search icon
என் மலர்tooltip icon

    நீங்கள் தேடியது "Swift"

    மாருதி சுசுகி நிறுவனத்தின் 2018 ஸ்விஃப்ட் ஹேட்ச்பேக் மாடலின் ஸ்பெஷல் எடிஷன் கார் இந்தியாவில் அறிமுகம் செய்யப்பட்டுள்ளது. #Swift



    மாருதி சுசுகி நிறுவனம் இந்தியாவில் 2018 ஸ்விஃப்ட் ஹேட்ச்பேக் மாடலின் ஸ்பெஷல் எடிஷன் காரை அறிமுகம் செய்துள்ளது.

    புதிய ஸ்விஃப்ட் ஸ்பெஷல் எடிஷன் மாடலின் விலை ரூ.4.99 லட்சம் (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது. ஸ்பெஷல் எடிஷன் மாடலில் பல்வேறு புதிய அம்சங்கள் சேர்க்கப்பட்டு, ஸ்விஃப்ட் என்ட்ரி-லெவல் LXi மற்றும் LDi வேரியன்ட்களில் மட்டுமே கிடைக்கிறது.

    காரின் வெளிப்புறம் மற்றும் உள்புறங்களில் புதிய அம்சங்கள் வழங்கப்பட்டுள்ளது. வெளிப்புறத்தில் ஸ்பெஷல் எடிஷன் ஸ்விஃப்ட் காரின் ORVM காரின் நிறத்திலும், கதவு கைப்பிடிகள் மற்றும் வீல் கவர்கள் கருப்பு நிறத்தில் பெயின்ட் செய்யப்பட்டுள்ளது. காரின் உள்புறத்தில் சிங்கிள் DIN மியூசிக் சிஸ்டம், டூயல் முன்பக்க ஸ்பீக்கர்கள், பவர் வி்ண்டோக்கள், சென்ட்ரல் லாக்கிங் மற்றும் பின்புற ரிவர்ஸ் பார்க்கிங் சென்சார்கள் வழங்கப்பட்டுள்ளது.



    தற்சமயம் ஸ்விஃப்ட் ஹேட்ச்பேக் மாடல் ஆறு வேரியன்ட்கள்: LXi, LDi, VXi, VDi, ZXi மற்றும் ZDi மற்றும் 14 டிரிம்களில் கிடைக்கிறது. இந்த கார் பெட்ரோல் மற்றும் டீசல் இன்ஜின் ஆப்ஷன்களில் கிடைக்கிறது. இவற்றில் 1.2-லிட்டர் பெட்ரோல், 1.3 லிட்டர் டீசல் இன்ஜின் ஆப்ஷன்கள் வழங்கப்பட்டுள்ளது. 

    பெட்ரோல் இன்ஜின் 83 பி.ஹெச்.பி. பவர் மற்றும் 115 என்.எம். டார்கியூ செயல்திறனும் டீசல் யூனிட் 74 பி.ஹெச்.பி. பவர், 190 என்.எம். டார்கியூ செயல்திறன் வழங்குகிறது. இரண்டு இன்ஜின்களும் 5-ஸ்பீடு மேனுவல் அல்லது AMT கியர்பாக்ஸ் உடன் வருகிறது. எனினும், என்ட்ரி-லெவல் மாடல்களில் AMT கியர்பாக்ஸ் ஆப்ஷன் வழங்கப்படவில்லை.

    2018 ஸ்விஃப்ட் ஹேட்ச்பேக் மாடல் முன்னதாக இந்த ஆண்டு பிப்ரவரியில் நடைபெற்ற ஆட்டோ எக்ஸ்போ விழாவில் அறிமுகம் செய்யப்பட்டது. பின் மாதம் 19,000 ஸ்விஃப்ட் யூனிட்கள் மாருதி சுசுகி விற்பனை செய்து வருகிறது. இந்தியாவில் அறிமுகம் ஆனது முதல் அதிகம் விற்பனையாகும் கார்களில் ஒன்றாக ஸ்விஃப்ட் இருக்கிறது.
    மாருதி சுசுகி நிறுவனத்தின் ஸ்விஃப்ட் மற்றும் டிசையர் மாடல்கள் திரும்ப பெறப்படுகிறது. இதுகுறித்த முழு விவரங்களை தொடர்ந்து பார்ப்போம். #MarutiSuzuki #Dzire



    மாருதி சுசுகி ஸ்விஃப்ட் மற்றும் டிசையர் மாடல்கள் திரும்பப் பெறப்படுகின்றன. இரண்டு மாடல்களும் ஏர்பேக் பிழை காரணமாக திரும்ப பெறப்படுவதாக தெரிவிக்கப்பட்டுள்ளது. மே 7 முதல் ஜூலை 5 வரை உற்பத்தி செய்யப்பட்ட 566 சுசுகி ஸ்விஃப்ட் யூனிட்களும், 713 டிசையர் யூனிட்கள் என மொத்தம் 1279 யூனிட்கள் திரும்பப் பெறப்பட்டன.

    பாதிக்கப்பட்ட மாடல்களை பயன்படுத்துவோரை மாருதி சுசுகி விற்பனையாளர்கள் மூலம் ஜூலை 25-ம் தேதி முதல் தொடர்பு கொள்ளப்படுவர். இதன் பின் அவை ஆய்வு செய்யப்பட்டு, கோளாறு இருப்பின் இலவசமாக சரி செய்து தரப்படும்.

    பயனர்கள் அவர்களாகவும் மாருதி சுசுகி வலைத்தளம் சென்று தங்களது வாகனத்தில் கோளாறு இருக்கிறதா என்பதை சேசிஸ் நம்பரை பதிவிட்டு தெரிந்து கொள்ள முடியும். மேலும் பயனர்கள் தங்களது விற்பனையாளரை நேரடியாக சென்றும் வாகன கோளாறு குறித்த விவரம் அறிந்து அதனை சரி செய்து கொள்ள முடியும்.



    புதிய தலைமுறை ஸ்விஃப்ட் மாடல் திரும்ப பெறப்படுவது இது இரண்டாவது முறையாகும். முன்னதாக மே மாதத்தில் பிரேக் வாக்யூம் ஹோஸ் கோளாறு காரணமாக 52,000 வாகனங்களை திரும்ப பெற்றிருந்தது குறிப்பிடத்தக்கது. இந்தியாவில் புதிய மாருதி சுசுகி ஸ்விஃப்ட் பிப்ரவரி 2018-இல் வெளியிடப்பட்டது குறிப்பிடத்தக்கது.

    இந்தியாவில் அதிகம் விற்பனையாகும் செடான் மாடலாக டிசையர் இருக்கிறது. மேலும் வெளியான ஐந்தே மாதங்களில் டிசையர் விற்பனை ஒரு லட்சம் யூனிட்களை கடந்திருந்தது.
    ×