பைக்

டிரையம்ப் மோட்டார்சைக்கிள்ஸ் நிறுவனம் தனது ஸ்பீடு 400 மற்றும் ஸ்கிராம்ப்லர் 400X மோட்டார்சைக்கிள் மாடல்களை அறிவித்து இருக்கிறது. இந்த இரண்டு மோட்டார்சைக்கிள்களும் பஜாஜ் நிறுவனத்துடன் இணைந்து உருவாக்கப்பட்டு இருக்கிறது. இவற்றின் உற்பத்தி இந்தியாவிலேயே நடைபெற இருக்கிறது.

இரண்டு 400சிசி மோட்டார்சைக்கிள்களும் தோற்றத்தில் மிகவும் புதிதாக காட்சியளிக்கின்றன. அதனிநவீன தோற்றம் கொண்ட இந்த மாடல்களில் ஸ்பீடு 400 மட்டும் ஸ்பீடு டுவின் 900 போன்று காட்சியளிக்கிறது. ஸ்கிராம்ப்லர் 400X மாடல், வழக்கமான ஸ்கிராம்ப்லர் மாடல் போன்று காட்சியளிக்கவில்லை. இதன் சஸ்பென்ஷன் ஸ்பீடு 400 மாடலில் உள்ளதை போன்றே வழங்கப்பட்டு இருக்கிறது.

ஸ்கிராம்ப்லர் 400X மாடலில் ஹேன்ட் கார்டுகள், ஸ்ப்லிட் சீட்கள் மற்றும் வித்தியாசமான எக்சாஸ்ட் உள்ளது. இரு மாடல்களிலும் 398சிசி, லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 39.5 ஹெச்பி பவர், 37.5 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

டிரையம்ப் ஸ்பீடு 400 மற்றும் ஸ்கிராம்ப்லர் 400X மாடல்களில் 43mm பிஸ்டன், 150mm டிராவல், மோனோ-ஷாக் சஸ்பென்ஷன் வழங்கப்பட்டு உள்ளது. அம்சங்களை பொருத்தவரை இரு மாடல்களிலும் ரைடு-பை-வயர், ஸ்விட்ச் செய்யக்கூடிய டிராக்ஷன் கண்ட்ரோல் சிஸ்டம், எல்இடி லைட்கள், பார்ட் டிஜிட்டல் இன்ஸ்ட்ரூமென்ட் கிளஸ்டர் உள்ளது.

டிரையம்ப் ஸ்பீடு 400 மாடல் கார்னிவல் ரெட், கேஸ்பியன் புளூ மற்றும் ஃபேன்டம் பிளாக் நிறங்களில் கிடைக்கிறது. ஸ்கிராம்ப்லர் 400X மாடல் காக்கி கிரீன், கார்னிவல் ரெட் மற்றும் ஃபேன்டம் பிளாக் நிறங்களில் கிடைக்கிறது. இரு மாடல்களும் ஜூலை 5-ம் தேதி இந்திய சந்தையில் அறிமுகம் செய்யப்படுகிறது. வினியோகம் ஆகஸ்ட் மாதம் துவங்குகிறது.

ஹீரோ நிறுவனத்தின் புதிய ஸ்கூட்டர் ஸ்பை படங்கள் வெளியாகி உள்ளது. ஹீரோ மோட்டோகார்ப் ஜெய்பூர் ஆய்வு மற்றும் வளர்ச்சி மையத்திற்கு அருகில் புதிய ஸ்கூட்டர் டெஸ்டிங் செய்யப்படுகிறது. ஸ்பை படங்களில் ஸ்கூட்டரின் பக்கவாட்டு மற்றும் முன்புற தோற்றம் எப்படி இருக்கும் என்று தெரியவந்துள்ளது.

அதன்படி ஸ்கூட்டரில் கூர்மையான முன்புறம், பக்கவாட்டில் பட்ச் பாடிவொர்க் செய்யப்பட்டு உள்ளது. பக்கவாட்டு பேனலில் உள்ள கிரீஸ்கள் ஹீரோ ஜூம் மாடலில் உள்ளதை போன்றே காட்சியளிக்கிறது. முன்புற டிசைனும் ஜூம் மாடலில் உள்ளதை போன்று காட்சியளிக்கிறது.

ஹீரோ நிறுவனம் தனது ஜூம் ஸ்கூட்டரின் பெரிய வெர்ஷனை உருவாக்கி வருவதாக தெரிகிறது. முன்னதாக இதுபற்றிய தகவல்கள் இணையத்தில் வெளியாகி இருந்தது. அந்த வகையில் டெஸ்டிங் செய்யப்படும் ஸ்கூட்டரும் 125சிசி மாடலாக இருக்கும் என்று தெரிகிறது. அந்த வகையில், இந்த மாடலில் 125சிசி சிங்கில் சிலின்டர் என்ஜின் வழங்கப்படுகிறது.

இத்துடன் டெலிஸ்கோபிக் முன்புற ஃபோர்க்குகள், பின்புறம் மோனோஷாக் யூனிட், பிரேக்கிங்கிற்கு முன்புறம் டிஸ்க் யூனிட், முழுமையான டிஜிட்டல் கன்சோல் மற்றும் ஸ்மார்ட்போன் கனெக்டிவிட்டி போன்ற அம்சங்கள் வழங்கப்படுகிறது.

Photo Courtesy: Rushlane

ஹோண்டா நிறுவனம் முற்றிலும் புதிய CB300R மோட்டார்சைக்கிளை அறிமுகம் செய்து இருக்கிறது. புதிய என்ட்ரி லெவல் பிரீமியம் ஸ்டிரீட் மாடல் 2024 ஆண்டிற்காக அப்டேட் செய்யப்பட்டு உள்ளது. ஜப்பானை சேர்ந்த ஹோண்டா நிறுவனத்தின் 2024 CB300R மாடல்- மேட் பிளாக் மெட்டாலிக் மற்றும் பியல் டஸ்க் எல்லோ என இரண்டு புதிய நிறங்களில் கிடைக்கிறது.

இரு நிறங்களில் கிடைக்கும் மோட்டார்சைக்கிள் மாடல்களின் விற்பனை அமெரிக்காவில் நடைபெற இருக்கிறது. புதிய மாடலில் மெக்கானிக்கல் அப்டேட்கள் எதுவும் மேற்கொள்ளப்படவில்லை. இந்த மாடலில் 286சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது.

இத்துடன் முன்புறம் அப்சைடு டவுன் ஃபோர்க்குகள், பின்புறம் மோனோ ஷாக் யூனிட் வழங்கப்பட்டு உள்ளது. இந்த மாடலில் பெட்டல் ரக டிஸ்க் பிரேக்குகள், 17 இன்ச் அலாய் வீல்கள், எல்இடி லைட்டிங், டிஜிட்டல் இன்ஸ்ட்ரூமென்ட் கிளஸ்டர், டூயல் சேனல் ஏபிஎஸ் மற்றும் ஸ்லிப்பர் அசிஸ்ட் கிளட்ச் உள்ளது.

புதிய 2024 ஹோண்டா CB300R மாடல் இந்திய சந்தையிலும் அறிமுகம் செய்யப்படும் என்று எதிர்பார்க்கலாம். இதன் விலை தற்போதைய மாடலை விட அதிகமாகவே நிர்ணயம் செய்யப்படும் என்று தெரிகிறது.

இந்தியாவில் தற்போது விற்பனை செய்யப்பட்டு வரும் ஹோண்டா CB300R பியல் ஸ்பார்டன் ரெட் மற்றும் மேட் ஸ்டீல் பிளாக் மாடல்கள் விலை ரூ. 2 லட்சத்து 77 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

டுகாட்டி இந்தியா நிறுவனம் தனது 2023 பனிகேல் V4 R சூப்பர் பைக் மாடலை இந்திய சந்தையில் அறிமுகம் செய்து இருக்கிறது. புதிய 2023 டுகாட்டி பனிகேல் V4 R விலை ரூ. 69 லட்சத்து 99 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

இந்த மாடலில் 998சிசி, நான்கு சிலின்டர்கள் கொண்ட லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 215 ஹெச்பி பவர், 111.3 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இத்துடன் அக்ரபோவிக், ஃபுல் சோர்ஸ் எக்சாஸ்ட் வழங்கப்பட்டு இருக்கிறது. இதன் காரணமாக இந்த பைக்கின் எடை 5 கிலோ வரை குறைந்துள்ளது. மேலும் 6 ஸ்பீடு கியர்பாக்ஸ் மற்றும் பை-டைரெக்ஷனல் குயிக்ஷஃப்டர் வழங்கப்பட்டு இருக்கிறது.

சஸ்பென்ஷனிற்கு முன்புறம் 43mm ஆலின்ஸ் NPX 25/30 ஃபோர்க்குகள், பின்புறம் ஆலின்ஸ் TTX 36 மோனோ ஷாக் யூனிட் வழங்கப்பட்டு இருக்கிறது. பிரேக்கிங்கிற்கு டுவின் 330mm முன்புற டிஸ்க், பிரெம்போ ஸ்டைல்மா M4.30 கேலிப்பர்கள், பின்புறம் 245mm சிங்கில் ரோட்டார், 2 பிஸ்டன் கேலிப்பர்கள் உள்ளன.

இந்த மாடலில் உள்ள காம்ப்ரிஹென்சிவ் எலெக்டிரானிக்ஸ் பேக்கேஜ் நான்கு ரைடிங் மோட்கள், கார்னெரிங் ஏபிஎஸ், டிராக்ஷன் கண்ட்ரோல், லான்ச் கண்ட்ரோல், வீலி கண்ட்ரோல், ஸ்லைடு கண்ட்ரோல், என்ஜின் பிரேக் கண்ட்ரோல் மற்றும் ஆட்டோ டயர் கலிபரேஷன் போன்ற வசதிகளை வழங்குகிறது.

இத்துடன் மெஷின்டு மிரர் பிளாக் ஆஃப் பிளேட்கள், டுகாட்டி டேட்டா அனலைசர் மற்றும் ஜிபிஎஸ் மாட்யுல் வழங்கப்படுகிறது. இதுதவிர புதிய மாடலிலும் டுவிட் பாட் ஹெட்லைட், ஃபுல் ஃபேரிங், ஏரோடைனமிக் விங்லெட்கள், ரைடர் இருக்கை, சிங்கில் சைடு ஸ்விங்ஆர்ம் வழங்கப்படுகிறது.

பிஎம்டபிள்யூ மோட்டராட் நிறுவனம் தனது R 1300 GS பிளாக்ஷிப் அட்வென்ச்சர் மோட்டார்சை்கிளை செப்டம்பர் 28-ம் தேதி அறிமுகம் செய்வதாக அறிவித்து இருக்கிறது. இந்த மாடல் முதற்கட்டமாக பெர்லினில் அறிமுகம் செய்யப்படுகிறது.

புதிய மாடல் தற்போது விற்பனை செய்யப்படும் R 1250 GS மாடலின் மேம்பட்ட வெர்ஷன் ஆகும். இதில் 1300சிசி பாக்சர் டுவின் என்ஜின் வழங்கப்படுகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 143 ஹெச்பி பவர், 143 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கும்.

இத்துடன் பிஎம்டபிள்யூ ஷிஃப்ட்கேம் தொழில்நுட்பம் வழங்கப்படும் என்று தெரிகிறது. இது தற்போதைய 1250 மாடலில் உள்ளதை விட வித்தியாசமாக டியூன் செய்யப்பட்டு இருக்கும் என்று எதிர்பார்க்கலாம். இதுவரை வெளியாகி இருக்கும் ஸ்பை படங்களில் புதிய R 1250 GS மாடலின் டிசைன் விவரங்கள் வெளியாகி உள்ளன.

பிஎம்டபிள்யூ R 1250 GS மாடலில் எல்இடி ஹெட்லைட், ரேடார் சிஸ்டம், பீக் மற்றும் ஆக்சிலரி லைட்கள், சிறிய வைசர் வழங்கப்படுகிறது. இந்த மாடலின் முன்புறம் 19 இன்ச் வீல், பின்புறம் 17 இன்ச் வீல் வழங்கப்படுகிறது.

இத்துடன் எல்இடி இலுமினேஷன், ரேடார் சார்ந்த குரூயிஸ் கண்ட்ரோல், கொலிஷன் வார்னிங், பிலைன்ட்-ஸ்பாட் மானிட்டரிங், டிஜிட்டல் கன்சோல், ஜிபிஎஸ், ரைடு மோட்கள், டிராக்ஷன் கண்ட்ரோல், ஏபிஎஸ் போன்ற அம்சங்கள் வழங்கப்படுகிறது.

செப்டம்பர் அறிமுக நிகழ்வை தொடர்ந்து பிஎம்டபிள்யூ மோட்டராட் நிறுவனம் தனது R 1250 GS மாடலை இந்தியா உள்பட பல்வேறு உலக நாடுகளில் இந்த ஆண்டு இறுதியிலோ அல்லது அடுத்த ஆண்டு துவக்கத்திலோ அறிமுகம் செய்யும் என்று தெரிகிறது.

ராயல் என்பீல்டு நிறுவனத்தின் முற்றிலும் புதிய கிளாசிக் 650 மாடல் இந்தியாவில் டெஸ்டிங் செய்யப்படும் புகைப்படங்கள் முதல் முறையாக வெளியாகி உள்ளது. புகைப்படங்கள் அதிக தெளிவற்ற நிலையிலேயே காட்சியளிக்கின்றன. எனினும், புதிய கிளாசிக் 650 மாசலின் ஒட்டுமொத்த தோற்றம் மற்றும் டிசைன் அம்சங்கள் தெரியவந்துள்ளது.

ஸ்பை படங்களில் உள்ள மாடலில் வழக்கமான டெலிஸ்கோபிக் ஃபோர்க்குகள், ஃபோர்க் கவர்கள், கிளாசிக் 350 மாடலில் உள்ளதை போன்ற ஹெட்லேம்ப் கேசிங் உள்ளது. இத்துடன் வயர்-ஸ்போக் வீல்கள், நீண்ட மட்கார்டுகள், ஸ்ப்லிட் சீட்கள் வழங்கப்பட்டு இருக்கின்றன. ராயல் என்பீல்டு கிளாசிக் 650 மாடலில் பீஷூட்டர் எக்சாஸ்ட்கள் உள்ளன. இது பைக்கின் ஒட்டுமொத்த டிசைனுடன் ஒற்றுப் போகும் வகையில் உள்ளது.

Photo Courtesy: Bikewale

இந்த மாடலில் சென்டர்-செட் ஃபூட்பெக், அப்ரைட் ஹேன்டில்பார் வழங்கப்பட்டு இருக்கிறது. புதிய கிளாசிக் 650 மாடல் சூப்பர் மீடியோர் 650 பிளாட்ஃபார்மில் உருவாக்கப்பட்டு இருக்கும் என்பதால், இந்த மாடலில் 648சிசி, ஆயில் கூல்டு, டுவின் சிலிண்டர் மோட்டார் வழங்கப்பட்டுள்ளது. இந்த என்ஜின் 47 ஹெச்பி பவர், 52 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ், ஸ்லிப்பர் கிளட்ச் வழங்கப்படுகிறது.

ராயல் என்பீல்டு கிளாசிக் 650 மாடல் 2025 வாக்கில் இந்திய சந்தையில் அறிமுகம் செய்யப்படலாம். இந்த மாடலின் விலை இன்டர்செப்டார் 650 மற்றும் சூப்பர் மீடியோர் 650 மாடல்களின் இடையில் நிலை நிறுத்தப்படும் என்று தெரிகிறது. அந்த வகையில், இதன் விலை ரூ. 3 லட்சத்து 25 ஆயிரம், எக்ஸ்-ஷோரூம் என்று நிர்ணயம் செய்யப்படலாம்.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் OBD 2 விதிகளுக்கு பொருந்தும் புதிய ஷைன் 125 மாடலை இந்திய சந்தையில் அறிமுகம் செய்து இருக்கிறது. பிரீமியம் கம்யூட்டர் பிரிவில் நிலை நிறுத்தப்பட்டு இருக்கும் ஹோண்டா ஷைன் 125 மாடலின் புதிய வெர்ஷன் இரண்டு வேரியண்ட்களில் கிடைக்கிறது.

புதிய ஹோண்டா ஷைன் OBD 2 வெர்ஷனின் விலை ரூ. 79 ஆயிரத்து 800 என துவங்குகிறது. இதன் டாப் எண்ட் மாடல் விலை ரூ. 83 ஆயிரத்து 800 என்று நிர்ணயம் செய்யப்பட்டு உள்ளது. இதன் பேஸ் வேரியண்டில் இரண்டு புறமும் டிரம் பிரேக்குகளை கொண்டிருக்கின்றன. இதன் டாப் எண்ட் மாடல் டிஸ்க் பிரேக் கொண்டிருக்கிறது.

ஸ்டைலிங் அடிப்படையில் 2023 ஹோண்டா ஷைன் 125 புதிய வெர்ஷன் அதன் முந்தைய மாடல் போன்றே காட்சியளிக்கிறது. இதில் சிங்கில் பாட் ஹெட்லைட், பாடி நிறத்தால் ஆன கௌல், முன்புற ஃபென்டர் சிங்கில் பீஸ் சீட், சைடு ஸ்லங் எக்சாஸ்ட், 5 ஸ்போக் கொண்ட அலாய் வீல்கள், டியூப்லெஸ் டயர்கள் வழங்கப்படுகிறது.

ஹெட்லைட் கவர், சைடு பேனல்கள், மஃப்ளர் ஹெட் கவர் உள்ளிட்டவைகளில் க்ரோம் எலிமென்ட்கள் உள்ளன. புதிய ஷைன் 125 மாடலின் இரண்டு வேரியண்ட்களும்- பிளாக், கெனி கிரே மெட்டாலிக், மேட் ஆக்சிஸ் கிரே, ரிபல் ரெட் மெட்டாலிக் மற்றும் டிசென்ட் புளூ மெட்டாலிக் என ஐந்து வித நிறங்களில் கிடைக்கிறது.

புதிய ஹோண்டா ஷைன் 125 மாடலில் 125சிசி, சிங்கில் சிலின்டர், ஏர் கூல்டு என்ஜின் மற்றும் ஃபியூவல் இன்ஜெக்ஷன் தொழில்நுட்பம், மேம்பட்ட ஸ்மார்ட் பவர், ஹோண்டா ACG ஸ்டார்டர் வழங்கப்பட்டு இருக்கிறது. இதில் உள்ள என்ஜின் OBD 2 மற்றும் E20 ரக எரிபொருளில் இயங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு உள்ளது.

மற்ற அம்சங்களை பொருத்தவரை என்ஜின் ஸ்டார்ட்/ஸ்டாப் ஸ்விட்ச், இன்டகிரேட் செய்யப்பட்ட ஹை பீம் ஃபிலாஷர், வெளிப்புற ஃபியூவல் பம்ப் மற்றும் கம்பைன்டு பிரேக்கிங் சிஸ்டம் மற்றும் ஈக்வலைசர் வழங்கப்படுகிறது. இதன் டாப் எண்ட் மாடலில் முன்புறம் டிஸ்க் பிரேக் உள்ளது. இத்துடன் ஹோண்டாவின் விசேஷமான பத்து ஆண்டுகள் வாரண்டியுடன் கிடைக்கிறது.

ஒலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் விரைவில் புதிய ஒலா எலெக்ட்ரிக் ஸ்கூட்டர் அறிமுகம் செய்யப்பட இருப்பதாக தனது டுவிட்டரில் அதிகாரப்பூர்வமாக அறிவித்து இருக்கிறார். இந்த எலெக்ட்ரிக் ஸ்கூட்டர் ஒலா எலெக்ட்ரிக் நிறுவனத்தின் S1 சீரிசில் புதிய வாகனமாக இருக்கும் என்று தெரிகிறது.

புதிய ஒலா S1 ஸ்கூட்டருக்கான டீசரும் வெளியிடப்பட்டு இருக்கிறது. அதில் புதிய ஒலா எலெக்ட்ரிக் ஸ்கூட்டரிலும், தற்போதைய மாடல்களில் உள்ளதை போன்றே, பாட்-வடிவ எல்இடி ஹெட்லைட்களை கொண்டிருக்கும் என்று தெரியவந்துள்ளது. இந்த எலெக்ட்ரிக் ஸ்கூட்டர் ஜூலை மாதம் அறிமுகம் செய்யப்பட இருக்கிறது.

பெங்களூரை சேர்ந்த ஒலா எலெக்ட்ரிக் நிறுவன உற்பத்தியாளரான ஒலா எலெக்ட்ரிக் ஜூலை மாதம் நடைபெற இருக்கும் #endICEAge நிகழ்வின் முதல் பாகத்தில் புதிய எலெக்ட்ரிக் ஸ்கூட்டர் வெளியிடப்பட இருக்கிறது. டீசர்களில் மூன்று ஹெட்லைட்கள் இருளில் பிரகாசமாக எரிவது போன்று காட்சியளிக்கிறது. மேலும் இதன் முன்புறம் சிறிய வின்ட்ஸ்கிரீன் காணப்படுகிறது.

சமீபத்தில் தான் ஒலா எலெக்ட்ரிக் நிறுவனம் தனது S1 சீரிஸ் மாடல்களை மாற்றியமைத்தது. அதில் ஒலா S1 ஏர் மாடலின் 2 கிலோவாட் ஹவர் மற்றும் 4 கிலோவாட் ஹவர் வெர்ஷன்கள் நிறுத்தப்பட்டது. அந்த வகையில், தற்போது ஒலா S1 ஏர் மாடல் 3 கிலோவாட் ஹவர் பேட்டரி ஆப்ஷனில் மட்டுமே கிடைக்கிறது. இந்த மாடல் முழு சார்ஜ் செய்தால் 125 கிலோமீட்டர்கள் வரையிலான ரேன்ஜ் வழங்குகிறது.

ஹீரோ மோட்டோகார்ப் நிறுவனத்தின் முற்றிலும் புதிய மோட்டார்சைக்கிள் டெஸ்டிங் செய்யப்படும் புகைப்படங்கள் இணையத்தில் வெளியாகி உள்ளது. இந்த மாடல் ஹீரோ நிறுவனத்தின் 125சிசி பிரீமியம் மோட்டார்சைக்கிளாக இருக்கும் என்று தெரிகிறது.

வழக்கமான 125சிசி மோட்டார்சைக்கிள் மாடல்களுடன் ஒப்பிடும் போது, புதிய மாடல் பட்ச் பாடிவொர்க் கொண்டிருக்கிறது. புதிய மாடல் மூலம் ஹீரோ நிறுவனம் இளம் தலைமுறை வாடிக்கையாளர்களை கவர முடிவு செய்திருப்பதாக தெரிகிறது. இதன் பெட்ரோல் டேன்க் அகலமாக காட்சியளிக்கிறது.

பெட்ரோல் டேன்க்-ஐ சுற்றிய ஷிரவுட்களும் இந்த மாலில் உள்ளது. இத்துடன் எல்இடி ஹெட்லைட், டெயில் லைட், எல்இடி இன்டிகேட்டர்கள் வழங்கப்பட்டு இருக்கின்றன. இத்துடன் ஸ்ப்லிட் சீட் செட்டப், சிங்கில் பீஸ் ஹேன்டில்பார் வழங்கப்படுகிறது.

என்ஜினை பொருத்தவரை புதிய மாடல் 125சிசி யூனிட் பெற்று இருக்கிறது. இத்துடன் 5 ஸ்பீடு கியர்பாக்ஸ் வழங்கப்படுகிறது. இத்துடன் டெலிஸ்கோபிக் முன்புற ஃபோர்க்குகள், பின்புறம் மோனோஷாக் சஸ்பென்ஷன் வழங்கப்படுகிறது. பிரேக்கிங்கை பொருத்தவரை முன்புறம் டிஸ்க், பின்புறம் டிரம் பிரேக் வழங்கப்படுகிறது.

எல்இடி லைட்டிங் தவிர, புதிய மாடலில் முழுமையான டிஜிட்டல் கன்சோல் வழங்கப்படுகிறது. இது மற்ற ஹீரோ மாடல்களில் உள்ள யூனிட்-ஆகவே இருக்கும் என்று தெரிகிறது. ஹீரோ நிறுவனம் சமீபத்தில் தான் எக்ஸ்டிரீம் 160R 4V மாடலை இந்தியாவில் அறிமுகம் செய்தது. இதுதவிர ஹீரோ நிறுவனம் கரிஸ்மா XMR210 மாடலை அறிமுகம் செய்ய இருக்கிறது.

Photo Courtesy: bikewale

யமஹா மோட்டார் இந்தியா நிறுவனம் தனது அதிகம் எதிர்பார்க்கப்படும் R3 மற்றும் MT 03 மோட்டார்சைக்கிள் மாடல்களை அறிமுகம் செய்வதற்கான பணிகளில் ஈடுபட்டு வருகிறது. இரு மிட் ரேன்ஜ் மாடல்களும் இந்திய சந்தையில், பண்டிகை காலக்கட்டத்தில் அறிமுகம் செய்யப்படும் என்று கூறப்படுகிறது. இது தொடர்பான அதிகாரப்பூர்வ அறிவிப்பு வரும் வாரங்களில் வெளியாகும் என்று தெரிகிறது.

இரு மோட்டார்சைக்கிள் மாடல்களுக்கான முன்பதிவு யமஹா விற்பனையாளர்கள், அதிகாரப்பூர்வமற்ற முறையில் மேற்கொண்டு வருகின்றனர். யமஹா R3 மற்றும் MT 03 மாடல்கள் சமீபத்தில் நடைபெற்ற டீலர்களுக்கான நிகழ்வில் காட்சிக்கு வைக்கப்பட்டது. இரு மாடல்களுடன் R7, MT 07 மற்றும் MT 09 மாடல்களும் காட்சிக்கு வைக்கப்பட்டன.

இந்த நிகழ்வில் கலந்து கொண்டவர்கள், புதிய மாடல்களின் புகைப்படங்களை ஆன்லைனில் பகிர்ந்து கொண்டனர். யமஹா R3 மாடல், கேடிஎம் RC390 மற்றும் கவாசகி நின்ஜா 300 மாடல்களுக்கு போட்டியாக உருவாக்கப்பட்டு இருக்கும் ஃபுல்லி ஃபேர்டு மோட்டார்சைக்கிள் ஆகும். மேலும் MT 03 மாடல் கேடிஎம் 390 டியூக், பிஎம்டபிள்யூ G310R மாடல்களுக்கு போட்டியாக அமைகிறது.

இரு மாடல்களிலும் 321சிசி, பேரலல் டுவின், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 40.4 ஹெச்பி பவர், 29.4 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ், ஸ்லிப்பர் கிளட்ச் வழங்கப்பட்டு இருக்கிறது. இரு மாடல்களிலும் KYB அப்சைடு-டவுன் முன்புற ஃபோர்க்குகள், மோனோஷாக் ரியர் சஸ்பென்ஷன், டிஜிட்டல் இன்ஸ்ட்ரூமென்ட் கிளஸ்டர், எல்இடி லைட்டிங் சிஸ்டம் போன்ற அம்சங்கள் வழங்கப்பட்டு உள்ளன.

பிரேக்கிங்கிற்கு இரு வீல்களிலும் முன்புறம் 298mm, பின்புறம் 220mm டிஸ்க் பிரேக்குகள், டூயல் சேனல் ஏபிஎஸ் வழங்கப்படுகிறது. புதிய யமஹா R3 விலை ரூ. 3.5 லட்சத்தில் துவங்கி, ரூ. 4 லட்சம் வரை நிர்ணயம் செய்யப்படும் என்று கூறப்டுகிறது. புதிய MT 03 மாடலின் விலை ரூ. 3 லட்சத்தில் துவங்கி ரூ. 3.7 லட்சம், எக்ஸ்-ஷோரூம் வரை நிர்ணயம் செய்யப்படலாம்.

சிம்பில் எனர்ஜி நிறுவனம் விரைவில் இரண்டு புதிய எலெக்ட்ரிக் ஸ்கூட்டர் மாடல்களை அறிமுகம் செய்ய திட்டமிட்டு வருகிறது. இந்த எலெக்ட்ரிக் ஸ்கூட்டர்கள் சமீபத்தில் அறிமுகம் செய்யப்பட்ட சிம்பில் ஒன் மாடலின் கீழ் நிலைநிறுத்தப்படும் என்று கூறப்படுகிறது.

புதிய எலெக்ட்ரிக் ஸ்கூட்டர்கள் கவர்ச்சிகர விலை கொண்டிருக்கும் என்றும் இவை சிம்பில் ஒன் பிளாட்ஃபார்மில் உருவாக்கப்படும் என்றும் சிம்பில் எனர்ஜி தெரிவித்து உள்ளது. தற்போது புதிய எலெக்ட்ரிக் ஸ்கூட்டர்கள் பற்றி வேறு எந்த தகவலும் இல்லை.

எனினும், விலை அடிப்படையில் பார்க்கும் போது, புதிய ஸ்கூட்டர்களில் சற்றே சிறிய பேட்டரி பேக் மற்றும் அம்சங்கள் வழங்கப்படும் என்று தெரிகிறது. இதன் மூலம் அதிக வாடிக்கையாளர்களிடம் சிம்பில் எனர்ஜி வாகனங்களை கொண்டு சேர்க்க முடியும்.

முந்தைய காலக்கட்டத்தில் சிம்பில் எனர்ஜி நிறுவனம் புதிய வாகனங்கள் வெளியீடு பற்றிய தகவல் அளித்து, பின் அதனை தாமதமாக வெளியிட்டு இருக்கிறது. அந்த வகையில், புதிய எலெக்ட்ரிக் ஸ்கூட்டர்களின் வெளியீடு தாமதமாகுமோ என்ற கேள்வி பரவலாக ஏற்பட்டுள்ளது. இந்த முறையாவது சிம்பில் எனர்ஜி நிறுவனம் சொன்னதை செய்யுமா என்ற எதிர்பார்ப்பு எழுந்துள்ளது.

ஹீரோ மோட்டோகார்ப் நிறுவனம் தனது பிரீமியம் மோட்டார்சைக்கிள் மாடல்களை மாற்றியமைக்கும் பணிகளில் தீவிரமாக ஈடுபட்டு வருகிறது. சமீபத்தில் தான் ஹீரோ மோட்டோகார்ப் நிறுவனம் எக்ஸ்டிரீம் 160R 4V மாடலை அறிமுகம் செய்து இருந்தது.

இந்த மாலில் ஆயில் கூலிங், யுஎஸ்டி ஃபோர்க்குகள், ப்ளூடூத் கனெக்டிவிட்டி போன்ற அம்சங்கள் உள்ளன. இந்திய சந்தையில் புதிய எக்ஸ்டிரீம் 160R 4V மாடலின் விலை ரூ. 1 லட்சத்து 27 ஆயிரத்து 300 என்று துவங்குகிறது.

இதைத் தொடர்ந்து ஹீரோ மோட்டோகார்ப் நிறுவனம் கரிஸ்மா ஃபிளாக்ஷிப் மோட்டார்சைக்கிளை அறிமுகம் செய்ய இருக்கிறது. இந்த நிலையில், ஹீரோ நிறுவனம் மேக்சி ஸ்கூட்டர் மாடலை உருவாக்கி வருவது அம்பலமாகி இருக்கிறது. அதன்படி ஹீரோ மோட்டோகார்ப் நிறுவனம் முற்றிலும் புதிய மேக்சி ஸ்கூட்டரை காப்புரிமை செய்து இருப்பது தெரியவந்துள்ளது.

இதுதவிர புதிய மேக்சி ஸ்கூட்டர் பற்றிய விவரங்கள் எதுவும் வெளியாகவில்லை. தற்போது வரை ஹீரோ மோட்டோகார்ப் நிறுவனத்தின் மேஸ்ட்ரோ எட்ஜ் 125 ஸ்கூட்டர் ஃபிளாக்ஷிப் மாடலாக விற்பனை செய்யப்பட்டு வருகிறது. இதுதவிர ஜூம் 110 மாடலையும் ஹீரோ நிறுவனம் சமீபத்தில் அறிமுகம் செய்தது. இந்த மாடல் ஹீரோ நிறுவனத்தின் அதிகம் விற்பனையாகும் ஸ்கூட்டராக உருவெடுத்து இருக்கிறது.

தற்போது வெளியாகி இருக்கும் காப்புரிமை படங்களின் படி, ஹீரோவின் மேக்சி ஸ்கூட்டர் முற்றிலும் புதிய ஸ்விங் ஆர்ம் பொருத்தப்பட்ட சிங்கில் சிலிண்டர் என்ஜின் வழங்கப்படும் என்று தெரிகிறது. இந்த ஸ்விங் ஆர்மில் மோனோ ஷாக் சஸ்பென்ஷன் இடம்பெற்று இருக்கிறது. இந்த மாடலில் அதிகபட்சம் 163சிசி என்ஜின் வழங்கப்படும் என்று தெரிகிறது.

Photo Courtesy: Rushlane