கார்

ஸ்கோடா நிறுவனத்தின் அதிகம் எதிர்பார்க்கப்பட்ட விஷன் ஐ.என். கான்செப்ட் எஸ்.யு.வி. மாடல் இந்திய சந்தையில் அறிமுகம் செய்யப்பட்டது. இந்தியாவுக்கான MQB A0-IN பிளாட்ஃபார்மில் உருவாகி இருக்கும் முதல் வாகனமாக புதிய ஸ்கோடா விஷன் எஸ்.யு.வி. இருக்கிறது.

இந்தியாவில் ஸ்டோகா விஷன் ஐ.என். கார் 2021 ஆண்டு துவக்கத்தில் வெளியிடப்படும் என தெரிகிறது. இந்த காரில் 1.5 லிட்டர் டி.எஸ்.ஐ. பெட்ரோல் மோட்டார் கொண்டிருக்கிறது. இந்த மோட்டார் 150 பி.ஹெச்.பி. பவர், 250 என்.எம். டார்க், 7 ஸ்பீடு டி.எஸ்.ஜி. கியர்பாக்ஸ் வழங்கப்படுகிறது.

புதிய ஸ்கோடா விஷன் ஐ.என். மணிக்கு 0 முதல் 100 கிலோமீட்டர் வேகத்தை வெறும் 8.7 நொடிகளில் எட்டிவிடும். மேலும் இந்த கார் மணிக்கு அதிகபட்சமாக 195 கிலோமீட்டர் வேகத்தில் செல்லும் திறன் கொண்டிருக்கிறது. 

ஸ்கோடா விஷன் ஐ.என். 4256 எம்.எம். அளவில் நீளம், 2671 எம்.எம். வீல்பேஸ் கொண்டிருக்கிறது. இந்த எஸ்.யு.வி.யின் ரக்கட் தோற்றம் கொண்டிருக்கிறது. அந்த வகையில் காரின் முன்புறம் மெல்லிய ஹெட்லேம்ப்கள், பிரமாண்ட கிரில், 19 இன்ச் அலாய் வீல்கள் வழங்கப்பட்டுள்ளது.

எல்.இ.டி. ஹெட்லேம்ப்கள் மற்றும் டெயில் லேம்ப்கள் க்ரிஸ்டலைன் கொண்டிருப்பது ஸ்கோடா பாரம்பரியத்தை நினைவூட்டும் வகையில் இருக்கிறது. இதன் உள்புற இருக்கைகள் பினாடெக்ஸ் மூலம் உருவாக்கப்பட்டுள்ளது. இது பயனற்ற அன்னாசி பழ இலைகளும், உண்மையான லெதருக்கு மாற்றாக மறுசுழற்சி செய்யப்பட்ட பிளாஸ்டிக் ஃபைபர் வழங்கப்படுகிறது.

எம்.ஜி. மோட்டார் இந்தியா நிறுவனம் ஹெக்டார் பி.எஸ்.6 பெட்ரோல் மாடல் காரை இந்திய சந்தையில் அறிமுகம் செய்துள்ளது. புதிய எம்.ஜி. ஹெக்டார் பி.எஸ்.6 பெட்ரோல் மாடல் துவக்க விலை ரூ. 12.74 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. டாப் எண்ட் மாடல் விலை ரூ. 17.44 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது.

பி.எஸ்.4 மாடல்களுடன் ஒப்பிடும் போது பி.எஸ்.6 மாடல் விலை ரூ. 26,000 வரை அதிகம் ஆகும். விலை உயர்வு ஸ்டான்டர்டு மாடலில் துவங்கி பெட்ரோல் ஹைப்ரிட் வேரியண்ட் வரை பொருந்தும். ஹெக்டார் காரின் பெட்ரோல் என்ஜின்: ஸ்டைல், சூப்பர், ஸ்மார்ட் மற்றும் ஷார்ப் என நான்கு வேரியண்ட்களில் கிடைக்கிறது. 

இவற்றில் பேஸ் மாடலான ஸ்டைல் தவிர மற்ற வேரியண்ட்களில் 48 வோல்ட் மைல்டு-ஹைப்ரிட் சிஸ்டம் வழங்கப்பட்டுள்ளது. எம்.ஜி. ஹெக்டார் பி.எஸ்.6 காரில் 1.5 லிட்டர் டர்போ யூனிட் வழங்கப்பட்டுள்ளது. இது 143 பி.ஹெச்.பி. பவர், 250 என்.எம். டார்க் செயல்திறன் வழங்குகிறது. இத்துடன் 7 ஸ்பீடு டிசிடி ஆட்டோமேடிக் டிரான்ஸ்மிஷன் யூனிட் வழங்கப்படுகிறது.

புதிய பி.எஸ்.6 பெட்ரோல் என்ஜின் வேரியண்ட் தவிர பி.எஸ்.4 டீசல் என்ஜின் கொண்ட மாடலும் விற்பனை செய்யப்படுகிறது. டீசல் மாடலில் 2.0 லிட்டர் ஃபியாட் டீசல் யூனிட் வழங்கப்படுகிறது. இது 173 பி.ஹெச்.பி. பவர், 350 என்.எம். டார்க் செயல்திறன் வழங்குகிறது. இத்துடன் 6 ஸ்பீடு மேனுவல் டிரான்ஸ்மிஷன் யூனிட் வழங்கப்படுகிறது.

பி.எஸ்.6 பெட்ரோல் என்ஜின் தவிர ஹெக்டார் எஸ்.யு.வி. மாடலில் எவ்வித மாற்றமும் மேற்கொள்ளப்படவில்லை. இதில் 10.4 இன்ச் தொடுதிரை வசதி கொண்ட இன்ஃபோடெயின்மெனட் ஸ்கிரீன், ஆப்பிள் கார்பிளே, ஆண்ட்ராய்டு ஆட்டோ மற்றும் இ-சிம் வசதி உள்ளிட்டவை வழங்கப்படுகிறது.

லேண்ட் ரோவர் நிறுவனம் இந்தியாவில் புதிய ரேன்ஜ் ரோவர் இவோக் மாடலை அறிமுகம் செய்துள்ளது. புதிய தலைமுறை லேண்ட் ரோவர் ரேன்ஜ் ரோவர் மாடலின் துவக்க விலை ரூ. 54.94 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

புதிய 2020 ரேன்ஜ் ரோவர் இவோக் மாடலில் பிரீமியம் எல்.இ.டி. ஹெட்லைட்கள், சிக்னேச்சர் டி.ஆர்.எல்.கள், அனிமேட்டெட் டர்ன் சிக்னல் இன்டிகேட்டர்கள் வழங்கப்பட்டுள்ளன. உள்புறம் ஆடம்பரம் சார்ந்த மினிமலிஸ்ட் வடிவமைப்பு செய்யப்பட்டுள்ளது. இதிலுள்ள அம்சங்கள் பிரீமியம் பொருட்களால் உருவாக்கப்பட்டுள்ளது.

அந்த வகையில் ரேன்ஜ் ரோவர் இவோக் மாடல் பாரம்பரிய அலுமினியம் ட்ரிம் ஃபினிஷ் செய்யப்பட்டுள்ளது. இத்துடன் டச் ப்ரோ டுயோ சிஸ்டம், 12.3 இன்ச் இன்டராக்டிவ் டிரைவர் டிஸ்ப்ளே, ஸ்மார்ட்போன் இன்டகிரேஷன், ஆண்ட்ராய்டு ஆட்டோ மற்றும் ஆப்பிள் கார்பிளே வசதி வழங்கப்பட்டு இருக்கிறது.

2020 ரேன்ஜ் ரோவர் இவோக் மாடலில் லேன் கீப் அசிஸ்ட், டிரைவர் கண்டிஷன் மாணிட்டர், பின்புற கேமரா மற்றும் 360 டிகிரி பார்க்கிங் ஏய்ட், க்ளியர் எக்சிட் மற்றும் ரியர் டிராஃபிக் மாணிட்டர் போன்ற அம்சங்கள் வழங்கப்பட்டுள்ளது. 

புதிய இவோக் மாடல் இரண்டு பி.எஸ்.6 ரக இன்ஜெனியம் என்ஜின்கள்: 2.0 லிட்டர் டர்போசார்ஜ் செய்யப்பட்ட பெட்ரோல், 48 வோல்ட் மைல்டு ஹைப்ரிட் சிஸ்டம் வழங்கப்பட்டுள்ளது. இந்த என்ஜின் 247 பி.ஹெச்.பி. பவர், 365 என்.எம். டார்க் செயல்திறன் வழங்குகிறது.

மற்றொரு என்ஜின் 2.0 லிட்டர் டீசல் யூனிட் வழங்கப்பட்டுள்ளது. இந்த என்ஜின் 177 பி.ஹெச்.பி. பவர், 430 என்.எம். டார்க் செயல்திறன் வழங்குகிறது. ரேன்ஜ் ரோவர் இவோக் மாடல் ஜீப் ராங்களர், பி.எம்.டபுள்யூ. எக்ஸ்4, ஹோண்டா சி.ஆர். வி மற்றும் வால்வோ எக்ஸ்.சி.60 போன்ற மாடல்களுக்கு போட்டியாக அமைந்துள்ளது.

ஹோண்டா அமேஸ் பி.எஸ்.6 மாடல் இந்தியாவில் அறிமுகம் செய்யப்பட்டது. புதிய பி.எஸ்.6 அமேஸ் விலை ரூ. 6.10 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. தற்சமயம் விற்பனையாகும் பி.எஸ்.4 மாடல்களை விட பி.எஸ்.6 மாடல்களின் விலை ரூ. 9000 மற்றும் ரூ. 17000 வரையிலும் ரூ. 27,000 மற்றும் ரூ. 51,000 வரை அதிகமாக நிர்ணயம் செய்யப்பட்டுள்ளது.

அமேஸ் பி.எஸ்.6 பெட்ரோல் மாடல்களில் 1.2 லிட்டர் நான்கு சிலிண்டர் கொண்ட என்ஜின் வழங்கப்பட்டுள்ளது. இந்த என்ஜின் 90 பி.ஹெச்.பி. பவர் மற்றும் 110 என்.எம். டார்க் செயல்திறன் வழங்குகிறது. இத்துடன் 5 ஸ்பீடு மேனுவல் மற்றும் சி.வி.டி. ஆட்டோமேடிக் டிரான்ஸ்மிஷன் வழங்கப்பட்டுள்ளது.

புதிய ஹோண்டா பி.எஸ்.6 டீசல் மாடலில்: 1.5 லிட்டர் நான்கு சிலிண்டர் கொண்ட டர்போ என்ஜின் வழங்கப்பட்டுள்ளது. இந்த என்ஜின் 100 பி.ஹெச்.பி. பவர், 200 என்.எம். டார்க் செயல்திறன் வழங்குகிறது. இத்துடன் மேனுவல் டிரான்ஸ்மிஷன் வழங்கப்பட்டுள்ளது. 

மெக்கானிக்கல் அம்சங்கள் தவிர புதிய காரில் ஹோண்டா எவ்வித மாற்றங்களும் மேற்கொள்ளவில்லை. ஹோண்டா அமேஸ் பி.எஸ்.6 மாடல்களின் விலை ரூ. 6.10 லட்சத்தில் துவங்கி டாப் எண்ட் மாடல் விலை ரூ. 9.66 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

ரெனால்ட் இந்தியா நிறுவனம் பி.எஸ்.6 க்விட் ஹேட்ச்பேக் காரை இந்திய சந்தையில் வெளியிட்டுள்ளது. புதிய ரெனால்ட் க்விட் பி.எஸ்.6 மாடலின் துவக்க விலை ரூ. 2.92 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. புதிய க்விட்: எஸ்.டி.டி., ஆர்.எக்ஸ்.இ., ஆர்.எக்ஸ்.எல்., ஆர்.எக்ஸ்.டி. மற்றும் கிளைம்பர் போன்ற வேரியண்ட்களில் கிடைக்கிறது.

புதிய பி.எஸ்.6 ரெனால்ட் க்விட் மாடல்களின் விலை பி.எஸ்.4 மாடல்களின் விலையை விட ரூ. 9000 வரை அதிகம் ஆகும். அந்த வகையில் புதிய பி.எஸ்.6 க்விட் ஹேட்ச்பேக் காரின் டாப் எண்ட் மாடல் விலை ரூ. 4.92 லட்சம் வரை நிர்ணயம் செய்யப்பட்டுள்ளது.

பி.எஸ்.6 என்ஜின் தவிர புதிய க்விட் காரில் எவ்வித மாற்றங்களும் மேற்கொள்ளப்படவில்லை. முன்னதாக ரெனால்ட் க்விட் ஃபேஸ்லிஃப்ட் மாடல் இந்திய சந்தையில் வெளியிடப்பட்டது. புதிய ரெனால்ட் க்விட் மாடலில் பல்வேறு புதிய அம்சங்களை பெற்றிருக்கிறது.

அந்த வகையில் புதிய க்விட் காரில் அலாய் வீல் வடிவமைப்பு, மேம்பட்ட ஹெட்லேம்ப், டெயில் லேம்ப் கிளஸ்டர், 8.0 இன்ச் தொடுதிரை வசதி கொண்ட இன்ஃபோடெயின்மென்ட் சிஸ்டம், ஆண்ட்ராய்டு ஆட்டோ மற்றும் ஆப்பிள் கார் பிளே வசதி, டிஜிட்டல் இன்ஸ்ட்ரூமென்ட் கிளஸ்டர், ஏ.பி.எஸ். மற்றும் இ.பி.டி., பினபுற பார்க்கிங் சென்சார்கள் வழங்கப்பட்டுள்ளன.

பி.எஸ்.6 ரெனால்ட் க்விட் மாடலில் 800சிசி என்ஜின் மற்றும் 1.0 லிட்டர் பெட்ரோல் என்ஜின் வழங்கப்பட்டுள்ளது. இரு என்ஜின்களும் முறையே 54 பி.ஹெச்.பி. பவர், 72 என்.எம். டார்க் செயல்திறன் மற்றும் 68 பி.ஹெச்.பி. பவர், 91 என்.எம். டார்க் செயல்திறன் வழங்குகிறது. 

இரு என்ஜின்களும் 5 ஸ்பீடு மேனுவல் கியர்பாக்ஸ் உடன் வழங்கப்படுகிறது. இதன் 1.0 லிட்டர் என்ஜினில் 5-ஸ்பீடு ஏ.எம்.டி. டிரான்ஸ்மிஷன் கொண்டிருக்கிறது.

டாடா மோட்டார்ஸ் நிறுவனம் இந்தியாவில் நெக்சான் இ.வி. காரை அறிமுகம் செய்தது. இந்தியாவில் நெக்சான் இ.வி. கார் துவக்க விலை ரூ. 13.99 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. நெக்சான் இ.வி. டாப் எண்ட் மாடல் விலை ரூ. 15.99 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

டாடா நெக்சான் இ.வி.: எக்ஸ்.எம்., எக்ஸ்.இசட். பிளஸ் மற்றும் எக்ஸ்.இசட். பிளஸ் லக்ஸ் என மூன்று வேரியண்ட்களில் கிடைக்கிறது. இவற்றில் பல்வேறு அம்சங்கள் மற்றும் அப்டேட்கள் வழங்கப்பட்டுள்ளன. புதிய நெக்சான் இ.வி. கார் ஃபேஸ்லிஃப்ட் செய்யப்பட்ட ஐ.சி.இ. சார்ந்த எஸ்.யு.வி. மாடலை தழுவி உருவாக்கப்பட்டுள்ளது.

இந்தியாவில் நெக்சான் இ.வி. காருக்கான முன்பதிவுகள் ஏற்கனவே துவங்கிவிட்டன. முன்பதிவு கட்டணம் ரூ. 21,000 என நிர்ணயம் செய்யப்பட்டுள்ளன. இந்தியாவின் முன்னணி நகரங்களில் முன்பதிவுகள் ஆன்லைன் மற்றும் தேர்வு செய்யப்பட்ட விற்பனையகங்களில் மேற்கொள்ள முடியும். 

டாடா நெக்சான் மாடலில் 95kW எலெக்ட்ரிக் மோட்டார் வழங்கப்பட்டுள்ளது. இந்த மோட்டார் 30.2kWh லித்தியம் அயன் பேட்டரி மூலம் இணைக்கப்பட்டுள்ளது. இது 129 பி.ஹெச்.பி. பவர், 245 என்.எம். டார்க் செயல்திறன் வழங்குகிறது. நெக்சான் இ.வி. காரை ஒருமுறை சார்ஜ் செய்தால் 312 கிலோமீட்டர் வரை பயணிக்க முடியும் என டாடா மோட்டார்ஸ் தெரிவித்துள்ளது. 

நாட்டின் முன்னணி நகரங்களில் நெக்சான் இ.வி. காரை சார்ஜ் செய்யும் ஃபாஸ்ட் சார்ஜிங் மையங்களை டாடா மோட்டார்ஸ் விரைவில் கட்டமைக்க இருப்பதாக தெரிவித்துள்ளது. இந்த காரை ஹோம் சார்ஜர் மூலம் முழுமையாக சார்ஜ் செய்ய எட்டு மணி நேரங்கள் ஆகும் என தெரிவிக்கப்பட்டுள்ளது. எனினும், ஃபாஸ்ட் சார்ஜர் பயன்படுத்தும் போது 60 நிமிடங்களில் பேட்டரியை 0 முதல் 80 சதவீதம் வரை சார்ஜ் செய்திட முடியும்.

டாடா நெக்சான் இ.வி. கார்: சிக்னேச்சர் டியல் புளூ, கிளேசியர் வைட் மற்றும் மூன்லைட் சில்வர் என மூன்று நிறங்களில் கிடைக்கிறது.

மாருதி சுசுகி நிறுவனம் இந்தியாவில் ஆல்டோ பி.எஸ்.6 சி.என்.ஜி. வேரியண்ட் காரை அறிமுகம் செய்தது. இந்தியாவில் இதன் விலை ரூ. 4.33 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. புதிய கார் அறிமுகம் செய்ததன் மூலம் நாட்டில் அதிக பி.எஸ்.6 மாடல்களை விற்பனை செய்யும் நிறுவனமாக மாருதி சுசுகி இருக்கிறது.

புத்தம் புதிய ஆல்டோ பி.எஸ்.6 மாடலில் தனித்தனியே இயங்கும் எலெக்டிரானிக் கண்ட்ரோல் யூனிட்கள், இன்டெலிஜண்ட் இன்ஜெக்‌ஷன் சிஸ்டம் வழங்கப்பட்டுள்ளது. இத்துடன் புதிய கார் அதிக செயல்திறன் வழங்கும் வகையில் டியூன் செய்யப்பட்டுள்ளது.

ஆல்டோ பி.எஸ்.6 மாடல்களின் கைப்பிடிகள் கார் நிறத்துடன் ஒற்றுப்போகும் வகையில் இருக்கின்றன. இதேபோன்று பம்ப்பர்கள், வீல் கவர் உள்ளிட்டவையும் கார் நிறத்துடன் ஒற்றுப் போகும் வகையில் உருவாக்கப்பட்டுள்ளன. காரின் உள்புறம் டூயல் டோன் ஃபினிஷ் செய்யப்பட்டுள்ளது. இத்துடன் ஸ்டீரிங் வீல் மற்றும் கைப்பிடிகளில் சில்வர் அக்சென்ட்கள் காணப்படுகின்றன.

மேலும் புதிய காரில் பவர் ஸ்டீரிங், முன்புறம் பவர் விண்டோக்கள், இன் ஸ்பீடோமீட்டர் கிளாக் டிஸ்ப்ளே, ரிமோட் பேக் டோர் ஓப்பனர் உள்ளிட்டவை வழங்கப்பட்டுள்ளன. பாதுகாப்பிற்கு புதிய காரில் ஹெட்லைட் லெவலிங், என்ஜின் இம்மொபைலைசர், பின்புற கதவுகளை லாக் செய்யும் வசதி, முன்புறம் இரண்டு ஏர்பேக், ஏ.பி.எஸ்., இ.பி.டி., பின்புறம் பார்க்க்கிங் சென்சார் வழங்கப்பட்டுள்ளன.

ஆல்டோ பி.எஸ்.6 சி.என்.ஜி. மாடலில் 796சிசி, மூன்று சிலிண்டர் என்ஜின் வழங்கப்பட்டுள்ளது. இந்த என்ஜின் 40 பி.ஹெச்.பி. பவர், 60 என்.எம். டார்க் செயல்திறன் வழங்குகிறது. இத்துடன் 5-ஸபீடு மேனுவல் டிரான்ஸ்மிஷன் வழங்கப்பட்டு இருக்கிறது. 

மாருதி சுசுகி ஆல்டோ பி.எஸ்.6 சி.என்.ஜி. மாடல்: எல்.எக்ஸ்.ஐ. சி.என்.ஜி. மற்றும் எல்.எக்ஸ்.ஐ. (ஒ) சி.என்.ஜி. என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 4.32,700 மற்றும் ரூ. 4,36,300 என நிர்ணயம் செய்யப்பட்டுள்ளது. இந்த விலைகள் எக்ஸ் ஷோரூம் அடிப்படையில் குறிப்பிடப்பட்டுள்ளன.

டாடா மோட்டார்ஸ் நிறுவனத்தின் புத்தம் புதிய நெக்சான் ஃபேஸ்லிஃப்ட் கார் இந்தியாவில் வெளியிடப்பட்டது. இந்தியாவில் டாடா நெக்சான் ஃபேஸ்லிஃப்ட் மாடல் விலை ரூ. 6.95 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

புதிய நெக்சான் ஃபேஸ்லிஃப்ட் மாடலில் ஆட்டோமேடிக் ப்ரோஜெக்டர் ஹெட்லேம்ப்கள், அம்பு குறி வடிவமைப்பில் எல்.இ.டி. டி.ஆர்.எல்.கள், மேம்பட்ட எல்.இ.டி. கிராஃபிக்ஸ், டெயில் லைட்கள், ஏர் டேமில் புதிய அக்சென்ட்கள் வழங்கப்பட்டு இருக்கிறது. 

இத்துடன் 16 இன்ச் மெஷின் கட் அலாய் வீல்கள், கார்னெரிங் லேம்ப்கள், மழையை கண்டறிந்து இயங்கும் வைப்பர்கள், டையர்களின் அழுத்தத்தை கண்காணிக்கும் அமைப்பு உள்ளிட்டவை வழங்கப்பட்டுள்ளது. காரின் உள்புறம் டூயல் டோன் தீம், ஏழு இன்ச் தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார் பிளே, ஆண்ட்ராய்டு ஆட்டோ, ஆட்டோமேடிக் கிளைமேட் கண்ட்ரோல் சிஸ்டம் வழங்கப்படுகிறது.

டாடா நெக்சான் ஃபேஸ்லிஃப்ட் மாடலில் ஃபிளாட் பாட்டம் ஸ்டீரிங் வீல், டிஜிட்டல் இன்ஸ்ட்ரூமென்ட் கிளஸ்டர், டாட் மேட்ரிக்ஸ் டிஸ்ப்ளே, புஷ் ஸ்டார்ட் - ஸ்டாப் பட்டன், க்ரூயிஸ் கண்ட்ரோல், புதிய சன்ரூஃப் உள்ளிட்டவை வழங்கப்பட்டுள்ளது.

புதிய நெக்சான் ஃபேஸ்லிஃப்ட்: 1.2 லிட்டர் டர்போ பெட்ரோல், 1.5 லிட்டர் டர்போ டீசல் என இருவித என்ஜின் ஆப்ஷன்களில் கிடைக்கிறது. இவை முறையே 108 பி.ஹெச்.பி. பவர், 170 என்.எம். டார்க், 108 பி.ஹெச்.பி. பவர், 260 என்.எம். டார்க் செயல்திறன் வழங்குகின்றன.

பாதுகாப்பிற்கு நெக்சான் ஃபேஸ்லிஃப்ட் மாடலின் முன்புறம் இரண்டு ஏர்பேக், எலெக்டிரானிக் ஸ்டேபிலிட்டி கண்ட்ரோல், அவசர கால பிரேக் அசிஸ்ட், ஹில் ஹோல்டு கண்ட்ரோல், ஏ.பி.டி. மற்றும் இ.பி.டி., ஐசோபிஃபிக்ஸ் சைல்டு சீட் ஆன்க்கர் போன்றவை வழங்கப்பட்டுள்ளன.

டாடா நெக்சான் ஃபேஸ்லிஃப்ட் மாடல்: எக்ஸ்.இ., எக்ஸ்.எம்., எக்ஸ்.இசட், எக்ஸ்.இசட் பிளஸ் மற்றும் எக்ஸ்.இசட். (ஒ) என ஐந்து வேரியண்ட்களில் கிடைக்கிறது. இதன் டாப் எண்ட் மாடல் விலை ரூ. 12.70 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

டாடா மோட்டார்ஸ் நிறுவனத்தின் அல்ட்ராஸ் கார் இந்தியாவில் வெளியிடப்பட்டது. இந்தியாவில் இதன் விலை ரூ. 5.29 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. முன்னதாக இந்த கார் கடந்த ஆண்டு டிசம்பர் மாதம் அறிமுகம் செய்யப்பட்டு, டிசம்பர் 27-ம் தேதி முதல் முன்பதிவு நடைபெற்று வருகிறது.

டாடா நிறுவனத்தின் ஆல்ஃபா தளத்தில் உருவாகி இருக்கும் முதல் வாகனமாக அல்ட்ரோஸ் கார் இருக்கிறது. மேலும் இந்த பிரீமியம் ஹேட்ச்பேக் மாடல் டாடா மோட்டார்ஸ் நிறுவனத்தின் இம்பேக்ட் 2. வடிவமைப்பில் உருவாகி இருக்கிறது. 

புதிய அல்ட்ரோஸ் காரில் எல்.இ.டி. டி.ஆர்.எல்.கள், எல்.இ.டி. டெயில் லைட்கள், 16 இன்ச் டைமண்ட் கட் அலாய் வீல், செமி டிஜிட்டல் இன்ஸ்ட்ரூமென்ட் கிளஸ்டர், ஏழு இன்ச் அளவில் தொடுதிரை இன்ஃபோடெயின்மென்ட் சிஸ்டம், ஆப்பிள் கார் பிளே மற்றும் ஆண்ட்ராய்டு ஆட்டோ வசதி கொண்டிருக்கிறது.

டாடா அல்ட்ரோஸ் கார்: 1.2 லிட்டர் ரெவோடிரான் பெட்ரோல் என்ஜின் மற்றும் 1.5 லிட்டர் ரெவோடார்க் டீசல் என்ஜின் ஆப்ஷன்களில் கிடைக்கிறது. இரு என்ஜின்களும் முறையே 82 பி.ஹெச்.பி. பவர், 113 என்.எம். டார்க் மற்றும் 90 பி.ஹெச்.பி. பவர், 200 என்.எம். டார்க் செயல்திறன் வழங்குகிறது.

இத்துடன் இரு என்ஜின்களும் 5-ஸ்பீடு மேனுவல் டிரான்ஸ்மிஷன் கொண்டிருக்கிறது. எதிர்காலத்தில் இந்த காருக்கு ஆட்டோமேடிக் டிரான்ஸ்மிஷன் வசதி வழங்கப்படலாம் என எதிர்பார்க்கப்படுகிறது. 

பாதுகாப்பிற்கென புதிய காரில் ஏ.பி.எஸ்., இ.பி.டி., கார்னெர் ஸ்டேபிலிட்டி கண்ட்ரோல், முன்புறம் இரண்டு ஏர்பேக், பின்புறம் பார்க்கிங் சென்சார்கள், ஆட்டோ ஹெட்லேம்ப்கள், க்ரூயிஸ் கண்ட்ரோல், ஹை ஸ்பீடு அலெர்ட் சிஸ்டம் உள்ளிட்டவை வழங்கப்பட்டுள்ளது.

இந்தியாவில் டாடா அல்ட்ரோஸ்: எக்ஸ்.இ., எக்ஸ்.எம்., எக்ஸ்.டி. எக்ஸ்.இசட் மற்றும் எக்ஸ்.இசட். (ஒ) என ஐந்து வேரியண்ட்களில் கிடைக்கிறது. இதன் டாப் எண்ட் மாடல் விலை ரூ. 9.29 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

கியா மோட்டார்ஸ் இந்தியா நிறுவனம் தனது கார்னிவல் காருக்கான முன்பதிவுகளை ஜனவரி 21-ம் தேதி துவங்கியது. இந்நிலையில், முன்பதிவு துவங்கிய முதல் நாளில் மட்டும் சுமார் 1410 பேர் காரை வாங்க முன்பதிவு செய்துள்ளதாக அந்நிறுவனம் அறிவித்துள்ளது. கியா கார்னிவல் கார் 2020 ஆட்டோ எக்ஸ்போ விழாவில் வெளியிடப்பட இருக்கிறது.

ஆன்லைன் மூலம் முன்பதிவு செய்யப்படும் கியா கார்னிவல் காருக்கான முன்பதிவு கட்டணம் ரூ. 1 லட்சம் என நிர்ணயம் செய்யப்பட்டுள்ளது. இந்தியாவில் இந்த காரின் பாகங்கள் இறக்குமதி செய்யப்பட்டு இங்குள்ள ஆலையில் அசெம்பிள் செய்யப்பட்டு, அதன் பின் விற்பனைக்கு வழங்கப்பட இருக்கிறது. 

கியா கார்னிவல் கார்: பிரீமியம், பிரெஸ்டிஜ் மற்றும் லிமௌசின் என மூன்று வேரியண்ட்களில் கிடைக்கும் என தெரிகிறது. இவை முறையே ஏழு, எட்டு மற்றும் ஒன்பது பேர் பயணிக்கக்கூடிய வசதி கொண்டிருக்கும் என கூறப்படுகிறது. தற்போதைய முன்பதிவுகளில் 64 சதவீதம் பேர் டாப் எண்ட் லிமௌசின் வேரியண்ட்டை தேர்வு செய்துள்ளதாக அந்நிறுவனம் தெரிவித்துள்ளது.

காரின் உள்புறங்களில் நப்பா லெதர் பயன்படுத்தப்பட்டுள்ளது. மேலும் டூயல் பேனல் எலெக்ட்ரிக் சன்ரூஃப், பின்புற இருக்கையில் அமர்வோருக்கு 10.1 இன்ச் பொழுதுபோக்கு திரை, லேப்டாப் சார்ஜிங் போர்ட், பவர்டு டெயில்கேட், ஒன்-டச் பவர்டு ஸ்லைடிங் கதவுகள் வழங்கப்படுகின்றன.

புதிய கார்னிவல் காரில் 2.2 லிட்டர் வி.ஜி.டி. பி.எஸ்.6 டீசல் என்ஜின் வழங்கப்படுகிறது. இந்த என்ஜின் 197 பி.ஹெச்.பி. பவர், 440 என்.எம். டார்க் செயல்திறன் வழங்குகிறது. இத்துடன் 8-ஸ்பீடு ஸ்போர்ட்மேடிக் டிரான்ஸ்மிஷன் வழங்கப்படுகிறது.

மாருதி சுசுகி நிறுவனத்தின் பி.எஸ்.6 செலரியோ கார் இந்திய சந்தையில் அறிமுகம் செய்யப்பட்டது. இந்தியாவில் புதிய பி.எஸ்.6 மாடல் துவக்க விலை ரூ. 4.41 லட்சத்தில் துவங்கி டாப் எண்ட் மாடல் விலை ரூ. 5.67 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. 

புதிய பி.எஸ்.6 காரின் வெளிப்புற வடிவமைப்பு மற்றும் உள்புறங்களில் எவ்வித மாற்றமும் மேற்கொள்ளப்படவில்லை. இந்த காரில் முந்தைய மாடல்களில் உள்ளதை போன்றே மெஷ் கிரில் வழங்கப்பட்டுள்ளது. இது காரின் ஹெட்லேம்ப் வரை நீள்கிறது. இத்துடன் கூர்மையான பம்ப்பர் வழங்கப்பட்டுள்ளது.

மாருதி செலரியோ ஹேட்ச்பேக் மாடலில் கார் நிறத்துடன் ஒற்றுப் போகும் டோர் ஹேண்டிள் மற்றும் பம்ப்பர்கள் வழங்கப்பட்டுள்ளன. இந்த காரின் ORVM-கள் இன்டிகேட்டர்களுடன் ஒருங்கிணைக்கப்பட்டுள்ளது. இத்துடன் அலாய் வீல், எலெக்டிரானிக் பவர் ஸ்டீரிங், பின்புறம் 60:40 விகிதத்தில் இருக்கைகள் பிரிக்கப்பட்டுள்ளன.

இதுதவிர ஸ்டீரிங் மவுண்ட் செய்யப்பட்ட ஆடியோ கண்ட்ரோல்கள், கீலெஸ் என்ட்ரி மற்றும் ஓட்டுனருக்கு ஆட்டோ டவுன் பவர் விண்டோ வழங்கப்பட்டுள்ளது. பாதுகாப்பு அம்சங்களுக்கு ஏர்பேக், ஏ.பி.எஸ்., சீட் பெல்ட் ரிமைண்டர், சைல்டு ப்ரூஃப் பின்புற லாக், ஸ்டாப் லேம்ப்கள் உயரமாக பொருத்தப்பட்டுள்ளன.

மாருதி செலரியோ மாடலில் 998சிசி, மூன்று சிலிண்டர் கொண்ட பெட்ரோல் என்ஜின் பி.எஸ். விதிகளுக்கு பொருந்தும் வகையில் உருவாக்கப்பட்டுள்ளது. இந்த என்ஜின் 68 பி.ஹெச்.பி. பவர், 90 என்.எம். டார்க் செயல்திறன் வழங்குகிறது. இத்துடன் 5-ஸ்பீடு மேனுவல் மற்றும் ஆட்டோமேடிக் கியர்பாக்ஸ் வழங்கப்பட்டுள்ளது.

மாருதி சுசுகி நிறுவனத்தின் இக்னிஸ் கார் இந்திய சந்தையில் வெற்றிகரமான மாடலாக இருக்கிறது. இதன் பெட்ரோல் வேரியண்ட் விற்பனை தொடர்ந்து அதிகரித்து வந்ததால், அந்நிறுவனம் டீசல் வேரியண்ட் மாடல்களின் விற்பனையை நிறுத்தியது.

இந்நிலையில், இக்னிஸ் ஃபேஸ்லிஃப்ட் மாடலின் மீது எதிர்பார்ப்பு எழுந்துள்ளது. இந்த கார் பி.எஸ்.6 என்ஜினுடன் அறிமுகம் செய்யப்படலாம் என கூறப்படுகிறது. தற்சமயம் கிடைத்திருக்கும் தகவல்களில் 2020 ஆட்டோ எக்ஸ்போ விழாவில் மாருதி சுசுகி நிறுவனம் இக்னிஸ் ஃபேஸ்லிஃப்ட் மாடலை அறிமுகம் செய்யலாம் என கூறப்பட்டுள்ளது.

இதுவரை வெளியாகி இருக்கும் தகவல்களில் இக்னிஸ் ஃபேஸ்லிஃப்ட் மாடலில் புதிய பம்ப்பர், புதிய வடிவமைப்பு கொண்ட முன்புற கிரில் வழங்கப்படும் என கூறப்படுகிறது. இத்துடன் முன்புற பம்ப்பரில் ஃபாக்ஸ் ஸ்கிட் பிளேட் வழங்கப்படலாம் என்றும் தெரிகிறது. மேலும் ப்ரோஜெக்டர் ஹெட்லேம்ப், எல்.இ.டி. டி.ஆர்.எல்.கள், பம்ப்பரின் இருபுறங்களில் ஃபாக்லைட்கள் வழங்கப்படலாம்.

முன்புறம் போன்றே காரின் பின்புறத்திலும் புதிய டெயில் லைட்கள், மேம்பட்ட பம்ப்பர், ரூஃப் மவுன்ட் செய்யப்பட்ட ஸ்பாயிலர் விரும்புவோர் வாங்கிக் கொள்ளும் வகையில் கூடுதல் அம்சமாக வழங்கப்படலாம். உள்புறம் புதிய நிறத்தாலான இருக்கைகள் வழங்கப்படலாம் என கூறப்படுகிறது.

தற்சமயம் விற்பனை செய்யப்படும் பலேனோ மாடலில் உள்ள புதிய ஸ்மார்ட் பிளே ஸ்டூடியோ யூனிட் புதிய காரிலும் வழங்கப்படலாம் என தெரிகிறது. இதில் ஆப்பிள் கார் பிளே, ஆண்ட்ராய்டு ஆட்டோ அம்சங்கள் மட்டுமின்றி, ஓட்டுனரின் செயல்பாடு மற்றும் எரிபொருள் பயன்பாடு போன்ற விவரங்களை கொண்டிருக்கும் என தெரிகிறது.