பைக்

பெனலி இந்தியா நிறுவனம் தனது இம்பீரியல் 400 மோட்டார்சைக்கிள் விலையை இந்தியாவில் ரூ. 799 வரை உயர்த்தி இருக்கிறது.  விலை உயர்வின் படி பெனலி இம்பீரியல் 400 சில்வர் நிற மாடலின் விலை ரூ. 1,89,799 என்றும் ரெட் மற்றும் பிளாக் நிற மாடல்களின் விலை ரூ. 1,93,976 என்றும் மாறி இருக்கின்றன. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கின்றன.

பிஎஸ்6 புகை விதிகளுக்கு பொருந்தும் பெனலி இம்பீரியல் 400 மோட்டார்சைக்கிள் கடந்த ஆண்டு ரூ. 1.99 லட்சம் விலையில் அறிமுகம் செய்யப்பட்டது. பின் இந்த ஆண்டு பிப்ரவரி மாதத்தில் ரூ. 1.89 லட்சம் எனும் புது விலையில் இந்த மாடல் மீண்டும் விற்பனைக்கு வந்தது.

2021 பெனலி இம்பீரியல் 400 மோட்டார்சைக்கிளில் 374சிசி சிங்கில் சிலிண்டர் ஏர் கூல்டு என்ஜின் வழங்கப்படுகிறது. இந்த என்ஜின் 19 பிஹெச்பி பவர், 29 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.

ஐதராபாத் நகரை சேர்ந்த ஸ்டார்ட் அப் நிறுவனமான கிராவ்டான் மோட்டார்ஸ் இந்திய எலெக்ட்ரிக் வாகன சந்தையில் களமிறங்கி இருக்கிறது. கிராவ்டான் நிறுவனத்தின் முதல் பேட்டரி மோட்டார்சைக்கிள் குவாண்டா என அழைக்கப்படுகிறது.

புதிய குவாண்டா மாடல் அறிமுக விலை ரூ. 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த எலெக்ட்ரிக் மோட்டார்சைக்கிள் வினியோகம் 2021 அக்டோபர் மாத வாக்கில் துவங்குகிறது. குவாண்டா மோட்டார்சைக்கிளை உருவாக்கும் பணிகளை கிராவ்டான் மோட்டார்ஸ் 2016 ஆம் ஆண்டு துவங்கியது.

இந்த மோட்டார்சைக்கிளின் பிரேம், மோட்டார் கேசிங் மற்றும் பேட்டரி போன்றவை முழுக்க முழுக்க உள்நாட்டிலேயே உருவாக்கப்பட்டு இருக்கிறது. நகரம் மற்றும் கிராமம் என இருதரப்பு வாடிக்கையாளர்களை கவரும் வகையில் இந்த மோட்டார்சைக்கிள் உருவாக்கப்பட்டு இருப்பதாக கிராவ்டான் மோட்டார்ஸ் தெரிவித்து இருக்கிறது.

புதிய குவாண்டா எலெக்ட்ரிக் மோட்டார்சைக்கிள் சந்தையில் விற்பனை செய்யப்படும் 100சிசி மோட்டார்சைக்கிள் மாடல்களுக்கு போட்டியாக அமைகிறது. கிராவ்டான் குவாண்டா மோட்டார்சைக்கிள் 3 kWH லித்தியம் அயன் பேட்டரி கொண்டுள்ளது. இந்த மாடல் மணிக்கு அதிகபட்சம் 70 கிலோமீட்டர் வேகத்தில் செல்லும் திறன் கொண்டுள்ளது. 

இந்த எலெக்ட்ரிக் மோட்டார்சைக்கிள் ஒருமுறை சார்ஜ் செய்தால் 150 கிலோமீட்டர் வரை செல்லும். மோட்டார்சைக்கிளை Eco மோடில் இயக்கும் போது 320 கிலோமீட்டர் வரை செல்ல முடியும் என கிராவ்டான் மோட்டார்ஸ் தெரிவித்துள்ளது.

பிரிட்டனை சேர்ந்த வைட் மோட்டார்சைக்கிள் கான்செப்ட்ஸ் நிறுவனம் WMC250EV பெயரில் புது எலெக்ட்ரிக் பைக் ப்ரோடோடைப் மாடலை அறிமுகம் செய்துள்ளது. இந்த எலெக்ட்ரிக் பைக் மணிக்கு சுமார் 400 கிலோமீட்டர் வேகத்தில் செல்லும் திறன் கொண்டுள்ளது. 

வோக்சான் வாட்மேன் மாடலை கொண்டு கடந்த ஆண்டு மோட்டோ ஜிபி வீரர் மேக்ஸ் பியாகி மணிக்கு 367 கிலோமீட்டர் வேகத்தில் சென்றார். இவரது சாதனையை WMC250EV மாடல் முறியடிக்கும் என கூறப்படுகிறது.

ப்ரோடோடைப் மாடல் பிரத்யேக ஏரோடைனமிக் டிசைன் கொண்டுள்ளது. இதன் உருவ அமைப்பு இரண்டாம் தலைமுறை சுசுகி ஹயபுசா மாடலை தழுவி உருவாக்கப்பட்டு இருக்கிறது. இந்த பைக்கின் நடுப்பகுதியில் வி-ஏர் என அழைக்கப்படும் டக்ட் வழங்கப்பட்டு இருக்கிறது. இது மோட்டார்சைக்கிள் கட்டுப்பாட்டை இழக்காமல் இருக்க உதவும்.

இந்த எலெக்ட்ரிக் பைக் பின்புறம் 30kW மோட்டார்களையும், முன்புறம் 20kW மோட்டார்களையும் கொண்டுள்ளது. இவை 134 பிஹெச்பி திறன் வழங்குகிறது. இந்த மோட்டார்சைக்கிள் திறனை அடுத்த ஆண்டு வாக்கில் அதிகரித்து பொலிவியா சால்ட் பிளாட்களில் உலக சாதனை படைக்கும் முயற்ச்சி மேற்கொள்ளப்பட இருப்பதாக தகவல் வெளியாகி உள்ளது.

 

டி.வி.எஸ். நிறுவனம் தேர்வு செய்யப்பட்ட இருசக்கர வாகனங்களுக்கு சிறப்பு சலுகைகளை அறிவித்து இருக்கிறது. இதன்மூலம் வாடிக்கையாளர்கள் ரூ. 5 ஆயிரம் வரை சேமிக்க முடியும். இத்துடன் 100 சதவீத நிதி சலுகை, ரூ. 1555 மாத தவணை வசதி வழங்கப்படுகிறது.

இந்த சலுகை டி.வி.எஸ். ஸ்டார் சிட்டி பிளஸ், ரேடியான் மற்றும் ஸ்போர்ட் மாடல்களுக்கு வழங்கப்பட்டு இருக்கிறது. மூன்று மாடல்களிலும் 109.7சிசி சிங்கில் சிலிண்டர் ஏர் கூல்டு என்ஜின் வழங்கப்பட்டுள்ளது. இந்த என்ஜின் 8.08 பிஹெச்பி பவர், 8.7 நியூட்டன் மீட்டர் டார்க் இழுவிசை வழங்குகிறது.

இந்த மோட்டார்சைக்கிள்களில் 10 லிட்டர் பியூவல் டேன்க் வழங்கப்பட்டுள்ளன. இவற்றுடன் 4 ஸ்பீடு கியர்பாக்ஸ் வழங்கப்படுகின்றன. முன்னதாக டி.வி.எஸ். நிறுவனம் தனது வாகனங்களுக்கான இலவச சர்வீஸ் சேவையை ஜூன் 30 வரை நீட்டித்தது.

பெனலி இந்தியா நிறுவனம் பிஎஸ்6 ரக லியோன்சினோ 500 மோட்டார்சைக்கிள் விலையை உயர்த்தி உள்ளது. விலை உயர்வின் படி பெனலி லியோன்சினோ 500 பிஎஸ்6 மாடல் விலை ரூ. 4,69,900 என மாறி இருக்கிறது. முன்னதாக இந்த மாடல் விலை ரூ. 4,59,000 ஆக இருந்தது. 

இந்திய சந்தையில் பெனலி லியோன்சினோ 500 மாடல் ஸ்டீல் கிரே மற்றும் லியோன்சினோ ரெட் என இரண்டு நிறங்களில் கிடைக்கிறது. இவற்றின் புதிய விலை முறையே ரூ. 4,69,900 மற்றும் ரூ. 4,79,900 என மாறி இருக்கிறது. பிப்ரவரி மாத வாக்கில் இந்த மாடல் இந்தியாவில் அறிமுகம் செய்யப்பட்டது.

இதில் வட்ட வடிவ ஹெட்லைட், டூயல் டோன் முன்புற பென்டர், வட்ட வடிவ பியூவல் டேன்க், ஒற்றை இருக்கை அமைப்பு, எல்இடி லைட்டிங், ட்வின்-பாட் எல்சிடி இன்ஸ்ட்ரூமென்ட் கிளஸ்டர், டூயல் சேனல் ஏபிஎஸ் உள்ளிட்டவை வழங்கப்பட்டு இருக்கிறது. புதிய புகை விதிகளுக்கு பொருந்தும் என்ஜின் என்ற போதும் இதன் செயல்திறன் குறைக்கப்படவில்லை.

பெனலி லியோன்சினோ 500 பிஎஸ்6 மாடலில் உள்ள 500சிசி, பேரலல் ட்வின், லிக்விட் கூல்டு என்ஜின் 46.8 பிஹெச்பி பவர், 46 நியூட்டன் மீட்டர் டார்க் வழங்குகிறது. இத்துடன் 6 ஸ்பீடு டிரான்ஸ்மிஷன் வழங்கப்பட்டு இருக்கிறது. இந்த மோட்டார்சைக்கிளுக்கு மூன்று ஆண்டுகள் அல்லது வரம்பற்ற கிலோமீட்டர்களுக்கு வாரண்டி வழங்கப்படுகிறது.

ஹீரோ மோட்டோகார்ப் நிறுவனம் ஜூலை 1 ஆம் தேதி முதல் தனது மோட்டார்சைக்கிள் மாடல்கள் விலையை உயர்த்துவதாக அறிவித்து இருக்கிறது. இம்முறை மோட்டார்சைக்கிள்கள் விலை ரூ. 3 ஆயிரம் வரை உயர்த்தப்பட இருக்கிறது.

விலை உயர்வு ஒவ்வொரு மாடல் மற்றும் வேரியண்டிற்கு ஏற்ப வேறுபடும். இருசக்கர வாகன உற்பத்திக்கான செலவீனங்கள் அதிகரித்து இருப்பதால் விலை உயர்த்தப்படுவதாக ஹீரோ மோட்டோகார்ப் தெரிவித்து உள்ளது. 

முன்னதாக மாருதி சுசுகி நிறுவனமும் தனது வாகனங்கள் விலையை உயர்த்துவதாக அறிவித்தது. 2022 நிதியாண்டின் இரண்டாவது காலாண்டில் தனது கார்கள் விலையை மாருதி சுசுகி உயர்த்துவதாக அறிவித்து இருக்கிறது.

இந்த ஆண்டு ஏப்ரல் மாத வாக்கில் பல்வேறு ஆட்டோமொபைல் உற்பத்தி செய்யும் நிறுவனங்களும் பயணிகள் வாகனம் மற்றும் இருசக்கர வாகனங்கள் விலையை உயர்த்துவதாக அறிவித்தன. வாகன உற்பத்திக்கான செலவீனங்கள் அதிகரித்ததே விலை உயர்வுக்கு காரணமாக பல்வேறு நிறுவனங்களும் தெரிவித்தன.

ஹீரோ எலெக்ட்ரிக் நிறுவனம் தனது எலெக்ட்ரிக் ஸ்கூட்டர் மாடல்கள் விலையை மத்திய அரசின் திருத்தப்பட்ட பேம் 2 திட்டத்திற்கு ஏற்ப மாற்றியமைத்து இருக்கிறது. அதன்படி ஆப்டிமா HX டூயல் பேட்டரி வேரியண்ட் புது விலை ரூ. 58,980, எக்ஸ்-ஷோரூம் என மாறி இருக்கிறது.

ஹீரோ ஆப்டிமா HX டூயல் பேட்டரி ரூ. 58,980

ஹீரோ ஆப்டிமா HX சிங்கில் பேட்டரி ரூ. 53,600

ஆப்டிமா HX எலெக்ட்ரிக் மாடலுக்கான முன்பதிவை ஹீரோ வலைதளத்தில் மேற்கொள்ளலாம். முன்பதிவு கட்டணம் ரூ. 2999 ஆகும். ஹீரோ ஆப்டிமா HX மாடல் 550W BLDC எலெக்ட்ரிக் மோட்டார், 51.2V/30Ah லித்தியம் பேட்டரி கொண்டிருக்கிறது. 

இதன் சிங்கில் பேட்டரி மாடல் ஒருமுறை சார்ஜ் செய்தால் 82 கிலோமீட்டர், டூயல் பேட்டரி வேரியண்ட் 122 கிலோமீட்டர் வரை செல்லும் திறன் கொண்டிருக்கிறது. இந்த ஸ்கூட்டர் மணிக்கு 42 கிலோமீட்டர் வேகத்தில் செல்லும்.

யமஹா நிறுவனத்தின் FZ-X இந்திய சந்தையில் அறிமுகம் செய்யப்பட்டது. புதிய யமஹா FZ-X விலை ரூ. 1.16 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மோட்டார்சைக்கிள் பல்வேறு புதிய தொழில்நுட்பங்கள் மற்றும் ரெட்ரோ-ரோட்ஸ்டர் டிசைன் கொண்டிருக்கிறது.

புதிய யமஹா FZ-X ப்ளூடூத் வேரியண்ட் விலை ரூ. 1.19 லட்சம், எக்ஸ்-ஷோரூம் ஆகும். இந்த மாடலின் வினியோகம் இம்மாதமே துவங்குகிறது. யமஹா FZ-X மேட் காப்பர், மேட் பிளாக் மற்றும் மெட்டாலிக் புளூ நிறங்களில் கிடைக்கிறது. 

- எல்.இ.டி. ஹெட்லேம்ப் இன்டகிரேட் செய்யப்பட்ட டி.ஆர்.எல்.கள்

- எல்.இ.டி. டெயில் லேம்ப்

- டிஜிட்டல் இன்ஸ்ட்ரூமென்ட் கிளஸ்டர்

- செயலி மூலம் பியூவல் கன்சம்ப்ஷன் செக் வசதி

- செயலி மூலம் மோட்டார்சைக்கிள் எங்கு இருக்கிறது என அறிந்து கொள்ளும் வசதி

- செயலி மூலம் ரைடு ஹிஸ்ட்ரி பார்க்கும் வசதி

- சைடு-ஸ்டான்ட் என்ஜின் கட்-ஆப்

- சிங்கில் சேனல் ஏபிஎஸ்

- பிளாக்-பேட்டன் டையர்கள்

யமஹா FZ-X மோட்டார்சைக்கிள் 149சிசி சிங்கில் சிலிண்டர், ஏர் கூல்டு, பியூவல் இன்ஜெக்ட் செய்யப்பட்ட என்ஜின் மற்றும் 5 ஸ்பீடு கியர்பாக்ஸ் கொண்டிருக்கிறது. இந்த என்ஜின் 12 பிஹெச்பி பவர், 13.6 நியூட்டன் மீட்டர் டார்க் இழுவிசையை வழங்குகிறது.

இந்தியாவில் பேம் 2 திட்டத்தில் மாற்றம் செய்யப்பட்டதால் ஆர்வி400 எலெக்ட்ரிக் மோட்டார்சைக்கிள் விலை ரூ. 28,200 குறைந்துள்ளது. அதன்படி ரெவோல்ட் ஆர்வி400 புதிய விலை ரூ. 90,799 எக்ஸ்-ஷோரூம் என மாறி இருக்கிறது. ஆர்வி300 மாடலுக்கு விலை குறைப்பு அறிவிக்கப்படவில்லை.

விலை குறைப்பு மட்டுமின்றி ரெவோல்ட் ஆர்வி400 முன்பதிவு இன்று (ஜூன் 18) மதியம் 12 மணி முதல் மீண்டும் துவங்கி உள்ளது. இரு மாடல்களுக்கான முன்பதிவு கட்டணம் முறையே ரூ. 7,999 மற்றும் ரூ. 7,199 என நிர்ணயம் செய்யப்பட்டு உள்ளது. முன்னதாக ரெவோல்ட் ஆர்வி400 ரூ. 1.19 லட்சம் எக்ஸ்-ஷோரூம் விலையில் விற்பனை செய்யப்பட்டு வந்தது.

ரெவோல்ட் ஆர்வி400 மாடலில் 3.24kWh லித்தியம் அயன் பேட்டரி மற்றும் 3kW எலெக்ட்ரிக் மோட்டார் வழங்கப்பட்டு இருக்கிறது. இந்த மோட்டார்சைக்கிள் ஒருமுறை சார்ஜ் செய்தால் 156 கிலோமீட்டர் வரை செல்லும் திறன் கொண்டுள்ளது. இந்த மாடல் மணிக்கு அதிகபட்சம் 85 கிலோமீட்டர் வேகத்தில் செல்லும்.

ஒகினவா நிறுவனம் தனது எலெக்ட்ரிக் ஸ்கூட்டர்கள் விலையை குறைத்து இருக்கிறது. இந்தியாவில் பேம் 2 திட்டத்தில் ஏற்படுத்தப்பட்டு இருக்கும் மாற்றங்கள் காரணமாக விலை குறைப்பு அமலாகி இருக்கிறது. 

புது மாற்றங்களின் படி பேம் 2 திட்டத்தில் பலன்பெற வாகனம் குறைந்தபட்சம் மணிக்கு 40 கிலோமீட்டர் வேகத்திலும், அதிகபட்சம் 80 கிலோமீட்டர் வரை செல்லும் திறன் கொண்டிருக்க வேண்டும். மாற்றப்பட்ட புது விலை பட்டியல் ஜூன் 11 ஆம் தேதி அமலுக்கு வந்தது. 

ஒகினவா ஐபிரெய்ஸ் பிளஸ் ரூ. 99,708

ஒகினவா பிரெய்ஸ் ப்ரோ ரூ. 76,848

ஒகினவா ரிட்ஜ் பிளஸ் ரூ. 61,791

ஒகினவா ரிட்ஜ் பிளஸ் மாடல் ஒருமுறை சார்ஜ் செய்தால் 84 கிலோமீட்டர்கள் செல்லும் திறன் கொண்டிருக்கிறது. பிரெய்ஸ் ப்ரோ மாடல் ஒருமுறை சார்ஜ் செய்தால் 88 கிலோமீட்டர்கள் செல்லும். இரு எலெக்ட்ரிக் ஸ்கூட்டர் மாடல்களும் மூன்று ஆண்டுகள் வாரண்டியுடன் வழங்கப்படுகிறது.

டிவிஎஸ் மோட்டார் கம்பெனி நிறுவனம் தனது ஐகியூப் எலெக்ட்ரிக் ஸ்கூட்டர் மாடல் விலையை ரூ. 11,250 குறைத்து இருக்கிறது. புது விலை குறைப்பு மத்திய அரசின் பேம் 2 திட்டத்தில் மேற்கொள்ளப்பட்ட மாற்றத்தை தொடர்ந்து அமலாகி இருக்கிறது.

விலை குறைப்பின் படி டிவிஎஸ் ஐகியூப் புதிய விலை ரூ. 1.01 லட்சம் என மாறி இருக்கிறது. தற்போது டிவிஎஸ் ஐகியூப் மாடல் பெங்களூரு மற்றும் டெல்லி என இரு நகரங்களில் மட்டுமே விற்பனை செய்யப்படுகிறது. இந்த கட்டணத்தில் மூன்று ஆண்டுகள் அல்லது 50 ஆயிரம் கிலோமீட்டர் வாரண்டியும் வழங்கப்படுகிறது.

டிவிஎஸ் ஐகியூப் மாடலில் 4.4kW எலெக்ட்ரிக் மோட்டார், லித்தியம் அயன் பேட்டரி பேக் வழங்கப்பட்டு இருக்கிறது. இந்த ஸ்கூட்டர் ஒருமுறை சார்ஜ் செய்தால் அதிகபட்சம் 75 கிலோமீட்டர் வரை செல்லும். இது அதிகபட்சமாக மணிக்கு 80 கிலோமீட்டர் வேகத்தில் செல்லும் திறன் கொண்டுள்ளது.

டிவிஎஸ் மோட்டார் கம்பெனி நிறுவனம் அபாச்சி ஆர்டிஆர் 200 4வி மோட்டார்சைக்கிளுக்கு சிறப்பு தள்ளுபடி வழங்குகிறது. அதன்படி இந்த மாடலுக்கு அதிகபட்சம் ரூ. 5 ஆயிரம் கேஷ்பேக் வழங்கப்படுகிறது. இந்த சலுகை ஆன்லைன் மூலம் முன்பதிவு செய்வோருக்கு மட்டுமே வழங்கப்படுகிறது.

கேஷ்பேக் மட்டுமின்றி வாடிக்கையாளர்களுக்கு ரூ. 10 ஆயிரம் வரையிலான சேமிப்பை வழங்கும் நிதி சலுகையை டிவிஎஸ் மோட்டார்ஸ் அறிவித்து இருக்கிறது. இந்தியாவில் அபாச்சி ஆர்டிஆர் 200 4வி மோட்டார்சைக்கிள் நான்கு வேரியண்ட்களில் கிடைக்கிறது.

அபாச்சி ஆர்டிஆர் 200 4வி சிங்கில் சேனல் ஏபிஎஸ் - ரூ. 1,23,520

அபாச்சி ஆர்டிஆர் 200 4வி சிங்கில் சேனல் ஏபிஎஸ் மற்றும் மோட்கள் - ரூ. 1,28,000

அபாச்சி ஆர்டிஆர் 200 4வி டூயல் சேனல் ஏபிஎஸ் - ரூ. 1,28,520

அபாச்சி ஆர்டிஆர் 200 4வி டூயல் சேனல் ஏபிஎஸ் மற்றும் மோட்கள் - ரூ. 1,29,520

இந்தியாவில் டிவிஎஸ் அபாச்சி ஆர்டிஆர் 200 4வி மோட்டார்சைக்கிள் கிளாஸ் பிளாக் மற்றும் மேட் புளூ என இரண்டு நிறங்களில் கிடைக்கிறது. இந்த மோட்டார்சைக்கிள் 197.75சிசி ஆயில் கூல்டு FI என்ஜின் வழங்கப்பட்டு இருக்கிறது. இந்த என்ஜின் 20.54 பிஹெச்பி பவர், 17.25 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.