சினிமா செய்திகள்

கொரோனா வைரஸ் அச்சுறுத்தலால் ஊரடங்கு உத்தரவு பிறப்பிக்கப்பட்டுள்ளது. இதனால் சின்னத்திரை நடிகர்கள், சினிமா தொழிலாளர்கள், குறைந்த அளவு சம்பளம் வாங்கும் நடிகர் நடிகைகள் பலரும் பாதிக்கப்பட்டுள்ளனர். இவர்களுக்கு பலரும் உதவிகளை செய்து வருகிறார்கள்.
தற்போது கொரோனாவின் பிடியில் சிக்கியுள்ளவர்களுக்கு உதவும் வகையில் சின்னத்திரை தயாரிப்பாளரும், நடிகையுமான குட்டி பத்மினி சின்னத்திரை நடிகர்கள், சின்னத்திரை இயக்குனர் சங்கம், எழுத்தாளர் சங்கம், பெப்சி, சினிமா பத்திரிகையாளர் சங்கம்,  தென்னிந்திய திரைப்பட பத்திரிகை தொடர்பாளர் யூனியன், மற்றும் பொதுமக்கள் உட்பட ஏறத்தாழ 2000 பேர்களுக்கு அரிசி, பருப்பு வகைகள், பண உதவி என வழங்கி உள்ளார்.

தமிழில் வெண்ணிலா கபடி குழு, பலே பாண்டியா, குள்ள நரி கூட்டம், நீர்ப்பறவை, முண்டாசுப்பட்டி, வேலைன்னு வந்துட்டா வெள்ளைக்காரன், ராட்சசன் உள்ளிட்ட படங்களில் நடித்தவர் விஷ்ணு விஷால். இவர் நடித்துள்ள காடன், ஜகஜால கில்லாடி ஆகிய படங்களின் ரிலீஸ் கொரோனா ஊரடங்கால் தள்ளிப்போயுள்ளன.

இதையடுத்து எப்.ஐ.ஆர். எனும் படத்தை தயாரித்து நடிக்கிறார். இந்நிலையில் இவர் அடுத்ததாக நடித்து தயாரிக்கும் மோகன் தாஸ் என்ற படத்தின் பர்ஸ்ட் லுக் போஸ்டரை சமீபத்தில் வெளியிட்டார்.
சிக்ஸ் பேக் உடற்கட்டுடன் உடல் முழுவதும் ரத்தக்கறையுடன் விஷ்ணு விஷால் இருப்பதுபோல் அப்போஸ்டர் அமைந்துள்ளது. பலரும் அதை பாராட்டி வந்த நிலையில், அந்த போட்டோவை எடுத்தது யார் என்ற உண்மையை தற்போது விஷ்ணு விஷால் கூறியுள்ளார்.

ஷுட்டிங்கின்போது தனது பெண் தோழியான பேட்மிட்டன் வீராங்கனை ஜுவாலா கட்டா தான் இந்த போட்டோவை எடுத்தது என்று அவர் கூறியுள்ளார். விளையாட்டாக எடுத்த அந்த போட்டோவை வைத்து கிரியேட்டிவாக ஏதாவது செய்ய வேண்டும் என்று விரும்பிய படக்குழுவினர் அதனை டிஜிட்டல் போஸ்டராக மாற்றியுள்ளனர்.  அந்தப் அந்த போஸ்டர் இவ்வளவு பெரிய வெற்றியடையும் என்று தான் நினைக்கவில்லை என்றும் அவர் கூறியுள்ளார்.

தமிழ் சினிமாவில் முன்னணி நடிகையாக வலம் வந்தவர் ரம்பா. கடந்த 2010ம் ஆண்டு கனடாவை சேர்ந்த தொழிலதிபர் இந்திரகுமார் பத்மநாபனை திருமணம் செய்து கொண்டார். திருமணத்திற்கு பின் நடிப்பிற்கு முழுக்கு போட்ட ரம்பா, டிவி நிகழ்ச்சிகளில் மட்டும் பங்கேற்றார். இவர்களுக்கு லான்யா, சாஷா மற்றும் ஷிவின் என மூன்று பிள்ளைகள் உள்ளனர்.
கொரோனா ஊரடங்கால் உலகமே முடங்கி உள்ள நிலையில் கனடாவில் வசிக்கும் ரம்பா திருமண நாளை வீட்டிலேயே கொண்டாடினார். இதுகுறித்து அவர் கூறும்போது, நண்பர்கள், உறவினர்கள் இல்லாமல் கணவர், குழந்தைகளுடன் திருமண நாளை கொண்டாடினோம். வெளியில் இருந்து கேக் கூட வாங்காமல் நாங்களே வீட்டில் கேக் தயார் செய்தோம்.
 எதிர்பாராத நேரத்தில் இரு மகள்கள் கொடுத்த வாழ்த்துமடல் மிகுந்த மகிழ்ச்சி அளித்தது. இந்த கடினமான சூழலில் பணம், பரிசுகள் எதுவும் இன்றி அன்பு மட்டுமே எங்களை மகிழ்ச்சி கொள்ள செய்தது. அனைவரும் பாதுகாப்பாக இருங்கள், குடும்பத்துடன் நேரத்தை செலவிடுங்கள்' என்றார்.

கொரோனா ஊரடங்கால் மக்கள் வீட்டுக்குள் முடங்கிக் இருக்கிறார்கள். இந்நிலையில் தொலைக்காட்சியில் புதிய படங்களை ஒளிபரப்பி வருகின்றன. விஜய் மற்றும் அஜித் படங்கள் திரையிடும் போதெல்லாம் அவர்களுடைய ரசிகர்கள், சம்பந்தப்பட்ட படத்தை ஹேஷ்டேக் போட்டு டுவிட்டரில் டிரெண்டாக்குகின்றனர்.

இதில் இரண்டு தரப்புக்கும் இடையே போட்டியும், மோதலும் நடைபெற்று வருகிறது. ஒருவரை ஒருவர் மோசமான வார்த்தைகளால் திட்டிக்கொள்கின்றனர். அவர்கள் பதிவிடும் டுவிட்களில் சம்பந்தப்பட்ட படத்தில் நடித்த மற்ற நடிகர்களையும் டேக் செய்துவிடுகின்றனர். இதேபோல் நடிகர் விவேக்கும் டேக் செய்து பதிவு செய்கிறார்கள்.

இதனால் கோபமான விவேக், நண்பர்கள் அஜித், விஜய் அல்லது எந்த நடிகரையும், தனி நபரையும் தரம் தாழ்ந்து செய்யும் எதிர்மறைப் பதிவுகளை நான் விரும்புவதில்லை. என்னை டேக் செய்ய வேண்டாம் என்று கேட்டுக்கொள்கிறேன். மீறிச் செய்தால் பிளாக் ஆகும். நேர்மறைப் பதிவுகளுக்கே நான் டுவிட்டரைப் பயன்படுத்துகிறேன் என்று பதிவு செய்திருக்கிறார்.

சினிமா நடிகர், நடிகைகளிடம் இருக்கும் திறமைகளை அவர்களே மறந்துவிட்ட நிலையில் இப்போது இந்த விடுமுறை நேரத்தில் தான் அது அவர்களுக்கே நினைவுக்கு வருகிறது. பல நடிகைகள் தன் கணவருக்கும், தன் குழந்தைகளுக்கும் தங்கள் கைகளால் விதவிதமாக சமைத்து தருகின்றனர்.

அந்த வகையில் ஆர்யா, சாயிஷா ஜோடி இந்த ஊரடங்கை ஓய்வு நேரமாக நினைக்கின்றனர். சாயிஷா தன் கணவர் ஆர்யாவுக்கு தினமும் ஸ்பெஷல் உணவுகளை சமைத்து தருகிறார்.

முதலில் கப் கேக், சீஸ் கேக் என்று ஆரம்பித்து தற்போது, பிரியாணி சமைக்கும் அளவுக்கு தயாராகி விட்டார். பிரியாணி சாப்பிட்ட ஆர்யா அப்படியே அசந்து போய் விட்டு மிகவும் அருமை அருமை என்று கூறியுள்ளார். தன் மனைவி சமைத்த உணவுகளை படங்கள் எடுத்து தன் நண்பர்களுக்கும் சமூக வலைத்தளங்களிலும் வெளியிட்டுள்ள ஆர்யா இது என் வாழ்க்கையில் மிகவும் சந்தோஷமான தருணம் என்றும் குறிப்பிட்டுள்ளார்.