என் மலர்
பைக்
ஓலா நிறுவனத்தின் முதல் எலெக்ட்ரிக் ஸ்கூட்டர் அதிகாரப்பூர்வ வெளியீட்டு தேதி அறிவிக்கப்பட்டு இருக்கிறது.
ஓலா எலெக்ட்ரிக் நிறுவனத்தின் முதல் எலெக்ட்ரிக் ஸ்கூட்டர் இந்திய வெளியீட்டு தேதி அறிவிக்கப்பட்டது. புதிய எலெக்ட்ரிக் ஸ்கூட்டர் ஆகஸ்ட் 15 ஆம் தேதி இந்தியாவில் அறிமுகமாகும் என ஓலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் தெரிவித்தார்.
எலெக்ட்ரிக் ஸ்கூட்டரின் பெரும்பாலான அம்சங்கள் ஏற்கனவே அறிவிக்கப்பட்ட நிலையில், இதன் விலை மற்றும் இதர விவரங்கள் ஆகஸ்ட் 15 ஆம் தேதி வெளியாக இருக்கிறது. புதிய எலெக்ட்ரிக் ஸ்கூட்டருக்கான முன்பதிவு கடந்த மாதமே துவங்கிவிட்டது. இந்திய சந்தையில் ஓலா எலெக்ட்ரிக் ஸ்கூட்டர் முன்பதிவில் அமோக வரவேற்பை பெற்று வருகிறது.
Thanks to all who have reserved our scooter!
— Bhavish Aggarwal (@bhash) August 3, 2021
Planning a launch event for the Ola Scooter on 15th August. Will share full specs and details on product and availability dates. Looking forward to it! 😀
புதிய ஸ்கூட்டர் வெளியீட்டு தேதியை பாவிஷ் அக்ரவால் தனது அதிகாரப்பூர்வ ட்விட்டர் பக்கத்தில் தெரிவித்தார். புதிய எலெக்ட்ரிக் ஸ்கூட்டர் பத்து நிறங்களில் கிடைக்கிறது. இத்துடன் ஓலா எலெக்ட்ரிக் ஸ்கூட்டர் விற்பனை ஆன்லைனில் நடைபெறும் என்றும் ஸ்கூட்டர்கள் நேரடியாக வாடிக்கையாளர் வீட்டிற்கே டெலிவரி செய்யப்படும் என்றும் தகவல் வெளியாகி உள்ளது.
ஓலா நிறுவனத்தின் எலெக்ட்ரிக் ஸ்கூட்டர் விற்பனை பற்றிய புது தகவல் இணையத்தில் வெளியாகி உள்ளது.
ஓலா எலெக்ட்ரிக் ஸ்கூட்டர் விரைவில் இந்திய சந்தையில் வெளியாக இருக்கிறது. எலெக்ட்ரிக் வாகனங்கள் பிரிவில் ஓலா எலெக்ட்ரிக் ஸ்கூட்டர் பெரும் எதிர்பார்ப்பை ஏற்படுத்தி உள்ளது. புதிய ஸ்கூட்டர் அம்சங்களை ஓலா அறிவித்து வருகிறது.
டெஸ்லா போன்றே ஓலா எலெக்ட்ரிக் தனது ஸ்கூட்டர் விற்பனையை நேரடியாக ஆன்லைனில் நடத்தலாம் என தகவல்கள் வெளியாகி வந்தது. இந்த நிலையில், ஓலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் தனது ட்விட்டரில் வாடிக்கையாளர்களிடம் நேரடியாக விற்பனையகம் செல்வீர்களா என கேள்வி எழுப்பி இருக்கிறார்.
இதற்கு பதில் அளித்தவர்களில் பெரும்பாலானோர் ஆன்லைன் விற்பனையே சிறப்பானதாக இருக்கும் என தெரிவித்து இருக்கின்றனர். முன்னதாக ஓலா எலெக்ட்ரிக் ஸ்கூட்டருக்கான முன்பதிவு துவங்கி நடைபெற்று வருகிறது. இந்தியாவில் ஓலா எலெக்ட்ரிக் ஸ்கூட்டருக்கான முன்பதிவு கட்டணம் ரூ. 499 ஆகும்.
முன்பதிவு துவங்கிய 24 மணி நேரத்தில் ஓலா எலெக்ட்ரிக் ஸ்கூட்டரை வாங்க சுமார் 1 லட்சத்திற்கும் அதிகமானோர் முன்பதிவு செய்தனர். தொடர்ந்து இந்த ஸ்கூட்டருக்கான முன்பதிவு நடைபெற்று வருகிறது.
டெஸ்லா போன்றே ஓலா எலெக்ட்ரிக் தனது ஸ்கூட்டர் விற்பனையை நேரடியாக ஆன்லைனில் நடத்தலாம் என தகவல்கள் வெளியாகி வந்தது. இந்த நிலையில், ஓலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் தனது ட்விட்டரில் வாடிக்கையாளர்களிடம் நேரடியாக விற்பனையகம் செல்வீர்களா என கேள்வி எழுப்பி இருக்கிறார்.
இதற்கு பதில் அளித்தவர்களில் பெரும்பாலானோர் ஆன்லைன் விற்பனையே சிறப்பானதாக இருக்கும் என தெரிவித்து இருக்கின்றனர். முன்னதாக ஓலா எலெக்ட்ரிக் ஸ்கூட்டருக்கான முன்பதிவு துவங்கி நடைபெற்று வருகிறது. இந்தியாவில் ஓலா எலெக்ட்ரிக் ஸ்கூட்டருக்கான முன்பதிவு கட்டணம் ரூ. 499 ஆகும்.
முன்பதிவு துவங்கிய 24 மணி நேரத்தில் ஓலா எலெக்ட்ரிக் ஸ்கூட்டரை வாங்க சுமார் 1 லட்சத்திற்கும் அதிகமானோர் முன்பதிவு செய்தனர். தொடர்ந்து இந்த ஸ்கூட்டருக்கான முன்பதிவு நடைபெற்று வருகிறது.
பிகாஸ் நிறுவனம் இந்தியாவிலேயே உற்பத்தி செய்யப்பட்ட எலெக்ட்ரிக் இருசக்கர வாகனங்களை அறிமுகம் செய்ய இருக்கிறது.
பிகாஸ் (BGauss) நிறுவனம் 2021 நான்காவது காலாண்டில் இரண்டு எலெக்ட்ரிக் இருசக்கர வாகனங்களை இந்தியாவில் அறிமுகம் செய்ய இருக்கிறது. இந்த ஸ்கூட்டரின் டிசைன், வடிவமைப்பு, உற்பத்தி அனைத்துமே இந்தியாவில் உள்ள பிகாஸ் குழுவினராலேயே மேற்கொள்ளப்பட்டு இருக்கிறது.
புதிய வாகனங்கள் மூலம் வாடிக்கையாளர்கள் எண்ணிக்கையை அதிகப்படுத்த பிகாஸ் திட்டமிட்டுள்ளது. தனித்துவம் மிக்க புது எலெக்ட்ரிக் இருசக்கர வாகனங்களை உற்பத்தி செய்யும் நோக்கில் சக்கனில் செயல்பட்டு வரும் உற்பத்தி ஆலையை பிகாஸ் மாற்றி அமைத்து இருக்கிறது.
புதிய வாகனங்கள் நீண்ட தூரம் செல்லும் வகையிலும், அசத்தல் தோற்றம், சிறப்பான பாதுகாப்பு மற்றும் செயல்திறன் வழங்கும் வகையிலும் இருக்கும். இந்திய சந்தையின் முதல் மற்றும் இரண்டம் தர நகரங்களில் பிளாக்ஷிப் ஸ்டோர் மூலம் விற்பனை மையங்கள் எண்ணிக்கையை அதிகப்படுத்த பிகாஸ் திட்டமிட்டு உள்ளது.
தற்போது நாடு முழுக்க 13 விற்பனை மையங்களை பிகாஸ் கொண்டிருக்கிறது. இந்த ஆண்டு தீபாவளி சமயத்தில் இதனை 35 ஆகவும் 2022 மார்ச் மாதத்திற்குள் 100 விற்பனை மையங்களை திறக்கவும் பிகாஸ் திட்டமிட்டு இருக்கிறது.
பெனலி நிறுவனம் இந்திய இருசக்கர வாகனங்கள் சந்தையின் மிட்-சைஸ் குரூயிசர் பிரிவில் களமிறங்கி இருக்கிறது.
பெனலி நிறுவனத்தின் 502C மோட்டார்சைக்கிள் இந்திய சந்தையில் அறிமுகம் செய்யப்பட்டது. புதிய மாடல் மூலம் பெனலி நிறுவனம் இந்தியாவின் மிட்-சைஸ் குரூயிசர் பிரிவில் களமிறங்கி இருக்கிறது. பெனலி 502C விலை ரூ. 4.98 லட்சம், எக்ஸ்-ஷோரூம் ஆகும். இது கவாசகி நிறுவனத்தின் வல்கன் எஸ் மாடலை விட ரூ. 1 லட்சம் விலை குறைவு ஆகும்.
புதிய பெனலி 502C மாடலுக்கான முன்பதிவு ஏற்கனவே துவங்கி நடைபெற்று வருகிறது. இந்தியாவில் இதற்கான முன்பதிவு கட்டணம் ரூ. 10 ஆயிரம் ஆகும். பெனலி 502C மாடல் மேட் பிளாக் மற்றும் காக்னக் ரெட் என இரண்டு நிறங்களில் கிடைக்கிறது. பெனலி 502C வடிவமைப்பு டுகாட்டி டையவெல் 1260 மாடலை தழுவி உருவாகி இருக்கிறது.
இந்த மாடலில் ஹெட்லேம்ப் வழக்கத்தை விட கீழே பொருத்தப்பட்டு உள்ளது. இதன் பியூவல் டேன்க் டியர்-டிராப் வடிவம் கொண்டிருக்கிறது. இதில் உள்ள எக்சாஸ்ட் டூயல் ஷாட்கன் துப்பாக்கி போன்ற தோற்றம் கொண்டிருக்கிறது. இத்துடன் எல்.இ.டி. லைட்டிங், டிஜிட்டல் கன்சோல் மற்றும் டூயல் சேனல் ஏ.பி.எஸ். வழங்கப்பட்டு இருக்கிறது.
புதிய பெனலி 502C மாடலில் 500சிசி, பேரலெல் ட்வின், லிக்விட் கூல்டு என்ஜின் வழங்கப்பட்டு உள்ளது. இந்த என்ஜினுடன் 6 ஸ்பீடு கியர்பாக்ஸ் வழங்கப்படுகிறது. இந்த என்ஜின் 46.8 பி.ஹெச்.பி. பவர், 46 நியூட்டன் மீட்டர் டார்க் செயல்திறன் வழங்குகிறது.
யமஹா நிறுவனத்தின் R3 பி.எஸ்.6 மாடல் பல்வேறு மாற்றங்களுடன் உருவாகி வருகிறது.
யமஹா நிறுவனம் இந்திய சந்தையில் புது மோட்டார்சைக்கிள் மாடல்களை அறிமுகம் செய்யும் பணிகளில் ஈடுபட்டு வருகிறது. யமஹாவின் பி.எஸ்.4 மாடல்களில் மிகவும் பிரபலமாக இருந்த YZF-R3 இதுவரை பி.எஸ்.6 அப்டேட் செய்யப்படாமல் உள்ளது.
முன்னதாக புதிய யமஹா மோட்டார்சைக்கிள் இந்திய சாலைகளில் சோதனை செய்யப்படும் புகைப்படங்கள் இணையத்தில் வெளியாகி இருந்தது. இந்த மாடல் RZF-R15 V4 என்றும் கூறப்பட்டது. பின், இந்த மாடலை உற்று நோக்கும் போது இது பெரிய மோட்டார்சைக்கிள் என்றும் இது R3 மாடலின் பி.எஸ்.6 வேரியண்டாக இருக்கலாம் என்றும் கூறப்பட்டது.
ஸ்பை படங்களில் இந்த மோட்டார்சைக்கிளின் ஹெட்லேம்ப், சமீபத்தில் அறிமுகம் செய்யப்பட்ட YZF-R7 வேரியண்ட்டில் உள்ளதை போன்றே நடுவில் பொருத்தப்பட்டு இருக்கிறது. மேலும் இந்த மோட்டார்சைக்கிளின் பின்புறம் R3 பி.எஸ்.4 போன்றே காட்சியளிக்கிறது.
புதிய டிசைன் மட்டுமின்றி பி.எஸ்.6 R3 மாடல் டூயல் சேனல் ஏ.பி.எஸ்., 6-ஆக்சிஸ் IMU சென்சார் போன்ற அம்சங்களை கொண்டிருக்கும் என தெரிகிறது. என்ஜினை பொருத்தவரை 2021 R3 மாடலில் 321சிசி, லிக்விட் கூல்டு, பேரலெல் ட்வின் சிலிண்டர் என்ஜின் வழங்கப்படுகிறது.
முந்தைய பி.எஸ்.4 என்ஜினுடன் 6 ஸ்பீடு கியர்பாக்ஸ் வழங்கப்பட்டது. இந்த என்ஜின் 41 பி.ஹெச்.பி. பவர், 29 நியூட்டன் மீட்டர் டார்க் செயல்திறன் வழங்குகிறது. பிரேக்கிங்கிற்கு R3 மாடலின் முன்புறம் 298 எம்.எம். டிஸ்க், பின்புறம் 220 எம்.எம். டிஸ்க், டூயல் சேனல் ஏ.பி.எஸ். வழங்கப்பட்டது.
ஹீரோ கிளாமர் புது மோட்டார்சைக்கிள் நேவிகேஷன் மற்றும் ப்ளூடூத் என பல்வேறு அதிநவீன அம்சங்களுடன் உருவாகி இருக்கிறது.
ஹீரோ மோட்டோகார்ப் நிறுவனத்தின் இருசக்கர வாகனங்கள் தொடர்ச்சியாக அப்டேட் செய்யப்பட்டு வருகின்றன. சமீபத்தில் மேஸ்ட்ரோ எட்ஜ் 125, கிளாமர் XTEC போன்ற மாடல்களை ஹீரோ மோட்டோகார்ப் அறிமுகம் செய்தது. அந்த வரிசையில் தற்போது புதிய ஹீரோ கிளாமர் மாடலை ஹீரோ மோட்டோகார்ப் அறிமுகம் செய்ய இருக்கிறது.
புது மாடலுக்கான டீசரை ஹீரோ தனது அதிகாரப்பூர்வ சமூக வலைதள பக்கங்களில் பதிவிட்டு இருக்கிறது. புது ஹீரோ கிளாமர் தற்போது விற்பனை செய்யப்படும் மாடலுக்கு மாற்றாக வெளியாக இருக்கிறது. புதிய டீசர்களின் படி, புது மாடலில் எல்.இ.டி. ஹெட்லேம்ப், H-வடிவ டி.ஆர்.எல்., Gloss பெயின்டிங், டிஜிட்டல் இன்ஸ்ட்ரூமென்ட் கிளஸ்டர், ப்ளூடூத் கனெக்டிவிட்டி, நேவிகேஷன் வசதி உள்ளிட்டவை வழங்கப்படுகிறது.
இந்த மோட்டார்சைக்கிள் 124.7சிசி சிங்கில் சிலிண்டர், ஏர் கூல்டு என்ஜின் கொண்டிருக்கிறது. இந்த என்ஜின் 10.7 பி.ஹெச்.பி. பவர், 10.6 நியூட்டன் மீட்டர் டார்க் செயல்திறன் வழங்குகிறது. இத்துடன் 5 ஸ்பீடு டிரான்ஸ்மிஷன் வழங்கப்படுகிறது. இதன் முன்புறம் டெலிஸ்கோபிக் போர்க், பின்புறம் 5-ஸ்டெப் அட்ஜஸ்ட் செய்யக்கூடிய ஹைட்ராலிக் டூயல் ஷாக் அப்சார்பர் வழங்கப்படுகிறது.
பஜாஜ் டிரையம்ப் கூட்டணியில் உருவாகி இருக்கும் குரூயிசர் மாடல் திட்டமிட்டப்படி வெளியாகாது என கூறப்படுகிறது.
பஜாஜ் டிரையம்ப் நிறுவனங்கள் கூட்டணியில் 200சிசி-250சிசி திறன் கொண்ட குரூயிசர் மாடல்கள் உருவாகி வருகின்றன. இந்த கூட்டணியில் உருவாகி வரும் முதல் குரூயிசர் மாடல் 2023 ஆம் ஆண்டு அறிமுகமாகும் என தகவல் வெளியாகி உள்ளது. முன்னதாக இந்த மாடல் 2022 ஆம் ஆண்டு வாக்கில் வெளியிட திட்டமிடப்பட்டது.
தற்போதைய கொரோனா பாதிப்பு காரணமாக வெளியீடு தாமதமாகி இருக்கிறது. புதிய மோட்டார்சைக்கிள் ப்ரோடோடைப் வெர்ஷன் ஏற்கனவே உருவாக்கப்பட்டு விட்டது. டெல்டா வைரஸ் காரணமாக இந்தியா மற்றும் பிரிட்டனில் கடும் கட்டுப்பாடுகள் பிறப்பிக்கப்பட்டு இருக்கின்றன. இதனால் டிரையம்ப் பொறியாளர்கள் இந்தியா வரமுடியாத சூழல் ஏற்பட்டுள்ளது.
இதன் காரணமாக மோட்டார்சைக்கிள் வெளியீடு 6 முதல் 9 மாதங்கள் வரை ஒத்திவைக்கப்பட்டுள்ளது. இந்த மோட்டார்சைக்கிள் 2023 ஆண்டு இறுதியிலோ 2024 துவக்கத்திலோ அறிமுகமாகும் என தெரிகிறது. புதிய மாடல் இந்திய சந்தையில் ராயல் என்பீல்டு மாடல்களுக்கு போட்டியாக அமையும் என எதிர்பார்க்கப்படுகிறது.
பஜாஜ் நிறுவனம் 250சிசி பிளாட்பார்மில் புதிய பல்சர் மோட்டார்சைக்கிளை உருவாக்கும் பணிகளில் ஈடுபட்டு வருகிறது. இந்த மோட்டார்சைக்கிளில் ஏர்-கூல்டு என்ஜின், ஆயில்-கூலர் ப்ரோவிஷன் வழங்கப்படுகிறது. அந்த வகையில் புதிய டிரையம்ப் மாடலிலும் இதேபோன்ற என்ஜின் வழங்கப்படும் என தெரிகிறது. புதிய மோட்டார்சைக்கிள் பற்றிய விவரங்கள் விரைவில் வெளியாகும் என எதிர்பார்க்கலாம்.
2022 கே.டி.எம். RC 8C டிராக் மோட்டார்சைக்கிள் விற்பனையில் அமோக வரவேற்பை பெற்று இருக்கிறது.
கே.டி.எம். நிறுவனம் 2022 RC 8C டிராக் மோட்டார்சைக்கிளை சில வாரங்களுக்கு முன் அறிமுகம் செய்தது. புதிய RC 8C மூலம் கே.டி.எம். நிறுவனம் மிடில்-வெயிட் மோட்டார்சைக்கிள் பிரிவில் மீண்டும் களமிறங்கி இருக்கிறது. சந்தையில் பெரும் எதிர்பார்ப்புக்கு மத்தியில் களமிறங்கிய 2022 கே.டி.எம். RC 8C லிமிடெட் எடிஷன் யூனிட்கள் ஏற்கனவே விற்றுத் தீர்ந்துவிட்டன.
மொத்தம் 100 யூனிட்கள் விற்பனைக்கு அறிவிக்கப்பட்ட நிலையில், இவை அனைத்தும் 4 நிமிடங்கள் 32 நொடிகளில் விற்றுத் தீர்ந்ததாக கே.டி.எம். தெரிவித்து இருக்கிறது. முன்பதிவு முழுக்க ஆன்லைனிலேயே நடைபெற்றது. 2022 கே.டி.எம். RC 8C மாடல் 890 டியூக் ஆர் உருவாக்க பயன்படுத்தப்பட்ட பிளாட்பார்ம் கொண்டு உருவாக்கப்பட்டு இருக்கிறது.
2022 கே.டி.எம். RC 8C மாடலில் 889சிசி LC8 பேரலெல் ட்வின் என்ஜின் வழங்கப்பட்டு இருக்கிறது. இந்த என்ஜின் 126 பி.ஹெச்.பி. பவர், 101 நியூட்டன் மீட்டர் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது. இந்த மோட்டார்சைக்கிள் மொத்த எடை 140 கிலோ ஆகும்.
தற்போது 100 பேர் இந்த மோட்டார்சைக்கிளை வாங்க முன்பதிவு செய்துள்ள போதிலும், இவர்களில் 25 பேர் மட்டுமே சிறப்பு பயிற்சிக்கு தேர்ந்தெடுக்கப்பட்டுள்ளனர். 25 பேருக்கும் முன்னாள் மோட்டோ ஜிபி வீரர்களான மிகா கலியோ, டேனி பெட்ரோசா ஆகியோர் பந்தய களத்தில் சிறப்பு பயிற்சி அளிக்க இருக்கின்றனர்.
ஹீரோ மோட்டோகார்ப் நிறுவனத்தின் மேஸ்ட்ரோ எட்ஜ் 125 ஸ்கூட்டர் கனெக்டெட் அம்சங்களை கொண்டிருக்கிறது.
ஹீரோ மோட்டோகார்ப் நிறுவனம் மேஸ்ட்ரோ எட்ஜ் 125 ஸ்கூட்டரை இந்திய சந்தையில் அறிமுகம் செய்தது. புதிய ஹீரோ மேஸ்ட்ரோ எட்ஜ் 125 துவக்க விலை ரூ. 72,250, எக்ஸ்-ஷோரூம் ஆகும். புதிய ஸ்கூட்டர் மூன்று வேரியண்ட்களில் கிடைக்கிறது. ஹீரோ மேஸ்ட்ரோ எட்ஜ் 125 முன்பதிவு ஹீரோ மோட்டோகார்ப் விற்பனை மையங்கள் மற்றும் வலைதளங்களில் துவங்கி நடைபெற்று வருகிறது.
விலை விவரங்கள்
ஹீரோ மேஸ்ட்ரோ எட்ஜ் 125 டிரம் - ரூ. 72,250
ஹீரோ மேஸ்ட்ரோ எட்ஜ் 125 டிஸ்க் - ரூ. 76,500
ஹீரோ மேஸ்ட்ரோ எட்ஜ் 125 கனெக்டெட் - ரூ. 79,750
அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
ஹீரோ மேஸ்ட்ரோ எட்ஜ் 125 மாடலில் 124.6சிசி PGM-Fi என்ஜின் மற்றும் ஹீரோவின் எக்ஸ்-சென்ஸ் தொழில்நுட்பம் கொண்டிருக்கிறது. இந்த என்ஜின் 9 பி.ஹெச்.பி. பவர், 10.4 நியூட்டன் மீட்டர் டார்க் செயல்திறன் வழங்குகிறது. இதன் சஸ்பென்ஷன், பிரேக், வீல் மற்றும் டையர் உள்ளிட்டவை முந்தைய மாடலில் உள்ளதை போன்றே வழங்கப்பட்டு இருக்கிறது.
முன்னதாக ஹீரோ கிளாமர் XTEC மோட்டார்சைக்கிள் இந்திய சந்தையில் அறிமுகம் செய்யப்பட்டது. இந்த மாடலிலும் ஹீரோ மோட்டோகார்ப் நிறுவனத்தின் கனெக்டெட் தொழில்நுட்பம், மேம்பட்ட என்ஜின் உள்ளிட்டவை வழங்கப்பட்டு இருக்கிறது.
டுகாட்டி நிறுவனத்தின் புதிய அட்வென்ச்சர் மோட்டார்சைக்கிள் இந்திய சந்தையில் விற்பனைக்கு அறிமுகமாகி இருக்கிறது.
டுகாட்டி நிறுவனம் இந்திய சந்தையில் மல்டிஸ்டிராடா வி4 அட்வென்ச்சர் மோட்டார்சைக்கிளை அறிமுகம் செய்து இருக்கிறது. புதிய அட்வென்ச்சர் மோட்டார்சைக்கிள் இரண்டு வேரியண்ட்களில் கிடைக்கிறது. விரைவில் இதன் வினியோகம் துவங்க இருக்கிறது.
டுகாட்டி மல்டிஸ்டிராடா வி4 விலை ரூ. 18.99 லட்சம், வி4 எஸ் விலை ரூ. 23.10 லட்சம் மற்றும் வி4 எஸ் அவியேட்டர் கிரே விலை ரூ. 23.30 லட்சம் என நிர்ணயம் செய்யப்பட்டு உள்ளது. அனைத்து மாடல்கள் விலையும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
புதிய மல்டிஸ்டிராடா வி4 எஸ் ஸ்போர்ட் வேரியண்டாகவும் கிடைக்கிறது. எனினும், இந்த மாடல் இந்தியாவுக்கு கொண்டுவரப்படவில்லை. இந்த அட்வென்ச்சர் மோட்டார்சைக்கிள் முழுமையாக உற்பத்தி செய்யப்பட்டு இந்தியா கொண்டுவரப்படுகிறது. மல்டிஸ்டிராடா வி4 டுகாட்டி ரெட் நிறத்திலும், வி4 எஸ் மாடல் டுகாட்டி ரெட் மற்றும் அவியேட்டர் கிரே நிறங்களிலும் கிடைக்கின்றன.
புதிய டுகாட்டி மல்டிஸ்டிராடா வி4 மோட்டார்சைக்கிள் 1158சிசி வி4 கிரான்டூரிஸ்மோ என்ஜின் கொண்டிருக்கிறது. இந்த என்ஜின் 167 பி.ஹெச்.பி. பவர், 125 நியூட்டன் மீட்டர் டார்க் செயல்திறன் வழங்குகிறது. இத்துடன் 6 ஸ்பீடு டுகாட்டி குவிக் ஷிப்ட் மற்றும் ஸ்லிப்-அசிஸ்ட் கிளட்ச் யூனிட் வழங்கப்படுகிறது.
ஹீரோ நிறுவனத்தின் புதிய கிளாமர் XTEC மோட்டார்சைக்கிள் இந்தியாவில் இரண்டு வேரியண்ட்களில் கிடைக்கிறது.
ஹீரோ மோட்டோகார்ப் நிறுவனம் கிளாமர் XTEC மோட்டார்சைக்கிளை இந்திய சந்தையில் அறிமுகம் செய்தது. புதிய கிளாமர் XTEC விலை ரூ. 78,900, எக்ஸ்-ஷோரூம் என நிர்ணயம் செய்யப்பட்டுள்ளது. இந்த மோட்டார்சைக்கிள்- டிரம் பிரேக் மற்றும் டிஸ்க் பிரேக் என இரண்டு வேரியண்ட்களில் கிடைக்கிறது. ஹீரோ கிளாமர் XTEC மாடலுக்கான முன்பதிவு துவங்கி நடைபெற்று வருகிறது.
ஹீரோ கிளாமர் XTEC டிஸ்க் பிரேக் மாடல் விலை ரூ. 83,500, எக்ஸ்-ஷோரூம் ஆகும். இந்த மோட்டார்சைக்கிள் கிளாசி பிளாக் மற்றும் மேட் ஆக்சிஸ் கிரே என இரண்டு நிறங்களில் கிடைக்கிறது. இத்துடன் மேம்பட்ட கிராபிக்ஸ், எல்.இ.டி. ஹெட்லேம்ப் யூனிட், ப்ளூடூத் கனெக்டிவிட்டி, மைக்ரோ யு.எஸ்.பி. சார்ஜர் என பல்வேறு அம்சங்கள் உள்ளன.
புதிய ஹீரோ கிளாமர் XTEC மோட்டார்சைக்கிளில் 125சிசி என்ஜின் வழங்கப்பட்டு இருக்கிறது. இந்த என்ஜின் 10.7 பி.ஹெச்.பி. பவர், 10.6 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது. சஸ்பென்ஷனிற்கு முன்புறம் 30எம்.எம். டெலிஸ்கோபிக் யூனிட், பின்புறம் 5 ஸ்டெப் ட்வின் அட்ஜஸ்ட் ஷாக் அப்சார்பர்கள் உள்ளன.
இந்த மோட்டார்சைக்கிளில் ஹீரோ மோட்டோகார்ப் நிறுவனத்தின் i3S, ஆட்டோ செயில் தொழில்நுட்பம் உள்ளிட்டவை வழங்கப்பட்டு இருக்கின்றன. புதிய கிளாமர் XTEC மாடலின் இருசக்கரங்களிலும் 18 இன்ச் அலாய் மற்றும் 100/80 டியூப்லெஸ் டையர்கள் வழங்கப்பட்டுள்ளன.
பி.எம்.டபிள்யூ. நிறுவனத்தின் C 400 GT ஸ்கூட்டர் முன்பதிவு துவங்கி இருப்பதாக தகவல் வெளியாகி உள்ளது.
பி.எம்.டபிள்யூ. நிறுவனம் C 400 GT ஸ்கூட்டருக்கான முன்பதிவு தேர்வு செய்யப்பட்ட மையயங்களில் துவங்கி இருப்பதாக தகவல் வெளியாகி உள்ளது. இந்தியாவில் சில பி.எம்.டபிள்யூ. விற்பனையாளர்கள் ஸ்கூட்டருக்கான முன்பதிவை அதிகாரப்பூர்வமற்ற முறையில் மேற்கொண்டு வருகின்றனர். இந்த ஸ்கூட்டருக்கான முன்பதிவு கட்டணம் ரூ. 1 லட்சம் ஆகும்.
ஏற்கனவே இந்த மேக்சி ஸ்கூட்டர் சர்வதேச ச்தையில் விற்பனை செய்யப்பட்டு வருகிறது. இந்த ஸ்கூட்டரில் 350சிசி, ஒற்றை சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 33.5 பி.ஹெச்.பி. பவர், 35 நியூட்டன் மீட்டர் டார்க் செயல்திறன் வழங்குகிறது. இந்த ஸ்கூட்டர் மணிக்கு 139 கிலோமீட்டர் வேகத்தில் செல்லும் திறன் கொண்டிருக்கிறது.
இந்திய சந்தையில் 2021 பி.எம்.டபிள்யூ. C 400 GT விலை ரூ. 6 லட்சத்திற்கும் அதிகமாக நிர்ணயம் செய்யப்படும் என எதிர்பார்க்கப்படுகிறது. தற்போது இந்த மாடலுக்கு போட்டியாக இந்திய சந்தையில் வேறு எந்த ஸ்கூட்டரும் விற்பனை செய்யப்படவில்லை.
×