என் மலர்
பைக்
பி.எம்.டபிள்யூ. நிறுவனத்தின் C 400 GT ஸ்கூட்டர் முன்பதிவு துவங்கி இருப்பதாக தகவல் வெளியாகி உள்ளது.
பி.எம்.டபிள்யூ. நிறுவனம் C 400 GT ஸ்கூட்டருக்கான முன்பதிவு தேர்வு செய்யப்பட்ட மையயங்களில் துவங்கி இருப்பதாக தகவல் வெளியாகி உள்ளது. இந்தியாவில் சில பி.எம்.டபிள்யூ. விற்பனையாளர்கள் ஸ்கூட்டருக்கான முன்பதிவை அதிகாரப்பூர்வமற்ற முறையில் மேற்கொண்டு வருகின்றனர். இந்த ஸ்கூட்டருக்கான முன்பதிவு கட்டணம் ரூ. 1 லட்சம் ஆகும்.
ஏற்கனவே இந்த மேக்சி ஸ்கூட்டர் சர்வதேச ச்தையில் விற்பனை செய்யப்பட்டு வருகிறது. இந்த ஸ்கூட்டரில் 350சிசி, ஒற்றை சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 33.5 பி.ஹெச்.பி. பவர், 35 நியூட்டன் மீட்டர் டார்க் செயல்திறன் வழங்குகிறது. இந்த ஸ்கூட்டர் மணிக்கு 139 கிலோமீட்டர் வேகத்தில் செல்லும் திறன் கொண்டிருக்கிறது.
இந்திய சந்தையில் 2021 பி.எம்.டபிள்யூ. C 400 GT விலை ரூ. 6 லட்சத்திற்கும் அதிகமாக நிர்ணயம் செய்யப்படும் என எதிர்பார்க்கப்படுகிறது. தற்போது இந்த மாடலுக்கு போட்டியாக இந்திய சந்தையில் வேறு எந்த ஸ்கூட்டரும் விற்பனை செய்யப்படவில்லை.
பெனலி நிறுவனம் இந்த ஆண்டு இறுதிக்குள் விற்பனை மையங்கள் எண்ணிக்கையை அதிகப்படுத்த இருப்பதாக தகவல் வெளியாகி உள்ளது.
இத்தாலி நாட்டு சூப்பர்பைக் உற்பத்தியாளரான பெனலி இந்த ஆண்டு இறுதிக்குள் இந்திய சந்தையில் மூன்று புது மோட்டார்சைக்கிள் வேரியண்ட்களை அறிமுகம் செய்ய இருக்கிறது. இதுதவிர இந்திய சந்தையில் விற்பனை மையங்கள் எண்ணிக்கையை அதிகப்படுத்த பெனலி திட்டமிட்டுள்ளது.
புது மாடல்களில் பெனலி 502C பவர் குரூயிசர் அதிகம் எதிர்பார்க்கப்படுகிறது. தற்போது பெனலி நிறுவனம் - TRK502, TRK502X, லியோன்சினோ, இம்பீரியல் 400 மாடல்களை விற்பனை செய்து வருகிறது. பெனலி இந்தியா எதிர்கால திட்டம் குறித்து அந்நிறுவன வியாபார பிரிவு தலைவர் மற்றும் நிர்வாக இயக்குனர் விகாஸ் ஜபக் கூறும் போது,
"இந்தியாவில் 250 முதல் 500 சிசி பிரிவில் அதிக கவனம் செலுத்த திட்டமிட்டு இருக்கிறோம். ஊரடங்கு பிறப்பிக்கப்படும் முன் 30 விற்பனை மையங்கள் இயங்கி வந்தன. நாட்டில் நிலைமை சீராகும் பட்சத்தில் ஒவ்வொரு மாதமும் இரண்டு புது விற்பனை மையங்களை திறக்க திட்டமிட்டுள்ளோம்." என தெரிவித்தார்.
இந்தியாவில் ஓலா எலெக்ட்ரிக் ஸ்கூட்டரை வாங்க 24 மணி நேரத்தில் சுமார் 1 லட்சத்திற்கும் அதிகமானோர் முன்பதிவு செய்துள்ளனர்.
ஓலா எலெக்ட்ரிக் நிறுவனம் தனது முதல் எலெக்ட்ரிக் ஸ்கூட்டர், முன்பதிவு துவங்கிய 24 மணி நேரத்தில் ஒரு லட்சம் யூனிட்களை கடந்துள்ளதாக அறிவித்து இருக்கிறது. முன்பதிவில் இத்தகைய வரவேற்பை பெற்று இருக்கும் முதல் ஸ்கூட்டராக இது அமைந்துள்ளது.
ஓலா எலெக்ட்ரிக் ஸ்கூட்டர்களுக்கான முன்பதிவு ஜூலை 15 ஆம் தேதி துவங்கியது. முன்பதிவு கட்டணம் ரூ. 499 ஆகும். ஓலா எலெக்ட்ரிக் அதிகாரப்பூர்வ வலைதளத்தில் நடைபெற்ற முன்பதிவிற்கு வாடிக்கையாளர்கள் அமோக வரவேற்பை கொடுத்துள்ளனர்.
“இந்தியா முழுக்க எங்களின் முதல் எலெக்ட்ரிக் வாகனத்திற்கு வாடிக்கையாளர்கள் கொடுத்திருக்கும் வரவேற்பு மகிழ்ச்சியளிக்கிறது. இத்தகைய வரவேற்பு கிடைத்திருப்பது, பயனர்கள் எலெக்ட்ரிக் வாகனங்களுக்கு மாற துவங்கி இருப்பதை வெளிப்படுத்துகிறது. எங்களது திட்டத்தில் இது மிகப்பெரிய மைல்கல் ஆகும். ஓலா எலெக்ட்ரிக் ஸ்கூட்டர் முன்பதிவு செய்து எலெக்ட்ரிக் புரட்சியில் இணைந்துள்ள அனைவருக்கும் நன்றி. இது துவக்கம் தான்!" என ஓலா குழும தலைவர் மற்றும் தலைமை செயல் அதிகாரி பாவிஷ் அகர்வால் தெரிவித்தார்.
பி.எம்.டபிள்யூ. நிறுவனத்தின் மேக்சி ஸ்கூட்டர் மாடல் இந்திய வெளியீடு உறுதி செய்யப்பட்டது.
பி.எம்.டபிள்யூ மோட்டராட் நிறுவனம் இந்தியாவில் புதிய மேக்சி ஸ்கூட்டரை அறிமுகம் செய்ய இருக்கிறது. புது ஸ்கூட்டருக்கான டீசரை பி.எம்.டபிள்யூ. வெளியிட்டு இருக்கிறது. எனினும், ஸ்கூட்டரின் பெயர் இதுவரை உறுதிப்படுத்தவில்லை.
சமீபத்தில் பி.எம்.டபிள்யூ. நிறுவனம் C 400 X மற்றும் C 400 GT என இரு மேக்சி ஸ்கூட்டர்களை சர்வதேச சந்தையில் அறிமுகம் செய்தது. அந்த வகையில் இந்த இருமாடல்களில் ஒன்றை பி.எம்.டபிள்யூ. இந்தியாவில் அறிமுகம் செய்யலாம் என எதிர்பார்க்கப்படுகிறது. இரு மாடல்களும் 350சிசி என்ஜின் கொண்டிருக்கின்றன.
தற்போதைய தகவல்களின் படி பி.எம்.டபிள்யூ. மோட்டராட் நிறுவனம் C 400 GT மாடலை இந்தியாவில் அறிமுகம் செய்யலாம் என தெரிகிறது. இந்த மாடலை பி.எம்.டபிள்யூ. கடந்த ஆண்டு அப்டேட் செய்து சில புது அம்சங்களை வழங்கி இருந்தது. மேலும் இது யூரோ 5 / பிஎஎஸ் 6 புகை விதிகளுக்கு பொருந்தும் வகையில் மாற்றம் செய்யப்பட்டது.
இந்த ஸ்கூட்டரில் 350சிசி, ஒற்றை சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 33.5 பி.ஹெச்.பி. பவர், 35 நியூட்டன் மீட்டர் டார்க் செயல்திறன் வழங்குகிறது. இந்த ஸ்கூட்டர் மணிக்கு 139 கிலோமீட்டர் வேகத்தில் செல்லும் திறன் கொண்டிருக்கிறது.
இந்திய சந்தையில் 2021 பி.எம்.டபிள்யூ. C 400 GT விலை ரூ. 6 லட்சத்திற்கும் அதிகமாகவே நிர்ணயம் செய்யப்படும் என எதிர்பார்க்கப்படுகிறது. வெளியீட்டின் போது இந்த மாடலுக்கு போட்டியாக இந்திய சந்தையில் வேறு எந்த ஸ்கூட்டரும் விற்பனை செய்யப்படாது.
ஓலா எலெக்ட்ரிக் நிறுவனம் தனது முதல் ஸ்கூட்டர் மாடலுக்கான முன்பதிவை துவங்கி இருக்கிறது.
ஓலா எலெக்ட்ரிக் ஸ்கூட்டர் மாடலுக்கான முன்பதிவு இந்தியாவில் துவங்கி நடைபெற்று வருகிறது. புது ஸ்கூட்டருக்கான முன்பதிவு கட்டணம் ரூ. 499 ஆகும். இந்த தொகையை வாடிக்கையாளர்கள் விரும்பும் பட்சத்தில் முழுமையாக திரும்பப் பெற முடியும். புதிய ஓலா எலெக்ட்ரிக் ஸ்கூட்டர் சீரிஸ் எஸ் எனும் பெயரில் அழைக்கப்படலாம்.
புது எலெக்ட்ரிக் ஸ்கூட்டரில் டூயல் ப்ரோஜெக்டர் ஹெட்லேம்ப், எல்.இ.டி. டி.ஆர்.எல்., எல்.இ.டி. டெயில் லைட், ஒற்றை இருக்கை அமைப்பு, வெளிப்புறம் சார்ஜிங் போர்ட், டிஜிட்டல் இன்ஸ்ட்ரூமென்ட் கிளஸ்டர் உள்ளிட்டவை வழங்கப்படுகிறது.
புதிய எலெக்ட்ரிக் ஸ்கூட்டர் அதிகபட்சம் இரண்டு ஹெல்மெட்களை வைத்துக் கொள்ளும் அளவில் பூட் ஸ்பேஸ் கொண்டிருக்கிறது. இத்துடன் செயலி சார்ந்து இயங்கும் கீலெஸ் வசதி வழங்கப்படும் என்றும் இதில் ப்ளூடூத் கனெக்டிவிட்டி வழங்கப்படும் என்றும் கூறப்படுகிறது.
ஓலா எலெக்ட்ரிக் ஸ்கூட்டர் பேட்டரி, மோட்டார் மற்றும் ஒருமுறை சார்ஜ் செய்தால் எவ்வளவு தூரம் செல்ல முடியும் என்ற விவரங்கள் அறிவிக்கப்படாமல் உள்ளது. இதன் விலை இந்திய சந்தையில் ஏற்கனவே விற்பனை செய்யப்படும் மாடல்களுக்கு கடும் போட்டியை ஏற்படுத்தும் வகையில் இருக்கும் என எதிர்பார்க்கப்படுகிறது.
ஓலா எலெக்ட்ரிக் நிறுவனத்தின் முதல் ஸ்கூட்டர் இப்படித் தான் அழைக்கப்படும் என தகவல் வெளியாகி உள்ளது.
ஓலா எலெக்ட்ரிக் நிறுவனம் இந்திய சந்தையில் தனது முதல் எலெக்ட்ரிக் ஸ்கூட்டரை அறிமுகம் செய்யும் பணிகளில் தீவிரமாக ஈடுபட்டு வருகிறது. இந்நிறுவனத்தின் முதல் எலெக்ட்ரிக் ஸ்கூட்டர் சீரிஸ் எஸ் என அழைக்கப்பட இருப்பதாக கூறப்படுகிறது.
முன்னதாக வெளியான தகவல்களில் புதிய எலெக்ட்ரிக் ஸ்கூட்டர் அதிகபட்சம் இரண்டு ஹெல்மெட்களை வைத்துக் கொள்ளும் அளவில் பூட் ஸ்பேஸ் கொண்டிருக்கும் என கூறப்பட்டது. இத்துடன் செயலி சார்ந்து இயங்கும் கீலெஸ் வசதி வழங்கப்படும் என்றும் இதில் ப்ளூடூத் கனெக்டிவிட்டி வழங்கப்படும் என்றும் கூறப்பட்டது.
ஓலா எலெக்ட்ரிக் ஸ்கூட்டர் பேட்டரி, மோட்டார் மற்றும் ஒருமுறை சார்ஜ் செய்தால் எவ்வளவு தூரம் செல்ல முடியும் என்ற விவரங்கள் அறிவிக்கப்படாமல் உள்ளது. இதன் விலை இந்திய சந்தையில் ஏற்கனவே விற்பனை செய்யப்படும் மாடல்களுக்கு கடும் போட்டியை ஏற்படுத்தும் வகையில் இருக்கும் என எதிர்பார்க்கப்படுகிறது.
ஹோண்டா மோட்டார்சைக்கிள் நிறுவனம் இந்தியாவில் தனது பிளாக்ஷிப் கோல்டு விங் டூர் மாடலை வினியோகம் செய்ய துவங்கியது.
ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் 2021 கோல்டு விங் டூர் பிளாக்ஷிப் மாடல் வினியோகத்தை இந்தியாவில் துவங்கி இருக்கிறது. புதிய பிளாக்ஷிப் மாடல் ஹோண்டா பிங்விங் விற்பனையகங்கள் மூலம் வினியோகம் செய்யப்படுகின்றன.
2021 ஹோண்டா கோல்டு விங் டூர் மாடல் முதற்கட்ட யூனிட்கள் இந்தியாவில் விற்பனை துவங்கிய 24 மணி நேரத்தில் விற்றுத்தீர்ந்தது. 2021 கோல்டு விங் டூர் மாடல் வெளிநாட்டில் உற்பத்தி செய்யப்பட்டு இந்தியாவுக்கு இறக்குமதி செய்யப்படுகிறது.
புதிய ஹோண்டா கோல்டு விங் டூர் மாடல் இரண்டு வேரியண்ட்களில் கிடைக்கிறது. இதன் மேனுவல் வேரியண்ட் விலை ரூ. 37,20,342 என்றும் DCT வேரியண்ட் விலை ரூ. 39,16,055 என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
ரெவோல்ட் மோட்டார்ஸ் நிறுவனத்தின் ஆர்வி400 மாடல் முன்பதிவு மீண்டும் நடைபெற இருக்கிறது.
ரெவோல்ட் மோட்டார்ஸ் நிறுவனம் தனது ஆர்வி400 எலெக்ட்ரிக் மோட்டார்சைக்கிள் மாடலுக்கான முன்பதிவு ஜூலை 15 ஆம் தேதி நடைபெறும் என அறிவித்து இருக்கிறது. முன்னதாக ஆர்வி 400 மற்றும் ஆர்வி300 மாடல்களுக்கான முன்பதிவு கடந்த மாதம் துவங்கியது.
எனினும், முன்பதிவு துவங்கிய இரண்டு மணி நேரத்தில் அமோக வரவேற்பு காரணமாக முன்பதிவு நிறுத்தப்பட்டது. தற்போது இந்த எலெக்ட்ரிக் மோட்டார்சைக்கிள் டெல்லி, மும்பை, பூனே, சென்னை, ஐதராபாத் மற்றும் ஆமதாபாத் போன்ற நகரங்களில் விற்பனை செய்யப்பட்டு வருகிறது.
இந்தியாவில் பேம் 2 திட்டத்தில் கடந்த மாதம் மாற்றம் செய்யப்பட்டதால் ஆர்வி400 எலெக்ட்ரிக் மோட்டார்சைக்கிள் விலை ரூ. 28,200 குறைந்தது. தற்போது இந்த எலெக்ட்ரிக் மோட்டார்சைக்கிள் விலை ரூ. 90,799, எக்ஸ்-ஷோரூம் என மாறி இருக்கிறது.
ரெவோல்ட் ஆர்வி400 மாடலில் 3.24kWh லித்தியம் அயன் பேட்டரி மற்றும் 3kW எலெக்ட்ரிக் மோட்டார் வழங்கப்பட்டு இருக்கிறது. இந்த மோட்டார்சைக்கிள் ஒருமுறை சார்ஜ் செய்தால் 156 கிலோமீட்டர் வரை செல்லும் திறன் கொண்டுள்ளது. இந்த மாடல் மணிக்கு அதிகபட்சம் 85 கிலோமீட்டர் வேகத்தில் செல்லும்.
பஜாஜ் ஆட்டோ நிறுவனத்தின் டாமினர் 400 மாடலின் ஸ்பெஷல் எடிஷன் விரைவில் விற்பனைக்கு வர இருக்கிறது.
பஜாஜ் டாமினர் 400 இந்திய சந்தையின் டூரிங் மோட்டார்சைக்கிள் பிரிவில் நல்ல வரவேற்பை பெற்று வருகிறது. இந்த நிலையில், தற்போது வெளியாகி இருக்கும் புகைப்படங்களின்படி டாமினர் 400 மற்றொரு வேரியண்ட் உருவாகி இருப்பது தெரியவந்துள்ளது. டாமினர் 400 புது வேரியண்ட் டூரிங் சார்ந்த பல அம்சங்களை கொண்டிருக்கும் என தெரிகிறது.
பஜாஜ் நிறுவனத்தின் சக்கன் உற்பத்தி ஆலையில் இந்த மாடல் புகைப்படம் எடுக்கப்பட்டு இருக்கிறது. இதில் பெரிய விண்ட்ஸ்கிரீன் மற்றும் நக்கிள் கார்டுகள் உள்ளன. தற்போது இந்த மாடலின் முன்புற புகைப்படம் வெளியாகி இருக்கிறது. இதனால் இந்த மாடலில் மேலும் சில அக்சஸரீக்கள் வழங்கப்படும் என தெரிகிறது.
இந்தியாவில் பண்டிகை காலம் சில மாதங்களில் தொடங்க இருப்பதால், விரைவில் டாமினர் 400 டூரிங் எடிஷன் வெளியாகும் என தெரிகிறது. இந்த மாடலின் விலை தற்போது விற்பனை செய்யப்படும் டாமினர் 400 ஸ்டான்டர்டு எடிஷனை விட அதிகமாகவே இருக்கும் என கூறப்படுகிறது.
ராயல் என்பீல்டு நிறுவன மோட்டார்சைக்கிள் மாடல்கள் விலை இந்தியாவில் உயர்த்தப்பட்டு இருக்கிறது. இவற்றின் புதிய விலை விவரங்களை பார்ப்போம்.
ராயல் என்பீல்டு நிறுவனம் தனது மோட்டார்சைக்கிள் மாடல்கள் விலையை உயர்த்தி இருக்கிறது. ஒவ்வொரு மாடல், வேரியண்ட் மற்றும் நிறத்திற்கு ஏற்ப இம்முறை ரூ. 4,470 துவங்கி அதிகபட்சம் ரூ. 8,405 வரை விலை உயர்த்தப்பட்டு இருக்கிறது.
புதிய விலை விவரம்
புல்லட் 350 KS - பிளாக் சில்வர், ஆனிக்ஸ் பிளாக் ரூ. 1,58,754
புல்லட் 350 KS - பிளாக் ரூ. 1,65,754
புல்லட் 350 ES - ஜெட் பிளாக், ரீகல் ரெட் மற்றும் ராயல் புளூ ரூ. 1,82,190
Meteor 350 பயர்ஃபால் (ரெட், எல்லோ) ரூ. 1,92,109
Meteor 350 ஸ்டெல்லார் (புளூ, ரெட், பிளாக்) ரூ. 1,98,099
Meteor 350 சூப்பர்நோவா (பிரவுன், புளூ) ரூ. 2,08,084
ஹிமாலயன் கிரானைட் பிளாக், ஃபைன் கிரீன் ரூ. 2,13,273
ஹிமாலயன் மிரேஜ் சில்வர், கிராவெல் கிரே ரூ. 2,05,314
ஹிமாலயன் லேக் புளூ, ராக் ரெட் ரூ. 2,09,529
இன்டர்செப்டார் 650 மார்க் 2 க்ரோம் ரூ. 3,03,620
இன்டர்செப்டார் 650 பேக்கர் எக்ஸ்பிரஸ், சன்செட் ஸ்ட்ரிப், டவுன்-டவுன் டிராக் ரூ. 2,89,805
இன்டர்செப்டார் 650 ஆரஞ்சு கிரஷ், வென்ட்யூரா புளூ, கேன்யான் ரெட் ரூ. 2,81,518
கான்டினென்டல் GT650 மிஸ்டர் க்ளீன் ரூ. 3,20,177
கான்டினென்டல் GT650 ப்ரிடிஷ் ரேசிங் கிரீன், ராக்கர் ரெட் ரூ. 2,98,079
கான்டினென்டல் GT650 டக்ஸ் டீலக்ஸ், வென்ட்யூரா ஸ்டாம் ரூ. 3,06,368
அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
பி.எம்.டபிள்யூ. நிறுவனத்தின் பி.எஸ். 6 ரக R 1250 GS மோட்டார்சைக்கிள் இந்திய சந்தையில் அறிமுகம் செய்யப்பட்டது.
பி.எம்.டபிள்யூ. மோட்டராட் நிறுவனம் இந்திய சந்தையில் பி.எஸ்.6 புகை விதிகளுக்கு பொருந்தும் பி.எம்.டபிள்யூ. R 1250 GS மோட்டார்சைக்கிளை அறிமுகம் செய்தது. புதிய பிளாக்ஷிப் அட்வென்ச்சர் டூரர் மாடல் இரண்டு வேரியண்ட்களில் கிடைக்கிறது.
விலை விவரம்:
பி.எம்.டபிள்யூ. R 1250 GS ப்ரோ ரூ. 20,45,000
பி.எம்.டபிள்யூ. R 1250 GS அட்வென்ச்சர் ப்ரோ ரூ. 22,40,000
புதிய பி.எம்.டபிள்யூ. மோட்டார்சைக்கிள் மாடல்கள் சி.பி.யு. (Completely Built-up Units) முறையில் முழுமையாக உருவாக்கப்பட்டு இந்தியா கொண்டுவரப்படுகின்றன. பி.எஸ். 6 ரக R 1250 GS மாடலில் 1254சிசி, ஏர்/லிக்விட் கூல்டு, பிளாட்-ட்வின் மோட்டார் வழங்கப்பட்டு இருக்கிறது. இந்த என்ஜின் 134 பி.ஹெச்.பி. பவர், 143 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.
அம்சங்களை பொருத்தவரை பி.எம்.டபிள்யூ. R 1250 GS மாடலில் அசிமெட்ரிக் ஹெட்லைட், அட்ஜஸ்ட் செய்யக்கூடிய விண்ட்-ஸ்கிரீன், எல்.இ.டி. லைட்டிங், அடாப்டிவ் ஹெட்லைட், ப்ளூடூத் சார்ந்து இயங்கும் TFT கலர் டிஸ்ப்ளே, டிராக்ஷன் கண்ட்ரோல், யு.எஸ்.பி. சார்ஜிங் போன்றவை வழங்கப்பட்டு இருக்கிறது.
பஜாஜ் ஆட்டோ நிறுவனம் இந்தியாவில் அவெஞ்சர் 220 குரூயிஸ் மற்றும் 160 ஸ்டிரீட் மாடல்கள் விலையை உயர்த்தி இருக்கிறது.
பஜாஜ் ஆட்டோ நிறுவனம் இந்திய சந்தையில் தனது வாகனங்கள் விலையை தொடர்ந்து அதிகரித்து வருகிறது. அந்த வரிசையில் தற்போது, அவெஞ்சர் 220 குரூயிஸ் மற்றும் 160 ஸ்டிரீட் மாடல்கள் விலை உயர்த்தப்பட்டு இருக்கிறது.
விலை உயர்வுக்கு பின் இரு மாடல்கள் விலை முறையே ரூ. 1,31,046 மற்றும் ரூ. 1,07,309 என மாறி இருக்கிறது. முன்னதாக இவற்றின் விலை ரூ. 1,26,995 மற்றும் ரூ. 1,03,699 என நிர்ணயம் செய்யப்பட்டு இருந்தது. இதுதவிர ஜனவரி மாதமும் இரு மாடல்கள் விலையை பஜாஜ் ஆட்டோ உயர்த்தியது.
விலை உயர்வு தவிர இரு மாடல்களிலும் வேறு எந்த மாற்றங்களும் மேற்கொள்ளப்படவில்லை. அவெஞ்சர் 220 குரூயிஸ் மாடலில் 220சிசி, சிங்கில் சிலிண்டர், ஆயில்-கூல்டு மோட்டார் வழங்கப்பட்டு இருக்கிறது. இது 18.76 பி.ஹெச்.பி. பவர், 17.55 நியூட்டன் மீட்டர் டார்க் இழுவிசையை வழங்குகிறது.
அவெஞ்சர் 160 ஸ்டிரீட் மாடலில் 160சிசி, ஏர்-கூல்டு மோட்டார் வழங்கப்பட்டு இருக்கிறது. இந்த என்ஜின் 14.79 பி.ஹெச்.பி. பவர், 13.7 நியூட்டன் மீட்டர் டார்க் இழுவிசையை வழங்குகிறது. முன்னதாக பஜாஜ் ஆட்டோ டாமினர் சீரிஸ் விலையை மாற்றி அமைத்தது.
×