என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
ஆட்டோமொபைல்
X
முதல் வருட விற்பனையில் 15,000 யூனிட்கள் விற்பனையான டாடா ஹேரியர்
Byமாலை மலர்6 Jan 2020 9:32 AM GMT (Updated: 6 Jan 2020 9:32 AM GMT)
இந்திய சந்தையில் விற்பனை துவங்கிய ஒரு வருடத்தில் டாடா ஹேரியர் கார் மொத்தம் 15,000 யூனிட்களை கடந்துள்ளது.
இந்திய சந்தையில் விற்பனை துவங்கிய ஒரு வருடத்தில் டாடா ஹேரியர் கார் மொத்தம் 15,000 யூனிட்கள் விற்பனையாகி இருக்கிறது. இந்தியாவில் கடந்த ஆண்டு ஜனவரி மாதம் வெளியான நிலையில், டாடாவின் புத்தம் புதிய OMEGArc பிளாட்ஃபார்மில் உருவான முதல் கார் என்ற பெருமையை ஹேரியர் பெற்றது.
மேலும் இம்பேக்ட் 2.0 வடிவமைப்பில் வெளியான முதல் காராகவும் ஹேரியர் இருக்கிறது. ஐந்து பேர் பயணிக்கக்கூடிய ஹேரியர் காரில் ஃபியாட் நிறுவனத்தின் 2.0 லிட்டர் டீசல் என்ஜின் வழங்கப்பட்டுள்ளது. இத்துடன் 6-ஸ்பீடு மேனுவல் கியர்பாக்ஸ் வழங்கப்படுகிறது.
விற்பனையில் ஒருவருடம் நிறைவுற்றதை கொண்டாடும் வகையில் டாடா மோட்டார்ஸ் நிறுவனம் ஹேரியர் காரை வாங்கிய வாடிக்கையாளர்களுக்கு ஹேரியர் சர்வீஸ் கோல்டு கிளப் சேவையை வழங்குகிறது. இதை கொண்டு வாடிக்கையாளர்கள் அடுத்த இரண்டு ஆண்டுகளுக்கு மேற்கொள்ளும் சர்வீஸ்களில் அதிகளவு ரூ. 8400 மதிப்புள்ள சலுகை மற்றும் தள்ளுபடி போன்றவற்றை பெற முடியும்.
கடந்த ஆண்டு மாதாந்திர விற்பனையில் டாடா ஹேரியர் சராசரியாக 1250 யூனிட்கள் வரை விற்பனையாகி இருந்தது. கடந்த ஆண்டு இரண்டாம் அரையாண்டு காலக்கட்டத்தில் இந்திய சந்தையில் எம்.ஜி. ஹெக்டார் மற்றும் கியா செல்டோஸ் போன்ற கார்களின் வரவு காரணமாக ஹேரியர் காருக்கு போட்டியாக அமைந்தது.
புதிய எஸ்.யு.வி.க்களின் விலை ஹேரியர் மாடலை விட விலை குறைவாகவும், பல்வேறு அதிநவீன அம்சங்களையும் கொண்டிருந்தன. சமீபத்தில் எம்.ஜி. ஹெக்டார் கார் விற்பனையில் ஹேரியர் மாடலை முந்தியது. எம்.ஜி. ஹெக்டார் கார் ஆறு மாதங்களில் 15,930 யூனிட்கள் விற்பனையாகி இருக்கிறது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X