நீங்கள் தேடியது "G Parameshwara"

கர்நாடக மாநில நடிகையான ரன்யா ராவ், தங்கம் கடத்தல் வழக்கில் கைது செய்யப்பட்டார். இவர் வெளிநாட்டில் இருந்து பலமுறை தங்கம் கடத்தி வந்தது விசாரணையில் தெரியவந்தது. தங்கம் கடத்தப்பட்ட வழக்கில் சட்ட விரோதமாக பண பரிவர்த்தனை நடந்திருக்கலாம் என்ற கோணத்தில் அமலாக்கத்துறை வழக்குப்பதிவு செய்து விசாரணை நடத்தி வருகிறது.

கர்நாடக மாநில போலீஸ் துறை (Home Minister) அமைச்சரான பரமேஷ்வரா தொடர்புடைய கல்வி நிறுவனம், ரன்யா ராவின் 40 லட்சம் ரூபாய் கிரெடிட் கார்டு பில்லை செலுத்தியிருந்தது. இது அமலாக்கத்துறைக்கு சந்தேகத்தை எழுப்பியது. இது தொடர்பாக பரமேஷ்வரா தொடர்புடைய பல்வேறு இடங்களில் அமலாக்கத்துறை கடந்த இரண்டு நாட்களாக 16 இடங்களில் சோதனை நடத்தியது.

இந்த சோதனை தொடர்பாக கர்நாடக மாநில துணை முதல்வர் டி.கே. சிவக்குமார் கூறுகையில் "அரசியல்வாதிகளாகிய நாங்கள் திருமணம் உள்ளிட்ட பல்வேறு நிகழ்ச்சிக்கு செல்கிறோம். சிலர் அறக்கட்டளை வைத்திருக்கிறார்கள். பரமேஷ்வரா 10 முதல் 15 லட்சம் வரை கொடுத்திருக்கலாம். அவர் தூய்மையானவர், நேர்மையானவர்" என ஆதரவு தெரிவித்திருந்தார்.

இந்த நிலையில் பரமேஷ்வரா தொடர்புடைய இடங்களில் அமலாக்கத்துறை சோதனை நடத்த கர்நாடக மாநில காங்கிரஸ் கட்சிக்குள் உள்ள கோஷ்டி பிரிவுதான் காரணம் என மத்திய அமைச்சர் பிரகலாத் ஜோஷி தெரிவித்துள்ளார்.

இது தொடர்பாக பிரகலாத் ஜோஷி கூறியதாவது:-

அவர்கள் மீது நடவடிக்கை எடுங்கள் என அமலாக்கத்துறைக்கு கடிதம் எழுதியது யார்?. காங்கிரஸ் கட்சியின் கோஷ்டி பிரிவினர் காரணமாக, அமலாக்கத்துறைக்கு அனைத்து தகவலும் அனுப்பப்பட்டுள்ளது. இப்போது அவர்கள் இங்கே ஒரு நாடகத்தை அரங்கேற்றுகிறார்கள்.

பரமேஸ்வராவை நான் மதிக்கிறேன் என்பதை தெளிவுபடுத்த விரும்புகிறேன். அவர் ஒரு பண்பட்ட அரசியல்வாதி. விஷயம் என்னவென்றால், புகார்கள் வந்ததால் அமலாக்கத்துறை விசாரணை நடத்தி வருகிறது. காங்கிரஸ் கட்சிக்குள் ஒரு பிரிவினர் அமலாக்கத்துறையிடம் புகார் அளித்தனர்.

ஜம்மு-காஷ்மீர் மாநிலம் பஹல்காம் அருகே உள்ளது பைசாரன் பள்ளத்தாக்கு. அடர்ந்த பைன் மரக் காடுகள் மற்றும் மலைகளால் சூழப்பட்ட இந்த இடம் மினி ஸ்விட்சர்லாந்து என்று அழைக்கப்படுகிறது. பஹல்காம் மற்றும் பைசாரன் ஜம்மு-காஷ்மீரின் முக்கிய சுற்றுலாத்தலமாகும்.

இந்த பகுதியில் நேற்று திடீரென சுற்றுலாப் பயணிகள் மீது பயங்கரவாதிகள் தாக்குதல் நடத்தினர். இதில் 26 பேர் உயிரிழந்தனர். தீவிரவாதிகள் ஒவ்வொருவரின் பெயரை கேட்டு, தாக்குதல் நடத்தியுள்ளனர். கொலை செய்யப்பட்ட அனைவரும் ஆண்கள் எனக் கூறப்படுகிறது.

2019ஆம் ஆண்டு புல்வாமாவில் சிஆர்பிஎஃப் வீரர்கள் மீது பயங்கரவாதிகள் தாக்குதல் நடத்தினர். இந்த தாக்குதலுக்குப் பிறகு மிகப்பெரிய தாக்குதலாக இது பார்க்கப்படுகிறது.

இந்த நிலையில் இந்த கொடூர தாக்குதல் உளவுத்துறை தோல்வியாகும் என கர்நாடக மாநில உள்துறை அமைச்சர் பரமேஷ்வரா தெரிவித்துள்ளார்.

இது தொடர்பாக கர்நாடக மாநில உள்துறை அமைச்சர் ஜி. பரமேஷ்வரா கூறியதாவது:-

நாட்டில் மிகவும் வலுவான ராணுவ உளவுத்துறையை நாம் கொண்டுள்ளோம். பல்வேறு நிலைகளில் அவை சிறப்பாக செயல்பட்டுள்ளது. பயங்கரவாதிகள் எப்படி, எங்கிருந்து தாக்குதல் நடத்தப்பட்ட இடத்திற்கு வந்தார்கள் என்பதில் ஏன் உளவுத்துறை தோல்வி நடைபெற்றது என்பதுதான் முக்கிய கேள்வி.

மத்திய அரசு இந்த விசயத்தை மிகவும் தீவிரமாக எடுத்துக் கொள்ள வேண்டும். இந்துக்கள் மட்டுமே குறிவைக்கப்பட்டுள்ளது இன்னும் கவலை அளிக்கிறது.

இவ்வாறு பரமேஷ்வரா தெரிவித்தார்.

மேலும், இது தேசிய பாதுகாப்பு மற்றும் நமது சமூகத்தின் பாதுகாப்பு பற்றிய கேள்வி. இதில் நாம் ஏன் அரசியலை கொண்டு வர வேண்டும். நாம் எந்த அரசியல் கட்சியின் பெயரையும் பயன்படுத்தக்கூடாது. நான் எந்த அரசியல் கட்சியின் பெயரையும் பயன்படுத்தவில்லை எனக் கூறியுள்ளார்.