பைக்

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் ஃபோர்சா 350 மேக்சி ஸ்கூட்டரை இந்தியாவில் காப்புரிமை கோரி இருக்கிறது. எவ்வித வெளியீடு திட்டமும் இன்றி ஹோண்டா ஏற்கனவே பல வாகனங்களை இந்தியாவில் காப்புரிமை பெற்று இருக்கிறது. அந்த வரிசையில், ஹோண்டா இவ்வாறு செய்து முதல் முறை இல்லை.

இந்திய சந்தையில் அறிமுகம் செய்யப்படவில்லை என்ற போதிலும்,ஃபோர்சா 350 மாடல் பிரபலமாக அறியப்படுகிறது. இந்த மேக்சி ஸ்கூட்டர் ஜப்பான், சில ஐரோப்பிய நாடுகள் மற்றும் அமெரிக்க சந்தையில் விற்பனை செய்யப்படுகின்றன. புதிய வேரியண்டில் ஃபோர்சா 350 மாடல் பட்ச் ஸ்டைலிங், கூர்மையான பாடி பேனல்கள், ஸ்ப்லிட் எல்இடி ஹெட்லைட்கள், பெரிய மற்றும் டிரான்ஸ்பேரண்ட் வைசர், ஸ்ப்லிட் சீட் செட்டப் கொண்டிருக்கிறது.

இளம் வாடிக்கையாளர்களை கருத்தில் கொண்டு உருவாக்கப்பட்டு இருக்கும் ஃபோர்சா கச்சிதமான மேக்சி ஸ்கூட்டர் மாடல் ஆகும். இதில் 330சிசி, சிங்கில் சிலண்டர் லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 28.8 ஹெச்பி பவர், 31.5 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் டெலிஸ்கோபிக் முன்புற ஃபோர்க்குகள், பின்புறம் டூயல் ஷாக்குகள், பிரேக்கிங்கிற்கு முன்புறம் 256mm டிஸ்க், பின்புறம் 240mm டிஸ்க் வழங்கப்பட்டு இருக்கிறது.

இந்த மேக்சி ஸ்கூட்டரில் யுஎஸ்பி சாக்கெட், ஹோண்டா ஸ்மார்ட் கீ, டுவன் பாட் கன்சோல், எல்சிடி ஸ்கிரீனில்- ட்ரிப் மீட்டர், ஒடோமீட்டர், ஃபியூவல் லெவல் பார் மற்றும் இதர விவரங்கள் காண்பிக்கப்படுகிறது. ஃபோர்சா 350 மாடல் தற்போது சர்வதேச சந்தையில் மட்டுமே விற்பனை செய்யப்படுகிறது.

பஜாஜ் நிறுவனம் 2023 செட்டக் பிரீமியம் மாடலை இந்திய சந்தையில் அறிமுகம் செய்து இருக்கிறது. புதிய பஜாஜ் செட்டக் விலை ரூ. 1 லட்சத்து 51 ஆயிரத்து 910, எக்ஸ்-ஷோரூம் என நிர்ணயம் செய்யப்பட்டு உள்ளது. புதிய மாடலில் மேம்பட்ட மற்றும் அளவில் பெரிய இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. இதுதவிர 2023 பஜாஜ் செட்டக் மாடல்: மேட் கோர்ஸ் கிரே, கரீபியன் புளூ மற்றும் சாடின் பிளாக் என மூன்று புதிய நிறங்களில் கிடைக்கிறது.

இத்துடன் டூ-டோன் சீட், பாடி நிறத்தால் ஆன ரியர் வியூ மிரர்கள், சாடின் கிராப் ரெயில் வழங்கப்பட்டு இருக்கிறது. இந்த ஸ்கூட்டரின் ஹெட்லைட் கேசிங் மற்றும் ப்ளின்கர்கள் சார்கோல் பிளாக் நிறம் பூசப்பட்டுள்ளன. இவைதவிர புதிய பஜாஜ் செட்டக் மாடலில் ஸ்மார்ட்போன் கனெக்டிவிட்டி கொண்ட டிஜிட்டல் கன்சோல், ஸ்பீடோமீட்டர், ஒடோமீட்டர், ட்ரிப் மீட்டர், இரண்டு ரைடிங் மோட்கள், டிடிஇ ரீட்அவுட் போன்ற வசதிகள் உள்ளன.

மெட்டல் பாடிவொர்க் மட்டுமின்றி செட்டக் மாடலின் முன்புறம் ஒற்றை ஸ்ப்ரிங் மற்றும் பின்புறத்தின் மோனோஷாக் யூனிட் வழங்கப்பட்டு இருக்கிறது. பிரேக்கிங்கிற்கு முன்புறம் டிஸ்க் பிரேக், பின்புறத்தில் டிரம் பிரேக் மற்றும் சிபிஎஸ் வசதி உள்ளது. இந்த எலெக்ட்ரிக் ஸ்கூட்டர் 12-இன்ச் அலாய் வீல்களை கொண்டிருக்கிறது.

2023 பஜாஜ் செட்டக் எலெக்ட்ரிக் மாடலில் 3.8 கிலோவாட் ஹவர் மோட்டார் மற்றும் 3 கிலோவாட் ஹவர் பேட்டரி வழங்கப்பட்டு இருக்கிறது. இந்த எலெக்ட்ரிக் ஸ்கூட்டர் மணிக்கு அதிகபட்சம் 60 கிலோமீட்டர் வேகத்தில் செல்லும் திறன் கொண்டிருக்கிறது. மேலும் முழு சார்ஜ் செய்தால் அதிகபட்சம் 107 கிலோமீட்டர் வரை செல்லும். சாதாரண சார்ஜர் கொண்டு இதன் பேட்டரி முழுமையாக சார்ஜ் செய்ய நான்கு மணி நேரங்களும் ஆகும்.

இதில் வழங்கப்பட்டு இருக்கும் பேட்டரி அதிகபட்சம் ஏழு ஆண்டுகள் அல்லது 70 ஆயிரம் கிலோமீட்டர்கள் வரை மாற்ற வேண்டிய அவசியம் இருக்காது என பஜாஜ் ஆட்டோ நிறுவனம் தெரிவித்து இருக்கிறது.

சுசுகி மோட்டார்சைக்கிள் இந்தியா பிரைவேட் லிமிடெட் நிறுவனம் புதிய E20 விதிகளுக்கு பொருந்தும் ஸ்கூட்டர் மாடல்களை அறிமுகம் செய்து இருக்கிறது. அந்த வகையில், புதிய ஸ்கூட்டர்கள் அதிகபட்சம் 20 சதவீதம் எத்தனால் கலக்கப்பட்ட பெட்ரோலில் இயங்கும். சுசுகி நிறுவனத்தின் அக்சஸ் 125, அவெனிஸ் மற்றும் பர்க்மேன் ஸ்டிரீட் மாடல்கள் தற்போது அப்டேட் செய்யப்பட்டுள்ளன.

புதிய ஸ்கூட்டர் மாடல்கள் OBD2-A விதிகளுக்கு பொருந்தும் வகையில் உருவாக்கப்பட்டுள்ளன. மேலும் இவற்றில் மேம்பட்ட ஆன்-போர்டு டயக்னாஸ்டிக்ஸ் சிஸ்டம் வழங்கப்பட்டு இருக்கிறது. சமீபத்தில் பல்வேறு நிறுவனங்களும் தங்களின் வாகனங்களை புதிய E20 மற்றும் OBD2 விதிகளுக்கு ஏற்ப அப்டேட் செய்து வருகின்றன. இதில் யமஹா மோட்டாரைச்கிள் இந்தியா, மாருதி சுசுகி, ஹூண்டாய், டாடா மோட்டார் மற்றும் ரெனால்ட் உள்ளிட்டவை இடம்பெற்றுள்ளன.

சுசுகியின் ஸ்கூட்டர் மாடல்களில் 125சிசி என்ஜின் வழங்கப்பட்டு இருக்கிறது. இந்த என்ஜின் 8.5 ஹெச்பி பவர், 10 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளன.

விலை விவரங்கள்:

சுசுகி அக்சஸ் பேஸ் வேரியண்ட் ரூ. 79 ஆயிரத்து 400

சுசுகி அக்சஸ் டாப் வேரியண்ட் ரூ. 89 ஆயிரத்து 500

பர்க்மேன் ஸ்டிரீட் ஸ்டாண்டர்டு வேரியண்ட் ரூ. 93 ஆயிரம்

பர்க்மேன் ஸ்டிரீட் ரைடு கனெக்ட் எடிஷன் ரூ. 97 ஆயிரம்

அவெனிஸ் ஸ்டாண்டர்டு எடிஷன் ரூ. 92 ஆயிரம்

அவெனிஸ் ரேஸ் எடிஷன் ரூ. 92 ஆயிரத்து 300

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

டிவிஎஸ் மோட்டார் கம்பெனி நிறுவழனம் சர்வதேச சந்தையில் வளர்ந்து வரும் இருசக்கர மற்றும் மூன்று சக்கர வாகனங்கள் உற்பத்தியாளராக உள்ளது. டிவிஎஸ் நிறுவனத்தின் அபாச்சி சீரிஸ் தொடர்ந்து நல்ல வரவேற்பை பெற்று வருகிறது. அறிமுகம் செய்யப்பட்டதில் இருந்து டிவிஎஸ் நிறுவனம் அபாச்சி சீரிஸ் விற்பனையில் தற்போது 50 லட்சம் யூனிட்களை கடந்துள்ளது.

புதிய மைல்கல் எட்டியதை அடுத்து சர்வதேச சந்தையில் வேகமாக வளர்ந்து வரும் பிரீமியம் மோட்டார்சைக்கிள் பிராண்டுகளில் ஒன்றாக டிவிஎஸ் உள்ளது. டிவிஎஸ் அபாச்சி சீரிஸ்-இன் டிராக்-டு-ரோட் திட்டத்தின் கீழ் தலைசிறந்த செயல்திறன், அம்சங்கள் மற்றும் தொழில்நுட்பம் வழங்கப்பட்டு வருகிறது. 2005 ஆம் ஆண்டு அறிமுகம் செய்யப்பட்ட டிவிஎஸ் அபாச்சி சீரிஸ் சர்வதேச விற்பனையில் 50 லட்சம் யூனிட்களை கடந்துள்ளது.

அசத்தலான டிசைன், மேம்பட்ட அம்சங்களை கொண்டிருப்பதற்கு அறியப்படும் அபாச்சி சீரிஸ் தொடர்ந்து வளர்ச்சியை பதிவு செய்து வருகிறது. சமீபத்திய மைல்கல்லை அடுத்து டிவிஎஸ் நிருவனம் முன்னணி வாகன உற்பத்தியாளர் என்பதை நிரூபித்துள்ளது. விற்பனையில் 40 லட்சம் யூனிட்கள் எனும் மைல்கல்லை அடைய டிவிஎஸ் நிறுவனம் 15 ஆண்டுகளை எடுத்துக் கொண்டிருந்தது. கடைசி பத்து லட்சம் யூனிட்கள் 28 மாதங்களில் விற்பனையாகி உள்ளன.

புதுமைகளை வழங்குவது மற்றும் சிறந்த வாடிக்கையாளர் சேவையை வழங்கியதன் காரணமாக டிவிஎஸ் அபாச்சி சீரிஸ் இத்தகைய வரவேற்பை பெற்று வருகிறது. தொடர்ந்து புதுமைகளை வழங்கும் பட்சத்தில் டிவிஎஸ் அபாச்சி சீரிஸ் மேலும் அதிக மைல்கல்களை எட்டும் என எதிர்பார்க்கலாம்.

இந்திய சந்தையில் டிவிஎஸ் நிறுவனம் நேக்கட் மற்றும் சூப்பர் ஸ்போர்ட் என இருவித மோட்டார்சைக்கிள் மாடல்களை விற்பனை செய்து வருகிறது. நேக்கட் மாடல்கள் பிரிவில் - அபாச்சி RTR 160, அபாச்சி RTR 150 4V, அபாச்சி RTR 180 மற்றும் அபாச்சி RTR 200 4V போன்ற மாடல்கள் விற்பனை செய்யப்பட்டு வருகின்றன.

இந்த மாடல்கள் அதிக செயல்திறன், அசத்தலான அம்சங்கள், தொழில்நுட்பம் கொண்டுள்ளன. மேலும் இவை 160 சிசி-யில் துவங்கி அதிகபட்சம் 200சிசி வரையிலான பிரிவுகளில் கிடைக்கின்றன. சூப்பர் ஸ்போர்ட் பிரிவில் டிவிஎஸ் அபாச்சி RR 310 மாடல் இடம்பெற்று இருக்கிறது. 

யுலு மற்றும் பஜாஜ் ஆட்டோ நிறுவனங்கள் இணைந்து மிராகில் GR மற்றும் DeX GR மாடல்களை இந்திய சந்தையில் அறிமுகம் செய்து இருக்கிறது. இரு மாடல்களும் யுலு நிறுவனத்தின் ஏஐ சார்ந்த தொழில்நுட்பத்தில் உருவாக்கப்பட்டு பஜாஜ் ஆட்டோ நிறுவனத்தால் உற்பத்தி செய்யப்பட இருக்கிறது. இவற்றை செட்டாக் டெக்னாலஜி லிமிடெட் நிறுவனத்தால் விற்பனை செய்யப்படுகிறது.

மிராகில் GR தனிநபர் பயன்பாட்டு வாகனம் ஆகும். இதனை குறைந்த தூர போக்குவரத்துக்கு ஏற்ற வாகனமாக உருவாக்கப்பட்டு இருக்கிறது. இந்த மாடல் மணிக்கு அதிகபட்சம் 25 கிலோமீட்டர் வேகத்தில் செல்லும் திறன் கொண்டுள்ளது. DeX GR மாடல் வினியோக பயன்பாட்டுக்கு ஏற்றதாக உருவாக்கப்பட்டு இருக்கிறது. இதில் அதிகபட்சம் 15 கிலோ எடையை சுமந்து செல்ல முடியும்.

இரு எலெக்ட்ரிக் ஸ்கூட்டர்களிலும் ஹெட்லைட், டெயில்லைட், டெலிஸ்கோபிக் முன்புற ஃபோர்க்குகள், ரியர் ஸ்ப்ரிங்குகள், இரு வீல்களிலும் டிரம் பிரேக்குகள் உள்ளன. கடந்த மூன்று மாதங்களில் இந்த எலெக்ட்ரிக் மொபிலிட்டி நிறுவனம் நாடு முழுக்க முக்கிய நகரங்களில் சுமார் ஒரு லட்சம் வாகனங்களை இயக்க ஆயத்தமாகி இருக்கிறது.

இந்த ஆண்டு இறுதிக்குள் யுலு நிறுவனம் வருவாயை பத்து மடங்கு வரை அதிகப்படுத்த திட்டமிட்டு வருகிறது. பஜாஜ் ஆட்டோ உடனான கூட்டணி மூலம் யுலு நிறுவனம் செலவீனங்களை குறைப்பது மற்றும் ஒட்டுமொத்த நிதி மேலான்மையை மேம்படுத்தி, உள்நாட்டு உதிரிபாகங்களை பயன்படுத்துகிறது.

யுலு ஃப்ளீட்டில் கழற்றி மாற்றக்கூடிய பேட்டரிகள் உள்ளன. இவை யுமா எனர்ஜி மூலம் சார்ஜிங் வசதி வழங்கப்படுகிறது. தற்போது பெங்களூரு, மும்பை மற்றும் டெல்லி பகுதிகளில் சுமார் 100 யுமா ஸ்டேஷன்கள் உள்ளன. 2024 வாக்கில் இந்த எண்ணிக்கையை 500 ஆக அதிகப்படுத்த இந்நிறுவனம் இலக்கு நிர்ணயம் செய்துள்ளது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் தனது ஷைன் கம்யுட்டர் மாடலுக்கு குறுகிய கால சலுகைகளை அறிவித்து வழங்கி வருகிறது. மேலும் ஹோண்டா ஷைன் மாடலுக்கு ரூ. 3 ஆயிரத்து 999 எனும் மிக குறைந்த முன்பணத்தில் விற்பனைக்கு வழங்கப்படுகிறது. இத்துடன் மாத தவணைக்கு 7.99 சதவீத வட்டி, ஐந்து சதவீதம் வரை கேஷ்பேக் வழங்கப்படுகிறது.

குறுகிய காலத்திற்கு அறிவிக்கப்பட்டு இருக்கும் சலுகை மார்ச் 31 ஆம் தேதி வரை வழங்கப்படுகிறது. கேஷ்பேக் சலுகை குறைந்த பட்சம் ரூ. 40 ஆயிரம் வரையிலான பரிவர்த்தனைகள், ஸ்டேட் பேங்க் கிரெடிட் கார்டு மாத தவணை முறைகளுக்கு வழங்கப்படுகிறது. நிதி சலுகைகள் தேர்வு செய்யப்பட்ட நிதி நிறுவனங்கள் மட்டும் அறிவித்துள்ளன.

ஹோண்டா ஷைன் மாடல் இந்திய சந்தையில் அதிகம் விற்பனையாகும் மோட்டார்சைக்கிள் ஆகும். ஜனவரி மாதத்தில் மட்டும் இந்திய சந்தையில் அதிகம் விற்பனையான மோட்டார்சைக்கிள் பிரிவில் ஷைன் மாடல் இரண்டவாது இடத்திலும், அதிகம் விற்பனையான மூன்றாவது இருசக்கர வாகனமாக உள்ளது. இந்தியாவில் 125சிசி பிரிவில் ஹீரோ கிளாமர் மாடலுக்கு இந்த மோட்டார்சைக்கிள் போட்டியாக அமைகிறது.

ஹோண்டா ஷைன் மாடலில் 124சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 10.59 ஹெச்பி பவர், 11 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு கியர்பாக்ஸ் வழங்கப்படுகிறது.

ராயல் என்பீல்டு நிறுவனம் கடந்த ஆண்டு ஆகஸ்ட் மாத வாக்கில் ஹண்டர் 350 மோட்டார்சைக்கிளை இந்திய சந்தையில் அறிமுகம் செய்தது. விற்பனை துவங்கிய ஆறு மாதங்களில் ராயல் என்பீல்டு ஹண்டர் 350 மாடல் ஒரு லட்சம் யூனிட்களை கடந்துள்ளது. அதன்படி ஒவ்வொர மாதமும் சுமார் 17 ஆயிரம் ஹண்டர் 350 யூனிட்கள் விற்பனையாகி இருக்கின்றன.

விற்பனை மைல்கல் தவிர ஹண்டர் 350 மாடல் 2023 ஆண்டின் இந்திய மோட்டார்சைக்கிள் எனும் விருதை வென்றது. ஹண்டர் 350 மாடல் இளம் வாடிக்கையாளர்களை கவரும் வகையிலான டிசைன் மற்றும் அம்சங்களை கொண்டிருக்கிறது. அதிநவீன-ரெட்ரோ ஸ்டைலிங் மற்றும் அசத்தலான செயல்திறன் மூலம் ஹண்டர் 350 பலருக்கும் சிறந்த தேர்வாக இருக்கிறது.

முற்றிலும் புதிய ஜெ சீரிஸ் பிளாட்ஃபார்மில் உருவாகி இருக்கும் ஹண்டர் 350 மாடலில் 349 சிசி, ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 20.8 ஹெச்பி பவர், 27 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு டிரான்ஸ்மிஷன் வழங்கப்படுகிறது. இந்த மாடலின் இருபுறங்களிலும் டிஸ்க் பிரேக்குகள், டூயல் சேனல் ஏபிஎஸ் வழங்கப்பட்டு இருக்கிறது.

ஹார்டுவேரை பொருத்தவரை முன்புறம் 41mm டெலிஸ்கோபிக் ஃபோர்க்குகள், பின்புறம் டுவின் ஷாக் அப்சார்பர்கள் வழங்கப்பட்டுள்ளன. குறைந்த கிரவுண்ட் க்ளியரன்ஸ்-ஐ எதிர்கொள்ளும் வகையில் இத்தகைய சஸ்பென்ஷன் செட்டப் வழங்கப்பட்டு இருக்கிறது.

இந்திய சந்தையில் ராயல் என்பீல்டு ஹண்டர் 350 மாடல் ரெட்ரோ மற்றும் மெட்ரோ என இரண்டு வேரியண்ட்களில் கிடைக்கிறது. இதில் ரெட்ரோ வேரியண்ட் விலை ரூ. 1 லட்சத்து 49 ஆயிரம் என்றும் மெட்ரோ வேரியண்ட் விலை ரூ. 1 லட்சத்து 67 ஆயிரம் என துவங்கி அதிகபட்சம் ரூ. 1 லட்சத்து 71 ஆயிரம் வரை நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ராயல் என்பீல்டு ஹண்டர் 350 மோட்டார்சைக்கிள் ஆறு வித நிறங்களில் கிடைக்கிறது. இந்திய சந்தையில் ஹண்டர் 350 மாடல் டிவிஎஸ் ரோனின் 225 மாடலுக்கு போட்டியாக அமைகிறது. இதுதவிர கீவே SR250, ஹோண்டா CB350RS மற்றும் ஜாவா 42 போன்ற மாடல்களை எதிர்கொள்கிறது.

இந்திய சந்தையில் மிகவும் கடினமான பிஎஸ்6 2 புகை விதிகள் இந்த ஆண்டு ஏப்ரல் மாதத்தில் அமலுக்கு வர இருக்கிறது. இந்த நிலையில், ஆட்டோமொபைல் நிறுவனங்கள் பிஎஸ்6 யூனிட்களை வேகமாக விற்று முடிக்க திட்டமிட்டு வருகின்றன. இதன் காரணமாக ஏராளமான தள்ளுபடி மற்றும் சலுகைகள் அறிவிக்கப்பட்டுள்ளன.

பஜாஜ் டாமினர் 400 பிஎஸ்6 மாடலுக்கு அதிரடி தள்ளுபடி அறிவிக்கப்பட்டு இருக்கிறது. தள்ளுபடி மட்டுமின்றி பஜாஜ் நிறுவனம் மிக குறைந்த முன்பணத்தில் டாமினர் 400 மாடலை விற்பனை செய்து வருகிறது. டாமினர் 400 மாடலுக்கு பஜாஜ் தற்போது ரூ. 25 ஆயிரம் வரையிலான தள்ளுபடி வழங்கப்படுகிறது. இதன் காரணமாக டாமினர் 400 விலை தற்போது ரூ. 1 லட்சத்து 99 ஆயிரத்து 991, எக்ஸ்-ஷோரூம் என மாறி இருக்கிறது.

இந்த தள்ளுபடி டாமினர் 400 பிஎஸ்6 யூனிட்களை வேகமாக விற்று முடிக்கவே அறிவிக்கப்பட்டு இருக்கும் என தெரிகிறது. இந்திய சந்தையில் 2016 வாக்கில் அறிமுகம் செய்யப்பட்ட பஜாஜ் டாமினர் 400 விலை ரூ. 1 லட்சத்து 36 ஆயிரம், எக்ஸ்-ஷோரூம் என நிர்ணயம் செய்யப்பட்டு இருந்தது. பின் பஜாஜ் டாமினர் 400 விலை பலமுறை உயர்த்தப்பட்டு இருக்கிறது. விலை உயர்வுக்கு ஏற்ற வகையில், டாமினர் 400 மாடலில் புதிய அம்சங்கள் மற்றும் மெக்கானிக்கல் அப்டேட்கள் செய்யப்பட்டுள்ளன.

அம்சங்களை பொருத்தவரை பஜாஜ் டாமினர் 400 மாடலில் 373சிசி, சிங்கில் சிலிண்டர், லிக்டிவ் கூல்டு, DOHC என்ஜின் வழங்கப்பட்டு இருக்கிறது. இந்த என்ஜின் 39.4 ஹெச்பி பவர், 35 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் மற்றும் ஸ்லிப்பர் கிளட்ச் வழங்கப்பட்டு இருக்கிறது. டாமினர் 400 மாடலில் 43mm யுஎஸ்டி ஃபோர்க்குகள், மோனோ-ஷாக் சஸ்பென்ஷன் உள்ளது.

பிரேக்கிங்கிற்கு பஜாஜ் டாமினர் 400 மாடலின் முன்புறத்தில் 320mm டிஸ்க் பிரேக், பின்புறம் 230mm டிஸ்க் பிரேக் வழங்கப்பட்டு இருக்கிறது. இத்துடன் டூயல் சேனல் ஏபிஎஸ் வழங்கப்பட்டுள்ளது.

பெங்களூரை சேர்ந்த எலெக்ட்ரிக் இருசக்கர வாகனங்கள் உற்பத்தியாளரான ரிவர், இந்திய சந்தையில் புதிய எலெக்ட்ரிக் ஸ்கூட்டரை அறிமுகம் செய்து இருக்கிறது. ரிவர் இண்டீ என அழைக்கப்படும் புதிய எலெக்ட்ரிக் ஸ்கூட்டர் முழு சார்ஜ் செய்தால் 120 கிலோமீட்டர் ரேன்ஜ் வழங்கும் திறன் கொண்டிருக்கிறது.

இந்திய சந்தையில் புதிய ரிவர் இண்டீ விலை ரூ. 1 லட்சத்து 25 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. ரிவர் இண்டீ வினியோகம் ஆகஸ்ட் மாத வாக்கில் துவங்க இருக்கிறது. டிசைனை பொருத்தவரை புதிய ரிவர் இண்டீ மாடலில் பிரமாண்ட முன்புறம், சதுரங்க வடிவ டூயல் எல்இடி ஹெட்லேம்ப், முன்புறம் வளைந்த அப்ரன் உள்ளது.

பக்கவாட்டில் பாக்சி ரியர் பதுகியில் செவ்வக வடிவம் கொண்ட டெயில் லேம்ப் வழங்கப்படுகிறது. இந்த ஸ்கூட்டரின் கிராஷ் கார்டுகள் ஸ்கூட்டரின் பாடி பேனலில் இண்டகிரேட் செய்யப்படுகிறது. இத்துடன் பேனியர் ஸ்டே, க்ளிப்-ஆன் ஹேண்டில்பார் வழங்கப்படுகிறது. ரிவர் இண்டீ எலெக்ட்ரிக் ஸ்கூட்டர் 12 லிட்டர் முன்புற குளோவ் பாக்ஸ், 43 லிட்டர் அண்டர்சீட் ஸ்டோரேஜ் வழங்கப்படுகிறது.

இத்துடன் டிஜிட்டல் கலர் டிஸ்ப்ளே, இரண்டு யுஎஸ்பி சார்ஜிங் போர்ட்கள், ரிவர்ஸ் பார்க்கிங் அசிஸ்ட் போன்ற அம்சங்கள் வழங்கப்பட்டு இருக்கிறது. ரிவர் இண்டீ எலெ்க்ட்ரிக் ஸ்கூட்டர் 4 கிலோவாட் ஹவர் பேட்டரி மற்றும் 6.7 கிலோவாட் மோட்டார் கொண்டிருக்கிறது. இது 120 கிலோமீட்டர் ரேன்ஜ், அதிகபட்சம் மணிக்கு 90 கிலோமீட்டர் வேகத்தில் செல்லும் திறன் கொண்டுள்ளது.

முதற்கட்டமாக ரிவர் இண்டீ எலெக்ட்ரிக் ஸ்கூட்டர் விற்பனை பெங்களூருவில் துவங்குகிறது. இந்த ஸ்கூட்டர் முன்பதிவு ரிவர் நிறுவனத்தின் அதிகாரப்பூர்வ வலைத்தளத்தில் நடைபெற்று வருகிறது.

பிஎம்டபிள்யூ மோட்டராட் நிறுவனம் இந்திய சந்தையில் இரண்டு லிமிடெட் எடிஷன் மோட்டார்சைக்கிள்களை அறிமுகம் செய்தது. தனது 100 ஆவது ஆண்டு விழாவை ஒட்டி பிஎம்டபிள்யூ நிறுவனம் புதிய மாடல்களை அறிமுகம் செய்து இருக்கிறது. இவை - பிஎம்டபிள்யூ ஆர் நைன் டி 100 Years மற்றும் பிஎம்டபிள்யூ ஆர் 18 100 Years என அழைக்கப்படுகின்றன.

சர்வதேச சந்தையில் பிஎம்டபிள்யூ ஆர்32 வெளியாகி 100 ஆண்டுகள் நிறைவுற்றதை கொண்டாடும் வகையில், இரு மாடல்களின் ஸ்பெஷல் எடிஷன் அறிமுகம் செய்யப்பட்டுள்ளன. புதிய லிமிடெட் எடிஷன் மாடல்களில் காஸ்மெடிக் மாற்றங்கள் செய்யப்பட்டுள்ளன. இரு மாடல்களும் சர்வதேச அளவில் 1923 யூனிட்கள் மட்டுமே உற்பத்தி செய்யப்படுகின்றன.

பிஎம்டபிள்யூ ஆர் நைன் டி ரோட்ஸ்டர் மாடலில் 1170 சிசி, ஏர்/ஆயில் கூல்டு, இரண்டு சிலிண்டர்கள் கொண்ட பாக்சர் என்ஜின் வழங்கப்பட்டு இருக்கிறது. இந்த என்ஜின் 109 ஹெச்பி பவர், 116 நியூட்டன் மீட்டர் டார்க் இழுவிசையை வெளிப்படுத்துகிறது. 221 கிலோ எடை கொண்டிருக்கும் பிஎம்டபிள்யூ ஆர் நைன் டி மணிக்கு அதிகபட்சம் 200 கிலோமீட்டர் வேகத்தில் செல்லும் திறன் கொண்டுள்ளது.

100 Years எடிஷன் மாடலில் காஸ்மெடிக் மாற்றங்கள் செய்யப்பட்டு பிளாக் நிறம் கொண்டிருக்கிறது. இத்துடன் டூயல் டோன் பென்ச் சீட் உள்ளது. இந்திய சந்தையில் இந்த மாடலின் விலை ரூ. 24 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

பிஎம்டபிள்யூ ஆர் 18 குரூயிசர் மாடலில் 1800 சிசி ஏர்/ஆயில் கூல்டு இரண்டு சிலிண்டர்கள் கொண்ட 4-ஸ்டிரோக் பாக்சர் என்ஜின் வழங்கப்பட்டு இருக்கிறது. இந்த என்ஜின் 91 ஹெச்பி பவர், 158 நியூட்டன் மீட்டர் டார்க் இழுவிசையை வெளிப்படுத்துகிறது. இந்த பைக் 345 கிலோ எடை கொண்டிருக்கிறது. மணிக்கு அதிகபட்சம் 180 கிலோமீட்டர் வேகத்தில் செல்லும். இந்தியாவில் இதன் விலை ரூ. 25 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டுள்ளது.

ரெவோல்ட் மோட்டார்ஸ் நிறுவனம் தனது RV400 எலெக்ட்ரிக் பைக் மாடலுக்கான முன்பதிவை மீண்டும் துவங்கியது. புதிய ரெவோல்ட் RV400 முன்பதிவு கட்டணம் ரூ. 2 ஆயிரத்து 499 என நிர்ணயம் செய்யப்பட்டு உள்ளது. மேலும் இந்த மாடலுக்கான வினியோகம் மார்ச் 31 ஆம் தேதிக்குள் வினியோகம் செய்யப்படுகிறது.

சமீபத்தில் தான் ரெவோல்ட் மோட்டார்ஸ் நிறுவனத்தை ரத்தன்இந்தியா எண்டர்பிரைசஸ் நிறுவனம் முழுமையாக விலைக்கு வாங்கியது. இந்த எலெக்ட்ரிக் பைக் ஹரியானா மாநிலத்தில் உள்ள ரெவோல்ட் உற்பத்தி ஆலையில் உற்பத்தி செய்யப்படுகிறது.

ரெவோல்ட் RV400 மாடலில் 3 கிலோவாட் ஹவர் பேட்டரி, 5 கிலோவாட் பீக் பவர் வெளிப்படுத்தும் மோட்டார் வழங்கப்படுகிறது. இது 54 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் மணிக்கு அதிகபட்சம் 85 கிலோமீட்டர் வேகத்தில் செல்கிறது. இந்த எலெக்ட்ரிக் பைக் யுஎஸ்டி ஃபோர்க், மோனோஷாக் சஸ்பென்ஷன் கொண்டுள்ளது.

இத்துடன் முன்புறம் மற்றும் பின்புறம் டிஸ்க் பிரேக் மற்றும் CDS வழங்கப்பட்டுள்ளது. ரெவோல்ட் RV400 மாடல் முழு சார்ஜ் செய்தால் 150 கிலோமீட்டர் வரை செல்கிறது. இதில் உள்ள பேட்டரியை 4.5 மணி நேரத்தில் முழுமையாக சார்ஜ் செய்துவிட முடியும். ரெவோல்ட் RV400 மாடல்- ரெவோல்ட், ரிபெல், ரேஜ் மற்றும் ரோர் என நான்கு வித சத்தங்களை வெளிப்படுத்துகிறது.

ரைடிங் மோட்களை பொருத்தவரை இகோ, ஸ்போர்ட் மற்றும் பவர் என மூன்று வித ஆப்ஷன்கள் வழங்கப்படுகின்றன. மற்ற அம்சங்களாக எல்இடி ஹெட்லேம்ப்கள், டிஜிட்டல் கன்சோல், கீலெஸ் இக்னிஷன், மாற்றக்கூடிய பேட்டரி பேக் வழங்கப்படுகிறது. தற்போது ரெவோல்ட் RV400 விலை ரூ. 1 லட்சத்து 29 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

யமஹா மோட்டார் இந்தியா நிறுவனம் 2023 ஃபசினோ மற்றும் ரே ZR சீரிஸ் ஸ்கூட்டர்களை இந்திய சந்தையில் அறிமுகம் செய்தது. இரு ஸ்கூட்டர்களும் 125சிசி என்ஜின் ஆப்ஷனில் மட்டுமே கிடைக்கின்றன. புதிய ஃபசினோ 125 மாடல் Fi ஹைப்ரிட் எனும் ஒற்றை வேரியண்டில் மட்டுமே கிடைக்கிறது.

எனினும், ரே ZR மாடல்- ரே ZR 125 Fi ஹைப்ரிட் மற்றும் ரே ZR ஸ்டிரீட் ரேலி1 25 Fi ஹைப்ரிட் என இரண்டு வேரியண்ட்களில் கிடைக்கிறது. புதிய 2023 மாடல்களில் 125 சிசி, சிங்கில் சிலிண்டர், ஏர் கூல்டு என்ஜின் மற்றும் ஃபியூவல் இன்ஜெக்ஷன் தொழில்நுட்பம் வழங்கப்பட்டு இருக்கிறது. இந்த என்ஜின் அதிகபட்சம் 8 ஹெச்பி பவர், 10.3 நியியூட்டன் டார்க் இழுவிசசையை வெளிப்படுத்துகிறது.

புதிய ஸ்கூட்டர்கள் தற்போது OBD-II சென்சார் மற்றும் E-20 ஃபியூவல் சப்போர்ட் கொண்டிருக்கிறது. OBD-II சென்சார் கொண்டு என்ஜின் ஆரோக்கியம் மற்றும் செயல்திறன் பற்றிய விவரங்களை ரியல்டைமில் அறிந்து கொள்ளலாம். 125சிசி ஹைப்ரிட் ஸ்கூட்டர் ப்ளூடூத் கனெக்டிவிட்டியை Y கனெக்ட் செயலிக்கான சப்போர்ட் கொண்டிருக்கிறது.

விலை விவரங்கள்:

ஃபசினோ டிரம் (விவிட் ரெட், எல்லோ காக்டெயில், சியான் புளூ மற்றும் மெட்டாலிக் பிளாக்) ரூ. 78 ஆயிரத்து 600

ஃபசினோ டிரம் (கூல் புளூ மெட்டாலிக் மற்றும் டார்க் மேட் புளூ) ரூ. 79 ஆயிரத்து 600

ஃபசினோ டிஸ்க் (விவிட் ரெட், எல்லோ காக்டெயில், சியான் புளூ மற்றும் மெட்டாலிக் பிளாக்) ரூ. 88 ஆயிரத்து 230

ஃபசினோ டிஸ்க் (கூல் புளூ மெட்டாலிக், டார்க் மேட் புளூ) ரூ. 89 ஆயிரத்து 230

ஃபசினோ டிஸ்க் (விவிட் ரெட் ஸ்பெஷல், மேட் பிளாக் ஸ்பெஷல்) ரூ. 90 ஆயிரத்து 230

ஃபசினோ டிஸ்க் (டார்க் மேட் புளூ ஸ்பெஷல்) ரூ. 91 ஆயிரத்து 030

ரே ZR டிரம் (மெட்டாலிக் பிளாக், சியான் புளூ மற்றும் மேட் ரெட்) ரூ. 82 ஆயிரத்து 730

ரே ZR டிஸ்க் (சியான் புளூ, மேட் ரெட் மற்றும் மெட்டாலிக் பிளாக்) ரூ. 88 ஆயிரத்து 530

ரே ZR டிஸ்க் (ரேசிங் புளூ மற்றும் டார்க் மேட் புளூ) ரூ. 89 ஆயிரத்து 530

ரே ZR ஸ்டிரீட் ரேலி (மேட் காப்பர்) ரூ. 92 ஆயிரத்து 530

ரே ZR ஸ்டிரீட் ரேலி (மேட் பிளாக் மற்றும் லைட் கிரே வெர்மிலன்) ரூ. 93 ஆயிரத்து 530

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.