பைக்

எலெக்ட்ரிக் வாகன ஸ்டார்ட் அப் நிறுவனமான சிம்பில் எனர்ஜி தனது முதல் பிளாக்‌ஷிப் எலெக்ட்ரிக் ஸ்கூட்டர்- சிம்பில் ஒன் டெஸ்ட் ரைடுகள் ஜூலை 20 ஆம் தேதி நாட்டின் 13 நகரங்களில் துவங்கும் என தெரிவித்து உள்ளது. முதற்கட்டமாக டெஸ்ட் ரைடுகள் பெங்களூருவிலும் அதன் பின் சென்னை, ஐதராபாத், மும்பை, பூனே, பனாஜி மற்றும் இதர நகரங்களில் துவங்குகிறது.

டெஸ்ட் ரைடுகள் செப்டம்பர் மாதம் வரை நடைபெற இருக்கின்றன. முன்னதாக சிம்பில் ஒன் எலெக்ட்ரிக் ஸ்கூட்டர்களின் டெலிவரி தாமதமாக துவங்கும் என சிம்பில் எனர்ஜி அறிவித்து இருந்தது. அந்த வகையில், டெஸ்ட் ரைடுகளை தொடர்ந்து சிம்பில் ஒன் மாடல்களின் வினியோகம் துவங்கும். 

இந்தியாவில் சிம்பில் ஒன் எலெக்ட்ரிக் ஸ்கூட்டர் விலை ரூ. 1 லட்சத்து 09 ஆயிரத்து 999 என துவங்குகிறது. இந்த ஸ்கூட்டர் முழு சார்ஜ் செய்தால் 203 கிலோமீட்டர் வரையிலான ரேன்ஜ் வழங்கும். இதன் லாங் ரேன்ஜ் மாடல் முழு சார்ஜ் செய்தால் 300 கிலோமீட்டர் ரேன்ஜ் வழங்குகிறது. இதன் விலை ரூ. 1 லட்சத்து 44 ஆயிரத்து 999 ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

சிம்பில் ஒன் எலெக்ட்ரிக் ஸ்கூட்டர் தமிழ் நாட்டின் ஓசூர் பகுதியில் அமைந்துள்ள ஆலையில் உற்பத்தி செய்யப்பட இருக்கிறது. இத்துடன் சிம்பில் எனர்ஜி நிறுவனத்தின் இரண்டாவது ஆலை தமிழ் நாட்டின் தருமபுரி மாவட்டத்தில் அமைக்கப்பட்டு வருகிறது. இந்த ஆலையில் ஒவ்வொரு ஆண்டும் 12.5 மில்லியன் யூனிட்கள் உற்பத்தி செய்யப்பட உள்ளன. 

ஓலா எலெக்ட்ரிக் நிறுவனத்தின் S1ப்ரோ எலெக்ட்ரிக் ஸ்கூட்டர் மாடல் ஓடும் போதே பாதி வழியில் உடைந்து விழுந்துள்ளது. ஏற்கனவே இது போன்ற சம்பவங்கள் அரங்கேறிய நிலையில், தற்போது இதே பிரச்சினை குறித்து மற்றொரு வாடிக்கையாளரும் தனது ட்விட்டர் பக்கத்தில் குற்றம்சாட்டியுள்ளார்.

வழக்கறிஞராக இருக்கும் பிரியண்கா பரத்வாஜ் தனது ஓலா S1 ப்ரோ எலெக்ட்ரிக் ஸ்கூட்டரில் சென்று கொண்டு இருக்கும் போது, ஸ்பீடு பிரேக்கர் ஒன்றின் மீது ஏறும் போது திடீரென உடைந்து விழுந்து என குற்றம்சாட்டி இருக்கிறார். இதோடு எலெக்ட்ரிக் ஸ்கூட்டரின் முன்புற டையர் உடைந்த நிலையில் இருக்கும் புகைப்படங்களையும் பிரியண்கா தனது ட்விட்டர் பதிவில் இணைத்துள்ளார்.

“எனது எலெக்ட்ரிக் ஸ்கூட்டர் ஸ்பீடு பிரேக்கரில் ஏற்றும் போது தானாக உடைந்து விட்டது. உடனே ஏதோ முறிந்தது போன்ற சத்தமும் கேட்டது. இதில் எனக்கு எந்த பாதிப்பும் ஏற்படவில்லை, ஆனால் எனது ஸ்கூட்டருக்கு அதிக சேதம் ஏற்பட்டு இருக்கிறது, தயவு செய்து இதனை விரைந்து சரி செய்து தாருங்கள். நன்றி,” என பிரியண்கா பரத்வாஜ் தனது ட்விட்டரில் தெரிவித்து உள்ளார். 

இவரது ட்விட்டர் பதிவை பார்த்த பலர் ஓலா ஸ்கூட்டர் மூலம் தங்களுக்கு நேர்ந்த அனுபவம் பற்றி தெரிவித்தனர். மேலும் பலர் ஓலா ஸ்கூட்டர்களின் உற்பத்தி தரமற்று இருப்பதாக குற்றம்சாட்டினர். பிரியண்கா பரத்வாஜ் குற்றச்சாட்டுக்கு பதில் அளித்த ஓலா எலெக்ட்ரிக், “இந்த பிரச்சினை பற்றி முழுமையாக அறிந்து கொள்ள நாங்கள் விரைவில் உங்களுக்கு அழைப்பு விடுக்கிறோம்,” என தெரிவித்துள்ளது.

இந்திய இருசக்கர வாகனங்கள் சந்தையில் புதுவரவு நிறுவனம் கீவே புதிதாக சிக்ஸ்டீஸ் 300i பெயரில் ஸ்கூட்டர் மாடலை அறிமுகம் செய்து இருக்கிறது. புதிய கீவே சிக்ஸ்டீஸ் 300i மாடலின் விலை ரூ. 2 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இது இந்திய சந்தையில் கிடைக்கும் சக்திவாய்ந்த ஸ்கூட்டர் ஆகும். 

புதிய கீவே சிக்ஸ்டீஸ் 300i மாடல் அதிநவீன-ரெட்ரோ பாடி வொர்க் கொண்டிருக்கிறது. இதில் பயன்படுத்தப்பட்டு இருக்கும் பாகங்கள் வளைந்த நிலையில் வடிவமைக்கப்பட்டு உள்ளது. இத்துடன் எல்.இ.டி. லைட்டிங் மற்றும் எல்.சி.டி. போன்ற அம்சங்கள் உள்ளன. இந்த ஸ்கூட்டரில் 278.2சிசி சிங்கில் சிலிண்டர் லிக்விட் கூல்டு மோட்டார் வழங்கப்பட்டு இருக்கிறது.

இந்த என்ஜின் 18.7 பி.ஹெச்.பி. பவர், 22 நியூட்டன் மீட்டர் டார்க் இழுவிசையை வெளிப்படுத்துகிறது. இதே என்ஜின் விஸ்டி 300 மேக்சி ஸ்கூட்டரிலும் வழங்கப்பட்டு உள்ளது. சஸ்பென்ஷனிற்கு கீவே சிக்ஸ்டீஸ் 300i மாடலில் டெலிஸ்கோபிக் போர்க், டூயல் ரியர் ஸ்ப்ரிங் வழங்கப்பட்டுள்ளது. பிரேக்கிங்கிற்கு முன்புறம் 230mm ஒற்றை டிஸ்க் பிரேக், பின்புறம் 220mm டிஸ்க் பிரேக் உள்ளது.

புதிய கீவே சிக்ஸ்டீஸ் 300i ஸ்கூட்டருக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு பெனலி விற்பனை மையங்களில் நடைபெறுகிறது. வினியோகம் அடுத்த மாதம் துவங்குகிறது.  

ஓலா எலெக்ட்ரிக் ஸ்கூட்டரில் மெக்கானிக்கல் கோளாறு ஏற்பட்டு இருக்கிறது. முன்னதாக ஓலா ஸ்கூட்டரில் பேட்டரி தீப்பிடித்து எரிவது மற்றும் வாடிக்கையாளர்களை விபத்தில் சிக்க வைத்தது என பல்வேறு பிரச்சினைகளில் ஓலா எலெக்ட்ரிக் சிக்கித் தவித்து வருகிறது. இதை அடுத்து ஓலா எலெக்ட்ரிக் ஸ்கூட்டரின் உறுதித் தன்மை குறித்த சந்தேகம் எழுந்துள்ளது. 

வாடிக்கையாளர் ஒருவர் ஸ்கூட்டரில் பயணித்துக் கொண்டிருந்த போது, திடீரென முன்புற சஸ்பென்ஷன் யூனிட் இயங்காமல் போனது என குற்றம் சாட்டி உள்ளார். இதை அடுத்து ஸ்கூட்டர் விபத்தில் சிக்கி இருக்கிறது. ஓலா எலெக்ட்ரிக் வாடிக்கையாளரான ஸ்ரீநாத் மேனன் தனது எலெக்ட்ரிக் ஸ்கூட்டரில் சஸ்பென்ஷன் வேலை செய்யவில்லை என ட்விட்டரில் தெரிவித்தார். 

இதை அடுத்து மற்றொரு பயனர், தனக்கும் இதே பிரச்சினை ஏற்பட்டது என தெரிவித்து இருக்கிறார். இவரின் ட்விட்டர் பதிவில் ஓலா எலெக்ட்ரிக் ஸ்கூட்டர் மணிக்கு 25 கிலோமீட்டர் வேகத்தில் சென்று கொண்டு இருந்த போது, சஸ்பென்ஷன் வேலை செய்யாமல் போனதை அடுத்து சுவரில் மோதியது என குறிப்பிட்டுள்ளார். 

இத்துடன் சஸ்பென்ஷன் இயங்காமல் போனதை தெரிவிக்கும் புகைப்படங்களை ஒருவர் வெளியிட்டு இருக்கிறார். ஓலா ஸ்கூட்டரின் முன்புற சஸ்பென்ஷன் இயங்காமல் போனது என குற்றம்சாட்டி இருந்தார். அதன்படி முன்புற சஸ்பென்ஷன் இயங்காததால், முன்னே சென்று கொண்டு இருந்த வாகனத்தில் ஓலா எலெக்ட்ரிக் ஸ்கூட்டர் மோதியது. 

இதுவரை மூன்று முறை ஓலா ஸ்கூட்டரின் முன்புற சஸ்பென்ஷன் இயங்காமல் போனது பற்றி ஓலா நிறுவனம் விசாரணை மேற்கொண்டு வருவதாக கூறப்படுகிறது. 

குஜராத்தை சேர்ந்த எலெக்ட்ரிக் வாகன உற்பத்தியாளரான கிரெட்டா எலெக்ட்ரிக் ஸ்கூட்டர்ஸ் நிறுவனம் கிரெட்டா ஹார்பர் ZX சீரிஸ் I எலெக்ட்ரிக் ஸ்கூட்டர் மாடலை இந்திய சந்தையில் அறிமுகம் செய்து இருக்கிறது. இந்த ஸ்கூட்டர் மாடல் முற்றிலும் வித்தியாசமான பேமண்ட் திட்டத்தில் கிடைக்கிறது. மேலும் பயனர்கள் பேட்டரி மற்றும் சார்ஜரை அவரவர் விருப்பப்படி தேர்வு செய்து கொள்ளும் வசதி வழங்கப்படுகிறது. 

கிரெட்டா ஹார்பர் ZX சீரிஸ் I ஸ்கூட்டர் பேஸ் மாடல் விலை ரூ. 41 ஆயிரத்து 999, எக்ஸ்-ஷோரூம் என துவங்குகிறது. இந்த ஸ்கூட்டருடன் வரும் சார்ஜர் தொழில்நுட்பம் ஸ்கூட்டரை ஐந்து மணி நேரத்தில் முழுமையாக சார்ஜ் செய்து விடும். மேலும் மூன்று மணி நேரங்கள் சார்ஜ் செய்தால் 80 சதவீதம் வரை சார்ஜ் ஏறி விடும். 

இந்த ஸ்கூட்டர் BLDC மோட்டார் மற்றும் 48-60 வோல்ட் லி-அயன் பேட்டரி வேரியண்ட்களில் கிடைக்கிறது. பயனர்கள் 60 கிலோமீட்டர் முதல் 100 கிலோமீட்டர் ரேன்ஜ் வழங்கும் பேட்டரிகளை தேர்வு செய்து கொள்ளலாம். இவற்றின் விலை ரூ. 17 ஆயிரத்தில் துவங்கி அதிகபட்சம் ரூ. 31 ஆயிரம் வரை நிர்ணயம் செய்யப்பட்டு உள்ளது. பயனர் விருப்பப்படி சார்ஜர்களின் விலை ரூ. 3 ஆயிரத்தில் துவங்கி அதிகபட்சம் ரூ. 5 ஆயிரம் வரை நிர்ணயம் செய்யப்பட்டுள்ளது.

கிரெட்டா ஹார்பர் ZX சீரிஸ் I மாடல்களில் 3-ஸ்பீடு டிரைவ் மோட்களில் கிடைக்கிறது. இத்துடன் ரிவர்ஸ் மோட், எல்.இ.டி. டிஜிட்டல் இன்ஸ்ட்ரூமெண்ட் கிளஸ்டர் டிஸ்ப்ளே, கீலெஸ் ஸ்டார்ட், குரூயிஸ் கண்ட்ரோல், வயர்லெஸ் கண்ட்ரோலர், ஹைவே லைட்கள், சைடு இண்டிகேட்டர் பஸர், எல்.இ.டி. மீட்டர், இக்னிஷன்/சைல்டு லாக், பார்க் மோட், பிக்சட் ரிவர்ஸ் ஸ்பீடு மோட், மேம்பட்ட செல் ஷாக் அப்சார்பர்கள் வழங்கப்பட்டுள்ளன.

டிரையம்ப் மோட்டார்சைக்கிள்ஸ் நிறுவனத்தின் அதிகம் எதிர்பார்க்கப்பட்டு வந்த 2022 டிரையம்ப் டைகர் 1200 மோட்டார்சைக்கிள் மாடல் இந்திய சந்தையில் அறிமுகம் செய்யப்பட்டது. 2022 டிரையம்ப் டைகர் 1200 மாடல் இரண்டு வேரியண்ட் மற்றும் நான்கு ட்ரிம்களில் கிடைக்கிறது. 

2022 டிரையம்ப் டைகர் 1200 மாடல் விலை ரூ. 19.19 லட்சம் என துவங்குகிறது. இதன் டாப் எண்ட் மாடல் விலை ரூ. 21.69 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

புதிய 2022 டிரையம்ப் டைகர் 1200 மாடலில் 1160சிசி, இன்லைன், 3 சிலிண்டர் என்ஜின் வழங்கப்பட்டுள்ளது. இந்த என்ஜின் 147 பி.ஹெச்.பி. பவர், 130 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது. மேலும் ஷாப்ட் டிரைவ் சிஸ்டம், அசிஸ்ட் மற்றும் ஸ்லிப்பர் கிளட்ச் வழங்கப்பட்டு இருக்கிறது.

புதிய டிரையம்ப் டைகர் 1200 மாடல் டிரையம்ப் நிறுவனத்தின் ஃபிளாக்‌ஷிப் அட்வென்ச்சர் ரக மோட்டார்சசைக்கிள் ஆகும். இந்திய சந்தையில் புதிய டிரையம்ப் மோட்டார்சைக்கிள் பி.எம்.டபிள்யூ. R 1250 GS மற்றும் டுகாட்டி மல்டிஸ்டிராடா V4 மோட்டாரைச்கிள் மாடல்களுக்கு போட்டியாக அமைகிறது. புதிய டிரையம்ப் டைகர் 1200 மோட்டார்சைக்கிள் முன்பதிவு ஏற்கனவே துவங்கி நடைபெற்று வருகிறது. வினியோகம் அடுத்த மாதம் துவங்க இருக்கிறது. 

விலை விவரங்கள்:

2022 டிரையம்ப் டைகர் 1200 GT ப்ரோ ரூ. 19 லட்சத்து 19 ஆயிரம்

2022 டிரையம்ப் டைகர் 1200 GT எக்ஸ்ப்ளோரர் ரூ. 20 லட்சத்து 69 ஆயிரம்

2022 டிரையம்ப் டைகர் 1200 ரேலி ப்ரோ ரூ. 20 லட்சத்து 19 ஆயிரம்

2022 டிரையம்ப் டைகர் 1200 ரேலி எக்ஸ்ப்ளோரர் ரூ. 21 லட்சத்து 69 ஆயிரம்

அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது.

கே.டி.எம். இந்தியா நிறுவனம் ஒருவழியாக இந்தியாவில் 2022 கே.டி.எம். RC 390 மோட்டார்சைக்கிளை அறிமுகம் செய்தது. புதிய 2022 கே.டி.எம். RC 390 மாடல் விலை ரூ. 3 லட்சத்து 14 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இது முந்தைய கே.டி.எம். RC  390 மாடலை விட ரூ. 36 ஆயிரம் விலை அதிகம் ஆகும். 2022 கே.டி.எம். RC  390 மாடல் இரண்டு முற்றிலும் புதிய நிறங்களில் கிடைக்கிறது.

இவை கே.டி.எம். ஃபேக்டரி ரேசிங் புளூ மற்றும் போல்டு டூயல் டோன் ஃபினிஷ் செய்யப்பட்ட கே.டி.எம். ஆரஞ்சு என அழைக்கப்படுகின்றன. இவற்றில் ஃபேக்டரி ரேசிங் புளூ நிற வேரியண்டில் ஃபேரிங், பியூவல் டேன்க் மற்றும் டெயில் பகுதிகளில் ஆரஞ்சு மற்றும் புளூ ஷேட்களில் கிடைக்கின்றன. கே.டி.எம். ஆரஞ்சு நிற வேரியண்டின் பியூவல் டேன்க் மீது ஆரஞ்சு நிறமும், பியூவல் டேன்க் மீது பெரிய கருப்பு நிறத்தாலான கே.டி.எம். ஸ்டிக்கரிங் செய்யப்பட்டு இருக்கிறது.

புது மாடலில் ஏராளமான அப்டேட்கள் மற்றும் அம்சங்கள் வழங்கப்பட்டுள்ளன. இந்த மோட்டார்சைக்கிளில் ப்ளூடூத் வசதி கொண்ட ஃபுல் கலர் TFT கன்சோல், ஃபுல் எல்.இ.டி. லைட்டிங், டிராக்‌ஷன் கண்ட்ரோல் சிஸ்டம், கார்னெரிங் ஏ.பி.எஸ். மற்றும் குயிக் ஷிஃப்டர் போன்ற அம்சங்கள் வழங்கப்பட்டுள்ளன.  இந்த மாடலில் 13.7 லிட்டர் கொள்ளளவு கொண்ட பியூவல் டேன்க் உள்ளது.

2022 கே.டி.எம். RC 390 மாடலில் 373சிசி, லிக்விட் கூல்டு, சிங்கில் சிலிண்டர், DOHC என்ஜின் வழங்கப்பட்டு இருக்கிறது. இந்த என்ஜின் 42.9 ஹெச்.பி. பவர், 37 நியூட்டன் மீட்டர் டார்க் இழுவிசையை வெளிப்படுத்துகிறது. 

எம்.ஜி. மோட்டார் நிறுவனம் இந்திய சந்தையில் அதிக வெற்றிகளை வாரி குவித்து வருகிறது. கடந்த மாதம் இந்திய சந்தையில் ஒரு லட்சம் வாகனங்களை விற்பனை செய்து இருப்பதாக எம்.ஜி. மோட்டார்ஸ் அறிவித்து இருந்தது. இந்தியாவில் சில மாடல்களை மட்டுமே அறிமுகம் செய்துள்ள நிலையில், இத்தகைய மைல்கல்லை எட்டி இருப்பது குறிப்பிடத்தக்க சாதனையாகவே பார்க்கப்படுகிறது. 

இந்தியாவில் எம்.ஜி. மோட்டார்ஸ் நிறுவனம் தனது கார் மாடல்களை அப்டேட் செய்ய இருக்கிறது. அப்டேட் மட்டுமின்றி புது எலெக்ட்ரிக் வாகனங்களை உருவாக்கும் பணிகளிலும் எம்.ஜி. நிறுவனம் ஈடுபட்டு வருகிறது. அந்த வகையில் எம்.ஜி. ஹெக்டார் பேஸ்லிப்ட் மாடல் வரும் மாதங்களில் அறிமுகம் செய்யப்பட இருப்பதாக தகவல் வெளியாகி உள்ளது. முன்னதாக இந்த மாடலின் ஸ்பை படங்கள் இணையத்தில் வெளியாகி இருந்தன. 

ஹெக்டார் மாடலை தொடர்ந்து எம்.ஜி. குளோஸ்டர் பேஸ்லிப்ட் மாடலின் ஸ்பை படங்களும் இணையத்தில் வெளியாகி இருக்கின்றன. அந்த வகையில் இந்த மாடலும் விரைவில் அறிமுகம் செய்யப்படும் என எதிர்பார்க்கலாம். புது பேஸ்லிப்ட் மாடலில் ஸ்டைலிங் அப்டேட்கள் மற்றும் புது அம்சங்களை கொண்டிருக்கும் என தெரிகிறது. 

இரு மாடல்கள் மட்டுமின்றி எம்.ஜி. மோட்டார்ஸ் நிறுவனம் இந்திய சந்தைக்கான இரண்டாவது எம்.ஜி. எலெக்ட்ரிக் கார் மாடலை அறிமுகம் செய்யலாம் என கூறப்படுகிறது. இது தற்போது விற்பனை செய்யப்படும் எம்.ஜி. ZS EV காரை விட குறைந்த விலையில் விற்பனைக்கு வரும் என தகவல் வெளியாகி உள்ளது. மேலும் இது அளவில் சிறிய கார் மாடலாக இருக்கும் என்றும் கூறப்படுகிறது. 

கே.டி.எம். இந்தியா நிறுவனம் 200 டியூக் மற்றும் 390 டியூக் மாடல்களை இந்திய சந்தையில் விற்பனை செய்து வருகிறது. இரு மாடல்களிடையே நிலவும் இடைவெளியை பூர்த்தி செய்யும் வகையில் கே.டி.எம். 250 டியூக் மாடலை அறிமுகம் செய்து இருக்கிறது. கே.டி.எம். 250 டியூக் மாடல் விலை ரூ. 2 லட்சத்து 35 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடல் இரண்டு அசத்தலான நிறங்களில் கிடைக்கிறது.

அதன்படி கே.டி.எம். 250 டியூக் மாடல் டார்க் கல்வேனோ நிறத்தில் கிடைக்கிறது. இதில் எலெகெட்ரிக் ஆரஞ்சு மற்றும் மேட் பிளாக் நிறங்கள் பயன்படுத்தப்பட்டு உள்ளன. இதில் ஆரஞ்சு நிற கிராஃபிக்ஸ், ஆரஞ்சு வீல்கள் மற்றும் ஃபிரேம்களில் ஆரஞ்சு நிறம் பூசப்பட்டு உள்ளது. இத்துடன் சில்வர் மெட்டாலிக் நிறத்திலும் இந்த மாடல் கிடைக்கிறது. இந்த மாடலின் பியூவல் டேன்க் மீது 250 ஸ்டிக்கரிங் செய்யபர்பட்டு உள்ளது. 

மேலும் இதன் ஹெட்லேம்ப் கவுல், பின்பகுதிகளில் ஆரஞ்சு நிற ஹீண்ட் செய்யப்பட்டு உள்ளது. பிளாக்டு-அவுட் வீல்களில் ஆரஞ்சு நிற டேப் வழங்கப்பட்டு இருக்கிறது. டார்க் கல்வேனோ வேரியண்டை போன்றே இந்த நிற வேரியண்டிலும் ஆர்ஞ்சு நிற ஃபிரேம் உள்ளது. 

கே.டி.எம். 250 டியூக் மாடலில் 249சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 29.6 பி.ஹெச்.பி. பவர், 24 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது. இந்த மாடலில் ஃபுல் எல்.இ.டி. ஹெட்லேம்ப், யு.எஸ்.டி. ஃபோர்க், எல்.சி.டி. இன்ஸ்ட்ரூமெண்ட் கிளஸ்டர், டூயல் சேனல் ஏ.பி.எஸ். உள்ளிட்டவை ஸ்டாண்டர்டு அம்சமாக வழங்கப்பட்டு இருக்கிறது. 

இந்திய சந்தையில் கே.டி.எம். 250 டியூக் மாடல் சுசுகி ஜிக்சர் 250 மற்றும் ஹஸ்க்வர்னா 250 ட்வின் மாடல்களுக்கு போட்டியாக அமைகிறது. 

ஓலா எலெக்ட்ரிக் நிறுவனத்தின் புதிய ஓலா S1 சீரிஸ் எலெக்ட்ரிக் ஸ்கூட்டர் அடிக்கடி பிரச்சினைகளில் சிக்கி வருகிறது. இந்த நிலையில், ஓலா நிறுவனம் தனது ஸ்கூட்டர்களை அப்டேட் செய்து வருவதாக தகவல்கள் வெளியாகி வந்தன. 

இந்த நிலையில், ஓலா S1 ப்ரோ ஸ்கூட்டர் வாங்குவதற்கான முன்பதிவு வலைதளம் தற்போது மீண்டும் திறக்கப்பட்டு இருக்கிறது. அதன்படி புதிய ஓலா S1 எலெக்ட்ரிக் ஸ்கூட்டரை வாங்க விரும்புவோர் ஓலா எலெக்ட்ரிக் அதிகாரப்பூர்வ வலைதளத்தில் முன்பதிவு செய்து கொள்ள முடியும். 

இந்தியாவில் ஓலா S1 ப்ரோ எலெக்ட்ரிக் ஸ்கூட்டர் விலை ரூ. 10 ஆயிரம் உயர்த்தப்பட்டு இருக்கிறது. விலை உயர்வை அடுத்து ஓலா S1 ப்ரோ ஸ்கூட்டர் விலை தற்போது ரூ. 1 லட்சத்து 39 ஆயிரத்து 999 என மாறி இருக்கிறது. விலை உயர்வு பற்றிய தகவலை ஓலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் தனது ட்விட்டரில் தெரிவித்துள்ளார். 

அதன்படி ஓலா S1 ப்ரோ எலெக்ட்ரிக் ஸ்கூட்டரை அடுத்த விற்பனைக்கு வாங்குவோர் கூடுதல் கட்டணம் செலுத்த வேண்டி இருக்கும் என குறிப்பிட்டு இருக்கிறார். ஓலா S1 ப்ரோ எலெக்ட்ரிக் ஸ்கூட்டர் விலை ரூ. 1 லட்சத்து 39 ஆயிரத்து 999 என ஓலா எலெக்ட்ரிக் வலைதளத்திலும் மாற்றப்பட்டு விட்டது. 

பி.எம்.டபிள்யூ. மோட்டராட் நிறுவனம் M 1000 RR ஸ்பெஷல் எடிஷன் மோட்டார்சைக்கிளை அறிமுகம் செய்தது. இந்த மாடல் பி.எம்.டபிள்யூ. M சீரிசின் 50 ஆவது ஆண்டு விழாவை கொண்டாடும் வகையில் வெளியிடப்பட்டு இருக்கிறது. M 1000 RR அல்லது M RR என அழைக்கப்படும் மோட்டார்சைக்கிள் பி.எம்.டபிள்யூ. S 1000 RR மாடலில் இருந்து ஏராளமான மெக்கானிக்கல் மற்றும் காஸ்மெடிக் மாற்றங்களை பெறும் முதல் பி.எம்.டபிள்யூ. M சீரிஸ் மாடல் ஆகும்.

புதிய M 1000 RR 50 Years M என அழைக்கப்படும் ஆனிவர்சரி எடிஷன் மாடலில் பி.எம்.டபிள்யூ. அதிக மாற்றங்களை மேற்கொள்ளவில்லை. புதிய ஆனிவர்சரி ஸ்பெஷல் எடிஷன் மாடலில் முற்றிலும் புது நிறம் மற்றும் ஆப்ஷனல் M காம்படீஷன் பேக்கேஜ் வழங்கப்பட்டு இருக்கிறது. புதிய M 1000 RR ஆனிவர்சரி எடிஷன் மாடல் சௌ பௌலோ எல்லோ நிறத்தில் கிடைக்கிறது. 

இதனுடன் ஆப்ஷனாக வழங்கப்படும் M காம்படிஷன் பேக்கேஜ் - பல்வேறு கார்பன் பைபர் ஸ்டைலிங் எலிமண்ட்கள், M ஜி.பி.எஸ். லேப் டைமர் ட்ரிகர் சாப்ட்வேர், ரியர் சீட் கவர் மற்றும் பாசஞ்சர் கிட், அனோடைஸ் செய்யப்பட்ட அலுமினியம் ஸ்விங் ஆர்ம், லோ ப்ரிக்‌ஷன் M எண்டியூரன்ஸ் செயின், பில்லெட் அலுமினியம் என்ஜின் ப்ரோடெக்டர்கள் மற்றும் போல்டிங் பிரேக் மற்றும் கிளட்ச் லீவர்கள் போன்ற அம்சங்களை வழங்குகிறது.

புதிய ஸ்பெஷல் எடிஷன் மெக்கானிக்கல் அம்சங்களில் எந்த மாற்றமும் மேற்கொள்ளப்படவில்லை. அந்த வகையில், இந்த மாடலில் 999சிசி, லிக்விட் கூல்டு, 4 சிலிண்டர் என்ஜின் வழங்கப்பட்டு இருக்கிறது. இந்த என்ஜின் 209 ஹெச்.பி. பவர், 113 நியூட்டன் மீட்டர் டார்க் இழுவிசையை வெளிப்படுத்துகிறது. 

இந்தியாவில் கிடைக்கும் விலை உயர்ந்த மோட்டார்சைக்கிள் மாடல்களில் ஒன்றாக பி.எம்.டபிள்யூ. M 1000 RR இருந்து வருகிறது. இதன் விலை எக்ஸ் ஷோரூம் அடிப்படையில் ரூ. 42 லட்சம் ஆகும். இத்துடன் M காம்படிஷன் பேக்கேஜ் விலை மட்டும் ரூ. 3 லட்சம் ஆகும்.  

ஹீரோ மோட்டோகார்ப் நிறுவனம் இந்தியாவில் தனது ஸ்ப்ளெண்டர்  பிளஸ் மோட்டார்சைக்கிளின் புது வேரியண்டை அறிமுகம் செய்து இருக்கிறது. புது வேரியண்ட் ஹீரோ ஸ்ப்ளெண்டர்  பிளஸ் Xtec என அழைக்கப்படுகிறது. இதன் விலை ரூ. 72 ஆயிரத்து 900, எக்ஸ்-ஷோரூம் என நிர்ணயம் செய்யப்பட்டு உள்ளது. இது மேட் ஷீல்டு கோல்டு மாடலை விட ரூ. 1,200 அதிகம் ஆகும். 

முன்னதாக கிளாமர், பிளெஷர், டெஸ்டினி போன்ற மாடல்களை அப்டேட் செய்து Xtec வெர்ஷனில் அறிமுகம் செய்த ஹீரோ மோட்டோகார்ப் தற்போது ஸ்ப்ளெண்டர்  மாடலையும் அப்டேட் செய்து இருக்கிறது. தோற்றத்தில் இந்த மாடலில் எவ்வித மாற்றங்களும் மேற்கொள்ளப்படவில்லை.

ஸ்ப்ளெண்டர்  Xtec மாடலிலும் 92.7சிசி ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 7.9 ஹெச்.பி. பவர், 8.05 நியூட்டன் மீட்டர் டார்க் இழுவிசையை வெளிப்படுத்துகிறது. இதன் மைலேஜை கருத்தில் கொண்டு i3s தொழில்நுட்பமும் வழங்கப்பட்டு உள்ளது. இத்துடன் முழுமையான டிஜிட்டல் கன்சோல், ப்ளூடூத் கனெக்டிவிட்டி, கால், எஸ்.எம்.எஸ். அலர்ட், ரியல் டைம் மைலேஜ் ரீட்-அவுட், யு.எஸ்.பி. சார்ஜிங் போர்ட், சைடு ஸ்டாண்டு என்ஜின் கட் ஆஃப் போன்ற அம்சங்கள் உள்ளன. 

இந்தியாவில் புதிய ஹீரோ ஸ்ப்ளெண்டர்  Xtec மாடல்: ஸ்பார்க்லிங் பீட்டா புளூ, கேன்வாஸ் பிளாக், டொர்னாடோ கிரே மற்றும் பியல் வைட் போன்ற நிறங்களில் கிடைக்கிறது. புது வேரியண்ட் சேர்த்து ஸ்ப்ளெண்டர்  மோட்டார்சைக்கிள் இந்தியாவில் தற்போது நான்கு வேரியண்ட்களில் கிடைக்கிறது. இதன் துவக்க விலை ரூ. 69 ஆயிரத்து 380, எக்ஸ்-ஷோரூம் ஆகும்.