நீங்கள் தேடியது "கவுண்டம்பாளையம்"

கவுண்டம்பாளையம்

கிருஷ்ண ஜெயந்தி விழாவையொட்டி நாடு முழுவதும் கிருஷ்ணர் கோவில்களில் சிறப்பு வழிபாடுகள் நடைபெற்றன.

இதன் ஒரு பகுதியாக கோவை துடியலூரை அடுத்த பன்னிமடை கிராமத்தில் உள்ள கிருஷ்ணசாமி கோவிலில் கிருஷ்ண ஜெயந்தி விழா கோலாகலமாக கொண்டாடப்பட்டது.

அதிகாலை கணபதி ஹோமத்து டன் விழா தொட ங்கியது. அபிஷேக பூஜை, சிறப்பு அலங்கார பூஜைகள் நடைபெற்றன. தொடர்ந்து ஆயிரக்கணக்கான பக்தர்களுக்கு அன்னதானம் வழங்கப்பட்டது. இதையடுத்து மாலை நடைபெற்ற உரியடி நிகழ்ச்சியில் குழந்தைகள், ஆண்கள், பெண்கள் என அனைவரும் பங்கேற்றனர். உரியடிப்பவர்கள் மீது மஞ்சள் தண்ணீர் ஊற்றி உரியை அடிக்கவிடாமல் பார்த்துக்கொண்டனர்.

வெண்ணை நிரப்பட்ட உரி பானையை அடித்து உடைத்த சிறுவர்கள் அதில் இருந்த வெண்ணையை போட்டி போட்டு எடுத்து ரசித்து ருசித்தனர். மேலும் உரிய அடித்த சிறுவர் மற்றும் பெண்களுக்கு பரிசுகள் விழா குழுவினர் சார்பாக வழங்கினர்.

தொடர்ந்து 40 அடி உயரம் கொண்ட வழுக்கு மரம் தயார் செய்யப்பட்டு வழுக்கு மரம் ஏறும் போட்டிகள் நடைபெற்றது. எண்ணை, கடுகு, அரப்பு, கற்றாளை உள்ளிட்டவைகளைக் கொண்டு வழுக்கும் வகையில் தயாரிக்கப்பட்ட மரத்தில் சிறுவர்கள், இளை ஞர்கள் போட்டி போட்டு ஏறினர். இறுதியில் ஒரு இளைஞர் 40 அடி உயர வழுக்கு மரத்தில் ஏறி உச்சியில் கட்டப்பட்டிருந்த பரிசுப் பொருட்களை எடுத்தார். இதை சுற்று வட்டாரங்களில் இருந்து வந்திருந்த ஆயிரக்கணக்கான பொதுமக்கள் ஆர்வமுடன் ரசித்தனர்.தொடர்ந்து அலங்கரிக்க ப்பட்ட வாகனத்தில் கிருஷ்ணர் சுவாமி திருவீதி உலா நடைபெற்றது. வான வேடிக்கை நிகழ்ச்சிகளும் நடைபெற்றன.

இந்நிகழ்ச்சிக்கான ஏற்பாடுகளை கிருஷ்ணர் கோவில் இறைவழிபாடு விழாகுழுவினர் செய்திருந்தனர்.

கவுண்டம்பாளையம்:

கோவை உருமாண்டம்பா–ளையம் பண்ணாரியம்மன் கோவிலில் 3-வது ஆடி–வெள்ளியை முன்னிட்டு வரலட்சுமி விரதம் சிறப்பு பூஜைகள் நடைபெற்றன. இந்த பூஜையில் காலை 10 மணியளவில்கல்யாண விநாயகர் மற்றும் பண்ணாரியம்மனுக்கு சிறப்பு அபிசேக பூஜைகள் நடைபெற்றன.

அதற்கு பிறகு மதியம் 1 மணியளவில் வரலட்சுமி நோன்பை முன்னிட்டு வெற்றிலை, பாக்கு, எலுமிச்சை பழம், விரளி மஞ்சள், மஞ்சள் அரிசி, தாலி மஞ்சள் சரடு, வளையல், மிட்டாய், பூக்கள், துணிப்பைகள் வைத்து அணிக்கூடையில் கு–ழந்தைகள் எடுத்துச்செல்ல சிறப்பு பூஜை–கள் செய்யப்பட்டன.

அதில் விநாயகர், வில்வ–மரம், சுற்றுப்பூஜைகள் நடைபெற்றன. அப்போது அம்மனுக்கு உகந்த கொம்பு ஊதுதல் மற்றும் மத்தளம் அடிக்கப்பட்டன. பூசாரி வாய்க்கட்டு பூட்டு போட்டு சிறப்பு வரலட்சுமி நோன்பு பூஜைகள் செய்யப்பட்டன. தொடர்ந்து அனைவருக்கும் பிரசா–தங்கள் வழங்கப்பட்டன.

மேலும் ஊரில் உள்ள பேரன், பேத்தி எடுத்த 70 வயதுக்கு மேல் உள்ள தம்பதிகளுக்கு பொட்டு போட்டு மாலை அணிவித்து சிறப்பிக்கப்பட்டனர்.

அதன்பிறகு வந்திருந்த அனைத்து பக்தர்களுக்கும் வரலட்சுமி பூஜையின்போது, அணிக்கூடையில் கொண்டு–வரப்பட்ட எலுமிச்சை பழம் உள்ளிட்டவைகளை மஞ்சள் பையில் போட்டு வழங்கப்ட்டன. மேலும் வயதான தம்பதிகள் வந்திருந்த சுமங்கலி பெண்கள் மற்றும் அனைத்து பக்தர்களுக்கும் மஞ்சள் பச்சரிசி மற்றும் பூக்கள் தூவி ஆசீர்வாதம் செய்தனர். பக்தர்கள் காலில் விழுந்து ஆசி பெற்றனர். இதில் சுமார் 500-க்கும் மேற்பட்ட பக்தர்கள் கலந்துக்கொண்டு அம்மன் அருள் பெற்றனர். 

கோவை:

கோவையில் இருந்து ஊட்டி மைசூரு செல்லும் முக்கிய சாலையாக மேட்டுப்பாளையம் சாலை உள்ளது. கோவை மாநகருக்குள் இருந்து துடியலூர். பெரியநாய க்கன்பா ளையம், கவுண்டம்பாளையம் உள்ளிட்ட பகுதிகளுக்கு செல்லும் பிரதான சாலை யாக மேட்டுப்பாளையம் சாலை உள்ளதால் இந்த சாலை எப்போதும் பரபரப்புடன் காணப்படும்.

குறுகிய சாலை என்பதால் சாலையை விரிவுபடுத்தி மேம்பாலம் அமைக்க வேண்டும் என்ற கோரிக்கை முன்வைக்கப்பட்டிருந்தது. 2018-ம் ஆண்டில் கவுண்டம்பாளையம் சந்திப்பு 1.2 ஹவுசிங் யூனிட்டில் இருந்து ராமசாமி கல்யாண மண்டபம் வரை மேம்பாலம் அமைக்கும் பணி தொடங்கி நடைபெற்று வந்தது.

மொத்தம் ரூ.50 கோடி மதிப்பில் அமைக்க ப்பட்டுள்ள இந்த மேம்பா லத்தில் தாங்கு தூண்கள் அமைக்கப்பட்டுள்ளன. இந்த பாலத்தின் கட்டுமான பணிகள் 100 சதவீதம் நிறைவடைந்து சர்வீஸ் சாலைகள், பூச்சு வேலைகள் என அனைத்து வேலைகளும் முடிந்து கிட்டதட்ட 3 மாதங்களுக்கு மேல் ஆகின்றன.

ஆனால் இதுவரை இந்த பாலம் திறக்கப்படவில்லை. இந்த நிலையில் இந்த பாலத்தில் தினமும் காலை, மாலை வேலைகளில் அந்த பகுதியை சேர்ந்த பொதுமக்கள் நடைபயிற்சி, உடற்பயிற்சி உள்ளிட்டவைகளை செய்து வருகின்றனர்.

இதுகுறித்து நடைபயிற்சி மற்றும் உடற்பயிற்சி மேற்கொள்ளும் நபர்கள் கூறும்போது, இந்த பாலம் முடிவடைந்து கிட்டதட்ட 3 மாதங்கள் ஆகின்றன. ஆனால் தற்போது வரை திறக்கப்படவில்லை இனி பள்ளி, கல்லூரிகள் திறக்கப்படவுள்ளன. மேலும் இந்த வழியாக வேலைக்கு செல்பவர்கள் அதிகமாக உள்ளனர்.

இந்த மேம்பாலத்தை திறந்தால் அன்றாடம் செல்லும் பொதுமக்கள் மன உளைச்சல் இல்லாமல் செல்ல முடியும், இந்த பாலம் கட்டி பூசப்பட்ட பெயிண்டும் பல இடங்களில் போய்விட்டது. அதனையறிந்து உடனடியாக இந்த மேம்பாலத்தை திறக்க வேண்டும் என்று கேட்டுக்கொண்டனர்.இவ்வாறு அவர் கூறினார்.