என் மலர்
கார்
எம்.ஜி. மோட்டார் நிறுவனத்தின் முழுமையான எலெக்ட்ரிக் கார் எம்.ஜி. இசட்.எஸ். மாடல் அதிக வரவேற்பு காரணமாக முன்பதிவு நிறுத்தப்பட்டுள்ளது.
எம்.ஜி. மோட்டார் நிறுவனம் தனது முதல் எலெக்ட்ரிக் காரை இந்தியாவில் இன்னும் வெளியிடவில்லை. அந்த வகையில் இந்த காரின் விலையும் இதுவரை அறிவிக்கப்படாமல் உள்ளது. எனினும், எம்.ஜி. இசட்.எஸ். எலெக்ட்ரிக் கார் விவரங்கள் ஏற்கனவே அறிவிக்கப்பட்டு இதன் முன்பதிவுகள் டிசம்பர் 21, 2019 இல் துவங்கப்பட்டது.
இந்நிலையில், முன்பதிவு துவங்கிய ஒரு மாதத்திற்குள் எம்.ஜி. இசட்.எஸ். காரை வாங்க சுமார் 2300 பேர் முன்பதிவு செய்துள்ளனர். இதன் காரணமாக எம்.ஜி. இசட்.எஸ். காருக்கான முன்பதிவுகளை எம்.ஜி. மோட்டார் நிறுவனம் தற்காலிகமாக நிறுத்தியுள்ளது. முன்னதாக எம்.ஜி. மோட்டார் நிறுவனம் ஹெக்டார் காரை இந்திய சந்தையில் அறிமுகம் செய்தது.
கடந்த ஆண்டு அறிமுகமான ஹெக்டார் மாடல் மிட்சைஸ் எஸ்.யு.வி. பிரிவில் நல்ல வரவேற்பை பெற்றது. இந்நிலையில், இந்நிறுவனத்தின் இரண்டாவது மாடலுக்கும் அமோக வரவேற்பு கிடைத்து இருக்கிறது.
இந்தியாவில் எம்.ஜி. இசட்.எஸ். எலெக்ட்ரிக் கார் ஜனவரி 23-ம் தேதி வெளியிடப்பட இருக்கிறது. வெளியீட்டு நிகழ்விலேயே புதிய காரை வாங்கும் முதற்கட்ட வாடிக்கையாளர்களுக்கு மட்டும் பிரத்யேக விலை அறிவிக்கப்பட இருக்கிறது. இதனால் எம்.ஜி. இசட்.எஸ். காருக்கான இரண்டாம் கட்ட முன்பதிவில் விலை மாற்றம் செய்யப்படும் என தெரிகிறது.
எம்.ஜி. இசட்.எஸ். எலெக்ட்ரிக் கார் 44.5 கிலோவாட் பேட்டரி பேக் மூலம் சக்தியூட்டப்படுகிறது. இது அதிகபட்சமாக 141 பி.ஹெச்.பி. பவர் செயல்திறன் வழங்கும் திறன் கொண்டிருக்கிறது. இதனை ஒருமுறை சார்ஜ் செய்தால் அதிகபட்சம் 340 கிலோமீட்டர் வரை செல்லும். மேலும் இந்த காரை ஃபாஸ்ட் சார்ஜர் கொண்டு 0-80 சதவீதம் வரை சார்ஜ் செய்ய ஒரு மணி நேரத்திற்கும் குறைவாகவே ஆகும்.
காரின் உள்புறம் முழுக்க கருப்பு நிறம் கொண்டிருக்கிறது. இதன் டேஷ்போர்டு பிரீமியம் உபகரணங்களால் உருவாக்கப்பட்டுள்ளது. டேஷ்போர்டில் 8.0 இன்ச் தொடுதிரை வசதி கொண்ட இன்ஃபோடெயின்மென்ட் யூனிட் வழங்கப்படுகிறது. ஆண்ட்ராய்டு ஆட்டோ, ஆப்பிள் கார் பிளே, நேவிகேஷன், ரிவர்ஸ் / பார்க்கிங் கேமரா போன்ற அம்சங்கள் வழங்கப்பட்டுள்ளன.
மாருதி சுசுகி நிறுவனத்தின் புதிய பி.எஸ். 6 கார் இந்திய சந்தையில் அறிமுகம் செய்யப்பட்டது. இதன் முழு விவரங்களை பார்ப்போம்.
மாருதி சுசுகி நிறுவனத்தின் இகோ பி.எஸ். 6 கார் இந்தியாவில் அறிமுகம் செய்யப்பட்டது. இந்தியாவில் பி.எஸ்.6 இகோ மாடல் விலை ரூ. 3.81 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. மாருதி சுசுகி இகோ பி.எஸ்.6 மாடலின் என்ஜின் தவிர சிறுசிறு மாற்றங்கள் மேற்கொள்ளப்பட்டுள்ளது.
இகோ மாடலில் மேம்பட்ட 1.2 லிட்டர் பெட்ரோல் என்ஜின் வழங்கப்பட்டுள்ளது. இதே என்ஜின் மாருதி நிறுவனத்தின் மற்ற மாடல்களிலும் வழங்கப்பட்டு இருக்கிறது. இந்த என்ஜின் 75 பி.ஹெச்.பி. பவர், 101 என்.எம். டார்க் செயல்திறன் வழங்குகிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்பட்டுள்ளது.
மாருதி சுசுகி இகோ சி.என்.ஜி. வேரியண்ட்டிலும் கிடைக்கிறது. இதன் சி.என்.ஜி. வேரியண்ட் லிட்டருக்கு 21.8 கிலோமீட்டர்கள் செல்லும் திறன் கொண்டிருக்கிறது.
மாருதி சுசுகி இகோ கார் பல்வேறு வேரியணட்களில் கிடைக்கிறது. இந்தியாவில் இந்த கார் முதன்முதலில் 2010-ம் ஆண்டு அறிமுகம் செய்யப்பட்டது. அறிமுகமானது முதல் இதுவரை சுமார் 6.5 லட்சம் யூனிட்கள் விற்பனையாகி இருக்கிறது.
எம்.ஜி. மோட்டார் இந்தியா நிறுவனத்தின் இசட்.எஸ். எலெக்ட்ரிக் கார் இந்திய வெளியீட்டு விவரங்களை தொடர்ந்து பார்ப்போம்.
எம்.ஜி. மோட்டார் நிறுவனம் தனது இசட்.எஸ். எலெக்ட்ரிக் எஸ்.யு.வி. காரை இந்தியாவில் ஜனவரி 27-ம் தேதி அறிமுகம் செய்ய இருக்கிறது. இதற்கான முன்பதிவுகள் துவங்கப்பட்டுள்ளன. வாடிக்கையாளர்கள் ஆன்லைன் மற்றும் எம்.ஜி. மோட்டார் விற்பனையகம் சென்று ரூ. 50,000 கட்டணத்தில் புதிய எலெக்ட்ரிக் காரை முன்பதிவு செய்ய முடியும்.
எம்.ஜி. இசட்.எஸ். இந்திய சந்தையில் எம்.ஜி. மோட்டார் நிறுவனத்தின் இரண்டாவது மாடல் ஆகும். முன்னதாக அந்நிறுவனத்தின் ஹெக்டார் கார் இந்தியாவில் விற்பனையாகி வருகிறது. இந்தியாவில் அறிமுகமானதும் எம்.ஜி. இசட்.எஸ். கார்: ஐதராபாத், ஆமதாபாத், பெங்களூரு, டெல்லி மற்றும் மும்பை போன்ற நகரங்களில் மட்டுமே கிடைக்கும்.
எம்.ஜி. இசட்.எஸ். இ.வி. கார் 44.5 கிலோவாட் பேட்டரி பேக் மூலம் சக்தியூட்டப்படுகிறது. இது அதிகபட்சமாக 141 பி.ஹெச்.பி. பவர் செயல்திறன் வழங்கும் திறன் கொண்டிருக்கிறது. இதனை ஒருமுறை சார்ஜ் செய்தால் அதிகபட்சம் 340 கிலோமீட்டர் வரை செல்லும். மேலும் இந்த காரை ஃபாஸ்ட் சார்ஜர் கொண்டு 0-80 சதவீதம் வரை சார்ஜ் செய்ய ஒரு மணி நேரத்திற்கும் குறைவாகவே ஆகும்.
காரின் உள்புறம் முழுக்க கருப்பு நிறம் கொண்டிருக்கிறது. இதன் டேஷ்போர்டு பிரீமியம் உபகரணங்களால் உருவாக்கப்பட்டுள்ளது. டேஷ்போர்டில் 8.0 இன்ச் தொடுதிரை வசதி கொண்ட இன்ஃபோடெயின்மென்ட் யூனிட் வழங்கப்படுகிறது. ஆண்ட்ராய்டு ஆட்டோ, ஆப்பிள் கார் பிளே, நேவிகேஷன், ரிவர்ஸ் / பார்க்கிங் கேமரா போன்ற அம்சங்கள் வழங்கப்பட்டுள்ளன.
இத்துடன் புதிய காரில் ஆட்டோமேடிக் கிளைமேட் கண்ட்ரோல், ஹீட்டெட் முன்புற இருக்கைகள் போன்ற வசதிகள் வழங்கப்பட்டுள்ளன. முன்னதாக எம்.ஜி. மோட்டார் நிறுவனம் ஃபோர்டம் நிறுவனத்துடன் இணைந்து இந்தியாவின் முதல் 50 கிலோவாட் ஃபாஸ்ட் சார்ஜிங் மையத்தினை குர்கிராமில் துவங்கியது.
ஜீப் இந்தியா நிறுவனம் காம்பஸ் பி.எஸ்.6 டீசல் ஆட்டோமேடிக் வேரியண்ட் காரை இந்திய சந்தையில் அறிமுகம் செய்துள்ளது.
ஜீப் இந்தியா நிறுவனம் காம்பஸ் எஸ்.யு.வி. காரின் டீசல் ஆட்டோமேடிக் வேரியண்ட்டை இந்திய சந்தையில் அறிமுகம் செய்துள்ளது. புதிய ஜீப் காம்பஸ் டீசல் ஆட்டோமேடிக் வேரியண்ட் துவக்க விலை ரூ. 21.96 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
புதிய டீசல் ஆட்டோமேடிக் பவர்டிரெயின் லாங்கிடியூட் மற்றும் லிமிட்டெட் பிளஸ் வேரியண்ட்களில் மட்டுமே வழங்கப்படுகிறது. டாப் எண்ட் லிமிட்டெட் பிளஸ் வேரியண்ட் டீசல் ஆட்டோமேடிக் விலை ரூ. 24.99 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
புதிய 9 ஸ்பீடு ஆட்டோமேடிக் கியர்பாக்ஸ் உடன் ஜீப் காம்பஸ் காரின் இரண்டு வேரியண்ட்களிலும் பி.எஸ்.6 விதிகளுக்கு பொருந்தும் என்ஜின் கொண்டிருக்கிறது. தற்சமயம் ஜீப் காம்பஸ் டீசல் ஆட்டோமேடிக் பவர்டிரெயின் காம்பஸ் டிரெயில்ஹாக் வேரியண்ட்டில் மட்டுமே கிடைக்கிறது.
இந்தியாவில் ஜீப் காம்பஸ் டிரெயில்ஹாக் மாடல் கடந்த ஆண்டு அறிமுகம் செய்யப்பட்டது. இதன் விலை ரூ. 26.80 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
ஜீப் காம்பஸ் லாங்கிடியூட் மற்றும் லிமிட்டெட் பிளஸ் வேரியண்ட்களில் வழங்கப்பட்டுள்ள புதிய பவர்டெரியன் ஏற்கனவே டிரெயில்ஹாக் மாடல்களில் உள்ள பவர்டிரெயின் போன்றதாகும். இதில் 2.0 லிட்டர் டீசல் என்ஜின் வழங்கப்பட்டுள்ளது. இது 173 பி.ஹெச்.பி. பவர், 350 என்.எம். டார்க் செயல்திறன் மற்றும் 9-ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.
கியா மோட்டார்ஸ் நிறுவனத்தின் அதிகம் எதிர்பார்க்கப்படும் கார்னிவல் எம்.பி.வி. கார் நான்கு வேரியண்ட்களில் அறிமுகம் செய்யப்படும் என கூறப்படுகிறது.
கியா மோட்டார்ஸ் நிறுவனத்தின் கார்னிவல் எம்.பி.வி. கார் 2020 ஆட்டோ எக்ஸ்போ விழாவின் முதல் நாளில் அறிமுகம் செய்யப்பட இருக்கிறது. இந்நிலையில், புதிய கார்னிவல் கார் நான்கு வேரியண்ட்களில் அறிமுகமாகும் என தகவல் வெளியாகியுள்ளது.
கியா எம்.பி.வி. கார் பல்வேறு சீட்டிங் அமைப்புகளில் வெவ்வேறு விலையில் கிடைக்கும் என ஏற்கனவே தகவல் வெளியாகி இருக்கிறது. அந்த வகையில் என்ட்ரி லெவல் மாடலில் ஒன்பது பேரும், நடுத்தர மாடலில் எட்டு பேர், டாப் எண்ட் மாடலில் ஏழு பேர் அமரக்கூடிய வகையில் வெவ்வேறு விலைகளில் விற்பனைக்கு வரும் என கூறப்படுகிறது. இதன் டாப் எண்ட் மாடல் விலை ரூ. 30 லட்சம் வரை நிர்ணயிக்கப்படலாம்.
இதில் ஏழு பேர் அமரக்கூடிய மாடலில் நப்பா லெதரால் ஆன இருக்கைகள், பின்புற இருக்கைகளில் பொழுதுபோக்கிற்கு இரண்டு 10.1 இன்ச் ஸ்கிரீன்கள் வழங்கப்பட்டுள்ளன. டாப் எண்ட் மாடலில் 18 இன்ச் அலாய், டூயஸ் பேன் சன்ரூஃப், பவர்டு டெயில்கேட், கீலெஸ் என்ட்ரி, வயர்லெஸ் சார்ஜிங் போன்ற அம்சங்கள் வழங்கப்படுகின்றன.
புதிய கார்னிவல் காரில் 200 பி.ஹெச்.பி. பவர் வழங்கும் 2.2 லிட்டர் டீசல் என்ஜின் வழங்கப்படுகிறது. தேர்வு செய்யப்பட்ட சில விற்பனையாளர்களிடம் கியா கார்னிவல் காருக்கான முன்பதிவு நடைபெற்று வருகிறது.
கார் தயாரிப்பில் பிரபல நிறுவனமாக அறியப்படும் கிரேட் வால் மோட்டார்ஸ் விரைவில் இந்திய சந்தையில் ஹாவல் பிராண்ட் கார்களை அறிமுகம் செய்ய இருக்கிறது.
கார் தயாரிப்பில் முன்னணியில் உள்ள சீனாவைச் சேர்ந்த கிரேட் வால் மோட்டார்ஸ் நிறுவனத்தின் ஹாவல் பிராண்டு கார்கள் இந்தியாவில் அறிமுகமாகிறது.
ஏற்கனவே சீனாவின் எம்.ஜி. மோட்டார்ஸ் பெருமளவு வரவேற்பைப் பெற்ற நிலையில் இந்த சீன நிறுவனமும் இந்தியாவில் தனது தயாரிப்புகளை அறிமுகம் செய்ய உள்ளது. எஸ்.யு.வி. மாடல் கார்கள் தயாரிப்பில் சீனாவில் மிகவும் பிரபலமான நிறுவனமாக கிரேட் வால் மோட்டார்ஸ் விளங்குவது குறிப்பிடத்தக்கது.
இந்நிறுவனத்தின் பிரபல எஸ்.யு.வி. மாடலான ஹெச்4, ஹெச்6 மற்றும் ஹெச்9 மாடல் கார்கள் அனைத்தும் பிப்ரவரி மாதம் டெல்லியில் நடைபெற உள்ள சர்வதேச ஆட்டோமொபைல் கண்காட்சியில் இடம்பெற உள்ளது. இது தவிர இந்நிறுவனத்தின் துணை நிறுவனமான வேய் மோட்டார்ஸ் உருவாக்கியுள்ள பேட்டரி கார்களும் கண்காட்சியில் இடம்பெறும்.
இந்தியாவில் முதலில் அறிமுகப்படுத்த திட்டமிட்டுள்ள ஹாவல் ஹெச்4 மாடலானது மிகவும் கூர்மையான முன்பகுதியைக் கொண்டது. ஏற்கனவே புழக்கத்தில் உள்ள ஹூண்டாய் கிரெடா மாடலைக் காட்டிலும் இது பெரியதாகும்.
இதன் பக்கவாட்டு தோற்றம் பார்ப்பதற்கு ஜீப் கம்பாஸை போன்றிருக்கும். இது 4.4 மீட்டர் நீளம் உடையது. 2,660 மி.மீ. சக்கரங்களை உடையது. இது 170 ஹெச்.பி. திறன் மற்றும் 1.5 டர்போ பெட்ரோல் என்ஜின் கொண்டிருக்கிறது. இத்துடன் டியூயல் கிளட்ச் மற்றும் ஏ.எம்.டி. வசதி வழங்கப்பட்டுள்ளது.
இந்திய சந்தையில் ஹூண்டாய் நிறுவனத்தின் சான்ட்ரோ பி.எஸ்.6 கார் விலை விவரங்கள் இணையத்தில் வெளியாகியுள்ளது.
ஹூண்டாய் நிறுவனத்தின் பி.எஸ்.6 சான்ட்ரோ கார் விரைவில் இந்திய சந்தையில் அறிமுகமாக இருக்கிறது. இந்நிலையில், வெளியீட்டிற்கு முன் பி.எஸ்.6 சான்ட்ரோ காரின் விலை விவரங்கள் இணையத்தில் லீக் ஆகியுள்ளன.
அதன்படி புதிய பி.எஸ்.6 சான்ட்ரோ கார் விலை ரூ. 4.57 லட்சத்தில் துவங்கி டாப் எண்ட் மாடல் விலை ரூ. 6.25 லட்சம் வரை நிர்ணயம் செய்யப்படலாம். இது தற்சமயம் விற்பனையாகும் மாடல்களை விட ஒவ்வொரு வேரியண்ட்டிற்கு ஏற்ப ரூ. 22,000 முதல் ரூ. 27,000 வரை அதிகமாகும்.
மேலும் ஹூண்டாய் சான்ட்ரோ சி.என்.ஜி. வேரியண்ட் விலையில் எவ்வித மாற்றமும் இருக்காது என கூறப்படுகிறது. இங்கு குறிப்பிடப்பட்டுள்ள அனைத்து விலைகளும் எக்ஸ்-ஷோரூம் அடிப்படையில் வழங்கப்பட்டுள்ளது.
புதிய சான்ட்ரோ காரின் வடிவமைப்பு டால்-பாய் தோற்றத்தில் காட்சியளிக்கிறது. முன்புறம் கேஸ்கேடிங் கிரில், குரோம் சரவுண்ட்கள், ஸ்வெப்ட்பேக் ஹெட்லேம்ப்கள், ஃபாக் லேம்ப்கள் வழங்கப்படுகின்றன. முன்புற கிரில், ஃபாக் லேம்ப் மற்றும் புதிய பம்ப்பர் பகுதிகளை சுற்றி கருப்பு நிற பிளாஸ்டிக் மூலம் வடிவமைக்கப்படுகிறது.
இத்துடன் 7 இன்ச் தொடுதிரை வசதி கொண்ட இன்ஃபோடெயின்மென்ட் சிஸ்டம், ஆண்ட்ராய்டு ஆட்டோ, ஆப்பிள் கார் பிளே, மிரர் லின்க், பின்புற ஏ.சி. வென்ட்கள், ஸ்டீரிங் மவுன்ட் செய்யப்பட்ட ஆடியோ கண்ட்ரோல்கள், யு.எஸ்.பி. போர்ட், இன்ஸ்ட்ரூமென்ட் கிளஸ்டரில் எம்.ஐ.டி., பின்புற இருக்கைகளை மடிக்கும் வசதி, பவர் விண்டோக்கள், பின்புறம் வைப்பர் உள்ளிட்ட வசதிகள் வழங்கப்படுகின்றன.
மஹிந்திரா நிறுவனத்தின் இ.கே.யு.வி.100 எலெக்ட்ரிக் காரின் இந்திய வெளியீட்டு விவரங்களை தொடர்ந்து பார்ப்போம்.
மஹிந்திரா நிறுவனத்தின் இ.கே.யு.வி.100 இந்திய சந்தையில் அதிகம் எதிர்பார்க்கப்படும் எலெக்ட்ரிக் வாகனங்களில் ஒன்றாக இருக்கிறது. இந்தியாவில் 2018 ஆட்டோ எக்ஸ்போ விழாவில் இ.கே.யு.வி.100 காட்சிக்கு வைக்கப்பட்டது.
மஹிந்திராவின் புதிய இ.கே.யு.வி.100 கார் இந்திய சந்தையில் ஏப்ரல் முதல் ஜூன் மாதத்திற்குள் அறிமுகம் செய்யப்பட இருப்பதாக மஹிந்திரா & மஹிந்திரா நிறுவனத்தின் நிர்வாக இயக்குனர் மற்றும் தலைமை செயல் அதிகாரி பவன் கோயன்கா தெரிவித்திருக்கிறார். மேலும் இதன் விலை ரூ. 9 லட்சத்திற்கும் குறைவாகவே நிர்ணயிக்கப்படும் என அவர் தெரிவித்தார்.
மஹிந்திரா இ.கே.யு.வி.100 மாடலின் தோற்றம் பார்க்க பெட்ரோல் மாடலை போன்றே காட்சியளிக்கிறது. எனினும், இதில் மேம்பட்ட கிரில், ஹெட்வொர்க் மற்றும் டெயில்லைட்களில் மாற்றம் செய்யப்பட்டிருக்கலாம். உள்புறங்களில் அதிகளவு மாற்றங்கள் செய்யப்படாது என்றே தெரிகிறது.
மஹிந்திரா இ.கே.யு.வி.100 மாடலில் 40 kW எலெக்ட்ரிக் மோட்டார் வழங்கப்படலாம். இது 53 பி.ஹெச்.பி. பவர், 120 என்.எம். டார்க் செயல்திறன் வழங்குகிறது. இத்துடன் 15.9 kWh லித்தியம் அயன் பேட்டரி கொண்டிருக்கும் என்றும் இதனை ஒருமுறை சார்ஜ் செய்தால் 120 கிலோமீட்டர் வரை செல்லும் திறன் கொண்டிருக்கும் என எதிர்பார்க்கப்படுகிறது.
இந்தியாவில் குறைந்த விலை எலெக்ட்ரிக் கார் மாடலாக மஹிந்திரா இ.கே.யு.வி.100 இருக்கும். இதன் விலை ஒவ்வொரு மாநிலத்தின் சலுகைகளுக்கு ஏற்ப மாறலாம் என்றும் எதிர்பார்க்கப்படுகிறது.
ரெனால்ட் நிறுவனத்தின் புதுவரவான டிரைபர் எம்.பி.வி. ரக கார் இந்திய விற்பனையில் 20,000 யூனிட்களை கடந்துள்ளது.
ரெனால்ட் இந்தியா நிறுவனம் இந்தியாவில் சமீபத்தில் அறிமுகம் செய்த டிரைபர் எம்.பி.வி. கார் 20,000-க்கும் அதிக யூனிட்கள் விற்பனையாகி இருக்கிறது. இந்தியாவில் ரெனால்ட் டிரைபர் காரின் விற்பனை கடந்த ஆண்டு ஆகஸ்ட் மாதத்தில் துவங்கியது.
ரெனால்ட் டிரைபர் சப்-4 மீட்டர் அளவில் உருவாக்கப்பட்ட எம்.பி.வி. கார் ஆகும். இந்தியாவில் இந்த கார் கடந்த ஆண்டு ஜூன் மாதத்தில் அறிமுகம் செய்யப்பட்டு விற்பனை ஆகஸ்ட் மாத்ததில் துவங்கப்பட்டது. அந்த வகையில் இந்திய சந்தையில் டிரைபர் கார் அமோக வரவேற்பு பெற்று வருகிறது.
இந்திய சந்தையில் டிசம்பர் 2019-இல் அதிகம் விற்பனையான எம்.பி.வி. கார்களில் ரெனால்ட் டிரைபர் மூன்றாவது இடம்பிடித்துள்ளது. 2019 டிசம்பரில் மட்டும் சுமார் 5,631 டிரைபர் கார்களை ரெனால்ட் விற்பனை செய்துள்ளது. அதிகம் விற்பனையான கார்களின் பட்டியலில் மாருதி எர்டிகா மற்றும் மஹிந்திரா பொலிரோ கார்களுக்கு அடுத்த இடத்தில் டிரைபர் இருக்கிறது.
ரெனால்ட் டிரைபர் கார் சி.எம்.எஃப்.-ஏ பிளாட்ஃபார்மை தழுவி உருவாக்கப்பட்டுள்ளது. காரின் உள்புறம் டூயல்-டோன் இன்டீரியர் செய்யப்பட்டுள்ளது. டேஷ்போர்டு, ஸ்டீரிங் வீல் மற்றும் டோர் பேனல்களில் சில்வர் ட்ரிம் செய்யப்பட்டிருப்பது காருக்கு பிரீமியம் தோற்றத்தை வழங்குகிறது.
ரெனால்ட் டிரைபர் கார் 1.0 லிட்டர் என்ஜின் கொண்டிருக்கிறது. இதே என்ஜின் ரெனால்ட் க்ளியோ மற்றும் சான்ட்ரியோ போன்ற மாடல்களிலும் வழங்கப்பட்டுள்ளது. இந்த என்ஜின் 71 பி.ஹெச்.பி. பவர், 96 என்.எம். டார்க் செயல்திறன் வழங்குகிறது. இத்துடன் 5-ஸ்பீடு மேனுவல் அல்லது 5-ஸ்பீடு ஈசி ஆர் ஏ.எம்.டி. கியர்பாக்ஸ் வழங்கப்பட்டுள்ளது.
இந்தியாவில் ரெனால்ட் டிரைபர் XE விலை ரூ.4.95 லட்சத்தில் துவங்கி டாப் எண்ட் RXZ விலை ரூ.6.49 லட்சம் என நிர்ணயம் செய்யப்பட்டுள்ளது.
இந்தியாவில் இன்னோவா க்ரிஸ்டா பி.எஸ்.6 மாடலுக்கான முன்பதிவுகளை டொயோட்டா கிர்லோஸ்கர் மோட்டார்ஸ் துவங்கியுள்ளது.
டொயோட்டா கிர்லோஸ்கர் மோட்டார்ஸ் நிறுவனம் இந்திய சந்தையில் புதிய பி.எஸ்.6 இன்னோவா க்ரிஸ்டா காருக்கான முன்பதிவுகளை துவங்கியுள்ளது. இன்னோவா க்ரிஸ்டா மற்றும் டூரிங் ஸ்போர்ட் பி.எஸ்.6 மாடல்களின் விலை ரூ. 15.36 லட்சத்தில் துவங்கி அதிகபட்சம் ரூ. 24.06 லட்சம் வரை நிர்ணயிக்கப்பட்டுள்ளன.
புதிய பி.எஸ்.6 டொயோட்டா இன்னோவா க்ரிஸ்டா எம்.பி.வி. காருக்கான முன்பதிவுகள் முதற்கட்டமாக குறைந்த அளவில் மட்டும் நடைபெறும் என தெரிவிக்கப்பட்டுள்ளது. புதிய கார் விநியோகம் பிப்ரவரி மாத வாக்கில் துவங்க இருக்கிறது.
புதிய இன்னோவா க்ரிஸ்டா மற்றும் டூரிங் ஸ்போர்ட் மாடலில் பல்வேறு அம்சங்கள் மற்றும் உபகரணங்கள் வழங்கப்பட்டுள்ளன. இவற்றில் வெஹிகில் ஸ்டேபிலிட்டி கண்ட்ரோல், ஹில் அசிஸ்ட் கண்டோரல் மற்றும் இ.பி.எஸ். உள்ளிட்டவை முக்கியமானவைகளாக இருக்கின்றன.
பி.எஸ்.6 டொயோட்டா இன்னோவா க்ரிஸ்டா காரில் 2.4 லிட்டர், 2.8 லிட்டர் மற்றும் 2.7 லிட்டர் பெட்ரோல் யூனிட் என்ஜின்கள் வழங்கப்பட்டுள்ளன. பி.எஸ்.6 டொயோட்டா இன்னோவா க்ரிஸ்டா மாடல்களில் மேனுவல் மற்றும் ஆட்டோமேடிக் டிரான்ஸ்மிஷன் ஆப்ஷன்கள் வழங்கப்படுகின்றன.
இந்திய சந்தையில் விற்பனை துவங்கிய ஒரு வருடத்தில் டாடா ஹேரியர் கார் மொத்தம் 15,000 யூனிட்களை கடந்துள்ளது.
இந்திய சந்தையில் விற்பனை துவங்கிய ஒரு வருடத்தில் டாடா ஹேரியர் கார் மொத்தம் 15,000 யூனிட்கள் விற்பனையாகி இருக்கிறது. இந்தியாவில் கடந்த ஆண்டு ஜனவரி மாதம் வெளியான நிலையில், டாடாவின் புத்தம் புதிய OMEGArc பிளாட்ஃபார்மில் உருவான முதல் கார் என்ற பெருமையை ஹேரியர் பெற்றது.
மேலும் இம்பேக்ட் 2.0 வடிவமைப்பில் வெளியான முதல் காராகவும் ஹேரியர் இருக்கிறது. ஐந்து பேர் பயணிக்கக்கூடிய ஹேரியர் காரில் ஃபியாட் நிறுவனத்தின் 2.0 லிட்டர் டீசல் என்ஜின் வழங்கப்பட்டுள்ளது. இத்துடன் 6-ஸ்பீடு மேனுவல் கியர்பாக்ஸ் வழங்கப்படுகிறது.
விற்பனையில் ஒருவருடம் நிறைவுற்றதை கொண்டாடும் வகையில் டாடா மோட்டார்ஸ் நிறுவனம் ஹேரியர் காரை வாங்கிய வாடிக்கையாளர்களுக்கு ஹேரியர் சர்வீஸ் கோல்டு கிளப் சேவையை வழங்குகிறது. இதை கொண்டு வாடிக்கையாளர்கள் அடுத்த இரண்டு ஆண்டுகளுக்கு மேற்கொள்ளும் சர்வீஸ்களில் அதிகளவு ரூ. 8400 மதிப்புள்ள சலுகை மற்றும் தள்ளுபடி போன்றவற்றை பெற முடியும்.
கடந்த ஆண்டு மாதாந்திர விற்பனையில் டாடா ஹேரியர் சராசரியாக 1250 யூனிட்கள் வரை விற்பனையாகி இருந்தது. கடந்த ஆண்டு இரண்டாம் அரையாண்டு காலக்கட்டத்தில் இந்திய சந்தையில் எம்.ஜி. ஹெக்டார் மற்றும் கியா செல்டோஸ் போன்ற கார்களின் வரவு காரணமாக ஹேரியர் காருக்கு போட்டியாக அமைந்தது.
புதிய எஸ்.யு.வி.க்களின் விலை ஹேரியர் மாடலை விட விலை குறைவாகவும், பல்வேறு அதிநவீன அம்சங்களையும் கொண்டிருந்தன. சமீபத்தில் எம்.ஜி. ஹெக்டார் கார் விற்பனையில் ஹேரியர் மாடலை முந்தியது. எம்.ஜி. ஹெக்டார் கார் ஆறு மாதங்களில் 15,930 யூனிட்கள் விற்பனையாகி இருக்கிறது.
கியா மோட்டார்ஸ் நிறுவனத்தின் செல்டோஸ் கார் முன்பதிவில் புதிய மைல்கல் கடந்து இருக்கிறது. முழு விவரங்களை தொடர்ந்து பார்ப்போம்.
கியா மோட்டார்ஸ் நிறுவனத்தின் செல்டோஸ் கார் இந்திய சந்தையில் 1,00,000 முன்பதிவுகளை கடந்துவிட்டது. கடந்த ஆண்டு ஆகஸ்ட் மாதம் இந்திய சந்தையில் அறிமுகமான செல்டோஸ் எஸ்.யு.வி. மிக குறுகிய காலக்கட்டத்தில் அதிக பிரபல காராக உருவெடுத்து இருக்கிறது.
கடந்த ஆண்டு அக்டோபர் மற்றும் நவம்பர் மாதங்களில் செல்டோஸ் கார் முறையே 50,000 மற்றும் 80,000 யூனிட்கள் முன்பதிவை கடந்தது. டிசம்பர் மாதத்தில் செல்டோஸ் முன்பதிவுகளில் சரிவை சந்தித்தது.
செல்டோஸ் மாடலின் டீசல் வேரியண்ட்டிற்கு அதிக வரவேற்பு கிடைத்து வருவதாக கியா மோட்டார்ஸ் நிறுவனம் தெரிவித்து இருக்கிறது. மேலும் இந்த எஸ்.யு.வி.-யின் டாப் எண்ட் மாடல்களுக்கு அதிக வரவேற்பு கிடைத்திருப்பதாக அந்நிறுவனம் தெரிவித்துள்ளது.
தற்சமயம் வரை நடைபெற்று இருக்கும் முன்பதிவுகளில் பெரும்பான்மை வேரியண்ட்களில் டாப்-லைன் ஜி.டி.எக்ஸ்.+, ஹெச்.டி.எக்ஸ். மற்றும் ஹெச்.டி.எக்ஸ்.+ உள்ளிட்டவை இருக்கின்றன.
இதுதவிர இந்த பிரிவில் வேகமாக விற்பனையாகும் கார்களில் ஒன்றாக கியா செல்டோஸ் இருக்கிறது. மேலும் இந்த எஸ்.யு.வி. மாடலில் கூர்மையான மற்றும் கம்பீர வடிவமைப்பு கொண்டிருக்கிறது. இத்துடன் பிளாக்-அவுட் மெஷ் கிரில், எல்.இ.டி. ஹெட்லேம்ப்கள் வழங்கப்பட்டுள்ளன.
×