மொபைல்ஸ்

கூகுள் பிக்சல் 10 சீரிஸ் ஸ்மார்ட்போன்கள் ஆகஸ்ட் 20 ஆம் தேதி அறிமுகப்படுத்தப்பட உள்ளது. அறிமுகத்திற்கு முன்னதாக, வரவிருக்கும் போன்களின் விலை உட்பட பல தகவல்கள் வெளியாகி உள்ளன. சமீபத்திய அறிக்கைகள் ஸ்மார்ட்போன்களின் எதிர்பார்க்கப்படும் வண்ண விருப்பங்களையும் பரிந்துரைத்துள்ளன.

புதிய ஸ்மார்ட்போன் சீரிசில் பேஸ் மாடலான பிக்சல் 10 புதிய ரெண்டர்கள் ஆன்லைனில் வெளிவந்துள்ளன, அவை புதுப்பிக்கப்பட்ட கேமரா ஐலேண்ட் மற்றும் புதிய வண்ண விருப்பங்களைக் காட்டுகின்றன. பிக்சல் 9 இல் காணப்படுவது போல் இரட்டை பின்புற கேமரா அமைப்பிற்கு பதிலாக, வரவிருக்கும் பிக்சல் 10 டெலிஃபோட்டோ சென்சார் கொண்ட மூன்று பின்புற கேமரா யூனிட்டைக் கொண்டிருக்கும் என்று கூறப்படுகிறது.

கூகுள் பிக்சல் 10 வடிவமைப்பு ரெண்டர்கள்

கூகுள் பிக்சல் 10 ஸ்மார்ட்போனின் வடிவமைப்பு ரெண்டர்களை ஆண்ட்ராய்டு ஹெட்லைன்ஸ் பகிர்ந்துள்ளது. அதிகாரப்பூர்வமாகத் தோன்றும் ரெண்டர்கள் இண்டிகோ, ஃப்ரோஸ்ட், லிமோன்செல்லோ மற்றும் அப்சிடியன் என சந்தைப்படுத்தப்படும் நான்கு வண்ண விருப்பங்களை பரிந்துரைக்கின்றன.

இதுவரை வெளியான தகவலில், பிக்சல் 10 ஸ்மார்ட்போனில் உள்ள கேமரா ஐலேண்ட், பிக்சல் 9 மாடலில் உள்ளதைப் போலவே தெரிகிறது. இருப்பினும், இரண்டு சென்சார்களுக்குப் பதிலாக, கசிந்த பிக்சல் 10 வடிவமைப்பு ரெண்டர், மூன்று கேமராக்கள் கொண்ட அமைப்பைக் காட்டுகிறது. சேர்க்கப்பட்ட மூன்றாவது கேமரா ஒரு டெலிஃபோட்டோ சென்சாராக இருக்கும் என்று எதிர்பார்க்கப்படுகிறது. கூகுள் அதன் முந்தைய மாடலை விட பிக்சல் 10 இல் சிறிய கேமரா சென்சார்களைப் பயன்படுத்தும் என்று எதிர்பார்க்கப்படுகிறது.

கூகுள் பிக்சல் 10 ஸ்மார்ட்போனில் 48MP பிரைமரி கேமரா மற்றும் 12MP அல்ட்ரா-வைடு சென்சார் இருக்கும் என்று எதிர்பார்க்கப்படுகிறது. இவை பிக்சல் 9a இல் பயன்படுத்தப்படும் அதே சென்சார்களாக இருக்கும் என்று கூறப்படுகிறது . இதற்கிடையில், மூன்றாவதாக 10.8MP டெலிஃபோட்டோ சென்சார், பிக்சல் 9 ப்ரோ ஃபோல்டில் பயன்படுத்தப்படும் அதே கேமராவாக இருக்கும் என்று கூறப்படுகிறது.

பிக்சல் 10 சீரிஸ் ஸ்மார்ட்போன்கள் ஆகஸ்ட் 20 ஆம் தேதி மேட் பை கூகுள் நிகழ்வில் வெளியிடப்படும். பிக்சல் 10 மாடலுடன், வரிசையில் பிக்சல் 10 ப்ரோ, 10 ப்ரோ எக்ஸ்எல் மற்றும் 10 ப்ரோ ஃபோல்ட் மாடல்களும் அடங்கும் என்று எதிர்பார்க்கப்படுகிறது.

லாவா பிளேஸ் டிராகன் ஜூலை மாதம் இந்தியாவில் அறிமுகம் செய்யப்படுவது உறுதி செய்யப்பட்டுள்ளது. குறிப்பாக, லாவா பிளேஸ் AMOLED 2 அதே மாதத்தில் நாட்டில் வெளியிடப்படும் என்று நிறுவனம் தெரிவித்துள்ளது. லாவா பிளேஸ் டிராகனின் வெளியீட்டு தேதி அதன் வடிவமைப்பு மற்றும் கிடைக்கும் விவரங்களுடன் அறிவிக்கப்பட்டுள்ளது.

இதற்கிடையில், லாவா பிளேஸ் டிராகனுக்கான கசிந்த விவரங்கள் ஆன்லைனில் வெளியாகியுள்ளன. இது அதன் முக்கிய எதிர்பார்க்கப்படும் அம்சங்களைக் குறிக்கிறது. லாவா பிளேஸ் AMOLED 2 வெளியீட்டு தேதி இன்னும் உறுதிப்படுத்தப்படவில்லை.

புதிய லாவா பிளேஸ் டிராகன் ஜூலை 25 ஆம் தேதி மதியம் 12 மணிக்கு இந்தியாவில் அறிமுகம் செய்யப்படும் என்று அமேசான் மைக்ரோசைட் உறுதிப்படுத்துகிறது. இந்த ஸ்மார்ட்போன் நாட்டில் அமேசான் வலைதளத்தில் விற்பனைக்கு கிடைக்கும் என்பதை இது குறிக்கிறது.

இந்த ஸ்மார்ட்போன் செவ்வக வடிவிலான இரட்டை பின்புற கேமரா பம்ப் தங்க நிறத்தில் காட்டப்பட்டுள்ளது. இதில் 50MP AI வசதி கொண்ட பிரைமரி கேமரா வழங்கப்படுகிறது. இந்த ஸ்மார்ட்போன் ஸ்னாப்டிராகன் 4 ஜென் 2 SoC மூலம் இயக்கப்படும் என்றும் 128 ஜிபி UFS 3.1 மெமரி கொண்டிருக்கும் என்று தகவல் வெளியாகி உள்ளது. இந்த ஸ்மார்ட்போன் ஸ்டாக் ஆண்ட்ராய்டு 15 உடன் கிடைக்கும் என்று கூறப்படுகிறது.

லாவா பிளேஸ் டிராகன் 4 ஜிபி ரேம், 128ஜிபி மெமரி மற்றும் 6 ஜிபி ரேம், 128 ஜிபி மெமரி ஆப்ஷன்களில் கிடைக்கும் என்று தெரிகிறது. புகைப்படங்களை எடுக்க முன்பக்கத்தில் 8MP சென்சார் வழங்கப்படும் என்று தெரிகிறது. மேலும், இதில் 18W வயர்டு சார்ஜிங் ஆதரவுடன் 5,000mAh பேட்டரியைக் கொண்டிருக்கும் என்று கூறப்படுகிறது.

ஐபோன் 17 சீரிஸ் மாடல்கள் விரைவில் அறிமுகம் செய்யப்பட உள்ளன. இந்த நிலையில், புதிய ஐபோன்கள் பற்றிய விவரங்கள் தொடர்ச்சியாக இணையத்தில் வெளியாகி வருகிறது. வருகிற செப்டம்பர் மாதம் ஆப்பிள் நிறுவனம் ஐபோன் 17, ஐபோன் 17 ஏர், ஐபோன் 17 ப்ரோ மற்றும் ஐபோன் 17 ப்ரோ மேக்ஸ் என நான்கு மாடல்களை அறிமுகம் செய்ய இருக்கிறது.

இந்த நிலையில், புதிய ஐபோன்களின் வண்ண விருப்பங்கள் குறித்து சமீபத்தில் பல தகவல்கள் வந்துள்ளன. இப்போது, ஒரு புதிய அறிக்கை இந்த தகவல்களை உறுதிப்படுத்துகிறது. இதில் ஐபோன் 17 ப்ரோ மாடல் நான்கு வண்ண விருப்பங்களை கொண்டிருக்கும் என்று தெரிவித்துள்ளது. புதிய மாடல்கள் ஆப்பிள் சாதனத்திற்கான பிளாக் மற்றும் வைட் என பாரம்பரிய வண்ணங்களைத் தக்க வைத்துக் கொள்ளும் என்று எதிர்பார்க்கப்படுகிறது.

பிரபல டிப்ஸ்டர் மஜின் பு வெளியிட்டுள்ள சமீபத்திய வலைப்பதிவில், ஐபோன் 17 ப்ரோ பிளாக், டார்க் புளூ, ஆரஞ்சு மற்றும் சில்வர் வண்ணங்களில் அறிமுகம் செய்யப்படும் என்று குறிப்பிட்டு இருக்கிறார். இத்துடன் புதிய ஐபோன்களின் ரெண்டர்களையும் பகிர்ந்துள்ளார். இதில் பிளாக் மற்றும் வைட் நிறங்கள் ஐபோன் 16 ப்ரோ சீரிசின் பிளாக் டைட்டானியம் மற்றும் வைட் டைட்டானியம் வண்ணங்களை ஒத்தி உள்ளன.

டார்க் புளூ ஐபோன் 15 ப்ரோவின் ப்ளூ டைட்டானியம் நிறத்தால் ஈர்க்கப்பட்டதாகத் தெரிகிறது. ஐபோன் 17 ப்ரோ மாதிரிகள் புதிய பெரிய கேமரா பார் வடிவமைப்பை LED ஃபிளாஷ் மற்றும் LiDAR சென்சார் வலது பக்கத்தில் அமைக்கப்பட்டிருப்பதைக் காட்டுகின்றன.

நான்கு வண்ணங்களுக்கு கூடுதலாக, ஆப்பிள் மற்றொரு நிறத்தை சோதித்து வருவதாக மஜின் பு கூறுகிறார். இருப்பினும் இது எந்த சாதனத்திற்காக வடிவமைக்கப்பட்டுள்ளது என்பது தெளிவாகத் தெரியவில்லை. ஐபோன் 17 ப்ரோவின் அலுமினியம் ஃபிரேமை பூர்த்தி செய்ய புதிய வண்ணங்கள் வடிவமைக்கப்பட்டுள்ளன என்று டிப்ஸ்டர் கூறினார்.

சமீபத்திய அறிக்கையின்படி, ஐபோன் 17 ப்ரோ மற்றும் ஐபோன் 17 ஐபோன் ப்ரோ மேக்ஸ் ஸ்மார்ட்போன்கள் பிளாக், டார்க் புளூ, கிரே, ஆரஞ்சு மற்றும் வைட் என ஐந்து வண்ணங்களில் கிடைக்கும் என தெரிவிக்கப்பட்டுள்ளது. ஐபோன் 17 ஸ்மார்ட்போன் பிளாக், கிரீன், லைட் புளூ, பர்பில், ஸ்டீல் கிரே மற்றும் வைட் என ஆறு வண்ணங்களில் கிடைக்கும் என்றும், ஐபோன் 17 ஏர் ஸ்மார்ட்போன் பிளாக், லைட் புளூ, லைட் கோல்டு மற்றும் வைட் நிறங்களில் கிடைக்கும் என்று கூறப்படுகிறது.

ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஆகியவை ஐபோன் 17 மற்றும் ஐபோன் 17 ஏர் மாடல்களுடன் செப்டம்பர் மாதத்தின் முதல் வாரத்தில் அறிமுகம் செய்யப்படலாம்.

விவோ Y400 5ஜி ஸ்மார்ட்போன் வருகிற ஆகஸ்ட் மாதம் இந்திய சந்தையில் அறிமுகம் செய்யப்படும் என்று கூறப்படுகிறது. கடந்த ஜூன் 20-ம் தேதி விவோ நிறுவனம் Y400 ப்ரோ 5ஜி ஸ்மார்ட்போனினை இந்தியாவில் அறிமுகம் செய்த நிலையில், கிட்டத்தட்ட ஒரு மாத இடைவெளியில் புதிய ஸ்மார்ட்போன் தொடர்பான தகவல் வெளியாகி உள்ளது.

இந்த ப்ரோ-அல்லாத மாடலின் வெளியீட்டிற்கு முன்னதாக, அதன் இந்திய விலை மற்றும் ஸ்மார்ட்போனின் சாத்தியமான வண்ணங்கள் ஆன்லைனில் கசிந்துள்ளன. இது ஒரு மிட்-ரேஞ்ச் ஸ்மார்ட்போன் மாடல் என்று கூறப்படுகிறது, அதன் ப்ரோ-மாடலை விட ஒப்பீட்டளவில் குறைந்த விலை கொண்டது. இருப்பினும், சீன ஸ்மார்ட்போன் உற்பத்தியாளர் விவோ Y400 5ஜி மாடலின் வெளியீட்டு தேதியை இன்னும் வெளியிடவில்லை.

புதிய ஸ்மார்ட்போன் தொடர்பாக 91மொபைல்ஸ் வெளியிட்டுள்ள தகவல்களின் படி , விவோ Y400 5ஜி ஸ்மார்ட்போனின் விலை இந்தியாவில் ரூ. 20,000 வரம்பிற்குள் நிர்ணயம் செய்யப்படலாம். இந்த ஸ்மார்ட்போன் மிட் ரேஞ்ச் மாடலாக இருக்கும் என்று கூறப்படுகிறது.

இந்த ஸ்மார்ட்போனின் 8 ஜிபி ரேம், 128 ஜிபி மெமரி மாடலை ரூ. 24,999 விலையில் அறிமுகம் செய்யப்படும் என்று கூறப்படுகிறது. இந்த ஸ்மார்ட்போனின் 8 ஜிபி ரேம், 256 ஜிபி மெமரி மாடல் விலை ரூ. 26,999 என நிர்ணயம் செய்யப்படலாம்.

விவோ Y400 5ஜி ஸ்மார்ட்போன் ஆலிவ் கிரீன் மற்றும் கிளாம் ஒயிட் வண்ணங்களில் கிடைக்கும் என்று கூறப்படுகிறது. இதற்கு மாறாக, விவோ Y400 ப்ரோ 5ஜி ஸ்மார்ட்போன் ஃப்ரீஸ்டைல் ஒயிட், ஃபெஸ்ட் கோல்ட் மற்றும் நெபுலா பர்பிள் வண்ண விருப்பங்களில் வழங்கும் என்று தெரிகிறது.

விவோ Y400 5ஜி அம்சங்கள்:

விவோ Y400 5ஜி ஸ்மார்ட்போன் 120Hz ரிப்ரெஷ் ரேட் கொண்ட AMOLED டிஸ்ப்ளே கொண்டிருக்கும் என்று கூறப்படுகிறது. விவோ Y400 ப்ரோ 5ஜி மாடலில் 6.77-இன்ச் Full-HD+ 3D Curved AMOLED ஸ்கிரீன் கொண்டுள்ளது. இதுவும் 120Hz ரிப்ரெஷ் ரேட் மற்றும் 4,500 nits பீக் பிரைட்னஸ் கொண்டிருக்கும் என தெரிகிறது.

இந்த ஸ்மார்ட்போன் மீடியாடெக் டிமென்சிட்டி 7300 பிராசஸர், 8 ஜிபி LPDDR4X ரேம், 256 ஜிபி UFS 3.1 மெமரி கொண்டிருக்கும் என்று கூறப்படுகிறது. கேமராவை பொறுத்தவரை, இந்த ஸ்மார்ட்போன் 50MP சோனி IMX882 பிரைமரி கேமரா, 2MP லென்ஸ் மற்றும் 32MP செல்ஃபி கேமரா வழங்கப்படுகிறது.

விவோ Y400 ப்ரோ 5ஜி மாடலில் செயற்கை நுண்ணறிவு (AI) அம்சங்களுடன் வரும் என்று தெரிகிறது. இந்த ஸ்மார்ட்போன் 90W வயர்டு ஃபாஸ்ட் சார்ஜிங் வசதியுடன் 5,500mAh பேட்டரி கொண்டிருக்கும் என்று கூறப்படுகிறது.

இந்தியாவில் ஐபோன் 16 பேஸ் வேரியண்ட் 128 ஜிபி மாடல் இந்திய சந்தையில் ரூ. 79,900 விலையில் அறிமுகம் செய்யப்பட்டது. ப்ளிப்கார்ட் தளத்தின் தற்போதைய "GOAT SALE 2025"-ல் இப்போது ரூ. 69,999 விலையில் வாங்கலாம்.

அமேசான் வலைதளத்திலும் இந்த ஸ்மார்ட்போனுக்கு தள்ளுபடி வழங்கப்படுகிறது. இந்த சலுகைகள் நாட்டில் குறிப்பிட்ட காலத்திற்கு மட்டுமே வழங்கப்படும் என்று தெரிகிறது. குறிப்பிடத்தக்க வகையில், ஐபோன் 16 ஸ்மார்ட்போனின் 256 ஜிபி மற்றும் 512 ஜிபி மெமரி வேரியண்ட்களிலும் கிடைக்கிறது. இந்த ஸ்மார்ட்போன் கடந்த ஆண்டு செப்டம்பர் மாதம் ஐபோன் 16 பிளஸ், ஐபோன் 16 ப்ரோ மற்றும் ஐபோன் 16 ப்ரோ மேக்ஸ் மாடல்களுடன் அறிமுகம் செய்யப்பட்டது.

தள்ளுபடி விவரங்கள்:

ஐபோன் 16 இன் 128 ஜிபி விலை தற்போது பிளிப்கார்ட்டில் ரூ. 69,999 ஆகக் குறைக்கப்பட்டுள்ளது . இது ரூ. 79,900 வெளியீட்டு விலையை விட ரூ. 9,901 குறைவாகும். ரூ. 89,900க்கு அறிமுகப்படுத்தப்பட்ட 256 ஜிபி வேரியண்ட் தற்போது ரூ. 81,999க்கு கிடைக்கிறது. மேலும் ரூ. 1,09,900க்கு வெளியிடப்பட்ட 512 ஜிபி விருப்பம் ரூ. 99,999க்கு விற்பனைக்கு வருகிறது.

தள்ளுபடி மட்டுமின்றி ஐபோனின் விலையை மேலும் குறைக்க வாடிக்கையாளர்கள் ரூ. 3,000 மதிப்புள்ள கூடுதல் வங்கிச் சலுகைகளைப் பெறலாம்.

இதற்கிடையில், அமேசான் தளத்தில், ஐபோன் 16 தற்போது ரூ. 73,500க்கு விற்பனை செய்யப்படுகிறது. இது அதன் அறிமுக விலையை விட ரூ. 6,400 குறைவு ஆகும். 256 ஜிபி மற்றும் 512 ஜிபி பதிப்புகள் முறையே ரூ. 83,500 மற்றும் ரூ. 99,900 விலையில் கிடைக்கின்றன. குறைக்கப்பட்ட விலைகளுடன், ஐபோன் வாங்குபவர்கள் கூடுதல் வங்கி தள்ளுபடி, எக்சேஞ்ச் மற்றும் கேஷ்பேக் சலுகைகளையும் பெறலாம்.

ஐபோன் 16 அம்சங்கள்:

ஐபோன் 16 மாடல் 6.1-இன்ச் சூப்பர் ரெடினா XDR OLED டிஸ்ப்ளே, 2,000 நிட்ஸ் வரை பீக் பிரைட்னஸ் மற்றும் செராமிக் ஷீல்ட் பாதுகாப்பை கொண்டுள்ளது. இது A18 சிப்செட் மூலம் இயக்கப்படுகிறது. மேலும் iOS 18 உடன் வருகிறது. கேமராவை பொருத்தவரை, இது 48MP பிரைமரி சென்சார் மற்றும் பின்புறத்தில் 12MP அல்ட்ராவைடு லென்ஸ் கொண்டுள்ளது. இது முன்பக்கத்தில் 12MP TrueDepth சென்சாரைப் பெறுகிறது.

இந்த ஐபோன் மாடலில் IP68 தரச்சான்று பெற்ற வாட்டர், டஸ்ட் ரெசிஸ்டண்ட் வசதி கொண்டுள்ளது. கனெக்டிவிட்டிக்கு 5ஜி, 4ஜி LTE, வைபை 6E, ப்ளூடூத், GPS, NFC மற்றும் யுஎஸ்பி டைப்-சி கொண்டிருக்கிறது.

சாம்சங் நிறுவனம் சமீபத்தில் எக்சைனோஸ் 1380 பிராசஸர், 5,000mAh பேட்டரி கொண்ட கூடிய கேலக்ஸி M36 5ஜி ஸ்மார்ட்போனினை அறிமுகம் செய்தது. இதனை தொடர்ந்து, தென் கொரிய தொழில்நுட்ப நிறுவனமான சாம்சங் தனது அடுத்த ஸ்மார்ட்போனை அறிமுகப்படுத்தத் தயாராகி வருகிறது. அதன்படி சாம்சங் நிறுவனம் கேலக்ஸி F36 5ஜி ஸ்மார்ட்போனினை விரைவில் இந்தியாவில் அறிமுகப்படுத்தப்படுவது உறுதி செய்யப்பட்டுள்ளது.

பிளிப்கார்ட் வலைத்தளத்தில் ஒரு விளம்பர வலைப்பக்கம் இந்த ஸ்மார்ட்போனிற்காக உருவாக்கப்பட்டு இருப்பது, இதன் வெளியீட்டை உறுதிப்படுத்தியுள்ளது. இந்த ஸ்மார்ட்போன் சமீபத்தில் கூகுள் பிளே கன்சோல் தரவுத்தளத்திலும் காணப்பட்டது. இதில் அதன் வடிவமைப்பு மற்றும் சில ஹார்டுவேர் அம்சங்கள் வழங்கப்படலாம் என்று பரிந்துரைக்கப்பட்டது.

பிளிப்கார்ட் வலைத்தளத்தில் வெளியிடப்பட்டு இருக்கும் பேனர் விளம்பரத்தில் சாம்சங் கேலக்ஸி F36 5ஜி ஸ்மார்ட்போன் விரைவில் இந்தியாவில் அறிமுகம் செய்யப்படும் என்பதை உறுதிப்படுத்தியுள்ளது. ஆர்வமுள்ள நுகர்வோர் இ-காமர்ஸ் தளத்தின் வலைத்தளம் வழியாக சாம்சங்கின் அடுத்த F-சீரிஸ் ஸ்மார்ட்போனைப் பெற முடியும்.

தற்போது ஸ்மார்ட்போன் வெளியீடு மட்டும் உறுதிப்படுத்தப்பட்டு இருக்கும் நிலையில், சரியான வெளியீட்டு தேதி, அதன் அசங்கள் மற்றும் இதர விவரங்கள் எதுவும் வெளியிடப்படவில்லை.

கேலக்ஸி F36 5ஜி எதிர்பார்க்கப்படும் அம்சங்கள்:

புதிய சாம்சங் கேலக்ஸி F-சீரிஸ் ஸ்மார்ட்போன் செயற்கை நுண்ணறிவு (AI) அம்சங்களுடன் வரக்கூடும். கேலக்ஸி F36 5ஜி ஸ்மார்ட்போனிற்கான பேனர் விளம்பரத்தில் "Flex HI-FAI" என்ற டேக்லைன் இடம்பெற்றுள்ளது, அதில் AI எழுத்துக்கள் வேறு நிறத்தில் சிறப்பிக்கப்பட்டுள்ளன. இடது பக்கத்தில் சிம் கார்டு ஸ்லாட் உடன் இந்த ஸ்மார்ட்போன் வரும் என்பதையும் பேனர் காட்டுகிறது. தோற்றத்தில் இந்த ஸ்மார்ட்போன் ஒப்பீட்டளவில் மெல்லிய வடிவமைப்பு, செங்குத்தாக சீரமைக்கப்பட்ட பின்புற கேமரா பம்ப் வழங்கப்படுவது உறுதியாகி இருக்கிறது.

சமீபத்தில், சாம்சங் நிறுவனத்தின் வரவிருக்கும் F-சீரிஸ் ஸ்மார்ட்போனும் கூகுள் பிளே கன்சோல் தரவுத்தளத்தில் காணப்பட்டது. இது ஸ்மார்ட்போனின் வடிவமைப்பு மற்றும் முக்கிய அம்சங்களைக் காட்டியது. கேலக்ஸி F36 5ஜி ஸ்மார்ட்போனின் முன்புறத்தில் செல்ஃபி கேமராவை வைக்க ஒரு ஐ-டிராப் நாட்ச் கொண்டிருக்கலாம் என்று தெரிகிறது.

இந்தப் பட்டியலில் சாம்சங் கேலக்ஸி F36 ஸ்மார்ட்போனில் குறைந்தபட்சம் 6 ஜிபி ரேமுடன் இணைக்கப்பட்ட எக்சைனோஸ் 1380 சிப்செட் மூலம் இயக்கப்படலாம் என்பதையும் சுட்டிக்காட்டியுள்ளது. இந்த ஸ்மார்ட்போன் ஆண்ட்ரய்டு 15 சார்ந்த ஒன் யுஐ 7 உடன் இயங்கும் என்று கூறப்படுகிறது.

ஒப்போ K13 Turbo சீரிஸ் வருகிற 21-ந்தேதி சீனாவில் அறிமுகம் செய்யப்படும் என்று அந்நிறுவனம் சமூக வலைதள பதிவின் மூலம் உறுதிப்படுத்தியுள்ளது. இந்த அறிவிப்புடன், புதிய ஸ்மார்ட்போன்களின் வெப்பத்தை கட்டுப்படுத்த பிரைமரி கேமராவின் கீழ் கூலிங் ஃபேன் வழங்கப்படலாம் என்பதைக் காட்டும் விளம்பர வீடியோவையும் நிறுவனம் வெளியிட்டுள்ளது.

புதிய ஸ்மார்ட்போன் PLE110 என்ற மாடல் எண்ணுடன் கீக்பென்ச் வலைத்தளத்திலும் ஸ்மார்ட்போன் ஒன்று காணப்பட்டதாக கூறப்படுகிறது. ஸ்மார்ட்போனின் Pro அல்லாத வேரியண்ட் மீடியாடெக் டிமென்சிட்டி 8450 பிராசஸர் கொண்டிருக்கும் என்று முன்பு கூறப்பட்டது. அதே நேரத்தில் ப்ரோ வேரியண்ட் ஸ்னாப்டிராகன் 8s Gen 4 சிப்செட் உடன் வரலாம்.

ஸ்மார்ட்போன் உற்பத்தியாளரான ஒப்போ, சீன சமூக வலைதளமான வெய்போவில், வருகிற 21 ஆம் தேதி ஒப்போ K13 Turbo சீரிசை வெளியிடுவதாகப் பதிவிட்டுள்ளது. இருப்பினும், ஸ்மார்ட்போன்களின் விலை மற்றும் அதன் உலகளாவிய வெளியீடு குறித்த விவரங்களை நிறுவனம் வெளியிடவில்லை.

வீடியோவின் படி, ஒப்போ K13 Turbo சீரிசில் வெப்பநிலையைக் கட்டுப்படுத்த பிரைமரி கேமராவின் கீழ் RGB விளக்குகள் பொருத்தப்பட்ட டர்போ விசிறி இருக்கும்.

ஒப்போK13 Tubro சீரிஸ் எதிர்பார்க்கப்படும் அம்சங்கள்:

PLE110 என்ற மாடல் எண்ணைக் கொண்ட ஒரு ஒப்போ ஸ்மார்ட்போன் சமீபத்தில் கீக்பென்ச் தளத்தில் பட்டியலிடப்பட்டது . இது குறித்து ஃபோன்அரினா வெளியிட்டுள்ள அறிக்கையில், இந்த ஸ்மார்ட்போன் ஒப்போ K13 Turbo சீரிசில் உள்ள ஸ்மார்ட்போன்களில் ஒன்றாகும். இந்த ஸ்மார்ட்போன் சிங்கில்-கோர் செயல்திறனில் 2176 மதிப்பெண்களையும் மல்டி-கோர் செயல்திறனில் 6618 மதிப்பெண்களையும் பெற்றது.

மேலும், இந்த ஸ்மார்ட்போன் ஆண்ட்ராய்டு 15 சார்ந்த ஓஎஸ் கொண்டிருக்கும் என்று தெரிகிறது. மேலும் 16GB RAM உடன் இணைக்கப்பட்ட ARM ARMv8 ஆக்டா-கோர் SoC உடன் சோதிக்கப்பட்டது. சமீபத்தில், ஒப்போ K13 Turbo சீரிஸ் ஸ்மார்ட்போன்களின் முக்கிய அம்சங்கள் ஆன்லைனில் கசிந்தன.

ஒப்போ K13 Turbo ஸ்மார்ட்போன் மீடியாடெக் டிமென்சிட்டி 8450 பிராசஸரை பயன்படுத்தும் என எதிர்பார்க்கப்படுகிறது. அதே நேரத்தில் ஒப்போK13 Turbo Pro ஸ்மார்ட்போன் ஸ்னாப்டிராகன் 8s Gen 4 சிப்செட்டுடன் வரும் என்று தெரிகிறது.

இரண்டு ஸ்மார்ட்போன்களும் 50MP பிரைமரி கேமரா, 2MP சென்சார் கொண்ட இரட்டை பின்புற கேமரா அமைப்பைப் பெறும் என்று கூறப்படுகிறது. முன்பக்கத்தில், இரண்டு ஸ்மார்ட்போன்களும் 16MP செல்ஃபி கேமராவைப் பெறும் என்று எதிர்பார்க்கப்படுகிறது.

சமீபத்தில் அறிமுகம் செய்யப்பட்ட நத்திங் போன் 3 மாடல் ஜூலை 15 முதல் இந்தியாவில் விற்பனைக்கு கிடைக்கும். இருப்பினும், நிறுவனம் இந்தியாவிற்கான பிரத்யேக டிராப் நிகழ்வை அறிவித்துள்ளது. இது வாடிக்கையாளர்களுக்கு ஸ்மார்ட்போனின் அனுபவத்தை முன்கூட்டியே வழங்கும்.

இதுதவிர அதன் அதிகாரப்பூர்வ விற்பனைக்கு முன்னதாக ஸ்மார்ட்போனை வாங்கவும் வாய்ப்பளிக்கும். பெங்களூருவில் நடைபெற உள்ள நிகழ்வில் நத்திங் போன் 3 மாடலை வாங்கும் முதல் 100 வாடிக்கையாளர்களுக்கு ஸ்மார்ட்போனுடன் அறிமுகம் செய்யப்பட்ட ஹெட்ஃபோன் 1 மாடலை இலவசமாக பெற முடியும்.

சலுகை விவரங்கள்:

ஜூலை 12-ம் தேதி (நாளை) மாலை 7 மணிக்கு பெங்களூருவின் யுபி சிட்டியில் நத்திங் போன் 3 மாடலுக்கான இந்தியாவிற்கான பிரத்யேக டிராப் நிகழ்வு நடைபெற இருக்கிறது. முதலில் வருபவர்களுக்கு முன்னுரிமை என்ற அடிப்படையில் நுழைவு வழங்கப்படும்.

புதிய ஃபிளாக்ஷிப் ஸ்மார்ட்போன் வாங்குவதற்கு முன்பு, அதன் அனைத்து அம்சங்களையும் அனுபவிக்கவும், அதை நேரடியாகப் பயன்படுத்தவும் விருந்தினர்களுக்கு நத்திங் போன் 3 இந்தியா டிராப் நிகழ்வு வாய்ப்பளிக்கும். இதுமட்டுமின்றி அவர்கள் ஒரு போட்டியிலும் பங்கேற்கலாம்.

அதைத் தொடர்ந்து அதிர்ஷ்டசாலி வெற்றியாளர்கள் ரூ. 21,999 மதிப்புள்ள நத்திங் ஹெட்ஃபோன் 1 ஐ வெல்லும் வாய்ப்பைப் பெறுவார்கள். இந்த நிகழ்வின் மிகப்பெரிய சிறப்பம்சம் நத்திங் போன் 3 கிடைப்பதுதான்.

இந்தியாவிலும் உலக சந்தைகளிலும் விற்பனைக்கு வருவதற்கு முன்பு விருந்தினர்கள் இந்த போனை வாங்க வாய்ப்பு கிடைக்கும். இது காத்திருப்புப் பட்டியல்களுக்குப் பதிவு செய்வதையோ அல்லது கைபேசியை முன்கூட்டியே ஆர்டர் செய்வதையோ நீக்குகிறது என்று நிறுவனம் தெரிவித்துள்ளது.

நத்திங் நிறுவனம் தனது புதிய ஸ்மார்ட்போனுக்கான டிராப் நிகழ்வை நடத்துவது இது முதல் முறை அல்ல. கடந்த ஆண்டு, இந்தியாவில் தேர்ந்தெடுக்கப்பட்ட இடங்களில் நத்திங் போன் 2a மாடலுக்கும் டிராப் சலுகையை நத்திங் அறிவித்தது.

கடந்த மார்ச் மாதத்தில் நத்திங் போன் 3a சீரிசுக்கான வெளியீட்டு நிகழ்வையும் நத்திங் நடத்தியது. உலகில் உள்ள வேறு எவருக்கும் முன்பே நத்திங் கம்யூனிட்டியை சேர்ந்தவர்கள் இந்த ஸ்மார்ட்போன்களை வாங்க இந்த டிராப் நிகழ்வு அழைப்பு விடுத்தது.

விவோ V60 ஸ்மார்ட்போன் விரைவில் அறிமுகமாகம் செய்யப்படலாம் என்று கூறப்படுகிறது. விவோ V சீரிஸ் ஸ்மார்ட்போன் மலேசியாவின் SIRIM சான்றிதழ் வலைத்தளத்திலும் TUV SUD தளத்திலும் காணப்பட்டதாக கூறப்படுகிறது. இது புதிய ஸ்மார்ட்போன் விரைவில் வெளியாகும் என்பதை கிட்டத்தட்ட உறுதிப்படுத்துகின்றன.

இவை கடந்த பிப்ரவரி மாதம் இந்தியாவில் அறிமுகம் செய்யப்பட்ட விவோ V50 மாடலின் தொடர்ச்சியாக இருக்கும் என்று எதிர்பார்க்கப்படுகிறது. மே மாதம் சீனாவில் வெளியிடப்பட்ட விவோ S30 போன்ற வன்பொருள் அம்சங்களுடன் இது அறிமுகமாகும் என்று கூறப்படுகிறது. இந்த ஸ்மார்ட்போன் ஸ்னாப்டிராகன் 7 ஜென் 4 சிப்செட்டில் இயங்கும் என்று கூறப்படுகிறது.

இதுவரை அறிவிக்கப்படாத விவோ V60, SIRIM மற்றும் TUV வலைத்தளங்களில் V2511 என்ற மாடல் நம்பரை கொண்டுள்ளதாக Xpertpick தெரிவித்துள்ளது . SIRIM சான்றிதழ் தொலைபேசியின் பெயரை உறுதிப்படுத்துகிறது, அதே நேரத்தில் TUV பட்டியல் 90W வேகமான சார்ஜிங்கை ஆதரிக்கும் என்று தெரிவிக்கிறது.

இந்த சான்றிதழ் வலைத்தளங்களில் ஸ்மார்ட்போனின் தோற்றம், விவோ V60 விரைவில் ஆசிய சந்தையில் அறிமுகம் செய்யப்படலாம் என்பதைக் குறிக்கிறது. இருப்பினும், அதன் வெளியீட்டு தேதி குறித்து விவோ இன்னும் எந்த தகவலையும் வெளியிடவில்லை.

கடந்த டிசம்பர் 2024 இல் சீனாவில் அறிமுகமான விவோ S20-இன் மறுபெயரிடப்பட்ட பதிப்பாக விவோ V50 பிப்ரவரி மாதம் இந்தியாவில் அறிமுகம் செய்யப்பட்டது. இந்த முறையை பின்பற்றி, வரவிருக்கும் விவோ V60 ஸ்மார்ட்போன் மே மாதம் சீனாவில் வெளியிடப்பட்ட விவோ S30-ஐ அடிப்படையாகக் கொண்டதாக இருக்கும். இது ஆகஸ்ட் மாதம் அறிமுகமாகும் என்று கூறப்படுகிறது.

விவோ S30 ஸ்மார்ட்போன் 6.67-இன்ச் 1.5K (1,260×2,800 பிக்சல்கள்) AMOLED டிஸ்ப்ளேவை 120Hz ரிப்ரெஷ் ரேட் கொண்டுள்ளது. இது ஸ்னாப்டிராகன் 7 ஜென் 4 பிராசஸரில் 12 ஜிபி வரையிலான ரேம் மற்றும் 512 ஜிபி மெமரி கொண்டிருக்கிறது. இதில் 50MP பிரைமரி சென்சாருடன் மூன்று கேமரா யூனிட் கொண்டுள்ளது. இதில் 50MP செல்பி கேமரா வழங்கப்பட்டுள்ளது. இது 90W பாஸ்ட் சார்ஜிங் வசதி, 6,500mAh பேட்டரி கொண்டுள்ளது.

டெக்னோ போவா 7 5ஜி சீரிஸ் சமீபத்தில் இந்திய சந்தையில் அறிமுகம் செய்யப்பட்டது. இந்த வரிசையில் டெக்னோ போவா 7 5ஜி மற்றும் டெக்னோ போவா 7 ப்ரோ 5ஜி மாடல்கள் அடங்கும். இவை மீடியாடெக் நிறுவனத்தின் டிமென்சிட்டி 7300 அல்டிமேட் சிப்செட் கொண்டிருக்கின்றன. இத்துடன் 8 ஜிபி ரேம், 45W பாஸ்ட் சார்ஜிங் ஆதரவுடன் 6,000mAh பேட்டரி கொண்டுள்ளன.

இரு ஸ்மார்ட்போன்களின் குறிப்பிடத்தக்க அம்சமாக இவற்ரின் பின்புறத்தில் வைக்கப்பட்டுள்ள ஒரு புதிய மல்டி-பங்ஷனல் டெல்டா லைட் இன்டர்பேஸ் ஆகும். இவை பல இந்திய மொழிகளை ஆதரிக்கும் டெக்னோவின் "Ella AI" உடன் வருகிறது. புதிய போவா 7 5ஜி சீரிஸ் 4x4 MIMO மற்றும் VOWiFi டூயல் பாஸ் போன்ற கனெக்டிவிட்டி மேம்பாடுகளை ஆதரிக்கிறது.

டெக்னோ போவா 7 5ஜி, போவா 7 ப்ரோ 5ஜி அம்சங்கள்:-

டெக்னோ போவா 7 ப்ரோ 5ஜி ஸ்மார்ட்போன் 6.78-இன்ச் 1.5K (1,224×2,720) AMOLED டிஸ்ப்ளே, 144Hz ரிப்ரெஷ் ரேட் மற்றும் 4,500 nits பீக் பிரைட்னஸ் கொண்டுள்ளது. புதிய டெக்னோ போவா 7 5ஜி மாடலில் 6.78-இன்ச் Full-HD+ (1,080×2,460 பிக்சல்கள்) LTPS IPS பேனல் கொண்டுள்ளது.

மற்ற அம்சங்களை பொருத்தவரை டெக்னோ போவா 7 5ஜி மற்றும் போவா 7 ப்ரோ 5ஜி மாடல்களில் 4nm முறையில் உருவாக்கப்பட்ட மீடியாடெக் டிமென்சிட்டி 7300 அல்டிமேட் பிராசஸரால் இயக்கப்படுகின்றன. இத்துடன் 256 ஜிபி UFS 2.2 ரக ஸ்டோரேஜ் கொண்டுள்ளன. இதன் ப்ரோ வேரியண்ட் 8 ஜிபி LPDDR5 கொண்டுள்ளது. அதே வேளையில், பேஸ் மாடலில் 8 ஜிபி LPDDR4 RAM உடன் வருகிறது.

இந்த ஸ்மார்ட்போன்கள் ஆண்ட்ராய்டு 15 சார்ந்த ஹைஓஎஸ் 15 உடன் வருகின்றன. மேலும் இந்தி, மராத்தி, தமிழ் மற்றும் பல இந்திய மொழிகளை ஆதரிக்கும் Ella AI சாட்போட்டை வழங்குகின்றன.

புகைப்படங்கள் எடுக்க டெக்னோ போவா 7 5ஜி ஸ்மார்ட்போன் 50MP பிரைமரி கேமரா மற்றும் ஒரு லைட் சென்சார் கொண்டுள்ளது. இதன் ப்ரோ மாடலில் 64MP சோனி IMX682 பிரைமரி கேமரா மற்றும் பின்புறத்தில் 8MP இரண்டாம் நிலை சென்சார் உள்ளது. இரண்டு ஸ்மார்ட்போன்களிலும் 13MP செல்பி கேமரா கொண்டுள்ளது.

டெக்னோ போவா 7 5ஜி ஸ்மார்ட்போன்கள் ஒவ்வொன்றும் 6,000mAh பேட்டரியைக் கொண்டுள்ளன. அவை 45W வயர்டு ஃபாஸ்ட் சார்ஜிங்கிற்கான ஆதரவுடன் வருகின்றன. இதன் ப்ரோ மாடல் 30W வயர்லெஸ் ஃபாஸ்ட் சார்ஜிங்கையும் வழங்குகிறது.

இந்தியாவில் டெக்னோ போவா 7 5ஜி, போவா 7 ப்ரோ 5ஜி விலை, கிடைக்கும் தன்மை

இந்தியாவில் டெக்னோ போவா 7 5ஜி விலை 8 ஜிபி + 128 ஜிபி ஆப்ஷன் விலை ரூ. 12,999 இல் தொடங்குகிறது. அதே நேரத்தில் 8 ஜிபி + 256 ஜிபி மெமரி மாடல் விலை ரூ. 13,999 ஆகும். இந்த ஸ்மார்ட்போன் கீக் பிளாக், மேஜிக் சில்வர் மற்றும் ஓயாசிஸ் கிரீன் வண்ணங்களில் வருகிறது.

இதற்கிடையில், டெக்னோ போவா 7 ப்ரோ 5ஜி ஸ்மார்ட்போன் 8 ஜிபி + 128 ஜிபி மற்றும் 8 ஜிபி + 256 ஜிபி ரேம் மற்றும் சேமிப்பு உள்ளமைவுகளுக்கு முறையே ரூ. 16,999 மற்றும் ரூ. 17,999 விலையில் கிடைக்கிறது. இது டைனமிக் கிரே, கீக் பிளாக் மற்றும் நியான் சியான் வண்ணங்களில் கிடைக்கிறது.

டெக்னோ போவா 7 5ஜி மற்றும் போவா 7 ப்ரோ 5ஜி ஸ்மார்ட்போன்கள் ஜூலை 10 முதல் இந்தியாவில் பிளிப்கார்ட் தளத்தில் விற்பனைக்கு கிடைக்கும் என்று நிறுவனம் கூறியது.

ஐகூ 13 ஸ்மார்ட்போன் முதன்முதலில் இந்தியாவில் டிசம்பர் 2024 இல் லெஜண்ட் மற்றும் நார்டோ கிரே வண்ணங்களில் அறிமுகம் செய்யப்பட்டது. இப்போது, மூன்றாவதாக மற்றொரு புதிய நிறத்தில் இந்த ஸ்மார்ட்போன் வெளியிடப்பட்டுள்ளது. புதிய நிறத்தைத் தவிர, இந்த ஸ்மார்ட்போன் அம்சங்களில் வேறு எந்த மாற்றங்களும் செய்யப்படவில்லை. இதில் ஸ்னாப்டிராகன் 8 எலைட் பிராசஸருடன் பிரத்யேக கேமிங் சிப்செட் மற்றும் 6,000mAh பேட்டரியைக் கொண்டுள்ளது.

இதுதவிர ஐக 13 ஸ்மார்ட்போன் 144Hz ரிப்ரெஷ் ரேட் கொண்ட 2K LTPO AMOLED டிஸ்ப்ளே மற்றும் 50-மெகாபிக்சல் பிரைமரி கேமராவுடன் மூன்று சென்சார்கள் அடங்கிய ரியர் கேமரா யூனிட் உள்ளது. புதிய வண்ண மாறுபாடு இந்த மாத இறுதியில் விற்பனைக்கு வரும் என்று ஐகூ தெரிவித்து இருக்கிறது.

இந்தியாவில் iQOO 13 விலை, வண்ண விருப்பங்கள்

ஏற்கனவே உள்ள இரு நிறங்களுடன் ஐகூ 13 ஸ்மார்ட்போன் புதிதாக ஏஸ் கிரீன் ஆப்ஷனில் கிடைக்கும். புதிய ஏஸ் கிரீன் நிற ஐகூ 13 ஸ்மார்ட்போனின் விலை முறையே ரூ. 54,999 மற்றும் ரூ. 59,999 ஆகும். இது ஸ்மார்ட்போனின் 12 ஜிபி ரேம், 256 ஜிபி மெமரி மற்றும் 16 ஜிபி ரேம், 512 ஜிபி மெமரி வேரியண்ட்களுக்கானது ஆகும். இந்த ஸ்மார்ட்போன் தற்போது லெஜண்ட் மற்றும் நார்டோ கிரே வண்ண விருப்பங்கள் உட்பட மூன்று வண்ணங்களில் கிடைக்கிறது. புதிய கிரீன் நிற வேரியண்ட் ஜூலை 12 ஆம் தேதி அதிகாலை 12 மணிக்கு அமேசான் மற்றும் ஐகூ இந்தியா இ-ஸ்டோர் மூலம் விற்பனைக்கு வரும் என்று நிறுவனம் தெரிவித்துள்ளது.

ஐகூ 13 அம்சங்கள்

ஐகூ 13 ஸ்மார்ட்போனில் 6.82-இன்ச் 2K (1,440x3,186 பிக்சல்கள்) LTPO AMOLED ஸ்கிரீன், 144Hz ரிப்ரெஷ் ரேட் மற்றும் 1,800nits வரை பீக் பிரைட்னஸ் கொண்டுள்ளது. இந்த ஸ்மார்ட்போனில் 3 நானோமீட்டர் முறையில் உருவாக்கப்பட்டு இருக்கும் ஆக்டா-கோர் ஸ்னாப்டிராகன் 8 எலைட் பிராசஸர் மற்றும் பிரத்யேக இன்-ஹவுஸ் கேமிங் Q2 சிப் மூலம் இயக்கப்படுகிறது. இத்துடன் ஸ்மார்ட்போன் அதிகம் சூடாவதை தடுக்க 7,000 மிமீ வேப்பர் சேம்பர் கொண்டுள்ளது.

இந்த ஸ்மார்ட்போனில் அதிகபட்சம் 16 ஜிபி வரை LPDDR5X அல்ட்ரா ரேம் மற்றும் 512 ஜிபி வரை UFS 4.1 ஸ்டோரேஜ் உடன் வருகிறது. இது ஆண்ட்ராய்டு 15 சார்ந்த ஃபன்டச் ஓஎஸ் 15 உடன் வருகிறது.

புகைப்படங்கள் எடுக்க ஐகூ 13 ஸ்மார்ட்போன் 50-மெகாபிக்சல் பிரைமரி சென்சார், 50-மெகாபிக்சல் அல்ட்ராவைடு ஷூட்டர் மற்றும் பின்புறத்தில் 2x ஆப்டிகல் ஜூம் கொண்ட 50-மெகாபிக்சல் டெலிஃபோட்டோ கேமரா கொண்டுள்ளது. செல்ஃபி மற்றும் வீடியோ அழைப்புகளுக்கு முன்புறத்தில் 32-மெகாபிக்சல் சென்சார் வழங்கப்பட்டு இருக்கிறது.

ஐகூ 13 ஸ்மார்ட்போனில் 120W வயர்டு ஃபாஸ்ட் சார்ஜிங் வசதியுடன் 6,000mAh பேட்டரி உள்ளது. இது டஸ்ட் மற்றும் வாட்டர் ரெசிஸ்டண்ட் வசதியை வழங்குவதற்காக IP68 மற்றும் IP69 சான்று பெற்றுள்ளது. இந்த ஸ்மார்ட்போன் 5ஜி, 4ஜி எல்டிஇ, வைபை 7, ப்ளூடூத் 5.4, NFC, GPS மற்றும் யுஎஸ்பி 3.2 ஜென் 1 டைப் சி கனெக்டிவிட்டி கொண்டிருக்கிறது. இது 8.13 மிமீ தடிமன் மற்றும் 213 கிராம் எடை கொண்டது.

ரியல்மி நிறுவனம் சமீபத்தில் தனது ரியல்மி 15 சீரிசை விரைவில் இந்திய சந்தையில் அறிமுகம் செய்யப்போவதாக அறிவித்து இருந்தது. இந்த சீரிசில் ரியல்மி 15 மற்றும் ரியல்மி 15 ப்ரோ ஆகியவை அடங்கும். அறிமுகத்திற்கு முன்னதாக, இந்த ஆண்டு இறுதியில் ரியல்மி 15T ஸ்மார்ட்போனையும் ரியல்மி நிறுவனம் நாட்டில் வெளியிடலாம் என்று தகவல் வெளியாகி உள்ளது.

இதற்கிடையில், தற்போது லீக் ஆகி இருக்கும் தகவல்களில் புதிய ஸ்மார்ட்போனின் வெளியீடு, அதன் வண்ண விருப்பங்கள் போன்ற விவரங்கள் இடம்பெற்று இருக்கிறது. அதன்படி புதிய ரியல்மி 15T ஸ்மார்ட்போன் 12 ஜிபி, 256 ஜிபி மெமரி கொண்டிருக்கும் என்று கூறப்படுகிறது.

புதிய ரியல்மி ஸ்மார்ட்போன் குறித்து 91மொபைல்ஸ் வெளியிட்டுள்ள தகவல்களில், ரியல்மி 15T ஸ்மார்ட்போன் வருகிற ஆண்டு ஆகஸ்ட் மாதம் இந்தியாவில் அறிமுகம் செய்யப்படும் என கூறப்பட்டுள்ளது. மேலும், இந்த ஸ்மார்ட்போன் RMX5111 IN என்ற மாடல் நம்பர் கொண்டிருக்கும் என்றும் கூறப்படுகிறது .

குறிப்பாக, ரியல்மி 15 5ஜி மற்றும் ரியல்மி 15 ப்ரோ 5ஜி ஸ்மார்ட்போன்கள் விரைவில் இந்தியாவில் அறிமுகம் செய்யப்படும் என்று ரியல்மி நிறுவனம் சமீபத்தில் அறிவித்தது.

புதிய ரியல்மி15T ஸ்மார்ட்போன் 8 ஜிபி ரேம், 128 ஜிபி மெமரி, 8 ஜிபி ரேம், 256 ஜிபி மெமரி மற்றும் 12 ஜிபி ரேம், 256 ஜிபி மெமரி போன்ற ஆப்ஷன்களில் கிடைக்கும். இந்த ஸ்மார்ட்போன் ஃபுளோயிங் சில்வர், சில்க் புளூ மற்றும் சூட் டைட்டானியம் என மூன்று வண்ண விருப்பங்களில் கிடைக்கும் என்று கூறப்படுகிறது.

குறிப்பிடத்தக்க வகையில், ரியல்மி 14T 5ஜி ஸ்மார்ட்போன் கடந்த ஏப்ரல் மாதம் இந்தியாவில் அறிமுகம் செய்யப்பட்டது. இதன் 8 ஜிபி ரேம், 128 ஜிபி மெமரி மற்றும் 8 ஜிபி ரேம், 256 ஜிபி மெமரி மாடல்கள் முறையே ரூ. 17,999 மற்றும் ரூ. 19,999 விலையில் கிடைக்கிறது. இது லைட்னிங் பர்பிள், அப்சிடியன் பிளாக் மற்றும் சர்ஃப் கிரீன் வண்ணங்களில் விற்பனை செய்யப்படுகிறது.

ரியல்மி 14T 5ஜி ஸ்மார்ட்போன் மீடியாடெக் டிமென்சிட்டி 6300 பிராசஸர், 45 வாட் சூப்பர்வூக் பாஸ்ட் சார்ஜிங் வசதி கொண்ட 6,000mAh பேட்டரி, 6.67-இன்ச் 120Hz Full-HD+ AMOLED ஸ்கிரீன் மற்றும் IP69 சான்று பெற்ற டஸ்ட் மற்றும் வாட்டர் ரெசிஸ்டண்ட் வசதி கொண்டிருக்கிறது.

புகைப்படங்கள் எடுக்க 50MP டூயல் கேமரா சிஸ்டம், 16MP செல்ஃபி கேமரா கொண்டுள்ளது. இந்த ஸ்மார்ட்போன் ஆண்ட்ராய்டு 15 சார்ந்த ரியல்மி யுஐ 6 கொண்டிருத்கிறது. பாதுகாப்பிற்காக இன்-டிஸ்ப்ளே கைரேகை சென்சார் வழங்கப்பட்டுள்ளது.