ஆட்டோ டிப்ஸ்

இந்திய சந்தையில் எலெக்ட்ரிக் ஸ்கூட்டர் மாடல்கள் விற்பனை கணிசமாக அதிகரித்து வருகிறது. பல்வேறு ஸ்கூட்டர் மாடல்கள் தற்போது அதிக ரேன்ஜ் மற்றும் ஏராளமான அம்சங்களை கொண்டிருக்கின்றன. எலெக்ட்ரிக் வாகனங்களில் அதிக விலை கொண்ட மிகமுக்கிய பாகமாக அதன் பேட்டரிகள் உள்ளன.

இதன் காரணமாக எலெக்ட்ரிக் வாகனங்களின் பேட்டரி விலை எவ்வளவு இருக்கும் என்ற எதிர்பார்ப்பு இருந்து வருகிறது. இந்த நிலையில், ஒலா S1 ப்ரோ எலெக்ட்ரிக் ஸ்கூட்டரில் உள்ள பேட்டரியை மாற்றுவதற்கான கட்டணம் ரூ. 87 ஆயிரத்து 298 என கூறும் புகைப்படம் வெளியாகி உள்ளது.

ஒலா 4 கிலோவாட் ஹவர் பேட்டரி பேக் விலை ரூ. 87 ஆயிரத்து 298 என நிர்ணயம் செய்யப்பட்டு இருப்பதாக தகவல் வெளியாகி இருக்கிறது. தற்போது ஒலா எலெக்ட்ரிக் நிறுவனம் தனது ஸ்கூட்டர் பேட்டரிக்கு மூன்று ஆண்டுகள் அல்லது அன்லிமிடெட் கிலோமீட்டர் வாரண்டி வழங்கி வருகிறது.

இந்த தகவல்களின் படி ஒலா எலெக்ட்ரிக் ஸ்கூட்டர் பேட்டரியை மாற்ற ஸ்கூட்டரின் ஒட்டுமொத்த விலையில் இருந்து 62 சதவீதம் செலவிட வேண்டும் என தெரிகிறது. தற்போது ஒலா S1 ப்ரோ ஸ்கூட்டர் தள்ளுபடியை சேர்த்து ரூ. 1 லட்சத்து 28 ஆயிரம், எக்ஸ்-ஷோரூம் விலையில் விற்பனை செய்யப்படுகிறது. இதுதவிர சமீபத்தில் ஒலா அறிமுகம் செய்த S1 ஏர் விலை ரூ. 84 ஆயிரத்து 999 ஆகும். 

ஹூண்டாய மோட்டார் இந்தியா லிமிடெட் நிறுவனம் ஆறாம் தலைமுறை வெர்னா மாடல் டிசைன் ரெண்டர்களை வெளியிட்டு உள்ளது. புதிய வெர்னா மாடலின் சர்வதேச வெளியீடு இந்தியாவில் நாளை (மார்ச் 21) நடைபெற இருக்கிறது. புதிய செடான் மாடலுக்கான முன்பதிவு ஏற்கனவே துவங்கி நடைபெற்று வருகிறது. ஹூண்டாய் வெர்னா மாடலுக்கான முன்பதிவு கட்டணம் ரூ. 25 ஆயிரம் ஆகும்.

டிசைன் ஸ்கெட்ச்களை வைத்து பார்க்கும் போது 2023 ஹூண்டாய் வெர்னா மாடல் பெரிய கிரில், ஆங்குலர் வி வடிவ இன்சர்ட்கள், எல்இடி டிஆர்எல்கள், பொனெட் முழுக்க எல்இடி லைட் பார், புதிய பம்ப்பரில் முக்கோண வடிவம் கொண்ட இன்சர்ட்கள் உள்ளன.

இத்துடன் ஸ்ப்லிட் ஹெட்லேம்ப்கள், டூயல் டோன் அலாய் வீல்கள், சி பில்லரில் க்ரோம் இன்சர்ட், பூட்-லிப் ஸ்பாயிலர், இன்வர்டெட் எல் வடிவ எல்இடி டெயில் லைட்கள், டூயல் டோன் ரியர் பம்ப்பர் இடம்பெற்று இருக்கிறது.

புதிய ஹூண்டாய் வெர்னா மாடல் நான்கு வேரியண்ட்கள், ஒன்பது வெவ்வேறு நிறங்களில் கிடைக்கிறது. புதிய வெர்னா மாடல் 1.5 லிட்டர் NA பெட்ரோல், 1.5 லிட்டர் டர்போ பெட்ரோல் மோட்டார் ஆப்ஷன்களில் கிடைக்கும்.

"முற்றிலும் புதிய ஹூண்டாய் வெர்னா மாடலின் டிசைன் ரெண்டர்களை வெளியிடுவதில் இன்று, நாங்கள் மகிழ்ச்சி அடைகிறோம். எதிர்கால மற்றும் முரட்டுத்தனமான செடான் மாடலை அறிமுகம் செய்வதன் மூலம், நாங்கள் வாடிக்கையாளர் அனுபவத்தை மேம்படுத்தி, இந்த பிரிவை வாடிக்கையாளர்கள் விரும்ப செய்ய நினைக்கிறோம்."

"அசத்தலான அளவீடுகள் மற்றும் பாராமெட்ரிக் மொடிஃப்களின் மூலம் முற்றிலும் புதிய ஹூண்டாய் வெர்னா மாடல் எதிர்கால அனுபவங்களுக்கு புதிய அத்தியாயத்தை உருவாக்கும்," என ஹூண்டாய் மோட்டார் இந்தியா நிறுவனத்தின் இயக்குனர் மற்றும் தலைமை செயல் அதிகாரி அன்சூ கிம் தெரிவித்தார். 

இமாச்சல பிரதேச மாநிலத்தில் HP- 99-9999 எனும் நம்பர் பிளேட் வாங்க நபர் ஒருவர் ரூ. 1 கோடியே 12 லட்சத்து 15 ஆயிரத்து 500 செலவிட்டுள்ளார். ஃபேன்சி நம்பருக்கான ஏலம் ரூ. 1000 விலையில் துவங்கியது. HP 99-9999 எண்ணை பயன்படுத்த 26 பேர் போட்டியிட்டனர். ஏலத்தில் கலந்து கொண்டவர்கள் அதிகபட்சம் ரூ. 1 கோடியே 12 லட்சத்து 15 ஆயிரத்து 400 வரை கேட்டனர்.

இத்தனை விலை கொடுத்து யார் இந்த ஃபேன்சி நம்பரை வாங்கினர் என்ற விவரங்கள் மர்மமாகவே உள்ளது. எனினும், HP 99 பதிவு எண் இமாச்சல பிரதேச மாநிலத்தின் சிம்லா மாவட்டத்தை சேர்ந்த கொட்கை பகுதியை சேர்ந்தது ஆகும். ஃபேன்சி நம்பர் HP 99-9999 ஸ்கூட்டரில் பயன்படுத்தப்பட இருக்கிறது.

இமாச்சல பிரதேசம் போன்ற பகுதிகளில் சமீப காலங்களில் கியர்லெஸ் ஸ்கூட்டர்கள் அதிக பிரபலம் அடைந்து வருகின்றன. கொரோனா காலக்கட்டத்தில் பொது போக்குவரத்து தடைப்பட்டதை அடுத்து வாகனங்கள் விற்பனை இந்த பகுதியில் கணிசமாக அதிகரித்துள்ளது. இமாச்சல பிரதேச மாநிலத்தில் இருசக்கர வாகனத்தின் பதிவு எண் வாங்க இவ்வளவு தொகை செலவிடப்பட்டு இருப்பது இதுவே முதல் முறை ஆகும்.

HP 99-9999 மட்டுமின்றி HP 99-0009 மற்றும் HP 99-0005 போன்ற ஃபேன்சி நம்பர்கள் முறையே ரூ. 21 லட்சத்திற்கு ஏலத்தில் விற்பனை செய்யப்பட்டன. ரூ. 1 கோடி மதிப்பிலான HP 99-9999 ஃபேன்சி நம்பர் சேர்த்து மூன்று எண்களை ஏலத்தில் எடுத்த மூவர் பற்றி இதுவரை எந்த தகவலும் இல்லை. 

மினி கூப்பர் SE எலெக்ட்ரிக் ஹேச்பேக் மாடலை தொடர்ந்து கூப்பர் SE கன்வெர்டிபில் மாடல் அறிமுகமாகி இருக்கிறது. ஐரோப்பாவில் அறிமுகமாகி இருக்கும் புதிய கூப்பர் மாடல் லிமிடெட் எடிஷன் மாடல் ஆகும். இந்த கார் மொத்தத்தில் 999 யூனிட்கள் மட்டுமே உற்பத்தி செய்யப்பட இருக்கிறது.

ஸ்டைலிங்கை பொருத்தவரை கூப்பர் SE கன்வெர்டிபில் மாடல் அதன் 3-டோர் ஹேச்பேக் மாடலை விட வித்தியாசமாக உள்ளது. புதிய லிமிடெட் எடிஷன் மாடலின் ஃபோல்டிங் ஃபேப்ரிக் ரூஃப் தனித்துவமாக காட்சியளிக்கிறது. இவை தவிர கூப்பர் SE அதன் எலெக்ட்ரிக் மாடல் டிசைனிங் கொண்டிருக்கிறது. இந்த காரின் பின்புறம் E பேட்ஜ் உள்ளது. இத்துடன் பிரத்யேக வீல் டிசைன் வழங்கப்பட்டு இருக்கிறது.

இந்த கன்வெர்டிபில் மாடலின் ஃபெண்டரிலும் பேட்ஜிங் உள்ளது. கார் கதவின் சில் கார்டுகளிலும் நம்பர் இடம்பெற்று இருக்கிறது. கன்வெர்டிபில் மாடலின் டோர் ஹேண்டில், ஹெட்லேம்ப், டெயில் லேம்ப் உள்ளிட்டவைகளில் பிரான்ஸ் டிடெயிலிங் செய்யப்பட்டுள்ளது. மினி லோகோ மற்றும் லெட்டரிங் பிளாக் ஃபினிஷ் செய்யப்பட்டு இருக்கிறது.

கேபின் டிசைனிலும் எவ்வித மாற்றமும் மேற்கொள்ளப்படவில்லை. இந்த காரின் லெதர் இருக்கை மேற்கவர்கள் மற்றும் முன்புறம் ஹீடெட் சீட்கள் ஸ்டாண்டர்டு அம்சங்களாக வழங்கப்படுகின்றன. இத்துடன் ஆம்பியண்ட் லைட்டிங், ஆக்டிவ் குரூயிஸ் கண்ட்ரோல் மற்றும் பல்வேறு அம்சங்கள் வழங்கப்பட்டுள்ளன.

பவர்டிரெயினை பொருத்தவரை கூப்பர் SE கன்வெர்டிபில் மாடலில் 180 ஹெச்பி பவர் வெளிப்படுத்தும் எலெக்ட்ரிக் மோட்டார் வழங்கப்பட்டு இருக்கிறது. இந்த கார் முழு சார்ஜ் செய்தால் 201 கிலோமீட்டர் வரை செல்லும். மேலும் மணிக்கு 0 முதல் 100 கிலோமீட்டர் வேகத்தை 8.2 நொடிகளில் எட்டிவிடும். இந்தியாவுக்கு லிமிடெட் எடிஷன் மாடலில் சில யூனிட்கள் ஒதுக்கீடு செய்யப்படுமா என்பது குறித்து இதுவரை எந்த தகவலும் இல்லை. 

எலெக்ட்ரிக் கார் மாடல்களை வாங்க பல்வேறு காரணிகள் உள்ளன. இவற்றில், மத்திய மற்றும் மாநில அரசுகள் சாக்பில் வழங்கப்படும் மாணியங்களாலும் எலெக்ட்ரிக் வாகன விற்பனை இந்தியாவில் படிப்படியாக அதிகரித்து வருகிறது. மத்திய அரசு எலெக்ட்ரிக் வாகனங்களுக்கான மாணியம் FAME II திட்டத்தின் கீழ் வழங்ப்படுகிறது.

இதே போன்று ஒவ்வொரு மாநிலத்திலும் எலெக்ட்ரிக் வாகனங்களுக்கு சலுகை மற்றும் மாணியம் வழங்கப்பட்டு வருகின்றன. சில மாநிலங்களில் எலெக்ட்ரிக் வாகனங்களுக்கான பதிவு கட்டணம் மற்றும் சாலை வரிக்கு எவ்வித கட்டணமும் வசூலிக்கப்படுவதில்லை. மாணியங்கள் அமலில் இருந்த சமயத்தில் டாடா நெக்சான் EV மாடலின் விலை ரூ. 2 முதல் ரூ. 3 லட்சம் வரை குறைந்தது.

தற்போது நெக்சான் EV மாடலுக்கான மாணியங்கள் நிறுத்தப்பட்டு விட்டது. இதன் காரணமாக நெக்சான் EV விற்பனை குறைய துவங்கி இருக்கிறது. அதன்படி நெக்சான் EV விற்பனையை மீண்டும் அதிகப்படுத்த டாடா மோட்டார்ஸ் சிறப்பு சலுகை மற்றும் கவர்ச்சிகர பலன்களை அறிவித்து இருக்கிறது. நெக்சான் EV பிரைம் மாடலுக்கு ரூ. 90 ஆயிரம் வரயிலான பலன்கள் வழங்கப்படுகிறது.

புதிய நெக்சான் EV பிரைம் வாங்குவோருக்கு ரூ. 90 ஆயிரம் வரயைிலான பலன்கள் வழங்கப்படுகின்றன. புதிய அறிவிப்புகளின் படி டாடா நெக்சான் EV மேக்ஸ் மாடலை வாங்குவோர் ரூ. 80 ஆயிரம் வரையிலான சலுகைகள் பெறலாம். தற்போதைய சலுகைகள் தவிர டாடா மோட்டார்ஸ் தனது எலெக்ட்ரிக் கார் விலையை சமீபத்தில் தான் குறைத்து இருந்தது.

அதன்படி ஜனவரி 2023 மாதத்தில் டாடா நெக்சான் EV பிரைம் விலை ரூ. 50 ஆயிரம் வரை குறைக்கப்பட்டது. நெக்சான் EV மேக்ஸ் விலை ரூ. 85 ஆயிரம் வரை குறைக்கப்பட்டது. முந்தைய விலை குறைப்பு, தற்போதைய சலுகைகள் சேர்த்தால் டாடா நெக்சான் EV பிரைம் விலை ரூ. 1 லட்சத்து 40 ஆயிரமும், நெக்சான் EV மேக்ஸ் மாடலுக்கு ரூ. 1 லட்சத்து 65 ஆயிரம் வரையிலான சலுகைகள் கிடைக்கின்றன.

மஹிந்திரா நிறுவனம் இந்திய சந்தையில் தனது பொலிரோ நியோ எஸ்யுவி மாடலை 2021 வாக்கில் அறிமுகம் செய்தது. இந்த கார் மஹிந்திரா ஏற்கனவே விற்பனை செய்து வந்த TUV300 காரின் ரிபேட்ஜ் செய்யப்பட்ட வெர்ஷன் ஆகும். இந்த நிலையில், மஹிந்திரா பொலிரோ பிளஸ் 9 சீட்டர் எஸ்யுவி மாடல் சாலைகளில் சோதனை செய்யப்படும் போது எடுக்கப்பட்ட ஸ்பை படங்கள் இணையத்தில் வெளியாகி உள்ளது.

ஸ்பை படங்கள் பொலிரோ நியோ பிளஸ் மாடல் கடுமையான போக்குவரத்து நெரிசலில் செல்லும் போது எடுக்கப்பட்டு இருக்கிறது. காரின் டெயில்கேட்டில் பொலிரோ பெயர் மறைக்கப்பட்டு இருக்கிறது. ஸ்பை காரில் மஹிந்திரா லோகோவும் மறைக்கப்பட்டே இருக்கிறது. அதன்படி இந்த காரிலும் மஹிந்திராவின் புதிய டுவின் பீக் லோகோ வழங்கப்படும் என தெரிகிறது.

தற்போதைய தகவல்களின் படி பொலிரோய நியோ பிளஸ் மாடல் மூன்று வித வேரியண்ட்கள், 7-சீட்டர் மற்றும் 9-சீட்டர் என இருவித இருக்கை அமைப்புகளில் கிடைக்கும் என கூறப்படுகிறது. இதன் 9 சீட்டர் வேரியண்ட் மூன்று அடுக்கு இருக்கைகள் - முதல் அடுக்கில் இரண்டு, இரண்டாவது அடுக்கில் மூன்று இருக்கைகள், பின்புறம் நான்கு இருக்கைகள் இருக்கும் என தெரிகிறது. 7 சீட்டர் வேரியண்டில் அனைத்து இருக்கைகளும் முன்புறம் பார்த்தப்படி இருக்கும்.

என்ஜினை பொருத்தவரை தற்போது விற்பனை செய்யப்படும் பொலிரோ நியோ மாடல் 1.5 லிட்டர் எம்ஹாக் டீசல் என்ஜின் கொண்டிருக்கிறது. இந்த என்ஜின் 100 ஹெச்பி பவர், 260 நியூட்டன் மீட்டர் டார்க் இழுவிசையை வெளிப்படுத்துகிறது. அந்த வகையில் நியோ பிளஸ் மாடலில் இதைவிட சற்றே பெரிய என்ஜின் வழங்கப்படும் என எதிர்பார்க்கலாம். இந்த என்ஜின் புதிய RDE விதிகளுக்கு பொருந்தும் வகையில் இருக்கும்.

Photo Courtesy: Rushlane

ரெனால்ட்-நிசான் கூட்டணியின் கீழ் இந்திய சந்தையில் ஆறு புதிய மாடல்களை அறிமுகம் செய்ய இருப்பதாக அறிவித்து இருக்கிறது. புதிய கார்களில் நான்கு சி பிரிவு எஸ்யுவி-க்கள் மற்றும் இரண்டு ஏ பிரிவு எலெக்ட்ரிக் வாகனங்கள் இடம்பெற இருக்கின்றன. இவற்றில் எலெக்ட்ரிக் வாகனங்கள் முதலில் அறிமுகம் செய்யப்பட இருக்கின்றன. இதில் இரு நிறுவனங்களுக்கும் மூன்று மாடல்கள் உள்ளன.

புதிய கார்கள் குளோபல் காமல் மாட்யுல் (CMF) பிளாட்ஃபார்மில் உருவாக்கப்படுகின்றன. அனைத்து கார்களும் அதிகளவு உள்நாட்டு உபகரணங்களை கொண்டிருக்கும். மேலும் சென்னையில் உள்ள கூட்டணி ஆலையில் உற்பத்தி செய்யப்பட இருக்கிறது. இந்த குழுமம் சார்பில் புதிய திட்டத்திற்காக ரூ. 3 ஆயிரத்து 500 கோடியை முதலீடு செய்ய இருக்கிறது. இதன் மூலம் 2 ஆயிரம் புதிய வேலைவாய்ப்புகளை உருவாக்க முடியும்.

இதுதவிர ரெனால்ட் நிசான் ஆட்டோமோடிவ் இந்தியா பிரைவேட் லிமிடெட் ஆலை மறுசுழற்சி செய்யப்பட்ட எரிசக்தியை கொண்டிருக்கும் என கூறப்படுகிறது. சில நாட்களுக்கு முன் இந்த நிறுவனம் ரெனால்ட்-டிரைபர் சார்ந்த நிசான் எம்பிவி மாடலை இந்தியாவில் அறிமுகமாகும் என தெரிவித்து இருந்தது.

"தமிழ் நாட்டில் ரெனால்ட்-நிசான் கூட்டமைப்பு உற்பத்தி மற்றும் டிசைன் பிரிவு கடந்த 15 ஆண்டுகளுக்கும் மேலாக இயங்கி வருகிறது. தமிழ் நாடு அரசு மற்றும் கூட்டணிக்கு இது மிக முக்கியமான மற்றும் அதிக மதிப்பு கொண்ட உறவு ஆகும். இதன் மூலம் மாநிலத்தில் நேரடியாக 15 ஆயிரம் பேருக்கு வேலைவாய்ப்பு வழங்கப்படுகிறது. இதன் மூலம் இந்தியாவின் ஆட்டோமோடிவ் தலைநகராக தமிழ் நாடு தொடர்ந்து நீடிக்கும்."

"ஆட்டோமொபைல் உற்பத்தி, ஆட்டோ உபகரணங்கள் மற்றும் டிசைன் உள்ளிட்டவைகளுக்கான முக்கிய பகுதியாக தமிழ் நாடு மாறும். தமிழ் நாட்டில் ரெனால்ட்-நிசான் கூட்டணியின் நவீனமயமாக்கல் தொடர்பான புதிய முதலீட்டின் கீழ் துவங்க இருக்கும் திட்டம் எங்களுக்கு மகிழ்ச்சியை ஏறப்டுத்தி இருக்கிறது. இது மேக் இன் தமிழ் நாடு மற்றும் மேக் இன் இந்தியா ஃபார் தி வொர்ல்டு திட்டத்தின் கீழ் வருகிறது." என தமிழ் நாடு அரசின் தொழிற்சாலைகள் பிரிவு கூடுதல் மூத்த ஆணையர் எஸ் கிருஷ்ணன் தெரிவித்து இருக்கிறார்.

ஸ்கோடா ஆட்டோ நிறுவனம் கடந்த ஆண்டு மட்டும் உலகம் முழுக்க சுமார் 7 லட்சத்து 31 ஆயிரத்து 300-க்கும் அதிக வாகனங்களை வினியோகம் செய்து இருப்பதாக அறிவித்துள்ளது. இது 2021 ஆண்டுடன் ஒப்பிடும் போது 16.7 சதவீதம் குறைவு ஆகும். 2021 ஆண்டில் மட்டும் ஸ்கோடா நிறுவனம் 8 லட்சத்து 78 ஆயிரத்து 200 யூனிட்களை வினியோகம் செய்து இருந்தது குறிப்பிடத்தக்கது.

உற்பத்தி மற்றும் வினியோக பிரிவில் ஏற்பட்ட சிக்கல்களே வினியோகம் குறைந்ததற்கு காரணம் என கூறப்படுகிறது. செமிகண்டக்டர் சிப் குறைபாடு, உக்ரைன் போர் விவகாரம், வினியோக சிக்கல்கள் மற்றும் சர்வதேச சந்தையில் ஏற்பட்டு இருக்கும் நிலையற்ற சூழல் போன்ற காலக்கட்டத்திலும் ஸ்கோடா நிறுவனம் இந்தியாவில் 127.7 சதவீத வருடாந்திர வளர்ச்சியை பதிவு செய்துள்ளது.

கடந்த ஆண்டில் மட்டும் இந்தியாவில் ஸ்கோடா நிறுவனம் 51 ஆயிரத்து 900 யூனிட்களை வினியோகம் செய்து இருந்தது. 2021 ஆம் ஆண்டு இந்தியாவில் ஸ்கோடா நிறுவனம் 22 ஆயிரத்து 800 யூனிட்களை மட்டுமே வினியோகம் செய்து இருந்தது. சர்வதேச சந்தையில் ஸ்கோடா நிறுவனத்தின் அதிகம் விற்பனையான கார் மாடலாக ஸ்கோடா ஆக்டேவியா உள்ளது.

உலகம் முழுக்க 1 லட்சத்து 41 ஆயிரம் ஆக்டேவியா யூனிட்களை ஸ்கோடா கடந்த ஆண்டு வினியோகம் செய்து இருக்கிறது. இதைத் தொடர்ந்து ஸ்தோடா கமிக் மற்றும் கோடியக் மாடல்கள் அதிக விற்பனையை பதிவு செய்துள்ளன. சர்வதேச சந்தையில் ஆதிகத்தை அதிகப்படுத்தும் முயற்சியாக ஸ்கோடா நிறுவனம் விரைவில் வியட்நாம் சந்தையில் களமிறங்க இருக்கிறது.

நிசான் இந்தியா நிறுவனம் தனது மேக்னைட் மற்றும் கிக்ஸ் எஸ்யுவி மாடல்களுக்கு அசத்தல் சலுகை மற்றும் தள்ளுபடி அறிவித்து இருக்கிறது. பிப்ரவரி மாத சலுகையின் படி அதிகபட்சம் ரூ. 82 ஆயிரம் வரையிலான பலன்கள் அறிவிக்கப்பட்டு இருக்கின்றன. இரு எஸ்யுவி மாடல்களுக்கான சலுகைகள் தள்ளுபடி, எக்சேன்ஜ் பலன்கள், லாயல்டி போனஸ் வடிவில் வழங்கப்படுகின்றன.

நிசான் மேக்னைட் 2022 மாடலுக்கு அதிகபட்சம் ரூ. 82 ஆயிரம் வரையிலான பலன்கள் வழங்கப்படுகிறது. இதில் ரூ. 20 ஆயிரம் எக்சேன்ஜ் போனஸ், ரூ. 12 ஆயிரம் ரொக்கம் அல்லது அக்சஸரீக்களுக்கு தள்ளுபடி, ரூ. 15 ஆயிரம் வரை கார்ப்பரேட் தள்ளுபடி, ரூ. 10 ஆயிரம் லாயல்டி போனஸ் உள்ளிட்டவை வழங்கப்படுகிறது. இத்துடன் ஆன்லைன் முன்பதிவு போனஸ் ரூ. 2 ஆயிரம் வழங்கப்படுகிறது.

2023 நிசான் மேக்னைட் மாடலை வாங்குவோருக்கு அதிகபட்சமாக ரூ. 72 ஆயிரம் வரையிலான பலன்கள் வழங்கப்படுகின்றன. கிக்ஸ் எஸ்யுவி மாடலுக்கு அதிகபட்சமாக ரூ. 62 ஆயிரம் வரையிலான பலன்கள் அறிவிக்கப்பட்டுள்ளன. இதில் ரூ. 30 ஆயிரம் எக்சேன்ஜ் போனஸ், ரூ. 19 ஆயிரம் தள்ளுபடி, ரூ. 10 ஆயிரம் கார்ப்பரேட் தள்ளுபடி வழங்கப்படுகிறது.

இத்துடன் ஆன்லைன் முன்பதிவுகளுக்கு ரூ. 2 ஆயிரம் தள்ளுபடி வழங்கப்படுகிறது. இங்கு குறிப்பிடப்பட்டு இருக்கும் சலுகைகள் ஒவ்வொரு பகுதி, மாடல், உற்பத்தி மாடல், டீலர்ஷிப் உள்ளிட்டவைகளுக்கு ஏற்ப வேறுபடும். 

பூனேவை சேர்ந்த வேவ் மொபிலிட்டி நிறுவனம் இந்தியாவின் முதல் சூரியசக்தி எலெக்ட்ரிக் காரை உற்பத்தி செய்ய இருப்பதாக அறிவித்து இருக்கிறது. வேவ் நிறுவனத்தின் சூரியசக்தி எலெக்ட்ரிக் கார் இவா எனும் பெயரில் விற்பனைக்கு வர இருக்கிறது. இந்த காரின் வினியோகம் அடுத்த ஆண்டு துவங்குகிறது. வேவ் இவா சூரியசக்தி எலெக்ட்ரிக் கார் மாடலில் பெரியவர்கள் இருவரும், சிறுவர் ஒருவரும் பயணம் செய்ய முடியும்.

வேவ் இவா மாடல் ரூஃப் மீது சோலார் பேனல்களை கொண்ட இந்தியாவின் முதல் எலெக்ட்ரிக் கார் ஆகும். இதில் உள்ள 150 வாட் பேனல்கள் ஒவ்வொரு நாளும் 10 முதல் 12 கிலோமீட்டர் ரேன்ஜ் வழங்கும் திறன் கொண்டுள்ளது. இது ஆண்டுக்கு 3 ஆயிரம் கிலோமீட்டர்கள் ஆகும். இந்த எலெக்ட்ரிக் காரில் 14 கிலோவாட் ஹவர் பேட்டரி பேக் வழங்கப்பட்டு இருக்கிறது. இது முழு சார்ஜ் செய்தால் 250 கிலோமீட்டர் ரை செல்லும்.

இதில் உள்ள பேட்டரியை வீடுகளில் உள்ள சாக்கெட் சார்ஜர் மூலம் நான்கு மணி நேரத்தில் முழுமையாக சார்ஜ் செய்து விட முடியும். இந்த காரின் டிசைன் வழிமுறைகள் நீண்ட காலமாக மேற்கொள்ளப்பட்டு இருக்கிறது. இதன் மூலம் காரின் எடை 550 கிலோவாக உள்ளது. மேலும் இதில் உள்ள சோலார் பேனல்கள் காரை இயக்குவதற்கான சக்தியை வழங்குகிறது.

இந்தியாவில் ஒவ்வொரு நாளும் வாடிக்கையாளர்கள் சராசரியாக 30 கிலோமீட்டர் வரை பயணம் செய்கின்றனர். அந்த வகையில், வேவ் இவோ மாடல் 30 சதவீத டிரைவிங் ரேன்ஜ்-ஐ சூரியசக்தி மூலமாகவே வழங்கிவிடும். வேவ் விவா மாடல் மைக்ரோ கார் ஆகும். இது தோற்றத்தில் வழக்கமான கார்களை விட வித்தியாசமாக இருக்கிறது.

வேவ் இவா மாடலில் உள்ள 6 கிலோவாட் எலெக்ட்ரிக் மோட்டார் அதிகபட்சம் 12 கிலோவாட் அல்லது 16 ஹெச்பி பவர், 40 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 14 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த கார் மணிக்கு 40 கிலோமீட்டர் வேகத்தை 5 நொடிகளில் எட்டிவிடும். மேலும் மணிக்கு அதிகபட்சம் 70 கிலோமீட்டர் வேகத்தில் செல்லும் திறன் கொண்டுள்ளது.

சுசுகி மோட்டார்சைக்கிள் இந்தியா நிறுவனம் மேம்பட்ட ஜிக்சர் சீரிஸ் மாடல்களை அறிமுகம் செய்து இருக்கிறது. புதிய ஜிக்சர் சீரிஸ் 155சிசி மற்றும் 250சிசி மாடல்கள் ஆகும். இவை நேக்கட் மற்றும் ஃபேர்டு என இருவித டிசைனிங்கில் கிடைக்கின்றன. 2023 ஜிக்சர் சீரிஸ் புதிய நிறங்களில் அறிமுகமாகி இருக்கின்றன. ஜிக்சர் மாடல்கள் நல்ல வரவேற்பை பெற்று வரும் நிலையில், மிட்-லைஃப் அப்டேட் மூலம் அதன் விற்பனை மற்றும் ஆயுளை நீட்டிக்க சுசுகி திட்டமிட்டுள்ளது.

டாப் எண்ட் மாடலான 2023 சுசுகி ஜிக்சர் SF 250 தற்போது மெட்டாலிக் மேட் ஸ்டெல்லார் புளூ, மெட்டாலிக் மேட் பிளாக் No. 2 மற்றும் மெட்டாலிக் சோனிக் சில்வர் மற்றும் மெட்டாலிக் ட்ரிடான் புளூ நிறங்களில் கிடைக்கிறது. நேக்கட் ஸ்டிரீட்ஃபைட்டர் மாடல் மெட்டாலிக் மேட் ஸ்டெல்லார் புளூ மற்றும் மெட்டாலிக் மேட் பிளாக் No.2 நிறங்களில் கிடைக்கிறது. சிறிய 155சிசி ஜிக்சர் மாடல் மெட்டாலிக் சோனிக் சில்வர் மற்றும் பியல் பிளேஸ் ஆரஞ்சு, மெட்டாலிக் ட்ரிடான் பூளூ மற்றும் கிளாஸ் ஸ்பார்கிள் பிளாக் என மூன்று விதமான நிறங்களில் கிடைக்கிறது.

புதிய நிறங்கள் மட்டுமின்றி 2023 மாடல்களில் சுசுகி நிறுவனம் சுசுகி ரைட் கனெக்ட் வசதியை வழங்கி இருக்கிறது. இது மோட்டார்சைக்கிள்களில் ப்ளூடூத் கனெக்டிவிட்டியை வழங்குகிறது. இத்துடன் டர்ன்-பை-டர்ன் நேவிகேஷன், எஸ்எம்எஸ் அலர்ட், மிஸல்டு கால் நோட்டிஃபிகேஷன், ஓவர்ஸ்பீடிங் அலர்ட் போன்ற அம்சங்கள் வழங்கப்பட்டு இருக்கிறது. இதற்கான ஸ்மார்ட்போன் செயலியை ஐஒஎஸ் மற்றும் ஆண்ட்ராய்டு தளங்களில் டவுன்லோட் செய்து கொள்ளலாம்.

காஸ்மெடிக் மற்றும் கனெக்டிவிட்டி தவிர புதிய ஜிக்சர் சீரிசில் மெக்கானிக்கல் மாற்றங்கள் எதுவும் மேற்கொள்ளப்படவில்லை. அந்த வகையில் சுசுகி ஜிக்சர் 250சிசி மாடலில் 249சிசி, சிங்கில் சிலண்டர், ஆயில் கூல்டு மோட்டார் வழங்கப்பட்டு இருக்கிறது. இந்த என்ஜின் 26.13 ஹெச்பி பவர், 22.2 நியூட்டன் மீட்டர் டார்க் இழுவிசையை வெளிப்படுத்துகிறது. இதன் 155சிசி மாடலில் சிங்கில் சிலிண்டர், ஏர்-கூல்டு என்ஜின் உள்ளது. இந்த என்ஜின் 13.41 ஹெச்பி பவர், 13.8 நியூட்டன் மீட்டர் டார்க் இழுவிசையை வழங்குகிறது.

விலை விவரங்கள்:

2023 சுசுகி ஜிக்சர் SF 250 மெட்டாலிக் சோனிக் சில்வர், மெட்டாலிக் ட்ரிடான் புளூ - ரூ. 2 லட்சத்து 02 ஆயிரத்து 500

2023 சுசுகி ஜிக்சர் SF 250 மெட்டாலிக் மேட் ஸ்டெல்லார் புளூ, மெட்டாலிக் மேட் பிளாக் No.2 - ரூ. 2 லட்சத்து 02 ஆயிரம்

2023 நேக்கட் ஜிக்சர் 250 மெட்டாலிக் மேட் ஸ்டெல்லார் புளூ, மெட்டாலிக் மேட் பிளாக் No.2 ரூ. 1 லட்சத்து 95 ஆயிரம்

2023 சுசுகி ஜிக்சர் SF - ரூ. 1 லட்சத்து 45 ஆயிரத்து 500

2022 சுசுகி ஜிக்சர் நேக்கட் மெட்டாலிக் சோனிக் சில்வர் மற்றும் பியல் பிளேஸ் ஆரஞ்சு, மெட்டாலிக் ட்ரிடான் புளூ மற்றும் கிளாஸ் ஸ்பார்கில் பிளாக் ரூ. 1 லட்சத்து 40 ஆயிரத்து 500

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

கியா இந்தியா நிறுவனம் செல்டோஸ் ஃபேஸ்லிஃப்ட் மாடலை அறிமுகம் செய்வதற்கான பணிகளில் ஈடுபட்டு வருகிறது. புதிய செல்டோஸ் மாடல் கடந்த ஆண்டு நவம்பர் மாத வாக்கில் சர்வதேச சந்தையில் அறிமுகம் செய்யப்பட்டது. இந்த நிலையில், 2023 செல்டோஸ் மாடல் இந்தியாவில் டெஸ்டிங் செய்யப்படும் புகைப்படங்கள் வெளியாகி உள்ளது.

2019 வாக்கில் அறிமுகம் செய்யப்பட்ட நிலையில், செல்டோஸ் மாடல் அப்டேட் செய்யப்படுவது இதுவே முதல் முறை ஆகும். புதிய மாடல் ஏற்கனவே சர்வதேச சந்தையில் அறிமுகம் செய்யப்பட்டு விட்ட நிலையில், இந்த எஸ்யுவி வெளிப்புற ஸ்டைலிங்கில் மாற்றங்களை பெற்று இருக்கிறது. 2023 மாடலில் சிக்னேச்சர் டைகர் நோஸ், எல்இடி ஹெட்லேம்ப் கிளஸ்டர்கள், முன்புற கிரில் பகுதியில் டிஆர்எல்கள் உள்ளன.

இத்துடன் டூயல் டோன் சில்வர் மற்றும் பிளாக் ஃபினிஷ் செய்யப்பட்ட அலாய் வீல்கள், ரிடிசைன் செய்யப்பட்ட டெயில் லேம்ப்கள், இலுமினேட் செய்யப்பட்ட லைட் ஸ்டிரைப் டெயில்கேட் முழுக்க இடம்பெற்று இருக்கிறது. கேபினுள் இன்ஸ்ட்ரூமெண்ட் கிளஸ்டர் மற்றும் இன்ஃபோடெயின்மெண்ட் சிஸ்டம் எவ்வித மாற்றங்களையும் பெறவில்லை.

பவர்டிரெயினை பொருத்தவரை 2023 செல்டோஸ் மாடலில் தற்போதைய வெர்ஷனில் உள்ளதை போன்றே 1.5 லிட்டர் பெட்ரோல் மற்றும் 1.5 லிட்டர் டீசல் என்ஜின்கள் வழங்கப்படும் என தெரிகிறது. இவை புதிய RDE மற்றும் BS6 2 புகை விதிகளுக்கு பொருந்தும் வகையில் அப்டேட் செய்யப்பட்டு இருக்கும். இரு என்ஜின்களுடன் மேனுவல் மற்றும் ஆட்டோமேடிக் கியர்பாக்ஸ் வழங்கப்படுகிறது.

வரும் மாதங்களில் 2023 கியா செல்டோஸ் அறிமுகம் செய்யப்பட இருக்கும் நிலையில், இந்த மாடல் மாருதி சுசுகி கிராண்ட் விட்டாரா, டொயோட்டா அர்பன் குரூயிசர் ஹைரைடர், ஃபோக்ஸ்வேகன் டைகுன், எம்ஜி ஆஸ்டர், ஸ்கோடா குஷக் மற்றும் ஹூண்டாய் கிரெட்டா போன்ற மாடல்களுக்கு போட்டியாக அமையும். 

Photo Courtesy: Rushlane