பைக்

2023 கேடிஎம் 250 அட்வென்ச்சர் மாடலில் சிங்கில் பாட் ஹெட்லைட், சிறிய விண்ட்ஸ்கிரீன் உள்ளது. கேடிஎம் 250 அட்வென்ச்சர் மாடல் கேடிஎம் ஃபேக்டரி ரேசிங் புளூ மற்றும் எலெக்டிரானிக் ஆரஞ்சு என இரண்டு நிறங்களில் கிடைக்கிறது.கேடிஎம் நிறுவனத்தின் 2023 கேடிஎம் 250 அட்வென்ச்சர் மோட்டார்சைக்கிள் இந்திய சந்தையில் அறிமுகம் செய்யப்பட்டது.

புதிய 2023 கேடிஎம் 250 அட்வென்ச்சர் மாடல் விலை ரூ. 2 லட்சத்து 46 ஆயிரத்து 651, எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய 2023 மாடலில் சமீபத்திய புகை விதிகளுக்கு பொருந்தும் மெக்கானிக்கல் அப்டேட்கள் மட்டும் மேற்கொள்ளப்பட்டுள்ளன.

அதன்படி புதிய மாடலிலும் 248.76சிசி, சிங்கில் சிலிண்டர், லிக்விட் கூல்டு என்ஜின் மற்றும் போஷ் எலெக்டிரானிக் ஃபியூவல் இன்ஜெக்ஷன் சிஸ்டம் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த என்ஜின் 29.6 ஹெச்பி பவர், 24 நியூட்டன் மீட்டர் டார்க் இழுவிசையை வெளிப்படுத்துகிறது.

இவைதவிர 2023 கேடிஎம் 250 அட்வென்ச்சர் மாடலில் ஹாலோஜன் ஹெட்லைட்கள் எல்இடி டிஆர்எல்கள், எல்இடி டெயில்லைட், எல்இடி இண்டிகேட்டர்கள், டிஜிட்டல் எல்சிடி இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. இத்துடன் டூயல் சேனல் ஏபிஎஸ், ஸ்லிப்பர் கிளட்ச் மற்றும் 12 வோல்ட் சாக்கெட் வழங்கப்பட்டுள்ளது.

ஸ்டைலிங்கை பொருத்தவரை 2023 கேடிஎம் 250 அட்வென்ச்சர் மாடலில் சிங்கில் பாட் ஹெட்லைட், சிறிய விண்ட்ஸ்கிரீன், 14.5 லிட்டர் ஃபியூவல் டேன்க், 85mm ஸ்ப்லிட் ஸ்டைல் சீட், சைடு ஸ்லங் எக்சாஸ்ட், முன்புறம் 19 இன்ச் மற்றும் பின்புறம் 17 இன்ச் அலாய் வீல்கள் வழங்கப்பட்டுள்ளன. புதிய கேடிஎம் 250 அட்வென்ச்சர் மாடல் கேடிஎம் ஃபேக்டரி ரேசிங் புளூ மற்றும் எலெக்டிரானிக் ஆரஞ்சு என இரண்டு நிறங்களில் கிடைக்கிறது.

சஸ்பென்ஷனுக்கு 43mm அப்சைடு டவுன் முன்புற ஃபோர்க்குகள், பின்புறம் பிரீ-லோட் செய்யப்பட்ட மோனோ ஷாக் யூனிட் வழங்கப்பட்டு இருக்கிறது. பிரேக்கிங்கிற்கு 320mm சிங்கில் டிஸ்க், 230mm சிங்கில் ரோட்டார் மற்றும் ஃபுளோடிங் கேலிப்பர் உள்ளது. இந்திய சந்தையில் 2023 கேடிஎம் 250 அட்வென்ச்சர் மாடல் சுசுகி வி ஸ்டார்ம் SX, ராயல் என்பீல்டு ஹிமாலயன் மற்றும் பெனலி TRK 251 போன்ற மாடல்களுக்கு போட்டியாக அமைகிறது.

கேடிஎம் இந்தியா நிறுவனம் தனது 390 அட்வென்ச்சர் மாடலை OBD2 விதிகளுக்கு ஏற்ப அப்டேட் செய்து வருகிறது. 2023 கேடிஎம் 390 அட்வென்ச்சர் மாடலில் புதிய புகை விதிகளுக்கு ஏற்ற ஹார்டுவேர் மாற்றங்கள் மட்டும் மேற்கொள்ளப்பட்டு இருக்கிறது. இதன் காரணமாக புதிய மோட்டார்சைக்கிளின் விலை அதன் முந்தைய வெர்ஷனை விட அதிகமாக நிர்ணயம் செய்யப்பட்டுள்ளது.

அதன்படி 2023 கேடிஎம் 390 அட்வென்ச்சர் மாடல் விலை ரூ. 3 லட்சத்து 38 ஆயிரத்து 746 என்று நிர்ணயம் செய்யப்பட்டுள்ளது. முன்னதாக கேடிஎம் நிறுவனம் 390 அட்வென்ச்சர் X மோட்டார்சைக்கிளை இந்தியாவில் அறிமுகம் செய்து இருந்தது. இதன் விலை ரூ. 2 லட்சத்து 80 ஆயிரத்து 652 என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

ஸ்டைலிங்கை பொருத்தவரை 2023 கேடிஎம் 390 அட்வென்ச்சர் மாடலில் ஸ்ப்லிட் ஸ்டைல் எல்இடி ஹெட்லைட், சிறிய விண்ட்ஸ்கிரீன், என்ஜின் கவுல், 14.5 லிட்டர் ஃபியூவல் டேன்க், ஸ்ப்லிட்-ஸ்டைல் சீட்கள், சைடு-ஸ்லங் எக்சாஸ்ட், முன்புறம் 19 இன்ச் அலாய் வீல், பின்புறம் 17 இன்ச் அலாய் வீல் வழங்கப்பட்டு இருக்கிறது.

புதிய 2023 கேடிஎம் 390 அட்வென்ச்சர் மாடல் அட்லாண்டிக் புளூ மற்றும் டார்க் கல்வேனோ பிளாக் என இரண்டு விதமான நிறங்களில் கிடைக்கிறது. 2023 கேடிஎம் 390 அட்வென்ச்சர் மாடலில் 373.27சிசி, சிங்கில் சிலிண்டர், லிக்விட் கூல்டு, நான்கு வால்வுகள் கொண்ட என்ஜின் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது.

இந்த என்ஜின் 42.9 ஹெச்பி பவர், 37 நியூட்டன் மீட்டர் டார்க் இழுவிசையை வெளிப்படுத்துகிறது. என்ஜின் போன்றே இந்த மாடலின் ஹார்டுவேர் அம்சங்களிலும் எந்த மாற்றமும் மேற்கொள்ளப்படவில்லை. அந்த வகையில், 2023 கேடிஎம் 390 அட்வென்ச்சர் மாடலில் ஸ்டீல் டிரெலிஸ் ஃபிரேம், போல்ட் செய்யப்பட்ட சப்-ஃபிரேம் உள்ளது. 

கேடிஎம் இந்தியா நிறுவனம் 390 அட்வென்ச்சர் சீரிசில் புதிய மோட்டார்சைக்கிளை இந்திய சந்தையில் அறிமுகம் செய்தது. கேடிஎம் 390 அட்வென்ச்சர் X பெயரில் அறிமுகமாகி இருக்கும் புதிய மாடல், அதன் ஸ்டாண்டர்டு வேரியண்டை விட குறைந்த அம்சங்களை கொண்டிருக்கிறது. இதன் காரணமாக இந்த மோட்டார்சைக்கிள் விலையும் சற்றே குறைந்து இருக்கிறது.

ஸ்டாண்டர்டு மாடலுடன் ஒப்பிடும் போது 2023 கேடிஎம் 390 அட்வென்ச்சர் X மாடலில் ஃபுல் எல்இடி லைட்டிங், டூயல் சேனல் ஏபிஎஸ், ஆஃப்-ரோட் மோட், ஸ்லிப்பர் கிளட்ச், 12 வோல்ட் யுஎஸ்பி சாக்கெட் வழங்கப்பட்டு இருக்கிறது. சற்றே குறைந்த விலையில் கிடைப்பதால், இந்த மாடலில் ப்ளூடூத் மாட்யுல் மற்றும் டிஎப்டி டிஸ்ப்ளே வழங்கப்படவில்லை. மாறாக எல்சிடி டேஷ்போர்டு வழங்கப்பட்டு இருக்கிறது. இத்துடன் குறைந்த எலெக்ட்ரிக் ரைடர் அம்சங்கள் உள்ளன.

மெக்கானிக்கல் அம்சங்களை பொருத்தவரை 390 அட்வென்ச்சர் X மாடலில் எவ்வித சமரசமும் செய்யப்படவில்லை. அந்த வகையில், இந்த மாடலிலும் 373.27சிசி, சிங்கில் சிலிண்டர், லிக்விட் கூல்டு, நான்கு வால்வுகள் கொண்ட என்ஜின் வழங்கப்பட்டு இருக்கிறது. இத்துடன் டூயல் ஒவர்ஹெட் கேம்ஷாஃப்ட் உள்ளது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது. இந்த என்ஜின் 42.9 ஹெச்பி பவர், 37 நியூட்டன் மீட்டர் டார்க் இழுவிசையை வெளிப்படுத்துகிறது.

இதன் ஹார்டுவேர் அம்சங்களும் அதன் ஸ்டாண்டர்டு மாடலில் உள்ளதை போன்றே வழங்கப்பட்டு இருக்கிறது. அதன்படி கேடிஎம் 390 அட்வென்ச்சர் X மாடலில் 43mm அப்சைட்-டவுன் WP அபெக்ஸ் முன்புற ஃபோர்க்குகள், 10-ஸ்டெப் அட்ஜஸ்ட் வசதி கொண்ட WP ரியர் மோனோ ஷாக் வழங்கப்பட்டு இருக்கிறது. பிரேகிங்கிற்கு முன்yபுறம் ஒற்றை 320mm டிஸ்க் பிரேக், பின்புறம் ஒற்றை 230mm டிஸ்க் உள்ளது. இந்த மாடலிலும் 14.5 லிட்டர் ஃபியூவல் டேன்க் வழங்கப்பட்டு இருக்கிறது.

இந்திய சந்தையில் புதிய 2023 கேடிஎம் 390 அட்வென்ச்சர் X மோட்டார்சைக்கிள் கேலக்டிக் புளூ மற்றும் டார்க் கல்வேனோ பிளாக் என இரண்டு விதமான நிறங்களில் கிடைக்கிறது. இதன் விலை ரூ. 2 லட்சத்து 80 ஆயிரம், எக்ஸ்-ஷோரூம் என்று நிர்ணயம் செய்யப்பட்டுள்ளது. புதிய 390 அட்வென்ச்சர் மோட்டார்சைக்கிள் பிஎம்டபிள்யூ G 310 GS மாடலுக்கு போட்டியாக அமைகிறது.

இந்தியா முழுக்க இயங்கி வரும் யமஹா நிறுவன விற்பனையாளர்கள், 2023 R3 மற்றும் MT 03 மாடல்களுக்கான முன்பதிவுளை அதிகாரப்பூர்வமற்ற முறையில் மேற்கொண்டு வருவதாக தகவல் வெளியாகி உள்ளது. முன்பதிவு கட்டணம் ரூ. 5 ஆயிரத்தில் துவங்கி அதிகபட்சமாக ரூ. 20 ஆயிரம் வரை நிர்ணயம் செய்யப்பட்டு இருக்கிறது.

இதுவரை வெளியாகி இருக்கும் தகவல்களின் படி இரு மாடல்களும் வரும் மாதங்களில் அறிமுகம் செய்யப்படும் என கூறப்படுகிறது. சமீபத்தில் 2023 யமஹா R3 மற்றும் யமஹா MT 03 மாடல்கள் விற்பனையாளர்களிடையே நடத்தப்பட்ட நிகழ்வில் காட்சிக்கு வைக்கப்பட்டது. இவை தவிர YZF R7 மற்றும் MT 07 மாடல்களும் காட்சிப்படுத்தப்பட்டன.

இதன் காரணமாக இந்த மாடல்களும் இந்தியாவில் அறிமுகம் செய்யப்படலாம் என்ற எதிர்பார்ப்பு எழுந்துள்ளது. புதிய யமஹா R3 மோட்டார்சைக்கிள் கேடிஎம் RC390, கவாசகி நிஞ்சா 300, டிவிஎஸ் அபாச்சி RR310 மற்றும் கீவே K300 R போன்ற மாடல்களுக்கு போட்டியாக அமைகிறது. 2019 வரை இந்த மாடல் இந்தியாவில் விற்பனை செய்யப்பட்டு வந்தது. பின் இதன் விற்பனை நிறுத்தப்பட்டது.

யமஹா MT 03 மோட்டார்சைக்கிள் R3 மாடலின் நேக்கட் வெர்ஷன் ஆகும். இது முதல்முறையாக இந்தியாவில் அறிமுகம் செய்யப்பட இருக்கிறது. இந்த மோட்டார்சைக்கிள் கேடிஎம் 390 டியூக், பிஎம்டபிள்யூ G310 R மற்றும் கீவே K300 N மாடல்களுக்கு போட்டியாக அமைகிறது. 

ஹார்லி டேவிட்சன் நிறுவனத்தின் புதிய ஹெரிடேஜ் கிளாசிக் மோட்டார்சைக்கிள் இந்திய சந்தையில் அறிமுகம் செய்யப்பட்டு இருக்கிறது. புதிய ஹெரிடேஜ் கிளாசிக் மாடல்: விவிட் பிளாக், பிராஸ்பெக்ட் கோல்டு, பிரைட் பில்லியர்ட் புளூ மற்றும் ஹெய்ர்லூம் ரெட் ஃபேட் என நான்கு விதமான நிறங்களில் கிடைக்கிறது.

2023 ஹாரிலி டேவிட்சன் ஹெரிடேஜ் கிளாசிக் விலை விவரங்கள்:

120 ஆனிவர்சரி மற்றும் க்ரோம் எடிஷன் ரூ. 27 லட்சத்து 49 ஆயிரம்

விவிட் பிளாக் மற்றும் பிளாக் ஃபினிஷ் ரூ. 26 லட்சத்து 59 ஆயிரம்

பிராஸ்பெக்ட் கோல்டு மற்றும் பிளாக் ஃபினிஷ் ரூ. 26 லட்சத்து 78 ஆயிரம்

டூ-டோன் மற்றும் பிளாக் ஃபினிஷ் ரூ. 27 லட்சத்து 29 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய ஹெரிடேஜ் கிளாசிக் மாடலில் 1868சிசி, வி டுவின் என்ஜின் வழங்கப்பட்டு இருக்கிறது. இந்த என்ஜின் 94 ஹெச்பி பவர், 155 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது. புதிய ஹார்லி பைக் 5.5 லிட்டர்கள் / 100 கிலோமீட்டர் (லிட்டருக்கு 18.18 கிலோமீட்டர்) மைலேஜ் வழங்கும் என ஹார்லி டேவிட்சன் தெரிவித்து இருக்கிறது.

இந்த மோட்டார்சைக்கிளில் 49mm டெலிஸ்கோபிக் முன்புற ஃபோர்க்குகள், மோனோஷாக் மற்றும் ஹைட்ராலிக் பிரீலோட் அட்ஜஸ்ட் செய்யும் வசதி வழங்கப்பட்டு இருக்கிறது. இந்த மாடலில் எல்இடி இலுமினேஷன், அனலாக் கன்சோல், டிஜிட்டல் இன்செட் உள்ளது. 

கீவே இந்தியா நிறுவனம் தனது K300 R ஃபுல்லி-ஃபேர்டு மோட்டார்சைக்கிளுக்கு அசத்தல் விலை குறைப்பை அறிவித்து இருக்கிறது. விலை குறைப்பு கீவே K300 R அனைத்து நிற வேரியண்டிற்கும் பொருந்தும். முன்னதாக வெவ்வேறு விலைகளில் விற்பனை செய்யப்பட்டு வந்த கீவே K300 R அனைத்து வேரியண்ட்களின் விலையும் தற்போது ரூ. 2 லட்சத்து 65 ஆயிரம், எக்ஸ்-ஷோரூம் என்று மாறி இருக்கிறது.

இது கீவே K300 R முந்தைய விலையை விட ரூ. 55 ஆயிரம் வரை குறைவு ஆகும். விலை குறைப்பு காரணமாக இந்த மோட்டார்சைக்கிள் விற்பனை கணிசமாக அதிகரிக்கும் என எதிர்பார்க்கப்படுகிறது. அறிமுகம் செய்ததில் இருந்தே கீவே K300 R மாடல் நல்ல வரவேற்பை பெற்று வருகிறது. இதனால் அதிக யூனிட்கள் இறக்குமதி செய்யப்படுகின்றன.

இதன் காரணமாக ஒவ்வொரு யூனிட்டை இறக்குமதி செய்வதற்கான கட்டணம் குறைந்து இருக்கிறது. இதை வாடிக்கையாளர்களுடன் பகிர்ந்து கொள்ளும் வகையில், கீவே நிறுவனம் விலை குறைப்பை அறிவித்து இருக்கிறது. இதே போன்ற விலை குறைப்பு கீவே K300 N மாடலுக்கும் அறிவிக்கப்பட்டு இருக்கிறது.

கீவே K300 R மாடலில் 292.4சிசி, லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 27.1 ஹெச்பி பவர், 25 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. செயல்திறனை பொருத்தவரை இது போட்டி நிறுவன மாடல்களை விட கணிசமான அளவு குறைவு ஆகும். 

ஹார்லி டேவிட்சன் நிறுவனம் இந்திய சந்தையில் 2023 ஃபேட் பாப் 114 மாடலை அறிமுகம் செய்தது. புதிய ஃபேட் பாப் 114 விலை ரூ. 20 லட்சத்து 49 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய ஹார்லி டேவிட்சன் ஃபேட் பாப் 114 ஒற்றை வேரியண்ட் மற்றும் மூன்று வித நிறங்களில் கிடைக்கிறது. ஒவ்வொரு நிறத்திற்கும் ஏற்ப இந்த மாடலின் விலை வேறுப்படும்.

2023 ஹார்லி டேவிட்சன் ஃபேட் பாப் 114 மாடலில் 1868சிசி, வி டுவின் என்ஜின் வழங்கப்பட்டு இருக்கிறது. இந்த என்ஜின் 92.5 ஹெச்பி பவர், 155 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த மாடல் 5.5 லிட்டர் / 100 கிலோமீட்டர் (லிட்டருக்கு 18.18 கிலோமீட்டர்) மைலேஜ் வழங்கும் என ஹார்லி டேவிட்சன் தெரிவித்து இருக்கிறது.

புதிய ஃபேட் பாப் 114 மாடல்- விவிட் பிளாக், ரெட்லைன் ரெட் மற்றும் கிரே ஹேஸ் என மூன்று விதமான நிறங்களில் கிடைக்கிறது. இதில் விவிட் பிளாக் நிற வேரியண்டின் விலை ரூ. 20 லட்சத்து 49 ஆயிரம் என்றும் ரெட்லைன் ரெட் மற்றும் கிரே ஹேஸ் நிற வேரியண்ட்களின் விலை ரூ. 20 லட்சத்து 68 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்த மாடலில் அழகிய ஹெட்லைட் டிசைன், ஃபியூவல் டேன்க் மீது இன்ஸ்ட்ரூமெண்ட் கிளஸ்டர், சாப்டு ரியர் ஃபெண்டர், ஸ்ப்லிட் ஸ்டைல் சீட், டுவின் பாட் எக்சாஸ்ட், 16 இன்ச் அலாய் வீல்கள் வழங்கப்பட்டு உள்ளது. இந்த மாடலில் முன்புறம் 43mm அப்சைடு டவுன் ஃபோர்க்குகள், பின்புறம் மோனோ ஷாக் யூனிட் வழங்கப்பட்டு இருக்கிறது.

பிரேக்கிங்கிற்கு முன்புறம் டுவின் டிஸ்க் மற்றும் நான்கு பிஸ்டன்கள், பின்புறம் இரண்டு பிஸ்டன்கள் வழங்கப்பட்டு உள்ளன. இந்த மாடலில் 13.2 லிட்டர் ஃபியூவல் டேன்க் உள்ளது. இந்த மாடலின் மொத்த எடை 306 கிலோ ஆகும்.

இந்திய சந்தையில் 2023 ஹார்லி டேவிட்சன் ஃபேட் பாப் 114 மாடல் இந்தியன் சீஃப் டார்க் ஹார்ஸ், டிரையம்ப் ராக்கெட் 3, டுகாட்டி எக்ஸ் டயவெல், பிஎம்டபிள்யூ ஆர்18 போன்ற மாடல்களுக்கு போட்டியாக அமைகிறது. 

சுசுகி நிறுவனம் இந்திய சந்தையில் 2023 ஹயபுசா சூப்பர்பைக் மாடலை அறிமுகம் செய்தது. புதிய 2023 ஹயபுசா மாடலின் விலை ரூ. 16 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இது முந்தைய மாடலை விட ரூ. 49 ஆயிரம் வரை அதிகம் ஆகும். புதிய மாடலுக்கான முன்பதிவு ஏற்கனவே துவங்கி நடைபெற்று வருகிறது.

சர்வதேச மாடலில் உள்ளதை போன்ற அப்டேட்களே அதன் இந்திய வேரியண்டிலும் மேற்கொள்ளப்பட்டு இருக்கிறது. இவை புதிய நிற ஆப்ஷன்கள் வடிவில் வழங்கப்பட்டுள்ளன. 2023 சுசுகி ஹயபுசா மாடல் ஸ்டிரைகிங் மெட்டாலிக் கிரே மற்றும் கேண்டி ரெட் ஹைலைட்களை கொண்டுள்ளது. இதே போன்ற அக்செண்ட்கள் வைகர் புளூ நிறத்திலும் வழங்கப்படுகிறது. இதன் முதன்மை நிறம் பியல் வைட் ஆகும்.

இதுதவிர 2023 சுசுகி ஹயபுசா மாடல் ஃபுல் பிளாக் நிற ஆப்ஷனிலும் வழங்கப்படுகிறது. இதன் பக்கவாட்டில் கிரே நிற எழுத்துக்கள், பக்கவாட்டில் க்ரோம் ஸ்டிரைப் உள்ளது. புதிய நிறம் தவிர இந்த மாடலில் வேறு எந்த மாற்றமும் மேற்கொள்ளப்படவில்லை. அந்த வகையில் இந்த மாடலிலும் 1340சிசி, இன்லைன், நான்கு சிலிண்டர்கள் கொண்ட என்ஜின் வழங்கப்பட்டு இருக்கிறது.

இந்த என்ஜின் 190 ஹெச்பி பவர், 142 நியூட்டன் மீட்டர் டார்க் இழுவிசையை வெளிப்படுத்துகிறது. இவற்றுடன் இதர எலெக்ட்ரிக் அம்சங்கள், பிரேகிங் மற்றும் சஸ்பென்ஷன் ஹார்டுவேர் உள்ளிட்ட அம்சங்களிலும் எவ்வித மாற்றமும் மேற்கொள்ளப்படவில்லை.

யமஹா மோட்டார் இந்தியா நிறுவனம் 2023 ஏரோக்ஸ் 155 ஸ்கூட்டரை இந்திய சந்தையில் அறிமுகம் செய்தது. இந்த பிரிவில் டிராக்ஷன் கண்ட்ரோல் சிஸ்டம் தொழில்நுட்பம் கொண்ட இந்தியாவின் முதல் ஸ்கூட்டர் இது ஆகும். புதிய ஏரோக்ஸ் மாடல் தவிர 2023 MT-15 V2, R15 V4 மற்றும் R15S மாடல்களை இந்திய சந்தையில் அறிமுகம் செய்து இருக்கிறது. 2023 மாடல்கள் புதிய அம்சங்கள் மற்றும் நிறங்களில் கிடைக்கிறது.

2023 ஏரோக்ஸ் 155 மாடலில் உள்ள டிராக்ஷன் கண்ட்ரோல் சிஸ்டம் தொழில்நுட்பம், எவ்வித பாதைகளிலும் ஸ்கூட்டரின் வீல்-ஸ்பின்-ஐ குறைத்து சிறப்பான கண்ட்ரோல் வழங்குகிறது. இத்துடன் புதிய ஏரோக்ஸ் மாடல் E20 எரிபொருளில் இயங்கும் வகையிலும், OBD 2 விதிகளுக்கு ஏற்றார் போல் உருவாக்கப்பட்டுள்ளது. இந்த மாடலில் வேரியபில் வால்வு ஆக்டுவேஷன் கொண்ட 155சிசி புளூ கோர் என்ஜின் வழங்கப்பட்டு இருக்கிறது.

இத்துடன் CVT டிரான்ஸ்மிஷன் வழங்கப்படுகிறது. இதில் உள்ள லிக்விட் கூல்டு, 4 ஸ்டிரோக், SOHC, 4 வால்வுகள் கொண்ட மோட்டார் 15பிஎஸ் பவர், 13.9 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 2023 ஏரோக்ஸ் மாடலில் ஹசார்ட் சிஸ்டம் ஸ்டாண்டர்டு அம்சமாகவும், முற்றிலும் புதிய சில்வர் நிறத்திலும் கிடைக்கிறது.

MT-15 V2 வாடிக்கையாளர்களுக்கு அதிக ஆப்ஷன்களை வழங்கும் நோக்கில் யமஹா நிறுவனம் 2023 மாடலை டார்க் மேட் புளூ மற்றும் மெட்டாலிக் பிளாக் என இரண்டு புதிய நிறங்களில் அறிமுகம் செய்துள்ளது. இத்துடன் ப்ளூடூத் கனெக்ட் அம்சம், விரும்புவோர் தேர்வு செய்து கொள்ளும் ஆப்ஷனாக வழங்கப்படுகிறது. இத்துடன் டூயல் சேனல் ஏபிஎஸ், டிசிஎஸ் போன்ற வசதிகள் உள்ளன.

2023 R15 V4 மற்றும் R15S வேரியண்ட்களில் அதிகம் எதிர்பார்க்கப்பட்ட அம்சம் வழங்கப்பட்டு இருக்கிறது. அதன்படி 2023 R15 V4 மாடலில் குயிக்ஷிஃப்டர் அம்சம் மற்றும் புதிதாக வைட் நிறத்தில் கிடைக்கிறது. 2023 R15S மாடலில் 155சிசி என்ஜின் மற்றும் எல்சிடி டிஸ்ப்ளே வழங்கப்பட்டு இருக்கிறது. புதிய 2023 R15 V4, R15S மற்றும் MT-15 V2 மாடல்களில் லிக்விட் கூல்டு, 4 ஸ்டிரோக், SOHC, 4 வால்வுகள் கொண்ட 155சிசி என்ஜின் வழங்கப்பட்டு இருக்கிறது.

OBD2 விதிகளுக்கு பொருந்தும் புதிய என்ஜினுடன் ஏற்கனவே வழங்கப்பட்டு இருக்கும் வேரியபில் வால்வு ஆக்டுவேஷன் தொழில்நுட்பமும் வழங்கப்படுகிறது. இத்துடன் 6 ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வழங்கப்படுகிறது. இந்த என்ஜின் 18.4 பிஎஸ் பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது.

விலை விவரங்கள்:

2023 யமஹா ஏரோக்ஸ் 155 சில்வர் நிறம் ரூ. 1 லட்சத்து 42 ஆயிரத்து 800

2023 யமஹா R15 V4 இண்டன்சிட்டி வைட் நிறம் ரூ. 1 லட்சத்து 85 ஆயிரத்து 900

2023 யமஹா MT-15 V2 மேட் புளூ மற்றும் மெட்டாலிக் பிளாக் ரூ. 1 லட்சத்து 64 ஆயிரத்து 900

2023 யமஹா R155S ரூ. 1 லட்சத்து 63 ஆயிரத்து 400

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ஹீரோ மோட்டோகார்ப் நிறுவனம் தனது விடா V1 எலெக்ட்ரிக் ஸ்கூட்டரை முதற்கட்டமாக பெங்களூரு, ஜெய்பூர் மற்றும் டெல்லி என மூன்று நகரங்களில் மட்டும் விற்பனை செய்து வந்தது. மூன்று நகரங்களை தொடர்ந்து ஹீரோ விடா V1 சென்னையில் விற்பனைக்கு வர இருக்கிறது. சென்னையில் விடா V1 எலெக்ட்ரிக் ஸ்கூட்டர் மாடலுக்கான முன்பதிவு துவங்கி நடைபெற்று வருகிறது.

இந்த ஸ்கூட்டருக்கான முன்பதிவு கட்டணம் ரூ. 499 என நிர்ணயம் செய்யப்பட்டு உள்ளது. முன்பதிவு தவிர, இந்த ஸ்கூட்டரின் விலை மற்றும் வினியோக விவரங்கள் பற்றி ஹீரோ நிறுவனம் இதுவரை எந்த தகவலும் வழங்கப்படவில்லை. பெங்களூருவில் விடா V1 எலெக்ட்ரிக் ஸ்கூட்டர் விலோ ரூ. 1 லட்சத்து 45 ஆயிரம், எக்ஸ்-ஷோரூம் என துவங்குகிறது. விடா V1 எலெக்ட்ரிக் ஸ்கூட்டர் பிளஸ் மற்றும் ப்ரோ என இரண்டு வேரியண்ட்களில் கிடைக்கிறது.

இவற்றில் ப்ரோ வேரியண்ட் விலை அதிகமாக நிர்ணயம் செய்யப்பட்டு இருப்பதோடு, நீண்ட ரேஞ்ச், சிறப்பான அக்செல்லரேஷன் மற்றும் அதிக நிற ஆப்ஷன்களிலும் கிடைக்கிறது. விடா V1 பிளஸ் மாடல் மணிக்கு 40 கிலோமீட்டர் வேகத்தை 3.4 நொடிகளிலும், ப்ரோ மாடல் மணிக்கு 40 கிலோமீட்டர் வேகத்தை 3.2 நொடிகளிலும் எட்டிவிடும். இதோடு ப்ரோ மாடலில் 3.94 கிலோவாட் ஹவர் பேட்டரியும், பிளஸ் வேரியண்டில் 3.44 கிலோவாட் ஹவர் பேட்டரியும் வழங்கப்படுகிறது.

ஹீரோ விடா V1 எலெக்ட்ரிக் ஸ்கூட்டர்களின் இரு வேரியண்ட்களும் மணிக்கு அதிகபட்சம் 80 கிலோமீட்டர் வேகத்தில் செல்லும் திறன் கொண்டுள்ளது. மேலும் இந்த ஸ்கூட்டர்களில்: இகோ, ரைட், ஸ்போர்ட் மற்றும் பயனர் கஸ்டமைஸ் செய்து கொள்ளும் வகை என மொத்தம் நான்கு ரைட் மோட்கள் உள்ளன.

ஒலா நிறுவனத்தின் புதிய S1 ப்ரோ எலெக்ட்ரிக் ஸ்கூட்டரை வாங்க விரும்புவோர், தற்போது அதனை நிறைவேற்றிக் கொள்ளலாம். இந்திய சந்தையில் ஒலா S1 ப்ரோ மாடலின் விலையில் ரூ. 5 ஆயிரம் குறைக்கப்பட்டு இருக்கிறது. அதன்படி ஒலா S1 ப்ரோ விலை தற்போது ரூ. 1 லட்சத்து 25 ஆயிரம், எக்ஸ்-ஷோரூம் என மாறி இருக்கிறது.

விலை குறைப்பு ஏப்ரல் 16 ஆம் தேதி வரை மட்டுமே வழங்கப்படும் என ஒலா எலெக்ட்ரிக் அறிவித்து இருக்கிறது. பிரீமியம் எலெக்ட்ரிக் ஸ்கூட்டர் விற்பனையை அதிகப்படுத்தும் நோக்கில், இந்த சலுகை அறிவிக்கப்பட்டுள்ளது. 2023 நிதியாண்டில் ஒலா எலெக்ட்ரிக் நிறுவனம் சுமார் ஒரு லட்சத்திற்கும் அதிக யூனிட்களை விற்பனை செய்து இருக்கிறது.

வழக்கமாக ஒலா S1 ப்ரோ விலை ரூ. 1 லட்சத்து 30 ஆயிரம் என நிர்ணயம் செய்யப்பட்டு இருக்கிறது. தற்போது குறுகிய கால விலை குறைப்பில் இதன் விலை ரூ. 5 ஆயிரம் வரை குறைந்துள்ளது. இதன் காரணமாக ஒலா S1 ப்ரோ விலை குறுகிய காலக்கட்டத்திற்கு ரூ. 1 லட்சத்து 25 ஆயிரம் என மாறியுள்ளது.

இந்திய சந்தையில் ஒலா S1 ப்ரோ ஸ்கூட்டர்: கெருயா, ஜெட் பிளாக், பொர்சிலைன் வைட், நியோ மிண்ட், கோரல் கிளாம், லிக்விட் சில்வர், மேட் பிளாக், ஜெட் பிளாக், மிட்நைட் புளூ, ஆந்த்ரசைட் கிரே, மிலெனியல் பின்க் மற்றும் மார்ஷ்மெல்லோ என 12 விதமான நிறங்களில் கிடைக்கிறது.

ஒலா S1 ப்ரோ அம்சங்கள்:

ஒலா S1 ப்ரோ எலெக்ட்ரிக் ஸ்கூட்டரில் 5.5 கிலோவாட் மோட்டார் மற்றும் 4 கிலோவாட் ஹவர் பேட்டரி வழங்கப்படுகிறது. இதில் உள்ள மோட்டார் 8.5 கிலோவாட் பவர் வெளிப்படுத்தும் திறன் கொண்டிருக்கிறது. இந்த ஸ்கூட்டர் முழு சார்ஜ் செய்தால் 181 கிலோமீட்டர் வரை செல்லும். இதுதவிர 7 இன்ச் TFT டிஸ்ப்ளே, நேவிகேஷன், மியூசிக் பிளேபேக், ரிவர்ஸ் மோட், குரூயிஸ் கண்ட்ரோல் உள்ளிட்டவை வழங்கப்பட்டு இருக்கிறது.

கவாசகி இந்தியா நிறுவனம் 2023 வல்கன் S மோட்டார்சைக்கிளை இந்திய சந்தையில் அறிமுகம் செய்து இருக்கிறது. புதிய கவாசகி வல்கன் S மாடலின் விலை ரூ. 7 லட்சத்து 10 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

2023 சீரிசுக்கு இந்த மோட்டார்சைக்கிள் ஒற்றை வேரியண்ட், மெட்டாலிக் மேட் கார்பன் கிரே எனும் ஒற்றை நிற ஆப்ஷனில் கிடைக்கிறது. இதுதவிர மோட்டார்சைக்கிளின் ஒட்டுமொத்த ஸ்டைலிங் எவ்வித மாற்றமும் பெறவில்லை. 2023 கவாசகி வல்கன் S மாடலிலும் நீண்ட மற்றும் லோ ஸ்டான்ஸ், சிங்கில் பாட் ஹெட்லைட், வளைந்த ஃபியூவல் டேன்க் மற்றும் காம்பேக்ட் எக்சாஸ்ட் உள்ளிட்டவை வழங்கப்பட்டு இருக்கிறது.

புதிய கவாசகி 2023 மாடலில் 649சிசி, பேரலல் டுவின் லிக்விட் கூல்டு எஞ்சின் வழங்கப்பட்டு இருக்கிறது. இந்த எஞ்சின் 59.9 ஹெச்பி பவர், 62.4 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது. சஸ்பென்ஷனுக்கு முன்புறம் 41mm டெலிஸ்கோபிக் ஃபோர்க்குகள், பின்புறம் ரியர் மோனோ ஷாக் உள்ளது.

பிரேக்கிங்கிற்கு முன்புறம் 300mm சிங்கில் டிஸ்க், பின்புறம் 250mm ரோட்டார், பாதுகாப்பிற்கு டூயல் சேனல் ஏபிஎஸ் வழங்கப்பட்டு இருக்கிறது. இந்திய சந்தையில் 2023 கவாசகி வல்கன் S மாடல் ராயல் என்ஃபீல்டு சூப்பர் மீடியோர் 650 மற்றும் பெனலி 502C போன்ற மாடல்களுக்கு போட்டியாக அமைகின்றன. போட்டி நிறுவன மாடல்கள் இரண்டும் வல்கன் S-ஐ விட குறைந்த விலையில் கிடைக்கின்றன.