பைக்

சிம்பில் எனர்ஜி நிறுவனம் தனது முதல் எலெக்ட்ரிக் ஸ்கூட்டர்- சிம்பில் ஒன் மாடலின் வெளியீட்டு தேதியை அறிவித்து இருக்கிறது. அதன்படி சிம்பில் ஒன் எலெக்ட்ரிக் ஸ்கூட்டர் விலை விவரங்கள் மே 23 ஆம் தேதி அறிவிக்கப்பட உள்ளது. முன்னதாக 2021 ஆண்டு அறிமுகம் செய்யப்பட்ட சிம்பில் ஒன் விலையும் ஏற்கனவே அறிவிக்கப்பட்டுவிட்டது.

அதன்பின் இந்த ஸ்கூட்டரின் பேட்டரி பேக் மாற்றப்பட்டது. இதன் காரணமாக ஸ்கூட்டரின் விலையும் மாற்றப்பட இருக்கிறது. இந்த ஸ்கூட்டரில் 8.5 கிலோவாட் எலெக்ட்ரிக் மோட்டார் உள்ளது. இந்த மோட்டார் அதிகபட்சம் 72 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

முன்னதாக சிம்பில் எனர்ஜி நிறுவனம் தனது உற்பத்தி ஆலையை இந்த ஆண்டு துவங்கியது. இந்த ஆலையிலேயே சிம்பில் எனர்ஜி நிறுவனத்தின் எலெக்ட்ரிக் ஸ்கூட்டர்கள் அதிக எண்ணிக்கையில் உற்பத்தி செய்யப்பட உள்ளன. இந்த ஆலையில் ஆண்டுக்கு பத்து லட்சம் யூனிட்கள் வரை உற்பத்தி செய்ய முடியும். சிம்பில் ஒன் மாடலின் வினியோகம் பற்றிய தகவல்கள் வெளியீட்டின் போது அறிவிக்கப்படலாம். 

சுசுகி மோட்டார் கார்ப்பரேஷன் நிறுவனத்தின் இருசக்கர வாகனங்கள் பிரிவு சுசுகி மோட்டார்சைக்கிள் இந்தியா நிறுவனம் வாகன உற்பத்தியில் 70 லட்சம் யூனிட்களை கடந்துள்ளது. குருகிராமை அடுத்த கெர்கி தௌலா ஆலையில் இருந்து 70 லட்சமாவது யூனிட்டை சுசுகி மோட்டார்சைக்கிள் இந்தியா நிறுவனம் வெளியிட்டது.

70 லட்சமாவது யூனிட் சுசுகி வி ஸ்டார்ம் SX மாடல் ஆகும். இந்த யூனிட் மஞ்சள் நிற வேரியண்ட் ஆகும். 2006 பிப்ரவரி மாதம் சுசுகி மோட்டார்சைக்கிள் இந்தியா நிறுவனம் இந்திய சந்தையில் பணிகளை துவங்கியது.

"மார்ச் 2023 வரை நிறைவுற்ற நிதியாண்டில் மட்டும் நாங்கள் 9 லட்சத்து 38 ஆயிரம் யூனிட்களை கடந்து இருக்கிறோம். எங்களின் வருடாந்திர வளர்ச்சி 2021-22 நிதியாண்டுடன் ஒப்பிடும் போது 24.3 சதவீதம் ஆகும்," என்று சுசுகி மோட்டார்சைக்கிள் இந்தியா நிறுவனத்தின் நிர்வாக இயக்குனர் கெனிச்சி உமெடா தெரிவித்துள்ளார்.

இந்திய சந்தையில் சுசுகி வி ஸ்டார்ம் SX, ஜிக்சர் SF 250, ஜிக்சர் SF, ஜிக்சர், அக்சஸ் 125, அவெனிஸ், பர்க்மேன் ஸ்டிரீட் மற்றும் பர்க்மேன் ஸ்டிரீட் EX போன்ற மாடல்களை சுசுகி மோட்டார்சைக்கிள் இந்தியா நிறுவனம் உற்பத்தி செய்து வருகிறது. சர்வதேச சந்தையில் விற்பனை செய்து வரும் வி ஸ்டார்ம் 650XT, கட்டானா மற்றும் ஹயபுசா போன்ற மாடல்களை இந்தியாவில் விற்பனை செய்து வருகிறது. 

எலெக்ட்ரிக் வாகன துறையில் சீனர்களின் ஆதிக்கம் தொடர்ந்து அதிகரித்து வருகிறது. இந்தியாவிலும் பெரும்பாலான எலெக்ட்ரிக் இருசக்கர வாகன உற்பத்தியாளர்கள் எண்ணிக்கை போன்றே, சீனாவில் இருந்து இறக்குமதி எண்ணிக்கையும் ஒரே அளவில் அதிகரித்து வருகிறது. சீனாவில் இருந்து இறக்குமதி செய்யப்படும் யூனிட்கள் எளிதில் ரிபிராண்டு செய்யப்பட்டு வழக்கமான ஐசி என்ஜின் வாகனங்களுக்கு குறைந்த விலையில் கிடைக்கும் மாற்று வாகனமாக விற்பனை செய்யப்படுகின்றன.

ஏத்தர் மற்றும் ஒலா நிறுவனங்கள் எலெக்ட்ரிக் இருசக்கர வாகனங்கள் துறையில் முன்னணி இடம்பிடித்துள்ளன. இதுதவிர பஜாஜ் செட்டாக் மற்றும் டிவிஎஸ் ஐகியூப் போன்ற மாடல்களும் விற்பனைக்கு கிடைக்கின்றன. இந்த வரிசையில், சுசுகி நிறுவனத்தின் முதல் எலெக்ட்ரிக் ஸ்கூட்டர் விரைவில் இணையும் என்று எதிர்பார்க்கலாம்.

சமீபத்தில் சுசுகியின் முதல் எலெக்ட்ரிக் ஸ்கூட்டர் சோதனை செய்யப்படும் போது எடுக்கப்பட்ட ஸ்பை படங்கள் இணையத்தில் வெளியாகி இருந்தது. இதுதவிர இந்த மாடலின் டிசைன் காப்புரிமை சார்ந்த விவரங்களும் வெளியாகின. இந்த வரிசையில், சுசுகி நிறுவனம் தனது பர்க்மேன் எலெக்ட்ரிக் மாடலை ஜப்பான் சந்தையில் அறிமுகம் செய்து இருக்கிறது.

எனினும், இந்த ஸ்கூட்டர் பற்றிய முழு விவரங்களை சுசுகி இதுவரை அறிவிக்கவில்லை. புதிய பர்க்மேன் எலெக்ட்ரிக் ஸ்கூட்டர் இந்திய சந்தையிலும் அறிமுகமாகும் என்று தகவல்கள் வெளியாகி வருகின்றன.

தோற்றத்தில் பர்க்மேன் எலெக்ட்ரிக் மாடல், தற்போது இந்திய சந்தையில் விற்பனை செய்யப்படும் பர்க்மேன் ஸ்டிரீட் 125 மாடலை போன்றே காட்சியளிக்கிறது. எனினும், எலெக்ட்ரிக் வேரியண்டில் எதிர்கால தோற்றத்திற்கு ஏற்ற பெயின்ட் செய்யப்பட்டுள்ளது. இதில் வைட் நிற பாடி மற்றும் புளூ ஹைலைட்கள் செய்யப்பட்டுள்ளன. இத்துடன் எல்இடி ஹெட்லேம்ப், சிறிய வைசர் மற்றும் எல்இடி டெயில் லேம்ப் வழங்கப்படுகிறது.

பர்க்மேன் ஸ்டிரீட் 125 மாடலின் எடை 110 கிலோ என்ற அடிப்படையில், பர்க்மேன் எலெக்ட்ரிக் மாடலின் எடை 147 கிலோ ஆகும். எலெக்ட்ரிக் பவர்டிரெயின் கொண்டிருப்பதால் இதன் எடை அதிகரித்து இருக்கிறது. செயல்திறனை பொருத்தவரை புதிய மாடலில் 4.0 கிலோவாட் மோட்டார் வழங்கப்படுகிறது. இது 18 நியூட்டன் மீட்டர் டார்க் இழுவிசையை வெளிப்படுத்துகிறது.

சுசுகி பர்க்மேன் எலெக்ட்ரிக் மாடலில் உள்ள பேட்டரியை முழு சார்ஜ் செய்தால் வெறும் 44 கிலோமீட்டர்கள் மட்டுமே செல்லும் என்று தெரிகிறது. மேலும் இந்த ரேன்ஜ் பெற ஸ்கூட்டரை மணிக்கு அதிகபட்சம் 60 கிலோமீட்டர் வேகத்திற்குள் ஓட்ட வேண்டும். இதுவரை வெளியாகி இருக்கும் தகவல்களின் படி சுசுகி பர்க்மேன் எலெக்ட்ரிக் மாடல் விலை ரூ. 1 லட்சத்து 25 ஆயிரம் வரை நிர்ணயம் செய்யப்படலாம்.

ஹோண்டா நிறுவனம் தனது ஆக்டிவா எலெக்ட்ரிக் மாடலை அடுத்த ஆண்டு அறிமுகம் செய்ய திட்டமிட்டிருக்கும் நிலையில், பர்க்மேன் எலெக்ட்ரிக் ஸ்கூட்டர் அடுத்த ஆண்டு இதே காலக்கட்டத்தில் அறிமுகம் செய்யப்படும் என்று எதிர்பார்க்கலாம்.

ஹார்லி டேவிட்சன் நிறுவனம் தனது துணை பிராண்டு லைவ்-வயர் மூலம் எலெக்ட்ரிக் வாகனங்கள் பிரிவில் கவனம் செலுத்தி வருகிறது. கடந்த ஆண்டு S2 டெல் மார் லாஞ்ச் எடிஷன் மாடலை அறிமுகம் செய்தது. இந்த மாடல் நிமிடங்களில் விற்றுத்தீர்ந்தது. தற்போது 2024 S2 டெல் மார் வெளியீடு மற்றும் விலை விவரங்களை லைவ்-வயர் அறிவித்து இருக்கிறது.

புதிய S2 டெல் மார் மாடலின் விலை 15 ஆயிரத்து 499 டாலர்கள், இந்திய மதிப்பில் ரூ. 12.7 லட்சம் என்று நிர்ணயம் செய்யப்பட்டு உள்ளது. இது முந்தைய மாடல் விலையை விட 1500 டாலர்கள் வரை குறைவு ஆகும். புதிய எலெக்ட்ரிக் பைக் வினியோகம் இந்த ஆண்டு ஜூலை மாதத்தில் துவங்க இருக்கிறது. அமெரிக்காவில் இந்த மாடலுக்கான முன்பதிவு ஏற்கனவே துவங்கிவிட்டது.

புதிய டெல் மார் மாடலில் உள்ள எலெக்ட்ரிக் மோட்டார் 249 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த மோட்டார்சைக்கிள் முழு சார்ஜ் செய்தால் 177 கிலோமீட்டர்கள் வரையிலான ரேன்ஜ் வழங்குகிறது. இந்த எலெக்ட்ரிக் பைக் மணிக்கு 100 கிலோமீட்டர் வேகத்தை 3.1 நொடிகளில் எட்டிவிடும்.

மற்ற அம்சங்களை பொருத்தவரை புதிய டெல் மார் மாடல் லெவல் ஒன் மற்றும் லெவல் டூ சார்ஜிங் வசதி கொண்டிருக்கிறது. இந்த மாடலில் பில்ட்-இன் ஜிபிஎஸ், இண்டர்நெட் கனெக்டிவிட்டி, எல்இடி இலுமினேஷன் போன்ற வசதிகள் உள்ளன. புதிய லைவ்-வயர் S2 டெல் மார் இந்தியாவில் அறிமுகம் செய்யப்படும் வாய்ப்புகள் மிகவும் குறைவு. 

கேடிஎம் இந்தியா நிறுவனத்தின் குறைந்த விலை மோட்டார்சைக்கிள், 125 டியூக் இந்திய சந்தையில் அறிமுகம் செய்யப்பட்டது. ரோட்ஸ்டர் பிரிவில் அறிமுகமாகி இருக்கும் புதிய கேடிஎம் பைக் ஒற்றை வேரியண்டில் கிடைக்கிறது. இதன் விலை ரூ. 1 லட்சத்து 78 ஆயிரத்து 892 என்று நிர்ணயம் செய்யப்பட்டு உள்ளது.

இத்துடன் 2023 கேடிஎம் 390 டியூக் மாடலும் OBD 2 விதிகளுக்கு ஏற்ப அப்டேட் செய்யப்பட்டு இருக்கிறது. புதிய கேடிஎம் 390 டியூக் மாடலின் விலை ரூ. 2 லட்சத்து 97 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த மாடல் டார்க் கல்வேனோ மற்றும் லிக்விட் மெட்டல் என இருவித நிறங்களில் கிடைக்கிறது.

கேடிஎம் 125 டியூக் மாடலும் எலெக்டிரானிக் ஆரஞ்சு மற்றும் செராமிக் வைட் என இருவித நிறங்களிலேயே கிடைக்கிறது. அம்சங்களை பொருத்தவரை இந்த மாடலில் ஹாலோஜன் ஹெட்லைட், டுவின் எல்இடி டிஆர்எல்கள், எல்இடி டெயில்லைட், எல்இடி இண்டிகேட்டர்கள், எல்சிடி இன்ஸ்ட்ரூமெண்ட் கிளஸ்டர், ஏபிஎஸ் பாதுகாப்பு வழங்கப்பட்டு இருக்கிறது.

2023 கேடிஎம் 125 டியூக் மாடலில் 124.7 சிசி, சிங்கில் சிலிண்டர், லிக்விட் கூல்டு என்ஜின் மற்றும் போஷ் எலெக்டிரானிக் ஃபியூவல் இன்ஜெக்ஷன் சிஸ்டம் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது. இந்த என்ஜின் 14.3 ஹெச்பி பவர், 12 நியூட்டன் மீட்டர் டார்க் இழுவிசையை வெளிப்படுத்துகிறது.

2023 கேடிஎம் 390 டியூக் மாடலில் 373.27சிசி, சிங்கில் சிலிண்டர் லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 42.9 ஹெச்பி பவர், 37 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் மற்றும் ஸ்லிப்பர் கிளட்ச் வழங்கப்பட்டு இருக்கிறது.

2023 கேடிஎம் 250 அட்வென்ச்சர் மாடலில் சிங்கில் பாட் ஹெட்லைட், சிறிய விண்ட்ஸ்கிரீன் உள்ளது. கேடிஎம் 250 அட்வென்ச்சர் மாடல் கேடிஎம் ஃபேக்டரி ரேசிங் புளூ மற்றும் எலெக்டிரானிக் ஆரஞ்சு என இரண்டு நிறங்களில் கிடைக்கிறது.கேடிஎம் நிறுவனத்தின் 2023 கேடிஎம் 250 அட்வென்ச்சர் மோட்டார்சைக்கிள் இந்திய சந்தையில் அறிமுகம் செய்யப்பட்டது.

புதிய 2023 கேடிஎம் 250 அட்வென்ச்சர் மாடல் விலை ரூ. 2 லட்சத்து 46 ஆயிரத்து 651, எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய 2023 மாடலில் சமீபத்திய புகை விதிகளுக்கு பொருந்தும் மெக்கானிக்கல் அப்டேட்கள் மட்டும் மேற்கொள்ளப்பட்டுள்ளன.

அதன்படி புதிய மாடலிலும் 248.76சிசி, சிங்கில் சிலிண்டர், லிக்விட் கூல்டு என்ஜின் மற்றும் போஷ் எலெக்டிரானிக் ஃபியூவல் இன்ஜெக்ஷன் சிஸ்டம் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த என்ஜின் 29.6 ஹெச்பி பவர், 24 நியூட்டன் மீட்டர் டார்க் இழுவிசையை வெளிப்படுத்துகிறது.

இவைதவிர 2023 கேடிஎம் 250 அட்வென்ச்சர் மாடலில் ஹாலோஜன் ஹெட்லைட்கள் எல்இடி டிஆர்எல்கள், எல்இடி டெயில்லைட், எல்இடி இண்டிகேட்டர்கள், டிஜிட்டல் எல்சிடி இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. இத்துடன் டூயல் சேனல் ஏபிஎஸ், ஸ்லிப்பர் கிளட்ச் மற்றும் 12 வோல்ட் சாக்கெட் வழங்கப்பட்டுள்ளது.

ஸ்டைலிங்கை பொருத்தவரை 2023 கேடிஎம் 250 அட்வென்ச்சர் மாடலில் சிங்கில் பாட் ஹெட்லைட், சிறிய விண்ட்ஸ்கிரீன், 14.5 லிட்டர் ஃபியூவல் டேன்க், 85mm ஸ்ப்லிட் ஸ்டைல் சீட், சைடு ஸ்லங் எக்சாஸ்ட், முன்புறம் 19 இன்ச் மற்றும் பின்புறம் 17 இன்ச் அலாய் வீல்கள் வழங்கப்பட்டுள்ளன. புதிய கேடிஎம் 250 அட்வென்ச்சர் மாடல் கேடிஎம் ஃபேக்டரி ரேசிங் புளூ மற்றும் எலெக்டிரானிக் ஆரஞ்சு என இரண்டு நிறங்களில் கிடைக்கிறது.

சஸ்பென்ஷனுக்கு 43mm அப்சைடு டவுன் முன்புற ஃபோர்க்குகள், பின்புறம் பிரீ-லோட் செய்யப்பட்ட மோனோ ஷாக் யூனிட் வழங்கப்பட்டு இருக்கிறது. பிரேக்கிங்கிற்கு 320mm சிங்கில் டிஸ்க், 230mm சிங்கில் ரோட்டார் மற்றும் ஃபுளோடிங் கேலிப்பர் உள்ளது. இந்திய சந்தையில் 2023 கேடிஎம் 250 அட்வென்ச்சர் மாடல் சுசுகி வி ஸ்டார்ம் SX, ராயல் என்பீல்டு ஹிமாலயன் மற்றும் பெனலி TRK 251 போன்ற மாடல்களுக்கு போட்டியாக அமைகிறது.

கேடிஎம் இந்தியா நிறுவனம் தனது 390 அட்வென்ச்சர் மாடலை OBD2 விதிகளுக்கு ஏற்ப அப்டேட் செய்து வருகிறது. 2023 கேடிஎம் 390 அட்வென்ச்சர் மாடலில் புதிய புகை விதிகளுக்கு ஏற்ற ஹார்டுவேர் மாற்றங்கள் மட்டும் மேற்கொள்ளப்பட்டு இருக்கிறது. இதன் காரணமாக புதிய மோட்டார்சைக்கிளின் விலை அதன் முந்தைய வெர்ஷனை விட அதிகமாக நிர்ணயம் செய்யப்பட்டுள்ளது.

அதன்படி 2023 கேடிஎம் 390 அட்வென்ச்சர் மாடல் விலை ரூ. 3 லட்சத்து 38 ஆயிரத்து 746 என்று நிர்ணயம் செய்யப்பட்டுள்ளது. முன்னதாக கேடிஎம் நிறுவனம் 390 அட்வென்ச்சர் X மோட்டார்சைக்கிளை இந்தியாவில் அறிமுகம் செய்து இருந்தது. இதன் விலை ரூ. 2 லட்சத்து 80 ஆயிரத்து 652 என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

ஸ்டைலிங்கை பொருத்தவரை 2023 கேடிஎம் 390 அட்வென்ச்சர் மாடலில் ஸ்ப்லிட் ஸ்டைல் எல்இடி ஹெட்லைட், சிறிய விண்ட்ஸ்கிரீன், என்ஜின் கவுல், 14.5 லிட்டர் ஃபியூவல் டேன்க், ஸ்ப்லிட்-ஸ்டைல் சீட்கள், சைடு-ஸ்லங் எக்சாஸ்ட், முன்புறம் 19 இன்ச் அலாய் வீல், பின்புறம் 17 இன்ச் அலாய் வீல் வழங்கப்பட்டு இருக்கிறது.

புதிய 2023 கேடிஎம் 390 அட்வென்ச்சர் மாடல் அட்லாண்டிக் புளூ மற்றும் டார்க் கல்வேனோ பிளாக் என இரண்டு விதமான நிறங்களில் கிடைக்கிறது. 2023 கேடிஎம் 390 அட்வென்ச்சர் மாடலில் 373.27சிசி, சிங்கில் சிலிண்டர், லிக்விட் கூல்டு, நான்கு வால்வுகள் கொண்ட என்ஜின் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது.

இந்த என்ஜின் 42.9 ஹெச்பி பவர், 37 நியூட்டன் மீட்டர் டார்க் இழுவிசையை வெளிப்படுத்துகிறது. என்ஜின் போன்றே இந்த மாடலின் ஹார்டுவேர் அம்சங்களிலும் எந்த மாற்றமும் மேற்கொள்ளப்படவில்லை. அந்த வகையில், 2023 கேடிஎம் 390 அட்வென்ச்சர் மாடலில் ஸ்டீல் டிரெலிஸ் ஃபிரேம், போல்ட் செய்யப்பட்ட சப்-ஃபிரேம் உள்ளது. 

கேடிஎம் இந்தியா நிறுவனம் 390 அட்வென்ச்சர் சீரிசில் புதிய மோட்டார்சைக்கிளை இந்திய சந்தையில் அறிமுகம் செய்தது. கேடிஎம் 390 அட்வென்ச்சர் X பெயரில் அறிமுகமாகி இருக்கும் புதிய மாடல், அதன் ஸ்டாண்டர்டு வேரியண்டை விட குறைந்த அம்சங்களை கொண்டிருக்கிறது. இதன் காரணமாக இந்த மோட்டார்சைக்கிள் விலையும் சற்றே குறைந்து இருக்கிறது.

ஸ்டாண்டர்டு மாடலுடன் ஒப்பிடும் போது 2023 கேடிஎம் 390 அட்வென்ச்சர் X மாடலில் ஃபுல் எல்இடி லைட்டிங், டூயல் சேனல் ஏபிஎஸ், ஆஃப்-ரோட் மோட், ஸ்லிப்பர் கிளட்ச், 12 வோல்ட் யுஎஸ்பி சாக்கெட் வழங்கப்பட்டு இருக்கிறது. சற்றே குறைந்த விலையில் கிடைப்பதால், இந்த மாடலில் ப்ளூடூத் மாட்யுல் மற்றும் டிஎப்டி டிஸ்ப்ளே வழங்கப்படவில்லை. மாறாக எல்சிடி டேஷ்போர்டு வழங்கப்பட்டு இருக்கிறது. இத்துடன் குறைந்த எலெக்ட்ரிக் ரைடர் அம்சங்கள் உள்ளன.

மெக்கானிக்கல் அம்சங்களை பொருத்தவரை 390 அட்வென்ச்சர் X மாடலில் எவ்வித சமரசமும் செய்யப்படவில்லை. அந்த வகையில், இந்த மாடலிலும் 373.27சிசி, சிங்கில் சிலிண்டர், லிக்விட் கூல்டு, நான்கு வால்வுகள் கொண்ட என்ஜின் வழங்கப்பட்டு இருக்கிறது. இத்துடன் டூயல் ஒவர்ஹெட் கேம்ஷாஃப்ட் உள்ளது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது. இந்த என்ஜின் 42.9 ஹெச்பி பவர், 37 நியூட்டன் மீட்டர் டார்க் இழுவிசையை வெளிப்படுத்துகிறது.

இதன் ஹார்டுவேர் அம்சங்களும் அதன் ஸ்டாண்டர்டு மாடலில் உள்ளதை போன்றே வழங்கப்பட்டு இருக்கிறது. அதன்படி கேடிஎம் 390 அட்வென்ச்சர் X மாடலில் 43mm அப்சைட்-டவுன் WP அபெக்ஸ் முன்புற ஃபோர்க்குகள், 10-ஸ்டெப் அட்ஜஸ்ட் வசதி கொண்ட WP ரியர் மோனோ ஷாக் வழங்கப்பட்டு இருக்கிறது. பிரேகிங்கிற்கு முன்yபுறம் ஒற்றை 320mm டிஸ்க் பிரேக், பின்புறம் ஒற்றை 230mm டிஸ்க் உள்ளது. இந்த மாடலிலும் 14.5 லிட்டர் ஃபியூவல் டேன்க் வழங்கப்பட்டு இருக்கிறது.

இந்திய சந்தையில் புதிய 2023 கேடிஎம் 390 அட்வென்ச்சர் X மோட்டார்சைக்கிள் கேலக்டிக் புளூ மற்றும் டார்க் கல்வேனோ பிளாக் என இரண்டு விதமான நிறங்களில் கிடைக்கிறது. இதன் விலை ரூ. 2 லட்சத்து 80 ஆயிரம், எக்ஸ்-ஷோரூம் என்று நிர்ணயம் செய்யப்பட்டுள்ளது. புதிய 390 அட்வென்ச்சர் மோட்டார்சைக்கிள் பிஎம்டபிள்யூ G 310 GS மாடலுக்கு போட்டியாக அமைகிறது.

இந்தியா முழுக்க இயங்கி வரும் யமஹா நிறுவன விற்பனையாளர்கள், 2023 R3 மற்றும் MT 03 மாடல்களுக்கான முன்பதிவுளை அதிகாரப்பூர்வமற்ற முறையில் மேற்கொண்டு வருவதாக தகவல் வெளியாகி உள்ளது. முன்பதிவு கட்டணம் ரூ. 5 ஆயிரத்தில் துவங்கி அதிகபட்சமாக ரூ. 20 ஆயிரம் வரை நிர்ணயம் செய்யப்பட்டு இருக்கிறது.

இதுவரை வெளியாகி இருக்கும் தகவல்களின் படி இரு மாடல்களும் வரும் மாதங்களில் அறிமுகம் செய்யப்படும் என கூறப்படுகிறது. சமீபத்தில் 2023 யமஹா R3 மற்றும் யமஹா MT 03 மாடல்கள் விற்பனையாளர்களிடையே நடத்தப்பட்ட நிகழ்வில் காட்சிக்கு வைக்கப்பட்டது. இவை தவிர YZF R7 மற்றும் MT 07 மாடல்களும் காட்சிப்படுத்தப்பட்டன.

இதன் காரணமாக இந்த மாடல்களும் இந்தியாவில் அறிமுகம் செய்யப்படலாம் என்ற எதிர்பார்ப்பு எழுந்துள்ளது. புதிய யமஹா R3 மோட்டார்சைக்கிள் கேடிஎம் RC390, கவாசகி நிஞ்சா 300, டிவிஎஸ் அபாச்சி RR310 மற்றும் கீவே K300 R போன்ற மாடல்களுக்கு போட்டியாக அமைகிறது. 2019 வரை இந்த மாடல் இந்தியாவில் விற்பனை செய்யப்பட்டு வந்தது. பின் இதன் விற்பனை நிறுத்தப்பட்டது.

யமஹா MT 03 மோட்டார்சைக்கிள் R3 மாடலின் நேக்கட் வெர்ஷன் ஆகும். இது முதல்முறையாக இந்தியாவில் அறிமுகம் செய்யப்பட இருக்கிறது. இந்த மோட்டார்சைக்கிள் கேடிஎம் 390 டியூக், பிஎம்டபிள்யூ G310 R மற்றும் கீவே K300 N மாடல்களுக்கு போட்டியாக அமைகிறது. 

ஹார்லி டேவிட்சன் நிறுவனத்தின் புதிய ஹெரிடேஜ் கிளாசிக் மோட்டார்சைக்கிள் இந்திய சந்தையில் அறிமுகம் செய்யப்பட்டு இருக்கிறது. புதிய ஹெரிடேஜ் கிளாசிக் மாடல்: விவிட் பிளாக், பிராஸ்பெக்ட் கோல்டு, பிரைட் பில்லியர்ட் புளூ மற்றும் ஹெய்ர்லூம் ரெட் ஃபேட் என நான்கு விதமான நிறங்களில் கிடைக்கிறது.

2023 ஹாரிலி டேவிட்சன் ஹெரிடேஜ் கிளாசிக் விலை விவரங்கள்:

120 ஆனிவர்சரி மற்றும் க்ரோம் எடிஷன் ரூ. 27 லட்சத்து 49 ஆயிரம்

விவிட் பிளாக் மற்றும் பிளாக் ஃபினிஷ் ரூ. 26 லட்சத்து 59 ஆயிரம்

பிராஸ்பெக்ட் கோல்டு மற்றும் பிளாக் ஃபினிஷ் ரூ. 26 லட்சத்து 78 ஆயிரம்

டூ-டோன் மற்றும் பிளாக் ஃபினிஷ் ரூ. 27 லட்சத்து 29 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய ஹெரிடேஜ் கிளாசிக் மாடலில் 1868சிசி, வி டுவின் என்ஜின் வழங்கப்பட்டு இருக்கிறது. இந்த என்ஜின் 94 ஹெச்பி பவர், 155 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது. புதிய ஹார்லி பைக் 5.5 லிட்டர்கள் / 100 கிலோமீட்டர் (லிட்டருக்கு 18.18 கிலோமீட்டர்) மைலேஜ் வழங்கும் என ஹார்லி டேவிட்சன் தெரிவித்து இருக்கிறது.

இந்த மோட்டார்சைக்கிளில் 49mm டெலிஸ்கோபிக் முன்புற ஃபோர்க்குகள், மோனோஷாக் மற்றும் ஹைட்ராலிக் பிரீலோட் அட்ஜஸ்ட் செய்யும் வசதி வழங்கப்பட்டு இருக்கிறது. இந்த மாடலில் எல்இடி இலுமினேஷன், அனலாக் கன்சோல், டிஜிட்டல் இன்செட் உள்ளது. 

கீவே இந்தியா நிறுவனம் தனது K300 R ஃபுல்லி-ஃபேர்டு மோட்டார்சைக்கிளுக்கு அசத்தல் விலை குறைப்பை அறிவித்து இருக்கிறது. விலை குறைப்பு கீவே K300 R அனைத்து நிற வேரியண்டிற்கும் பொருந்தும். முன்னதாக வெவ்வேறு விலைகளில் விற்பனை செய்யப்பட்டு வந்த கீவே K300 R அனைத்து வேரியண்ட்களின் விலையும் தற்போது ரூ. 2 லட்சத்து 65 ஆயிரம், எக்ஸ்-ஷோரூம் என்று மாறி இருக்கிறது.

இது கீவே K300 R முந்தைய விலையை விட ரூ. 55 ஆயிரம் வரை குறைவு ஆகும். விலை குறைப்பு காரணமாக இந்த மோட்டார்சைக்கிள் விற்பனை கணிசமாக அதிகரிக்கும் என எதிர்பார்க்கப்படுகிறது. அறிமுகம் செய்ததில் இருந்தே கீவே K300 R மாடல் நல்ல வரவேற்பை பெற்று வருகிறது. இதனால் அதிக யூனிட்கள் இறக்குமதி செய்யப்படுகின்றன.

இதன் காரணமாக ஒவ்வொரு யூனிட்டை இறக்குமதி செய்வதற்கான கட்டணம் குறைந்து இருக்கிறது. இதை வாடிக்கையாளர்களுடன் பகிர்ந்து கொள்ளும் வகையில், கீவே நிறுவனம் விலை குறைப்பை அறிவித்து இருக்கிறது. இதே போன்ற விலை குறைப்பு கீவே K300 N மாடலுக்கும் அறிவிக்கப்பட்டு இருக்கிறது.

கீவே K300 R மாடலில் 292.4சிசி, லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 27.1 ஹெச்பி பவர், 25 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. செயல்திறனை பொருத்தவரை இது போட்டி நிறுவன மாடல்களை விட கணிசமான அளவு குறைவு ஆகும். 

ஹார்லி டேவிட்சன் நிறுவனம் இந்திய சந்தையில் 2023 ஃபேட் பாப் 114 மாடலை அறிமுகம் செய்தது. புதிய ஃபேட் பாப் 114 விலை ரூ. 20 லட்சத்து 49 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய ஹார்லி டேவிட்சன் ஃபேட் பாப் 114 ஒற்றை வேரியண்ட் மற்றும் மூன்று வித நிறங்களில் கிடைக்கிறது. ஒவ்வொரு நிறத்திற்கும் ஏற்ப இந்த மாடலின் விலை வேறுப்படும்.

2023 ஹார்லி டேவிட்சன் ஃபேட் பாப் 114 மாடலில் 1868சிசி, வி டுவின் என்ஜின் வழங்கப்பட்டு இருக்கிறது. இந்த என்ஜின் 92.5 ஹெச்பி பவர், 155 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த மாடல் 5.5 லிட்டர் / 100 கிலோமீட்டர் (லிட்டருக்கு 18.18 கிலோமீட்டர்) மைலேஜ் வழங்கும் என ஹார்லி டேவிட்சன் தெரிவித்து இருக்கிறது.

புதிய ஃபேட் பாப் 114 மாடல்- விவிட் பிளாக், ரெட்லைன் ரெட் மற்றும் கிரே ஹேஸ் என மூன்று விதமான நிறங்களில் கிடைக்கிறது. இதில் விவிட் பிளாக் நிற வேரியண்டின் விலை ரூ. 20 லட்சத்து 49 ஆயிரம் என்றும் ரெட்லைன் ரெட் மற்றும் கிரே ஹேஸ் நிற வேரியண்ட்களின் விலை ரூ. 20 லட்சத்து 68 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்த மாடலில் அழகிய ஹெட்லைட் டிசைன், ஃபியூவல் டேன்க் மீது இன்ஸ்ட்ரூமெண்ட் கிளஸ்டர், சாப்டு ரியர் ஃபெண்டர், ஸ்ப்லிட் ஸ்டைல் சீட், டுவின் பாட் எக்சாஸ்ட், 16 இன்ச் அலாய் வீல்கள் வழங்கப்பட்டு உள்ளது. இந்த மாடலில் முன்புறம் 43mm அப்சைடு டவுன் ஃபோர்க்குகள், பின்புறம் மோனோ ஷாக் யூனிட் வழங்கப்பட்டு இருக்கிறது.

பிரேக்கிங்கிற்கு முன்புறம் டுவின் டிஸ்க் மற்றும் நான்கு பிஸ்டன்கள், பின்புறம் இரண்டு பிஸ்டன்கள் வழங்கப்பட்டு உள்ளன. இந்த மாடலில் 13.2 லிட்டர் ஃபியூவல் டேன்க் உள்ளது. இந்த மாடலின் மொத்த எடை 306 கிலோ ஆகும்.

இந்திய சந்தையில் 2023 ஹார்லி டேவிட்சன் ஃபேட் பாப் 114 மாடல் இந்தியன் சீஃப் டார்க் ஹார்ஸ், டிரையம்ப் ராக்கெட் 3, டுகாட்டி எக்ஸ் டயவெல், பிஎம்டபிள்யூ ஆர்18 போன்ற மாடல்களுக்கு போட்டியாக அமைகிறது.