பைக்

கவாசகி மோட்டார்ஸ் இந்தியா நிறுவனம் தனது ஃபிளாக்ஷிப் தர நேக்கட் 2023 கவாசகி Z H2 மற்றும் Z H2 SE மோட்டார்சைக்கிள் மாடல்களை இந்திய சந்தையில் அறிமுகம் செய்தது. புதிய கவாசகி Z H2 விலை ரூ. 23 லட்சத்து 02 ஆயிரம் என்றும், கவாசகி Z H2 SE விலை ரூ. 27 லட்சத்து 22 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

இரு ஸ்டிரீட் ஃபைட்டர் மாடல்களிலும் மெட்டாலிக் மேட் கிராஃபைன் ஸ்டீல் கிரே எனும் ஒற்றை நிறத்தில் மட்டுமே கிடைக்கிறது. புதிய நிறம் மட்டுமே 2023 மாடல்களில் மேற்கொள்ளப்பட்டு இருக்கும் ஒற்றை மாற்றமாக உள்ளது. இரு மாடல்களிலும் அதன் ஒரிஜினல் அம்சங்கள் அப்படியே வழங்கப்பட்டுள்ளன.

2023 கவாசகி Z H2 மற்றும் Z H2 SE மாடல்களில் 998சிசி, இன்-லைன் நான்கு சிலிண்டர்கள் கொண்ட லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 197 ஹெச்பி பவர், 137 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் Z H2 மாடலில் M4.32 முன்புற பிரேக் கேலிப்பர்கள், Z H2 SE மாடலில் பிரெம்போ ஸ்டைல்மா முன்புற பிரேக் கேலிப்பர்களை கொண்டிருக்கின்றன.

புதிய கவாசகி Z H2 சீரிசின் இரு வேரியண்ட்களிலும் எலெக்டிரானிக் குரூயிஸ் கண்ட்ரோல், பவர் மோட்கள், இண்டகிரேட் செய்யப்பட்ட ரைடிங் மோட்கள், ஃபுல் எல்இடி லைட்டிங், புளூடூத் டிஎப்டி டிஸ்ப்ளே, பை-டைரக்ஷனல் குயிக் ஷிஃப்டர், ஏபிஎஸ் மற்றும் டிராக்ஷன் கண்ட்ரோல் சிஸ்டம் போன்ற அம்சங்கள் வழங்கப்பட்டு உள்ளன.

இரு மாடல்களின் தோற்றத்தில் எவ்வித மாற்றமும் மேற்கொள்ளப்படவில்லை. இதில் டுவின் எல்இடி ஹெட்லேம்ப்கள், ஸ்டீல் டிரெலிஸ் ஃபிரேம், அலுமினியம் ஸ்விங்ஆர்ம் உள்ளிட்டவை வழங்கப்பட்டுள்ளன. Z H2 மற்றும் Z H2 SE மாடல்களில் கவாசகி நிறுவனத்தின் "ரிவர்-மார்க்" கொண்டுள்ளன. சூப்பர்சார்ஜ் செய்யப்பட்ட புதிய நேக்கட் மாடல்களின் முன்பதிவு ஏற்கனவே துவங்கி நடைபெற்று வருகின்றன.

கவாசகி நிறுவனம் முற்றிலும் புதிய எலிமினேட்டர் 400 மோட்டார்சைக்கிளை சர்வதேச சந்தையில் அறிமுகம் செய்தது. புதிய எலிமினேட்டர் 400 மாடலில் நிஞ்சா 400 ஸ்போர்ட்பைக்-இல் உள்ளதை போன்ற எஞ்சினே வழங்கப்படுகிறது. இந்த மாடல் ஸ்டாண்டர்டு மற்றும் SE என இரண்டு வேரியண்ட்களில் கிடைக்கிறது. இதன் SE வேரியண்டில் முன்புறம், பின்புற கேமராக்கள், இதர அக்சஸரீக்கள் வழங்கப்படுகின்றன.

புதிய கவாசகி எலிமினேட்டர் 400 மாடலில் 399சிசி, லிக்விட் கூல்டு, பேரலல் டுவின் எஞ்சின் வழங்கப்பட்டு இருக்கிறது. இந்த எஞ்சின் 48 ஹெச்பி பவர், 37 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் முற்றிலும் புதிய டிரெலிஸ் ஃபிரேம், டெலிஸ்கோபிக் ஃபோர்க்குகள், டுவின் ஷாக் அப்சார்பர்கள் வழங்கப்பட்டுள்ளன.

பிரேக்கிங்கிற்கு முன்புறம் 310mm டிஸ்க், பின்புறம் 240mm டிஸ்க், டூயல் சேனல் ஏபிஎஸ் வழங்கப்பட்டுள்ளது. புதிய எலிமினேட்டர் 400 மாடலில் 12 லிட்டர் கொள்ளளவு கொண்ட ஃபியூவல் டேன்க் உள்ளது. இது நிஞ்சா 400 மாடலில் உள்ளதை விட 5 லிட்டர் வரை குறைவு ஆகும். இந்த மோட்டார்சைக்கிளின் சீட் உயரம் அனைத்து வித அளவுகளில் உள்ள ரைடர்களுக்கும் சவுகரியத்தை வழங்கும் வகையில் இருக்கும் என தெரிகிறது.

புதிய கவாசகி எலிமினேட்டர் 400 மாடல் குரூயிசர் போன்ற டிசைன் கொண்டிருக்கிறது. இதன் சைக்கிள் பாகங்கள் அனைத்தும் பிளாக் நிறம் கொண்டிருக்கும் நிலையில், முழுமையான எல்இடி லைட்டிங் வழங்கப்பட்டு இருக்கிறது. இதன் ஒட்டுமொத்த தோற்றம் ஹோண்டா ரிபெல் 500 மாடலை போன்றே காட்சியளிக்கிறது.

இதன் டாப் எண்ட் SE வேரியண்டில் முன்புறம் மற்றும் பின்புற கேமரா சென்சார்கள்வழங்கப்பட்டுள்ளன. இவை டேஷ் கேமரா போன்று செயல்படுகின்றன. தற்போது கவாசகி எலிமினேட்டர் 400 மாடல் ஜப்பான் நாட்டில் மட்டுமே விற்பனை செய்யப்படுகிறது. இதன் ஸ்டாண்டர்டு எடிஷன் விலை இந்திய மதிப்பில் ரூ. 4 லட்சத்து 71 ஆயிரம் என்றும் SE வேரியண்ட் விலை இந்திய மதிப்பில் ரூ. 5 லட்சத்து 33 ஆயிரம் என்றும் நிர்ணயம் செய்யப்பட்டு உள்ளது.

இந்திய சந்தையில் முன்னணி ஸ்கூட்டர் மாடலாக விளங்கும் போதிலும், ஆக்டிவா ஸ்கூட்டரை ஹோண்டா நிறுவனம் தொடர்ந்து அப்டேட் செய்து வருகிறது. புதிய அப்டேட்கள் பயனர்களின் அனுபவத்தை முற்றிலுமாக மாற்றும் வகையில் வழங்கப்பட்டு இருக்கிறது.

இந்த ஆண்டு ஜனவரி மாத வாக்கில் ஆக்டிவா மாடலில் ஹோண்டா ஸ்மார்ட் கீ, H ஸ்மார்ட் தொழில்நுட்பத்தை வழங்கியது. கார்களில் வழங்கப்படும் ஆட்டோ லாக்/அன்லாக், பார்க்டு லொகேஷன் ஃபைண்டர் மற்றும் கீலெஸ் ஸ்டார்ட் போன்ற அம்சங்களை வழங்குகிறது. இதைத்தொடர்ந்து ஹோண்டா நிறுவனம் ஆக்டிவா 6ஜி மாடலுக்கு மேலும் சில அப்டேட்களை வழங்கும் என தெரிகிறது.

ஹோண்டா ஷைன் 100 வெளியீட்டு நிகழ்வின் போது புதிய அப்டேட் பற்றிய தகவல்களை ஹோண்டா மோட்டார்சைக்கிள் மற்றும் ஸ்கூட்டர் இந்தியா தலைவர், தலைமை செயல் அதிகாரி அடுஷி ஒகாடா தெரிவித்து இருக்கிறார். புதிதாக அறிமுகம் செய்யப்பட்ட ஆக்டிவா H ஸ்மார்ட் எடிஷன் மாடல் விரைவில் அறிமுகம் செய்யப்படும் என தெரிவித்தார்.

ஆக்டிவா 6ஜி மாடலில் டிஜிட்டல் டிஸ்ப்ளே, ப்ளூடூத் போன்ற அம்சங்கள் வழங்கப்படும் என தெரிகிறது. இத்துடன் புதிய வேரியண்டில் H ஸ்மார்ட் கீலெஸ் சிஸ்டம் வழங்கப்படும் என கூறப்படுகிறது. தற்போதைய ஆக்டிவா மாடலில் அனலாக் டிஸ்ப்ளே வழங்கப்பட்டு இருக்கிறது.

ராயல் என்பீல்டு நிறுவனம் 2023 இண்டர்செப்டார் 650 மற்றும் காண்டினெண்டல் ஜிடி 650 மாடல்களை இந்திய சந்தையில் அறிமுகம் செய்தது. 2023 மாடல்களில் அலாய் வீல்கள், புதிய நிற ஆப்ஷன்களில் கிடைக்கின்றன.

புதிய அப்டேட்களின் படி 2023 இண்டர்செப்டார் 650 மாடல் பிளாக்டு-அவுட் வேரியண்ட்களில் (பிளாக் ரே மற்றும் பார்சிலோனா புளூ), புதிய கஸ்டம் டூயல் கலர்வே (பிளாக் பியல்), சாலிட் கலர்வே (கலி கிரீன்) போன்ற நிறங்களில் கிடைக்கிறது. இவைதவிர இந்த மாடல் மார்க் 2, சன்செட் ஸ்ட்ரிப், கேன்யன் ரெட் நிறங்களில் கிடைக்கிறது.

காண்டினெண்டல் ஜிடி 650 மாடல் இரண்டு புதிய பிளாக்டு-அவுட் வெர்ஷன் (ஸ்லிப்ஸ்டிரீம் புளூ மற்றும் அபெக்ஸ் கிரே), மிஸ்டர் கிளீன், டக்ஸ் டீலக்ஸ், பிரிடிஷ் ரேசிங் கிரீன் மற்றும் ராக்கர் ரெட் போன்ற நிறங்களில் கிடைக்கிறது. புதிய பிளாக்டு அவுட் வேரியண்ட்களில் பிளாக்டு-அவுட் என்ஜின் மற்றும் எக்சாஸ்ட் பாகங்களை கொண்டிருக்கிறது.

புதிய நிறங்கள் தவிர, ராயல் என்பீல்டு நிறுவனம் தனது 650சிசி மாடல்களில் அலாய் வீல்களை வழங்கி இருக்கிறது. இத்துடன் டியுப்லெஸ் டயர்கள் இண்டர்செப்டர் 650 மற்றும் காண்டினெண்டல் ஜிடி 650 பிளாக்டு அவுட் வேரியண்ட்களில் ஸ்டாண்டர்டு அம்சமாக வழங்கப்படுகிறது. இத்துடன் புதிய மாடலில் அதிக சவுகரியத்தை வழங்கும் இருக்கைகள், புதிய ஸ்விட்ச்கியர், யுஎஸ்பி சார்ஜிங் போர்ட், முற்றிலும் புதிய எல்இடி ஹெட்லேம்ப் வழங்கப்படுகிறது.

இரு மாடல்களின் மெக்கானிக்கல் அம்சங்களில் எவ்வித மாற்றணும் மேற்கொள்ளப்படவில்லை. அந்த வகையில் 2023 ராயல் என்பீல்டு இண்டர்செப்டார் 650 மற்றும் காண்டினெண்டல் ஜிடி 650 மாடல்களில் 648சிசி, பேரலல் டுவின், ஏர்/ஆயில் கூல்டு என்ஜின் வழங்கப்பட்டு இருக்கிறது. இந்த என்ஜின் 47 ஹெச்பி பவர், 52 நியூட்டன் மீட்டர் டார்க் இழுவிசையை வெளிப்படுத்துகிறது.

2023 ராயல் என்பீல்டு இண்டர்செப்டார் 650 மற்றும் காண்டினெண்டல் ஜிடி 650 மாடல்களின் விலை முறையே ரூ. 3 லட்சத்து 03 ஆயிரம் மற்றும் ரூ. 3 லட்சத்து 19 ஆயிரம் என நிர்ணயம் செய்யப்பட்டு உள்ளது. இரு மாடல்களுக்கான முன்பதிவு ஏற்கனவே துவங்கி நடைபெற்று வருகிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் ஹோண்டா ஷைன் 100 மோட்டார்சைக்கிளை இந்திய சந்தையில் அறிமுகம் செய்தது. புதிய ஹோண்டா ஷைன் 100 மாடல் CB ஷைன் மாடலின் கீழ் நிலைநிறுத்தப்பட்டு இருக்கிறது. இந்த மாடல் ஹீரோ ஸ்பிலெண்டர் மாடலுக்கு போட்டியாக அமைகிறது.

புதிய ஹோண்டா ஷைன் 100 மாடலில் 100சிசி, சிங்கில் சிலிண்டர் ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 7.61 ஹெச்பி பவர், 8.05 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 4 ஸ்பீடு கியர்பாக்ஸ் உள்ளது. இந்த மாடல் டியுபுலர் ஃபிரேமில் உருவாக்கப்பட்டு இருக்கிறது.

ஹோண்டா ஷைன் 100 மாடலில் ஹாலோஜன் ஹெட்லேம்ப், பல்பு இண்டிகேட்டர்கள், டுவின் பாட் இன்ஸ்ட்ரூமெண்ட் கிளஸ்டர், ஸ்பீடோமீட்டர், ஒடோமீட்டர், ஃபியூவல் லெவல் ரீட்அவுட் வழங்கப்பட்டு இருக்கிறது. இத்துடன் சைடு ஸ்டாண்டு சென்சார், கம்பைண்டு பிரேக்கிங் சிஸ்டம் வழங்கப்பட்டுள்ளது.

இவைதவிர முன்புறம் டெலிஸ்கோபிக் ஃபோர்க்குகள், பின்புறம் டூயல் ஷாக் அப்சார்பர்கள் உள்ளன. பிரேக்கிங்கிற்கு இருபுறமும் டிரம் பிரேக்குகள், அலாய் வீல்கள் வழங்கப்பட்டுள்ளன. இந்திய சந்தையில் புதிய ஹோண்டா ஷைன் 100 மாடலின் விலை ரூ. 64 ஆயிரத்து 900, எக்ஸ்-ஷோரூம் என நிர்ணயம் செய்யப்பட்டு உள்ளது.

இந்தியாவில் புதிய ஹோண்டா ஷைன் 100 மாடல் ஹீரோ ஸ்பிலெண்டர், டிவிஎஸ் ரேடியான் மற்றும் பஜாஜ் பிளாட்டினா போன்ற மாடல்களுக்கு போட்டியாக அமைகிறது. இந்த மாடலுக்கான முன்பதிவு ஏற்கனவே துவங்கிவிட்ட நிலையில், வினியோகம் மே மாதம் துவங்க உள்ளது.

புதிய ஹோண்டா ஷைன் 100 மாடல்- பிளாக் மற்றும் ரெட் ஸ்டிரைப்கள், பிளாக் மற்றும் புளூ ஸ்டிரைப்கள், பிளாக் மற்றும் கிரீன் ஸ்டிரைப்கள், பிளாக் மற்றும் கோல்டு ஸ்டிரைப்கள், பிளாக் மற்றும் கிரே ஸ்டிரைப்கள் என ஐந்து விதமான நிறங்களில் கிடைக்கிறது. 

கவாசகி நிறுவனம் இந்திய சந்தையில் முற்றிலும் புதிய Z900RS நியோ ரெட்ரோ மோட்டார்சைக்கிளை அறிமுகம் செய்தது. புதிய கவாசகி Z900RS மாடலின் விலை ரூ. 16 லட்சத்து 47 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய Z900RS டிசைன் Z650RS போன்றே காட்சியளிக்கிறது. இதன் ஹார்டுவேர் மற்றும் என்ஜின் மேம்படுத்தப்பட்டு இருக்கிறது.

ஸ்டைலிங்கை பொருத்தவரை Z900RS மாடலில் வட்ட வடிவம் கொண்ட ஹெட்லேம்ப், டியர்டிராப் வடிவ ஃபியூவல் டேன்க், மெல்லிய டெயில் மற்றும் ரிப்டு பேட்டன் கொண்ட சீட் வழங்கப்படுகிறது. மல்டி-ஸ்போக் அலாய் வீல், க்ரோம் ஃபினிஷ் செய்யப்பட்ட வீல் ரிம்களை கொண்டிருக்கும் கவசாகி Z900RS க்ரோம் எக்சாஸ்ட் கொண்டுள்ளது.

இந்திய சந்தையில் கவாசகி Z900RS மாடல்- மெட்டாலிக் டியப்ளோ பிளாக்/மெட்டாலிக் இம்பீரியல் ரெட் மற்றும் கேண்டி டோன் புளூ என இரண்டு விதமான நிறங்களில் கிடைக்கிறது. இத்துடன் கவாசகி டிராக்ஷன் கண்ட்ரோல், அசிஸ்ட், ஸ்லிப்பர் கிளட்ச், ஆல் எல்இடி லைட்னிங் வழங்கப்படுகிறது. இந்த மாடலில் ரெட்ரோ தீம் கொண்ட இரு அனலாக் டயல், நெகடிவ் எல்சிடி உள்ளது.

புதிய Z900RS மாடலிலும் Z900 ஸ்டிரீட் மாடலில் உள்ளதை போன்றே 948சிசி, இன்லைன் நான்கு சிலிண்டர்கள் கொண்ட லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 107 ஹெச்பி பவர், 95 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

கவாசகி இந்தியா நிறுவனம் 2023 வெர்சிஸ் 1000 மாடலை இந்திய சந்தையில் அறிமுகம் செய்தது. புதிய கவாசகி வெர்சிஸ் 1000 மாடலின் விலை ரூ. 12 லட்சத்து 19 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய லிட்டர் கிளாஸ் அட்வென்ச்சர் ஸ்டைல் ஸ்போர்ட்ஸ் டூரர் மாடல் ஒற்றை வேரியண்ட் மற்றும் நிறத்தில் கிடைக்கிறது.

2023 கவாசகி வெர்சிஸ் 1000 மாடல் தோற்றத்தில் 2022 வெர்சிஸ் போன்றே காட்சியளிக்கிறது. இந்த மாடலிலும் டுவின் பாட் ஹெட்லைட், ஃபேரிங்கில் இண்டகிரேட் செய்யப்பட்ட கார்னரிங் லைட்கள், அட்ஜஸ்ட் செய்யக்கூடிய விண்ட்ஸ்கிரீன், ஸ்டெப்-அப் டிசைன், சைடு ஸ்லங் எக்சாஸ்ட் வழங்கப்பட்டு இருக்கிறது.

புதிய வெர்சிஸ் மாடல் டூயல் டோன் மெட்டாலிக் மேட் கிராஃபீன்ஸ்டீல் கிரே மற்றும் மெட்டாலிக் ஸ்பார்க் பிளாக் நிறத்தில் மட்டுமே கிடைக்கிறது. மற்ற அம்சங்களை பொருத்தவரை ஃபுல் எல்இடி லைட்டிங், செமி டிஜிட்டல் இன்ஸ்ட்ரூமெண்ட் கிளஸ்டர், அனலாக் போன்ற டகோமீட்டர் மற்றும் எல்சிடி ஸ்கிரீன் கொண்டிருக்கிறது.

கவாசகி வெர்சிஸ் 1000 மாடலிலும் 1043சிசி, இன்லைன், நான்கு சிலிண்டர்கள் கொண்ட லிக்விட் கூல்டு என்ஜின் வழங்ப்படுகிறது. இந்த என்ஜின் 118.2 ஹெச்பி பவர், 10.2 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வழங்கப்பட்டு இருக்கிறது.

ஹோண்டா நிறுவனம் 2023 ஹைனெஸ் CB350 மற்றும் CB350RS மாடல்களை இந்திய சந்தையில் அறிமுகம் செய்தது. இந்த மாடல்களில் புதிய மாற்றங்கள் மட்டுமின்றி ஹோண்டா நிறுவனம் கஸ்டம் கிட்களை அறிமுகம் செய்து இருக்கிறது. இவை நாடு முழுக்க செயல்பட்டு வரும் ஹோண்டா பிக்விங் விற்பனை மையங்களில் இம்மாத இறுதியில் விற்பனைக்கு வர உள்ளன.

2023 ஹோண்டா ஹைனெஸ் CB350 மற்றும் CB350RS மாடல்களில் OBD-2 B சிஸ்டம் வழங்கப்படுகிறது. இத்துடன் எமர்ஜன்ஜி ஸ்டாப் சிக்னல் (ESS) வழங்கப்பட்டு இருக்கிறது. இது ரைடர் திடீரென பிரேக்குகளை அழுத்தும் போது இண்டிகேட்டர்களை ஆன் செய்து எச்சரிக்கை விடுக்கிறது. CB350RS மாடலில் ப்ளூடூத் கனெக்டிவிட்டி வழங்கப்பட்டுள்ளது.

இத்துடன் 2023 ஹைனெஸ் மாடல்களில் புதிய ஸ்ப்லிட் ரக சீட்கள் வழங்கப்பட்டுள்ளன. இவை இதுவரை இல்லாத அளவுக்கு சவுகரியத்தை வழங்குகிறது. இந்த மாற்றங்கள் மட்டுமின்றி 2023 ஹைனெஸ் CB350 மற்றும் CB350RS மாடல்களின் விலையும் ரூ. 11 ஆயிரம் வரை உயர்த்தப்பட்டு இருக்கிறது.

2023 ஹோண்டா ஹைனெஸ் விலை விவரங்கள்:

ஹைனெஸ் DLX ரூ. 2 லட்சத்து 09 ஆயிரத்து 857

ஹைனெஸ் DLX ப்ரோ ரூ. 2 லட்சத்து 12 ஆயிரத்து 856

ஹைனெஸ் DLX ப்ரோ க்ரோம் ரூ. 2 லட்சத்து 14 ஆயிரத்து 856

ஹைனெஸ் DLX ரூ. 2 லட்சத்து 14 ஆயிரத்து 856

ஹைனெஸ் DLX ப்ரோ ரூ. 2 லட்சத்து 17 ஆயிரத்து 857

ஹைனெஸ் DLX டூயல் டோன் ரூ. 2 லட்சத்து 17 ஆயிரத்து 857

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

2023 ஹோண்டா ஹைனெஸ் CB350 மற்றும் CB350RS மாடல்களில் 348.6சிசி, ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 20.78 ஹெச்பி பவர், 30 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது.

சஸ்பென்ஷனிற்கு டெலிஸ்கோபிக் ஃபோர்க்குகள், டூயல் ஸ்ப்ரிங்குகள் உள்ளன. பிரேக்கிங்கிற்கு இருபுறமும் ஒற்றை டிஸ்க் வழங்கப்பட்டு இருக்கிறது. இந்த மாடல்களில் எல்இடி லைட்டிங் சிஸ்டம், ஹசார்ட் லேம்ப்கள், டிராக்ஷன் கண்ட்ரோல் சிஸ்டம், யுஎஸ்பி சார்ஜிங் போர்ட், அசிஸ்ட் மற்றும் ஸ்லிப்பர் கிளட்ச் வழங்கப்பட்டு இருக்கிறது.

ஹார்லி டேவிட்சன் நிறுவனம் தனது புதிய எண்ட்ரி-லெவல் X 350 மோட்டார்சைக்கிளை சீன சந்தையில் அறிமுகம் செய்தது. சீனாவை சேர்ந்த QJ மோட்டார்ஸ் நிறுவனத்துடன் இணைந்து உருவாக்கப்பட்டு இருக்கும் புதிய ஹார்லி X 350 மோட்டார்சைக்கிள் விவரங்கள் ஹார்லி டேவிட்சன் நிறுவனத்தின் சீன வலைத்தளத்தில் இடம்பெற்றுள்ளது.

தோற்றத்தில் புதிய X 350 மாடல் ஸ்போர்ட்ஸ்டெர் XR1200X போன்றே காட்சியளிக்கிறது. இந்திய சந்தையில் இந்த மாடல் நிறுத்தப்பட்டு விட்டது. ஹார்லி X 350 மாடலில் வட்ட வடிவம் கொண்ட எல்இடி ஹெட்லேம்ப், சிங்கில்-பாட் கன்சோல் கொண்டிருக்கிறது. இத்துடன் டியர் டிராப் வடிவ டேன்க் உள்ளது. இந்த மாடலின் முழு அம்சங்கள் இதுவரை அறிவிக்கப்படவில்லை.

எனினும், இதில் எல்இடி லைட்டிங், டிஜிட்டல் இன்ஸ்ட்ரூமெண்ட் கிளஸ்டர் உள்ளிட்டவை வழங்கப்படும் என தெரிகிறது. புதிய ஹார்லி டேவிட்சன் X 350 மாடலில் 353சிசி, இன்லைன் டுவின் சிலிண்டர் என்ஜின் மற்றும் லிக்விட் கூலிங் வழங்கப்பட்டு இருக்கிறது. இந்த என்ஜின் 36.2ஹெச்பி பவர், 31 நியூட்டன் மீட்டர் டார்க் இழுவிசையை வெளிப்படுத்துகறது. இத்துடன் 6 ஸ்பீடு கியர்பாக்ஸ் உள்ளது.

புதிய X 350 மாடலில் பிரீமியம் பாகங்கள் உள்ளன. இந்த மாடல் 17 இன்ச் அலாய் வீல்கள், அப்சைடு டவுன் ஃபோர்க்குகள் மற்றும் மோனோஷாக் யூனிட் கொண்டிருக்கிறது. பிரேகிங்கை பொருத்தவரை முன்புறம் ஒற்றை டிஸ்க், பின்புறம் சிங்கில் ரோட்டார் மற்றும் பிஸ்டன் வழங்கப்பட்டு இருக்கிறது.

சீன சந்தையில் புதிய ஹார்லி டேவிட்சன் X 350 மாடலின் விலை 33 ஆயிரத்து 388 யுவான், இந்திய மதிப்பில் ரூ. 3 லட்சத்து 93 ஆயிரம் என நிர்ணயம் செய்யப்பட்டு உள்ளது. புதிய ஹார்லி டேவிட்சன் X 350 மாடல் இந்த ஆண்டு இறுதிக்குள் இந்திய சந்தையில் அறிமுகம் செய்யப்படும் என தெரிகிறது. இதன் விலை ரூ. 3 லட்சத்து 50 ஆயிரம் வரை நிர்ணயம் செய்யப்படலாம்.

ஹோலி பண்டிகையை முன்னிட்டு ஒலா எலெக்ட்ரிக் நிறுவனம் குறுகிய காலக்கட்டத்திற்கு சிறப்பு சலுகைகளை அறிவித்து இருக்கிறது. ஒலா S1 மற்றும் S1 ப்ரோ எலெக்ட்ரிக் ஸ்கூட்டர்களுக்கு இந்த சலுகைகள் வழங்கப்படுகிறது. பயனர்கள் ஒலா S1 வாங்கும்போது ரூ. 2 ஆயிரம் மதிப்பிலான பலன்களையும், ஒலா S1 ப்ரோ வாங்கும் போது ரூ. 4 ஆயிரம் வரையிலான பலன்களையும் பெறலாம்.

பழைய ICE இருசக்கர வாகனத்தை எக்சேன்ஜ் செய்யும் போது அதிகபட்சம் ரூ. 45 ஆயிரம் வரை தள்ளுபடி பெறலாம். ஒலா எக்ஸ்பீரியன்ஸ் செண்டரில் இந்த இரு ஸ்கூட்டர்களை வாங்கும் போது ரூ. 6 ஆயிரத்து 999 மதிப்பிலான பிரத்யேக பலன்களை பெறலாம். சிறப்பு சலுகைகள் மார்ச் 8 ஆம் தேதி துவங்கி மார்ச் 12 வரை வழங்கப்படுகிறது.

இதுதவிர வார இறுதி நாட்களில் இந்த ஸ்கூட்டரை வாங்கும் போது ஒலா கேர் பிளஸ் சந்தாவில் 50 சதவீதம் தள்ளுபடி, நீட்டிக்கப்பட்ட வாரண்டி உள்ளிட்டவை வழங்கப்படுகிறது. ஒலா கேர் மற்றும் ஒலா கேர் பிளஸ் போன்ற சந்தாக்களை ஒலா எலெக்ட்ரிக் நிறுவனம் வழங்கி வருகிறது. இவற்றின் கீழ் இலவச லேபர் ஆன் சர்வீஸ், தெஃப்ட் அசிஸ்டண்ஸ் உதவிஎண், ரோட்சைட் மற்றும் பன்ச்சர் அசிஸ்டண்ஸ் வழங்கப்படுகிறது.

ஒலா கேர் பிளஸ் சந்தாவில் வருடாந்திர அடிப்படையில் பிரச்சினைகளுக்கு தீர்வு காணுதல், இலவச பிக்கப்/டிராப் மற்றும் ஹோம் சர்வீஸ், 24/7 மருத்துவர் மற்றும் ஆம்புலன்ஸ் சேவை வழங்கப்படுகிறது. இந்திய சந்தையில் ஒலா S1 விலை ரூ. 1 லட்சத்து 11 ஆயிரம் என துவங்குகிறது. ஒலா S1 ப்ரோ விலை ரூ. 1 லட்சத்து 24 ஆயிரம் என துவங்குகிறது.

எண்ட்ரி லெவல் ஒலா S1 ஏர் மாடலின் விலை ரூ. 91 ஆயிரத்து 754 என துவங்குகிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ஹீரோ மோட்டோகார்ப் நிறுவனம் இந்திய சந்தையில் சூப்பர் ஸ்பிலெண்டர் Xtec மோட்டார்சைக்கிளை அறிமுகம் செய்தது. புதிய சூப்பர் ஸ்பிலெண்டர் Xtec விலை ரூ. 83 ஆயிரத்து 368, எக்ஸ்-ஷோரூம் என நிர்ணயம் செய்யப்பட்டு உள்ளது. 2023 ஹீரோ சூப்பர் ஸ்பிலெண்டர் Xtec மாடலில் ஏராளமான மாற்றங்கள் மேற்கொள்ளப்பட்டு இருக்கிறது.

புதிய சூப்பர் ஸ்பிலெண்டர் Xtec மாடலில் ப்ளூடூத் கனெக்டிவிட்டி, டிஜிட்டல் இன்ஸ்ட்ரூமெண்ட் கன்சோல் வழங்கப்பட்டு இருக்கிறது. இதில் உள்ள எல்சிடி ஸ்கிரீனில் ஸ்மார்ட்போன் கால், எஸ்எம்எஸ் அலெர்ட் உள்ளிட்டவைகளை பார்க்க முடியும். இத்துடன் ஸ்பீடோமீட்டர், ஒடோமீட்டர், ட்ரிப் மீட்டர், ஃபியூவல் லெவல் ரீட்அவுட் மற்றும் மைலேஜ் உள்ளிட்ட விவரங்கள் காண்பிக்கப்படுகிறது.

இவற்றுடன் யுஎஸ்பி சார்ஜிங் போர்ட், OBD 2 விதிகளுக்கு பொருந்தும் 124.7 சிசி சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 10.7 ஹெச்பி பவர், 10.6 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது. ஸ்டாண்டர்டு மாடலில் உள்ளதை போன்றே எல்இடி ஹெட்லைட், எல்இடி டிஆர்எல் உள்ளிட்டவை வழங்கப்பட்டு இருக்கிறது.

மற்ற பாகங்களை பொருத்தவரை சிங்கில் பீஸ் சீட், கிராப் ரெயில், ஹாலோஜன் இண்டிகேட்டர்கள் எவ்வித மாற்றமும் இன்றி வழங்கப்பட்டுள்ளது. புதிய சூப்பர் ஸ்பிலெண்டர் Xtec மாடல் தற்போது கேண்டி பிளேசிங் ரெட் மற்றும் மேட் ஆக்சிஸ் கிரே என இரண்டு நிறங்களில் கிடைக்கிறது. டைமண்ட் ஃபிரேம் உடன் டெலிஸ்கோபிக் ஃபோர்க்குகள், டூயல் ரியர் ஸ்ப்ரிங்குகள் உள்ளன.

பிரேக்கிங்கிற்கு பின்புறம் டிரம் பிரேக், முன்புறம் சிபிஎஸ் (கம்பைன்டு பிரேக்கிங் சிஸ்டம்) வழங்கப்பட்டு இருக்கிறது. இதில் உள்ள 18 இன்ச் அலாய் வீல்கள் 80/100 மற்றும் 90/90 டயர்கள் வழங்கப்பட்டுள்ளன. இந்திய சந்தையில் புதிய ஹீரோ சூப்பர் ஸ்பிலெண்டர் Xtec மாடல் ஹோண்டா CB ஷைன் மற்றும் டிவிஎஸ் ரைடர் மாடல்களுக்கு போட்டியாக அமைகிறது.

இந்திய இருசக்கர வாகனங்கள் உற்பத்தியாளரான ஹீரோ மோட்டோகார்ப் மற்றும் கலிஃபோர்னியாவை சேர்ந்த ஜீரோ மோட்டார்சைக்கிள்ஸ் நிறுவனங்கள் இணைந்து பிரீமியம் எலெக்ட்ரிக் மோட்டார்சைக்கிள் மாடல்களை உருவாக்க திட்டமிட்டுள்ளன.

இரு நிறுவனங்கள் கூட்டணியில் ஜீரோ நிறுவனம் பவர்டிரெயின்களை உருவாக்குகிறது. உற்பத்தி, உதிரிபாகங்கள் மற்றும் விளம்பர பணிகளை ஹீரோ மோட்டோகார்ப் மேற்கொள்ள இருக்கிறது. முன்னதாக கடந்த ஆண்டு செப்டம்பர் மாத வாக்கில் ஹீரோ மோட்டோகார்ப் நிறுவனத்தின் நிர்வாக குழு ஜீரோ மோட்டார்சைக்கிள்ஸ் நிறுவனத்தில் 60 மில்லியன் டாலர்கள், இந்திய மதிப்பில் ரூ. 491 கோடியை முதலீடு செய்ய அனுமதி அளித்தது.

எனினும், இரு நிறுவனங்கள் கூட்டணியில் உருவாகும் வாகனங்கள் எப்போது வெளியிடப்படும் என்பது குறித்து இதுவரை எந்த தகவலும் வழங்கப்படவில்லை. சர்வதேச வலைத்தளத்தில் ஜீரோ மோட்டார்சைக்கிள்ஸ் நிறுவனம் ஏற்கனவே பல்வேறு மாடல்களை பட்டியலிட்டுள்ளது. இவற்றில் ரோட்ஸ்டர், ஸ்போர்ட்ஸ் டூரர் மற்றும் அட்வென்ச்சர் பிரிவு எலெக்ட்ரிக் மோட்டார்சைக்கிள்கள் இடம்பெற்றுள்ளன.

இதுதவிர ஹீரோ மோட்டோகார்ப் நிறுவனம் சமீபத்தில் அறிமுகம் செய்த விடா V1 எலெக்ட்ரிக் ஸ்கூட்டர் மாடலை வினியோகம் செய்யும் பணிகளை துவங்கிவிட்டது. இதுதவிர பொது சார்ஜிங் உள்கட்டமைப்புகளையும் செயல்பாட்டுக்கு கொண்டுவந்துள்ளது. முதற்கட்டமாக இந்நிறுவனத்தின் சார்ஜிங் சேவைகள் பெங்களூரு, டெல்லி மற்றும் ஜெய்பூர் ஆகிய நகரங்களில் செயல்படுகிறது.

தற்போது பெங்களூரு, டெல்லி மற்றும் ஜெய்பூர் நகரங்களில் ஹீரோ மோட்டோகார்ப் நிறுவனம் கிட்டத்தட்ட 300 சார்ஜிங் பாயிண்ட்களை பொதுமக்கள் பயன்பாட்டுக்காக நிறுவப்பட்டு இருக்கிறது.