கார்

மஹந்திரா நிறுவனத்தின் தார் மாடல் விற்பனையில் ஒரு லட்சம் யூனிட்களை கடந்துள்ளது. 2020 ஆகஸ்ட் மாத வாக்கில் அறிமுகம் செய்யப்பட்ட மஹிந்திரா தார் மாடல் தற்போது இந்த மைல்கல்லை எட்டியுள்ளது. இந்திய சந்தையில் மாருதி சுசுகி ஜிம்னி மற்றும் ஃபோர்ஸ் குர்கா மாடல்களுக்கு மாற்றாக மஹிந்திரா தார் மாடல் விற்பனை செய்யப்பட்டு வருகிறது.

இந்திய சந்தையில் மஹிந்திரா தார் மாடலின் பெட்ரோல் வேரியண்ட் விலை ரூ. 13 லட்சத்து 49 ஆயிரம் என்று துவங்குகிறது. இதன் டீசல் வேரியண்ட் விலை ரூ. 10 லட்சத்து 55 ஆயிரம் என்று துவங்குகிறது. மஹிந்திரா தார் டாப் எண்ட் மாடல் விலை ரூ. 16 லட்சத்து 78 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

மஹிந்திரா தார் மாடல் RWD அல்லது 4WD என்று இருவித வெர்ஷன்களில் கிடைக்கிறது. இந்த காரின் RWD 1.5 லிட்டர் டீசல் அல்லது 2.0 லிட்டர் பெட்ரோல் என்ஜின் ஆப்ஷன்களில் கிடைக்கிறது. இதன் 4WD மாடல் 2.2 லிட்டர் டீசல் மற்றும் 2.0 லிட்டர் பெட்ரோல் என்ஜின் ஆப்ஷன்களில் கிடைக்கிறது. இத்துடன் மேனுவல் மற்றும் ஆட்டோமேடிக் கியர்பாக்ஸ் ஆப்ஷன்களில் கிடைக்கிறது.

மே மாதத்திற்கு மஹிந்திரா தார் மாடலை வாங்குவோருக்கு ரூ. 65 ஆயிரம் வரையிலான தள்ளுபடிகள் அறிவிக்கப்பட்டு இருக்கிறது. இவற்றை வாடிக்கையாளர்கள் தள்ளுபடி மற்றும் எக்சேஞ்ச் போனஸ் வடிவில் பெற்றுக் கொள்ள முடியும். 

டாடா மோட்டார்ஸ் நிறுவனம் மேம்பட்ட சஃபாரி மாடலை சமீபத்தில் தான் அறிமுகம் செய்தது. இந்த நிலையில், சஃபாரி மாடலுக்கு மற்றொரு மிட்-சைக்கிள் அப்டேட் வழங்க டாடா மோட்டார்ஸ் தயாராகி வருவதாக தெரிகிறது. புதிய சஃபாரி ஃபேஸ்லிஃப்ட் மாடல் டெஸ்டிங் செய்யப்படும் போது எடுக்கப்பட்ட படங்கள் இணையத்தில் வெளியாகி உள்ளது.

ஸ்பை படங்களில் இந்த காரில் மேற்கொள்ளப்பட்டு இருக்கும் மாற்றங்கள் பற்றி தெரியவந்துள்ளது. டெஸ்டிங் செய்யப்படும் யூனிட் முழுமையாக மறைக்கப்பட்டு இருக்கும் நிலையில், சஃபாரி ஃபேஸ்லிஃப்ட் மாடலில் கிரில் அப்ரைட் தோற்றம், புதிய பம்ப்பர் வழங்கப்படும் என்று தெரியவந்துள்ளது. புதிய பம்ப்பர் ஹேரியர் EV கான்செப்டில் உள்ளதை போன்றே காட்சியளிக்கிறது.

Photo Courtesy: Drivespark

ஆட்டோ எக்ஸ்போ 2023 நிகழ்வில் டாடா மோட்டார்ஸ் நிறுவனம் தனது ஹேரியர் EV மாடலை கான்செப்ட் வடிவில் காட்சிக்கு வைத்தது. இதில் மெல்லிய எல்இடி லைட் கிளஸ்டர்கள் வழங்கப்படுகின்றன. பம்ப்பரின் கீழ்புறம் லோயர் ஏர் வெண்ட்களும் ரிடிசைன் செய்யப்பட்டு இருக்கின்றன. பக்கவாட்டு பகுதிகளில் எவ்வித மாற்றமும் மேற்கொள்ளப்படவில்லை.

காரின் உள்புறத்தில் ரிவைஸ்டு இருக்கை மேற்கவர்கள், புதிய ட்ரிம் இன்சர்ட்கள் வழங்கப்படுகின்றன. சமீபத்தில் வெளியான மற்ற ஸ்பை படங்களில் இந்த காரின் கேபின் அளவில் பெரியதாக இருக்காது என்று தெரியவந்தது.

ஜீப் இந்தியா நிறுவனம் தனது காம்பஸ் காரின் பெட்ரோல் வேரியண்ட் விற்பனையை அதிகாரப்பூர்வமாக நிறுத்திவிட்டது. காம்பஸ் பெட்ரோல் வேரியண்ட் நிறுத்தப்பட்டது குறித்து அறிக்கை வெளியிட்டு இருக்கும் ஜீப் இந்தியா நிறுவனம் டீசல் பவர்டிரெயின் மற்றும் மாற்று எரிபொருள் கொண்டு இயங்கும் என்ஜின் ஆப்ஷன்களில் முதலீடு செய்யப்போவதாக அறிவித்து இருக்கிறது.

இந்த அறிக்கை காரணமாக ஜீப் இந்தியா நிறுவனம் காம்பஸ் பெட்ரோல் வேரியண்டை மீண்டும் அறிமுகம் செய்வதற்கான வாய்ப்புகளை குறைத்து இருக்கிறது. இது குறித்து ஜீப் இந்தியா வெளியிட்டு இருக்கும் அறிக்கையில் குறிப்பிடப்பட்டு இருப்பதாவது..

"பிரீமியம் எஸ்யுவி பிரிவில் டீசல் என்ஜினுக்கு இன்றும் நல்ல வரவேற்பு கிடைக்கிறது. ஜீப் இந்தியா நிறுவனம் 2.0 லிட்டர் மல்டிஜெட் டர்போ டீசல் பவர்டிரெயினை மேம்படுத்த முதலீடு செய்யும். புதிய வெர்ஷன்கள் அதிக டார்க், குறைந்த மாசு அளவுகளை வெளிப்படுத்துவதோடு, எரிபொருள் சிக்கனத்தை வழங்கும்."

"எதிர்காலத்தில் குறிப்பிடத்தக்க மாடல்களை இந்திய சந்தையில் அறிமுகம் செய்ய ஜீப் இந்தியா திட்டமிட்டுள்ளது. அனைத்து விதமான என்ஜின் மற்றும் எரிபொருள் ஆப்ஷன்களையும் முயற்சி செய்து, பயனர்களுக்கு ஏற்ற பவர்டிரெயினை வழங்குவோம்," என்று தெரிவித்துள்ளது.

பெட்ரோல் வேரியண்ட் நிறுத்தப்பட்டதை அடுத்து ஜீப் காம்பஸ் டீசல் வேரியண்ட்கள் மட்டுமே இந்திய சந்தையில் கிடைக்கின்றன. இவற்றின் விலை ரூ. 21 லட்சத்து 44 ஆயிரம் என்று துவங்குகிறது. டாப் எண்ட் மாடல் விலை ரூ. 31 லட்சத்து 64 ஆயிரம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ஜீப் காம்பஸ் டீசல் வேரியண்டில் 2.0 லிட்டர், இன்லைன், நான்கு சிலிண்டர்கள் கொண்ட, டர்போ சார்ஜ் செய்யப்பட்ட டீசல் என்ஜின் வழங்கப்பட்டு இருக்கிறது. இந்த என்ஜின் 172 பிஎஸ் பவர், 350 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு மேனுவல், 9 ஸ்பீடு ஆட்டோமேடிக் கியர்பாக்ஸ் ஆப்ஷன்கள் வழங்கப்படுகிறது. இத்துடன் 4x4 சிஸ்டமும் வழங்கப்படுகிறது. 

ஃபோக்ஸ்வேகன் இந்தியா தனது டிகுவான் எஸ்யுவி மாடலின் 2023 வெர்ஷனை அறிமுகம் செய்தது. புதிய 2023 ஃபோக்ஸ்வேகன் டிகுவான் மாடலின் விலை ரூ. 34 லட்சத்து 69 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இது தற்போது விற்பனை செய்யப்படும் மாடலை விட ரூ. 50 ஆயிரம் அதிகம் ஆகும்.

2023 ஃபோக்ஸ்வேகன் டிகுவான் மாடலில் பல்வேறு புதிய அம்சங்கள் வழங்கப்பட்டு இருப்பதோடு, புதிய RDE விதிகளுக்கு ஏற்ற மாற்றங்கள் செய்யப்பட்டு உள்ளது. காரின் வெளிப்புறம் எந்த மாற்றமும் மேற்கொள்ளப்படவில்லை. புதிய டிகுவான் மாடல் நைட்ஷேட் புளூ, ஆரிக்ஸ் வைட், டால்ஃபின் கிரே, டீப் பிளாக் மற்றும் ரிஃப்ளெக்ஸ் சில்வர் போன்ற நிறங்களில் கிடைக்கிறது.

காரின் உள்புறம் டூயல் டோன் கிரே இண்டீரியர் செய்யப்பட்டு, கேபின் ஆல் பிளாக் நிறம் கொண்டிருக்கிறது. அம்சங்களை பொருத்தவரை வயர்லெஸ் போன் சார்ஜர், பார்கிங் அசிஸ்டண்ட் உள்ளிட்டவை வழங்கப்பட்டு இருக்கிறது. ஒற்றை பட்டனை க்ளிக் செய்ததும் ஆக்டிவேட் ஆகும் பார்கிங் அசிஸ்டண்ட் மிகவும் குறுகிய பாதைகளில் காரை பார்க் செய்ய உதவுகிறது.

இத்துடன் மேட்ரிக்ஸ் எல்இடி ஹெட்லேம்ப்கள், 10-இன்ச் டிஜிட்டல் இன்ஸ்ட்ரூமெண்ட் கிளஸ்டர், 8.0 இன்ச் டச் ஸ்கிரீன், ஹீடெட் முன்புற இருக்கைகள், எலெக்ட்ரிக் அட்ஜஸ்ட் வசதி கொண்ட டிரைவர் சீட், 3 ஜோன் கிளைமேட் கண்ட்ரோல், பவர்டு டெயில்கேட், பானரோமிக் சன்ரூஃப் வழங்கப்பட்டு உள்ளது.

புதிய 2023 டிகுவான் மாடலில் 2.0 லிட்டர் டர்போ சார்ஜ் செய்யப்பட்ட பெட்ரோல் என்ஜின் வழங்கப்பட்டு இருக்கிறது. இது 188 ஹெச்பி பவர், 320 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 7 ஸ்பீடு DSG ஆட்டோமேடிக் கியர்பாக்ஸ் ஸ்டாண்டர்டு அம்சமாக வழங்கப்படுகிறது.

டாடா மோட்டார்ஸ் நிறுவனத்தின் பன்ச் மாடல் முழுமையாக மறைக்கப்பட்ட நிலையில், வாகனத்தில் ஏற்றிச் செல்லப்படும் புகைப்படங்கள் வெளியாகி உள்ளது. இந்த மாடல் டாடா பன்ச் எலெக்ட்ரிக் வெர்ஷனாக இருக்கும் என்று கூறப்படுகிறது.

2025 ஆண்டிற்குள் டாடா மோட்டார்ஸ் நிறுவனம் பத்து எலெக்ட்ரிக் வாகனங்களை அறிமுகம் செய்யும் பணிகளில் ஈடுபட்டு வருவதாக தகவல் வெளியாகி உள்ளது. இதில் டாடா பன்ச் EV மாடலும் இடம்பெற்று இருக்கும் என்று கூறப்படுகிறது. தோற்றத்தில் இந்த மாடல் அதன் ஐசி என்ஜின் வெர்ஷனை போன்றே காட்சியளிக்கும் என்று தெரிகிறது.

இந்த காரின் முன்புறம் ஸ்ப்லிட் ஹெட்லேம்ப் செட்டப், எல்இடி டிஆர்எல் பொனெட் லைனின் கீழ் பொருத்தப்பட்டு உள்ளது. இந்த காரின் கிரில் பகுதி ரிடிசைன் செய்யப்பட்டு, முழுமையாக பிளான்க்டு ஆஃப் செய்யப்பட்டு EV பேட்ஜ் இடம்பெற்று இருக்கிறது. காரின் பின்புறம் ரியர் வைப்பர், ஹை மவுண்ட் ஸ்டாப் லேம்ப், எல்இடி டிரை-ஏரோ டெயில் லைட்கள் உள்ளன.

முன்னதாக டாடா மோட்டார்ஸ் நிறுவனம் தனது டிகோர், டியாகோ மற்றும் நெக்சான் ஐசி என்ஜின் கார்களை எலெக்ட்ரிக் வடிவில் அறிமுகம் செய்து இருக்கிறது. இந்த வரிசையில், தற்போது டாடா பன்ச் மாடலும் இணைய இருக்கிறது. ஸ்பை படங்களின் படி இந்த காரின் பின்புற வீலில் டிஸ்க் பிரேக் வழங்கப்படுகிறது.

பவர்டிரெயின் மற்றும் அம்சங்களின் படி பன்ச் EV மாடல் டியாகோ EV மாடலின் மேல் நிலைநிறுத்தப்படும் என்று தெரிகிறது. விலையை பொருத்தவரை டாடா பன்ச் EV மாடல் ரூ. 9 லட்சத்தில் துவங்கி அதிகபட்சம் ரூ. 13 லட்சம் வரை நிர்ணயம் செய்யப்படும் என்று தெரிகிறது.

Photo courtesy: photulogy

மாருதி சுசுகி நிறுவனம் தனது வேகன் ஆர் ஹேச்பேக் மாடல் விற்பனையில் புது மைல்கல் எட்டியதாக அறிவித்து இருக்கிறது. இந்திய சந்தையில் 1999 ஆண்டு அறிமுகம் செய்யப்பட்ட வேகன்ஆர் மாடல் விற்பனையில் 30 லட்சம் யூனிட்களை கடந்து, புதிய மைல்கல் எட்டியுள்ளது.

இந்திய சந்தையில் வேகன்ஆர் மாடலின் விலை தற்போது ரூ. 5 லட்சத்து 54 ஆயிரம் என்று துவங்கி அதிகபட்சம் ரூ. 7 லட்சத்து 42 ஆயிரம் வரை நிர்ணயம் செய்யப்பட்டு உள்ளது. மூன்றாம் தலைமுறை கட்டத்தில் உள்ள வேகன்ஆர் மாடல் மாருதி சுசுகி நிறுவனத்தின் ஹார்டெக்ட் பிளாட்ஃபார்மில் உருவாக்கப்பட்டு இருக்கிறது.

மாருதி வேகன்ஆர் மாடல் 1.0 லிட்டர் பெட்ரோல் மற்றும் 1.2 லிட்டர் பெட்ரோல் என்ஜின் என்று இருவித பவர்டிரெயின் ஆப்ஷன்களில் கிடைக்கிறது. இத்துடன் CNG கிட் ஆப்ஷனும் வழங்கப்படுகிறது. இந்த கார் CNG மோடில் 34.05 கிலோமீட்டர் மைலேஜ் வழங்குகிறது. மாருதி சுசுகி நிறுவனம் தனது வாடிக்கையாளர்களுக்கு அதிக என்ஜின் ஆப்ஷன்களை வழங்குகிறது.

கடந்த இரண்டு ஆண்டுகளாக இந்திய சந்தையில் அதிகம் விற்பனையாகும் கார் மாடலாக வேகன்ஆர் விளங்குகிறது. இதுதவிர மாருதி வேகன்ஆர் ஹேச்பேக் மாடலின் ஃபிலெக்ஸ் ஃபியூவல் ப்ரோடோடைப் வெர்ஷனை மாருதி சுசுகி நிறுவனம் காட்சிப்படுத்தி இருக்கிறது. இது காரின் விற்பனையை மேலும் அதிகப்படுத்தும் என்று தெரிகிறது.

எம்ஜி மோட்டார் இந்தியா நிறுவனத்தின் முற்றிலும் புதிய கொமெட் EV எலெக்ட்ரிக் கார் மாடலுக்கான முன்பதிவு துவங்கி நடைபெற்று வருகிறது. புதிய எம்ஜி கொமெட் EV முன்பதிவு கட்டணம் ரூ. 11 ஆயிரம் ஆகும். எம்ஜி கொமெட் எலெக்ட்ரிக் கார் விலை விவரங்கள் கடந்த மாதம் அறிவிக்கப்பட்டது. அதன்படி எம்ஜி கொமெட் EV விலை ரூ. 7 லட்சத்து 98 ஆயிரம், எக்ஸ்-ஷோரூம் என்று துவங்குகிறது.

இந்தியாவில் எம்ஜி கொமெட் வினியோகம் இம்மாத இறுதியில் துவங்கி, படிப்படியாக நடைபெறும். எம்ஜி கொமெட் EV மாடல்: பேஸ், பிளே மற்றும் பிளஷ் என மூன்றுவித வேரியண்ட்களில் கிடைக்கிறது. இந்த மாடல்: கேண்டி வைட், அரோரா சில்வர், ஸ்டேரி பிளாக், கேண்டி வைட் மற்றும் ஸ்டேரி பிளாக் ரூஃப், ஆப்பிள் கிரீன் மற்றும் ஸ்டாரி பிளாக் ரூஃப் என்று ஐந்து நிறங்களில் கிடைக்கிறது.

எம்ஜி கொமெட் EV மாடலில் 17.3 கிலோவாட் ஹவர் பேட்டரி பேக் வழங்கப்பட்டு இருக்கிறது. இத்துடன் வழங்கப்பட்டு இருக்கும் எலெக்ட்ரிக் மோட்டார் 41 ஹெச்பி பவர், 110 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த எலெக்ட்ரிக் கார் முழு சார்ஜ் செய்தால் 230 கிலோமீட்டர்கள் வரையிலான ரேஞ்ச் வழங்குகிறது.

இந்த காரை 3.3 கிலோவாட் சார்ஜர் மூலம் 0 முதல் 100 சதவீதம் வரை சார்ஜ் செய்ய ஏழு மணி நேரங்கள் ஆகும். அம்சங்களை பொருத்தவரை எம்ஜி கொமெட் EV மாடலில் எல்இடி ஹெட்லேம்ப்கள், 12 இன்ச் ஸ்டீல் வீல் மற்றும் வீல் கவர்கள், அலங்கரிக்கப்பட்ட எம்ஜி லோகோ, டிஜிட்டல் இன்ஸ்ட்ரூமெண்ட் கன்சோல், 10.25 இன்ச் டச் ஸ்கிரீன் வசதி கொண்ட இன்ஃபோடெயின்மெண்ட் சிஸ்டம், வயர்லெஸ் ஆப்பிள் கார்பிளே, ஆண்ட்ராய்டு ஆட்டோ, i ஸ்மார்ட் கனெக்டெட் கார் தொழில்நுட்பம், OTA அப்டேட்கள், TPMS, ரிவர்ஸ் பார்கிங் கேமரா வழங்கப்பட்டு இருக்கிறது.

பிஎம்டபிள்யூ நிறுவனத்தின் புதிய X3 M40i கார் இந்திய சந்தையில் அறிமுகம் செய்யப்பட்டு இருக்கிறது. புதிய X3 மாடலின் விலை ரூ. 86 லட்சத்து 50 ஆயிரம், எக்ஸ்-ஷோரூம் என்று துவங்குகிறது. சிபியு முறையில் இந்தியாவுக்கு கொண்டுவரப்படும் பிஎம்டபிள்யூ X3 M40i மாடல் குறைந்த எண்ணிக்கையிலேயே விற்பனை செய்யப்படும் என்று தெரிகிறது.

புதிய X3 M40i மாடலுக்கான முன்பதிவு ஏற்கனவே துவங்கி நடைபெற்று வந்தது. முன்பதிவு பிஎம்டபிள்யூ ஆன்லைன் தளத்தில் மட்டுமே நடைபெறுகிறது. புதிய X3 M40i மாடல்: ப்ரூக்லின் கிரே மற்றும் பிளாக் சஃபையர் போன்ற நிறங்களில் கிடைக்கிறது. இதன் உள்புறம் சென்சடெக் பெர்ஃபோரேட் செய்யப்பட்ட இருக்கை மேற்கவர்கள் உள்ளன.

இந்த காரில் 3.0 லிட்டர், 6 சிலிண்டர்கள் கொண்ட பெட்ரோல் என்ஜின் வழங்கப்பட்டு இருக்கிறது. இந்த என்ஜின் 360 ஹெச்பி பவர், 500 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது. இந்த கார் மணிக்கு 100 கிலோமீட்டர் வேகத்தை 4.9 நொடிகளில் எட்டிவிடும். மேலும் மணிக்கு அதிகபட்சம் 250 கிலோமீட்டர் வேகத்தில் செல்லும் திறன் கொண்டுள்ளது.

காரின் வெளிப்புறம் ஹை-கிலாஸ் பிளாக் ஃபினிஷ் செய்யப்பட்ட இரண்டடுக்கு கிட்னி கிரில் மற்றும் M லோகோ உள்ளது. இத்துடன் மேட்ரிக்ஸ் ரக எல்இடி ஹெட்லேம்ப்கள், ஹை கிலாஸ் ORVM-கள், பிளாக் க்ரோம் டெயில்பைப்கள், 20-இன்ச் M லைட் அலாய் வீல்கள், M ஸ்போர்ட் பிரேக் மற்றும் ரெட் கேலிப்பர்கள் வழங்கப்பட்டு உள்ளன.

ஸ்கோடா நிறுவனம் இந்திய சந்தையில் தனது முதல் எலெக்ட்ரிக் வாகனமாக என்யாக் iV காரை அறிமுகம் செய்ய இருக்கிறது. புதிய எலெக்ட்ரிக் கார் மாடல் இந்த நிதியாண்டிலேயே அறிமுகம் செய்யப்பட இருக்கிறது. சந்தையில் எதுபோன்ற வரவேற்பு கிடைக்கிறது என்பதை அறிந்து கொள்ளும் வகையில் என்யாக் iV மாடலை இந்தியாவில் அறிமுகம் செய்ய ஸ்கோடா திட்டமிட்டுள்ளது. இதற்கு கிடைக்கும் வரவேற்பை பொருத்து எதிர்கால எலெக்ட்ரிக் வாகன வெளியீடு பற்றிய திட்டமிடலில் ஸ்கோடா இறங்க இருக்கிறது.

ஹூண்டாய், கியா, டாடா மற்றும் மஹிந்திரா போன்ற பிராண்டுகள் இந்திய சந்தையில் குறைந்த பட்சம் ஒரு எலெக்ட்ரிக் கார் மாடலை விற்பனை செய்து வருகின்றன. அந்த வரிசையில், ஸ்கோடா நிறுவனம் எலெக்ட்ரிக் வாகனங்கள் பிரிவில் விரைவில் களமிறங்க இருக்கிறது.

"நாங்கள் என்யாக் மாடலில் இருந்து துவங்க திட்டமிட்டு இருக்கிறோம். இந்த நிதியாண்டில் என்யாக் மாடலை அறிமுகம் செய்து சந்தையை ஆய்வு செய்ய விரும்புகிறோம். சந்தையில் சாதகமான வரவேற்பு கிடைக்கும் பட்சத்தில், அதிக எலெக்ட்ரிக் வாகன மாடல்களை அறிமுகம் செய்வது பற்றி முடிவு எடுப்போம்," என்று ஸ்கோடா ஆட்டோ இந்தியா பிராண்டு இயக்குனர் பீட்டர் சால்க் தெரிவித்துள்ளார்.

ஸ்கோடா என்யாக் iV மாடல் ஃபோக்ஸ்வேகன் குழுமத்தின் MEB எலெக்ட்ரிக் பிளாட்ஃபார்மில் உருவாக்கப்பட்டு இருக்கிறது. இதே பிளாட்ஃபார்மில் ஃபோக்ஸ்வேகன் ID 4 மற்றும் ஆடி Q4 இ டிரான் போன்ற கிராஸ்ஓவர் மாடல்களும் உருவாக்கப்பட்டுள்ளன. புதிய என்யாக் iV மாடல் கோடியக் காரை விட சற்றே சிறிய கார் ஆகும். ஆனாலும் இது இரண்டடுக்கு இருக்கைகள் கொண்ட ஐந்து பேர் பயணிக்கக்கூடிய கார் ஆகும்.

புதிய ஸ்கோடா என்யாக் iV மாடலில் 77 கிலோவாட் ஹவர் பேட்டரி மற்றும் 125 கிலோவாட் டிசி ஃபாஸ்ட் சார்ஜிங் வசதி வழங்கப்பட்டு இருக்கிறது. இந்த கார் ஆல் வீல் டிரைவ் வசதி மற்றும் 265 ஹெச்பி வரையிலான திறன் வெளிப்படுத்துகிறது. இந்த கார் மணிக்கு 100 கிலோமீட்டர் வேகத்தை 6.9 நொடிகளில் எட்டிவிடும். WLTP சான்றின் படி, முழு சார்ஜ் செய்தால் என்யாக் iV மாடல் 513 கிலோமீட்டர்கள் வரையிலான செயல்திறன் கொண்டிருக்கிறது.

மாருதி சுசுகி நிறுவனத்தின் முற்றிலும் புதிய ஜிம்னி மாடலின் விலை விவரங்கள் அடுத்த மாதத்தின் முதல் வாரத்தில் அறிவிக்கப்பட இருக்கிறது. ஆட்டோ எக்ஸ்போ 2023 நிகழ்வில் இந்த எஸ்யுவி மாடலின் சர்வதேச அறிமுகம் நடைபெற்றது. இந்த காருக்கான முன்பதிவு ஏற்கனவே துவங்கி நடைபெற்று வருகிறது. ஜிம்னி மாடலின் விற்பனை நெக்சா விற்பனை மையங்களில் நடைபெற இருக்கிறது.

முந்தைய திட்டப்படி இந்த காரின் வெளியீடு இம்மாத இறுதியில் நடைபெற இருந்தது. எனினும், தற்போது வெளியாகி இருக்கும் தகவல்களின் படி முற்றிலும் புதிய ஜிம்னி மாடல் வெளியீடு ஜூன் மாதத்தின் முதல் வாரத்தில் நடைபெறும் என்று கூறப்படுகிறது. புதிய ஜிம்னி மாடலை வாங்க இதுவரை 24 ஆயிரத்து 500-க்கும் அதிகமானோர் முன்பதிவு செய்துள்ளனர்.

தற்போதைய தகவல்களின் படி இந்த காரின் மேனுவல் வேரியண்ட்களுக்கான காத்திருப்பு காலம் ஆறு மாதங்களாகவும், ஆட்டோமேடிக் வேரியண்ட்களுக்கான காத்திருப்பு காலம் அதிகபட்சம் எட்டு மாதங்கள் வரை இருக்கும் என்று கூறப்படுகிறது. முற்றிலும் புதிய மாருதி சுசுகி ஜிம்னி மாடல் புளூயிஷ் பிளாக், கைனடிக் எல்லோ மற்றும் பியல் ஆர்க்டிக் வைட் என்று மூன்று நிறங்களில் கிடைக்கும்.

மாருதி சுசுகி ஜிம்னி 5-டோர் மாடலில் புதிய K15C யூனிட் வழங்கப்பட்டு இருக்கிறது. இத்துடன் 4 ஸ்பீடு டார்க் கன்வெர்ட்டர் ஆட்டோமேடிக் அல்லது 5 ஸ்பீடு மேனுவல் கியர்பாக்ஸ் வழங்கப்படுகிறது. இந்த என்ஜின் 105 ஹெச்பி பவர், 134 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. ஆஃப் ரோடர் என்பதால் இந்த காரில் 4WD சிஸ்டம் வழங்கப்பட்டு இருக்கிறது.

கியா இந்தியா நிறுவனத்தின் சொனெட் ஆரோக்ஸ் எடிஷன் மாடல் இந்திய சந்தையில் அறிமுகம் செய்து இருக்கிறது. புதிய சொனெட் ஆரோக்ஸ் எடிஷன் மாடலின் விலை ரூ. 11 லட்சத்து 85 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய எடிஷன் மாடல் HTX வேரியண்டை தழுவி உருவாக்கப்பட்டு இருக்கிறது.

புதிய சொனெட் மாடலில் 1.0 லிட்டர் டர்போ பெட்ரோல் மற்றும் 1.5 லிட்டர் டர்போ டீசல் என்ஜின் ஆப்ஷன்களில் கிடைக்கிறது. ஆரோக்ஸ் எடிஷன் மாடல் HTX மற்றும் HTX+ வேரியண்ட்களின் இடையில் நிலைநிறுத்தப்பட்டுள்ளது. ஆரோக்ஸ் எடிஷன் மாடலில் காஸ்மடிக் மாற்றங்கள் மட்டுமே மேற்கொள்ளப்பட்டு இருக்கிறது.

முந்தைய ஆனிவர்சரி எடிஷனை போன்றே புதிய ஆரோக்ஸ் எடிஷனிலும் பிரமாண்ட ஸ்கிட் பிலேட்கள், முன்புற பம்ப்பர், கிரில், டோர் சில்கள், ரியர் ஸ்கிட் பிலேட் மற்றும் செண்டர் வீல் கேப்களில் டேஞ்சரைன் அக்செண்ட்கள் செய்யப்பட்டுள்ளன. இதன் கிரில் பகுதியிலும் ஆரோக்ஸ் பேட்ஜிங் டேஞ்சரைன் அக்செண்டில் வழங்கப்பட்டு இருக்கிறது.

புதிய கியா சொனெட் ஆரோக்ஸ் எடிஷன் - கிராவிட்டி கிரே, அரோரா பிளாக் பியல், ஸ்பார்க்லிங் சில்வர் மற்றும் கிலேசியர் வைட் பியல் என்று நான்கு விதமான நிறங்களில் கிடைக்கிறது. HTX வேரியண்டில் உருவாக்கப்பட்டு இருப்பதால், சொனெட் ஆரோக்ஸ் எடிஷன் மாடலில் வேறு எந்த மாற்றமும் மேற்கொள்ளப்படவில்லை.

இந்த மாடலில் 8.0 இன்ச் டச் ஸ்கிரின், ஆண்ட்ராய்டு ஆட்டோ, ஆப்பிள் கார்பிளே கனெக்டிவிட்டி, ஆட்டோமேடிக் எல்இடி ஹெட்லேம்ப்கள், சிங்கில் பான் சன்ரூஃப், ஆட்டோமேடிக் கிளைமேட் கண்ட்ரோல், ரியர் ஏசி வெண்ட்கள், குரூயிஸ் கண்ட்ரோல் மற்றும் பல்வேறு அம்சங்கள் வழங்கப்பட்டு உள்ளன. பாதுகாப்பிற்கு நான்கு ஏர்பேக், சீட்பெல்ட் ரிமைண்டர்கள், டயர் பிரெஷர் மாணிட்டரிங் சிஸ்டம் வழங்கப்பட்டு இருக்கிறது.

சொனெட் ஆரோக்ஸ் எடிஷன் மாடலில் 120 ஹெச்பி பவர், 172 நியூட்டன் மீட்டர் டார்க் இழுவிசையை வெளிப்படுத்தும் 1.0 லிட்டர் டர்போ பெட்ரோல் என்ஜின் மற்றும் 116 ஹெச்பி பவர், 250 நியூட்டன் மீட்டர் டார்க் இழுவிசையை வெளிப்படுத்தும் 1.5 லிட்டர் டர்போ டீசல் என்ஜின் வழங்கப்பட்டு இருக்கிறது. இத்துடன் 6 ஸ்பீடு iMT, பெட்ரோல் என்ஜினுடன் 7 ஸ்பீடு டூயல் கிளட்ச் ஆட்டோமேடிக் கியர்பாக்ஸ், டீசல் என்ஜினுடன் 6 ஸ்பீடு ஆட்டோமேடிக் கியர்பாக்ஸ் வழங்கப்பட்டுள்ளது.

இந்திய சந்தையில் கியா சொனெட் ஆரோக்ஸ் எடிஷன் மாடல் ஹூண்டாய் வென்யூ, மஹிந்திரா XUV300, டாடா நெக்சான், மாருதி சுசுகி பிரெஸ்ஸா, மாருதி சுசுகி Fronx, ரெனால்ட் கைகர் மற்றும் நிசான் மேக்னைட் போன்ற மாடல்களுக்கு போட்டியாக அமைகிறது.

ஹூண்டாய் இந்தியா நிறுவனம் தனது எக்ஸ்டர் மாடல் புகைப்படங்களை வெளியிட்டுள்ளது. மேலும் எக்ஸ்டர் மாடலுக்கான முன்பதிவு இந்தியாவில் துவங்கி நடைபெற்று வருகிறது. முன்பதிவு கட்டணம் ரூ. 11 ஆயிரம் என்று நிர்ணயம் செய்யப்பட்டுள்ளது. புதிய ஹூண்டாய் எக்ஸ்டர் மாடல் EX, S, SX, SX (O) மற்றும் SX (O) கனெக்ட் என்று ஐந்து வித வேரியண்ட்களில் விற்பனை செய்யப்பட இருக்கிறது.

புதிய எக்ஸ்டர் மாடல் ஹூண்டாய் நிறுவனத்தின் குளோபல் டிசைன் மொழியில் ஸ்டைலிங் செய்யப்பட்டுள்ளது. ஐயோனிக் 5 மற்றும் வெர்னா மாடல்களும் இதே டிசைனிங்கில் உருவாக்கப்பட்டு இருக்கின்றன. தோற்றத்தில் இந்த கார் எஸ்யுவி போன்ற ஸ்லைடிங், கூர்மையான மஸ்குலர் லைன், ஃபிலேர்டு வீல் ஆர்ச்கள், ரூஃப் ரெயில்கள் உள்ளன.

ஹூண்டாய் எக்ஸ்டர் மாடலின் பின்புறம் எப்படி காட்சியளிக்கும் என்று தெரியவில்லை. எனினும், ஏற்கனவே வெளியான புகைப்படங்களின் படி புதிய எக்ஸ்டர் மாடலில் கனெக்டெட் டெயில் லேம்ப்கள், எல்இடி லைட்டிங், ஃபுளோடிங் ஸ்டைல் ரூட் டிசைன், மஸ்குலர் ஹேச் மற்றும் பிரமாண்ட ரியர் பம்ப்பர் கொண்டிருக்கும் என்று தெரிகிறது.

புதிய எக்ஸ்டர் மாடலில் E20 ரக எரிபொருளில் இயங்கும் திறன் கொண்ட 1.2 லிட்டர் கப்பா பெட்ரோல் என்ஜின், 5 ஸ்பீடு மேனுவல் டிரான்ஸ்மிஷன், ஆப்ஷனல் ஸ்மார்ட் ஆட்டோ ஆட்டோமேடட் மேனுவல் டிரான்ஸ்மிஷன் வசதி வழங்கப்படுகிறது. இத்துடன் 1.2 லிட்டர் பை-ஃபியூவல் கப்பா பெட்ரோல் + CNC என்ஜின் வழங்கப்படுகிறது. இத்துடன் 5 ஸ்பீடு மேனுவல் டிரான்ஸ்மிஷன் வழங்கப்படுகிறது.

இந்திய சந்தையில் ஹூண்டாய் எக்ஸ்டர் மாடல் டாடா பன்ச் மற்றும் சிட்ரோயன் C3 போன்ற மாடல்களுக்கு போட்டியாக அறிமுகம் செய்யப்பட இருக்கிறது.