ஆட்டோமொபைல்ஸ் - Archive

ஆஸ்திரேலியாவை சேர்ந்த அலௌடா ஏரோனாடிக்ஸ் நிறுவனம் அலௌடா எம்கே3 பறக்கும் காரை சோதனை செய்துள்ளது. முன்னதாக இந்த மாடல் பிப்ரவரி மாத வாக்கில் அறிமுகம் செய்யப்பட்டது. இந்த பறக்கும் காரை சிமுலேட்டர் மூலம் இயக்க முடியும்.

அலௌடா எம்கே3 1950 மற்றும் 1960-க்களை சேர்ந்த ரேசிங் கார்களை தழுவி வடிவமைக்கப்பட்டு இருக்கிறது. இந்த பறக்கும் கார் வெர்டிக்கல் டேக்-ஆப் மற்றும் லேண்டிங் செய்யும் திறன் கொண்டுள்ளது. வெறும் 130 கிலோ எடை கொண்டிருக்கும் இந்த பறக்கும் கார் அதிகபட்சம் 80 கிலோ வரையிலான எடையை சுமந்து செல்லும். 

எலெக்ட்ரிக் பவர் கொண்ட அலௌடா எம்கே3 ரேஸ் கார் 429 பிஹெச்பி திறன் கொண்டுள்ளது. இந்த கார் மணிக்கு 100 கிலோமீட்டர் வேகத்தை 2.8 நொடிகளில் எட்டிவிடும். மேலும் இது வானில் 1640 அடி உயரத்தில் பறக்கும் திறன் கொண்டுள்ளது. 

அசாம் மாநிலத்தை சேர்ந்த நுருல் ஹக்யூ என்ற மெக்கானிக் பழைய ஸ்விப்ட் காரை ஆடம்பர லம்போர்கினி மாடல் போன்று மாற்றி இருக்கிறார். ஊரடங்கு காலக்கட்டத்தில் வீட்டில் இருந்தபடி யூடியூப் வீடியோக்கள் உதவியுடன் ஹக்யூ இவ்வாறு செய்து அசத்தி இருக்கிறார்.

காரை முற்றிலுமாக மாற்றியமைக்க ரூ. 6 லட்சம் வரை செலவானதாக அவர் தெரிவித்தார். இந்த பணிகளை முழுமையாக செய்து முடிக்க எட்டு மாதங்கள் ஆனது. காரை முழுமையாக மாற்றியமைத்ததும் புகைப்படங்களை ஹக்யூ சமூக வலைதளங்களில் பதிவிட்டார். பதிவிட்டது முதல் இந்த புகைப்படங்கள் வைரலாகி வருகின்றன. 

பலர் ஹக்யூ மேற்கொண்ட பணியை பாராட்டி கருத்து பதிவிட்டு வருகின்றனர். இவர் தனக்கு பிரபல ஹாலிவுட் திரைப்படமான பாஸ்ட் அண்ட் பியூரியஸ் மிகவும் பிடிக்கும் என்றும் லம்போர்கினி காரை ஓட்ட வேண்டும் என்ற ஆசை தனக்கு இருந்தது என்றும் அவர் தெரிவித்தார். 

கடந்த ஆண்டு கொரோனாவைரஸ் ஊரடங்கு காரணமாக வீட்டில் இருக்க வேண்டிய நிலை ஏற்பட்டது. பின் இந்த சமயத்தை பயன்படுத்திக் கொள்ள தனது மாருதி ஸ்விப்ட் மாடல் தோற்றத்தை மாற்ற ஹக்யூ முடிவு செய்தார். அதன்படி கடந்த எட்டு மாதங்களில் ரூ. 6.2 லட்சம் வரை செலவிட்டு கார் தோற்றத்தை மாற்றியதாக அவர் தெரிவித்தார்.  

ஹீரோ எலெக்ட்ரிக் நிறுவனம் தனது எலெக்ட்ரிக் ஸ்கூட்டர் மாடல்கள் விலையை மத்திய அரசின் திருத்தப்பட்ட பேம் 2 திட்டத்திற்கு ஏற்ப மாற்றியமைத்து இருக்கிறது. அதன்படி ஆப்டிமா HX டூயல் பேட்டரி வேரியண்ட் புது விலை ரூ. 58,980, எக்ஸ்-ஷோரூம் என மாறி இருக்கிறது.

ஹீரோ ஆப்டிமா HX டூயல் பேட்டரி ரூ. 58,980

ஹீரோ ஆப்டிமா HX சிங்கில் பேட்டரி ரூ. 53,600

ஆப்டிமா HX எலெக்ட்ரிக் மாடலுக்கான முன்பதிவை ஹீரோ வலைதளத்தில் மேற்கொள்ளலாம். முன்பதிவு கட்டணம் ரூ. 2999 ஆகும். ஹீரோ ஆப்டிமா HX மாடல் 550W BLDC எலெக்ட்ரிக் மோட்டார், 51.2V/30Ah லித்தியம் பேட்டரி கொண்டிருக்கிறது. 

இதன் சிங்கில் பேட்டரி மாடல் ஒருமுறை சார்ஜ் செய்தால் 82 கிலோமீட்டர், டூயல் பேட்டரி வேரியண்ட் 122 கிலோமீட்டர் வரை செல்லும் திறன் கொண்டிருக்கிறது. இந்த ஸ்கூட்டர் மணிக்கு 42 கிலோமீட்டர் வேகத்தில் செல்லும்.

 

ரெவோல்ட் ஆர்வி400 எலெக்ட்ரிக் மோட்டார்சைக்கிளுக்கான முன்பதிவுக்கு அமோக வரவேற்பு கிடைத்து இருப்பதாக ரெவோல்ட் மோட்டார்ஸ் தெரிவித்து உள்ளது. அதிக முன்பதிவு காரணமாக இரண்டே மணி நேரங்களில் மீண்டும் முன்பதிவை நிறுத்தியதாக அந்நிறுவனம் தெரிவித்தது. இந்த காலக்கட்டத்தில் ரூ. 50 கோடி மதிப்பிலான யூனிட்கள் முன்பதிவு செய்யப்பட்டது.

முன்னதாக இந்த மோட்டார்சைக்கிள் விலை குறைக்கப்பட்டதே அதிக வரவேற்புக்கு முக்கிய காரணமாக பார்க்கப்படுகிறது. மத்திய அரசு பேம் 2 திட்டத்தில் மேற்கொண்ட மாற்றங்கள் காரணமாக இந்த மோட்டார்சைக்கிள் விலை குறைக்கப்பட்டது. இந்தியா முழுக்க சுமார் 35 நகரங்களில் விற்பனை மற்றும் சர்வீஸ் மையங்களை திறந்துள்ளதாக ரெவோல்ட் தெரிவித்தது.

சமீபத்திய முன்பதிவில் டெல்லி, மும்பை, பூனே, சென்னை, ஆமதாபாத் மற்றும் ஐதராபாத் என இந்தியாவின் ஆறு நகரங்களை சேர்ந்த வாடிக்கையாளர்கள் பங்கேற்றனர். எப்போதும் போல் இந்த முறையும் ரெவோல்ட் ஆர்வி400 மாடலுக்கு நல்ல வரவேற்பு கிடைத்தது என ரெவோல்ட் மோட்டார்ஸ் தெரிவித்தது.

யமஹா நிறுவனம் 2021 பசினோ 125 ஹைப்ரிட் மாடலை இந்திய சந்தையில் அறிமுகம் செய்தது. புதிய யமஹா பசினோ ஹைப்ரிட் தொழில்நுட்பம் கொண்ட இந்தியாவின் முதல் ஸ்கூட்டர் என்ற பெருமையை பெற்று இருக்கிறது. பசினோ மட்டுமின்றி ரே ZR ஹைப்ரிட் ஸ்கூட்டரையும் யமஹா அறிமுகம் செய்துள்ளது.

எனினும், இரு ஹைப்ரிட் மாடல்களின் விலை இதுவரை அறிவிக்கப்படவில்லை. இந்திய சந்தையில் பசினோ மாடல் 2015 மே மாத வாக்கில் அறிமும் செய்யப்பட்டது. அப்போது இந்த மாடலில் 113 சிசி என்ஜின் வழங்கப்பட்டு இருந்தது. இந்த என்ஜின் 7 பி.ஹெச்.பி. பவர், 8.1 நியூட்டன் மீட்டர் டார்க் செயல்திறன் வழங்கியது. இதை தொடர்ந்து இதன் பிஎஸ்6 மாடல் 125சிசி பிரிவில் அறிமுகமானது.

தற்போது அறிமுகமாகி இருக்கும் பசினோ ஹைப்ரிட் மாடலில் உள்ள மைல்டு-ஹைப்ரிட் தொழில்நுட்பம் ஸ்டார்டர் மோட்டார் ஜெனரேட்டர் (SMG) உள்ளது. இது என்ஜினுக்கு தேவையான சமயத்தில் பவர் அசிஸ்ட் கொடுப்பதில் முக்கிய பங்காற்றுகிறது.

புதிய SMG தவிர இதன் என்ஜின் முந்தைய மாடலில் இருந்ததை போன்றே வழங்கப்பட்டு இருக்கிறது. இது 125சிசி பியூவல் இன்ஜெக்ட் செய்யப்பட்ட யூனிட் ஆகும். இந்த என்ஜின் 8.2 பி.ஹெச்.பி பவர், 10.3 நியூட்டன் மீட்டர் டார்க் இழுவிசையை வழங்குகிறது.

பி.எம்.டபிள்யூ. 5 சீரிஸ் பேஸ்லிப்ட் மாடல் ஜூன் 24 ஆம் தேதி இந்திய சந்தையில் அறிமுகம் செய்யப்பட இருக்கிறது. புதிய பி.எம்.டபிள்யூ. 5 சீரிஸ் பேஸ்லிப்ட் ஸ்டைலிங் மாற்றப்படுகிறது. இத்துடன் பல்வேறு புது அம்சங்கள், தொழில்நுட்பங்கள் இந்த மாடலில் வழங்கப்பட இருக்கிறது.

இவைதவிர இந்த மாடலின் என்ஜின் முந்தைய வேரியண்டில் உள்ள யூனிட்களே புது மாடலிலும் வழங்கப்படலாம். பேஸ்லிப்ட் மாடல் என்பதால் இதன் விலை முந்தைய வேரியண்டை விட சற்று அதிகமாகவே இருக்கும் என தெரிகிறது. சர்வதேச சந்தையில் இந்த மாடல் கடந்த ஆண்டு மே மாத வாக்கில் அறிமுகம் செய்யப்பட்டது குறிப்பிடத்தக்கது. 

புதிய 5 சீரிஸ் பேஸ்லிப்ட் மாடலில் 2.0 லிட்டர், இன்-லைன் 4 சிலிண்டர் பெட்ரோல் என்ஜின், 2.0 லிட்டர், இன்லைன் 4 சிலிண்டர் டீசல் என்ஜின் மற்றும் 3.0 லிட்டர் இன்லைன் 6 சிலிண்டர் டீசல் என்ஜின் ஆப்ஷன்கள் வழங்கப்படும் என தெரிகிறது. இவற்றுடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது.

யமஹா நிறுவனத்தின் FZ-X இந்திய சந்தையில் அறிமுகம் செய்யப்பட்டது. புதிய யமஹா FZ-X விலை ரூ. 1.16 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மோட்டார்சைக்கிள் பல்வேறு புதிய தொழில்நுட்பங்கள் மற்றும் ரெட்ரோ-ரோட்ஸ்டர் டிசைன் கொண்டிருக்கிறது.

புதிய யமஹா FZ-X ப்ளூடூத் வேரியண்ட் விலை ரூ. 1.19 லட்சம், எக்ஸ்-ஷோரூம் ஆகும். இந்த மாடலின் வினியோகம் இம்மாதமே துவங்குகிறது. யமஹா FZ-X மேட் காப்பர், மேட் பிளாக் மற்றும் மெட்டாலிக் புளூ நிறங்களில் கிடைக்கிறது. 

- எல்.இ.டி. ஹெட்லேம்ப் இன்டகிரேட் செய்யப்பட்ட டி.ஆர்.எல்.கள்

- எல்.இ.டி. டெயில் லேம்ப்

- டிஜிட்டல் இன்ஸ்ட்ரூமென்ட் கிளஸ்டர்

- செயலி மூலம் பியூவல் கன்சம்ப்ஷன் செக் வசதி

- செயலி மூலம் மோட்டார்சைக்கிள் எங்கு இருக்கிறது என அறிந்து கொள்ளும் வசதி

- செயலி மூலம் ரைடு ஹிஸ்ட்ரி பார்க்கும் வசதி

- சைடு-ஸ்டான்ட் என்ஜின் கட்-ஆப்

- சிங்கில் சேனல் ஏபிஎஸ்

- பிளாக்-பேட்டன் டையர்கள்

யமஹா FZ-X மோட்டார்சைக்கிள் 149சிசி சிங்கில் சிலிண்டர், ஏர் கூல்டு, பியூவல் இன்ஜெக்ட் செய்யப்பட்ட என்ஜின் மற்றும் 5 ஸ்பீடு கியர்பாக்ஸ் கொண்டிருக்கிறது. இந்த என்ஜின் 12 பிஹெச்பி பவர், 13.6 நியூட்டன் மீட்டர் டார்க் இழுவிசையை வழங்குகிறது.

போர்ஸ் மோட்டார்ஸ் நிறுவனம் தனது புதிய தலைமுறை குர்கா ஆப்-ரோடு எஸ்யுவி மாடலின் வெளியீட்டை உணர்த்தும் தகவலை தெரிவித்துள்ளது. அதன்படி புதிய குர்கா எஸ்யுவி மாடல் இந்த ஆண்டின் மூன்றாவது காலாண்டு வாக்கில் அறிமுகமாகிறது.

புதிய போர்ஸ் குர்கா மாடல் பண்டிகை காலக்கட்டத்திற்கு முன் அறிமுகம் செய்யப்பட இருப்பதாக தெரிகிறது. புதிய போர்ஸ் குர்கா எஸ்யுவி மஹிந்திரா தார் மாடலுக்கு போட்டியாக அமைகிறது. மஹிந்திரா தார் மாடல் கடந்த ஆண்டு இந்திய சந்தையில் அறிமுகம் செய்யப்பட்டது. 

முன்னதாக 2020 ஆட்டோ எக்ஸ்போ விழாவில் போர்ஸ் குர்கா காட்சிக்கு வைக்கப்பட்டது. இந்த எஸ்யுவி மாடலில் பிஎஸ்6 ரக 2.6 லிட்டர் டீசல் என்ஜின் வழங்கப்படும் என கூறப்படுகிறது. இந்த என்ஜினுடன் 5 ஸ்பீடு கியர்பாக்ஸ் மற்றும் ஆல்-வீல்-டிரைவ் சிஸ்டம் வழங்கப்படலாம்.

மெர்சிடிஸ் பென்ஸ் நிறுவனம் 2021 எஸ் கிளாஸ் மாடலை இந்திய சந்தையில் அறிமுகம் செய்தது. புதிய எஸ் கிளாஸ் மாடல் துவக்க விலை ரூ. 2.17 கோடி, எக்ஸ்-ஷோரூம் ஆகும். புதிய எஸ் கிளாஸ் மாடல் ஒரு வேரியண்ட் மற்றும் இரண்டு விதமான என்ஜின் ஆப்ஷன்களில் கிடைக்கிறது.

புதிய 2021 எஸ் கிளாஸ் மாடலுக்கான முன்பதிவு மெர்சிடிஸ் பென்ஸ் வலைதளத்தில் மேற்கொள்ளலாம். இதன் வினியோகம் அடுத்த மாதம் துவங்க இருக்கிறது. 2021 மெர்சிடிஸ் பென்ஸ் எஸ் கிளாஸ் டாப் எண்ட் மாடல் விலை ரூ. 2.19 கோடி, எக்ஸ்-ஷோரூம் ஆகும்.

மெர்சிடிஸ் பென்ஸ் எஸ் கிளாஸ் மாடல் சிபியு முறையில் விற்பனை செய்யப்படுகிறது. புது எஸ் கிளாஸ் மாடலை வாங்க இதுவரை சுமார் 150-க்கும் அதிகமானோர் முன்பதிவு செய்துள்ளனர். புதிய பென்ஸ் எஸ் கிளாஸ் அப்சிடியன் பிளாக், ஆனிக்ஸ் பிளாக், நாடிக் புளூ, ரூபெலிட் ரெட், மோஜேவ் சில்வர், ஹை-டெக் சில்வர், எமரால்டு கிரீன் மற்றும் செலனைட் கிரே போன்ற நிறங்களில் கிடைக்கிறது.

2021 பென்ஸ் எஸ் கிளாஸ் மாடல் 3.0 லிட்டர் பெட்ரோல் மற்றும் 3.0 லிட்டர் டீசல் என்ஜின் ஆப்ஷன்களில் கிடைக்கிறது. இதன் பெட்ரோல் என்ஜின் 362 பிஹெச்பி பவர் வழங்குகிறது. இந்த வேரியண்ட் மணிக்கு 100 கிலோமீட்டர் வேகத்தை 5.1 நொடிகளில் எட்டிவிடும். மேலும் இது மணிக்கு 250 கிலோமீட்டர் வேகத்தில் செல்லும் திறன் கொண்டுள்ளது.

டீசல் என்ஜின் கொண்ட மாடல் 326 பிஹெச்பி பவர், 700 நியூட்டர் மீட்டர் டார்க் இழுவிசையை வழங்குகிறது. இந்த கார் மணிக்கு 100 கிலோமீட்டர் வேகத்தை 5.40 நொடிகளில் எட்டிவிடும். இது மணிக்கு அதிகபட்சம் 250 கிலோமீட்டர் வேகத்தில் செல்கிறது. 

ஹூண்டாய் நிறுவனத்தின் அதிகம் எதிர்பார்க்கப்படும் அல்காசர் எஸ்யுவி மாடல் இந்திய சந்தையில் அறிமுகம் செய்யப்பட்டது. புதிய அல்காசர் துவக்க விலை ரூ. 16.30 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய அல்காசர் மாடல் ஆறு வேரியண்ட்கள், இருவித என்ஜின் ஆப்ஷன்களில் கிடைக்கிறது.

புதிய ஹூண்டாய் அல்காசர் மாடலுக்கான முன்பதிவு ஏற்கனவே துவங்கி நடைபெற்று வருகிறது. புது எஸ்யுவி மாடலுக்கான முன்பதிவு கட்டணம் ரூ. 25 ஆயிரம் ஆகும். இதுவரை புது ஹூண்டாய் காரை வாங்க சுமார் 4 ஆயிரத்திற்கும் அதிக முன்பதிவுகளை பெற்று இருக்கிறது.

அல்காசர் 7 சீட் மாடலில் நடு வரிசையில் பெஞ்ச் இருக்கைகள் கொடுக்கப்பட்டுள்ளன. 3 வது இருக்கைக்கு எளிதாக செல்லும்வகையில் ஒன் டச் டம்பிள் எனப்படும் பட்டனை அழுத்தி இரண்டாது வரிசை இருக்கையை மடக்கும் வசதி உள்ளது. இதனால் 3-வதுவரிசை பயணிகள் எளிதாக ஏறி, இறங்க முடியும். 

புதிய ஹூண்டாய் அல்காசர் மாடல் 2.0 லிட்டர் பெட்ரோல் என்ஜின் மற்றும் 1.5 லிட்டர் டீசல் என்ஜின் ஆப்ஷன்களில் கிடைக்கிறது. இதில் பெட்ரோல் என்ஜின் 157 பிஹெச்பி பவர் வழங்குகிறது. டீசல் மோட்டார் 250 நியூட்டன் மீட்டர் டார்க் இழுவிசையை வழங்குகிறது.

இந்தியாவில் பேம் 2 திட்டத்தில் மாற்றம் செய்யப்பட்டதால் ஆர்வி400 எலெக்ட்ரிக் மோட்டார்சைக்கிள் விலை ரூ. 28,200 குறைந்துள்ளது. அதன்படி ரெவோல்ட் ஆர்வி400 புதிய விலை ரூ. 90,799 எக்ஸ்-ஷோரூம் என மாறி இருக்கிறது. ஆர்வி300 மாடலுக்கு விலை குறைப்பு அறிவிக்கப்படவில்லை.

விலை குறைப்பு மட்டுமின்றி ரெவோல்ட் ஆர்வி400 முன்பதிவு இன்று (ஜூன் 18) மதியம் 12 மணி முதல் மீண்டும் துவங்கி உள்ளது. இரு மாடல்களுக்கான முன்பதிவு கட்டணம் முறையே ரூ. 7,999 மற்றும் ரூ. 7,199 என நிர்ணயம் செய்யப்பட்டு உள்ளது. முன்னதாக ரெவோல்ட் ஆர்வி400 ரூ. 1.19 லட்சம் எக்ஸ்-ஷோரூம் விலையில் விற்பனை செய்யப்பட்டு வந்தது.

ரெவோல்ட் ஆர்வி400 மாடலில் 3.24kWh லித்தியம் அயன் பேட்டரி மற்றும் 3kW எலெக்ட்ரிக் மோட்டார் வழங்கப்பட்டு இருக்கிறது. இந்த மோட்டார்சைக்கிள் ஒருமுறை சார்ஜ் செய்தால் 156 கிலோமீட்டர் வரை செல்லும் திறன் கொண்டுள்ளது. இந்த மாடல் மணிக்கு அதிகபட்சம் 85 கிலோமீட்டர் வேகத்தில் செல்லும்.