மொபைல்ஸ்

  

அண்டர் டிஸ்ப்ளே கேமரா கொண்ட மடிக்கக்கூடிய ஸ்மார்ட்போன்கள் பரவலாக வெளியாக துவங்கிவிட்ட நிலையில், பல்வேறு நிறுவனங்களும் இந்த தொழில்நுட்பத்தை வழங்கும் முயற்சியில் ஈடுபட துவங்கி இருக்கின்றன. அந்த வரிசையில், தற்போது ரியல்மி களமிறங்கி இருப்பதாக தெரிகிறது. 

ரியல்மி நிறுவன அதிகாரியின் பதிவில் இதனை உணர்த்தும் தகவல்கள் இடம்பெற்று இருக்கின்றன. அடுத்த ஆண்டு அண்டர் ஸ்கிரீன் கேமரா மற்றும் மடிக்கக்கூடிய தொழில்நுட்பங்கள் புதிய உச்சத்தை தொடும் என ரியல்மி நிறுவன அதிகாரி பதிவிட்டுள்ளார். ரியல்மி இந்த தொழில்நுட்பம் அடங்கய சாதனங்களை அறிமுகம் செய்வதாக எந்த தகவலும் வெளியாகவில்லை.

ரியல்மியின் தாய் நிறுவனமான ஒப்போ வெளிப்புறம் மடிக்கக்கூடிய டிஸ்ப்ளே கொண்ட ஸ்மார்ட்போனினை உருவாக்கும் பணிகளில் ஈடுபட்டு வருகிறது. அந்த வகையில் ரியல்மி நிறுவனமும் இதை போன்ற சாதனத்தை உருவாக்கலாம் என கூறப்படுகிறது. 

ஒருவேளை ஒப்போ மற்றும் ரியல்மி மடிக்கக்கூடிய ஸ்மார்ட்போன்களை அறிமுகம் செய்யும் பட்சத்தில், இரு நிறுவனங்களும் ஏற்கனவே மடிக்கக்கூடிய ஸ்மார்ட்போன்களை உற்பத்தி செய்து வரும் ஹூவாய், சாம்சங் மற்றும் சியோமி நிறுவனங்கள் வரிசையில் இடம்பிடிக்கும்.

சியோமி நிறுவனம் ரெட்மி நோட் 8 ஸ்மார்ட்போனிற்கு ஆண்ட்ராய்டு 11 அப்டேட் வழங்கி வருகிறது. முன்னதாக இதே அப்டேட் சீன சந்தையில் வழங்கப்பட்டு இருந்தது குறிப்பிடத்தக்கது. சியோமி ஸ்மார்ட்போன்களில் ஆண்ட்ராய்டு அப்டேட் அதிகளவு புது அம்சங்களை வழங்குவதில்லை. 

இதனால் புது அப்டேட் ரெட்மி நோட் 8 மாடலில் புது அம்சங்களை கொண்டுவராது. இந்த அப்டேட் 12.0.1.RCOINXM எனும் வெர்ஷன் நம்பர் கொண்டிருக்கிறது. வரும் நாட்களில் இந்த அப்டேட் அனைவருக்கும் கிடைக்கும். புது அப்டேட் செக்யூரிட்டி பேட்ச் உடன் வழங்கப்படுகிறது.

ரெட்மி நோட் 8 ஸ்மார்ட்போன் எம்.ஐ.யு.ஐ. 12.5 அப்டேட் பெற இருக்கிறது. அந்த வகையில், இந்த அப்டேட் வெளியாகும் போது ரெட்மி நோட் 8 மாடலில் ஆண்ட்ராய்டு 11 மற்றும் எம்.ஐ.யு.ஐ. 12.5 வழங்கும் அம்சங்கள் கிடைக்கும்.

சாம்சங் நிறுவனம் கேலக்ஸி ஏ32 ஸ்மார்ட்போனினை (6ஜிபி+128ஜிபி) இந்தியாவில் ரூ. 21,999 துவக்க விலையில் அறிமுகம் செய்து இருந்தது. தற்போது இந்த ஸ்மார்ட்போனின் 8ஜிபி+128ஜிபி மாடல் வெளியாகி இருக்கிறது. புதிய வேரியண்ட் விலை ரூ. 23,499 ஆகும். 

இந்த வேரியண்ட் ஆசம் பிளாக், ஆசம் புளூ மற்றும் ஆசம் வைலட் போன்ற நிறங்களில் கிடைக்கிறது. இந்த ஸ்மார்ட்போன் சாம்சங் வலைதளம், முன்னணி ஆன்லைன் விற்பனை தளங்கள் மற்றும் சில்லறை விற்பனை மையங்களில் கிடைக்கிறது.

அம்சங்களை பொருத்தவரை கேலக்ஸி ஏ32 மாடலில் 6.4 இன்ச் எப்.ஹெச்.டி. பிளஸ் சூப்பர் அமோலெட் இன்பினிட்டி யு டிஸ்ப்ளே, மீடியாடெக் ஹீலியோ ஜி80 பிராசஸர், அதிகபட்சம் 8 ஜிபி ரேம் வழங்கப்படுகிறது.

இத்துடன் ஆண்ட்ராய்டு 11 மற்றும் ஒன் யுஐ 3, புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் கேமரா, 5 எம்பி மேக்ரோ கேமரா, 5 எம்பி டெப்த் லென்ஸ் மற்றும் 20 எம்பி செல்பி கேமரா வழங்கப்பட்டு உள்ளது.

சியோமி நிறுவனம் தனது ரெட்மி நோட் 11டி 5ஜி ஸ்மார்ட்போன் இந்தியாவில் நவம்பர் 30 ஆம் தேதி அறிமுகமாகும் என அறிவித்து இருக்கிறது. இது ஜூலை மாத வாக்கில் அறிமுகம் செய்யப்பட்ட ரெட்மி நோட் 10டி 5ஜி ஸ்மார்ட்போனின் மேம்பட்ட மாடல் ஆகும்.

இதே ஸ்மார்ட்போன் போக்கோ எம்4 ப்ரோ 5ஜி பெயரில் ஐரோப்பிய சந்தையில் அறிமுகம் செய்யப்பட்டது. எனினும், இதன் தோற்றத்தில் சிறு மாற்றம் செய்யப்பட்டது. அம்சங்களை பொருத்தவரை இந்த மாடலில் 6.6 இன்ச் எப்.ஹெச்.டி. பிளஸ் ஸ்கிரீன், 90 ஹெர்ட்ஸ் அடாப்டிவ் ரிப்ரெஷ் ரேட், 16 எம்பி செல்பி கேமரா வழங்கப்படுகிறது.

இத்துடன் மீடியாடெக் டிமென்சிட்டி 810 பிராசஸர், 50 எம்பி+8 எம்பி பிரைமரி கேமரா சென்சார்கள், பக்கவாட்டில் கைரேகை சென்சார், 5000 எம்.ஏ.ஹெச். பேட்டரி, 33 வாட் பாஸ்ட் சார்ஜிங் வழங்கப்படுகிறது. இந்த ஸ்மார்ட்போன் மிஸ்டீரியஸ் பிளாக், மில்கிவே புளூ மற்றும் மிண்ட் கிரீன் நிறங்களில் அறிமுகம் செய்யப்பட்டது. 

மோட்டோரோலா நிறுவனம் இந்திய சந்தையில் பீச்சர் போன் மாடல்களை வெளியிடும் பணிகளில் ஈடுபட்டு வருகிறது. புதிய பீச்சர் போன் மாடல்கள் மோட்டோ ஏ10, மோட்டோ ஏ50 மற்றும் மோட்டோ ஏ70 பெயர்களில் அறிமுகம் செய்யப்படும் என கூறப்படுகிறது.

அம்சங்களை பொருத்தவரை மோட்டோ ஏ10 மற்றும் மோட்டோ ஏ50 மாடல்களில் 1.8 இன்ச் டிஸ்ப்ளே, மீடியாடெக் எம்டி6261டி சிப்செட், ஆட்டோ கால் ரெக்கார்டிங், வயர்லெஸ் எப்.எம். ரேடியோ போன்ற அம்சங்கள் வழங்கப்படுகின்றன.

இத்துடன் புதிய மோட்டோ ஏ சீரிஸ் மாடல்களை ஐந்து இந்திய மொழிகளில் இயக்கும் வசதி வழங்கப்படுகிறது. மோட்டோ ஏ50 பேக் பேனலில் கேமரா மற்றும் டார்ச் வழங்கப்படுகிறது. இந்த அம்சங்கள் மோட்டோ ஏ10 மாடலில் வழங்கப்படவில்லை. இரு மாடல்களிலும் டூயல் சிம் வசதி மற்றும் மைக்ரோ எஸ்.டி. ஸ்லாட் வழங்கப்படுகிறது.

மோட்டோ ஏ70 மாடலில் 2.4 இன்ச் டிஸ்ப்ளே, யுனிசாக் சிப்செட், விஜிஏ கேமரா, எல்.இ.டி. டார்ச் வழங்கப்படுகிறது. இந்த மொபைலில் 100 எஸ்.எம்.எஸ். மற்றும் அதிகபட்சம் 2 ஆயிரம் காண்டாக்ட்களை ஸ்டோர் செய்யும் வசதி வழங்கப்படுகிறது. இத்துடன் போட்டோ மற்றும் காண்டாக்ட்களுக்கு ஐகான்களை பயன்படுத்தும் வசதியும் வழங்கப்படுகிறது.

சியோமி நிறுவனம் ஸ்னாப்டிராகன் 870 பிராசஸர் கொண்ட ஸ்மார்ட்போன் மாடல்களை உருவாக்கி வருவதாக தகவல் வெளியாகி உள்ளது. முதலில் சியோமி பிராண்டிங் கொண்ட ஸ்மார்ட்போனும் அதன்பின் ரெட்மி பிராண்டிங் கொண்ட ஸ்மார்ட்போனும் வெளியிடப்பட இருக்கிறது. இரு மாடல்களும் முதற்கட்டமாக சீனாவில் அறிமுகமாகிறது.

சியோமியின் ஸ்னாப்டிராகன் 870 பிராசஸர் கொண்ட ஸ்மார்ட்போன் 6.7 இன்ச் ஓ.எல்.இ.டி. டிஸ்ப்ளே, வளைந்த எட்ஜ்களை கொண்டிருக்கும் என கூறப்படுகிறது. இத்துடன் 5000 எம்.ஏ.ஹெச். பேட்டரி, 67 வாட் பாஸ்ட் சார்ஜிங் வழங்கப்படலாம் என தெரிகிறது.

புகைப்படங்களை எடுக்க 108 எம்பி அல்லது 50 எம்பி பிரைமரி கேமரா, 20 எம்பி செல்பி கேமரா வழங்கப்படுகிறது. இத்துடன் ஹார்மன் கார்டன் ஸ்பீக்கர்கள், எக்ஸ்-ஆக்சிஸ் மோட்டார் வழங்கப்படும் என கூறப்படுகிறது.

 

போக்கோ நிறுவனம் தனது போக்கோ எம்4 ப்ரோ 5ஜி ஸ்மார்ட்போனினை நவம்பர் 9 ஆம் தேதி சர்வதேச சந்தையில் அறிமுகம் செய்ய இருக்கிறது. இது இந்த ஆண்டு ஜூன் மாதம் அறிமுகம் செய்யப்பட்ட போக்கோ எம்3 ப்ரோ 5ஜி ஸ்மார்ட்போனின் மேம்பட்ட மாடல் ஆகும். இதுதவிர இது ரெட்மி நோட் 11 மாடலின் ரி-பிராண்டு செய்யப்பட்ட ஸ்மார்ட்போன் ஆகும். 

இந்த நிலையில், போக்கோ எம்4 ப்ரோ 5ஜி அம்சங்கள் பற்றிய விவரங்களை போக்கோ தனது அதிகாரப்பூர்வ ட்விட்டர் பக்கத்தில் வெளியிட்டு உள்ளது. அதன்படி இந்த ஸ்மார்ட்போன் 33வாட் பாஸ்ட் சார்ஜிங் வசதி கொண்டிருக்கும் என தெரியவந்துள்ளது. இத்துடன் 6 நானோமீட்டர் சிப்செட் வழங்கப்படுகிறது.

புதிய ஸ்மார்ட்போனில் 6.6 இன்ச் எல்.சி.டி. பேனல் கொண்ட டிஸ்ப்ளே, 16 எம்பி செல்பி கேமரா, அதிகபட்சம் 8 ஜிபி ரேம், 128 ஜிபி மெமரி, மெமரியை கூடுதலாக நீட்டிக்கும் வசதி, 5000 எம்.ஏ.ஹெச். பேட்டரி வழங்கப்படுகிறது.

சியோமியின் ரெட்மி பிராண்டு சமீபத்தில் நோட் 11 சீரிஸ் ஸ்மார்ட்போன்களை சீன சந்தையில் அறிமுகம் செய்தது. ரெட்மி நோட் 11, நோட் 11 ப்ரோ மற்றும் நோட் 11 ப்ரோ பிளஸ் என மூன்று மாடல்கள் ரெட்மி நோட் 11 சீரிசில் அறிமுகமாகி இருக்கிறது.

இன்று ரெட்மி நோட் 11 சீரிஸ் ஸ்மார்ட்போன்களின் விற்பனை சீனாவில் துவங்கியது. இதில் ஒரு மணி நேரத்திற்குள் 5 லட்சத்திற்கும் அதிக யூனிட்கள் விற்கப்பட்டதாக ரெட்மி அறிவித்தது. இதைத் தொடர்ந்து டபுள் 11 விற்பனை துவங்கிய 1 நிமிடம் 45 நொடிகளில் 2 பில்லியன் யுவான்களுக்கும் அதிக மதிப்புள்ள பொருட்களை ரெட்மி விற்பனை செய்தது.

அம்சங்களை பொருத்தவரை ரெட்மி நோட் 11 மாடலில் 6.6 இன்ச் எல்.சி.டி. ஸ்கிரீன், 90 ஹெர்ட்ஸ் ரிப்ரெஷ் ரேட், எப்.ஹெச்.டி. பிளஸ் ஸ்கிரீன், மீடியாடெக் டிமென்சிட்டி 810 5ஜி சிப்செட் வழங்கப்பட்டு இருக்கிறது. ரெட்மி நோட் 11 ப்ரோ மற்றும் ப்ரோ பிளஸ் மாடல்களில் மீடியாடெக் டிமென்சிட்டி 920 5ஜி சிப்செட் வழங்கப்பட்டுள்ளது.

சியோமி 12 ஸ்மார்ட்போன் விவரங்கள் இணையத்தில் லீக் ஆகி உள்ளது. சீனாவின் வெய்போ தளத்தில் சியோமி 12 புகைப்படங்கள் வெளியாகி உள்ளது. தற்போதைய புகைப்படங்களின் படி புதிய சியோமி 12 தோற்றத்தில் நீளமாக காட்சியளிக்கிறது. 

மேலும் சியோமி 12 சிறிய பன்ச் ஹோல் டிசைன், அதிக ஸ்கிரீன்-டு-பாடி ரேஷியோ கொண்டிருக்கும் என கூறப்படுகிறது. இந்த ஸ்மார்ட்போன் பி.ஐ.எஸ். சான்று பெற்று இருக்கிறது. அதன்படி இந்த ஸ்மார்ட்போன் விரைவில் இந்தியாவில் வெளியாகும் என தெரிகிறது. 

முந்தைய தகவல்களின்படி சியோமி 12 ஸ்மார்ட்போன் அடுத்த ஆண்டு துவக்கத்தில் அறிமுகம் செய்யப்படும் என கூறப்பட்டது. இதுதவிர குவால்காம் ஸ்னாப்டிராகன் 898 பிராசஸர் கொண்ட முதல் ஸ்மார்ட்போனாக சியோமி 12 இருக்கும் என கூறப்படுகிறது. இதில் அதிகபட்சம் 12 ஜிபி ரேம், 512 ஜிபி மெமரி, 120 வாட் பாஸ்ட் சார்ஜிங் வழங்கப்படும் என தெரிகிறது.

ரெட்மி பிராண்டின் நோட் 11 ப்ரோ மற்றும் நோட் 11 ப்ரோ பிளஸ் ஸ்மார்ட்போன்கள் நேற்று சீனாவில் நடைபெற்ற விழாவில் அறிமுகம் செய்யப்பட்டன. முன்னதாக சியோமி 11ஐ மற்றும் சியோமி 11ஐ ஹைப்பர்சார்ஜ் ஸ்மார்ட்போன் விவரங்கள் குறியீடுகளில் அம்பலமாகி இருந்தன. 

தற்போது இரு ஸ்மார்ட்போன்களும் ரெட்மி நோட் 11 ப்ரோ சீரிசின் ரி-பிராண்டு செய்யப்பட்ட மாடல்களாக இந்தியாவில் அறிமுகமாகும் என தகவல் வெளியாகி உள்ளது. சர்வேதச சந்தையில் நோட் 11 ப்ரோ சீரிஸ் ரி-பிராண்டு செய்யப்படாது என்றும் கூறப்படுகிறது. 

ரெட்மி நோட் 11 ப்ரோ பிளஸ் மாடலில் 120 வாட் பாஸ்ட் சார்ஜிங் வசதி வழங்கப்பட்டு இருப்பதால் சியோமி 11ஐ ஹைப்பர்சார்ஜ் எனும் பிராண்டிங் பயன்படுத்தப்படுவதாக கூறப்படுகிறது. இதில் உள்ள 120 வாட் பாஸ்ட் சார்ஜிங் வசதி 4500 எம்.ஏ.ஹெச். பேட்டரியை 15 நிமிடங்களில் முழுமையாக சார்ஜ் செய்துவிடும்.

ரெட்மி நோட் 11 ப்ரோ சீரிசுடன் அறிமுகம் செய்யப்பட்ட ரெட்மி நோட் 11 5ஜி மாடல் இந்தியாவில் போக்கோ எம்4 ப்ரோ 5ஜி பெயரில் அறிமுகம் செய்யப்படலாம் என கூறப்படுகிறது. போக்கோ எம்4 ப்ரோ 5ஜி மாடல் சர்வதேச சந்தையில் நவம்பர் 9 ஆம் தேதி அறிமுகமாகிறது.

ரெட்மி பிராண்டு ஏற்கனவே அறிவித்தப்படி ரெட்மி நோட் 11 ப்ரோ மற்றும் ரெட்மி நோட் 11 ப்ரோ பிளஸ் ஸ்மார்ட்போன் மாடல்களை சீனாவில் நடைபெற்ற நிகழ்வில் அறிமுகம் செய்தது. இரு மாடல்களிலும் 6.67 இன்ச் எப்.ஹெச்.டி. பிளஸ் சாம்சங் அமோலெட் டிஸ்ப்ளே, 120 ஹெர்ட்ஸ் ரிப்ரெஷ் ரேட், 1.75 எம்எம் அளவு மெல்லிய பெசல்கள் உள்ளன. 

இதன் பன்ச் ஹோல் ரக டிஸ்ப்ளேவில் 16 எம்பி செல்பி கேமரா வழங்கப்பட்டு இருக்கிறது. மேலும் மீடியாடெக் டிமென்சிட்டி 920 சிப்செட் கொண்ட முதல் ஸ்மார்ட்போன் என்ற பெருமையை ரெட்மி நோட் 11 ப்ரோ சீரிஸ் பெற்று இருக்கிறது. இத்துடன் 8 ஜிபி ரேம், லிக்விட் வி.சி. கூலிங் உள்ளது. 

புதிய நோட் 11 ப்ரோ சீரிசில் உலகின் முதல் ஹாலோகிராபிக் சஸ்பென்ஷன் உற்பத்தி முறை பயன்படுத்தப்பட்டு இருக்கிறது. இத்துடன் டூயல் சூப்பர் லீனியர் ஸ்பீக்கர்கள், டால்பி அட்மோஸ், ஹை-ரெஸ் ஆடியோ, 3.5 எம்எம் ஆடியோ ஜாக், என்.எப்.சி. உள்ளது. ரெட்மி நோட் 11 ப்ரோ மற்றும் நோட் 11 ப்ரோ பிளஸ் மாடல்களில் 108 எம்பி பிரைமரி கேமரா, 8 எம்பி அல்ட்ரா வைடு கேமரா, 2 எம்பி டெலிமேக்ரோ கேமரா வழங்கப்பட்டு இருக்கிறது.

ரெட்மி நோட் 11 ப்ரோ மாடல் 5160 எம்.ஏ.ஹெச். பேட்டரி, 67 வாட் பாஸ்ட் சார்ஜிங் வசதியும், நோட் 11 ப்ரோ பிளஸ் மாடல் 4500 எம்.ஏ.ஹெச். பேட்டரி மற்றும் 120 வாட் பாஸ்ட் சார்ஜிங் வசதியும் கொண்டிருக்கிறது. 

ரெட்மி நோட் 11 ப்ரோ ஸ்மார்ட்போன் மிஸ்டீரியஸ் பிளாக், பாரஸ்ட் கிரீன், டைம்லெஸ் பர்பில் மற்றும் மில்கி வே புளூ நிறங்களில் கிடைக்கிறது. இதன் 6 ஜிபி + 128 ஜிபி விலை 250 டாலர்கள் இந்திய மதிப்பில் ரூ. 18,710, 8 ஜிபி + 128 ஜிபி விலை 296 டாலர்கள், இந்திய மதிப்பில் ரூ. 22,245 என்றும் 8 ஜிபி + 256 ஜிபி விலை 328 டாலர்கள் இந்திய மதிப்பில் ரூ. 24,572 என்றும் நிர்ணயம் செய்யப்பட்டு உள்ளது.

ரெட்மி நோட் 11 ப்ரோ பிளஸ் மாடல் மிஸ்டீரியஸ் பிளாக், பாரஸ்ட் கிரீன் மற்றும் டைம்லெஸ் பர்பில் நிறங்களில் கிடைக்கிறது. இதன் 6 ஜிபி + 128 ஜிபி விலை 296 டாலர்கள் இந்திய மதிப்பில் ரூ. 22,245, 8 ஜிபி + 128 ஜிபி விலை 328 டாலர்கள், இந்திய மதிப்பில் ரூ. 24,572, 8 ஜிபி + 256 ஜிபி 359 டாலர்கள் இந்திய மதிப்பில் ரூ. 26,915 என நிர்ணயம் செய்யப்பட்டு உள்ளது.

போக்கோ எம்4 ப்ரோ 5ஜி ஸ்மார்ட்போன் வெளியீடு ட்விட்டரில் அதிகாரப்பூர்வமாக அறிவிக்கப்பட்டு இருக்கிறது. சர்வதேச சந்தையில் புதிய போக்கோ 5ஜி ஸ்மார்ட்போன் நவம்பர் 9 ஆம் தேதி அறிமுகம் செய்யப்படுகிறது. இது போக்கோ எம்3 ப்ரோ மாடலின் மேம்பட்ட வெர்ஷனாக உருவாகி இருக்கிறது.

புதிய போக்கோ ஸ்மார்ட்போன் வெளியீட்டை உறுதிப்படுத்தும் டீசரில் அதன் அம்சங்கள் குறித்து எந்த தகவலும் இடம்பெறவில்லை. முன்னதாக இந்த ஸ்மார்ட்போனின் விவரங்கள் கீக்பென்ச் வலைதளத்தில் இடம்பெற்று இருந்தது. அதன்படி போக்கோ ஸ்மார்ட்போன் 21091116ஏசி எனும் மாடல் நம்பர் கொண்டிருக்கிறது.

இந்த ஸ்மார்ட்போன் மீடியாடெக் டிமென்சிட்டி 700 பிராசஸர் கொண்டிருக்கும் என குறிப்பிடப்பட்டு இருக்கிறது. முந்தைய போக்கோ எம்3 ப்ரோ மாடலிலும் இதே பிராசஸர் வழங்கப்பட்டு இருந்தது. அந்த வகையில் போக்கோ எம்4 ப்ரோ 5ஜி மாடலின் விலையும் முந்தைய மாடலை போன்றே நிர்ணயம் செய்யப்படலாம் என தெரிகிறது.

மற்ற அம்சங்களை பொருத்தவரை போக்கோ எம்4 ப்ரோ மாடலில் அதிகபட்சம் 8 ஜிபி ரேம், ஆண்ட்ராய்டு 11 ஓ.எஸ்., 5ஜி கனெக்டிவிட்டி, 4 ஜிபி+64 ஜிபி மற்றும் 6 ஜிபி+128 ஜிபி என இருவித மெமரி ஆப்ஷன்களில் கிடைக்கும் என தெரிகிறது.