கார்

டொயோட்டா நிறுவனம் இந்திய சந்தையில் வெல்ஃபயர் மாடல் விலையை திடீரென உயர்த்தி இருக்கிறது. இந்திய சந்தையில் சிபியு மாடலாக விற்பனை செய்யப்படும் வெல்ஃபயர் எம்பிவி மாடலின் விலை ரூ. 2 லட்சத்து 10 ஆயிரம் வரை அதிகரிக்கப்பட்டு இருக்கிறது. டொயோட்டா வெல்ஃபயர் ஒற்றை, ஃபுல்லி லோடட் ஹைப்ரிட் வேரியண்ட் வடிவில் விற்பனை செய்யப்டுகிறது.

விலை உயர்வின் படி டொயோட்டா வெல்ஃபயர் விலை தற்போது ரூ. 96 லட்சத்து 55 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. 2020 பிப்ரவரி மாத வாக்கில் அறிமுகம் செய்யப்பட்ட டொயோட்டா வெல்ஃபயர் 7 சீட்டர் எம்பிவி வடிவில் கிடைக்கிறது. இதுவரை வெல்ஃபயர் மாடலின் விலை ரூ. 17 லட்சம் வரை உயர்த்தப்பட்டு இருக்கிறது.

ஸ்லைடிங் ரியர் கதவுகளை கொண்ட டொயோட்டா வெல்ஃபயர் மாடலில் இரண்டாம் அடுக்கு இருக்கைகள் ரிக்லைனிங், ஹீடிங் மற்றும் கூலிங் வசதிகளை கொண்டிருக்கிறது. இத்துடன் 3 ஜோன் கிளைமேட் கண்ட்ரோல், 16 நிற ரூஃப் லைட்கள், டுவின் சன்ரூஃப், ஹீடெட் ஸ்டீரிங் வீல், ரியர் எண்டர்டெயின்மெண்ட் ஸ்கிரீன் உள்ளிட்டவை வழங்கப்பட்டு இருக்கிறது.

டொயோட்டா வெல்ஃபயர் மாடலில் 2.5 லிட்டர் பெட்ரோல் ஹைப்ரிட் பவர்டிரெயின் மற்றும் இரண்டு எலெக்ட்ரிக் மோட்டார்கள் வழங்கப்பட்டுள்ளன. இதன் பெட்ரோல் என்ஜின் 115 ஹெச்பி பவர் வெளிப்படுத்துகிறது. முன்புறம் மற்றும் ஆக்சிலில் பொருத்தப்பட்ட எலெக்ட்ரிக் மோட்டார்கள் முறையே 140 ஹெச்பி மற்றும் 67 ஹெச்பி பவர் வெளிப்படுத்துகின்றன.

மஹிந்திரா நிறுவனம் இந்திய சந்தையில் XUV300 மாடலை புதிய என்ஜின்களுடன் அப்டேட் செய்தது. அந்த வகையில், XUV300 மாடல் தற்போது பிஎஸ்6 2 மற்றும் RDE விதிகளுக்கு ஏற்ப அப்டேட் செய்யப்பட்டு உள்ளது. என்ஜின் அப்டேட் செய்யப்பட்டு இருப்பதை அடுத்து மஹிந்திரா நிறுவனம் XUV300 பிஎஸ்6 2 விலையை அதன் முந்தைய வெர்ஷனை விட அதிகரித்து இருக்கிறது.

அதன்படி மஹிந்திரா XUV300 பிஎஸ்6 2 விலை ரூ. 8 லட்சத்து 41 ஆயிரம், எக்ஸ்-ஷோரூம் என துவங்குகிறது. புதிய மஹிந்திரா XUV300 மாடலில் 1.2 லிட்டர் பெட்ரோல் என்ஜின் மற்றும் 1.5 லிட்டர் டீசல் என்ஜின் வழங்கப்பட்டு இருக்கிறது. இவற்றில் பெட்ரோல் என்ஜின் 109 ஹெச்பி பவர், 200 நியூட்டன் மீட்டர் டார்க் இழுவிசையை வெளிப்படுத்துகிறது.

டீசல் என்ஜின் 115 ஹெச்பி பவர், 300 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு மேனுவல் மற்றும் AMT டிரான்ஸ்மிஷன் வழங்கப்படுகிறது. இரு என்ஜின்களும் தற்போது பிஎஸ்6 2 மற்றும் RDE விதிகளுக்கு ஏற்ப அப்டேட் செய்யப்பட்டு உள்ளன. இந்தியாவில் ஏப்ரல் 1, 2023 முதல் புதிய புகை விதிகள் அமலுக்கு வருகின்றன.

இந்திய சந்தையில் XUV300 அப்டேட் செய்யப்பட்டு இருப்பதை அடுத்து அதன் விலைகளும் மாறி இருக்கின்றன. மஹிந்கிரா XUV300 மேனுவல் கியர்பாக்ஸ் கொண்ட பெட்ரோல் W4 மற்றும் W6 வேரியண்ட்களின் விலையில் எவ்வித மாற்றமும் மேற்கொள்ளப்படவில்லை. இவற்றின் விலை முறையே ரூ. 8 லட்சத்து 41 ஆயிரம், ரூ. 9 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளன.

மஹிந்திரா XUV300 பெட்ரோல் AMT வேரியண்ட் W6 விலை தற்போது ரூ. 20 ஆயிரம் அதிகரித்து ரூ. 10 லட்சத்து 71 ஆயிரம் என மாறி இருக்கிறது. பெட்ரோல் என்ஜின் கொண்ட மற்ற வேரியண்ட்களின் விலை ரூ. 15 ஆயிரம் வரை அதிகரித்து இருக்கிறது. டீசல் என்ஜின் கொண்ட W4, W6 மற்றும் W8 வேரியண்ட்களின் விலை ரூ. 20 ஆயிரம் உயர்ந்துள்ளது. W8(O) விலை ரூ. 22 ஆயிரம் அதிகரித்து இருக்கிறது.

எம்ஜி மோட்டார் இந்தியா தனது இரண்டாவது எலெக்ட்ரிக் கார் பெயர் விவரங்களை அறிவித்து இருக்கிறது. அதன்படி இந்திய சந்தையில் எம்ஜி மோட்டார் நிறுவனத்தின் இரண்டாவது எலெக்ட்ரிக் கார் கோமெட் என அழைக்கப்பட இருக்கிறது. மேலும் புதிய எம்ஜி கோமெட் எலெக்ட்ரிக் காரின் டிசைன் மற்றும் நிற ஆப்ஷன்களும் அறிவிக்கப்பட்டு உள்ளன.

டிசைனை பொருத்தவரை எம்ஜி கோமெட் மாடலில் பெரிய எல்இடி லைட் பார் காரின் முன்புறம் முழுக்க இடம்பெற்று இருக்கிறது. இத்துடன் சார்ஜிங் போர்ட் மூடியின் மேல் எம்ஜி மோட்டார் லோகோ இமட்பெற்று இருக்கிறது. மேலும் டூயல் டோன் முன்புற பம்ப்பர், அகலமான ஏர் டேம், செங்குத்தாக பொருத்தப்பட்ட எல்இடி ப்ரோஜெக்டர் ஹெட்லேம்ப்கள், கிடைமட்டமாக இண்டிகேட்டர்கள், க்ரோம் ஸ்ட்ரிப் வழங்கப்பட்டு இருக்கிறது.

2023 எம்ஜி கோமெட் எலெக்ட்ரிக் காரில் பிளாக்டு-அவுட் பில்லர்கள், ரூஃப் மற்றும் ORVMகள், பெரிய ரியர் குவாட்டர் கிளாஸ் வழங்கப்பட்டு உள்ளன. இதன் ரியர் டிசைன் எப்படி இருக்கும் என இதுவரை அறிவிக்கப்படவில்லை. எனினும், இந்த காரில் எல்இடி டெயில் லைட்கள், எல்இடி லைட் பார், ரிஃப்ளெக்டர்கள் கொண்ட ரியர் பம்ப்பர் மற்றும் நம்பர் பிளேட் ஹோல்டர் இடம்பெற்று இருக்கும் என தெரிகிறது.

இந்திய சந்தையில் எம்ஜி கோமெட் மாடல் எம்ஜி ZS EV மாடலின் கீழ் நிலைநிறுத்தப்படுகிறது. இந்த கார் வைட், புளூ, கிரீன், எல்லோ மற்றும் பின்க் என ஐந்து விதமான நிறங்களில் கிடைக்கிறது. புதிய எம்ஜி கோமெட் மாடல் சிட்ரோஎன் eC3 மற்றும் டாடா டியாகோ EV போன்ற மாடல்களுக்கு போட்டியாக அமைகிறது.

ஹோண்டா நிறுவனம் இந்திய சந்தையில் ஐந்தாம் தலைமறை சிட்டி ஃபேஸ்லிஃப்ட் மாடலை அறிமுகம் செய்து இருக்கிறது. புதிய ஹோண்டா சிட்டி ஃபேஸ்லிஃப்ட் மாடலின் விலை ரூ. 11 லட்சத்து 49 ஆயிரம் என துவங்கி, அதிகபட்சம் ரூ. 20 லட்சத்து 39 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய சிட்டி ஃபேஸ்லிஃப்ட் மாடலில் சிறு காஸ்மடிக் மாற்றங்கள், அதிக உபகரணங்கள், எண்ட்ரி லெவல் வேரியண்ட்கள் மற்றும் புதிய நிற ஆப்ஷன்கள் வழங்கப்பட்டுள்ளன. புதிய ஹோண்டா சிட்டி மாடலுக்கான முன்பதிவு ஏற்கனவே துவங்கி நடைபெற்று வருகிறது. இந்த காருக்கான ஆன்லைன் முன்பதிவு கட்டணம் ரூ. 5 ஆயிரம் ஆகும். ஆஃப்லைனில் முன்பதிவு செய்யும் போது ரூ. 21 ஆயிரம் கட்டணமாக வசூலிக்கப்படுகிறது.

ஹோண்டா சிட்டி ஃபேஸ்லிஃப்ட் மாடல் முழுமையாக சிறிதளவு காஸ்மடிக் மாற்றங்கள் செய்யப்பட்டுள்ளது. இதன் பம்ப்பர்கள் டுவீக் செய்யப்பட்டு, கிரில் மெல்லியதாகவும் க்ரோம் பார் வழங்கப்பட்டு இருக்கிறது. கிரில் டிசைன் மேம்படுத்தப்பட்டு, டாப் வேரியண்ட்களில் ஹனிகொம்ப் பேட்டன், பேஸ் வேரியண்ட்களில் செங்குத்தாக ஸ்லாட்கள் வழங்கப்பட்டுள்ளன.

சிட்டி ஃபேஸ்லிஃப்ட் மாடலில் புதிய எண்ட்ரி லெவல் வேரியண்ட் சேர்க்கப்பட்டு இருக்கிறது. புதிய SV வேரியண்ட் மேனுவல் டிரான்ஸ்மிஷன் ஆப்ஷனில் மட்டுமே கிடைக்கிறது. இதன் பெட்ரோல் மாடல் தற்போது- SV, V, VX மற்றும் ZX என நான்கு வேரியண்ட்களில் கிடைக்கிறது. SV வேரியண்ட் தவிர மற்ற வேரியண்ட்களில் CVT கியர்பாக்ஸ் வழங்கப்படுகிறது.

உபகரணங்களை பொருத்தவரை சிட்டி ஃபேஸ்லிஃப்ட் மாடலில் ADAS அம்சங்களான- அடாப்டிவ் குரூயிஸ் கண்ட்ரோல், லேன் கீப் அசிஸ்ட், ஆட்டோனோமஸ் பிரேகிங் உள்ளிட்டவை வழங்கப்பட்டு இருக்கிறது. முன்னதாக இந்த அம்சங்கள் சிட்டி ஹைப்ரிட் மாடலில் மட்டுமே வழங்கப்பட்டு இருந்தது குறிப்பிடத்தக்கது. தற்போது பெட்ரோல் மாடல்களிலும் இந்த அம்சங்கள் வழங்கப்பட்டுள்ளன.

டாப் எண்ட் மாடல்களில் ஆறு ஏர்பேக், டயர் பிரெஷர் மாணிட்டரிங் சிஸ்டம், ரெயின் சென்சிங் வைப்பர்கள், ஆம்பியண்ட் லைட்டிங், வயர்லெஸ் சார்ஜர் மற்றும் வயர்லெஸ் ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி வழங்கப்பட்டு இருக்கிறது.

புதிய ஹோண்டா சிட்டி ஃபேஸ்லிஃப்ட் மாடலில் 1.5 லிட்டர் NA பெட்ரோல் என்ஜின் மற்றும் 6 ஸ்பீடு மேனுவல் அல்லது CVT கியர்பாக்ஸ் ஆப்ஷன்கள் வழங்கப்படுகின்றன. இந்த என்ஜின் 121 ஹெச்பி பவர் வெளிப்படுத்தும் திறன் கொண்டிருக்கிறது. இத்துடன் அட்கின்சன் சைக்கிள் 1.5 லிட்டர் பெட்ரோல் ஹைப்ரிட் என்ஜின் வழங்கப்பட்டு இருக்கிறது.

ஹைப்ரிட் என்ஜினுடன் eCVT டிரான்ஸ்மிஷன் வழங்கப்படுகிறது. இந்த பிரிவு மாடல்களில் ஸ்டிராங் ஹைப்ரிட் பவர்டிரெயின் கொண்ட ஒற்றை கார் மாடலாக புதிய ஹோண்டா சிட்டி உள்ளது. புதிய காரில் உள்ள பெட்ரோல் மற்றும் பெட்ரோல் ஹைப்ரிட் என்ஜின்கள் RDE மற்றும் E20 விதிகளுக்கு ஏற்ப உருவாக்கப்பட்டு இருக்கிறது.

இந்திய சந்தையில் புதிய ஹோண்டா சிட்டி ஃபேஸ்லிஃப்ட் மாடல் ஸ்கோடா ஸ்லேவியா, ஃபோக்ஸ்வேகன் விர்டுஸ், மாருதி சுசுகி சியாஸ் மற்றும் ஹூண்டாய் வெர்னா போன்ற கார்களுக்கு போட்டியாக அமைகிறது. ஹூண்டாய் நிறுவனம் தனது புதிய வெர்னா மாடலை மார்ச் 21 ஆம் தேதி அறிமுகம் செய்ய இருக்கிறது.

டாடா மோட்டார்ஸ் நிறுவனம் கடந்த ஆண்டு செப்டம்பர் மாத வாக்கில் நெக்சான் EV ஜெட் எடிஷன் மாடலை அறிமுகம் செய்தது. இந்த ஸ்பெஷல் எடிஷன் மாடல் பிரைம் மற்றும் மேக்ஸ் என நெக்சான் EV இரண்டு வேரியண்ட்களிலும் வழங்கப்பட்டு வந்தது. இந்திய சந்தையில் நெக்சான் EV ஜெட் எடிஷன் விலை ரூ. 17 லட்சத்து 50 ஆயிரம், எக்ஸ்-ஷோரூம் என நிர்ணயம் செய்யப்பட்டு இருந்தது.

தற்போது நெக்சான் EV ஜெட் எடிஷன் விற்பனை நிறுத்தப்பட்டு விட்டது. ஸ்பெஷல் எடிஷன் மாடல் ஸ்டார்லைட் நிறத்தில் கிடைத்தது. இதன் பாடி நிறம் எர்தி பிரான்ஸ் நிறமும் ரூஃப் பிளாட்டினம் சில்வர் என டூ-டோன் ஃபினிஷ் செய்யப்பட்டு இருக்கிறது. இதன் 16 இன்ச் அலாய் வீல்கள், ORVMகள், முன்புற கிரில், விண்டோ லைன், ரூஃப் ரெயில்களில் கிளாஸ் பிளாக் இன்சர்ட்கள் செய்யப்பட்டு இருந்தது.

வெளிப்புறம் மட்டுமின்றி காரின் இண்டீரியரும் மாற்றப்பட்டு இருந்தது. இதன் டேஷ்போர்டு மற்றும் டோர் பேட்களில் பிரான்ஸ் நிற இன்சர்ட்கள் செய்யப்பட்டன. இதன் சீட்களில் ஆயிஸ்டர் வைட் மற்றும் பிரான்ஸ் நிற ஸ்டிட்ச் செய்யப்பட்டு இருந்தது. முன்புற இருக்கை ஹெட்ரெஸ்ட்களில் ஜெட் லோகோ இடம்பெற்று இருந்தது.

நெக்சான் EV பிரைம் ஜெட் எடிஷன் மாடலில் 30.2 கிலோவாட் ஹவர் பேட்டரி பேக் கொண்டிருக்கிறது. இது 127 ஹெச்பி பவர், 245 நியூட்டன் மீட்டர் டார்க் இழுவிசையை கொண்டிருக்கிறது. நெக்சான் EV மேக்ஸ் மாடலில் 40.5 கிலோவாட் ஹவர் பேட்டரி உள்ளது. இது 141 ஹெச்பி பவர், 250 நியூட்டன் மீட்டர் டார்க் இழுவிசையை வெளிப்படுத்துகிறது.

ஹோண்டா கார்ஸ் இந்தியா நிறுவனம் மார்ச் 2 ஆம் தேதி இந்திய சந்தையில் புதிய சிட்டி ஃபேஸ்லிஃப்ட் மாடல் விலை விவரங்களை அறிவிக்க இருக்கிறது. புதிய மேம்பட்ட ஹோண்டா சிட்டி மாடல் புகைப்படங்கள் ஏற்கனவே அந்நிறுவன வலைத்தளத்தில் வெளியாகி இருக்கிறது. மேலும் இந்த காரின் வேரியண்ட் விவரங்களும் இடம்பெற்று விட்டது.

புதிய ஹோண்டா சிட்டி மாடல் SV, V, VX மற்றும் ZX என நான்கு வேரியண்ட்களில் கிடைக்கிறது. தற்போது இந்த கார் ரேடியண்ட் ரெட் மெட்டாலிக், பிளாட்டினம் வைட் பியல், கோல்டன் பிரவுன் மெட்டாலிக், லூனார் சில்வர் மெட்டலிக் மற்றும் மீடிராய்டு கிரே மெட்டாலிக் என ஐந்து வித நிறங்களில் கிடைக்கிறது. இந்த நிற ஆப்ஷன்களுடன் புதிதாக புளூ நிற வேரியண்ட் சேர்க்கப்படும் என கூறப்படுகிறது.

2023 ஹோண்டா சிட்டி மாடலில் 1.5 லிட்டர் டீசல் என்ஜினுக்கு நிறுத்தப்படுகிறது. இதற்கு மாற்றாக 1.5 லிட்டர் NA பெட்ரோல் மோ்டார் மற்றும் 6 ஸ்பீடு மேனுவல் மற்றும் CVT யூனிட் வழங்கப்படுகிறது. இத்துடன் 1.5 லிட்டர் NA பெட்ரோல் மோட்டார் உடன் ஹைப்ரிட் மோட்டார் மற்றும் e-CVT யூனிட் வழங்கப்படுகிறது.

மேம்பட்ட புதிய ஹோண்டா சிட்டி மாடலில் காஸ்மடிக் அப்டேட்கள், ரிடிசைன் செய்யப்பட்ட முன்புற மற்றும் பின்புற பம்ப்பர்கள், புதிய கிரில், அலாய் வீல் உள்ளிட்டவை வழங்கப்படுகிறது. அம்சங்களை பொருத்தவரை புதிய ஹோண்டா சிட்டி மாடலில் வயர்லெஸ் ஆப்பிள் கார்பிளே மற்றும் ஆண்ட்ராய்டு ஆட்டோ, ரெயின்-சென்சிங் வைப்பர்கள், ஆம்பியண்ட் லைட்டிங் மற்றும் ரிவைஸ்டு இண்டீரியர் வழங்கப்படுகிறது.

மாருதி சுசுகி நிறுவனம் 2023 இக்னிஸ் மாடலை இந்திய சந்தையில் அறிமுகம் செய்தது. புதிய இக்னிஸ் மாடல் விலை ரூ. 5 லட்சத்து 82 ஆயிரம், எக்ஸ்-ஷோரூம் என துவங்குகிறது. புதிய மாடல் பிஎஸ்6 2 மற்றும் RDE விதிகளுக்கு ஏற்ப அப்டேட் செய்யப்பட்டு இருக்கிறது. என்ஜின் மட்டுமின்றி இந்த மாடலில் புதிய பாதுகாப்பு அம்சங்கள் வழங்கப்பட்டுள்ளன.

தற்போதைய இக்னிஸ் உடன் ஒப்பிடும் போது புதிய மாடலின் விலை ரூ. 27 ஆயிரம் வரை அதிகரிக்கப்பட்டு இருக்கிறது. இந்த விலை தேர்வு செய்யப்பட்ட வேரியண்ட்களுக்கு மட்டும் பொருந்தும். விலை மாற்றத்தின்படி புதிய ஹேச்பேக் விலை ரூ. 5 லட்த்து 82 ஆயிரம் என துவங்குகிறது. இதன் டாப் எண்ட் மாடல் விலை ரூ. 8 லட்சத்து 01 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

2023 மாருதி இக்னிஸ் மாடலில் கூடுதல் பாதுகாப்பு அம்சங்களாக: எலெக்டிரானிக் ஸ்டேபிலிட்டி ப்ரோகிராம் (ESP) மற்றும் ஹில் ஹோல்டு அசிஸ்ட் வழங்கப்பட்டு இருக்கிறது. இரு அம்சங்கள் அனைத்து வேரியண்ட்களிலும் ஸ்டாண்டர்டு அம்சங்களாக உள்ளன.

புதிய மாருதி இக்னிஸ் மாடலில் 1.2 லிட்டர், நான்கு சிலிண்டர்கள் கொண்ட VVT பெட்ரோல் என்ஜின் வழங்கப்பட்டு இருக்கிறது. இந்த என்ஜின் 82 ஹெச்பி பவர், 113 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு மேனுவல் அல்லது AMT யூனிட் வழங்கப்பட்டு இருக்கிறது.

டாடா மோட்டார்ஸ் நிறுவனம் 2023 ஹேரியர் மற்றும் சஃபாரி மாடல்களை இந்தியாவில் அறிமுகம் செய்தது. டாடா ஹேரியர் விலை ரூ. 15 லட்சம் என துவங்குகிறது. சஃபாரி விலை ரூ. 15 லட்சத்து 65 ஆயிரம் என துவங்குகிறது.

புதிய ஹேரியர் மாடல் XE, XM, XMS, XT+, XZ, XZ+ XZA+ (O) என ஏழு வேரியண்ட்களில் கிடைக்கிறது. இத்துடன் ராயல் புளூ, ட்ராபிக்கல் மிஸ்ட், கலிப்சோ ரெட், ஆர்கஸ் வைட் மற்றும் டேடோனா கிரே என ஐந்து வித நிறங்களில் கிடைக்கிறது.

அம்சங்களை பொருத்தவரை 2023 ஹேரியர் மாடல் 360 டிகிரி கேமரா, ADAS, புதிய 10.25 இன்ச் டச் ஸ்கிரீன் இன்ஃபோடெயின்மெண்ட் சிஸ்டம், டிஜிட்டல் இன்ஸ்ட்ரூமெண்ட் கிளஸ்டர், ஆறு வழிகளில் அட்ஜஸ்ட் செய்யக்கூடிய ஒட்டுனர் இருக்கை, வெல்கம் ஆப்ஷன் உள்ளது.

இந்த மாடலில் தொடர்ந்து பானரோமிக் சன்ரூஃப், வெண்டிலேட் செய்யப்பட்ட முன்புற இருக்கைகள், வயர்லெஸ் சார்ஜிங், ஆட்டோ டிம்மிங் ORVM, ஆல் வீல் டிஸ்க் பிரேக்குகள், EPB, iRA கனெக்டெட் கார் தொழில்நுட்பம், ஆறு ஏர்பேக், டிரைவ் மோட்கள், டெரைன் மோட்கள், குரூயிஸ் கண்ட்ரோல், ஏர் பியூரிஃபயர், ஆட்டோமேடிக் கிளைமேட் கண்ட்ரோல், 200-க்கும் அதிக வாய்ஸ் கமாண்ட்கள் ஆறு மொழிகளில் வழங்கப்பட்டு இருக்கிறது.

புதிய டாடா ஹேரியர் மாடலிலும் 2.0 லிட்டர், நான்கு சிலிண்டர்கள் கொண்ட க்ரியோடெக் டீசல் என்ஜின் வழங்கப்பட்டு இருக்கிறது. இந்த என்ஜின் RDE மற்றும் பிஎஸ்6 2 விதிகளுக்கு பொருந்தும் வகையில் அப்டேட் செய்யப்பட்டு உள்ளது. இந்த என்ஜின் 168 ஹெச்பி பவர், 350 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு மேனுவல் மற்றும் ஆட்டோமேடிக் யூனிட்கள் வழங்கப்பட்டு உள்ளன.

இந்திய சந்தையில் புதிய டாடா ஹேரியர் மாடல் மாருதி சுசுகி கிராண்ட் விட்டாரா, ஹூண்டாய் கிரெட்டா, கியா செல்டோஸ், எம்ஜி ஆஸ்டர், டொயோட்டா அர்பன் குரூயிசர், ஃபோக்ஸ்வேகன் டைகுன் மற்றும் ஸ்கோடா குஷக் போன்ற மாடல்களுக்கு போட்டியாக அமைகிறது. புதிய டாடா ஹேரியர் டாப் எண்ட் மாடல் விலை ரூ. 24 லட்சத்து 07 ஆயிரம் என நிர்ணயம் செய்யப்பட்டு உள்ளது.

சிட்ரோயன் நிறுவனத்தின் புதிய eC3 எலெக்ட்ரிக் ஹேச்பேக் மாடல் விற்பனை மையங்களை வந்தடைந்துள்ளது. புதிய சிட்ரோயன் மாடலுக்கான முன்பதிவு ஏற்கனவே துவங்கி நடைபெற்று வருகிறது. இந்த நிலையில், சிட்ரோயன் eC3 டெஸ்ட் டிரைவ் துவங்கி இருக்கிறது. புதிய எலெக்ட்ரிக் ஹேச்பேக் மாடல் ஃபீல் மற்றும் லைவ் என இரண்டு வேரியண்ட்களில் கிடைக்கிறது.

தோற்றத்தில் சிட்ரோயன் eC3 எலெக்ட்ரிக் மற்றும் அதன் IC என்ஜின் வெர்ஷன் ஒரே மாதரியே காட்சியளிக்கிறது. இரு கார்களிலும், செவ்ரன் லோகோ முன்புற கிரில் மீது பொருத்தப்பட்டு இருக்கிறது. மற்ற எலெக்ட்ரிக் கார் மாடல்களை போன்று, eC3 மாடலில் க்ளோஸ்டு கிரில் அல்லது பெட்ரோல் மாடலில் இருப்பதை விட முற்றிலும் புது முன்புறத்தை பெறவில்லை.

இரு கார்களிடையே உள்ள ஒற்றை வித்தியாசமாக காரின் வெளிப்புறம் ஃபெண்டர் மற்றும் டெயில்கேட் உள்ளிட்டவைகளில் eC3 பேட்ஜ்கள் உள்ளன. இந்த காரில் சார்ஜிங் போர்ட் முன்புறம் வலதுபுற ஃபெண்டரில் பொருத்தப்பட்டு இருக்கிறது. இந்த காரில் மோனோக்ரோம் இன்ஸ்ட்ரூமெண்ட் கிளஸ்டர் உள்ளது.

இதன் டாப் எண்ட் மாடல்களில் 10 இன்ச் டச் ஸ்கிரீன் வழங்கப்பட்டு இருக்கிறது. டச் ஸ்கிரீன், 4 ஸ்பீக்கர் ஆடியோ சிஸ்டம், ஒட்டுனர் இருக்கையை அட்ஜஸ்ட் செய்யும் வசதி உள்ளிட்டவை ஃபீல் வேரியண்டில் மட்டுமே வழங்கப்பட்டுள்ளது.

சிட்ரோயன் eC3 மாடலில் 29.2 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த எலெக்ட்ரிக் கார் 57 ஹெச்பி பவர், 143 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த கார் மணிக்கு 107 கிலோமீட்டர் வேகத்தில் செல்லும். மேலும் முழு சார்ஜ் செய்தால் 320 கிலோமீட்டர் ரேன்ஜ் வழங்கும்.

டாடா மோட்டார்ஸ் நிறுவனம் முற்றிலும் புதிய ரெட் டார்க் எடிஷன் நெக்சான், ஹேரியர் மற்றும் சஃபாரி மாடல்களை இந்திய சந்தையில் அறிமுகம் செய்தது. புதிய மேம்பட்ட ஹேரியர் மற்றும் சஃபாரி மாடல்களின் விலை முறையே ரூ. 15 லட்சம் மற்றும் ரூ. 15 லட்சத்து 65 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

விலை விவரங்கள்:

நெக்சான் பெட்ரோல் ரெட் டார்க் எடிஷன் ரூ. 12 லட்சத்து 35 ஆயிரம்

நெக்சான் டீசல் ரெட் டார்க் எடிஷன் ரூ. 13 லட்சத்து 70 ஆயிரம்

ஹேரியர் டீசல் ரெட் டார்க் எடிஷன் ரூ. 21 லட்சத்து 77 ஆயிரம்

சஃபாரி 7 சீட்டர் டீசல் ரெட் டார்க் எடிஷன் ரூ. 22 லட்சத்து 61 ஆயிரம்

சஃபாரி 6 சீட்டர் டீசல் ரெட் டார்க் எடிஷன் ரூ. 22 லட்சத்து 71 ஆயிரம்

முன்னதாக ஆட்டோ எக்ஸ்போ 2023 நிகழ்வில் காட்சிக்கப்பட்ட ரெட் டார்க் எடிஷன் மாடல்களின் கிரில் ஒபெரான் பிளாக் ஃபினிஷ் மற்றும் ரெட் அக்செண்ட்கள் செய்யப்பட்டுள்ளன. இதன் ஃபெண்டர்களில் டார்க் எடிஷன் பேட்ஜிங் இடம்பெற்று இருக்கிறது. இத்துடன் பிரேக் கேலிப்பர்களும் ரெட் ஃபினிஷ் செய்யப்பட்டு உள்ளது. காரின் உள்புள கேபின் பிளாக் மற்றும் ரெட் தீம் செய்யப்பட்டு இருக்கிறது.

2023 மாடலை தழுவி உருவாக்கப்பட்டு இருக்கும் ரெட் டார்க் எடிஷன் ஹேரியர் மற்றும் சஃபாரியில் புதிய 10.25 இன்ச் இன்ஃபோடெயின்மெண்ட் சிஸ்டம், புதிய தலைமுறை டிஜிட்டல் இன்ஸ்ட்ரூமெண்ட் கிளஸ்டர், மேம்பட்ட டிரைவர் அசிஸ்டண்ட் சிஸ்டம், ADAS அம்சங்கள் உள்ளது. இரு எஸ்யுவிக்களிலும் பவர்டு டிரைவர் சீட், வெண்டிலேட் செய்யப்பட்ட முன்புற இருக்கைகள் உள்ளன.

நெக்சான் ரெட் டார்க் எடிஷன் மாடலிலும் ஒபெரான் பிளாக் ஃபினிஷ் செய்யப்பட்டு முன்புறம் ரெட் அக்செண்ட் வழங்கப்பட்டு இருக்கிறது. கேபினிலும் டார்க் எடிஷன் தீம் செய்யப்பட்டு இருக்கிறது. 

மெர்சிடிஸ் பென்ஸ் நிறுவனம் AMG G63 விலையை திடீரென உயர்த்தி இருக்கிறது. தற்போதைய விலை உயர்வில் மெர்சிடிஸ் AMG G63 விலை தற்போது ரூ. 75 லட்சம் அதிகரிக்கப்பட்டுள்ளது. முன்னதாக மெர்சிடிஸ் AMG G63 விலை ரூ. 2 கோடியே 55 லட்சம் என நிர்ணயம் செய்யப்பட்டு இருந்தது.

இந்த நிலையில், தற்போது இதன் விலை ரூ. 3 கோடியே 30 லட்சம் என நிர்ணயம் செய்யப்பட்டுள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. இந்த மாதத்திலேயே மெர்சிடிஸ் நிறுவனம் தனது AMG G63 மற்றும் GLS மேபேக் 600 மாடல்களுக்கான முன்பதிவை மீண்டும் துவங்கியது. முன்பதிவுகள் முதற்கட்டமாக மெர்சிடிஸ் பென்ஸ் வாடிக்கையாளர்களுக்கு மட்டுமே நடைபெற்றது.

மெர்சிடிஸ் AMG G63 மாடலில் 4.0 லிட்டர், டுவின் டர்போ வி8 என்ஜின் வழங்கப்பட்டு இருக்கிறது. இந்த என்ஜின் 577 ஹெச்பி பவர், 850 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 9 ஸ்பீடு ஆட்டோமேடிக் டிரான்ஸ்மிஷன் வழங்கப்பட்டு இருக்கிறது. மெர்சிடிஸ் G கிளாஸ் மாடல் G350d வெர்ஷனிலும் வழங்கப்படுகிறது.

மஹிந்திரா தார் ஆஃப் ரோடர் மாடலின் ரியர் வீல் டிரைவ் (RWD) வெர்ஷன் சமீபத்தில் அறிமுகம் செய்யப்பட்டது. புதிய தார் மாடல் விலை ரூ. 9 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. மஹிந்திரா தார் RWD வினியோகம் துவங்கி நடைபெற்று வருகிறது.

இந்த நிலையில், ஏற்கனவே விற்பனை செய்யப்பட்டு வரும் மஹிந்திரா தார் 4WD வேரியண்ட்களுக்கு அந்நிறுவனம் ரூ. 1 லட்சம் வரையிலான தள்ளுபடி வழங்குகிறது. இவற்றில் ரூ. 45 ஆயிரம் தள்ளுபடி அல்லது ரூ. 60 ஆயிரம் வரையிலான அக்ச்ஸரீக்கள் வழங்கப்படுகிறது.

இத்துடன் ரூ. 10 ஆயிரம் வரை கார்ப்பரேட் போனஸ், ரூ. 15 ஆயிரம் வரை எக்சேன்ஜ் போனஸ் வழங்கப்படுகிறது. இவற்றுடன் இன்சூரன்ஸ் பலன்கள், மூன்று ஆண்டுகளுக்கு பராமரிப்பு பேக்கேஜ் உள்ளிட்டவை வழங்கப்படுகிறது. எனினும், இந்த பலன்கள் MY2022 LX பெட்ரோல் AT 4WD வேரியண்டிற்கு மட்டுமே வழங்கப்படுகிறது.

இந்திய சந்தையில் மஹிந்திரா தார் 4WD MY2022 LX பெட்ரோல் AT வேரியண்ட் விலை ரூ. 15 லட்சத்து 82 ஆயிரம், எக்ஸ்-ஷோரூம் ஆகும். இதுதவிர மஹிந்திரா தார் RWD மற்றும் 4WD வெர்ஷன்களின் காத்திருப்பு காலம் முறையே 18 மாதங்கள் மற்றும் நான்கு மாதங்களாக உள்ளது. தற்போது அறிவிக்கப்பட்டு இருக்கும் சலுகைகள் ஒவ்வொரு பகுதி, மாடல், விற்பனை மையம் என பல்வேறு விஷயங்களை பொருத்து வேறுப்படும்.