பைக்

கிரீவ்ஸ் எலெக்ட்ரிக் மொபிலிட்டி நிறுவனம் ஆம்பியர் பிரைமஸ் ஹை-ஸ்பீடு எலெக்ட்ரிக் ஸ்கூட்டர் மாடலை இந்திய சந்தையில் அறிமுகம் செய்தது. புதிய எலெக்ட்ரிக் ஸ்கூட்டர் விலை இந்திய சந்தையில் ரூ. 1 லட்சத்து 09 ஆயிரத்து 900, எக்ஸ்-ஷோரூம் என நிர்ணயம் செய்யப்பட்டு உள்ளது.

செயல்திறனை பொருத்தவரை புதிய ஆம்பியர் பிரைமஸ் மாடல் 4கிலோவாட் PMS மோட்டார் கொண்டிருக்கிறது. இந்த எலெக்ட்ரிக் ஸ்கூட்டர் மணிக்கு அதிகபட்சம் 70 கிலோமீட்டர் வேகத்தில் செல்லும். இத்துடன் மணிக்கு 40 கிலோமீட்டர் வேகத்தை ஐந்து நொடிகளில் எட்டிவிடும் திறன் கொண்டிருக்கிறது. புதிய பிரைமஸ் மாடல் - இகோ, சிட்டி, பவர் மற்றும் ரிவர்ஸ் என நான்குவித ரைடிங் மோட்களை கொண்டுள்ளது.

இந்த எலெக்ட்ரிக் ஸ்கூட்டர் முழு சார்ஜ் செய்தால் பவர் மோடில் 100 கிலோமீட்டர் வரையிலான ரேன்ஜ் வழங்குகிறது. இகோ மோடில் இதன் ரேன்ஜ் மேலும் அதிகரிக்கிறது. அம்சங்களை பொருத்தவரை இந்த எலெக்ட்ரிக் ஸ்கூட்டர் ப்ளூடூத் கனெக்டிவிட்டி, நேவிகேஷன், பிரத்யேக ஸ்மார்ட்போன் செயலி கொண்டிருக்கிறது.

ஆம்பியர் பிரைமஸ் எலெக்ட்ரிக் ஸ்கூட்டர்- ஹிமாலயன் வைட், ராயல் ஆரஞ்சு, ஹேவ்லாக் புளூ மற்றும் பக் பிளாக் என நான்கு விதமான மேட் ஃபினிஷ் செய்யப்பட்ட டூயல் டோன் பெயிண்ச் ஆப்ஷன்களில் கிடைக்கிறது. ஹார்டுவேரை பொருத்தவரை இந்த எலெக்ட்ரிக் ஸ்கூட்டரில் டெலிஸ்கோபிக் முன்புற ஃபோர்க்குகள், ரியர் ஸ்ப்ரிங் மற்றும் டிரம் பிரேக்குகளை கொண்டுள்ளன.

ஸ்டைலிங்கை பொருத்தவரை டால்-செட் ஹெட்லைட், அப்ரனில் மவுண்ட் செய்யப்பட்ட முன்புற இண்டிகேட்டர்கள், ஸ்டெப்-அப் சீட் மற்றும் ஒற்றை கிராப் ரெயில் வழங்கப்பட்டு இருக்கிறது. 

ராயல் என்பீல்டு நிறுவனம் சமீபத்தில் அறிமுகம் செய்த சூப்பர் மீடியோர் 650 மாடலின் வினியோகத்தை இந்தியாவில் துவங்கி இருக்கிறது. புதிய மிடில்வெயிட் குரூயிசர் மோட்டார்சைக்கிள் இரண்டு வேரியண்ட்களில் கிடைக்கிறது. இவற்றின் விலை ரூ. 3 லட்சத்து 48 ஆயிரத்து 900 என துவங்குகிறது. முன்னதாக கடந்த ஆண்டு டிசம்பர் மாத வாக்கில் இந்த மாடலுக்கான முன்பதிவுகள் துவங்கின.

இந்திய சந்தையில் ராயல் என்பீல்டு தனது சூப்பர் மீடியோர் 650 மாடல்- ஸ்டாண்டர்டு மற்றும் டூரர் என இரண்டு வேரியண்ட்களில் கிடைக்கிறது. இரு வேரியண்ட்களும் அவற்றுக்கான நிறம் மற்றும் ஹார்டுவேர் அம்சங்களை கொண்டு வித்தியாசப்படுத்தப்பட்டு உள்ளன. இதன் ஸ்டாண்டர்டு வெர்ஷன் ஐந்து நிறங்கள்- ஆஸ்ட்ரல் பிளாக், ஆஸ்ட்ரல் புளூ, இண்டர்ஸ்டெல்லார் கிரே மற்றும் இண்டர்ஸ்டெல்லார் கிரீன் நிறங்களில் கிடைக்கிறது.

இதன் டூரர் வேரியண்ட் உயரமான விண்ட்ஸ்கிரீன், பில்லியன் பேக்ரெஸ்ட் போன்ற கூடுதல் அக்சஸரீக்களை கொண்டுள்ளது. இந்த மோட்டார்சைக்கிள் செலஸ்டியல் ரெட் மற்றும் செலஸ்டியல் புளூ என இரண்டு விதமான நிறங்களில் கிடைக்கிறது. சூப்பர் மீடியோர் 650 மாடலின் இரண்டு வேரியண்ட்களிலும் குரூயிசர் மாடல் போன்ற டிசைன் உள்ளது.

அதன்படி இவற்றில் வட்ட வடிவம் கொண்ட ஹெட்லைட் உள்ளது. இதன் ஸ்விட்ச்கியர் சரவுண்ட், ஃபியூவல் டேன்க், ஸ்ப்லிட் ஸ்டைல் சீட், ட்வின்-சைடட் எக்சாஸ்ட் பைப்களில் அலுமினியம் ஃபினிஷ் செய்யப்பட்டு இருக்கிறது. இதன் டூரர் வெர்ஷனில் ஸ்டாண்டர்டு வேரியண்டை விட கூடுதல் உபகரணங்கள் வழங்கப்பட்டுள்ளது.

இவைதவிர இரு வேரியண்ட்களிலும் அலாய் வீல்கள், டியூப்லெஸ் டயர்கள் உள்ளன. இத்துன் அப்சைடு-டவுன் ஃபோர்க்குகளை கொண்ட முதல் ராயல் என்பீல்டு மோட்டார்சைக்கிள் இது ஆகும். இதன் பின்புறம் டுவின்-சைடட் ரியர் ஸ்ப்ரிங்குகள் உள்ளன. பிரேக்கிங்கிற்கு இருபுறமும் சிங்கில் டிஸ்க் மற்றும் பைபர் கேலிப்பர்கள் வழங்கப்பட்டு இருக்கின்றன.

ஏற்கனவே ராயல் என்பீல்டு அறிமுகம் செய்த இண்டர்செப்டார் 650 மற்றும் காண்டினென்டல் ஜிடி 650 மாடல்களில் உள்ளதை போன்றே இந்த மாடலிலும் 648சிசி, பேரலல் டுவின், ஏர்-கூல்டு என்ஜின் வழங்கப்பட்டு இருக்கிறது. இந்த என்ஜின் 46.2 ஹெச்பி பவர், 52 நியூட்டன் மீட்டர் டார்க் இழுவிசையை வெளிப்படுத்தும் தின் கொண்டுள்ளது.

இந்திய சந்தையில் ஸ்கூட்டர் வாங்குவோரின் முதல் தேர்வாக பஜாஜ் இருந்து வந்தது. தற்போது ஸ்கூட்டர் பிரிவில் பஜாஜ் நிறுவனம் எந்த மாடலையும் விற்பனை செய்வதில்லை. சமீபத்தில் தான் பஜாஜ் நிறுவனம் செட்டாக் எலெக்ட்ரிக் ஸ்கூட்டர் மூலம் இந்திய ஸ்கூட்டர் பிரிவில் ரி-எண்ட்ரி கொடுத்தது. 2022 ஆண்டில் மட்டும் கிட்டத்தட்ட 30 ஆயிரம் செட்டாக் யூனிட்களை பஜாஜ் விற்பனை செய்தது.

இந்த எண்ணிக்கை மேலும் அதிகரிக்கும் என எதிர்பார்க்கப்படுகிறது. இதுதவிர 2023 ஆண்டிற்கு புதிய வேரியண்டை அறிமுகம் செய்யும் பணிகளில் பஜாஜ் ஈடுபட்டு வருவதாக கூறப்படுகிறது. புதிய ஸ்கூட்டரின் பேட்டரி திறன் எவ்வித மாற்றமும் பெறாது என்றே தெரிகிறது. எனினும், புதிய ஸ்கூட்டர் மென்பொருள், கண்ட்ரோலர் அல்காரிதம்களில் மாற்றங்கள் செய்யப்படலாம்.

முன்னதாக 2021 டிசம்பர் மாத வாக்கில் வெளியான தகவல்களின் படி பஜாஜ் நிறுவனம் செட்டாக் ஸ்கூட்டரின் திறனை அதிகப்படுத்த இருப்பதாக கூறப்பட்டது. பஜாஜ் செட்டாக் மாடல் அர்பேன் மற்றும் பிரீமியம் என இருவித வேரியண்ட்களில் கிடைக்கிறது. தற்போதைய தகவல்களில் செட்டாக் பிரீமியம் வேரியண்ட் பற்றிய விவரங்கள் மட்டுமே இடம்பெற்று இருக்கிறது.

புதிய பஜாஜ் செட்டாக் மாடல் 2423 குறியீட்டு பெயர் கொண்டிருக்கிறது. இது பிரீமியம் வேரியண்டில் மட்டுமே கிடைக்கும் என கூறப்படுகிறது. இந்த மாடலில் 50.4 வோல்ட் 57.24 Ah பேட்டரி வழங்கப்படுகிறது. இத்துடன் 4.2 கிலோவாட் பீக் பவர் வெளிப்படுத்தும் மோட்டார் வழங்கப்படுகிறது. புதிய செட்டாக் மாடல் முழு சார்ஜ் செய்தால் 108 கிலோமீட்டர் வரை செல்லும் என தெரிகிறது. 

கேடிஎம் நிறுவனம் அடுத்த தலைமுறை டியூக் மாடல்களை உருவாக்கி வருவது அனைவரும் அறிந்ததே. கடந்த சில மாதங்களில் புதிய டியூக் மாடல்கள் சாலைகளில் சோதனை செய்யப்படும் போது எடுக்கப்பட்ட ஸ்பை படங்கள் பலமுறை இணையத்தில் வெளியாகி இருக்கின்றன. இந்த வரிசையில், தற்போது ஸ்பெயின் நாட்டில் சோதனை செய்யப்படும் போது எடுக்கப்பட்ட டியூக் ஸ்பை படங்கள் வெளியாகி உள்ளது.

ஸ்டிரீட்ஃபைட்டர் மாடல்களை காஸ்மெடிக் மற்றும் மெக்கானிக்கல் வழிகளில் அப்டேட் செய்ய கேடிஎம் முடிவு செய்து இருப்பதாக தெரிகிறது. டெஸ்டிங் செய்யப்படும் மாடலில் எல்இடி ஹெட்லைட் தற்போதைய மாடலில் இருப்பதை விட வித்தியாசமாக உள்ளது. இதே போன்று டேன்க் கவர்கள் பெரியதாகவும், கூர்மையாகவும் காட்சியளிக்கின்றன. இவை பைக்கிற்கு ஸ்போர்ட் தோற்றத்தை வழங்குகின்றன. இதில் உள்ள ரியர் சப்ஃபிரேமும் வித்தியாசக காட்சியளிக்கிறது.

அடுத்த தலைமுறை டியூக் மாடல்களில் கேடிஎம் தற்போது விற்பனை செய்யப்படும் மாடல்களில் உள்ள என்ஜினையே வழங்கும் என தெரிகிறது. எனினும், இவற்றில் சிறு மாற்றங்கள் செய்யப்பட்டு சிறப்பான ஹீட் மேனேஜ்மெண்ட் வழங்கப்படும் என தெரிகிறது. இதே போன்ற அப்டேட் சமீபத்திய கேடிஎம் RC மாடலில் டூயல் ரேடியேட்டர் ஃபேன்களால் மேற்கொள்ளப்பட்டது. இத்துடன் 6 ஸ்பீடு கியர்பாக்ஸ் மாற்றப்படாது என்றே கூறப்படுகிறது.

இவைதவிர புதிய மாடல்களில் டிஎஃப்டி டேஷ்போர்டு, ஸ்மார்ட்போன் கனெக்டிவிட்டி மற்றும் வழக்கமான விவரங்களை கொண்டிருக்கும். டெஸ்டிங்கில் காணப்படும் கேடிஎம் டியூக் மாடலில் முன்புறம் யுஎஸ்டி ஃபோர்க்குகள், அளவில் பெரிய முன்புற டிஸ்க் பிரேக் இடம்பெற்று இருக்கிறது. அலாய் வீல்கள் மேம்பட்ட RC மாடலில் உள்ளதை போன்றே காட்சியளிக்கிறது. இத்துடன் ஏபிஎஸ், டிராக்ஷன் கண்ட்ரோல் உள்ளிட்டவை 390 டியூக் மாடலில் உள்ளதை போன்றே வழங்கப்படும் என எதிர்பார்க்கலாம்.

தற்போது டெஸ்டிங்கில் உள்ள கேடிஎம் டியூக் மாடல் கிட்டத்தட்ட உற்பத்திக்கு தயாரான நிலையிலேயே காணப்படுகிறது. இதுபற்றிய அதிகாரப்பூர்வ அறிவிப்பு விரைவில் வெளியாகும் என எதிர்பார்க்கலாம். பெருமளவு அப்டேட்களை எதிர்கொள்ளும் புதிய கேடிஎம் டியூக் விலை முந்தைய வெர்ஷனை விட கணிசமான அளவு அதிகமாகவே நிர்ணயம் செய்யப்படும்.

Source: Bikewale | motociclismo

யமஹா மோட்டார் இந்தியா நிறுவனம் அதன் வாடிக்கையாளர்களுக்கு சுவாரஸ்ய மற்றும் அலாதியான ரைடிங் அனுபவத்தை வழங்கும் நோக்கில் 2023 FZS-Fi V4 டீலக்ஸ், FZ-X, MT-15 V2 டீலக்ஸ் மற்றும் R15M மாடல்களை முற்றிலும் புதிய தோற்றம், அசத்தலான அம்சங்களுடன் அறிமுகம் செய்து இருக்கிறது.

150சிசி பிரிவில் நல்ல வரவேற்பை பெற்று வரும் FZS-Fi V4 டீலக்ஸ், FZ-X, MT-15 V2 டீலக்ஸ் மற்றும் R15M மாடல்களில் தற்போது டிராக்ஷன் கண்ட்ரோல் சிஸ்டம் ஸ்டாண்டர்டு அம்சமாக வழங்கப்பட்டு இருக்கிறது. புதிய மாடல்களில் உள்ள டிராக்ஷன் கண்ட்ரோல் சிஸ்டம் என்ஜின் செயல்திறன் அதிகளவில் ஸ்லிப் ஆகாமல் இருக்க இக்னிஷன் டைமிங் மற்றும் ஃபியூவல் இன்ஜெக்ஷன் வால்யுமை கண்ட்ரோல் செய்கிறது. இதன் மூலம் வீல்களுக்கு அனுப்பப்படும் பவர் சீராக வினியோகம் செய்யப்பட்டு, வீஸ்ஸ்பின் பெருமளவு குறைக்கப்படுகிறது.

2023 FZS-Fi V4 டீலக்ஸ் மாடலில் முற்றிலும் புதிய ஹெட்லைட் டிசைன், எல்இடி ஃபிளாஷர்கள் வழங்கப்பட்டுள்ளன. இவை மோட்டார்சைக்கிள் தோற்றத்தை மேலும் பிரீமியமாக மாற்றுகிறது. இத்துடன் Y-கனெக்ட் செயலி மூலம் ப்ளூடூத் கனெக்டிவிட்டி வசதியும் வழங்கப்படுகிறது. FZ-X மாடலிலும் டிராக்ஷன் கண்ட்ரோல் சிஸ்டத்துடன் எல்இடி ஃபிளாஷர்கள், முற்றிலும் புதிய டார்க் மேட் புளூ மற்றும் கோல்டன் நிற ரிம் வேரியண்ட் வழங்கப்படுகிறது.

புதிய FZS-Fi V4 டீலக்ஸ் மற்றும் FZ-X மாடல்களில் சிங்கில் சேனல் ஏபிஎஸ், மல்டி-ஃபன்ஷன் எல்சிடி இன்ஸ்ட்ரூமெண்ட் கிளஸ்டர், எல்இடி ஹெட்லைட், டையரை சுற்றி ரியர் மட்கார்டு, லோயர் என்ஜின் கார்டு வழங்கப்பட்டுள்ளன. இரு மாடல்களிலும் 12.5 பிஎஸ் பவர், 13.3 நியூட்டன் மீட்டர் டார்க் இழுவிசையை வெளிப்படுத்தும் 149சிசி என்ஜின் வழங்கப்பட்டு இருக்கிறது.

2023 R15M மாடலில் YZF-R1 சார்ந்த டிஎஃப்டி மீட்டர் மற்றும் கியர் ஷிஃப்ட் இண்டிகேட்டர், டிராக்& ஸ்டிரீட் மோட் செலக்டர், எல்இடி ஃபிளாஷர்கள், புதிய டார்க் நைட் நிற வேரியண்டில் கிடைக்கிறது. இத்துடன் டூயல் சேனல் ஏபிஎஸ் உள்ளது. புதிய MT-15 V2 டீலக்ஸ் மாடல் தற்போது மேட் பிளாக் நிறத்தில் கிடைக்கிறது. இதுதவிர ஃபுளோ-வெர்மிலன், சியான் ஸ்டாம் மற்றும் ரேசிங் புளூ போன்ற நிறங்களிலும் கிடைக்கிறது.

புதி்ய MT-15 V2 டீலக்ஸ் மற்றும் R15M மாடல்களிலும் யமஹாவின் லிக்விட் கூல்டு, 4 ஸ்டிரோக், SOHC, 4 வால்வுகள் கொண்ட 155சிசி ஃபியூவல் இன்ஜெக்ட் செய்யப்பட்ட என்ஜின் மற்றும் வேரியபில் வால்வு ஆக்டுவேஷன் சிஸ்டம் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வழங்கப்பட்டு இருக்கிறது. இந்த என்ஜின் 18.4 பிஎஸ் பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது.

விலை விவரங்கள்:

யமஹா FZS-Fi V4 டீலக்ஸ் ரூ. 1 லட்சத்து 27 ஆயிரத்து 400

யமஹா FZ-X டார்க் மேட் புளூ ரூ. 1 லட்சத்து 36 ஆயிரத்து 900

யமஹா R15M ரூ. 1 லட்சத்து 93 ஆயிரத்து 900

யமஹா R15 V4 டார்க் நைட் ரூ. 1 லட்சத்து 81 ஆயிரத்து 900

யமஹா MT-15 V2 டீலக்ஸ் மெட்டாலிக் பிளாக் ரூ. 1 லட்சத்து 68 ஆயிரத்து ௪௦௦

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

சுற்றுச்சூழலில் ஏற்படும் காற்று மாசு அளவை கட்டப்படுத்தும் வகையில், யமஹா நிறுவனம் புதிய யமஹா FZS-Fi V4 டீலக்ஸ் மற்றும் FZ-X மாடல்களை E20 ஃபியூவல் கம்பேடபிலிட்டியை வழங்கி இருக்கிறது. இது செயல்திறனை பாதிக்காமல், காற்று மாசு அளவை குறைக்கும் திறன் கொண்டிருக்கிறது. இந்த ஆண்டு இறுதிக்குள் யமஹா நிறுவனம் தனது அனைத்து மோட்டார்சைக்கிள் மாடல்களையும் E20 எரிபொருளுக்கு ஏற்றவகையில் மாற்ற திட்டமிட்டு வருகிறது.

இத்துடன் புதிய 2023 யமஹா மாடல்களில் ஆன்-போர்டு டயக்னாஸ்டிக்ஸ் (OBD-II) சிஸ்டம் வழங்கப்பட்டு இருக்கிறது. இவை காற்று மாசு அளவுகளை ரியல்டைமில் மாணிட்டர் செய்யும் வசதி கொண்டுள்ளது. 

ராயல் என்பீல்டு நிறுவனம் விரைவில் தனது பிரபலமான இண்டர்செப்டார் 650 மற்றும் காண்டினெண்டல் GT 650 மாடல்களை அப்டேட் செய்ய இருக்கிறது. இரு மாடல்களிலும் அதிகம் எதிர்பார்க்கப்பட்ட அலாய் வீல்கள், டியூப்லெஸ் டையர்கள் விரைவில் வழங்கப்பட இருப்பதாக தகவல் வெளியாகி உள்ளது. சில மாதங்களுக்கு முன் அலாய் வீல்களை கொண்ட ராயல் என்பீல்டு காண்டினெண்டல் GT 650 ஸ்பை படம் வெளியாகி இருந்தது.

ஸ்பை படங்களை தொடர்ந்து தற்போது வெளியாகி இருக்கும் தகவல்களை வைத்து புதிய மாடல் விரைவில் அறிமுகம் செய்யப்படும் என எதிர்பார்க்கலாம். ஸ்பை படத்தில் இருந்த மாடலில் வட்ட வடிவம் கொண்ட டெயில் லேம்ப் இடம்பெற்று இருக்கிறது. தற்போது விற்பனை செய்யப்படும் யூனிட்களில் செவ்வக வடிவம் கொண்ட டெயில் லேம்ப் உள்ளது.

புதிய மேம்பட்ட மாடல்கள் அடுத்த ஆறு முதல் எட்டு வாரங்களில் அறிமுகம் செய்யப்படலாம். சென்னையை சேர்ந்த ராயல் என்பீல்டு நிறுவனத்தின் இண்டர்செப்டார் மற்றும் காண்டினெண்டல் GT 650 மாடல்கள் இந்தியா மட்டுமின்றி சர்வேதச சந்தையிலும் அதிகம் பிரபலமாக உள்ளன. அலாய் வீல், டியூப்லெஸ் டையர் போன்ற அப்டேட்கள் இந்த மாடல்களின் விற்பனையை மேலும் அதிகப்படுத்தும்.

ராயல் என்பீல்டு அறிமுகம் செய்ய இருக்கும் புதிய மால்கள் OBD-2 விதிகளுக்கு பொருந்தும் வகையில் உருவாக்கப்பட்டு இருக்கும் என எதிர்பார்க்கப்படுகிறது. தற்போது இண்டர்செப்டார் 650 மாடலின் விலை ரூ. 2 லட்சத்து 90 ஆயிரம் என துவங்கி அதிகபட்சம் ரூ. 3 லட்சத்து 14 ஆயிரம் வரை நிர்ணயம் செய்யப்பட்டு உள்ளது. காண்டினெண்டல் GT 650 மாடலின் விலை ரூ. 3 லட்சத்து 05 ஆயிரம் என துவங்கி அதிகபட்சம் ரூ. 3 லட்சத்து 31 ஆயிரம் வரை நிர்ணயம் செய்யப்பட்டு உள்ளது. புதிய மாடல்களின் விலை இதைவிட சற்று அதிகமாகவே இருக்கும் என தெரிகிறது.

Photo Courtesy: AutocarIndia

ஒலா எலெக்ட்ரிக் நிறுவனம் புதிய எண்ட்ரி லெவல் S1 ஏர் ஸ்கூட்டர்களை நேற்று இந்திய சந்தையில் அறிமுகம் செய்தது. பல்வேறு விலைகளில் அறிமுகம் செய்யப்பட்ட நிலையில், தற்போது ஐந்து எலெக்ட்ரிக் மோட்டார்சைக்கிள்களின் டீசரை ஒலா எலெக்ட்ரிக் வெளியிட்டு உள்ளது. டீசர்களின் படி ஒலா எலெக்ட்ரிக் நிறுவனம் எலெக்ட்ரிக் வாகன துறையில் பல்வேறு பிரிவுகளில் களமிறங்க இருப்பது உறுதியாகி இருக்கிறது.

புதிய டீசர்களின் படி ஒலா எலெக்ட்ரிக் நிறுவனம் ஐந்து எலெக்ட்ரிக் பைக் மாடல்களை உருவாக்கி வருவது அம்பலமாகி இருக்கிறது. இவை ஒவ்வொன்றும் தனித்தனி பிரிவுகளில் இடம்பெற இருக்கிறது. புதிய மாடல்கள் தற்போது கான்செப்ட் நிலையில் இருக்கின்றன. புதிய டீசர் ஒலா எலெக்ட்ரிக் நிறுவனத்தின் மீது சுவாரஸ்யத்தை ஏற்படுத்தும் வகையில் வெளியிடப்பட்டு இருக்கிறது.

ஃபுலி ஃபேர்டு அட்வென்ச்சர், குரூயிசர் மற்றும் இரண்டு ஸ்டிரீட் பைக்குகள் என ஐந்து மாடல்களை ஒலா எலெக்ட்ரிக் நிறுவனம் அறிமுகம் செய்ய இருக்கிறது. இந்த மாடல்கள் அடுத்த சில ஆண்டுகளில் அறிமுகம் செய்யப்பட இருக்கிறது. புதிய மாடல்களின் அம்சங்கள் ஒலா S1 சீரிசில் இருப்பதை விட வித்தியாசமாக இருக்கும் என தெரிகிறது.

ஒலா எலெக்ட்ரிக் நிறுவனத்தின் எதிர்கால மாடல்கள் பற்றிய இதர விவரங்கள் எதுவும் வெளியாகவில்லை. எனினும், புதிய எலெக்ட்ரிக் பைக் மாடல்களை ஒலா நிறுவனம் எவ்வாறு நிலைநிறுத்தும் என்பது சந்தையில் பெரும் எதிர்பார்ப்பை ஏற்படுத்தி இருக்கிறது. இவற்றில் சில மாடல்களின் விலை சற்று போட்டியை ஏற்படுத்தும் வகையில் நிர்ணயம் செய்யப்படும் என எதிர்பார்க்கலாம்.

ஒலா எலெக்ட்ரிக் நிறுவனம் புதிதாக எண்ட்ரி லெவல் எலெக்ட்ரிக் ஸ்கூட்டர்களை இந்திய சந்தையில் அறிமுகம் செய்து இருக்கிறது. கடந்த ஆண்டு அக்டோபர் மாத வாக்கில் முதல் S1 ஏர் மாடல் அறிமுகம் செய்யப்பட்டதை அடுத்து தற்போது புதிய ஒலா S1 ஏர் மாடல்கள் அறிமுகம் செய்யப்பட்டு இருக்கின்றன. தற்போதைய அறிவிப்பின் படி 2.5 கிலோவாட் ஹவர் பேட்டரி மாடல் நீக்கப்பட்டு, 3 கிலோவாட் ஹவர் பேட்டரி மாடல் அதே விலையில் அறிமுகம் செய்யப்பட்டு இருக்கிறது.

இதோடு சற்றே குறைந்த விலையில் 2 கிலோவாட் ஹவர் பேட்டரி கொண்ட மாடல் மற்றும் 4 கிலோவாட் ஹவர் பேட்டரி கொண்ட மாடல்கள் அறிமுகம் செய்யப்பட்டுள்ளன. இதில் எண்ட்ரி லெவல் மாடல் 85 கிமீ ரேன்ஜ், புதிய 3 கிலோவாட் ஹவர் பேட்டரி மாடல் 125 கிமீ ரேன்ஜ் மற்றும் டாப் எண்ட் மாடல் 165 கிமீ ரேன்ஜ் வழங்கும் திறன் கொண்டுள்ளன. இவை அனைத்திலும் 4.5 கிவோவாட் பீக் பவர் வெளிப்படுத்தும் மோட்டார் உள்ளது.

இத்துடன் இந்த மாடல்களின் எடை 99 கிலோ, 103 கிலோ மற்றும் 107 கிலோ என ஒவ்வொரு மாடலும் வேறுப்படுகிறது. இவை ஒலா S1 ப்ரோ மாடலை விட 25 கிலோ வரை குறைந்த எடை கொண்டிருக்கின்றன. இவற்றில் 34 லிட்டர் அண்டர் சீட் ஸ்டோரேஜ், 7.0 இன்ச் டிஎப்டி டச் ஸ்கிரீன் டிஸ்ப்ளே, ஆக்டா கோர் பிராசஸர், 3 ஜிபி ரேம் வழங்கப்பட்டு இருக்கிறது.

இத்துடன் 4ஜி, வைபை, ப்ளூடூத் சப்போர்ட், மூவ் ஒஎஸ் 3 மூலம் ஏராளமான அம்சங்கள் உள்ளன. இத்துடன் முன்புறம் டெலிஸ்கோபிக் ஃபோர்க், பின்புறம் டுவின் சஸ்பென்ஷன் வழங்கப்பட்டு இருக்கிறது. எனினும், இவற்றில் டிஸ்க் பிரேக்கிற்கு மாற்றாக டிரம் பிரேக்குகளே வழங்கப்பட்டுள்ளன.

விலை மற்றும் விற்பனை விவரம்:

ஒலா S1 ஏர் மாடல் நியோ மிண்ட், ஜெட் பிளாக், கோலர் கிலாம், போர்சிலெயின் வைட் மற்றும் லிக்விட் சில்வர் நிறங்களில் கிடைக்கிறது. புதிய ஒலா S1 ஏர் 2 கிலோவாட் ஹவர் மாடலின் விலை ரூ. 84 ஆயிரத்து 999 என்றும் 3 கிலோவாட் ஹவர் மாடலின் விலை ரூ. 99 ஆயிரத்து 999 என்றும் 4 கிலோவாட் ஹவர் மாடல் ரூ. 1 லட்சத்து 09 ஆயிரத்து 999 என்றும் நிர்ணயம் செய்யப்பட்டு உள்ளது.

புதிய மாடல்களுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 999 ஆகும். இவற்றின் விற்பனை விரைவில் துவங்க உள்ளன. வினியோகம் இந்த ஆண்டு ஜூலை மாத வாக்கில் துவங்க இருக்கிறது. மாடல்களில் மாற்றங்கள் மேற்கொள்ளப்பட்டு இருப்பதால் வினியோகத்தில் மூன்று மாதங்கள் தாமதம் ஏற்பட்டு இருக்கிறது.

இந்தியா யமஹா மோட்டார் (IYM) பிரைவேட் லிமிடெட் நிறுவனம் தமிழ்நாட்டில் இரண்டு புதிய "ப்ளூ ஸ்கொயர்" விற்பனை மையங்களைத் திறந்து இருப்பதாக அறிவித்து இருக்கிறது. அறந்தாங்கி, புதுக்கோட்டை மற்றும் காரைக்குடி, சிவகங்கையில் இந்த இரண்டு ப்ளூ ஸ்கொயர் ஷோரூம்களும் திறக்கப்பட்டுள்ளன.

இந்த ப்ளூ ஸ்கொயர் ஷோரூம்களில் விற்பனை, சேவை மற்றும் உதிரிபாகங்கள் கிடைக்கும். ப்ளூ ஸ்கொயர் ஷோரூம்கள் வாடிக்கையாளர்களுக்கு யமஹா ரேசிங் உலகிற்கு ஒரு அறிமுகத்தை வழங்குவதை நோக்கமாகக் கொண்டுள்ளது. மேலும் பிரீமியம் அவுட்லெட்டில் உள்ள ஒவ்வொரு பகுதியும் சர்வதேச மோட்டார் ஸ்போர்ட்ஸில் வலுவான வேர்களைக் கொண்ட உலகளாவிய பிராண்டுடன் தொடர்புடைய பெருமையின் உணர்வைத் தூண்டும் வகையில் வடிவமைக்கப்பட்டுள்ளது.

'ப்ளூ' என்பது யமஹாவின் பெருமைமிக்க பந்தயப் பாரம்பரியத்தின் பிரதிநிதித்துவம் மற்றும் 'ஸ்கொயர்' என்பது வாடிக்கையாளர்களுக்கு உற்சாகமான, விளையாட்டு மற்றும் ஸ்டைலான தயாரிப்புகளின் வரம்பு மற்றும் ப்ளூ ஸ்ட்ரீக்ஸ் ரைடர் சமூகத்திற்கான ஒரு தளமாகவும் செயல்படுகிறது.

இது வாடிக்கையாளர்கள் மற்ற யமஹா ரைடர்களுடன் சவாரி செய்ய அனுமதிக்கிறது. ப்ளூ ஸ்கொயர் ஷோரூம்களில் ஏரோக்ஸ் 155 மேக்ஸி ஸ்போர்ட் ஸ்கூட்டர் பிரத்தியேகமாக விற்பனை செய்யப்படுகிறது. இவை தவிர YZF-R15 4.0 ABS, YZF-R15S 3.0 ABS, ஏபிஎஸ் வசதி கொண்ட MT-15 2.0, FZ 25, ABS உடன் FZ-S FI, ABS உடன் FZ-FI, FZ-X போன்ற மாடல்கள் காட்சிப்படுத்தப்படுகின்றன.

இத்துடன் ஃபசினோ 125 FI ஹைப்ரிட், RayZR 125 FI ஹைப்ரிட், ஸ்ட்ரீட் ரேலி 125 FI ஹைப்ரிட் போன்ற ABS மற்றும் UBS ஸ்கூட்டர்களும் இங்கு காட்சிப்படுத்தப்படுகின்றன. பிரீமியம் விற்பனை நிலையமான ப்ளூ ஸ்கொயரில் ஒரிஜினல் யமஹா உதிரிபாகங்கள், ஆடைகள் மற்றும் உதிரி பாகங்களின் கவர்ச்சிகரமான காட்சியையும் காட்சிப்படுத்துகின்றன.

புதிதாக தொடங்கப்பட்ட இந்த விற்பனை நிலையங்களுடன், யமஹா இப்போது இந்தியா முழுவதும் 165 ப்ளூ ஸ்கொயர் ஷோரூம்களைக் கொண்டுள்ளது, தமிழ்நாடு, பாண்டிச்சேரி, கர்நாடகா, தெலுங்கானா, ஆந்திரப் பிரதேசம், கேரளா, ஜார்க்கண்ட், மேற்கு வங்காளம், ஒரிசா, அசாம், சத்தீஸ்கர், பீகார், மத்தியப் பிரதேசம், மகாராஷ்டிரா, குஜராத் , ஜம்மு மற்றும் காஷ்மீர், டெல்லி, ராஜஸ்தான் மற்றும் பிற வடகிழக்கு மாநிலங்களில் யமஹாவின் ப்ளூ ஸ்கொயர் விற்பனை மையங்கள் செயல்பட்டு வருகின்றன.

யமஹா நிறுவனம் பிரீமியம் இருசக்கர வாகனங்கள் மீது அதிக ஈர்ப்பு கொண்டுள்ளது. மற்ற நிறுவனங்களுடன் ஒப்பிடும் போது பட்ஜெட் ரக கம்யுட்டர் மற்றும் ஸ்கூட்டர்களை வழங்காமல் இருக்கும் ஒரே நிறுவனமாக யமஹா இருக்கிறது. இந்திய சந்தையில் யமஹாவின் பிரீமியம் மாடல்களில் R15, FZX மற்றும் MT15 உள்ளிட்டவை இடம்பெற்றுள்ளன. இவைதவிர யமஹா நிறுவனம் தனது பாரம்பரியம் மிக்க RX போன்ற பிராண்டுகளை இந்தியாவில் மீண்டும் அறிமுகம் செய்யும் பணிகளில் ஈடுபட்டு வருகிறது.

இத்துடன் 125 முதல் 155சிசி பிரிவில் அட்வென்ச்சர் மோட்டார்சைக்கிளை அறிமுகம் செய்யும் பணிகளிலும் யமஹா ஈடுபட்டு வருகிறது. இதனிடையே யமஹா தனது பிரீமியம் மோட்டார்சைக்கிள் மாடல்களை 2023 ஆண்டிற்கு அப்டேட் செய்யும் பணிகளை தீவிரப்படுத்தி இருக்கிறது. இதன் காரணமாக 2023 யமஹா R15, FZX மற்றும் MT15 மாடல்கள் விரைவில் அறிமுகம் செய்யப்பட உள்ளன.

இந்த நிலையில், புதிய 2023 மாடல்களின் ஸ்பை படங்கள் இணையத்தில் வெளியாகி உள்ளன. அதன்படி 2023 யமஹா R15 மாடலில் கிரே நிற பெயிண்டிங், ஆங்காங்கே எல்லோ நிறம் மற்றும் கோல்டன் நிற யுஎஸ்டி ஃபோர்க்குகள் வழங்கப்பட்டுள்ளன. இது யமஹா R15M வொர்ல்டு ஜிபி 60th எடிஷன் மாடலில் உள்ளதை போன்றே காட்சியளிக்கிறது.

புதிய 2023 MT15 மாடல் கிளாஸ் பிளாக் நிறம் கொண்டிருக்கிறது. இது யமஹா ஏற்கனவே வழங்கி வரும் மெட்டாலிக் பிளாக் நிறம் போன்றே காட்சியளிக்கிறது. எனினும், புதிய எடிஷனில் ரெட் அலாய் வழங்கப்பட்டு இருக்கிறது. மெட்டாலிக் பிளாக் மற்றும் ஃபுளுரோசெண்ட் ரெட் வீல்களை கொண்ட நிறத்தை யமஹா இதுவரை வழங்கியது இல்லை. 2023 FZX மாடலும் விற்பனையகம் வரத்துவங்கி இருக்கிறது.

2023 FZX மாடலில் முற்றிலும் புதிய புளூ நிறம் வழங்கப்பட்டு இருக்கிறது. இது யமஹா தனது FZX மெட்டாலிக் புளூ ஆப்ஷனில் வழங்கியதை போன்று காட்சியளிக்கவில்லை. மாறாக இது MT15 மற்றும் R15 மாடல்களில் வழங்கப்படும் ரேசிங் புளூ நிறம் போன்று காட்சியளிக்கிறது. புதிய நிறம் தவிர 2023 FZX மாடல் டூயல் சேனல் ஏபிஎஸ் வசதியை பெற இருக்கிறது.

Photo Courtesy: Rushlane

பெங்களூரை சேர்ந்த எலெக்ட்ரிக் வாகன உற்பத்தியாளரான, ஏத்தர் எனர்ஜி தனது ஃபிளாக்ஷிப் ஏத்தர் 350 சீரிஸ் எலெக்ட்ரிக் ஸ்கூட்டர் மாடல்களுக்கு அசத்தல் சலுகைகளை அறிவித்து இருக்கிறது. இவை கார்ப்பரேட் வாடிக்கையாளர்களுக்கு மட்டும் பிரத்யேகமாக அறிவிக்கப்பட்டு உள்ளது. இந்த சலுகைகள் பிப்ரவரி 28 ஆம் தேதி வரை அமலில் இருக்கும்.

இந்தியா முழுக்க சுமார் 2 ஆயிரத்து 500-க்கும் மேற்பட்ட நிறுவனங்களில் பணியாற்றஇ வரும் ஊழியர்களுக்கு இந்த சலுகை பிரத்யேகமாக அறிவிக்கப்பட்டு இருக்கிறது. இந்த சலுகையின் கீழ் ரூ. 4 ஆயிரம் கார்ப்பரேட் தள்ளுபடி, ரூ. 4 ஆயிரம் எக்சேன்ஜ் போனஸ் மற்றும் நிதி திட்டத்தின் கீழ் ஸ்கூட்டரை வாங்குவோருக்கு வரி சேமிப்பு உள்ளிட்ட பலன்கள் வழங்கப்படுகிறது.

இவை தவிர ஏத்தர் 450X மாடலை வாங்கும் கார்ப்பரேட் வாடிக்கையாளர்களுக்கு ரூ. 8 ஆயிரத்து 259 மதிப்புள்ள இரண்டு ஆண்டுகள் நீட்டிக்கப்பட்ட வாரண்டி வழங்கப்படுகிறது. இது ஏத்தர் எனர்ஜி நிறுவனம் ஏற்கனவே அறிவித்து வழங்கி வரும் இரண்டு ஆண்டுகள் பேட்டரி வாரண்டி நிறைவு பெற்றதும், அமலுக்கு வரும்.

இத்துடன் வாடிக்கையாளர்கள் பணியாற்றும் பகுதிகளில் இலவசமாக சார்ஜிங் உள்கட்டமைப்புகளை நிறுவும் வசதியை ஏத்தர் எனர்ஜி வழங்கி வருகிறது. இங்கு குறிப்பிடப்பட்டு இருக்கும் சலுகைகளை முன்னணி இந்திய நிறுவனங்களில் பணியாற்றி வருவோர் பயன்படுத்திக் கொள்ளலாம்.

ராயல் என்பீல்டு நிறுவனம் தனக்கென சொந்த எலெக்ட்ரிக் வாகன பிரிவை உருவாக்கும் பணிகளில் ஈடுபட்டு வருகிறது. அடுத்த 18 முதல் 24 மாதங்களில் எலெக்ட்ரிக் வாகன சந்தையில் களமிறங்க ராயல் என்பீல்டு நிறுவனம் திட்டமிட்டுள்ளது. இதற்காக ராயல் என்பீல்டு நிறுவனம் ஒலா எலெக்ட்ரிக் நிறுவனத்தின் முன்னாள் மூத்த தொழில்நுட்ப அதிகாரி உமேஷ் கிரிஷ்னப்பாவை நியமித்து இருக்கிறது.

எலெக்ட்ரிக் வாகனங்களை உருவாக்குவதற்கென பிரத்யேக குழு இந்தியா மற்றும் லண்டனில் செயல்பட்டு வருகிறது என்றும் இந்த குழு எலெக்ட்ரிக் வாகன துறையில் களமிறங்குவது குறித்த திட்டங்களை வகுத்து வருவதாக கூறப்படுகிறது. எலெக்ட்ரிக் வாகனங்கள் துறையில் ராயல் என்பீல்டு நிறுவனம் 100 முதல் 150 மில்லியன் டாலர்களை முதலீடு செய்ய இருக்கிறது.

இந்த முதலீட்டின் மூலம் பிரத்யேக பிளாட்பார்ம் உருவாக்கப்பட்டு வருவதாக கூறப்படுகிறது. இந்த பிளாட்ஃபார்ம் தற்போதைக்கு L என நிறுவனத்திற்குள் அழைக்கப்படுகிறது. சர்வதேச வாடிக்கையாளர்களின் பலதரப்பட்ட தேவைகளை பூர்த்தி செய்யும் ஏராளமான வாகனங்களை உருவாக்க ராயல் என்பீல்டு திட்டமிட்டுள்ளது.

2024 ஆம் ஆண்டின் இரண்டாவது அரையாண்டு வாக்கில் சந்தையில் களமிறங்குவதில் இருந்து ஆண்டுக்கு 1.2 லட்சத்தில் இருந்து அதிகபட்சம் 1.8 லட்சம் வாகனங்களை உள்ளடக்கிய வியாபாரம் செய்ய ராயல் என்பீல்டு இலக்கு நிர்ணயித்துள்ளது. சர்வதேச வாடிக்கையாளர்களை கருத்தில் கொண்டு புது பிளாட்பார்ம் உருவாக்கப்பட்டு வருகிறது.

அடுத்த 12 மாதங்களில் இந்த பிளாட்பார்மிற்கான ப்ரோடோடைப் தயாராகி விடும் என எதிர்பார்க்கப்படுகிறது. இந்த ஆண்டு இறுதிக்குள் வாகனத்தை தயார்படுத்தி, அடுத்த ஆண்டு சந்தையில் அறிமுகம் செய்ய ராயல் என்பீல்டு திட்டமிட்டுள்ளது.