பைக்

ஹோண்டா நிறுவனம் ஆக்டிவா 6ஜி பிரீமியம் வேரியண்டை இந்திய சந்தையில் அறிமுகம் செய்தது. முன்னதாக இந்த ஸ்கூட்டருக்கான டீசர்கள் வெளியிடப்பட்ட நிலையில், தற்போது இதன் அம்சங்கள் மற்றும் விலை அதிகாரப்பூர்வமாக அறிவிக்கப்பட்டுள்ளன.

அந்த வகையில் ஹோண்டா ஆக்டிவா 6ஜி பிரீமியம் மாடல் விலை ரூ. 75 ஆயிரத்து 400 ஆகும். இது டீலக்ஸ் வேரியண்டை விட ரூ. 1000 ஆயிரம் அதிகம் ஆகும். ஆக்டிவா 6ஜி டீலக்ஸ் விலை ரூ. 74 ஆயிரத்து 400 ஆகும். இரு விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

தோற்றத்தில் இந்த ஸ்கூட்டர் கோல்டன் வீல்கள், 3டி கோல்டு பினிஷ் செய்யப்பட்ட லோகோ, பிரவுன் நிற இன்னர் பாடி மற்றும் சீட் கவர், முன்புற அப்ரன் மீது கோல்டன் அக்செண்ட்கள் செய்யப்பட்டுள்ளன. இத்துடன் இந்த ஸ்கூட்டர் புதிதாக மேட் சங்கிரா ரெட் மெட்டாலிக், மேட் மார்ஷல் கிரீன் மெட்டாலிக் மற்றும் பியல் சைரன் புளூ போன்ற நிறங்களில் கிடைக்கிறது. பிரீமியம் எடிஷனில் வேறு எந்த புது அம்சங்களும் சேர்க்கப்படவில்லை.

ஹோண்டா ஆக்டிவா 6ஜி மாடலில் 109.51சிசி என்ஜின் வழங்கப்பட்டு இருக்கிறது. இந்த என்ஜின் 7.68 ஹெச்பி பவர், 8.79 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் சிவிடி கியர்பாக்ஸ் வழங்கப்பட்டு உள்ளது. இந்த மாடலில் 12-10 இன்ச் வீல்கள் வழங்கப்பட்டுள்ளன. இத்துடன் முன்புறம் டெலிஸ்கோபிக் போர்க், மோனோஷாக் சஸ்பென்ஷன் வழங்கப்பட்டு இருக்கிறது.

மேலும் இருபுறங்களிலும் டிரம் பிரேக்குகள் வழங்கப்பட்டுள்ளன. இத்துடன் எக்ஸ்டெர்னல் பியூவல் பில்லர் கேப், என்ஜின் ஸ்டார்ட் ஸ்டாப் ஸ்விட்ச், சைலண்ட் ஸ்டார்டர், சீட் மற்றும் எக்ஸ்டெர்னல் பியூவல் பில்லர் கேப் உள்ளிட்டவைகளை திறக்க டூயல் பன்ஷன் ஸ்விட்ச் வழங்கப்பட்டு இருக்கிறது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் CB300F மாடலை அறிமுகம் செய்ததில் இருந்தே புதிய ஸ்கூட்டரை அறிமுகம் செய்வதற்கான டீசர்களை தனது சமூக வலைதளம் மற்றும் வலைதளங்களில் வெளியிட்டு வருகிறது. அந்த வகையில், புது ஸ்கூட்டர் விவரங்கள் தற்போது அறிவிக்கப்பட்டு இருக்கிறது.

இந்த ஸ்கூட்டர் ஆக்டிவா பிரீமியம் எடிஷன் பெயரில் விற்பனைக்கு வர இருக்கிறது. புதிய பிரீமியம் எடிஷன் ஸ்கூட்டர் ஆக்டிவா 6ஜி மாடலை தழுவி உருவாக்கப்பட்டு இருக்கிறது. பெயருக்கு ஏற்றார் போல் இந்த மாடலின் தோற்றத்தில் பிரத்யேக டிசைன் டச்கள் செய்யப்பட்டு உள்ளன. இவை ஸ்கூட்டரை தனித்துவமாக காட்டுகிறது.

முன்புற அப்ரானில் உள்ள ஃபௌக்ஸ் வெண்ட் மற்றும் வீல்கள் தற்போது கோல்டு பினிஷ் செய்யப்பட்டு உள்ளன. பிளாஸ்டிக் மற்றும் சீட் லெதர் உள்ளிட்டவை பிரவுன் நிற ஷேட் கொண்டிருக்கிறது. இத்துடன் பின்புற கிராப் ஹேண்டில் பாடி நிறம் கொண்டிருக்கிறது. முன்புற சஸ்பென்ஷன் மற்றும் டிரைவ்டிரெயின் கவர் உள்ளிட்டவை பிளாக் பினிஷ் கொண்டிருக்கிறது.

புதிய ஆக்டிவா பிரீமியம் எடிஷன் மாடல் விலை விவரங்களை ஹோண்டா இதுவரை அறிவிக்கவில்லை. எனினும், தற்போது விற்பனை செய்யப்பட்டு வரும் ஆக்டா 6ஜி மாடல்களை விட பிரீமியம் எடிஷன் விலை சற்று அதிகமாகவே நிர்ணயம் செய்யப்பட்டு இருக்கும் என எதிர்பார்க்கலாம்.

இந்திய சந்தையில் ஹோண்டா ஆக்டிவா 6ஜி மாடல் விலை ரூ. 72 ஆயிரத்து 400-இல் துவங்கி அதிகபட்சம் ரூ. 74 ஆயிரத்து 500 வரை நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. 

தி கால் ஆஃப் தி ப்ளூ பிராண்டு பிரச்சாரத்தின் கீழ், வலுவான பந்தய பாரம்பரியத்துடன் உலகளாவிய பிராண்டாக வெற்றிகரமாக நிலைநிறுத்தப்பட்ட பிறகு, இந்தியா யமஹா மோட்டார் பிரைவேட் லிமிடெட் வாடிக்கையாளர்களை மையப்படுத்திய செயல்பாடுகள் மற்றும் அறிமுகங்கள் மூலம் ஆர்வமுள்ள மதிப்பை தீவிரப்படுத்துவதன் மூலம் தனது இமேஜை உயர்த்திக் கொள்ள தேசிய பிராண்ட் பிரச்சாரத்தின் 3வது பதிப்பை இன்று அறிமுகப்படுத்தியது.

2018 ஆம் ஆண்டு முதல், தி கால் ஆஃப் தி ப்ளூ பிராண்ட் பிரச்சாரத்தின் ஒவ்வொரு கட்ட அறிவிப்புடன், நிறுவனம் தனது தயாரிப்பு திட்டமிடல், சந்தைப்படுத்தல் மற்றும் வாடிக்கையாளர் ஈடுபாடு உத்திகளை பிராண்டின் உலகளாவிய பிம்பமான உற்சாகம், உடை மற்றும் விளையாட்டுத்தன்மை ஆகியவற்றிற்கு ஏற்ப செயல்படுத்தி வருகிறது.

இதன் விளைவாக, பிரீமியம் பிரிவை மையமாகக் கொண்டு எட்டு புதிய உலகளாவிய தயாரிப்புகள் அறிமுகப்படுத்தப்பட்டன. இது பிரீமியம் மோட்டார்சைக்கிள் பிரிவில் யமஹாவின் சந்தைப் பங்கை ஈர்க்க வழிவகுத்தது, இது 2018-இல் 10 சதவீதத்திலிருந்து 2021 இல் 15 சதவீதமாக உயர்ந்தது.

இந்த நிகழ்ச்சியில், யமஹா மோட்டார் இந்தியா குழும நிறுவனங்களின் தலைவர் திரு. ஈஷின் சிஹானா, "இந்தியாவில், 'தி கால் ஆஃப் தி ப்ளூ' பிராண்ட் பிரச்சாரம், யமஹாவை வலுவான பந்தய பாரம்பரியம் கொண்ட பிரீமியம் பிராண்டாக நிலைநிறுத்துவதில் குறிப்பிடத்தக்க பங்கைக் கொண்டுள்ளது. பிராண்டை மேலும் கட்டியெழுப்பவும், இந்திய இளைஞர்களுக்குள் உரிமையின் பேரார்வம் மற்றும் பெருமையை உருவாக்கவும், தி கால் ஆஃப் தி ப்ளூ பதிப்பு 3.0 திட்டத்தை அறிவிப்பதில் மகிழ்ச்சி அடைகிறோம்."

"மோட்டார்சைக்கிள் ஓட்டுவதை அவர்களின் வாழ்க்கை முறையின் ஒரு பகுதியாக மாற்றுவதை நோக்கமாகக் கொண்ட பரந்த அளவிலான வாடிக்கையாளர்களை நாங்கள் அணுகுவோம். கூடுதலாக, நாங்கள் எங்கள் விளம்பர நடவடிக்கைகளை தீவிரப்படுத்துவோம். வாடிக்கையாளர்களுக்கு மகிழ்ச்சிகரமான அனுபவத்தை வழங்க எங்கள் பிரீமியம் ப்ளூ ஸ்கொயர் ஸ்டோர்களின் நெட்வொர்க்கை விரிவுபடுத்துவோம்." என தெரிவித்தார்.

ஓலா எலெக்ட்ரிக் நிறுவனம் ஒலா S1 மற்றும் S1 ப்ரோ எலெக்ட்ரிக் ஸ்கூட்டர் மாடல்களை கடந்த ஆண்டு அறிமுகம் செய்தது. இவற்றின் துவக்க விலை ரூ. 99 ஆயிரத்து 999 என நிர்ணயம் செய்யப்பட்டு இருந்தது. ஓலா S1 ப்ரோ ஸ்கூட்டர்களை தொடர்ந்து ஓலா S1 மாடலுக்கான முன்பதிவுகள் இந்தியாவில் துவங்கி இருக்கிறது.

அந்த வகையில் ஓலா S1 மாடலை அதிகாரப்பூர்வ வலைதளத்தில் ரூ. 499 மட்டும் செலுத்தி முன்பதிவு செய்து கொள்ளலாம். முன்பதிவு ஆகஸ்ட் 31 ஆம் தேதி வரை நடைபெறுகிறது. அறிமுக விலையில் எந்த மாற்றமும் இன்றி ஓலா S1 முன்பதிவு நடைபெறுகிறது. விற்பனை மற்றும் வினியோகம் செப்டம்பர் மாத வாக்கில் துவங்குகிறது.

ஓலா S1 ஸ்கூட்டரை வாங்குவோர் அதற்கான கட்டணத்தை பல வழிகளில் செலுத்த முடியும். மேலும் கேஷ் ஆன் டெலிவரி வசதியும் உள்ளது. முன்னணி வங்கிகளுடன் சேர்ந்து மாத தவணை முறை வசதியும் வழங்கப்படுகிறது. மாத தவணை ரூ. 2 ஆயிரத்து 999 என துவங்குகிறது. ஓலா S1 ஸ்கூட்டர் ஜெட் பிளாக், பொர்சிலெயின் வைட், நியோ மிண்ட் மற்றும் லிக்விட் சில்வர் போன்ற நிறங்களில் கிடைக்கிறது.

ஓலா S1 ஸ்கூட்டரில் 2.98 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த ஸ்கூட்டர் முழு சார்ஜ் செய்தால் 131 கிலோமீட்டர் வரையிலான ரேன்ஜ் வழங்குகிறது. இந்த ஸ்கூட்டர் மணிக்கு அதிகபட்சம் 95 கிலோமீட்டர் வேகத்தில் செல்லும். S1 ப்ரோ மாடலில் உள்ளதை போன்று இந்த மாடலில் ஹைப்பர் மோட் வழங்கப்படவில்லை. இது தவிர மற்ற அம்சங்கள் அனைத்தும் ஓலா S1 ப்ரோ மாடலில் உள்ளதை போன்றே வழங்கப்பட்டு இருக்கிறது.

L மோட்டார்சைக்கிள்ஸ் நிறுவனம் 2023 போன்வில் ஸ்பீடுமாஸ்டர் மோட்டார்சைக்கிள் மாடலை இந்திய சந்தையில் விற்பனைக்கு அறிமுகம் செய்து இருக்கிறது. இதன் துவக்க விலை ரூ. 12 லட்சத்து 05 ஆயிரம் என நிர்ணயம் செய்யப்பட்டு இருக்கிறது. புதிய பெயிண்ட் மூலம் ஸ்டைலிங் மாற்றங்கள் தவிர இந்த மாடலில் வேறு எந்த மாற்றமும் மேற்கொள்ளப்படவில்லை.

இந்திய சந்தையில் புதிய போன்வில் ஸ்பீடுமாஸ்டர் - ஜெட் பிளாக், சபையர் பிளாக், பியுஷன் வைட் மற்றும் கார்டோவன் ரெட் என மூன்று விதமான நிறங்களில் கிடைக்கிறது. இவற்றில் ஜெட் பிளாக் மற்றும் கார்டோவன் ரெட் நிறங்கள் சிங்கில் டோன் பினிஷ், சபையர் பிளாக் பியுஷன் வைட் டூயல் டோன் பினிஷ் கொண்டுள்ளது.

விலை விவரங்கள்:

- டிரையம்ப் போன்வில் ஸ்பீடுமாஸ்டர் ஜெட் பிளாக் ரூ. 12 லட்சத்து 05 ஆயிரம்

- டிரையம்ப் போன்வில் ஸ்பீடுமாஸ்டர் கார்டோவன் ரெட் ரூ. 12 லட்சத்து 18 ஆயிரம்

-டிரையம்ப் போன்வில் ஸ்பீடுமாஸ்டர் சபையர் பிளாக் பியுஷன் வைட் ரூ. 12 லட்சத்து 35 ஆயிரம்

அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது.

2023 டிரையம்ப் போன்வில் ஸ்பீடுமாஸ்டர் மோட்டார்சைக்கிள் வட்ட வடிவ ஹெட்லேம்ப், க்ரோம் பில்லர் கேப் கொண்ட டியர் டிராப் வடிவ பியூவல் டேன்க், ஸ்ப்லிட் ஸ்டைல் சீடர்கள், எக்சாஸ்ட் கேனிஸ்டரில் ஸ்லாஷ் கட் டிசைன், வயர் ஸ்போக் வீல்களை கொண்டுள்ளது.

இந்த மாடலில் 1200 சிசி, பேரலல் ட்வின் சிலிண்டர் லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 76.9 ஹெச்பி பவர், 106 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது.

இந்திய சந்தையில் புதிய டிரையம்ப் போன்வில் ஸ்பீடுமாஸ்டர் மோட்டார்சைக்கிள் ஹார்லி டேவிட்சன் நைட்ஸ்டர் மாடலுக்கு போட்டியாக அமைகிறது. 

ஹோண்டா நிருவனம் தனது ஆக்டிவா 7ஜி மாடலுக்கான இரண்டாவது டீசரை வெளியிட்டு உள்ளது. இது ஆக்டிவா 6ஜி மாடலின் மேம்பட்ட வெர்ஷன் ஆகும். புதிய டீசர் ஸ்கூட்டரின் முன்புற தோற்றத்தை ஓரளவு வெளிப்படுத்துகிறது. அதன்படி ஸ்கூட்டரின் முன்புற அப்ரன் தற்போதைய மாடலில் உள்ளதை போன்றே காட்சியளிக்கிறது. இதன் மூலம் புதிய ஸ்கூட்டரின் அழகு அங்கங்கு மெருகேற்றப்படும் என எதிர்பார்க்கலாம்.

மற்றொரு டீசரில் இருப்பது தற்போது விற்பனை செய்யப்படும் ஆக்டிவா 6ஜி மாடலின் ஸ்பெஷல் எடிஷனாக இருக்கும் என தெரிகிறது. இதில் முன்புற தோற்றம் அப்படியே ஆக்டிவா 6ஜி மாடலில் உள்ளதை போன்றே காட்சியளிப்பதோடு, கோல்டு மற்றும் பெய்க் நிற அக்செண்ட்கள் செய்யப்பட்டு உள்ளது. மேலும் ஸ்கூட்டரின் பாடி நிறம் மேட் பினிஷ் கொண்டுள்ளது. இவை ஸ்கூட்டர் ஸ்பெஷல் எடிஷன் மாடலாக இருக்கும் என்பதை உணர்த்துகிறது.

டீசரில் இருப்பது ஹோண்டா ஆக்டிவா 7ஜி மாடல் என்ற பட்சத்தில் இதன் விலை ஆக்டிவா 6ஜி மாடலை விட ரூ. 5 ஆயிரம் முதல் ரூ. 6 ஆயிரம் வரை அதிகமாக நிர்ணயம் செய்யப்படலாம். தற்போதைய ஹோண்டா ஆக்டிவா 6ஜி விலை ரூ. 72 ஆயிரத்து 400, எக்ஸ்-ஷோரூம் என துவங்குகிறது.

இந்தியாவின் 75 ஆவது சுதந்திர தினத்தை முன்னிட்டு டார்க் மோட்டார்ஸ் நிறுவனம் தனது எலெக்ட்ரிக் மோட்டார்சைக்கிளுக்கான முன்பதிவு கட்டணத்தை அதிரடியாக குறைத்து இருக்கிறது. அந்த வகையில் டார்க் கிராடோஸ் மாடலை முன்பதிவு செய்வோர் ரூ. 75 மட்டுமே செலுத்தினால் போதும். இந்த சலுகை ஆகஸ்ட் 15 ஆம் தேதி வரை அமலில் இருக்கும். அதன் பின் முன்பதிவு கட்டணம் ரூ. 999 என மாறி விடும்.

இந்த ஆண்டு ஜனவரி மாத வாக்கில் டார்க் மோட்டார்ஸ் நிறுவனம் தனது கிராடோஸ் எலெக்ட்ரிக் மோட்டார்சைக்கிள் மாடலை இந்திய சந்தையில் அறிமுகம் செய்தது. இந்த மோட்டார்சைக்கிள் ஸ்டாண்டர்டு மற்றும் கிராடோஸ் R என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 1 லட்சத்து 07 ஆயிரத்து 999 மற்றும் ரூ. 1 லட்சத்து 22 ஆயிரத்து 999 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

கடந்த மாதம் தான் டார்க் கிராடோஸ் மாடலுக்கான வினியோகம் இந்தியாவில் துவங்கியது. முதற்கட்டமாக 20 யூனிட்கள் டார்க் மோட்டார்ஸ் தலைமையகமான பூனேவில் வினியோகம் செய்யப்பட்டன. அம்சங்களை பொருத்தவரை டார்க் கிராடோஸ் இரு வேரியண்ட்களிலும் வேறுபடுகிறது.

இதன் R வேரியண்டில் 9 கிலோவாட் மோட்டார் வழங்கப்பட்டுள்ளது. இது 38 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த மோட்டார்சைக்கிள் மணிக்கு 105 கிமீ வேகத்தில் செல்லும் திறன் கொண்டுள்ளது. இதன் ஸ்டாண்டர்டு வேரியண்ட் 7.5 கிலோவாட் மோட்டார் கொண்டுள்ளது. இது அதிகபட்சம் 28 நியூட்டன் மீட்டர் டார்க் வெளிப்படுகத்தும். இந்த வேரியண்ட் மணிக்கு அதிகபட்சமாக 100 கிமீ வேகத்தில் செல்லும்.

இரு வேரியண்ட்களிலும் வழங்கப்பட்டு இருக்கும் 4 கிலோவாட் ஹவர் பேட்டரி பேக் முழு சார்ஜ் செய்தால் 120 கிமீ வரையிலான ரேன்ஜ் வழங்குகிறது. தற்போது டார் கிராடோஸ் எலெக்ட்ரிக் மோட்டார்சைக்கிள் இந்தியாவில் பூனே, மும்பை, டெல்லி, சென்னை மற்றும் ஐதராபாத் என ஐந்து நகரங்களில் மட்டுமே விற்பனைக்கு கிடைக்கிறது.

ஹீரோ மோட்டோகார்ப் மற்றும் ஹார்லி டேவிட்சன் இந்தியா இணைந்து முற்றிலும் புதிய நைட்ஸ்டர் மோட்டார்சைக்கிளை இந்திய சந்தையில் விற்பனைக்கு அறிமுகம் செய்துள்ளன. புதிய ஹார்லி டேவிட்சன் நைட்ஸ்டர் மாடல் விலை ரூ. 14 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

இந்தியாவில் ஹார்லி டேவிட்சன் நிறுவன மோட்டார்சைக்கிள், பாகங்கள் மற்றும் அக்சஸரீக்களை அதிகாரப்பூர்வமாக வினியோகம் செய்யும் பொறுப்பை ஹீரோ மோட்டோகார்ப் ஏற்று நடத்தி வருகிறது. புதிய ஹார்லி டேவிட்சன் மாடல் முழுமையாக உருவாக்கப்பட்ட நிலையில், இந்தியாவுக்கு இறக்குமதி செய்யப்பட உள்ளன.

இந்த மாடலுக்கான முன்பதிவு துவங்கி நடைபெற்று வருகிறது. இந்த மாடல் ஒற்றை வேரியண்ட் மற்றும் மூன்று விதமான நிறங்களில் கிடைக்கிறது.

விலை விவரங்கள்:

ஹார்லி டேவிட்சன் நைட்ஸ்டர் விவிட் பிளாக் ரூ. 14 லட்சத்து 99 ஆயிரம்

ஹார்லி டேவிட்சன் நைட்ஸ்டர் கன்ஷிப் கிரே ரூ. 15 லட்சத்து 13 ஆயிரம்

ஹார்லி டேவிட்சன் நைட்ஸ்டர் ரெட்லைன் ரெட் ரூ. 15 லட்சத்து 13 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளன.

இந்த மாடலில் ஹார்லி டேவிட்சன் நிறுவனத்தின் ரெவல்யுஷன் மேக்ஸ் 975T, 975சிசி, லிக்விட் கூல்டு, வி-ட்வின் என்ஜின் வழங்கப்பட்டு இருக்கிறது. இந்த என்ஜின் 89 ஹெச்பி பவர், 95 நியூட்டன் மீட்டர் டார்க் இழுவிசையை வெளிப்படுத்துகிறது. மேலும் 41 மில்லிமீட்டர் ஷோவா முன்புற போர்க்குகள், ட்வின் ரியர் ஸ்ப்ரிங்குகள், இரு டயர்களிலும் சிங்கில் டிஸ்க் பிரேக்குகள் உள்ளன.

இத்துடன் மூன்று வித ரைடிங் மோட்கள், ஏபிஎஸ், என்ஜின் பிரேக்கிங் கண்ட்ரோல், டிராக்‌ஷன் கண்ட்ரோல் சிஸ்டம் போன்ற அம்சங்கள் வழங்கப்பட்டுள்ளன. 

ஹீரோ மோட்டோகார்ப் நிறுவனம் ஏராளமான புது மோட்டார்சைக்கிள் மற்றும் ஸ்கூட்டர் மாடல்களை உருவாக்கி வருகிறது. இதில் எலெக்ட்ரிக் ஸ்கூட்டரும் அடங்கும். தற்போது பிரீமியம் மோட்டார்சைக்கிள் பிரிவில் ஹீரோ நிறுவனம் எக்ஸ்பல்ஸ் 200 மற்றும் எக்ஸ்டிரீம் 200 என இரண்டு மாடல்களை விற்பனை செய்து வருகிறது.

இந்த நிலையில், பிரீமியம் மோட்டார்சைக்கிள் பிரிவில் அதிக மாடல்களை அறிமுகம் செய்யும் நோக்கில் ஹீரோ மோட்டோகார்ப் நிறுவனம் இரண்டு புதிய மாடல்களை உருவாக்கி இருக்கிறது. இவை எக்ஸ்டிரீம் 300 மற்றும் எக்ஸ்பல்ஸ் 300 பெயரில் விற்பனைக்கு வர உள்ளன. முதல் முறையாக புதிய ஹீரோ எக்ஸ்டிரீம் 300 மற்றும் எக்ஸ்பல்ஸ் 300 மாடல்கள் சோதனை செய்யப்படும் படங்கள் வெளியாகி உள்ளது.

Photo Courtesy: Gowtham Naidu

இந்த மாடல்கள் லே லடாக் பகுதியில் சோதனை செய்யப்படும் போது சிக்கியுள்ளன. எக்ஸ்பல்ஸ் 300 மாடல் அட்வென்ச்சர் மோட்டார்சைக்கிள் ஆகும். எக்ஸ்டிரீம் 300 மாடல் ஃபுல்லி-ஃபேர்டு மோட்டார்சைக்கிள் ஆகும். இவற்றின் விலை சந்தையில் கடும் போட்டியை ஏற்படுத்தும் வகையில் நிர்ணயம் செய்யப்படும் என தெரிகிறது. முன்னதாக 2020 வாக்கில் ஹீரோ நிறுவனம் டிரெலிஸ் ஃபிரேமில் வைக்கப்பட்ட 300சிசி என்ஜினை காட்சிப்படுத்தியது.

இந்த பிளாட்பார்ம் ஹீரோ 450RR டக்கர் ரேலி மோட்டார்சைக்கிள் மாடலை தழுவி உருவாக்கப்பட்டு இருக்கும் என தெரிகிறது. சோதனை செய்யப்படும் மாடல் கிளட்ச் கவர், சிவப்பு நிற டிரெலிஸ் பிரேம், முன்புறம் ஸ்போக்டு வீல்கள், பெட்டல் டிஸ்க், ஸ்விங் ஆர்ம், க்ரோம் பினிஷன் செய்யப்பட்ட சைடு ஸ்டாண்டு உள்ளிட்டவை இடம்பெற்று இருக்கிறது.

ஹோண்டா நிறுவனம் இந்திய சந்தையில் புதிய CB300F ஸ்டிரீட் பைக் மாடலை அறிமுகம் செய்தது. இந்த மோட்டார்சைக்கிள் CB300R மாடலின் கீழ் நிலை நிறுத்தப்பட்டு இருக்கிறது. இதன் விலை ரூ. 2 லட்சத்து 26 ஆயிரம் என துவங்குகிறது.

விலை விவரங்கள்:

ஹோண்டா CB300F டீலக்ஸ் வேரியண்ட் ரூ. 2 லட்சத்து 26 ஆயிரம்

ஹோண்டா CB300F டீலக்ஸ் ப்ரோ வேரியண்ட் ரூ. 2 லட்தத்து 29 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

மற்ற CB300 சீரிஸ் மாடல்களை போன்றே புதிய CB300F மாடலும் ஹோண்டா நிறுவனத்தின் பரீமியம் பிங்விங் விற்பனை மையங்கள் மூலம் விற்பனை செய்யப்பட உள்ளது. ஹோண்டா CB300F மாடலில் 293சிசி, ஆயில் கூல்டு, நான்கு வால்வுகள் கொண்ட SOHC என்ஜின் வழங்கப்பட்டு இருக்கிறது.

இந்த என்ஜின் 23.8 ஹெச்.பி. பவர், 25.6 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது. மேலும் அசிஸ்ட் மற்றும் ஸ்லிப்பர் கிளட்ச் வழங்கப்பட்டு உள்ளது. இந்த மாடலில் 17 இன்ச் அலாய் வீல்கள், அப்சைடு-டவுன் போர்க்குகள், 5 ஸ்டெப் அட்ஜஸ்ட் செய்யக்கூடிய மோனோஷாக் யூனிட் வழங்கப்பட்டு இருக்கிறது.

பிரேக்கிங்கிற்கு இரண்டு புறங்களிலும் சிங்கில் டிஸ்க், முன்புறத்தில் 276 மில்லிமீட்டர் யூனிட், பின்புறம் 220 மில்லிமீட்டர் யூனிட் வழங்கப்பட்டு உள்ளது. இந்த மாடலில் கூர்மையான டிசைன், லோ-ஸ்லங் ஹெட்லேம்ப் , பாயிண்டெட் டேன்க் எக்ஸ்டென்ஷன்கள், அப்-ஸ்பெவ்ட் டெயில் பகுதி வழங்கப்பட்டு இருக்கிறது.

மேலும் ஃபுல் எல்இடி லைட்டிங், டிஜிட்டல் இன்ஸ்ட்ரூமெண்ட் கிளஸ்டர், டூயல் சேனல் ஏபிஎஸ், ஹோண்டாவின் செலக்டபில் டார்க் கண்ட்ரோல் உள்ளிட்டவை வழங்கப்பட்டு இருக்கிறது. 

யமஹா நிறுவனம் 'தி கால் ஆப் தி புளு' பிரச்சாரத்தின் கீழ் புதிதாக இரண்டு புளூ ஸ்கொயர் விற்பனை மையங்களை தமிழ் நாட்டில் திறந்துள்ளது. இவை முறையே வேலூர் மற்றும் மயிலாடுதுறை பகுதிகளில் அமைந்துள்ளன. யமஹாவின் ரேசிங் டிஎன்ஏ, பந்தய தன்மையை வெளிப்படுத்தும் வகையில் சுமார் ஆயிரம் சதுர அடி பரப்பளவில் புதிய புளூ ஸ்கொயர் விற்பனை மையங்கள் அமைக்கப்பட்டு இருக்கின்றன.

புளூ ஸ்கொயர் விற்பனை மையங்கள் சமூக உணர்வை வழங்கும் வகையில் வடிவமைக்கப்பட்டுள்ளன. வாடிக்கையாளர்கள் பிராண்டின் நெறிமுறைகளுடன் இணைவதற்கான தளத்தை உருவாக்கி இருக்கிறது. சர்வதேச மோட்டார் ஸ்போர்ட்ஸ் -இல் யமஹாவின் பாரம்பரியத்தை வரையறுக்கும் பணியை புளூ ஸ்கொயர் மேற்கொள்கிறது. புளூ ஸ்கொயர் விற்பனை மையங்கள் யமஹாவின் பந்தய பாரம்பரியத்தை முன்னோக்கி எடுத்து செல்கிறது.

'தி கால் ஆப் தி புளு' பிரச்சாரத்தின் அங்கமாக தமிழ் நாட்டில் இரண்டு புதிய புளூ ஸ்கொயர் விற்பனை மையங்கள் திறப்பதில் யமஹா உற்சாகம் அடைகிறது. இந்தியா எங்களுக்கு மிக முக்கியமான சந்தை. இந்த பிரீமியம் விற்பனை மையங்கள் சர்வதேச மோட்டார் விளையாட்டுகளில் யமஹாவின் செழுமையான பாரம்பரியத்தை பிரதிநிதித்துப்படுத்துகிறது, என யமஹா மோட்டார் இந்தியா நிறுவன தலைவர் ஈஷின் சிஹானா தெரிவித்தார்.

வலுவான சில்லறை வர்த்தக வலையமைப்பை உருவாக்க புளூ ஸ்கொயர் விற்பனை மையங்கள் வழி வகுக்கும். புளூ ஸ்கொயர் விற்பனை மையங்கள் வாடிக்கையாளர்களுக்கு தனித்துவமான அனுபவத்தை வழங்குகிறது. இதன் மூலம் வாடிக்கையாளர்கள் பிராண்டுடன் தொடர்பு கொள்ளவும், வாகன விவரங்களை அறியவும், உதிரிபாகங்கள் மற்றும் ஆடைகளை பார்க்க உதவும், என அவர் கூறினார்.

ராயல் என்பீல்டு நிறுவனம் இந்திய சந்தையில் ஹண்டர் 350 மோட்டார்சைக்கிளை அறிமுகம் செய்தது. புதிய ராயல் என்பீல்டு ஹண்டர் 350 மாடலின் விலை ரூ. 1 லட்சத்து 49 ஆயிரத்து 900, எக்ஸ்-ஷோரூம் என நிர்ணயம் செய்யப்பட்டு உள்ளது. 

விலை விவரங்கள்:

ராயல் என்பீல்டு ஹண்டர் 350 ரெட்ரோ ஃபேக்டர் ரூ. 1 லட்சத்து 49 ஆயிரத்து 900

ராயல் என்பீல்டு ஹண்டர் 350 மெட்ரோ டேப்பர் ரூ. 1 லட்சத்து 63 ஆயிரத்து 900

ராயல் என்பீல்டு ஹண்டர் 350 ரெபல் ரூ. 1 லட்சத்து 68 ஆயிரத்து 900

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

தோற்றத்தில் ராயல் என்பீல்டு ஹண்டர் 350 மாடல் ரோட் சார்ந்த பயன்பாடுகளுக்கான ஒன்றாகவே தெரிகிறது. இதில் ரெட்ரோ டிசைன் உள்ளது. வட்ட வடிவ ஹெட்லைட், பழமை மாறா டிசைன் அம்சங்கள் பின்பற்றப்பட்டுள்ளன. இதன் முன்புறம் ட்வின் பாட் இன்ஸ்ட்ரூமெண்ட் கிளஸ்டர் உள்ளது. இதன் பெரிய டயலில் ஓடோமீட்டர், ட்ரிப் மீட்டர், ஸ்பீடோமீட்டர், பியூவல் லெவல் மற்றும் இதர விவரங்கள் காண்பிக்கின்றன.

 ராயல் என்பீல்டு ஹண்டர் 350 மாடலில் 41 மில்லிமீட்டர் டெலிஸ்கோபிக் போர்க்குகள், 6 ஸ்டெப் பிரீலோடு அட்ஜஸ்ட் செய்யக்கூடிய டூயல் ரியர் ஷாக்குகள் வழங்கப்பட்டு உள்ளன. பிரேக்கிங்கிற்கு 300 மில்லிமீட்டர் முன்புற டிஸ்க், பின்புறம் 270 மில்லிமீட்டர் டிஸ்க் மற்றும் டூயல் சேனல் ஏபிஎஸ் வழங்கப்பட்டு இருக்கிறது. இந்த மாடலில் 13 லிட்டர் பியூவல் டேன்க் உள்ளது.

என்ஜின் விவரங்கள்:

இத்துடன் 349சிசி சிங்கில் சிலிண்டர் ஏர் கூல்டு என்ஜின் வழங்கப்பட்டுள்ளது. இந்த என்ஜின் 20.2 ஹெச்பி பவர், 27 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது. இதே என்ஜின் கிளாசிக் 350, மீடியோர் 350 போன்ற மாடல்களிலும் வழங்கப்பட்டு இருக்கிறது. புதிய ஹண்டர் 350 மாடல் மணிக்கு அதிகபட்சம் 114 கி.மீ. வேகத்தில் செல்லும்.

புதிய ராயல் என்பீல்டு ஹண்டர் 350 மாடல்: ரிபல் ரெட், ரிபல் புளூ, ரிபல் பிளாக், டேப்பர் ஆஷ், டேப்பர் வைட் மற்றும் டேப்பர் கிரே என ஆறு விதமான நிறங்களில் கிடைக்கிறது. இந்த மாடலில் ரியர் பேனியர், ஃபிளை ஸ்கிரீன், பில்லியன் சீட் பேக்ரெஸ்ட் மற்றும் சில அக்சஸரீக்கள் வழங்கப்படுகின்றன.