என் மலர்

    நீங்கள் தேடியது "government school students"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆய்வுக்கூடத்தில் பல்வேறு உபகரண பொருட்கள் தரப்பட்டுள்ளது.
    • அனைத்து பொருட்களையும் கையாள மாணவர்களுக்கு பயிற்சி அளிக்கப்பட இருக்கிறது.

    திருப்பூர்:

    திருப்பூர் நஞ்சப்பா மாநகராட்சி ஆண்கள் மேல்நிலை பள்ளியில் அறிவியல் ஆய்வுகள் மேற்கொள்ளும் வகையில் அடல் டிங்கரிங் ஆய்வுக்கூடம் அமைக்கப்பட்டுள்ளது.அறிவியல் சார்ந்த பொறியியல், மின்னியல் மற்றும் ரோபோட்டிக் துறையில் மாணவர்களின் சிந்தனைகளை தூண்டவும், பற்பல கண்டுபிடிப்புகளில் ஈடுபட ஊக்கப்படுத்தவும் இந்த ஆய்வுக்கூடத்தில் பல்வேறு உபகரண பொருட்கள் தரப்பட்டுள்ளது.6 முதல் பிளஸ் 2 வகுப்பு வரையுள்ள மாணவர்களுக்கு இந்த ஆய்வகம் மூலம் உரிய பயிற்சிகள் அளிக்கப்பட்டு, அனைத்து உபகரணங்களையும் கையாள வழிவகை செய்யப்பட்டுள்ளது.முதல் இரண்டு வகுப்புகளிலேயே மாணவர்கள் சுயமான தானியங்கி சென்சார் மூலம் திறந்து மூடும் கதவுகளை கொண்ட வீடு, தண்ணீர் தொட்டிகளில் நீர் நிரம்பியதை அறிவிக்கும் அலாரம், மனிதர்கள் வீட்டுக்குள் நுழைவதை கண்டறியும் தானியங்கி சென்சார் போன்றவற்றை வடிவமைத்துள்ளனர்.

    ஒவ்வொரு மாதமும் பிரத்யேகமாக உரிய நிபுணர்கள் மூலம் அனைத்து பொருட்களையும் கையாள மாணவர்களுக்கு பயிற்சி அளிக்கப்பட இருக்கிறது. ஆய்வுக்கூடத்தை முதன்மைக்கல்வி அலுவலர் திருவளர்செல்வி பார்வையிட்டார். புதிய கண்டுபிடிப்புகளை காட்சிப்படுத்தி, செயல்முறை விளக்கம் அளித்த மாணவர்களை பாராட்டினார்.பள்ளி தலைமையாசிரியர் பழனிசாமி, இயற்பியல்துறை முதுகலை ஆசிரியர் கண்ணன், பள்ளி மேலாண்மைக்குழு துணைத்தலைவர் ஜெயமோகனகிருஷ்ணன், பி.டி.ஏ., துரைசாமி, நஞ்சப்பா பள்ளி முன்னாள் மாணவர்கள் அமைப்பின் நிர்வாகிகள் செந்தில்குமார், கிரீஷ், கிருஷ்ணமூர்த்தி, சண்முகம், ஸ்டாலின் மணிக்குமார், ஜெகன் அலெக்ஸ், ராமசாமி, ராமகிருஷ்ணன் ஆகியோர் உடன் இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கையில் கயிறு, நெற்றியில் விபூதி பூசக்கூடாது என கூறுவதாக மாணவர்கள் புகார் தெரிவித்தனர்.
    • மாணவர்கள் போராட்டத்தை கைவிட்டு வகுப்பறைகளுக்கு சென்றனர்.

    திருப்பூர்:

    திருப்பூர் கொங்கு மெயின்ரோட்டில் சின்னசாமியம்மாள் ஆண்கள் மேல்நிலை ப்பள்ளி உள்ளது.இங்கு ஆயிரத்திற்கும் மேற்பட்ட மாணவர்கள் படித்து வருகின்றனர்.

    இந்தநிலையில் அங்கு பணியாற்றும் ஆசிரியர்கள் 2பேர் ஒருமையில் பேசுவதாகவும், கையில் கயிறு, நெற்றியில் விபூதி பூசக்கூடாது என கூறுவதாக மாணவர்கள் புகார் தெரிவித்தனர்.

    சில நாட்களுக்கு முன்பு அந்த ஆசிரியர்கள் மீது நடவடிக்கை எடுக்க கோரி பள்ளி தலைமையாசிரியரிடம் மாணவர்கள் புகார் தெரிவித்தனர். ஆனால் தலைமையாசிரியர் எந்தவித நடவடிக்கை யும் எடுக்கவில்லை என கூறப்படுகிறது.

    இதனை கண்டித்து இன்று காலை பள்ளிக்கு வந்த மாணவர்கள் வகுப்புகளை புறக்கணித்து பள்ளி வளாகத்தில் தர்ணா போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது. இது குறித்த தகவல்அறிந்ததும் திருப்பூர் வடக்கு போலீசார் சென்று பேச்சுவார்த்தை நடத்தினர். அப்போது ஆசிரியர்கள் மீது உரிய நடவடிக்கை எடுக்கப்படும் என்று தெரிவித்தனர். இதையடுத்து மாணவர்கள் போராட்டத்தை கைவிட்டு வகுப்பறைகளுக்கு சென்றனர்.   

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கள்ளக்குறிச்சி அரசு பள்ளி மாணவர்களை எம்.எல்.ஏ. பாராட்டினார்.

    கள்ளக்குறிச்சி:

    தமிழகம் முழுவதும் கடந்த மே மாதம் 10 மற்றும் மற்றும் 12-ஆம் வகுப்பு பொதுத் தேர்வு நடைபெற்றது. இதையொட்டி கடந்த சில நாட்களுக்கு முன்பு தேர்வு முடிவுகள் வெளியிடப்பட்டன. இதில் கள்ளக்குறிச்சி அரசு ஆண்கள் மேல்நிலைப் பள்ளியில் பயின்ற சமீர் என்ற மாணவர் 10- ஆம் வகுப்பு பொதுத்தேர்வில் 500 க்கு 466 மதிப்பெண்கள் பெற்று பள்ளி அளவில் முதலிடம் பெற்றார்.

    இதேபோல் பிளஸ்-2 பொதுத் தேர்வில் சாய் பிரசன்னா என்ற மாணவர் 600 க்கு 516 மதிப்பெண்கள் பெற்று பள்ளி அளவில் முதலிடம் பெற்றார். இந்தநிலையில் கள்ளக்குறிச்சி செந்தில்குமார் எம்.எல்.ஏ. பள்ளிக்கு நேரில் சென்று 10 மற்றும் 12-ஆம் வகுப்பில் பள்ளி அளவில் முதலிடம் பெற்ற சமீர் மற்றும் சாய் பிரசன்னா ஆகிய இரண்டு மாணவர்களையும் பாராட்டி பொன்னாடை போர்த்தி, ரொக்கப் பரிசு வழங்கினார். அப்போது ஆசிரியர்கள் மற்றும் பெற்றோர் ஆசிரியர் கழக நிர்வாகிகள் மற்றும் அ.தி.மு.க. நிர்வாகிகள் ஆகியோர் உடன் இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    அரசு மற்றும் அரசு உதவி பெறும் பள்ளிகளில் 1 முதல் 8-ம் வகுப்பு வரையிலான மாணவ-மாணவிகளுக்கு இந்த கல்வி ஆண்டு முதல் புதிய சீருடை அறிமுகம் செய்யப்படுகிறது.
    சென்னை:

    தமிழகத்தில் தனியார் பள்ளிகளுக்கு நிகராக அரசு பள்ளிகளின் தரம் உயர்த்தப்பட்டு வருகிறது. கணினி வகுப்புகள், ‘ஸ்மார்ட்’ வகுப்புகள், ‘கியூ-ஆர்’ குறியீடு புத்தகங்கள் என்று அரசு பள்ளிகளில் புதுமைகள் புகுத்தப்பட்டு வருகின்றன.

    சீருடையிலும் தனியார் பள்ளிகளுக்கு நிகராக மாற்றம் செய்யப்படும் என்று பள்ளிக்கல்வித்துறை அமைச்சர் கே.ஏ.செங்கோட்டையன் கடந்த ஆண்டு அறிவித்தார். அதன்படி அரசு மற்றும் அரசு உதவி பெறும் பள்ளிகளில் முதற்கட்டமாக 9 மற்றும் 10-ம் வகுப்பு படிக்கும் மாணவ-மாணவிகளுக்கு தனி சீருடையும், 11 மற்றும் 12-ம் வகுப்பு படிக்கும் மாணவ-மாணவிகளுக்கு தனி சீருடையும் கடந்த கல்வி ஆண்டில் அறிமுகம் செய்யப்பட்டது.



    1 முதல் 5-ம் வகுப்புகளுக்கு தனி சீருடையும், 6 முதல் 8-ம் வகுப்புகளுக்கு தனி சீருடையும் இந்த கல்வி ஆண்டு அறிமுகம் செய்யப்படுகிறது.

    புதிய சீருடையாக 1 முதல் 5-ம் வகுப்பு வரை படிக்கும் மாணவர்களுக்கு கட்டம் போட்ட பச்சை நிற அரைக்கை சட்டையும், பச்சை நிற அரைக்கால் டவுசரும், மாணவிகளுக்கு அரைக்கை சட்டையும், குட்டை பாவாடையும் (ஸ்கர்ட்) அறிவிக்கப்பட்டுள்ளது.

    6 முதல் 8-ம் வகுப்பு வரை படிக்கும் மாணவர்களுக்கு கட்டம் போட்ட பழுப்பு நிற சட்டையும், பழுப்பு நிற பேன்ட்டும், மாணவிகளுக்கும் அதே நிறத்தில் ஓவர் கோட்டுடன், சுடிதார் டைப்பில் சீருடையாக வழங்கப்பட உள்ளது.

    ஒவ்வொரு மாணவ-மாணவிகளுக்கும் தலா 4 சீருடைகள் வழங்கப்படும் என்று பள்ளிக்கல்வித்துறை அதிகாரி ஒருவர் தெரிவித்தார். 
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    அரசு பள்ளி மாணவர்களுக்கு, பொதுமக்கள் நிவாரண பொருட்களை வழங்கினர்.
    அன்னவாசல்:

    கஜா புயலினால் தஞ்சை, நாகை, திருவாரூர் புதுக்கோட்டை உள்ளிட்ட மாவட்டங்களில் பேரழிவு ஏற்பட்டது. பாதிக்கப்பட்ட கிராம நகர்புற பகுதிகளுக்கு தமிழக அரசு மற்றும் அரசியல் கட்சிகள், தன்னார்வ தொண்டு நிறுவனங்கள், தனியார் அமைப்புகள் நிவாரண பணிகளில் ஈடுபட்டு வருகின்றனர். அந்த வகையில், கரூர் மாவட்ட பள்ளி கல்வித்துறை ஆசிரியர்கள் மற்றும் கரூர் குளத்துப்பாளையம் தனியார் மெட்ரிக் மேல்நிலைப்பள்ளி மாணவர்களால் சேரிக்கப்பட்ட 100 கிலோ அரிசி, பருப்பு, கோதுமை, ரவை, சீனி, சோப்பு, எண்ணெய், சேமியா, பிஸ்கட், பவுடர் மற்றும் மருந்து பொருட்கள் உள்ளிட்டவைகளை நிவாரணமாக உருவம்பட்டி கிராம மக்களுக்கு வழங்கியுள்ளனர்.

    அதனை மகிழ்வோடு பெற்று கொண்ட கிராம மக்கள் இந்த நிவாரண பொருட்களை கிராமத்தில் உள்ள அத்தனை குடும்பத்துக்கும் வழங்க இயலாது என்பதால் அப்பகுதியில் உள்ள ஊராட்சி ஒன்றிய தொடக்கப்பள்ளி தலைமையாசிரியர் சாந்தியிடம் வழங்கினர். பள்ளி மாணவர்களுக்கு தினமும் பிஸ்கட் வழங்கும் படியும், சமையல் பொருட்களை வைத்து பள்ளி நாட்களில் சமைத்து வழங்கும் படியும் கேட்டுக்கொண்டனர்.

    அதனை பெற்றுக்கொண்ட பள்ளி தலைமையாசிரியர் சாந்தி கூறியதாவது:-

    கஜாபுயலினால் உருவம்பட்டி கிராம மக்கள் பாதிக்கப்பட்டு இருந்தாலும் தங்களுக்கு வந்த நிவாரண பொருட் களை பள்ளி மாணவர்களுக்கு வழங்கிய செயலை நினைக்கும் போது பெருமையாக உள்ளது. வந்திருந்த பொருட்களில் சோப்பு, பிஸ்கட், ஷாம்பு, சீயக்காய், பற்பசை ஆகியவற்றை மாணவர்களுக்கு வழங்கியுள்ளோம். மீதி உள்ள மளிகை பொருட்களை வைத்து மாணவர்களுக்கு சமைத்து வழங்கு முடிவெடுத்துள்ளோம் என்றார். பொதுமக்களும் மாணவர்களுக்கு உணவு தயாரிக்க எங்களை அழையுங்கள். நாங்கள் வந்து குழந்தைகளுக்கு சமைத்து தருகிறோம் என மகிழ்வோடு கூறி சென்றனர். இதில் பள்ளி மேலாண்மைக்குழு தலைவர் கருப்பையா மற்றும் கிராம நிர்வாகிகள் முத்தன், முருகேசன், பால்கண்ணு, பழனிவேலு மற்றும் ஏராளமானோர் கலந்து கொண்டனர். இதற்கான ஏற்பாடுகளை ஆசிரியர் முனியசாமி செய்திருந்தார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ரெயில்வே சுரங்கப்பாதையை உடனே திறக்கக்கோரி இன்று வகுப்புகளை புறக்கணித்து ஏராளமான மாணவ, மாணவிகள் பள்ளி முன்பு அமர்ந்து போராட்டத்தில் ஈடுபட்டனர்.
    கோவை:

    கோவை இருகூரில் அரசு மேல்நிலைப்பள்ளி இயங்கி வருகிறது.

    இங்கு சுற்றுவட்டார பகுதியை சேர்ந்த 500-க்கும் மேற்பட்ட மாணவ, மாணவிகள் படித்து வருகின்றனர்.

    இவர்கள் அப்பகுதியில் உள்ள ரெயில்வே கேட்டை தாண்டி செல்ல மிகவும் சிரமப்பட்டனர். இதனால் அங்கு சுரங்க நடைபாதை கட்டப்பட்டது. ஆனால் கட்டி பல மாதங்கள் ஆன பிறகும் அந்த சுரங்கப்பாதை இன்னும் திறக்கப்படவில்லை.

    எனவே பள்ளிக்கு செல்ல மாணவ, மாணவிகள் சுமார் 2½ கிலோ மீட்டர் தூரம் சுற்றிச் செல்ல வேண்டிய நிலை உள்ளது.

    இதனால் பாதிக்கப்பட்ட ஏராளமான மாணவ, மாணவிகள் ரெயில்வே சுரங்கப்பாதையை உடனே திறக்கக்கோரி இன்று வகுப்புகளை புறக்கணித்து பள்ளி முன்பு தரையில் அமர்ந்து போராட்டத்தில் ஈடுபட்டனர். இதனால் அங்கு பரபரப்பு நிலவியது.

    இதுகுறித்து தகவலறிந்ததும் சிங்காநல்லூர் போலீசார் அங்கு விரைந்து சென்று பேச்சுவார்த்தை நடத்தினர். நெடுஞ்சாலைத்துறை மற்றும் ரெயில்வே அதிகாரிகள் சம்பவஇடத்துக்கு வந்து சுரங்கப்பாதையை உடனே திறக்க நடவடிக்கை எடுத்தால் மட்டுமே போராட்டத்தை கைவிடுவோம் என மாணவ, மாணவிகள் கூறினர். #tamilnews
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ‘நீட்’ தேர்வு பாதிப்பால் இந்த வருடம் அரசு பள்ளியில் படித்த 4 மாணவர்கள் மட்டுமே எம்.பி.பி.எஸ். படிப்பில் சேர்ந்துள்ளனர். #NEET #MBBS
    சென்னை:

    அரசு எம்.பி.பி.எஸ்., பி.டி.எஸ். மருத்துவக் கல்லூரிகளில் படிப்பதற்கு நீட் தேர்வில் அதிக மதிப்பெண் பெற வேண்டிய நிலை ஏற்பட்டுள்ளது. நீட் தேர்வில் தேர்ச்சி பெற்றால் தான் தகுதியாக கருதப்படுமே தவிர அரசு ஒதுக்கீட்டு இடங்களை பெற இயலாது.

    தமிழகத்தில் 22 அரசு மருத்துவக் கல்லூரிகளில் உள்ள 2447 எம்.பி.பி.எஸ். இடங்களில் சி.பி.எஸ்.சி. மற்றும் தனியார் பள்ளிகளில் படித்து நீட் பயிற்சி பெற்ற மாணவ-மாணவிகள்தான் அதிக இடங்களை கைப்பற்றி உள்ளனர்.

    அரசு பள்ளிகளில் படித்த ஏழை-எளிய மாணவர்களால் நீட் தேர்வில் அதிக மதிப்பெண் பெற முடியாமல் மருத்துவம் படிக்கும் வாய்ப்பை இழந்துள்ளனர்.

    இந்த வருடம் அரசு பள்ளியில் படித்த 4 மாணவர்கள் மட்டுமே எம்.பி.பி.எஸ். படிப்பில் சேர்ந்துள்ளனர். இது ஒரு சதவீதம் கூட இல்லை என்பது வேதனையான வி‌ஷயமாகும்.

    2016-ம் ஆண்டில் பிளஸ்-2 மதிப்பெண் அடிப்படையில் மருத்துவ மாணவர் சேர்க்கை நடந்தபோது 3.0 அரசு பள்ளி மாணவர்கள் அதிகளவு எம்.பி.பி.எஸ். இடங்களை பெற்றனர்.

    2016-ம் ஆண்டை ஒப்பிடும்போது இந்த வருடம் மிகவும் குறைந்த அளவிலேயே அரசு பள்ளி மாணவர்கள் மருத்துவ இடங்களில் சேர்ந்துள்ளனர். அரசு மருத்துவக் கல்லூரிகளில் மிக குறைந்த கட்டணத்தில் படிக்க முடியாமல் ஏழை மாணவர்கள் வாய்ப்பை இழந்துள்ளனர். அவர்களுக்கு அளிக்கப்பட்ட நீட் பயிற்சியும் சிறப்பாக அமையவில்லை என்பது கல்வியாளர்களின் கருத்தாக உள்ளது.

    தனியார் மற்றும் நிகர்நிலை பல்கலைக்கழகங்களில் அரசு ஒதுக்கீட்டு இடங்களில் சேருவதற்கு நிர்ணயிக்கப்பட்டுள்ள கட்டணம் அதிகமாக இருப்பதால் ஏழை அரசு பள்ளி மாணவர்களால் செலுத்த முடியவில்லை.

    மாணவர்களுக்கு அளிக்கப்பட்ட சிறப்பு பயிற்சியினை சில வருடங்களுக்கு முன்பே தொடங்கி இருந்தால் தனியார் பள்ளி மாணவர்களை போல அரசு பள்ளியில் படித்த மாணவர்களும் நீட் தேர்வில் தேர்ச்சி பெற்று இருப்பார்கள் என்று சமுதாய சமத்துவ மருத்துவர் சங்க பொதுச் செயலாளர் ஜி.ஆர்.ரவீந்திர நாத் தெரிவித்துள்ளார்.

    அரசு பள்ளி மாணவர்கள் நீட் தேர்வில் குழப்பம் அடைய காரணம் தமிழ் கேள்வித்தாளில் உள்ள தவறுகள்தான் என்று ஆசிரியை ஒருவர் தெரிவித்தார். தமிழில் தேர்வு எழுத மாணவர்களை ஆர்வப்படுத்திய நிலையில் 49 வினாக்கள் தவறாக அமைந்து விட்டதால் மாணவர்கள் பாதிக்கப்பட்டனர்.

    கடந்த ஆண்டை ஒப்பிடும்போது இந்த வருடம் நீட் தேர்வு மதிப்பெண் ஒதுக்கீட்டிலும் மாறுபாடு ஏற்பட்டதால் ஏழை மாணவர்கள் அரசு மருத்துவக் கல்லூரிகளில் அதிகளவு சேர முடியாத நிலை ஏற்பட்டது.



    இந்த வருடம் அரசு பள்ளி மாணவர்களுக்கு முன்கூட்டியே நீட் தேர்வு பயிற்சி அளிக்க தீவிர முயற்சி எடுக்கப்பட்டுள்ளது. 320 பள்ளி ஆசிரியர்களுக்கு நீட் சிறப்பு பயிற்சி நேற்று முதல் தொடங்கியுள்ளது. மாவட்டத்திற்கு 10 பேர் வீதம் 32 மாவட்டங்களில் இருந்தும் 320 ஆசிரியர்களுக்கு 5 நாட்கள் பயிற்சி அளிக்கப்படுகிறது. 400 நீட் பயிற்சி மையங்கள் ஏற்கனவே தொடங்கப்பட்டுள்ளன.

    அந்த மையங்களில் தற்போது பயிற்சி பெறும் ஆசிரியர்கள் மாணவர்களுக்கு வகுப்புகளை நடத்துவார்கள். இதுதவிர இந்த பயிற்சியாளர்களுக்கு பாடம் வாரியாக தனி பயிற்சியும் அளிக்கப்பட உள்ளது.

    இந்த வருடம் அரசு பள்ளி மாணவர்களின் நீட் தேர்ச்சி விகிதம் அதிகரிக்க வேண்டும் என்ற நோக்கத்தில் பள்ளிக் கல்வித்துறை பல்வேறு நடவடிக்கைகளை மேற்கொண்டு வருகிறது. #NEET #MBBS

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தேனி அல்லிநகரம் அரசு மேல்நிலைப்பள்ளி மாணவ, மாணவிகளுக்கு அமெரிக்காவில் வாழும் தமிழக என்ஜினீயர்கள் ‘ஸ்கைப்’ என்ற சமூக வலைதளம் மூலம் வகுப்புகள் எடுத்து வருகின்றனர். #GovernmentSchoolStudents
    தேனி:

    தேனி அல்லிநகரத்தில் அரசு மேல்நிலைப்பள்ளி அமைந்துள்ளது. இந்த பள்ளி மாணவ, மாணவிகளின் கல்வித்தரத்தை மேம்படுத்த பல்வேறு முயற்சிகள் எடுத்து, பலவிதமான பயிற்சிகள் வழங்கப்பட்டு வருகின்றன. இந்நிலையில் பள்ளி தலைமை ஆசிரியர் ராஜா ஆலோசனையின் பேரில், தமிழாசிரியர் செந்தில்குமார் முயற்சியால் அமெரிக்காவில் வாழும் தமிழகத்தை சேர்ந்த மென்பொருள்(சாப்ட்வேர்) என்ஜினீயர்கள் ஆங்கில இலக்கணம் கற்றுக் கொடுத்து, ஆங்கில பேச்சுப் பயிற்சி அளித்து வருகின்றனர்.

    கடந்த 2 வாரகாலமாக இந்த பயிற்சி அளிக்கப்பட்டு வருகிறது. ‘ஸ்கைப்’ எனப்படும் சமூக வலைதள செயலி வாயிலாக ஆன்லைன் மூலம் வகுப்புகள் எடுத்து வருகின்றனர். ‘ஸ்கைப்’ வலைதளமானது நேரடி வீடியோ காட்சிகள் மூலம் உரையாடும் வசதியை கொண்டது. அமெரிக்காவில் இருந்தபடி அல்லிநகரம் பள்ளி மாணவ, மாணவிகளுக்கு வகுப்புகள் எடுத்து வருகின்றனர். இதற்காக பள்ளியில் ஒரு வகுப்பறை ஒதுக்கீடு செய்யப்பட்டு உள்ளது.

    இதுகுறித்து பள்ளியின் தமிழாசிரியர் செந்தில்குமார் கூறியதாவது:-

    அமெரிக்காவில் மென்பொருள் என்ஜினீயர்களாக பணியாற்றும் சிலர் ஒரு குழுவாக சேர்ந்து இதுபோல் அரசு பள்ளி மாணவ, மாணவிகளுக்கு ஆங்கில பயிற்சி அளித்து வருகின்றனர். நமது கிராமம், நமது கடமை என்ற பெயரில் இந்த பயிற்சி அளிக்கின்றனர். இந்த பயிற்சியின் ஒருங்கிணைப்பாளராக கவிதா பாண்டியன் என்பவர் உள்ளார். சமூக வலைதளம் மூலம் அவருடன் ஏற்பட்ட நட்பு, இப்படி ஒரு திட்டத்தை அவர்கள் செயல்படுத்தி வருவதை அறிய வைத்தது. அல்லிநகரம் பள்ளிக்கு இதை செயல்படுத்த விருப்பம் தெரிவித்தவுடன், தினமும் ஒரு மணி நேரம் வீதம் திங்கட்கிழமை முதல் வெள்ளிக்கிழமை வரை பயிற்சி அளித்து வருகின்றனர்.

    கடந்த 2 வாரமாக நடந்து வரும் பயிற்சியின் மூலம் மாணவ, மாணவிகளின் ஆங்கிலம் கற்கும் திறன் மேம்பட்டுள்ளது. பேசுவதற்கே கூச்சப்பட்ட மாணவ, மாணவிகள் தற்போது ஓரளவு ஆங்கிலம் பேச தொடங்கி விட்டனர். ஏற்கனவே இந்த பள்ளிக்கு அரசு மூலம் புரொஜக்டர் வசதி செய்து கொடுக்கப்பட்டு உள்ளதால் அதன் மூலம் இந்த பயிற்சியை தொடர்வது எளிதாகி விட்டது. இந்த பள்ளிக்கு அமெரிக்காவில் இருந்தபடி பாலகுரு செந்தில்குமார், பட்டு திருவேங்கடம், அருணாசலம் ராமநாதன், ராஜமுருகன், கலைசெல்வம் ஆகிய 5 பேரும் பயிற்சி அளித்து வருகின்றனர். தற்போது 8, 9-ம் வகுப்பு ஆங்கில வழிக்கல்வியில் படிக்கும் சுமார் 40 மாணவ, மாணவிகளுக்கு இந்த பயிற்சி அளிக்கப்பட்டு வருகிறது. இவ்வாறு அவர் கூறினார்.

    இதுகுறித்து, பயிற்சி அளிக்கும் அமெரிக்காவில் உள்ள அருணாசலம் ராமநாதனை தொடர்புகொண்டு கேட்ட போது, ‘நான் குடும்பத்துடன் அமெரிக்காவில் வசித்து வருகிறேன். அமெரிக்காவில் வாழும் தமிழகத்தை சேர்ந்த என்ஜினீயர்கள் 30 பேர் ஒரு குழுவாக இணைந்துள்ளோம். நாங்கள் அமெரிக்காவில் வெவ்வேறு மாகாணங்களில் வசித்து வருகிறோம். இணையதளம் மூலம் குழுவாக இணைந்து எங்களால் முடிந்த அளவுக்கு தமிழகத்து அரசு பள்ளி மாணவ, மாணவிகளுக்கு பயிற்சி அளித்து வருகிறோம். சுமார் 10 ஆண்டுகளாக இதை செய்து வருகிறோம். தமிழ்நாட்டில் 35-க்கும் மேற்பட்ட பள்ளிகளில் தற்போது இதுபோல் வகுப்புகள் எடுத்து வருகிறோம். நமது கிராமப்புற மாணவ, மாணவிகள் தயக்கம் இன்றி ஆங்கில மொழியை கற்றுக் கொள்ள வேண்டும் என்பதற்காக இந்த முயற்சியில் ஈடுபட்டுள்ளோம்’ என்றார்.  #GovernmentSchoolStudents
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    அரசு பள்ளி மாணவர்களுக்கு நீட் தேர்வு பயிற்சி ஜூலை மாதம் தொடங்கப்படும் என்று பள்ளிக்கல்வித்துறை அமைச்சர் செங்கோட்டையன் கூறினார். #ministersenkottaiyan #NEETexam #NEETtraining
    சென்னை:

    தென்னிந்திய மண்டல பட்டயக் கணக்காளர்களின் 6-வது மாநாடு சென்னை நுங்கம்பாக்கத்தில் இன்று நடைபெற்றது.

    இதில் சிறப்பு விருந்தினராக பள்ளிக்கல்வித்துறை அமைச்சர் செங்கோட்டையன் கலந்து கொண்டார். பின்னர் அவர் நிருபர்களிடம் கூறியதாவது:-

    மாணவர்கள் எதிர்காலத்தில் சிறந்த கல்வியாளராக மாறுவதற்கு ஏற்பாடுகள் செய்யப்பட்டுள்ளன.

    மாணவர்களின் திறன்களை வளர்க்கக்கூடிய 15 பாடத்திட்டங்கள் வருகின்ற கல்வியாண்டில் கொண்டு வர இருக்கிறோம். அப்படி வருகின்ற போது மாணவர்கள் அந்தந்த பகுதியில் இருக்கின்ற நிலைக்கேற்ப கல்வியினை கற்று வேலைவாய்ப்பினை பெறுவதற்கு இந்த அரசு உத்தரவாதம் அளிக்கிறது.

    இன்று படிக்கும் மாணவர்கள் அனைவருக்கும் சிறந்த நூலக வசதியை தர வேண்டும் என்ற அடிப்படையில் அனைத்து மாவட்டங்களுக்கும் நடமாடும் நூலகங்கள் மிக விரைவில் ஏற்பாடு செய்ய இருக்கிறோம்.

    அதன் மூலமாக ஒவ்வொரு பள்ளிகளுக்கும் காலையிலும், மாலையிலும் மாணவர்கள் செல்லுகின்ற போது நூல்களை கற்று சிறந்த கல்வியாளராக உருவாக்க அரசு நடவடிக்கை எடுத்து வருகிறது.

    அதன் அடிப்படையில் இந்தியன் இன்ஸ்டிடியூட் ஆப் டெக்னாலஜி நிறுவனம் இதனை ஒருங்கிணைக்க ஏற்பாடு செய்துள்ளது. அதற்கான ஒப்பந்தமும் போடப்பட்டுள்ளது.

    மேலும் நம்முடைய மாணவர்கள் சிறந்த ஆங்கிலத்தை கற்றுக் கொள்வதற்கு ஜெர்மன், இங்கிலாந்து நாடுகளில் இருந்து பயிற்சியாளர்கள் மிக விரைவில் வருகை தர இருக்கிறார்கள். அவர்கள் ஒவ்வொரு பகுதிகளுக்கும் சென்று ஆசிரியர்களுக்கும், மாணவர்களுக்கும் சிறந்த ஆங்கிலத்தை கற்று தருவார்கள்.

    மாணவர்களின் மன அழுத்தத்தை குறைக்கும் வகையில் தேர்வுகள் எப்போது நடைபெறும், முடிவுகள் எப்போது அறிவிக்கப்படும் என்பதை இந்திய நாட்டின் வரலாற்றில் தமிழகத்தில் மட்டும்தான் முன்கூட்டியே அறிவிக்கப்பட்டு இருக்கிறது.

    இந்த ஆண்டு நீட் தேர்வில் ஏறக்குறைய 1412 மாணவர்கள் தேர்ச்சி பெற்று இருக்கிறார்கள். மதிப்பெண் வேறு, தேர்ச்சி என்பது வேறு. இந்த மாணவர்களுக்கு 4 வார காலம்தான் பயிற்சி அளிக்கப்பட்டன.

    இனி வரும் காலங்களில் ஜூலை மாதத்தில் பயிற்சி தொடங்கப்படும். 412 மையங்களில் பயிற்சி அளிப்பதன் மூலம் வரும் காலங்களில் தமிழகம் நீட் தேர்வில் முன்னணி மாநிலமாக திகழ்வதற்கு நடவடிக்கை மேற்கொள்ளப்பட்டுள்ளது.



    அனைத்தும் அரசு மற்றும் அரசு உதவி பெறும் பள்ளிகளில் நீட் தேர்வு பயிற்சி இலவசமாக கற்றுத் தரப்படும்.

    எம்.பி.பி.எஸ். கட்-ஆப் மதிப்பெண் 3 நாட்களில் வந்து விடும். குறைந்தது 150 பேர் மருத்துவ படிப்பிற்கு செல்வதற்கான வாய்ப்பு ஏற்படும் என்று நம்புகிறேன்.

    மாணவர்கள் தொழில் கல்வியை பெறும் வகையில் அந்தந்த மாவட்டங்களில் எந்த தொழிலுக்கு சிறப்பு இருக்கின்றதோ அதன் அடிப்படையில் வரும் கல்வி ஆண்டில் 12 பாடப் பிரிவுகள் தொடங்கி செயல்படுத்த நடவடிக்கை எடுக்கப்பட்டுள்ளது.

    ஓட்டல் நிர்வாகம், மருத்துவமனை நிர்வாகம் போன்ற படிப்புகளை இந்த ஆண்டே கற்று தருகிறோம். இதன் மூலம் தமிழகத்தில் உள்ள ஆயிரக்கணக்கான ஓட்டல்கள், மருத்துவமனைகளில் வேலை வாய்ப்பை பெற முடியும்.

    வேளாண்மை தொழில் சார்ந்த பயிற்சியும், காய்கறிகளை பதப்படுத்துதல் போன்ற பயிற்சியும், ஜவுளி தொழில் குறித்த பயிற்சியும் இந்த ஆண்டு முதல் அளிக்கப்பட இருக்கிறது.

    தொழிற்சாலைகளிலும் மாணவர்களுக்கு பயிற்சி அளிக்க ஏற்பாடு செய்து வருகிறோம்.

    பள்ளி மாணவர்களுக்கு தற்போது வழங்கப்பட்டுள்ள புதிய பாடத்திட்டங்கள் வரலாற்று திட்டமாக அமைந்துள்ளது. 11-ம் வகுப்பு மாணவர்களுக்கான பாடப் புத்தகங்களில் 40 சதவீத நீட் தேர்வு சம்பந்தமான பாடப் பகுதி இடம் பெற்றுள்ளது.

    நீட் தேர்வில் இருந்து தமிழகத்திற்கு விலக்கு அளிக்க வேண்டும் என்பதில் இந்த அரசு அழுத்தம் திருத்தமாக இருக்கிறது. மத்திய அரசுடன் தொடர்ந்து பேசி வருகிறார்கள். வழக்கு நிலுவையில் இருக்கிறது.

    பொறியியல் படித்து விட்டு ஒரு லட்சத்து 60 ஆயிரம் பேர் வேலையில்லாமல் இருக்கிறார்கள். பிளஸ்-2 முடித்த மாணவர்களுக்கு பட்டய கணக்காளர் பயிற்சி வழங்கப்படும். பிளஸ்-2 முடித்தவுடன் வேலை பெறும் வகையில் அரசு பயிற்சி வழங்கி வருகிறது.

    இவ்வாறு அவர் கூறினார். #ministersenkottaiyan #NEETexam #NEETtraining

    ×