என் மலர்

    நீங்கள் தேடியது "Theertham"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திருப்பதி திருமலையில் ஏராளமான தீர்த்தங்கள் காணப்படுகின்றன.
    • தீர்த்தங்களைப் பற்றியும், அதில் நீராடுவதன் பலனையும் பார்க்கலாம்.

    சுவாமி புஷ்கரிணி: ஆதிவராக மூர்த்தி சன்னிதிக்கு அருகில் இந்த தீர்த்தம் உள்ளது. இதனை 'தீர்த்தங்களின் அரசி' என்று அழைக்கிறார்கள். இங்கு சரஸ்வதிதேவி தவம் இயற்றியதாக தல புராணம் சொல்கிறது. மிகவும் புனிதத் துவம் பெற்ற தீர்த்தம் இது. மார்கழி மாதம் வளர்பிறையில் துவாதசி நாளில் சூரிய உதயத்திற்கு 6 நாழிகை முன்பிருந்து, சூரிய உதயத்திற்கு பின்பான 6 நாழிகை வரை திருப்பதி மலையில் உள்ள அனைத்து தீர்த்தங்களும், இந்த தீர்த்தத்தில் கூடுகின்றன. எனவே அன்றைய தினம் இதில் நீராடி வழிபட்டால் இறைவனின் திருவடியை அடையலாம்.

    குமார தீர்த்தம்: மாசி மாதம் மகம் நட்சத்திரம் வரும் தினத்தன்று (மாசி பவுர்ணமி), சகல தீர்த்தங்களும் வந்து இந்த தீர்த்தத்தில் தீர்த்தமாடுகின்றன. மனதிற்கு உற்சாகமும், உடலுக்கு இளமையும் தரும் இத்தீர்த்தத்தில் நீராடுபவர்கள், ராஜசூய யாகம் செய்த பலனைப் பெறுவர்.

    தும்புரு தீர்த்தம்: இறைவனை தன்னுடைய நாம சங்கீர்த்தனத்தால் பாடும் தும்புரு முனிவர், திருப்பதி வெங்கடாஜலபதியை நினைத்து தவம் இருந்த இடத்தில் இருப்பதால் இதற்கு 'தும்புரு தீர்த்தம்' என்று பெயர். பங்குனி மாதம் உத்திர நட்சத்திரத்தன்று (பங்குனி பவுர்ணமி), இதில் நீராடுவோருக்கு பரமபதம் உண்டு.

    ஆகாச கங்கை: தினந்தோறும் அதிகாலையில் இந்த தீர்த்தத்தாலேயே வேங்கடவனுக்கு அபிஷேகம் நடைபெறுகிறது. சகல பாபங்களையும் போக்கும் இத்தீர்த்தத்தின் அருகில் எண்ணற்ற ரிஷிகள் தவமிருந்தனர். அந்தக் காலத்திலேயே திருமலை நம்பிகள் தினமும் இந்த தீர்த்தத்தில் இருந்து ஒரு பெரிய குடத்தில் வேங்கடவனுக்கு அபிஷேக தீர்த்தம் எடுத்துக்கொண்டு நடந்தே வருவாராம். கோவிலில் இருந்து சுமார் 2 மைல் தூரம். எம்பெருமான் இவரது தீர்த்த கைங்கர்யத்தை மெச்சி காட்சி கொடுத்தார். சகல சித்திகளையும் அளிக்கும் இத்தீர்த்தத்தில் சித்திரைமாதம் பவுர்ணமியன்று நீராடுவது மிக விஷேசம்.

    பாண்டு தீர்த்தம்: வைகாசி மாதம் சுக்கிலபட்ச துவாதசியுடன் கூடிய செவ்வாய்க்கிழமையில் பல தீர்த்தங்கள் இதில் கூடுவதால், அப்போது இதில் நீராடுவோர் சகல பாவங்களில் இருந்தும் விடுபடுகின்றனர்.

    பாபவிநாசன தீர்த்தம்: இத்தீர்த்தம் இயற்கை எழில் கொஞ்சும் சூழ்நிலையில் அமைந்துள்ளது. மிக சுவையுடன் விளங்கும் தீர்த்தங்களில் இதுவும் ஒன்று. ஐப்பசி மாதம் வளர்பிறை சப்தமி திதியும் உத்திராட நட்சத்திரமும் கூடிய ஞாயிற்றுக்கிழமையில் இதில் சில தீர்த்தங்கள் கூடுகின்றன. அன்றைய தினத்தில் இதில் நீராடுவோர் பெறுவதற்கரிய ஞானம் பெறுகின்றனர். பாவங்களினின்றும் விடுபடுகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வைகாசி விசாக விழா சென்னிமலை முருகன் கோவிலுக்கு தீர்த்தம் எடுத்து வந்த பக்தர்கள்.
    • இதற்கான ஏற்பாடுகளை கோவில் செயல் அலுவலர் அருள்குமார் தலைமையில் அருணகிரிநாதர் மடம் மற்றும் கிருத்திகை விசாக குழுவினர் செய்திருந்தனர்.

    சென்னிமலை:

    சென்னிமலை முருகன் கோவிலில் நேற்று மாலை வைகாசி விசாக விழா நடந்தது. முருக பெருமானின் அவதார தினமான வைகாசி விசாகத்தன்று முகப்பெருமானை வழிபாடு செய்தால் ஆண்டு முழுவதும் வழிபட்ட பலன் கிடைக்கும் என்பது ஐதீகம்.

    66 வது வருட வைகாசி விசாக பெரு விழாவினை முன்னிட்டு ஊஞ்சலூர் அருகே காவிரியில் தீர்த்தம் எடுத்து கொண்டு சென்னிமலை கிழக்கு ராஜா வீதியில் உள்ள கைலாசநாதர் கோவிலில் இருந்து மேளதாளம் முழங்க காவிரி திருமஞ்சன தீர்த்தம் ஊர்வலமாக புறப்பட்டு மலை கோவிலை சென்று அடைந்தது.

    தொடர்ந்து நேற்று மதியம் கணபதி ேஹாமத்துடன் விழா தொடங்கி கலசஸ்தாபனம், 108 சங்குஸ்தாபனம், ஜெபம், ஓமம் நடந்தது. தொடர்ந்து முருகப்பெருமானுக்கு பஞ்சாமிருதம், தேன், பழங்கள், பால், சந்தனம், பன்னீர் உள்ளிட்ட பொருட்களால் அபிேஷகம் செய்யப்பட்டது. இதை யடுத்து முருகன் சந்தன காப்பு அலங்காரம் செய்யப்பட்டு மகா தீபாராதனை நடந்தது.

    அதை தொடர்ந்து சுவாமி புறப்பாடு நடந்தது. விழாவில் ஏராளமான பக்தர்கள் கலந்து கொண்டு சாமி தரிசனம் செய்தனர். காங்கேயம் அருகே உள்ள வரதப்பம்பாளையம் கிராம மக்கள் காவடி, தீர்த்த குடங்கள் எடுத்து வந்து முருகப்பெருமான வழிபட்டனர்.

    இதற்கான ஏற்பாடுகளை கோவில் செயல் அலுவலர் அருள்குமார் தலைமையில் அருணகிரிநாதர் மடம் மற்றும் கிருத்திகை விசாக குழுவினர் செய்திருந்தனர். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • ராமேசுவரம் ராமநாதசுவாமி கோவிலில் ராமலிங்க பிரதிஷ்டை திருவிழா தொடங்கியது.
    • நாளை கோதண்டராமர் கோவிலில் விபீஷ்ணருக்கு பட்டாபிஷேக நிகழ்ச்சி நடைபெற உள்ளது.

    ராமேசுவரம் ராமநாத சுவாமி கோவிலில் ஆண்டுதோறும் ராமலிங்க பிரதிஷ்டை திருவிழா நடைபெறும். இந்த ஆண்டுக்கான திருவிழா இன்று காலை தொடங்கியது. இதனை முன்னிட்டு கோவிலில் சிறப்பு பூஜைகள் அபிஷேகங்கள் நடைபெற்றது.

    இன்று மாலை ராமேசுவரம் துர்க்கை அம்மன் கோவில் அருகே ராவண சம்ஹார நிகழ்ச்சி நடக்கிறது. தொடர்ந்து நாளை தனுஷ்கோடி பகுதியில் அமைந்துள்ள கோதண்டராமர் கோவிலில் விபீஷ்ணருக்கு பட்டாபிஷேக நிகழ்ச்சி நடைபெற உள்ளது.

    இதில் கலந்து கொள்வதற்காக ராமநாதசுவாமி, பர்வதவர்த்தினி அம்மன், ராமர், சீதை, லட்சுமணர் உள்பட பஞ்சமூர்த்தி சுவாமிகள் நாளை காலை 7 மணிக்கு கோவிலில் இருந்து புறப்பட்டு கோதண்டராமர் கோவிலை சென்றடைகிறது.

    பட்டாபிஷேக நிகழ்ச்சி முடிந்து மாலை 4 மணிக்கு கோதண்டராமர் கோவிலில் இருந்து சுவாமிகள் புறப்பட்டு திருக்கோவிலை வந்தடைகிறது. காலை 7 மணி முதல் மாலை 4 மணி வரை சுவாமிகள் கோதண்டராமர் கோவிலில் இருக்கும் என்பதால் ராமநாதசுவாமி கோவில் நடைகள் நாளை சாத்தப்படும். இதனால் பக்தர்கள் நாளை சாமி தரிசனம் செய்யவும், 22 தீர்த்தங்களில் புனித நீராடவும் தடை விதிக்கப்பட்டுள்ளது என்று கோவில் நிர்வாகம் சார்பில் தெரிவிக்கப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஆகாச கங்கை பூங்காவுக்கு செல்லும் பாதையில் பக்தர்கள் மழை, வெயிலில் சிரமப்படாமல் இருக்க மேற்கூரை அமைக்கப்படும். அந்தப் பாதையில் ஓரமாக பக்தர்களின் ஓய்வறைகளும் அமைக்கப்படும்.
    திருப்பதியில் உள்ள பத்மாவதி விருந்தினர் மாளிகையில் தேவஸ்தான அதிகாரிகள் ஆலோசனைக்கூட்டம் நடந்தது. கூட்டத்தில் திருமலை-திருப்பதி தேவஸ்தான முதன்மைச் செயல் அலுவலர் கே.எஸ்.ஜவகர்ரெட்டி பேசியதாவது:-

    அஞ்சனாதேவிக்கும் வாயு பகவானுக்கும் பிறந்தவர் ஆஞ்சநேயர். பக்தர்கள் அனுமன் என்றும் அழைப்பர். அனுமனின் பிறப்பிடம் திருமலையில் உள்ள ஆகாச கங்கை தீர்த்தம் அருகில் ஆகும். அனுமன் பாலகனாக இருந்தபோதே சூரிய பகவானிடம் அனைத்து வேத உபதேசங்களையும் கற்று, கிஷ்கிந்தா ராஜ்ஜியத்தில் சுக்ரீவனின் அமைச்சரவையில் மந்திரியாகப் பணியாற்றினார்.

    அனுமன் பிறந்த இடமான திருமலையில் உள்ள ஆகாச கங்கை தீர்த்தம் அருகில் அனைத்து வசதிகளுடன் கூடிய ஒரு பூங்கா அமைக்கப்பட உள்ளது. அதில் நவீன தொழில்நுட்பத்துடன் அனுமன் பிறந்த கதையை, வரலாற்றை இன்றைய இளைஞர்கள் எளிதில் புரிந்து கொள்ளும் வகையில் எளிய நடையில் எழுதி பேசி ஒலி (ஆடியோ) வடிவில் ஒலிப்பரப்ப ஏற்பாடு செய்யப்படும். பூங்கா அருகில் தியான மண்டபமும் கட்டப்படும்.

    ஆகாச கங்கை பூங்காவுக்கு செல்லும் பாதையில் பக்தர்கள் மழை, வெயிலில் சிரமப்படாமல் இருக்க மேற்கூரை அமைக்கப்படும். அந்தப் பாதையில் ஓரமாக பக்தர்களின் ஓய்வறைகளும் அமைக்கப்படும். அதற்கான பணி விரைவில் தொடங்கப்பட உள்ளது.

    இவ்வாறு அவர் பேசினார்.

    கூட்டத்தில் தேவஸ்தான கூடுதல் முதன்மைச் செயல் அலுவலர் ஏ.வி. தர்மாரெட்டி, திருமலை-திருப்பதி தேவஸ்தான இணை அதிகாரிகள் சதாபார்கவி, வீரபிரம்மய்யா, பாதுகாப்பு மற்றும் பறக்கும் படை அதிகாரி கோபிநாத்ஜாட்டி, தேவஸ்தான கட்டிடவியல் துறை பொறியாளர் நாகேஸ்வரராவ், அன்னமாச்சாரியார் திட்ட இயக்குனர் அகெல்லா விபீஷணசர்மா, கலை இயக்குனர் ஆனந்தசாய் மற்றும் பலர் கலந்து கொண்டனர்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கன்னியாகுமரி முக்கடல் சங்கமத்தில் கார்த்திகை மாத பவுா்ணமி நாளான நேற்று மகா சமுத்திர ஆரத்தி நடந்தது. இதில் பலர் கலந்து கொண்டனர்
    கன்னியாகுமரி முக்கடல் சங்கமத்தில் கார்த்திகை மாத பவுா்ணமி நாளான நேற்று மகா சமுத்திர ஆரத்தி நடந்தது. இதையொட்டி மாலை 5 மணிக்கு கடற்கரையில் அமைந்துள்ள பரசு ராம விநாயகா் கோவில் முன்பு பக்தா்கள் சங்கமித்தல், மாலை 5.15 மணிக்கு பஞ்ச சங்குநாதம், 6 மணிக்கு 27 சுமங்கலிகள் அகல் தீபத்துடன் நெய்தீபம் ஏற்றுதல், இரவு 7 மணிக்கு சமுத்திர அபிஷேகம், 7.30 மணிக்கு தூபம் ஆரத்தி போன்ற நிகழ்ச்சிகள் நடந்தது.

    இதில் எம்.எல்.ஏ.க்கள் தளவாய்சுந்தரம், எம்.ஆர். காந்தி, வெள்ளிமலை சைதானந்த மகராஜ் சுவாமிகள், நாகர்கோவில் நகர்மன்ற முன்னாள் தலைவி மீனாதேவ், மாவட்ட நிர்வாகிகள் சொக்கலிங்கம், ஜெகன்நாதன், தேவ், சுபாஷ், பக்தர்கள் சங்க பொருளாளர் முருகன், தம்பி தங்கம் உள்பட பலர் கலந்து கொண்டனர். இதற்கான ஏற்பாடுகளை குமரி மாவட்ட இந்து திருத்தொண்டா் பேரவை தலைவா் ராஜகோபால், பொதுச்செயலாளா் சிவசுப்பிரமணியபிள்ளை, பொருளாளா் காமராஜ், ஒருங்கிணைப்பாளா் கனகராஜன் ஆகியோர் செய்திருந்தனர்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கோவை மண்ணை குளிர செய்த வரலாற்று சிறப்புபெற்ற இந்த நொய்யல் அன்னைக்கு தன்னார்வலர்கள் சார்பில், மலர்த்தூவி நன்றி கூறும் நிகழ்ச்சி பேரூர் அருகே நொய்யல் படித்துறையில் நேற்று நடந்தது.
    கோவையின் ஜீவநதியாக நொய்யல் ஆறு விளங்குகிறது. நொய்யல் ஆறு கோவையில் இருந்து பல 100 கிலோ மீட்டர் பயணித்து, திருப்பூர் சென்று, அங்கிருந்து ஈரோடு மாவட்டம் கொடுமுடி அருகே உள்ள காவேரி ஆற்றில் கலக்கிறது. இவ்வாறு நீண்ட தூரம் பயணிக்கும் நொய்யல் ஆறு, கோவையின் நீர் ஆதாரமாக விளங்கும் 25 குளங்களை நிரப்புகிறது.

    கோவை மாநகராட்சிக்கு உட்பட்ட குளங்கள் புறநகர் பகுதி குளங்கள் என மொத்தம் 25 குளங்களில் நிரப்பப்படும் தண்ணீர், கோவை மாவட்டத்தின் நிலத்தடி நீர் ஆதாரத்திற்கும், கோவை புறநகர் பகுதி விவசாய பாசனத்திற்கும் முக்கிய பங்கு வகிக்கிறது. இந்த நிலையில், கோவை மண்ணை குளிர செய்த வரலாற்று சிறப்புபெற்ற இந்த நொய்யல் அன்னைக்கு தன்னார்வலர்கள் சார்பில், மலர்த்தூவி நன்றி கூறும் நிகழ்ச்சி பேரூர் அருகே நொய்யல் படித்துறையில் நேற்று நடந்தது.

    இதில், அனிச்சம், ஆம்பல், வெட்சி, கரந்தை. நொச்சி, வாகை, தும்பை, துளசி, தென்னம்பூ, வாழைப்பூ, கோரை, தேமாம்பூ, செம்மணி, ஊமத்தை, பூவரசு உள்ளிட்ட 218 வகையான மலர்களை கொண்டு, செந்தமிழில் வாழ்த்து பாடி மங்கள வாத்தியங்கள் இசைக்க, நொய்யல் அன்னைக்கு நன்றி தெரிவித்தும், ஆற்று நீருக்கு வரவேற்பு அளிக்கும் விதமாகவும் இந்த நிகழ்வு நடந்தது. இதில், திரளான தன்னார்வலர்களும், பொதுமக்களும் கலந்துகொண்டு, நொய்யல் அன்னையை மலர்தூவி வணங்கி மகிழ்ந்தனர்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    அகில இந்திய புண்ணிய தலங்களில் ஒன்றாக கருதப்படும் ராமேசுவரம் கோவிலில் பஞ்சாங்கம் வாசிக்கப்பட்டது.
    அகில இந்திய புண்ணிய தலங்களில் ஒன்றாக கருதப்படும் ராமேசுவரம் கோவிலில் ஆகம விதி முறைப்படி பழமை மாறாமல் ஆண்டுதோறும் சித்திரை மாத பிறப்பு, தமிழ் புத்தாண்டு அன்று பஞ்சாங்கம் வாசிக்கப்பட்டு வருகிறது.இதே போல் நேற்று சித்திரை மாத பிறப்பு தமிழ் புத்தாண்டையொட்டி கோவிலின் சாமி சன்னதியில் உள்ள உற்சவ மண்டபம் எதிரில் வைத்து பஞ்சாங்கம் வாசிக்கும் நிகழ்ச்சி சிறப்பு பூஜைகளுடன் தொடங்கியது.

    பஞ்சாங்கத்தை கோவில் குருக்கள் உதய்குமார் வாசித்தார்.அதில் 2019-ம் ஆண்டு சித்திரை மாத தமிழ் புத்தாண்டு நாள் முதல் வருகிற 2020-ம் ஆண்டு பங்குனி மாதம் கடைசி தேதி வரையிலும் ஒரு ஆண்டில் நாட்டில் நடைபெறும் நிகழ்வுகளை வாசித்தார்.

    அவற்றில் பஞ்சாங்கத்தில் இடம் பெற்றிருந்த முக்கிய தகவல்கள் சில வற்றை காணலாம்.

    இந்த ஆண்டு சூறவாளியுடன் நல்ல மழை பொழியும்.வான்வெளி மண்டலத்தில் ஓசோனில் துளை ஏற்படுவதால் மரங்கள்,வீடுகள்,செல்போன் டவர்கள் அதிகஅளவில் பாதிக்கும்.கொசுக்களால் வைரஸ், டெங்கு காய்ச்சல் அதிகமாக பரவும். தங்கம்,வெள்ளி,ஆபரண நகைகள் விலையில்லாத வியாபாரமாக அமையும். மஞ்சள், ஏலக்காய், கிராம்பு, லவங்கம் போன்ற வியாபாரம் அதிக விலை விற்று வியாபாரிகள் லாபம் சம்பாதிக்க நேரும்.எங்கும் நிலையில்லாத வியாபாரம் நடக்கும். பருப்பு, எண்ணெய், நவதானியம் விலை வீழ்ச்சியடையும்.

    அரசாங்கம் பல சட்ட திட்டங்களை விதித்து கருப்பு பணத்தை பதுக்கியிருப்பவர்களை கண்டுபிடித்து தக்க நடவடிக்கை எடுக்க நேரும். மத்திய-மாநில அரசுகளில் சில மாற்றங்கள் ஏற்படும்.புதிய விண்வெளி ராக்கெட் மூலம் பல புதிய சாதனைகளை படைக்க நேரும். வானத்தில் மின்காந்த அலை ஏற்பட்டு விமான போக்குவரத்து தடைபடும். அரசியல் கட்சி தொடர்புடையவர்களுக்கு சிலருக்கு வாகன விபத்து மற்றும் சிறுநீரக கோளாறுகள் ஏற்பட்டு உயிர் பிரிய நேரும்.

    அரசு பல ஏற்றுமதி வணிக நிறுவனத்தை தடை செய்ய நேரும்.கியாஸ் சிலிண்டரின் விலை அதிகமாகும். மலை பகுதிகளில் தீ விபத்து ஏற்படும். மலைகளில் இடி விழுந்து நிலச்சரிவு ஏற்படும். அணுமின் நிலையங்களில் மழையால் அதிகஅளவில் பாதிப்பு ஏற்படும்.மீனவர்களின் நீண்ட நாள் கோரிக்கைகள் இந்தாண்டு அனைத்தும் நிறைவு பெறும். பால் உற்பத்தி அதிகமாக இருக்கும். பாலினால் புதிய நோய் பரவ நேரும்.கறவை மாடுகளின் விலை குறைய தொடங்கும். பூமிக்கடியில் ஒரு வெடி சத்தம் உண்டாகும். மதுரை, சதுரகிரி, போடி, தேவாரம், உத்தமபாளையம், ராஜபாளையம், மேகமலை, தேனி, கம்பம், மூணாறு, வால்பாறை, திருப்பதி, ஏற்காடு, ஜவ்வாதுமலை போன்ற பகுதிகளில் பயங்கர தீ விபத்து ஏற்பட வாய்ப்புள்ளது.பல ஜீவராசிகள் மடிய நேரும்.

    புயல் தாக்கம்

    இந்தாண்டு ஆனி மாதம் புயல் தாக்கம் காரணமாக முக்கிய பாலத்தில் அபாயம் ஏற்பட்டு சேதமும், மெட்ரோ ரெயில் பாலம் பழுது ஏற்பட்டு விபத்து ஏற்பட வாய்ப்புள்ளது.நீர்மூழ்கி கப்பலை புதியதாக இந்தியா வாங்க நேரும். விண்வெளியில் ராக்கெட்டால் பல பிரச்சினைகள் ஏற்படும்.மணல் வெளிநாட்டில் இருந்து இறக்குமதி செய்து வியாபாரம் செய்ய நேரும்.செங்கல்,மணல் சிமெண்டு, மரம், ரப்பர், கண்ணாடி பொருட்கள் விலை சற்று குறையும். செங்கல் சூளை வியாபாரம் கடுமையாக பாதிக்கும்.கோடிக்கணக்கான மதிப்புள்ள புதையல் அரசுக்கு கிடைக்கும்.

    அரசியலில் பல பெரிய மாற்றங்கள் ஏற்படும்.ஆளுங் கட்சியினரிடையே பிளவு ஏற்பட்டு இதன் காரணமாக எதிர்க் கட்சிகளுக்கு எதிர்பாராத ராஜயோகம் கிடைக்கும். மக்கள் சுபிட்சமாக இருப்பார்கள். விளையாட்டுத்துறை மற்றும் அரசியல் கட்சி தொடர்புடையவர்களுக்கு உடல் கடுமையாக பாதிக்கும்.

    கூட்டணி ஆட்சி

    இயற்கை சீற்றத்தால் தென் மாவட்டங்கள் கடுமையாக பாதிக்கும்.மத்திய-மாநிலத்தில் கூட்டணி ஆட்சி அமைக்க நேரும். மத்தியில் பல புதிய வரித் திட்டங்களை அமல் படுத்த நேரும்.வங்கிகளில் பல புதிய மாற்றங்கள் ஏற்படும்.புதிய ரக ரூபாய் நோட்டு அச்சிட நேரும்.கொசுக்களால் ஒரு புதிய நோய் உருவாகும்.மடாதிபதிக்கு உயிர்க்கண்டம் ஏற்படும்.இந்த ஆண்டு 2 கிரகணங்கள் ஏற்படுகின்றன. ஜூலை மாதம் 16-ந்தேதி சந்திரகிரகணமும்,டிசம்பர் மாதம் 26-ந்தேதி சூரிய கிரகணமும் ஏற்படுகின்றது.இந்த ஆண்டு அரசு பல வரிகளை விதித்து பல ஆயிரம் ரூபாய் வருவாய் கிடைக்கும். இயற்கை சீற்றத்தினால் தமிழ்நாடு மற்றும் ஆந்திரா,கர்நாடகா தத்தளிக்க நேரும்.எங்கும் வெள்ள அபாயம் ஏற்படும். மின்சாரம் கடுமையாக பாதிக்கும். உணவு பொருட்களின் விலை கடுமையாக உயரும். தண்ணீருக்கு பிரச்சினை வராது.சென்னை,தென் மாவட்டங்கள்,கடலோர மாவட்டங்கள் கடுமையாக பாதிக்கும்.

    இவ்வாறு அதில் கூறப்பட்டுள்ளது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருவிடைமருதூர் கோவிலுக்கு உரியனவாக முப்பத்தி ஐந்து தீர்த்தங்கள் உள்ளன. அந்த தீர்த்தங்களை பற்றி விரிவாக பார்க்கலாம்.
    திருவிடைமருதூர் தீர்த்தங்கள் 35

    1. காருண்யாமிர்தம்
    2. பாணதீர்த்தம்
    3. பராசர தீர்த்தம்
    4. சோம தீர்த்தம்
    5. சோம தீர்த்தம்
    6. ருத்ர தீர்த்தம்
    7. பதும தீர்த்தம்
    8. பாண்டவ தீர்த்தங்கள்
    9. இந்திர தீர்த்தம்
    10. அக்கினி தீர்த்தம்
    11. யம தீர்த்தம்
    12. நிருதி தீர்த்தம்
    13. வருண தீர்த்தம்
    14. வாயு தீர்த்தம்
    15. குபேர தீர்த்தம்
    16. ஈசான தீர்த்தம்
    17. கிருஷ்ண கூபம்
    18. கனக தீர்த்தம்
    19. கங்கா கூபம்
    20. கருட தீர்த்தம்
    21. வசு தீர்த்தம்
    22. சூரிய தீர்த்தம்
    23. மருந்துகள் தீர்த்தம்
    24. நரசிங்க தீர்த்தம்
    25. நந்தி தீர்த்தம்
    26. துரோண தீர்த்தம்
    27. ராகவ கூபம்
    28. சுர தீர்த்தம்
    29. முனி தீர்த்தம்
    30. கச்சப தீர்த்தம்
    31. கவுதம தீர்த்தம்
    32. கல்யாண தீர்த்தம்
    33. சேஷ தீர்த்தம்
    34. கந்த தீர்த்தம்
    35. ஐராவத தீர்த்தம்
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருப்பதி கோவிலின் இடப்புறம் அமைந்துள்ளது சுவாமி புஷ்கரணி தீர்த்தம். இந்த சுவாமி புஷ்கரணியின் வடகரையில்தான் ஆதிவராக சுவாமி திருக்கோவில் அமைந்துள்ளது.
    திருப்பதி கோவிலின் இடப்புறம் அமைந்துள்ளது இந்த சுவாமி புஷ்கரணி தீர்த்தம் அமைந்துள்ளது. இந்த சுவாமி புஷ்கரணியின் வடகரையில்தான் ஆதிவராக சுவாமி திருக்கோவில் அமைந்துள்ளது.

    இந்த திருக்குளத்தில் உள்ள தண்ணீர் மிகவும் தெளிந்த நிலையில் அமுதத்திற்கு நிகரான சுவையுடன் அமைந்திருக்கிறது. வேங்கடமலையின் அடர்ந்த மலையிலிருந்து ஓடிவரும் சுனைநீர் அங்குள்ள அற்புதமான மூலிகைகளின்மேல் பட்டு ஓடிவருவதால் இந்நீர் பல மூலிகைகளின் அற்புதங்களைத் தன்னிடத்தே கொண்ட ஓர் அற்புதத் தீர்த்தமாக திகழ்கிறது.

     நோய் தீர்க்கும் தன்மையுள்ள இத்திருக்குளத்தில் நீராடுவதால், சகல பாவங்களும் நீங்குவதன்றி, உடலின் நோய்களும் நீங்கப்பெறும் தன்மையைப் பெறுகின்றன. இத்தகைய அற்புதமான புஷ்கரணி போன்று கன்னியாகுமரி திருப்பதி ஆலயத்திலும் தீர்த்தக்குளம் அமைக்கப்பட உள்ளது. இதற்காக சுமார் 60 லட்சம் ரூபாய் செலவிட திட்டமிட்டுள்ளனர். இன்னும் தீர்த்தக்குளம் பணி தொடங்கப்படவில்லை. புஷ்கரணி அமைக்கப்பட்டுவிட்டால் கன்னியாகுமரி திருப்பதி ஆலயத்தின் அழகு மேலும் அதிகரிக்கும் என்பது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    புண்ணிய தலங்களில் ஒன்றாக கருதப்படும் ராமேசுவரத்தில் 30 தீர்த்தங்கள் அர்ப்பணிப்பு நிகழ்ச்சி வருகிற 12-ந்தேதி நடக்கிறது.
    புண்ணிய தலங்களில் ஒன்றாக கருதப்படும் ராமேசுவரம் கோவிலுக்கு நாள்தோறும் நாட்டின் பல்வேறு பகுதிகளில் இருந்து ஆயிரக்கணக்கான பக்தர்கள் வந்து செல்கின்றனர். இந்த கோவிலை சுற்றி 108 தீர்த்த கிணறுகள் பல இடங்களில் அமைந்துள்ளன. மேலும் ராமேசுவரம் தீவு பகுதிகளை சுற்றியுள்ள தீர்த்த கிணறுகளை விவேகானந்தா கேந்திரம் மூலம் புனரமைக்கும் பணியானது நடைபெற்று வருகிறது.

    இதில் அனுமன் தீர்த்தம், தர்மர் தீர்த்தம், ஜடா தீர்த்தம், மங்கல தீர்த்தம் உள்பட 30 தீர்த்தங்கள் புனரமைக்கப்பட்டுள்ளன. இந்த 30 தீர்த்தங்களை பக்தர்களுக்கு அர்ப்பணிப்பதற்கான நிகழ்ச்சி வருகிற 12-ந் தேதி விவேகானந்தா கேந்திரம் மூலம் தங்கச்சிமடம் மங்கல தீர்த்த வளாகத்தில் நடைபெறுகிறது. இதையொட்டி 120 கலசங்களில் 30 தீர்த்தங்களின் புனிதநீர் வைக்கப்பட்டு யாகபூஜை நடைபெறுகிறது.

    12-ந் தேதி தங்கச்சிமடம் மங்கல தீர்த்தத்தில் நடைபெறும் தீர்த்த கலச பூஜையில் கலந்து கொள்வதற்காக தமிழக கவர்னர் பன்வாரிலால் புரோகித் 11-ந் தேதி ராமேசுவரம் வந்து சங்குமால் கடற்கரையில் உள்ள அரசு விருந்தினர் மாளிகையில் தங்குகிறார். அவர் 12-ந் தேதி காலை கார் மூலமாக புறப்பட்டு தங்கச்சிமடத்திற்கு 8 மணிக்கு வருகிறார். பின்னர் அங்கு நடைபெறும் தீர்த்த கலச பூஜையில் கலந்து கொள்கிறார்.

    பின்னர் அங்கிருந்து ரெயில்வே நிலையம் அருகே உள்ள ராணிமங்கம்மாள் சத்திரத்திற்கு வருகை தரும் கவர்னர் அங்கு சிறிது நேரம் தியானம் செய்கிறார். அதன் பின்னர் காலை 10.30 மணியளவில் சீதா தீர்த்தம் அருகே உள்ள கோசாமி மடத்தில் நடைபெறும் நிகழ்ச்சியில் கலந்து கொண்டு ராமேசுவரத்தில் உள்ள தீர்த்தங்களின் சிறப்பு குறித்த புத்தகங்களை வெளியிட்டு கவர்னர் பேசுகிறார்.

    இதையொட்டி மங்கல தீர்த்தம் மற்றும் அதை சுற்றியுள்ள பகுதிகள் முழுவதையும் சுத்தப்படுத்தும் பணியானது நடைபெற்று வருகிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    புண்ணிய தீர்த்தங்களில் நீராடுவதன் அவசியத்தை வேதங்களும், புராணங்களும் வலியுறுத்துகின்றன. பாவம், தோஷம் போக்கும் சில தீர்த்தங்களைப் பற்றி இங்கே பார்க்கலாம்.
    தீர்த்தம் என்பதே புனிதமானது என்பது அனைவரின் நம்பிக்கை. அதனால் தான் புண்ணிய தீர்த்தங்களில் நீராடுவதை மக்கள் பெரிதும் ஆவலுடன் செய்கின்றனர். புண்ணிய தீர்த்தங்களில் நீராடுவதன் அவசியத்தை வேதங்களும், புராணங்களும் வலியுறுத்துகின்றன. நம் நாட்டில் ஏராளமான புண்ணிய தீர்த்தங்கள் இருக்கின்றன. அவற்றில் முக்கியமானதாக கும்பகோணம் மகாமக தீர்த்தம் இருக்கிறது. அதே போல முக்கியத்துவம் வாய்ந்த சில தீர்த்தங்களைப் பற்றி இங்கே பார்க்கலாம்.

    சர்வ தீர்த்தம்

    காஞ்சீபுரத்தில் இருந்து வேலூர் செல்லும் சாலையில், காஞ்சீ புரம் ஏகாம்பரநாதர் கோவில் அருகில் இருக்கிறது ‘சர்வ தீர்த்தம்’. அம்பிகை மணலால் சிவலிங்க பிரதிஷ்டை செய்து வழிபட்டபோது, அம்பிகையின் மன உறுதியை சோதிக்க நினைத்த சிவபெருமான், அனைத்து நதிகளையும் காஞ்சியில் வெள்ளமாகப் பெருக்கெடுக்கச் செய்தார். வெள்ளப் பெருக்கைக் கண்டு அச்சம் கொண்ட அம்பிகை, லிங்கத் திருமேனியைக் காக்கும் பொருட்டு அதனை ஆரத் தழுவிக் கொண்டாள். அதன் மூலம் அன்னைக்கு, ஈசனின் பரிபூரண அருள் கிடைத்தது.

    ஆனால் நதிகள் வருத்தம் அடைந்தன. சிவனின் ஆணைக்கு இணங்கவே, நதிகள் பெருக்கெடுத்து வந்தன. எனினும் அன்னையை சோதித்த தங்களுடைய செயல் உகந்தது அல்ல எனக் கருதி விமோசனம் பெற முற்பட்டன. அதன்படி காஞ்சீபுரம் தலத்திலேயே சர்வ தீர்த்தங்களும் இறைவனைச் சரணடைந்து, இறைவனை ‘தீர்த்தேஸ்வரர்’ ஆக வழிபட்டன. அவற்றின் வழிபாட்டில் மகிழ்ந்த ஈசன், ‘‘நீங்கள் எல்லோரும் இங்கேயே சர்வதீர்த்தம் என்ற பெயருடன் திகழ்வீர்கள். உங்களில் நீராடி தர்ப்பணம், தானம் செய்பவர்கள் சகல பாவங்களும் நீங்கி நிறைவில் முக்தியும் பெறுவர்’’ என்று அருள்புரிந்தார்.

    வேத தீர்த்தம்

    நாகப்பட்டினம் மாவட்டம் வேதாரண்யத்தில் வேதாரண்யேஸ்வரர் கோவில் இருக்கிறது. இங்குள்ள தீர்த்தம் ‘வேத தீர்த்தம் ஆகும். இதற்கு ‘மணிகர்ணிகை தீர்த்தம்’ என்ற பெயரும் உண்டு. நான்கு வேதங்களும் ஆரண்யங்களாக இந்தத் தலத்தில் தவம் இருந்த காரணத்தினால், இறைவனுக்கு ‘வேதாரண்யேஸ்வரர்’ என்றும், தீர்த்தத்திற்கு ‘வேத தீர்த்தம்’ என்றும் பெயர் வந்தது.

    ராமபிரான் ராவணனைக் கொன்ற பிரம்மஹத்தி தோஷம் நீங்க, வேத தீர்த்தத்தில் நீராடி, இறைவனை வழிபட்டதாக தல வரலாறு சொல்கிறது. இந்த தீர்த்தத்தில் நீராடினால், பல்லாயிரம் வருடங்கள் தவம், தானம் செய்த பலனைப் பெறலாம் என்பது நம்பிக்கை. இங்கே நீராடுவது, மகா புண்ணியம் வாய்ந்த சேது சமுத்திரத்தில் நீராடியதற்குச் சமம் என்கிறார்கள்.

    கல்யாண தீர்த்தம்

    திருநெல்வேலி மாவட்டம் பாபநாசம் பாபநாச சுவாமி கோவிலில் கல்யாண தீர்த்தம் இருக்கிறது. கயிலையில் சிவபெருமானின் திருக்கல்யாணம் நடைபெற்ற சமயம், முப்பத்து முக்கோடி தேவர்களும், உலக மக்களும் வட பகுதிக்கு சென்றனர். இதனால் வடபகுதி தாழ்ந்து தென் பகுதி உயர்ந்துவிட்டது. சிவபெருமானின் ஆணைப்படி, அகத்திய மாமுனிவர் தென்பகுதிக்கு வந்து பூமியின் பாரத்தை சமநிலைக்குக் கொண்டுவந்தார்.

    கயிலையில் இருந்து புறப்பட்டபோது அகத்தியர் கேட்டுக்கொண்டபடியே, இந்தத் தலத்தில் இறைவன் அகத்தியருக்கு அம்மையப்பராக கல்யாணக் கோலத்தில் திருக்காட்சி தந்தார். அகத்தியருக்கு ஈசன் திருமணக்கோலத்தில் காட்சி தந்த தலமாதலால், இங்குள்ள தீர்த்தம் ‘கல்யாண தீர்த்தம்’ என்று அழைக்கப்படுகிறது. இந்தத் தீர்த்தத்தில் நீராடினால் தடைப்பட்டு வரும் திருமணம் நல்லபடியாக நடந்தேறும் என்கிறார்கள். மூலிகைகள் நிறைந்த பொதிகைமலையில் தோன்றும் தாமிரபரணி, முதலில் பூமியைத் தொடும் இடம்தான் பாபநாசம் கல்யாண தீர்த்தம். இங்கு நீராடுவதால் உள்ளத் தூய்மையுடன், உடல் ஆரோக்கியமும் மேம்படுகிறது.

    நாழிக்கிணறு

    முருகப்பெருமானின் ஆறுபடை வீடுகளில் ஒன்றான திருச்செந்தூரில் அமைந்திருக்கிறது, ‘நாழிக்கிணறு’ தீர்த்தம். திருச்செந்தூர் திருத்தலத்தில் தான் முருகப்பெருமான், சூரபதுமனோடு போர் புரிந்து, அவனை சம்ஹாரம் செய்தார். போர் நிறைவு பெற்று விட்டது. கடுமையாக போர் புரிந்ததன் காரணமாக, முருகப்பெருமானின் படை வீரர்கள் அனைவரும் மிகவும் களைப்புற்று காணப்பட்டனர். அவர்களின் நீர் தாகத்தை தணிக்க திருவுள்ளம் கொண்ட முருகப்பெருமான், தன்னுடைய வேலினால் ஏற்படுத்திய தீர்த்தமே ‘நாழிக்கிணறு.’ அள்ள அள்ளக் குறையாத அட்சய பாத்திரம் போன்றது இந்த தீர்த்தம். இந்த தீர்த்தத்தில் எந்த காலத்திலும் நீர் வற்றியதே இல்லை. இன்னும் ஒரு சிறப்பு இந்த தீர்த்தத்திற்கு இருக்கிறது. அதாவது கடலுக்கு மிக அருகில் அமைந்திருக்கும் இந்த தீர்த்தம், உவர்ப்பு தன்மை சிறிதும் இன்றி இனிப்பு சுவையுடன் திகழ்கிறது.



    ஆதி தீர்த்தம்

    மதுரை மீனாட்சி சுந்தரேஸ்வரர் கோவிலில் அமைந்திருக்கும் பொற்றாமரைக் குளம் தான் ‘ஆதி தீர்த்தம்’ என்று அழைக்கப்படுகிறது. இந்திரன் முதலான தேவர்கள் அனைவரும், இந்தக் குளத்தில் இருந்து பொன் மலர்களைப் பறித்து சொக்கநாத பெருமானை வழிபாடு செய்தனர். அதன் காரணமாகவே இந்தத் தீர்த்தக் குளம் ‘பொற்றா மரைக் குளம்’ என்று பெயர் பெற்றது. கங்கை முதலான புண்ணிய நதிகள் தோன்றுவதற்கு முன்பே தோன்றிய தீர்த்தம் என்பதால் ‘ஆதி தீர்த்தம்’ என்று அழைக்கப்பட்டது. முக்தி வேண்டி தவம் இருந்த நாரைக்கு முக்தி அருளியதால், பொற்றாமரைக் குளத்துக்கு ‘ஞான தீர்த்தம்’, ‘முக்தி தீர்த்தம்’ போன்ற பெயர்களும் உண்டு.

    ஞானதீர்த்தம்

    கோயம்புத்தூர் மாவட்டம் சூலூருக்கு அருகில் தென்சேரி என்னும் செஞ்சேரி பகுதி அமைந்துள்ளது. இங்குள்ள மந்திரகிரி முருகன் ஆலயத்தில் உள்ள தீர்த்தம், ‘ஞான தீர்த்தம்’ என்று அழைக்கப்படுகிறது. சுவாமிமலையில் முருகன் தந்தையான ஈசனுக்கு உபதேசம் செய்தது நமக்குத் தெரியும். ஆனால் செஞ்சேரி திருத்தலம் ஈசனிடம், முருகப்பெருமான் உபதேசம் பெற்ற தலமாகும்.

    மாயாஜாலங்களில் வல்லவனான சூரபதுமனை அழிப்பதற்காக, சத்ருசம்ஹார மந்திரத்தை சிவபெருமானிடம் உபதேசம் பெற விரும்பினார் முருகப்பெருமான். தவம் இயற்ற உரிய இடம் தேடி பூமிக்கு வந்தபோது, நான்கு வேதங்களுக்கு நிகரான கடம்ப வனமும், கங்கைக்கு நிகரான ஞானச் சுனையும் அமைந்த தென்சேரி மலையைத் தேர்ந்தெடுத்து தவம் புரிந்தார். இங்கு அவருக்கு மந்திர உபதேசத்தை ஈசன் வழங்கினார். இங்குள்ள ஞான தீர்த்தத்தில் நீராடினால் வாழ்வில் வரும் இன்னல்கள் நீங்கும்.

    பிரம்ம தீர்த்தம்

    நாகப்பட்டினம் மாவட்டம் சீர்காழியில் சட்டநாதர் கோவில் இருக்கிறது. இங்கு பிரதான தீர்த்தமாக விளங்குவது ‘பிரம்ம தீர்த்தம்.’

    முன்னொரு காலத்தில் பிரம்மாவுக்கும், விஷ்ணுவுக்கும் இடையே தங்களில் யார் பெரியவர் என்ற போட்டி எழுந்ததும், போட்டியில் தாழம்பூவை பிரம்மதேவன் பொய்சாட்சி கூற வைத்ததும் நாம் அறிந்ததே. பொய் கூறிய பாவம் நீங்க பிரம்மதேவன், இந்தத் தலத்துக்கு வந்து தீர்த்தம் ஒன்றை ஏற்படுத்தி அதில் நீராடி இறைவனை வழிபட்டார். பிரம்மனால் ஏற்படுத்தப்பட்ட தீர்த்தமே ‘பிரம்ம தீர்த்தம்’ என்று அழைக்கப்படுகிறது.

    சட்டநாதர் ஆலயத்தில் நடைபெறும் சித்திரைத் திருவிழாவை, பிரம்மதேவரே நடத்துவதாக ஐதீகம். இங்கு சித்திரை மாதம் நடைபெறும் தீர்த்தவாரித் திருவிழா பிரசித்தி பெற்றதாகும். இந்தத் தீர்த்தத்தில் நீராடினால், சகல பாவங்களும், தோஷங்களும் நீங்கும்.

    சங்கு தீர்த்தம்


    காஞ்சீபுரம் மாவட்டம் திருக்கழுக்குன்றத்தில் இருக்கிறது, வேதகிரீஸ்வரர் ஆலயம். இங்கு இருக்கும் தீர்த்தம் ‘சங்கு தீர்த்தம்’ என்று அழைக்கப்படுகிறது. என்றும் பதினாறு வயதாக இருக்க ஈசனால் ஆசீர்வதிக்கப்பட்டவர் மார்க்கண்டேயன். இவர் சிவாலயங்கள் தோறும் சென்று வழிபட்டு வந்தார். அதன் ஒரு பகுதியாக திருக்கழுக்குன்றம் வந்தபோது, இறைவனுக்கு நீர் கொண்டு அபிஷேகம் செய்ய பாத்திரம் எதுவும் இல்லை. அப்போது இறைவனின் அருளால் தீர்த்த குளத்தில் வலம்புரி சங்கு ஒன்று தோன்றியது. அந்த சங்கில் நீர் எடுத்து இறைவனுக்கு அபிஷேகம் செய்து வழிபட்டார். அதன்காரணமாகவே இந்தத் தீர்த்தம் ‘சங்கு தீர்த்தம்’ என்று அழைக்கப்படுகிறது.

    இன்றைக்கும் இந்த தீர்த்தத்தில் 12 வருடங்களுக்கு ஒரு முறை ஒரு வலம்புரி சங்கு தோன்றுவதாக நம்பப்படுகிறது. இந்த தீர்த்தத்தில் நீராடி இறைவனையும், இறைவியையும் வழிபட்டு வந்தால் சகல பாவங்களும் நீங்கும்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print