என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
ஆட்டோமொபைல்
X
ஆகஸ்ட் மாதம் இந்தியா வரும் கியா சொனெட்
Byமாலை மலர்25 March 2020 11:20 AM GMT (Updated: 25 March 2020 11:20 AM GMT)
கியா மோட்டார்ஸ் நிறுவனத்தின் சொனெட் காம்பேக்ட் எஸ்.யு.வி. மாடல் இந்திய சந்தையில் அறிமுகம் செய்யப்படுகிறது.
கியா மோட்டார்ஸ் நிறுவனத்தின் சொனெட் கம்பேக்ட் எஸ்.யு.வி. மாடல் இந்திய சந்தையில் ஆகஸ்ட் மாத வாக்கில் அறிமுகம் செய்யப்படும் என தகவல் வெளியாகியுள்ளது. சர்வதேச சந்தையில் இந்த மாடல் ஜூன் மாத வாக்கில் அறிமுகம் செய்யப்படும் என கூறப்படுகிறது.
முன்னதாக 2020 ஆட்டோ எக்ஸ்போ விழாவில் கியா சொனெட் கான்செப்ட் கார் சர்வதேச சந்தையில் அறிமுகம் செய்யப்பட்டது. இதில் புதிய சொனெட் மாடலில் கியா நிறுவனத்தின் பாரம்பரிய டைகர் நோஸ் கிரில், மெல்லிய ஹெட்லேம்ப் மற்றும் டெயில் லேம்ப்கள் வழங்கப்படுவது தெரியவந்து இருக்கிறது.
அறிமுக நிகழ்வையொட்டி சொனெட் காம்பேக்ட் எஸ்.யு.வி. மாடல் இந்தியாவில் சோதனை செய்யப்பட்டு வருகிறது. புதிய கியா சொனெட் மாடலின் உள்புறத்தில் செல்டோஸ் மற்றும் கார்னிவல் எம்.பி.வி. மாடலில் இருக்கும் அம்சங்களே வழங்கப்படும் என எதிர்பார்க்கப்படுகிறது.
இதில் கியாவின் புதிய யு.வி.ஒ. கனெக்ட்டெட் தொழில்நுட்பம், தொடுதிரை வசதி கொண்ட இன்ஃபோடெயின்மென்ட் சிஸ்டம், சன்ரூஃப், டிஜிட்டல் இன்ஸ்ட்ரூமென்ட் கிளஸ்டர் உள்ளிட்டவை வழங்கப்படுகிறது.
மெக்கானிக்கல் அம்சங்களை பொருத்தவரை கியா சொனெட் மாடலில் 1.2 லிட்டர் பெட்ரோல் என்ஜின், 1.0 லிட்டர் டர்போ பெட்ரோல் மோட்டார் மற்றும் 1.5 லிட்டர் டீசல் ஆயில் பர்னர் ஆப்ஷன்களில் கிடைக்கும் என கூறப்படுகிறது.
இந்தியாவில் கியா சொனெட் காம்பேக்ட் எஸ்.யு.வி. மாடல் டாடா நெக்சான், மாருதி சுசுகி விட்டாரா பிரெஸ்ஸா, ஹூண்டாய் வென்யூ, மஹிந்திரா எக்ஸ்.யு.வி. 300 மற்றும் ஃபோர்டு இகோஸ்போர்ட் உள்ளிட்ட மாடல்களுக்கு போட்டியாக அமையும் என எதிர்பார்க்கலாம்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X