமீபத்தில் நடந்து முடிந்த 2020 ஆட்டோ எக்ஸ்போ விழாவில் காட்சிக்கு வைக்கப்பட்டது.

இந்தியாவில் புதிய எக்ஸ்7 மாடல் வெளியானதும் பி.எம்.டபிள்யூ. 8 சீரிஸ் மாடல் அறிமுகம் செய்யப்படும் என அதிகம் எதிர்பார்க்கப்பட்டது. எனினும், கொரொனா வைரஸ் பாதிப்பு காரணமாக இதன் வெளியீடு தாமதமாகி இருக்கிறது. 

சர்வதேச சந்தையில் பி.எம்.டபிள்யூ. 8 சீரிஸ் மாடல்: கூப், கன்வெர்டிபில் மற்றும் நான்கு கதவுகள் கொண்ட கிரான் கூப் என மூன்றுவித பாடி ஸ்டைல்களில் கிடைக்கிறது. இவற்றில் கிரான் கூப் வெர்ஷன் மட்டுமே இந்திய சந்தையில் அறிமுகம் செய்யப்படும் என எதிர்பார்க்கப்படுகிறது. எனினும், இது டாப் எண்ட் எம்8 வேரியண்ட் ஆக இருக்கும் என தெரிகிறது.

இந்தியாவில் புதிய பி.எம்.டபிள்யூ. 8 சீரிஸ் மாடலில், 840ஐ 6 டர்போ பெட்ரோல் என்ஜின் வழங்கப்படும் என தெரிகிறது. இந்த என்ஜின் 340 பி.ஹெச்.பி. பவர், 500 என்.எம் டார்க் செயல்திறன் வழங்குகிறது. இதன் டாப் எண்ட் எம்8 மற்றும் எம்8 காம்படீஷன் மாடல்களில் 4.4 லிட்டர் ட்வின் டர்போ வி8 பெட்ரோல் என்ஜின் வழங்கப்படுகிறது. 

இவற்றில் எம்8 மாடல் 590 பி.ஹெச்.பி. பவர் மற்றும் எம்8 காம்படீஷன் மாடல் 616 பி.ஹெச்.பி. பவர் வழங்குகிறது. 

பி.எம்.டபிள்யூ. 8 சீரிஸ் கிரான் கூப் மாடல் தற்போதைய பிளாக்‌ஷிப் மாடலான 7 சீரிஸ் மாடலுக்கு மேல் நிலைநிறுத்தப்படும். இந்திய சந்தையில் அறிமுகமானதும் புதிய பி.எம்.டபிள்யூ. 8 சீரிஸ் கிரான் கூப் மாடல் போர்ஷ் பனமெரா மற்றும் விரைவில் அறிமுகமாக இருக்கும் மெர்சிடிஸ் பென்ஸ் ஜி.டி. 4-டோர் மாடல்களுக்கு போட்டியாக இருக்கும்.

டாடா மோட்டார்ஸ் நிறுவனம் தனது ஹெச்.பி.எக்ஸ். கான்செப்ட் மாடலை தழுவிய மினி எஸ்.யு.வி. இறுதி வடிவம் 2020-21 நிதியாண்டின் இரண்டாவது அரையாண்டு வாக்கில் அறிமுகம் செய்யப்பட இருப்பதாக டாடா மோட்டார்ஸ் நிறுவனம் தெரிவித்துள்ளது. முன்னதாக டாடா ஹெச்.பி.எக்ஸ். கான்செப்ட் 2020 ஆட்டோ எக்ஸ்போ விழாவில் காட்சிப்படுத்தப்பட்டது.

இதன் இறுதி வடிவம் இந்த ஆண்டே அறிமுகம் செய்யப்படலாம் என எதிர்பார்க்கப்பட்ட நிலையில், கொரோனா வைரஸ் பாதிப்பு காரணமாக உற்பத்தி தள்ளிவைக்கப்பட்டுள்ளது. தற்சமயம் டாடா நிறுவனம் மிக குறைந்த ஊழியர்களை கொண்டு இயங்கி வருகிறது.

புதிய மாடலில் டாடா நிறுவனம் 1.2 லிட்டர், டைரெக்ட் இன்ஜெக்ஷன், டர்போ பெட்ரோல் என்ஜின் டாப் எண்ட் மாடல்களில் வழங்கப்படலாம் என எதிர்பார்க்கப்படுகிறது. என்ட்ரி லெவல் மாடல்களில் 1.2 லிட்டர் பெட்ரோல் என்ஜின் வழங்கப்படும் என தெரிகிறது. இதே என்ஜின் டியாகோ, டிகோர் மற்றும் அல்ட்ரோஸ் மாடல்களிலும் வழங்கப்பட்டுள்ளது.

இது பி.எஸ்.6 ரக மூன்று சிலிண்டர், 4 வால்வுகள் கொண்ட என்ஜின் ஆகும். இது 84 பி.ஹெச்.பி. பவர், 113 என்.எம். டார்க் செயல்திறன் வழங்குகிரது. இத்துடன் 5 ஸ்பீடு மேனுவல் மற்றும் ஏ.எம்.டி. கியர்பாக்ஸ் வழங்கப்படுகிறது. 

டாடா மோட்டார்ஸ் நிறுவனத்தின் ஆல்ஃபா தளத்தில் உருவாகும் இரண்டாவது வாகனமாக புதிய ஹெச்.பி.எக்ஸ். மாடல் இருக்கும் என தெரிகிறது. முதல் மாடலாக டாடா அல்ட்ரோஸ் வெளியிடப்பட்டது. இந்த மினி எஸ்.யு.வி. உயரமாகவும், பிரம்மாண்ட தோற்றமும் கொண்டிருக்கிறது.

இந்த காரின் உள்புறம் செமி டிஜிட்டல் இன்ஸ்ட்ரூமென்ட் கிளஸ்டர், ஆட்டோமேடிக் கிளைமேட் கண்ட்ரோல், மிதக்கும் வகையிலான இன்ஃபோடெயின்மென்ட் சிஸ்டம் கொண்டிருக்கும் என எதிர்பார்க்கப்படுகிறது. பாதுகாப்பிற்கு ஏ.பி.எஸ். மற்றும் இ.பி.டி., டூயல் ஏர்பேக், சீட் பெல்ட் ரிமைண்டர் அலாரம், ஓவர் ஸ்பீடிங் அலாரம் மற்றும் ரிவர்ஸ் பார்க்கிங் சென்சார்கள் வழங்கப்படுகிறது.

கியா மோட்டார்ஸ் நிறுவனத்தின் சொனெட் கம்பேக்ட் எஸ்.யு.வி. மாடல் இந்திய சந்தையில் ஆகஸ்ட் மாத வாக்கில் அறிமுகம் செய்யப்படும் என தகவல் வெளியாகியுள்ளது. சர்வதேச சந்தையில் இந்த மாடல் ஜூன் மாத வாக்கில் அறிமுகம் செய்யப்படும் என கூறப்படுகிறது.  

முன்னதாக 2020 ஆட்டோ எக்ஸ்போ விழாவில் கியா சொனெட் கான்செப்ட் கார் சர்வதேச சந்தையில் அறிமுகம் செய்யப்பட்டது. இதில் புதிய சொனெட் மாடலில் கியா நிறுவனத்தின் பாரம்பரிய டைகர் நோஸ் கிரில், மெல்லிய ஹெட்லேம்ப் மற்றும் டெயில் லேம்ப்கள் வழங்கப்படுவது தெரியவந்து இருக்கிறது. 

அறிமுக நிகழ்வையொட்டி சொனெட் காம்பேக்ட் எஸ்.யு.வி. மாடல் இந்தியாவில் சோதனை செய்யப்பட்டு வருகிறது. புதிய கியா சொனெட் மாடலின் உள்புறத்தில் செல்டோஸ் மற்றும் கார்னிவல் எம்.பி.வி. மாடலில் இருக்கும் அம்சங்களே வழங்கப்படும் என எதிர்பார்க்கப்படுகிறது.

இதில் கியாவின் புதிய யு.வி.ஒ. கனெக்ட்டெட் தொழில்நுட்பம், தொடுதிரை வசதி கொண்ட இன்ஃபோடெயின்மென்ட் சிஸ்டம், சன்ரூஃப், டிஜிட்டல் இன்ஸ்ட்ரூமென்ட் கிளஸ்டர் உள்ளிட்டவை வழங்கப்படுகிறது. 

மெக்கானிக்கல் அம்சங்களை பொருத்தவரை கியா சொனெட் மாடலில் 1.2 லிட்டர் பெட்ரோல் என்ஜின், 1.0 லிட்டர் டர்போ பெட்ரோல் மோட்டார் மற்றும் 1.5 லிட்டர் டீசல் ஆயில் பர்னர் ஆப்ஷன்களில் கிடைக்கும் என கூறப்படுகிறது. 

இந்தியாவில் கியா சொனெட் காம்பேக்ட் எஸ்.யு.வி. மாடல் டாடா நெக்சான், மாருதி சுசுகி விட்டாரா பிரெஸ்ஸா, ஹூண்டாய் வென்யூ, மஹிந்திரா எக்ஸ்.யு.வி. 300 மற்றும் ஃபோர்டு இகோஸ்போர்ட் உள்ளிட்ட மாடல்களுக்கு போட்டியாக அமையும் என எதிர்பார்க்கலாம்.