ஆட்டோமொபைல்ஸ் - Archive

ராயல் என்பீல்டு நிறுவனம் தனது Meteor 350 மாடல் மோட்டார்சைக்கிளை இந்திய சந்தையில் நவம்பர் 6 ஆம் தேதி அறிமுகம் செய்ய இருப்பதாக அதிகாரப்பூர்வமாக அறிவித்து இருக்கிறது. 

புதிய Meteor 350 மாடல் ஜாவா, பெனலி இம்பீரியல் 400 மற்றும் ஹோண்டா ஹைனெஸ் சிபி 350 போன்ற மாடல்களுக்கு போட்டியாக அமைகிறது. இதுவரை வெளியாகி இருக்கும் தகவல்களின் படி ராயல் என்ஃபீல்டு Meteor 350 பயர்பால், ஸ்டெல்லார் மற்றும் சூப்பர்நோவா என மூன்று வேரியண்ட்கள் மற்றும் ஏழு வித நிறங்களில் கிடைக்கும் என தெரிகிறது.

ராயல் என்ஃபீல்டு Meteor 350 முற்றிலும் புதிய வடிவமைப்பு கொண்டிருக்கிறது. இந்த மோட்டார்சைக்கிள் ஜெ1டி எனும் குறியீட்டு பெயரில் அழைக்கப்படும் புதிய பிளாட்ஃபார்மில் உருவாக்கப்பட்டு இருக்கிறது. இந்த மோட்டார்சைக்கிளில் டபுள் கிரேடில் சேசிஸ் மற்றும் புதிய 350 சிசி என்ஜின் வழங்கப்படுகிறது.

புதிய மோட்டார்சைக்கிளில் பிஎஸ்6 ரக UCE 346சிசி சிங்கிள் சிலிண்டர், ஏர் கூல்டு என்ஜின் வழங்கப்படுகிறது. இந்த என்ஜின் 19.1 பிஹெச்பி பவர், 28 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.

ஹீரோ எலெக்ட்ரிக் நிறுவனம் இந்திய சந்தையில் Nyx-HX இ ஸ்கூட்டர் மாடலை அறிமுகம் செய்தது. இந்தியாவில் இதன் விலை ரூ. 64,640 என நிர்ணயம் செய்யப்பட்டுள்ளது. இந்த ஸ்கூட்டர் ஒருமுறை சார்ஜ் செய்தால் 210 கிலோமீட்டர் வரை செல்லும் திறன் கொண்டுள்ளது.

புதிய Nyx-HX மாடலில் காம்பி பிரேக் சிட்ஸம், ரி-ஜெனரேட்டிவ் பிரேக்கிங், ஸ்ப்லிட் சீட் அமைப்பு வழங்கப்பட்டு இருக்கிறது. இந்த ஸ்கூட்டரை தேவைப்படும் சமயங்களில், பின்புற சீட்டை கழற்றி லோடு ஏற்றி செல்லவும் பயன்படுத்தலாம். இதில் ப்ளூடூத் சார்ந்த ஸ்மார்ட் கனெக்டிவிட்டி வசதி வழங்கப்பட்டு இருக்கிறது. 

இதில் உள்ள மாட்யூலர் பேட்டரி சிஸ்டம் நீட்டிக்கப்பட்ட ரேன்ஜ் வழங்குகிறது. பேட்டரி ஸ்வாப்பிங் முறையை கொண்டு பயன்பாட்டில் உள்ள பேட்டரியின் சார்ஜ் தீர்ந்து போனால், மற்றொரு பேட்டரியை மாற்றிக் கொள்ளலாம். 

பெங்களூரு வட்டார போக்குவரத்து அலுவலகத்தில் நேற்று முன்தினம் வாகன பதிவு பேன்சி எண்களுக்கான ஏலம் நடைபெற்றது. அதாவது கேஏ01-எம்வி எனும் சீரிசுடன் தொடங்கும் பேன்சி எண்களான 0001, 9999, 0009, 1111 உள்ளிட்டவை ஏலம் விடப்பட்டது. 

இந்த வாகன பதிவு எண்கள் இலகுரக வாகனங்களுக்கானவை ஆகும். முதலாவதாக 0001 என்ற பதிவு எண்ணை அதிகாரிகள் ஏலம் விட்டனர். அந்த எண்ணை பெங்களூருவை சேர்ந்த தொழில்அதிபரான குமால் முஸ்தபா என்பவர் ரூ.10¾ லட்சத்திற்கு ஏலம் எடுத்தார்.

அவர், புதிதாக விலை உயர்ந்த ஒரு சொகுசு காரை வாங்கி இருக்கிறார். அந்த சொகுசு காரின் பதிவு எண் பேன்சியாக இருக்க வேண்டும் என்று விரும்பியதால் பதிவு எண்ணை ரூ.10¾ லட்சம் கொடுத்து வாங்கியது தெரியவந்துள்ளது. பெங்களூருவில் ஒரு பேன்சி வாகன பதிவு எண் அதிக விலைக்கு ஏலம் போய் இருப்பது இதுவே முதல் முறை என்று அதிகாரிகள் தெரிவித்துள்ளனர்.

இதுபோல, 9999 என்ற பதிவு எண் ரூ.4.15 லட்சத்திற்கும், 0009 என்ற பதிவு எண் ரூ.3¾ லட்சத்திற்கும், 0999 என்ற பதிவு எண் ரூ.2 லட்சத்து 5 ஆயிரத்திற்கும், 0555 என்ற வாகன பதிவு எண் ரூ.1 லட்சத்து 16 ஆயிரத்திற்கும் ஏலம் போய் இருந்தது.

ஒட்டு மொத்தமாக 50 பேன்சி வாகன எண்களை ஏலம் விடுவதாக அறிவித்திருந்ததாகவும், அவற்றில் 15 பேன்சி எண்களை வாகன ஓட்டிகள் ஏலம் எடுத்திருப்பதாகவும், இதன் மூலம் வட்டார போக்குவரத்து அலுவலகத்திற்கு ரூ.29 லட்சத்து 55 ஆயிரம் வருமானம் கிடைத்திருப்பதாகவும் அதிகாரிகள் தெரிவித்தனர்.

ஹூண்டாய் நிறுவனம் தனது புதிய தலைமுறை ஐ20 மாடலை இந்திய சந்தையில் நவம்பர் மாதத்தின் முதல் வாரத்தில் அறிமுகம் செய்யும் என தகவல் வெளியாகி உள்ளது.

மேலும் புதிய ஹூண்டாய் கார் மாடலுக்கான முன்பதிவை சில விற்பனையாளர்கள் அதிகாரப்பூர்வமற்ற முறையில் துவங்கி இருப்பதாக கூறப்படுகிறது. புதிய தலைமுறை ஐ20 மாடலுக்கான முன்பதிவு கட்டணம் ரூ. 25 ஆயிரம் என நிர்ணயம் செய்யப்பட்டுள்ளதாக தெரிகிறது. முன்னதாக 2020 ஹூண்டாய் ஐ20 மாடல் விற்பனையகம் வந்தடைந்தது. 

2020 ஹூண்டாய் ஐ20 மாடல் முற்றுலும் புதிய வடிவமைப்பு கொண்டிருக்கும் என தெரிகிறது. அதன்படி 2020 ஐ20 மாடல் புதிய கேஸ்கேடிங் கிரில், மெல்லிய ஹெட்லேம்ப்கள், ராப்-அரவுண்ட் ஸ்ப்லிட் டெயில் லேம்ப்கள் மற்றும் புதிய டூயல் டோன் அலாய் வீல் டிசைன் வழங்கப்படுகிறது. 

இத்துடன் புது டேஷ்போர்டு, இன்ஸ்ட்ரூமென்ட் கிளஸ்டர் மற்றும் தொடுதிரை இன்ஃபோடெயின்மென்ட் சிஸ்டத்திற்கு 10.25 இன்ச் டிஸ்ப்ளேக்கள் வழங்கப்படுகிறது. காரின் உள்புறம் மேலும் புது அம்சங்கள் மற்றும் தொழில்நுட்பங்கள் வழங்கப்படுகிறது.

புதிய ஹூண்டாய் ஐ20 மாடலில் 1.0 லிட்டர் டர்போ பெட்ரோல் என்ஜின், 1.2 லிட்டர் பெட்ரோல் யூனிட் மற்றும் 1.5 லிட்டர் டீசல் யூனிட் என மூன்று வித என்ஜின் ஆப்ஷன்கள் வழங்கப்படுகிறது. 

இந்த என்ஜின்களுக்கு ஏற்ப 5 ஸ்பீடு மேனுவல், ஆப்ஷனல் சிவிடி, டார்க் கன்வெர்ட்டர் யூனிட், 6 ஸ்பீடு ஐஎம்டி மற்றும் 7 ஸ்பீடு டிசிடி போன்ற டிரான்ஸ்மிஷன் வழங்கப்படுகிறது.

நிசான் நிறுவனம் சர்வதேச சந்தையில் புத்தம் புதிய மேக்னைட் மாடலை அறிமுகம் செய்தது. புதிய நிசான் மேக்னைட் மாடல் விரைவில் இந்திய சந்தையில் விற்பனைக்கு வர இருக்கிறது. 

நிசான் மேக்னைட் மாடல் சர்வதேச சந்தையில் இந்த பிராண்டின் புதிய பி-எஸ்யுவி மாடல் ஆகும். மேக்னைட் மாடல் விற்பனை முதற்கட்டமாக இந்திய சந்தையில் துவங்கும் என நிசான் தெரிவித்து உள்ளது. 

இந்தியாவில் புதிய நிசான் மேக்னைட் மாடல் நவம்பர் மாத வாக்கில் விற்பனைக்கு வரும் என எதிர்பார்க்கப்படுகிறது. எனினும், இதுபற்றி நிசான் சார்பில் இதுவரை எந்த தகவலும் வழங்கப்படவில்லை. 

புதிய நிசான் மேக்னைட் மாடலில் 1.0 லிட்டர் 3 சிலிண்டர் டர்போ பெட்ரோல் என்ஜின் வழங்கப்படுகிறது. இத்துடன் எக்ஸ்டிரானிக் சிவிடி ஆட்டோமேடிக் டிரான்ஸ்மிஷன் வழங்கப்படுகிறது. இந்த என்ஜின் செயல்திறன் விவரங்கள் இதுவரை அறிவிக்கப்படவில்லை.

கியா மோட்டார்ஸ் இந்தியா தனது புதிய சொனெட் மாடல் முன்பதிவில் 50 ஆயிரம் யூனிட்களை கடந்துள்ளதாக அறிவித்து இருக்கிறது. இந்த மைல்கல் முன்பதிவு துவங்கிய இரண்டு மாதங்களில் எட்டப்பட்டு உள்ளது. கியா மோட்டார்ஸ் தனது சொனெட் மாடலுக்கான முன்பதிவை ஆகஸ்ட் 20 ஆம் தேதி துவங்கியது.

கடந்த இரண்டு மாதங்களில் ஒவ்வொரு மூன்று நிமிடங்களில் இரண்டு முன்பதிவுகள் நடைபெற்றதாக கியா மோட்டார்ஸ் தெரிவித்து இருக்கிறது. கியா சொனெட் மாடல் அறிமுகமான 12 நாட்களில் 9266 யூனிட்கள் விநியோகம் செய்யப்பட்டு இருப்பதாகவும் அந்நிறுவனம் தெரிவித்து உள்ளது.

புதிய சொனெட் எஸ்யுவி மாடலின் துவக்க விலை ரூ. 6.71 லட்சம், எக்ஸ்-ஷோரூம் என நிர்ணயம் செய்யப்பட்டுள்ளது. இந்திய காம்பேக்ட் எஸ்யுவி பிரிவில் கியா சொனெட் மாடல் அமேக வரவேற்பு பெற்று வருகிறது. 

கியா சொனெட் மாடலில் பிஎஸ்6 புகை விதிகளுக்கு பொருந்தும் 1.2 லிட்டர் பெட்ரோல், 1.0 லிட்டர் டி-ஜிடிஐ பெட்ரோல் மற்றும் 1.5 லிட்டர் டீசல் யூனிட் வழங்கப்பட்டு இருக்கிறது.

கியா சொனெட் 1.2 லிட்டர் பெட்ரோல் என்ஜினுடன் 5 ஸ்பீடு மேனுவல், 1.5 லிட்டர் டீசல் யூனிட் 6 ஸ்பீடு மேனுவல் கியர்பாக்ஸ், டீல் யூனிட் ஆப்ஷனல் ஆட்டோமேடிக் டிரான்ஸ்மிஷன் யூனிட் ஆப்ஷனில் கிடைக்கிறது. 

இதன் 1.0 லிட்டர் டர்போ பெட்ரோல் என்ஜினுடன் 7 ஸ்பீடு டூயல் கிளட்ச் ஆட்டோமேடிக். 6 ஸ்பீடு இன்டெலிஜன்ட் மேனுவல் டிரான்ஸ்மிஷன் ஆப்ஷனில் கிடைக்கிறது.

டிவிஎஸ் மோட்டார் கம்பெனி நிறுவனம் இந்தியாவில் ஆர்டிஆர்200 4வி சீரிஸ் விலையை ரூ. 1500 வரை உயர்த்தி உள்ளது. விலை உயர்வின் படி டாப் எண்ட் டூயல் டிஸ்க் மாடல் விலை ரூ. 1,30,050 என்றும் சிங்கிள் சேனல் ஏபிஎஸ் மாடல் ரூ. 1,25,500 என மாறி இருக்கிறது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது. 

விலை உயர்வு மட்டுமின்றி டிவிஎஸ் பல்வேறு பண்டிகை கால சலுகைகளை அறிவித்து இருக்கிறது. இதன் மூலம் பயனர்கள் மிக குறைந்த முன்பணம் செலுத்துவதோடு மாதம் ரூ. 2,999 எனும் மாத தவணையில் மோட்டார்சைக்கிளை வாங்கி கொள்ள முடியும். 

இத்துடன் முதல் மூன்று மாதங்களுக்கு மாத தவணையில் 50 சதவீதத்தை மட்டும் செலுத்தி மீதமுள்ள தவணையை மற்ற மாதங்களில் செலுத்தலாம். மேலும் டிவிஎஸ் நிறுவனம் மாத தவணை முறையை எளிமையாக்கி, கடன் வழிமுறையே வேகமாக நிறைவு செய்கிறது. 

இந்திய சந்தையில் அபாச்சி ஆர்டிஆர்200 4வி மாடல் ஹோண்டா ஹார்னெட் 2.0, பஜாஜ் பல்சர் என்எஸ்200 போன்ற மாடல்களுக்கு போட்டியாக அமைகிறது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் தனது ஹைனெஸ் சிபி 350 மோட்டார்சைக்கிளை உற்பத்தி ஆலையில் இருந்து விநியோகம் செய்ய துவங்கி உள்ளது. இதன் முதல் யூனிட் ஹரியானா மாநிலத்தின் மனேசர் ஆலையில் இருந்து அனுப்பப்பட்டது.

உற்பத்தி ஆலையில் இருந்து விநியோகம் செய்யப்பட்ட நிலையில், விரைவில் இது வாடிக்கையாளர்களுக்கு விநியோரம் செய்யப்படலாம் என தெரிகிறது. புதிய ஹைனெஸ் சிபி 350 மாடல் ஹோண்டாவின் பிரீமியம் ரக பிங்விங் விற்பனையகங்கள் மூலம் விற்பனை செய்யப்படுகிறது. 

இந்திய சந்தையில் ஹைனெஸ் சிபி 350 டிஎல்எக்ஸ் மற்றும் டிஎல்எக்ஸ் ப்ரோ என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 1.85 லட்சம் மற்றும் ரூ. 1.90 லட்சம் என நிர்ணயம் செய்யப்பட்டு உள்ளது.

ஹோண்டா ஹைனெஸ் 350 மாடலில் 348.36சிசி, சிங்கிள் சிலிண்டர், ஏர் கூல்டு என்ஜின் வழங்கப்பட்டு உள்ளது. இத்துடன் 5 ஸ்பீடு கியர்பாக்ஸ் ஸ்லிப்பர் கிளட்ச் வழங்கப்பட்டு இருக்கிறது. இந்த என்ஜின் 20.5 பிஹெச்பி பவர், 30 என்எம் டார்க் செயல்திறன் வழங்குகிறது.

ஜெர்மன் நாட்டு ஆடம்பர கார் உற்பத்தியாளரான மெர்சிடிஸ் பென்ஸ் இந்தியாவில் ஏஎம்ஜி மாடல்களை உற்பத்தி செய்ய துவங்கி இருக்கிறது. இதன் மூலம் உள்நாட்டு உற்பத்தியை அதிகளவு ஊக்குவிக்கும் முதல் நிறுவனமாக மெர்சிடிஸ் பென்ஸ் இருக்கிறது.

மெர்சிடிஸ் ஏஎம்ஜி  ஜிஎல்சி 43 4மேடிக் கூப் மாடல் இந்தியாவில் உற்பத்தி செய்யப்பட்டு வெளியாகும் முதல் சீரிஸ் ஆகும். தற்சமயம் மெர்சிடிஸ் நிறுவனம் 19 மாடல்களை சிகேடி முறையில் பூனேவின் சக்கன் ஆலையில் உற்பத்தி செய்து வருகிறது.

இந்தியாவில் மெர்சிடிஸ் பென்ஸ் ஏஎம்ஜி சீரிசில் 43, 53, 63 மற்றும் ஜிடி சீரிஸ் உள்ளிட்ட மாடல்கள் விற்பனை செய்யப்படுகின்றன. இவை வெவ்வேறு பாடி ஸ்டைல்களை கொண்டிருக்கிறது. 

ஆடி இந்தியா நிறுவனம் கடந்த வாரம் கியூ2 மாடலை அறிமுகம் செய்தது. இந்த மாடல் ரூ. 34.99 லட்சம், எக்ஸ்-ஷோரூம் என விலை நிர்ணயம் செய்யப்பட்டது. இந்த மாடல் அறிமுக நிகழ்விலேயே மற்றொரு புதிய மாடல் வெளியீட்டு விவரங்களை ஆடி தெரிவித்தது. 

அந்த வகையில் ஆடி எஸ்5 ஸ்போர்ட்பேக் மாடல் விரைவில் இந்திய சந்தையில் அறிமுகம் செய்யப்பட இருக்கிறது. இது பண்டிகை காலக்கட்டத்தில் அறிமுகமாகும் என எதிர்பார்க்கப்படுகிறது. இதற்கான டீசரும் வெளியிடப்பட்டு உள்ளது.

டீசர்களின் படி புதிய ஆடி எஸ்5 ஸ்போர்ட்பேக் மாடல் பெரிய சிங்கிள் பிரேம் கிரில், எல்இடி டிஆர்எல்கள், ஹெட்லேம்ப்கள், பெரிய அலாய் வீல்கள், ஸ்லோபிங் ரூப்-லைன் மற்றும் பிளாக்டு-அவுட் ORVMகளை கொண்டிருக்கும் என தெரியவந்துள்ளது.

புதிய ஆடி எஸ்5 ஸ்போர்ட்பேக் மாடலில் 3.0 லிட்டர் டர்போ பெட்ரோல் என்ஜின் வழங்கப்படும் என தெரிகிறது. இது 349 பிஹெச்பி பவர், 500 என்எம் டார்க் செயல்திறன் வழங்குகிறது. இத்துட் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படலாம். 

ஹூண்டாய் நிறுவனம் இந்தியாவில் தனது வென்யூ காம்பேக்ட் எஸ்யுவி மாடல் விலையை உயர்த்தி உள்ளது. ஒவ்வொரு வேரியண்ட்டிற்கு ஏற்ப வென்யூ மாடல் விலை ரூ. 5 ஆயிரத்தில் துவங்கி அதிகபட்சம் ரூ. 12 ஆயிரம் உயர்த்தப்பட்டு இருக்கிறது. 

விலை மாற்றம் தவிர காம்பேக்ட் எஸ்யுவி-யின் சில வேரியண்ட்கள் நீக்கப்பட்டு இருக்கின்றன. என்ட்ரி லெவல் ஹூண்டாய் வென்யூ 1.2இ மாடலின் விலை ரூ. 5 ஆயிரம் உயர்த்தப்பட்டு ரூ. 6.75 லட்சம் துவக்க விலையில் விற்பனை செய்யப்படுகிறது. வென்யூ பெரும்பாலான வேரியண்ட்களுக்கு ரூ. 7 ஆயிரம் விலை உயர்த்தப்பட்டு இருக்கிறது.

ஹூண்டாய் வென்யூ டி-ஜிடிஐ டிசிடி எஸ்எக்ஸ் பிளஸ் வேரியண்ட் விலை ரூ. 12 ஆயிரம் வரை உயர்த்தப்பட்டு இருக்கிறது. விலை உயர்வின் படி ஹூண்டாய் வென்யூ மாடல் ரூ. 6.74 லட்சத்தில் துவங்கி டாப் எண்ட் மாடல் விலை ரூ. 11.65 லட்சம் என மாறி இருக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

விலை உயர்வு மட்டுமின்றி ஹூண்டாய் வென்யூ எஸ்எக்ஸ் மற்றும் எஸ்எக்ஸ்(ஒ) டூயல் டோன் வேரியண்ட்களின் விற்பனை நிறுத்தப்பட்டு இருக்கிறது. முன்னதாக வென்யூ மாடல் 24 ட்ரிம்களில் கிடைத்த நிலையில், தற்சமயம் இது 19 ட்ரிம்களில் கிடைக்கிறது.

டிவிஎஸ் மோட்டார் கம்பெனி நிறுவனம் விரைவில் என்டார்க் 125 ஸ்பெஷல் எடிஷன் மாடலை சூப்பர் ஸ்குவாட் எடிஷனை இந்தியாவில் அறிமுகம் செய்து இருக்கிறது. இந்தியாவில் இதன் விலை ரூ. 85,992, எக்ஸ்-ஷோரூம் என நிர்ணயம் செய்யப்பட்டு உள்ளது.

புதிய என்டார்க் 125 சூப்பர் ஸ்குவாட் எடிஷன் மாடலுக்காக டிவிஎஸ் மோட்டார் கம்பெணி டிஸ்னி இந்தியாவுடனான ஒப்பந்தத்தின் கீழ் வெளியிடப்பட்டு இருக்கிறது. இந்த ஸ்பெஷல் எடிஷன் மாடல் மார்வெல் அவெஞ்சர்ஸ் தீமை சார்ந்து வடிவமைக்கப்பட்டு இருக்கிறது.

ஸ்பெஷல் எடிஷன் மாடல் இன்வின்சிபில் ரெட், காம்பேட் புளூ மற்றும் ஸ்டெல்த் பிளாக் என மூன்று வித நிறம் மற்றும் கிராபிக்ஸ் ஆப்ஷன்களில் கிடைக்கிறது. மேலும் இந்த ஸ்கூட்டரில் டிவிஎஸ் ஸ்மார்ட் கனெக்ட் தொழில்நுட்பம் வழங்கப்பட்டு இருக்கிறது. இது கஸ்டம் யுஐ சார்ந்த கதாபாத்திரங்களை கொண்டிருக்கிறது. 

என்டார்க் ஸ்பெஷல் எடிஷன் மாடலிலும் 124சிசி சிங்கிள் சிலிண்டர் ஏர் கூல்டு என்ஜின் கொண்டுள்ளது. இந்த என்ஜின் 9.25 பிஹெச்பி மற்றும் 10.5 என்எம் டார்க் செயல்திறன் வழங்குகிறது.